Нема фотографија

ЕК без коментар за барањето азил на Груевски

Европската комисија одбива да го коментира барањето азил на поранешниот премиер Никола Груевски во Унгарија, и потсетува дека владеењето на правото е темелен европски принцип. „Владеењето на правото е темелен принцип на Европската унија за земјите членки исто како и за земјите кандидати. Очекуваме сите страни да се однесуваат строго во согласност со релевантните правила“, велат од Европската комисија додават дека ова е „судска процедура која не смее да се политизира“. Претходно Министерството за внатрешни работи објави дека е распишана меѓународна потреница по Груевски кој се бара заради извршување на казна затвор во траење од две години за сторено кривично дело – примање награда за противзаконито влијание. МВР соопшти дека по направените соодветни проверки, било утврдено дека Груевски се наоѓа во Унгарија.

Македонија | пред 7 години

Јанева: СЈО побара притвор за Груевски уште во 2016 година, до четвртокот немаше причина повторно да побараме

Специјалното јавно обвинителство (СЈО) побара притвор за Никола Груевски уште во февруари 2016 година кога некои други не можеа ни име да му споменат, а до минатиот четврток воопшто не одаваше некои настапи дека нема да се јави на суд за да најдеме причина плус зошто повторно би побарале да биде ставен во притвор, порача вечерва специјалната јавна обвинителка Катица Јанева.– Обвинетиот Груевски против кого се водат четири постапки до минатиот четврток, кога беше присутен во државата, воопшто не одаваше некои настапи дека  нема да се јави на суд за да најдеме причина плус зошто повторно би побарале да биде ставен во притвор. Се однесуваше како слободен граѓанин, си одеше на работа како пратеник во Собранието, се јавуваше на сите покани на рочиштата закажани по разни предмети каде што беше суден, така што ние сметавме дека нема потреба во овој момент да побараме построга мерка на обезбедување. Во иднина сметавме дека со новите истраги кои ќе ги отвораме против сега осудениот, обвинетиот и осомничен дека ќе побараме повторно Судот да ја преиспита одлуката во однос на неговото присуство, рече Јанева во вечерашното издание на  емисијата „Правда неправда“ на 1ТВ.Таа нагласи дека првпат СЈО побарало притвор за поранешниот премиер на 12 февруари 2016 година, а потоа и на 30 јули 2017 година.-Согласно дотогашната и сегашната пракса на Судот за висококоруптивни случаи, СЈО побара притвор за Груевски уште на 12 февруари 2016 година кога ја отвори првата истрага „Титаник“ за изборните нерегуларности. Од страна  Основниот суд Скопје 1 беше одбиено нашето барање, ние поднесовме жалба која  исто така беше одбиена, а немаше ни определено заштитни мерки. Потоа со подигањето на обвиненијата меѓу кои и за Никола Груевски за „Титаник“ на 30 јули 2017 година повторно побарвме притвор и за него од страна на Кривичниот совет беа определени мерки за претпазливост, односно јавување на обвинетиот еднаш неделно во Судот во Скопје и одземање на пасошот, појасни Јанева.Посочи дека институциите не треба да си ја префрлаат вината едни на други за бегството на Груевски од државата и додаде дека се искористени сите моменти и предлози пред Судот за тој да биде во притвор. Нагласи дека по бегството ќе побараат раздвојување за сите други постапки кои се водат против него и додаде дека ќе го судат во отстуство.-Се надевам дека брзо по дипломатски пат Груевски ќе биде вратен назад.  Вечерва е издадена меѓународна потерница и очекувам да биде екстрадиран во најбрз можен рок, потенцира Јанева.

Македонија | пред 7 години

Денеска рочиште за „Титаник“, без Груевски

Во Кривичниот суд во Скопје за денеска е закажано ново рочиште за случајот „Титаник" на Специјалното јавно обвинителство, каде меѓу обвинетите е и поранешниот премиер Никола Груевски, кој е во бегство во Унгарија каде што побарал политички азил.Одржувањето на денешното рочиште е неизвесно бидејќи Груевски неколку дена е недостапен за полицијата, а од понеделникот попладне тој се бара и со потерница заради издржување двегодишна затворска казна за случајот „Тенк“.Во „Титаник“ за злосторничко здружување и изборни нерегуларности освен поранешниот премиер Никола Груевски, обвинети се повеќе лица, меѓу кои и екс министрите Миле Јанакиески и Гордана Јанкулоска.Случајот се наоѓа во доказна постапка и на минатото рочиште беа преслушани околу 70-тина аудио снимки предложени од Обвинителството. За случајот „Титаник“ СЈО има предложено над илјада бомби, а на досегашните рочишта преслушани се нешто повеќе од 800 разговори.

Македонија | пред 7 години

Шилегов на средби со градоначалниците на Подгорица и Пловдив

Градоначалникот Шилегов вчеравечер во ресторанот на „Парк хотел и спа“ имаше работна вечера со делегација од збратимениот град Подгорица, Црна Гора, предводена од градоначалникот Иван Вуковиќ. Двајцата градоначалници разговараа за досегашната соработка меѓу двата збратимени града и за можноста за продлабочување на таа соработка во повеќе области од урбаното живеење. Денеска, пак, градоначалникот Шилегов се сретна со градоначалникот на Пловдив, Бугарија, Иван Тотев. На средбата се разговараше за интересот на Град Скопје да се кандидира за Европска престолнина на културата во 2028 година и за искуствата и соработката со Градот Пловдив кој е Европска престолнина на културата 2019 година.  Делегациите од Подгорица и од Пловдив присуствува на денешното чествување на Денот на ослободувањето на Скопје – 13 Ноември и положија цвеќиња пред Споменикот на ослободителите. Вечер, делегациите од двата града ќе присуствуваат на доделувањето на наградите „13 Ноември“ и на концертот на Македонската филхармонија, што се организира по повод одбележувањето на Денот на ослободувањето на Скопје. Градот Скопје и Градот Подгорица се збратимени од 2008 година и годинава одбележуваат 10 години од збратимувањето. Двата града негуваат плодна соработка и разменуваат позитивни искуства, особено за прашања од комуналната сфера и урбаните проблеми. 

Скопје | пред 7 години

Јанакиески: Најостро го осудувам бегството на Никола Груевски

Поранешниот министер за транспорт и врски Миле Јанакиески за ТВ 21 изјавил дека најостро го осудува бегството на Никола Груевски.– Најостро го осудувам ваквиот чин, бидејќи ќе влијае негативно на судските предмети во целост, а посебно во оние предмети каде сме заедно обвинети – изјави Јанакиески.Тој додава дека не планира да бега од Македонија и дека моментално е во Скопје, најави и појавување на утрешното судско рочиште за предметот „Титаник“.Тој бара од медиумите да информираат објективно и повика да се престане лицитирањето за идни притвори и притисок врз судот.

Македонија | пред 7 години

Нема фотографија

МВР: Груевски е во Будимпешта и побарал азил

МВР вечерва потврди дека поранешниот премиер Никола Груевски е во Будимпешта. Груевски попладнево на Фејсбук објави дека е во Будимпешта и дека ќе бара политички азил.– По направените соодветни проверки, Министерството за внатрешни работи утврди дека лицето Никола Груевски, кое се бара заради извршување на казна затвор во траење од две години за сторено кривично дело- примање награда за противзаконито влијание, се наоѓа во Република Унгарија. Министерството за внатрешни работи на Република Македонија доби и потврда од унгарското министерство дека Никола Груевски е во Република Унгарија и дека побарал азил. Министерството за внатрешни работи го информира Основниот суд Скопје 1, по што Судот треба да издаде решение за распишување на меѓународна потерница за осуденото лице Никола Груевски, соопшти МВР.

Македонија | пред 7 години

Урко ја доби наградата 13-ти Ноември заслуги во спортот

Кик бокс тренерот , поранешен ултимет фајтер и бивш телохранител на Никола Груевски Дејан Митровски – Урко ја доби наградата 13-ти Ноември за особени заслуги во развојот и унапредувањето на спортот во град Скопје. Наградата 13-ти Ноември ја доделува Сојузот на спортови на Скопје.[caption id="attachment_7859" align="alignnone" width="696"] CREATOR: gd-jpeg v1.0 (using IJG JPEG v80), quality = 82[/caption]Урко е популарен на Фејсбук и  Инстаграм каде последните години објавува фотографии од неговите тренинзи, додека во минатото повеќе се промовираше како секс симбол, објавувајќи речиси голи фотки.Покрај него, на листата на наградени се наоѓаат најзаслужните спортисти, тренери, екипи и спортски работници, односно наградата за спортист ја доби кик боксерот Бобан Илиоски, спортски судија – Зоран Поповски, машката ракометна екипа на Вардар, спортските работници Никола Тасев, Перица Крстевски и Гордана Николовска, награда за спортски новинар за новинарот на Нова Македонија, Ласте Димитриевски, најуспешен професор по физичко и здраствено образование за Мартин Мартиновски, награда за животно дело за Кочо Димитровски, Борче Брсаковски и Венцислав Недев, и посебно признание за директорот на Агенцијата за млади и спорт, Дарко Каевски. 

Скопје | пред 7 години

Груевски целосно го потврди ексклузивитетот на Скопје1.мк

Постот на Никола Груевски со кој тој на својот официјален Фејсбук потврди дека е напуштил Македонија и се наоѓа во Будимпешта целосно го потврди ексклузивитетот и информациите кои од петокот ги објавуваше Скопје1.мк , а со кои единствени во Македонија први тврдевме дека Никола Груевски побегнал од земјава за да не оди во затвор.Скопје1.мк прв ојбави и дека Сашо Мијалков со акламација е исклучен од ВМРО ДПНЕ, а за нецели два месеци постоење, Скопје1.мк полека но сигурно станува медиум кој предвреме ги знае и објавува нај ексклузивните вести.Груевски се јави од Будимпешта каде побарал азил 

Македонија | пред 7 години

Груевски се јави од Будимпешта каде побарал азил

Никола Груевски се јави со пост на неговата официјална Фејсбук страна и целосно го потврди ексклузивитетот на Скопје1.мк кој уште петокот јави дека Груевски не е повеќе во Македонија.„Во последните неколку денови примив безброј закани по мојот живот.Јас сум во Будимпешта сега, и побарав политички азил од Унгарските власти.Секогаш ќе останам верен на каузата на Македонија. Никогаш нема да отстапам“, пишува на Фесјбук, Никола Груевски.https://www.facebook.com/NGruevski/posts/10156942186402716?__xts__[0]=68.ARALB6b6c6SOaJ87d7L6MPxdDDb1ttrI7CZwUqn5dl0lUIPS_o9Jjp9UjceJycbw_JdOMKq88OlRGN4kS5UFtUzTdjzMP3wO4Z6q66HuFJ2rMKvr3N62P_vkTjzMw5wThXS2pVDZd8RsVekWv7tYzkxGo2Aezh_NE17IJeu7lv4W8kJTaM_Df11vhgRRz_5XUiSErAN1m_UiUPZ6C3LUZ4JZUNT2Wvh1EHa0pnOGdcO_EGnzZa5MyPjCTkIkXFwqpz-O404RPEIG4qOS_tJwukbSwSI6o43xgH-RtSFQyNj0ftJzkqv2CaAYYyYQiVXqvAbaJY7uOOGAPw&__tn__=-R 

пред 7 години

Заев: Да не се оди на парламентарни избори, да се даде шанса на економијата

Идната, 2019 година да ја прогласиме за економска, како што оваа, 2018-та беше година на интеграциите. Парламентарните избори да се вратат на нормален колосек и да бидат редовни, а не да се одржуваат пред време, рече премиерот Зоран Заев на денешната втора буџетска конференција во Стопанската комора на Македонија.Заев напомена дека одржувањето предвремени парламентарни избори е погубно за економијата, ја отежнува работата на бизнисот, го прави непредвидлив и го оневозможува неговото планирање.Крупните политички чекори, потенцира премиерот, мора да се направат ако сакаме раст и развој на државата.„Да не се оди на избори, туку да се даде шанса на економијата. Знаеме како предвремените парламентарни избори влијаат врз бизнисот особено ако се одржуваат паралелно со други избори како што ќе бидат догодина претседателските. Предвремените парламентарни избори ја умртвуваат економијата за четири до шест месеци. Парламентарните избори да бидат редовни за да му се овозможи на бизнисот да прави планови и предвидливи чекори“, истакна Заев.Претходно претседателот на Стопанската комора Бранко Азески исто така изрази уверување дека 2019 ќе биде прогласена за економска година.„Ние сме за развоен буџет, иако тоа е тешка работа. Ќе направиме се што можеме за 2019 да биде година на економијата“, рече Азески.Буџетската конференција почна со излагањето на министерот за финансии Драган Тевдовски кој пред стопанствениците ги повтори проекциите на Предлог-буџетот за 2019 година.

Македонија | пред 7 години

На Груевски му се губи трагата во четвртокот вечерта

МВР и натаму трага по бегалецот Никола Груевски по кого од вчера е распишана национална потерница. Полицијата, по известувањето од Судот дека е недостапен, го бараше Груевски во неговиот дом, но и околу партиското седиште на ВМРО ДПМНЕ, но не го најде, пишува Нова ТВ.Министерот за внатрешни работи Оливер Спасовски денеска одговрајќи на новинарско прашање за одговорноста за евентуалното бегство на Груевски кажа дека вината треба да се бара кај оние кои не одредуваат притвор.„Јас размислувам во однос на одговорноста на оние кои не одредуваат притвор за лица кои имаат можност да избегат од државата, што им дозволуваат да се шетаат и да ги обавуваат сите можни работи и кога ќе се донесе пресудата не се во притвор иако имаат десетици кривични дела и кривични пријави. Замислете има притвор за разбојништво и тешка кражба, а за вакви кривични дела не се одредува мерката притвор“, кажа министерот за полиција Спасовски.Телохранителите на осудениот пратеник и експремиер Никола Груевски, последен пат се виделе со него во четвртокот навечер. Според нивните изјави тие вечерта во четвртокот околу 23 часот го оставиле дома. Од тогаш, Груевски не ги повикал.Груевски имаше упатен акт да се јави на издржување на затворската казна во Шутка, во четвртокот на 8 ноември, пишува Нова ТВ.Тој претходниот ден, на 7 ноември се појави на Комисијата за уставни прашања во Собранието, но по еден час го напушти Собранието и од тогаш не се појавил во Законодавниот дом. Ова практично е последното појавување на Груевски во јавноста кој до тогаш редовно доаѓаше и на судските рочишта, а одвреме навреме се појавуваше и во Собранието.Издржувањето на затворската казна на Груевски му беше одложено затоа што се пролонгираше рокот во кој тој можеше да поднесе жалба до Кривичниот совет, пред да оди во затвор.Имено, судијата за извршување санкции во петокот на 2 ноември донесе решение со кое се одби молбата на Груевски за одложување на затворската казна, но оваа одлука која на неговите адвокати им беше доставена истиот ден, Груевски ја доби дури во понеделникот кога се појави во Судот. Со ова, тој доби дополнителни денови за да ја достави жалбата до Кривичниот совет. Советот одлучуваше во петокот и му ја одби жалбата, но тогаш веќе Груевски го немаше.Судскиот курир неколкупати во петокот се обидe да му го достави решението на Кривичниот совет, но не го наjде дома. За време на викендот, никој не се обиде да го најде Груевски – се чекаше тој самиот да се пријави во затворот во Шутка или да дојде во понеделник во Судот да го прими решението за издржувањето на затворската казна.Судски извори за НОВА потврдија дека Груевски не се појавил во петокот ниту во Судот, но и немал таква обврска. Според мерките за претпазливост што му биле одредени, тој требало секој прв петок во месецот да се пријавува во Судот и тоа го правел редовно. На Груевски му беше одземен и пасошот, пишува Нова ТВ.Од таму исто така објаснуваат дека мерките за претпазливост што му ги одредил Судот, биле потврдени и од Апелација.СЈО бараше притвор за Груевски, уште во јуни лани, но најпрво Судот, а потоа и Апелција го одбија барањето за притвор и му одредија мерки за претпазливост. Судот не донесе одлука за притвор за ниту еден обвинет од поранешното раководство на ВМРО ДПМНЕ за кое СЈО бараше притвор.Дали за Груевски ќе биде распишана меѓународна потерница, треба да одлучи Судот, во координација со МВР. Меѓународна потерница се распишува ако е веројатно дека лицето избегало во странство.До тогаш ликот на Груевски ќе остане на интернет сајтот на МВР за потраги.Екс премиерот, покрај во случајот „Тенк“ во кој е осуден со правосилна пресуда на казна затвор од две години, обвинет е и во уште неколку случаи отворени од СЈО: Насилство во Центар, Титаник, ТНТ и Траекторија.

Македонија | пред 7 години

Нема фотографија

Мијалков не знае каде е Груевски

Поранешниот директор на УБК и доскорешен висок функционер на ВМРО-ДПМНЕ, Сашо Мијалков, на влегување во Кривичниот суд во Скопје изјави дека не знае каде во моментов се наоѓа неговиот братучед и Никола Груевски.„Не знам“ кусо одговори Мијалков на влегување во зградата на Кривичниот суд, запрашан од новинарите за тоа дали знае каде е Груевски.На Мијалков денеска му се суди на ново рочиште за предметот на СЈО „Титаник 2“, каде заедно со претседателот на ДПА, Мендух Тачи, и членови на ДИК обвинети за злоупотреба на службената положба за време на локалните избори во 2013-та.Освен „Титаник 2“, во кривичниот суд има рочишта и за „Титаник 3“ и „Тарифа“.

Македонија | пред 7 години

Спасовски: МВР нема вина за Груевски, одговорноста е кај судиите

Министерот за внатрешни работи, Оливер Спасовски не размислува за оставка откако полицијата направи неколку безуспешни обиди да го пронајде осудениот екс-премиер Груевски. Спасовски вината што Груевски стана недостапен за органите на прогонот ја гледа кај судската власт.„Одговорноста барајте ја кај судиите кои не одредиле мерка притвор за човек кој е осомничен за повеќе кривични дела“, рече Спасовски додавајќи дека полицијата работи врз основа на судските наредби.

Македонија | пред 7 години

Нема фотографија

Вељаноски за „27 април": Бидете на штрек, не дозволувајте да седнат на моето место

Со изведување смс и вибер пораки меѓу обвинетите на „крвавиот четврток" денеска во Кривичниот суд во Скопје продолжува судењето за случувањата во Собранието на Република Макеоднија на 27 април минатата година.Прво е вештачењето на мобилниот телефон на тогашниот собраниски спикер Трајко Вељановски, кое се однесува на смс и вибер комуникацијата во периодот февруари – мај 2017 година.Во судница се присутни сите 32 обвинети, освен обвинетиот Сашко Марковски за кого постапката беше одвоена.Судскиот процес го води судијката Добрила Кацарска, а застапници на обвинението се Вилма Русковска и Ивана Трајчевска.Обвинителката Русковска на почетокот посочи дека вештачењата се преобемни и содржат и приватни пораки, поради што им доставиле испечатени примероци.– На 27 април во 17:48 Трајко Вељаноски испраќа смс порака до Горан Ѓошевски со содржина „бидете на штрек". Ѓошевски во 17:49 испраќа смс порака со содржина „да” и подоцна уште една „сите знаат и од МВР”. Во 18:04 Вељановски му праќа порака „кажи им да влезат двајца внатре и да не им дозволат да седнат на моето место”, прочита дел од вештачењето обвинителката Русковска.Од вибер комуникацијата на телефонот на Вељаноски, продолжи Русковска, може да се види дека тој добива порака од пратеникот Димитар Стевананџија со содржина „како е работата”, по што испраќа одговор „Се спремаме. Тврдокорни. Чекате насоки. Важно спремни”.Подоцна истиот ден Стевананџија испраќа пораки „мора да има кредибилен лидер” и „и критична маса од ск”.– Вељаноски на 25 февруари на Никола Груевски му испраќа порака со содржина „јас пак мислам подобро митингот да се одржи во сабота, ќе има повеќе време за подоготовка, нема да врни и до тогаш се повеќе ќе се наектрелизира Македонецот”.Вељаноски испраќа смс до Гордана Јанкуловска на 27 февруари во 19:47 со содржина „добар беше собирот денес” и таа му враќа „да, супер изгледаше”. Вељановски на 2 март испраќа порака на Сања Угриновска „сакам да му се јавам на Чавков да ги повлече сите", на што таа му враќа „не ве разбирам, овие што заминаа". Подоцна, истиот ден, Вељановски и пишува „сите, и тие што заминале", на што таа му враќа „па јас не би ги враќала".За случајот „27 април" обвинети се уште 32 лица, од кои 31 за терористичко загрозување на уставниот поредок на државата и двајца за поттикнување. На обвинителната клупа се Љубен Арнаудов, Сашо Василевски, Крсто Мукоски, Љупчо Димовски, Јохан Тарчуловски, Митко Чавков, Митко

пред 7 години

Апасиев: (Северна) Македонија ќе треба да му исплати оштета на Грујо

Професорот Димитар Апасиев, за нефер судењето и нелегално апсење на поранешниот премиер и лидер на ВМРО-ДПМНЕ, Никола Груевски, вели дека (Северна) Македонија ќе треба да му исплати оштета на Груевски.„Од целава калакурница, најјако ќе биде кога тужената странка пред Европскиот суд за човекови права во Стразбур – Република (Северна) Македонија, дополнително ќе треба да му исплати и ОШТЕТА на Грујо за нефер судење и нелегално апсење без одземен имунитет!“

Коментари | пред 7 години

Нема фотографија

ОН: нова војна во Газа ќе биде голема трагедија

Обединетите нации, ЕУ и Русија ги повикаа Израелците и Палестинците да и стават крај на ескалацијата на насилството во последните 24 часа. „Нова војна во Газа би била неверојатна трагедија. Мораме да ја избегнеме по секоја цена“, изјави генералниот секретар на ОН Антонио Гутереш. Во меѓувреме, специјалниот координатор на ОН за блискоисточниот мировен процес Николај Младенов и Египет се обидуваат да ја смират ситуацијата. Палестински екстремисти вчера истрелале околу 300 ракети и минофрлачки проектили врз Израел по претходниот упад на израелските сили во појасот Газа во кој загинаа седум припадници на Хамас и еден израелски потполковник.

Свет | пред 7 години

АИ и ја одзеде наградата на Аунг Сан Су Чи

Организацијата за заштита на човековите права „Амнести интернешенел“ (АИ) ја повлече наградата доделена на лидерката на Мјанмар, Аунг Сан Су Чи поради „срамното предавство на вредностите за кои некогаш се залагала“.АИ денеска сооптши дека нејзиниот генерален секретар Куми Наидо ја известил Су Чи дека организацијата ја повлекува наградата „Амбасадор на совеста“, која и беше доделена во 2009 година.Наидо наведе дека АИ очекуваше од Су Чи да го употреби својот „морален авторитет и да истапи против каква било неправда“ на која е сведок, посебно во Мјанмар.АИ ја критикуваше Су Чи и нејзината влада дека не презеле ништо по повод насилството на мјанмарската армија над муслиманскиот народ Рохинџи.

Свет | пред 7 години

Курти: Тачи може да разговара со Путин само за политички азил во Русија

Лидерот на Движењето Самоопределување Албин Курти му порача на претседателот на Косово Хашим Тачи дека со неговиот руски колега Владимир Путин може да договара само за да добие политички азил во Русија, јави дописникот на МИА од Приштина.– По многуте отстапки што ги направи кон српскиот претседател, Александар Вучиќ, Тачи се слика со Путин. Тој може да се договара со него само за неговото лично барање за политички азил во Русија, напиша Курти на својата страница на Фејсбук.Косовскиот претседател Тачи истакна дека во Париз се сретнал со претседателот на Русија Путин, од кого добил поддршка за преговорите меѓу Косово и Србија за постигнување конечен договор за помирување меѓу двете земји.Тачи на неговата страница на Фејсбук објави и слики од неговата средба со Путин, реализирана завчера во рамки на церемонијата за одбележувањето на 100-годишнината од завршувањето на Првата светска војна.

Свет | пред 7 години

Нема фотографија

Втора годишна конференција на Стопанската комора на Македонија

Во пресрет на донесувањето на буџетот на Република Македонија за 2019 година, Стопанската комора на Македонија ја продолжува практиката за запознавање на стопанствениците со предвидувањата за макроекономската политика за наредната година.По тој повод, Стопанската комора на Македонија денеска ја организира Втората годишна конференција, на која министерот за финансии Драган Тевдовски, со претставници од Министерството за финансии ќе ги презентираат проекциите во Буџетот на Република Македонија за 2019 година и планираните макроекономски остварувања.На Конференцијата ќе присуствува и претседателот на Владата на Република Македонија, Зоран Заев.

Македонија | пред 7 години

Донесени законските измени за трет анекс на Договорот за автопатот Кичево - Охрид

Собранието на Република Македонија во попладневниот дел од денешната работа по дневниот ред на 65. седница едногласно со 55 гласови „за" го донесе Законот за изменување и дополнување на Законот за реализација на инфраструктурни проекти за изградба на патна делница Миладиновци – Штип и патна делница Кичево – Охрид, по скратена постапка.Со законските измени ќе се овозможи склучување трет анекс на Договорот за изградба на автопатот Кичево – Охрид заради потребата од дополнителен заем од 187 милиони евра за непредвидени градежни работи од основниот проект и дополнителни градежни работи што се нужни и неопходни за целосно и квалитетно завршување на проектот.Министерот за транспорт и врски Горан Сугарески посочи дека во наредниот период ќе бидат надминати сите проблеми кои ги има автопатот Кичево – Охрид, а дел, како што рече, веќе се надминати. Тој се заблагодари на опозицијата за најавата дека ќе го поддржат третиот анекс на Договорот.„Можеби беше потребен малку подолг временски период, но проблемите беа големи, а проектот комплетно промашен. Во основниот проект кој е правен за автопатот Кичево – Охрид клучки не се предвидени. Кога го видела тоа од претходната влада распишан е тендер за проектирање на клучките. Проектирани се осум клучки и една што е постоечка, а за изведбата согласно фидинг-црвената книга не смее да има тендери, бидејќи на трасата мора да продолжи да работи изведувачот што е избран“, појасни  Сугарески.Хари Локвенец од СДСМ рече дека одлуката за проектирање на клучките е донесена во 2014 година и за тоа на изведувачот „Чакар партнерс“ му се платени 40 милиони денари. Проектот за автопатот го оцени како криминален и рече дека изградбата ќе чини речиси 11 милиони евра по километар.„Оваа влада заштеди 95 милиони евра. Преоктот за доработка по цените со кој првично е договарана изградбата на автопатот во износ од 411 милиони евра би чинел 282 милиони евра, а сега ќе чини 187 милиони евра“, рече Локвенец.Во реплика Илија Димовски од ВМРО-ДПМНЕ посочи дека цената на чинење на проектот од 411 се зголемува на 600 милиони евра, а осумте клучки и паралелниот пат не се дел од договорот со Синохидро. Додавањето на клучките е одлука на влада, но не било прецизирано кој да ги гради.„Ако одеше овој проект со осумте клучки и паралелниот пат од Арбиново до Врбјани преку Претпријатието за државни патишта ќе беше објавен тендер. Предвидено беше да се градат со пари од Буџетот, а не со кинескиот кредит. Сега ќе се градат без тендерирање, а чинат најмалку 25 милиони евра една“, рече Димовски.Владимир Ѓорчев од ВМРО-ДПМНЕ обвини за непринципиелност и додаде дека кога министерот за транспорт беше координатор на пратеничката група на СДСМ во Собранието велеше дека изградбата на автопатот од Кичево до Охрид од 400 милиони евра е прескапа, а сега бара уште нови 200 милиони и плус уште три години да се гради.„Ќе потрошите дополнителни 200 милиони евра без тендер, а ни велите дека ќе заштедите 150 милиони евра. Ако сте сигурни во себе што не отидовте на арбитража и да ги добиевте Кинезите и да кажевте дека проектот е комплетно промашен. Зошто година и пол ви стоеа патиштата и се пролонгираше изградбата. Во меѓувреме работниците заминаа во странство“, рече Ѓорчев и праша зошто сега анексот оди по итна постапка.Во реплика министерот Сугарески му рече дека само во две ставки сегашната власт договорила разлика од 40 милиони евра помалку.„Разликата меѓу старата и новата влада е 35 отсто. Кога е СДСМ на власт цената е 35 проценти пониска. Ако одевме на арбитража сигурно ќе изгубевме, бидејќи вашата власт создаде таква состојба“, рече Сугарески.Собранието без расправа со 62 глас „за“ и еден „против“’ го усвои и Законот за изменување на Изборниот законик, по скратена постапка, поднесен од пратениците Томмислав Тунтев, Ејуп Алими, Никола Мицевски и Неџбедин Каремани. 

Македонија | пред 7 години

Нема фотографија

Сончево со температури до 21 степен

Времето во Македонија ќе биде сончево. По одделни котлини ќе има услови за појава на магла. Ќе дува ветер од источен правец.Утринската температура ќе се движи од минус пет до два Целзиусови степени, а дневната од 13 до 21 степен.Во Скопје сончево, со слаб ветер од источен правец. Дневната температура ќе достигне до 17 степени.Од утре ќе дува умерен повремено засилен северен ветер што ќе придонесе за расчистување на воздухот по котлините и ќе услови позначително опаѓање на дневната температура.

Македонија | пред 7 години

Нема фотографија

Нови рочишта за „Титаник 2“, „Титаник 3“ и „Тарифа“

Во Кривичниот суд за денеска закажани се нови рочишта за предметите на Специјалното јавно обвинителство „Титаник 2“, „Титаник 3“ и „Тарифа“.Судијата Огнен Ставрев на последното рочиште за „Титаник 2“  најави дека денеска ќе бидат разгледани новите докази што ги достави обвинетиот Бедредин Ибраими во случајот „Титаник 2“, а кои се однесуваат на исказите што ги дал во ОЈО кога предметот бил во тоа обвинителство.Во „Титаник 2“ обвинети се лидерот на ДПА, Мендух Тачи, поранешниот директор на УБК, Сашо Мијалков, како и поранешните членови на ДИК, Бедредин Ибраими, Анета Стефановска, Влатко Сајковски и Сашо Срцев.Поради службено отстуство на претседателот на судечкиот совет Оља Ристова, минатото рочиште за предметот „Титаник 3″ на СЈО беше одложено за денеска. Во предметот се обвинети пратеникот на ДУИ Ејуп Алими и Исмет Гури за изборни нерегуларности во Општина Чаир.На обвинителна клупа  денеска треба да седнат и поранешниот генерален директор на АД „ЕЛЕМ“  Дејан Бошковски и уште две други лица, кои се обвинети  во случајот „Тарифа“ на СЈО.Во овој предмет станува збор за обвинение за противзаконска набавка на софтверски систем за потребите на државната компанија „Електрани на Македонија“ вреден околу четири милиони евра.

Македонија | пред 7 години

Нема фотографија

Груевски и натаму недостапен за органите на прогонот

Поранешниот премиер Никола Груевски и натаму е недостапен за полицијата која трага по него за да го спроведе на издржување на двегодишната затворска казна за случајот „Тенк“.Засега нема информации дали МВР го лицирало Груевски. Од МВР велат дека полицијата продолжува да постапува по распишаната потерница и дека ќе ја информираат јавноста штом ќе имаат конкретни сознанија.Полицијата синоќа во наврата се обиде да го најде Груевски во неговиот дом, но без успех. Полциски екипи беа и кај седиштето на ВМРО-ДПМНЕ.Адвокатот на Груевски, Димитар Дангов вчера изјави дека нема сознание каде се наоѓа неговиот клиент. Тој вели дека Груевски нема право на жалба до Врховен суд за одлуката од Кривичен. Сепак, додаде, дека ќе се искористат сите останати правни можности.Во меѓувреме, премиерот Зоран Заев синоќа изјави дека не очекува поранешниот премиер Никола Груевски, кој се бара со потерница, да си дозволи да бега.– Јас очекувам дека нема да си дозволи да се трага по него. Tој велеше дека нема да си дозволи такво нешто, барем такви се моите сознанија од кажаното од Никола Груевски, рече Заев на вечерашното гостување на МТВ. Додаде дека за акцијата нема сознанија, и за повеќе информации упати на МВР.Од ВМРО-ДПМНЕ, пак, обвинија дека против нивниот поранешен лидер и почесен претседател се води хајка и полтички прогон.Лидерот на партијата Христијан Мицкоски на Фејсбук напиша дека “ова не е само напад врз ВМРО-ДПМНЕ, ова е напад врз слободата, врз главната опозициска сила, врз критичката мисла, каква не познава модерна Европа и пошироко во Светот“.– Зарем лицето по кого со години водите политичка хајка, фрлате со дрва и камења и кого го третирате за државен непријател сакате да кажете дека не знаете каде се наоѓа? Како кога до вчера, исто како него, сите нас не следите, се заканувате, претите, наведува Мицкоски.Генералниот секретар на ВМРО-ДПМНЕ Игор Јанушев најави дека партијата ќе ги преземе сите правни, демократски и сите неопходни средства за, како што рече, да застане на патот на злоупотребата на институциите и обидот за замолчување на опозицијата.– Доколку полицијата поседува налог и навистина се сомнева дека Никола Груевски е во штабот може слободно да дојде и со нас да провери. Ова е политички прогон, ништо повеќе, ништо помалку, кажа Јанушев.Потерницата од МВР беше распишана на барање на Кривичниот суд, откако Груевски не се пријави во затворот во предвидениот рок. Судот вчера попладне во 16.30 часот го достави до СВР Скопје барањето за издавање потерница против Груевски, откако изминативе денови судските курири не успеаја да му го достават решението на Советот на судот со кое се одбива неговата жалба во однос на двегодишната затворска казна за  „Тенк“.

Македонија | пред 7 години

Полека но сигурно се враќа сјајот на „Охридско Лето“

Фестивалот „Охридско Лето“ кој годинава го имаш своето убедливо најслабо издание, сега со новата диркеторка Наташа Поповиќ полека но сигурно го враќа својот сјај.Минатиот викенд во црквата „Света Софија“ во Охрид со специјално одбрана програма на дела од Бах, Доплер, Алиабиев, Згралиа, Мартин, Прокофјев, Рахмањинов и Кларк, младите виртуози од светот на класичната музика донесоа шарм, свежина, елеганција и виртуозност и ја воодушевија публиката што го следеше концертот.Овој концерт на двајцата руски музичари во рамките на „Охридско лето“ се одржа надвор од стандарниот фестивалски термин, од 12 јули  до 20 август, но како што најави директорката на фестивалот, Нашата Поповиќ, тенденцијата е, да се збогати културната понуда на градот и државата, не само во лето, туку и во текот на целата година.-Многу сум среќна што по подолго време „Охридско лето“ ќе функционира преку целата година. Сметам дека со тоа ќе се подобри и самиот фестивал, а од друга страна ќе се подигне и нивото на културата во градот и државата. Ќе настојувам, надвор од стандардниот фестивалски термин, секогаш да доаѓаат големи имиња со цел да се афирмира фестивалот многу пошироко. Инаку задоволството од концертот на Синчук и Науменко е огромно и не може да се изрази со зборови бидејќи овие млади уметници ни ги доловија сите бои и сите чувства што постојат и што можат да се искажат. Навистина се врвни уметници и пред нив претстои огромна кариера, изјави директорката на фестивалот „Охридско лето“, Наташа Поповиќ.Концертот имаше хуманитарен предзнак, а средствата што се собраа ќе бидат наменети за лекувањето на 15-годишната охриѓанка Сара Настеска.ПОВРЗАНИ ВЕСТИ:ФИЈАСКО - Охридско Лето затворено пред празен Антички театарОхридско Лето отворено со полупразен Антички ТеатарРАДОСТИ ПРЕД ПРАЗНИЦИТЕ - ДЕДО МРАЗ го посети ОХРИДСКО ЛЕТО

Македонија | пред 7 години

Јанушев им се извини на новинарите оти ВМРО-ДПМНЕ ги нарече загари на Заев

Игор Јанушев им се извини на новинарите, во името на партијата, за тоа што претходно беа наречени – загари.Ваквото јавно извинување на Генералниот секретар на ВМРО ДПМНЕ уследи од како неговата партија во официјално соопштение испратено до медиумите, новинарите кои објавуваа вести поврзани со бегството на Никола Груевски ги нарече „загари на Зоран Заев и Оливер Спасовски“.Ваквото соопштение во медиумите беше пречекано со чудење и предизвика револт.Скопје1.мк уште во петокот прв објави дека Никола Груевски е недостапен и не се пријави во затворот во Шутка, а вчера повторно објавивме дека ја напуиштил земјата. 

Македонија | пред 7 години