Нема фотографија

Британската влада го прифати нацрт договорот за Брегзитот

Британската премиерка Тереза Меј изјави дека нејзината влада решила да го поддржи предложениот нацрт предлог за Брегзитот. Најавувајќи дека денеска ќе му се обрати на британскиот парламент, Меј оцени дека оваа одлука е од национален интерес и го исполнува ветувањето поврзано со референдумот за излегување на Британија од Европската унија. Веднаш потоа Семи Вилсон, претставник на северноирската Партија на демократски унионисти која и дава поддршка на владата на Меј изјави дека станува збор за „јаден и лош договор“.

Свет | пред 7 години

Нема фотографија

Белата куќа одговори со допис на тужбата на Си-Ен-Ен

Белата куќа одговори со допис на тужбата на Си- н-Ен против администрацијата на Доналд Трамп, велејќи дека новинарот нема уставно право на пристап до канцеларијата на претседателот на САД.Во дописот се наведува дека претседателот и неговиот персонал имаат „апсолутно дискрециско право”, во поглед на пристапот на новинарите и интервјуата.Дописот беше испратен истиот ден кога многу други медиумски организации, меѓу кои и Фокс Њуз, ја објавија својата поддршка за Си-Ен-Ен.На известувачот на Си-Ен-Ен Џим Акоста му е одземена акредитацијата по бурна вербална комуникација со претседателот Трамп.Светот го обиколи снимката на која Трамп му вели  на Акоста „невоспитани сте и грда личност”, бидејќи тој продолжи да поставува прашања и не и го враќаше микрофонот на младата приправничка во Белата куќа.Потоа, Белата куќа му ја одзеде акредитација на новинарот, што ќе остане „во сила на неодредено време“, но објасни дека со оваа мерка Акоста бил казнет за упорните прашања, но и поради несоодветно однесување кон приправничката.Си-Ен-Ен поднесе тужба против претседателот и неколку негови соработници. Рочиштето беше во Вашингтон вчера попладне по американско време.Спротивно на тужбата на Си-Ен-Ен, во дописот се тврди дека „ниту еден новинар нема право според Првиот амандман да влезе во Белата куќа”.Исто така, се наведува дека Акоста истиот ден, а подоцна и писмено добил известување за причината за забраната и се истакнува дека пристап му е забранет поради тоа што „ги прекршил новинарските правила.” 

Свет | пред 7 години

Побегнатиот македонски премиер-тест за Виктор Орбан и европската заедничка политика

Српската Тв Н1, вечерва во ударниот термин на Тв Дневникот емитуваше прилог за случајот со побегнатиот поранешен премиер и лидер на ВМРО-ДПМНЕ  Никола Груевки, ставајќи го акцентот на унгарските власти, кои според оваа телевизија засега купуваат само време со неспоменувањето на името на Никола Груевски.-Потенцијалната екстрадиција на Груевски, ќе биде тест за унгарскиот премиер Виктор Орбан, кој често е нарекуван како про-руски елемент во Европската унија, кој не држи многу за единствената европска политика. Унгарските медиуми, под контрола на властите од почетокот на аферата, го опишуваат Груевски како жртва на Џорџ Сорос, што аналитичарите го толкуваат како сигнал за одлуката што ќе биде донесена, наведува Тв Н1, повикувајќи се и на изјавата на унгарскиот новинар Габор Бодис.– Јас мислам дека овој избор веќе е направен, само што не е јавен. Мислам дека Груевски ќе добие азил, без оглед на обврските што ги има Виктор Орбан кон сојузниците во НАТО и во ЕУ, вели тој.Таквата одлука унгарските власти тешко може да ја оправдаат пред своите граѓани. – Унгарија е опкружена со бодликава жица од сите страни, а законите за миграција се многу строги. Барањето за азил, вклучувајќи го и политичкиот, може да се поднесе само на транзитните точки, каде што Груевски заедно со другите бегалци ќе треба да чека најмалку една година. Оваа контроверзност е внимателно следена во Европскиот парламент, наведува ТВ Н1, која е регионална телевизија на ЦНН.-Следното прашање е дали унгарските власти ќе ги почитуваат сопствените правила и ќе го испратат Груевски да побара азил во прифатните центри или ќе го одбие неговото барање, бидејќи тој избегал од за нив „безбедна земја” или ништо од наведеното. Ние ја следиме состојбата”, нагласи Јудит Саргентини, пратеник во  Европскиот парламент.Дека случајот Груевски ќе биде коска во грлото на владата на Виктор Орбан, покажува и иницијатива на Советот за национална безбедност, чиј претседател е од опозициската партија Јовик, кој веќе најави дека следната недела ќе се расправа за случајот на одбегнатиот балкански премиер.-Нема сомнение дека ова прашање ќе биде на дневен ред. Прво и најважно прашање е  како осудениот криминалец успеа да влезе во земјата, изјави Адам Миркоцки, претседател на Советот за национална безбедност на Унгарија.Српската ТВ Н1 се прашува и од каде Груевски влегол во Унгарија, наведувајќи ја шпекулацијата дека рутата на Груевски поминувала низ Србија, но засега нема официјална потврда за оваа верзија, само информацијата од српското МВР дека Никола Груевски нема српско државјанство и пасош, не наведувајќи ништо повеќе од оваа штура информација.Околу бегството на Груевски во Унгарија вчера и денеска информираат сите српски медиуми, а весникот „Данас“ го објави и соопштението на опзициското Движење на слободните граѓании (ПСГ) на Саша Јанковиќ и Граѓанскиот блок 381 кои побараа од Српската напредна партија (СНС) и од српската влада да одговарат која е улога на Белград во бегството на поранешниот македонски премиер Никола Груевски, оценувајќи притоа дека Србија под власта на СНС станала “безбедна зона” за богатите луѓе кои во своите земји бегаат од правдата.-Дали (Претседателот на Србија Александар) Вучиќ му помогнал размислувајќи и за себе. Дали незаконски и наредил на разузнавачката служба БИА тајно да го прифати Груевски и да го спроведе преку Србија, затоа што сака да создаде пракса која утре и нему ќе му треба, прашуваат од ПСГ и Граѓански блок 381 во соопштението до јавноста

Македонија | пред 7 години

Нема фотографија

Лагард: Централните банки треба да размислат за издавање дигитални валути

Шефицата на Меѓународниот монетарен фонд, Кристин Лагард, рече дека централните банки ширум светот треба да размислат за издавање дигитална валута.Во говор во Сингапур, Лагард рече дека ова би можело трансакциите со дигитални валути да ги направи побезбедни.Неготовинските плаќања се зголемија во текот на годините, со што се зголемија и предизвиците за владите и централните банки. Регулаторите изразија загриженост поради дигиталните валути и повикаа на поголем надзор.– Верувам дека треба да ја разгледаме можноста за издавање дигитална валута. Може да има улога за државата да обезбеди пари за дигиталната економија, изјави Лагард во својот говор на конференција во Сингапур.– Предноста е јасна. Вашата исплата ќе биде веднаш, сигурна, евтина и потенцијално полуанонимна … И централните банки ќе задржат сигурна основа во плаќањата, рече Лагард и додаде дека централните банки на Канада, Кина, Шведска и Уругвај „сериозно размислуваат” за предлози за дигитални валути.Виртуелна валута издадена од централна банка би била обврска на државата, како што се готовите пари,  не на приватна фирма. Според Лагард, тоа би ги направило трансакциите посигурни и почести, а со тоа и поевтини со што би им се помогнало на потрошувачите

Свет | пред 7 години

Денеска последен рок буџетот за 2019 година да стигне во Собранието

Владата на Република Македонија на вчерашната седница го разгледуваше предлог-буџетот за наредната година. Во рамки на закажаната 103 седница беше најавено да се дебатира за предлог-буџетот за 2019 година, како и за предлог-законот за извршување на буџетот. Законскиот рок на Владата е најдоцна до денеска да го достави до Собранието на Република Македонија.Со предлогот на Министерството за финансии, што беше претставен пред коморите, синдикатите, невладиниот сектор и медиумите, предвидено е вкупните приходи во државната каса за 2019 година да изнесуваат 210,8 милијарди денари, а вкупните расходи на 228,5 милијарди денари. Растот на БДП е проектиран на 3,2 проценти, а стапката на инфлација на 2 проценти. Буџетскиот дефицит е проектиран на 2,5 проценти или 17,7 милијарди денари што е за 500 милиони денари помалку во однос на годинава.„Обезбедуваме умерена и постепена фискална консолидација. Ако пред две години буџетскиот дефицит изнесуваше три проценти од БДП, сега го намалуваме на 2,5 од БДП и сметаме дека тоа е сериозно намалување и исправен чекор. Не одиме кон радикално намалување“, појасни министерот за финансии Драган Тевдовски.Дефицитот ќе се покрива од домашни и надворешни извори во зависност од пазарните услови.Тој оцени дека со постепената фискална консолидација се подготвува земјата за она што ја очекува во 2020 и 2021 година, односно исплата на доспеаните долгови направени од претходната власт.Во предлог-буџетот има пари за повисоки плати во здравството, образованието и одбраната, повеќе пари за реформите во социјалната и детската заштита и пензискиот систем, како и средства за воведување „зелена нафта“ во земјоделството. Предвидени се повисоки плати за 10 проценти за лекарите специјалисти од јануари следната година и уште 5 проценти во септември за сите лекари. Зголемување на платите за пет проценти од септември догодина предвидени се и за просветните работници. Пет проценти повисока септемвриска плата се очекува да земат и вработените во администрацијата, но во предлог-буџетот за 2019 година не се предвидени пари за исплата на К-15 во јавниот сектор.Капиталните инвестиции се проектирани на 25,7 милијарди денари, а министерот за финансии очекува дека следната година ќе се забрза реализацијата на овие проекти.„Постојано Министерството за финансии прави притисок на сите институции што имаат вакви проекти да ги реализираат. Многупати тие се соочуваат со огромни проблеми како проектни документации и добро е што во моментов голем дел од таквите проблеми се решени кај големите проекти и очекуваме дека ќе забрза реализацијата на капиталните инвестиции“, рече Тевдовски, одговарајќи на прашање каков ќе биде механизамот што ќе се примени за капиталните инвестиции да бидат целосно реализирани.Владата вчера на седницата донесе одлука да се обезбедат првични 98 милиони денари во Буџетот за борба против аерозагадувањето.„Донесена е одлука со која намалувањето на аерозагадувањето се утврдува како стратешки приоритет за идната година. Како првични средства за оваа намена во буџетот за 2019 година се предвидени 98 милиони денари, со препорака за обезбедување дополнителни финансиски средства за оваа програма да се искористат постоечките потенцијали од донаторската заедница“, се вели во соопштението од владината прес-служба.

Македонија | пред 7 години

Нема фотографија

Седница на Комисијата за политички систем и односи меѓу заедниците

Во Собранието на Република Македонија денеска седница ќе одржи Комисијата за политички систем и односи меѓу заедниците.На дневен ред на седницата се Годишен извештај за работата на Советот на јавните обвинители на Република Македонија за 2017 година и  Предлог-закон за спречување на корупцијата и судирот на интереси во прво читање.

Македонија | пред 7 години

Во Софија средба меѓу Заев и Борисов

Претседателот на Владата на Република Македонија Зоран Заев денеска во Софија ќе има средба со премиерот на Република Бугарија Бојко Борисов по што, како што е најавено, ќе следуваат изјави за медиумите. Премиерот Заев ќе престојува во Софија за да учетсвува на собиротStartUp Europe Summit.

Македонија | пред 7 години

Продолжува судењето за „27 април“

Во Кривичниот суд во Скопје денеска продолжува судењето за случувањата на 27 април минатата година во Собранието на Република Македонија. Случајот се наоѓа во доказна постапка, а на минатото рочиште беа читани СМС и вибер пораки од вештачењето на мобилниот телефон на тогашниот претседател на Собранието Трајко Вељаноски.На претходните рочишта беа прегледани снимки од безбедносните камери во Собранието, од ходиникот пред канцеларијата на спикерот Вељаноски, ходниците што водат до и холот пред прес-салата во Собранието.Судечкиот совет во предметот „27 април“ минатата недела одлучи да ја раздвои постапката за обвинетиот Сашо Марковски, кој заради нарушена здравствена состојба е на лекување во ГОБ  „8 Септември“. Раздвоената постапка за Марковски ќе продолжи по еден месец, а претходно судот ќе побара мислење за неговата здравствена состојба.За случајот „27 април“ обвинети се уште 32 лица, од кои 31 за терористичко загрозување на уставниот поредок на државата и двајца за поттикнување.

Македонија | пред 7 години

Нема фотографија

Од утре задолжително поседување на зимска опрема во возилата

Министерството за внатрешни работи информираат дека, моторните возила и мобилните машини кога учествуваат во сообраќај на пат, во периодот од 15 ноември до 15 март задолжително треба да поседуваат пропишана зимска опрема, согласно одредбите утврдени во Правилникот за задолжителна опрема на возилото, велосипедот и запрежно возило за безбедно учество во сообраќајот на патиштата, како и на трактори за безбедно извршување на земјоделски односно шумски работи.„Мандатен платен налог со глоба во износ од 45 евра во денарска противвредност во мандатна постапка ќе му се издаде, односно ќе му се регистрираат 25 негативни бодови согласно со одредбите од Законот за безбедност на сообраќајот на патиштата, на возачот кој постапува спротивно на одредбата.

Македонија | пред 7 години

Доделени наградите „13 Ноември“ на Град Скопје

Вчеравечер, во Македонската филхармонија, се одржа свеченоста по повод одбележување на 13 Ноември - Денот на ослободувањето на Скопје, на која градоначалникот на Град Скопје, Петре Шилегов, на годинешните добитници, на нашите сограѓани коишто дале свој придонес за негова афирмација, им ги врачи наградите и им се обрати на присутните гости.Добитници на Наградата „13 Ноември“ на Град Скопје, за 2018 година се:Од областа на наукатаМАРГАРИТА ЦАЦА НИКОЛОВСКА, судија, за придонес во унапредување, промоција и заштита на човековите права и слободи, развој на демократијата и владеење на правото.Од областа на образованието и воспитаниетоАЏИ ФИДА, професор во пензија, за долгогодишна успешна дејност во областа на образованието и воспитанието.Од областа на спортотАНДРЕЈ СТОЈАНОВСКИ, пливач, за остварување врвни резултати во пливачкиот спорт во категоријата за лица со посебни потреби.Од областа на културата:1.МАРКО КОЛОВСКИ, музиколог, за значајни долгогодишни остварувања во областа на музичкото творештво.2. РЕСУЛ ШАБАНИ, писател и книжевен преведувач, за превод на Антологиите „Поети академици“ и „Поети и раскажувачи академици“.Од областа на уметноста:РАМАДАН ШУКРИ, академски музичар, за придонес во областа на уметноста, културата, образованието и воспитанието.Од областа на публицистикатаСЕФЕР ТАХИРИ, новинар, за 20-годишен придонес во развојот на новинарството и публицистиката.Од областа на архитектуратаДАНИЦА ПАВЛОВСКА – ЦИГИ, архитект, за долгогодишна посветеност за зачувување на автентичноста и вредностите на градот Скопје во сферата на планирање и управување со просторот.Правни лица:1.ЈЗУ ГЕРОНТОЛОШКИ ЗАВОД „13 НОЕМВРИ“ СКОПЈЕ, за долгогодишна успешна работа.2.ПРОТИВПОЖАРНА БРИГАДА НА ГРАД СКОПЈЕ, за успешна работа и голем придонес во заштитата и спасувањето на граѓаните од пожари, природни непогоди и други несреќи.За ученици и студенти:1.АРДА МУСТАФАОГЛУ, ученик во ДМБУЦ „Илија Николовски - Луј“, за континуирани успешни постигнувања во наставните и воннаставните активности и посебен придонес за афирмација на градот Скопје во светот.2.МИЛА КОЦЕВСКА, СОФИЈА СТОЈМЕНОВА, НЕНА ГИЕВСКА, МАРИЈА ГАВРИЛОВИЌ, ПЕТАР ТОДОРОВСКИ И ВЕДРАН ЛАУРЕНЧИЌ, ученици во ООУ „Кочо Рацин“- Скопје, за хуманост-укажување прва помош на лице во градски автобус.

Скопје | пред 7 години

Ристиќ: Владата да се усериози и да го врати Груевски зад решетки како што вети

„Сите сме бесни поради овозможувањето на експремиерот Никола Груевски да избега од земјата. Ние не се боревме за тоа луѓе да седнат во фотелји, а правдата да не биде исполнета“, изјави Здравко Савески на денешниот протест пред владата на Република Македонија.Според него некој треба да се понесе одговорност без разлика дали тоа се случува во обвинителство, судството или МВР.„Спасовски и да нема политичка одогворност, има морална одговорност да си поднесе оставка бидејки дозволија да избега. Или се неспособни да го задржат во земјата, или му овозможиле да избега од државата. Ако не поднесе оставка тоа значи дека владата стои зад него. Зошто владата би стоела зад него ако ова не е договорено. Ако владата стои зад него нека им каже на македонските граѓани дека тие ова го имаат договорено“, рече Савески.Исто така тој побара и Мијалков да заврши во притвор, а не само Миле Јанакиески.Дел од протестот беше и Ирена Ристиќ која побара од власта да го врати Груевски зад решетки.„Ние овој серијал го гледаме од првата епизода и да не се однесуваат од Владата како да сме вклучени во сезона број седум и наеднаш Никола Груевски се третира како секој обичен граѓанин, па наеднаш него го снемува и никој не знае каде е, за да на крај дочекаме самиот да ни се пријави од Будимпешта. Ве молам да се усериозите и да почнете да си ја бркате работата како што ветивте. Чекаме да се исполнат сите ветувања“, изјави Ристиќ

Македонија | пред 7 години

Нема фотографија

Утре без вода дел од Маџари

Утре поради реконструкција на водоводна мрежа од Ф-350мм на ул.840 бб (Кванташки пазар) во населба Маџари, прекинато водоснабдување ќе имаат корисниците од ул.Перо Наков, Димче Милошевски, Боривое Милошевски, Зендел Џемаили од 09:00часот до санирање на дефектот.

Скопје | пред 7 години

Мицкоски: Одговорност за бегството на Груевски треба да се бара во Заев и Спасовски

Лидерот на опозициската ВМРО-ДПМНЕ, Христијан Мицкоски преку статус на социјалната мрежа Фејсбук побара одговорност од власта за бегството на поранешниот премиер Никола Груевски„Политичкиот прогон и терор станува основен метод на дејствување на оваа власт. Имаме киднапирана држава каде граѓаните се соочуваат со растечка сиромаштија, зголемени даноци, одземено достоинство, промена на име, идентитет. Ова се вистинските теми кои ја разголуваат неспособноста на власта која се дефокусира со други теми и прашања, како што е последните случувања врзани со случајот Груевски.Одговорноста за начинот на движење, методите и бегството на Груевски треба да се бара во власта, поточно во Заев и Спасовски. Иако притисокот, поточно прогонот кој го прави власта е политички мотивиран и е евидентен и многу јасен, самиот потег на бегство не го оправдувам, и тоа не е опција особено што други лица и нивните семејства ќе ги трпат последиците од таквата постапка. Оваа земја има поголем проблем, тоа е криминалната власт на СДСМ која мора да се спречи“, напиша Мицкоски.

Македонија | пред 7 години

Заев: Груевски е кукавица, ги отфрлам шпекулациите за политички договор со него

Остро и категорично ги отфрлам сите шпекулации за каков било политички договор со Никола Груевски, рече денеска премиерот Зоран Заев на заедничка прес конференција со колегата од Малта, Џозеф Мускат.– Нема ништо тајно, заткулисно и слично. Пропуст нема направено ниту една институција, единствено ако официјалните гранични премини го пропуштиле или граничната полиција направила пропусти. Веднаш дадовме налог да се истражи целата постапка и сите резултати од истрагата јавно ќе ги објавиме – рече Заев.Тој нагласи дека Македонија единствено има иднина ако има казни, а казните мора да бидат испорачани.– Каков кукавица е тој кој што цело време велеше дека за Македонија е спремен да оди во затвор без разлика што ќе се случи, само да не бидат сите други таргет, е спремен да ја прифати одговорноста и слично, дојде моментот за прифаќање на одговорноста, избега како кукавица надвор од државата, обидувајќи се претходно да добие нови аболиции. Тоа само по себе потврдува дека е виновен за тоа за што е осуден. Ќе направиме сѐ што е во наша надлежност да го вратиме назад Груевски.Според него, МВР постапило исклучиво согласно законот.– Како и за секој човек без наредба на судот Министерството не може да пристапи во негово следење, набљудување и слично, затоа што логично беше, по сите аспекти на она што беше видливо за јавноста, дека се чека упатниот акт да биде прифатен и да оди на отслужување на казната затвор. Без наредба МВР не може ниту вас, ниту мене, ниту на кој било граѓанин да му пристапи. Груевски беше присутен на седници во Собранието, не го кажувам ова затоа што ние не би требало да бидеме поподготвени, повнимателни, туку поради тоа што тоа испраќа сериозна порака дека не треба да правиме ништо повеќе од тоа што законот го пропишува. Од таков аспект морам да кажам дека строго е постапено по закон, на еден внимателен и демократски начин. Ние сме земја која има намера да биде членка на ЕУ и без разлика на тоа какви се чувствата или слично, тоа не ни дава за право да ги кршиме законите, посебно не од страна на институциите. Се очекува една земја, како што е Унгарија да биде пример на земја која нема да штити криминалци кои направиле штета врз граѓаните на Македонија. Каква е мотивацијата за нас да бидеме членка на ЕУ ако една земја членка на ЕУ биде засолниште на криминалци и не го почитува меѓународното вледеење на правото? – рече Заев.Премиерот  е оптимист дека Груевски порано или подоцна ќе се врати во земјата и ќе ја отслужи казната.

Македонија | пред 7 години

Нема фотографија

ЕКСКЛУЗИВНО - Меркел праќа двајца економски советници во кабинетот на Заев

Ќе добие ли Македонија своја „Ула“ да не управува ? !Владата на Република Македонија наскоро ќе добие двајца советници од Германија кои ќе дојдат официјално да ја средуваат економијата во  државата - ексклузивно дознава Скопје1.мк од извори во СДСМ.Како што брифираат нашите извори, Германија веќе ги одредила кадрите кои ќе ги прати во земјава, а кои официјално ќе имаат статус на советници за економија на Премиерот Зоран Заев.Извори од СДСМ кои се добро упатени во процесите кои следуваат, за „Скопје1.мк“ брифираат дека ова е само почеток на ангажирање на странци кои ќе дојдат во земјава да помогнат во функционирањето на системот и државата која со децении не успеа да профункционира.По ова се најавува дека ќе следуваат ангажмани на странци во најголемите државни јавни претпријатија, советници ќе дојдат во речиси сите делови на државниот апарат и трите столба на власта.Ула е измислен лик од серијата „Преспав“ која управува со хотелот „Преспав“ и е Германка која постојано се труди на сите да им објасни дека мора да се работи по Закон. 

Македонија | пред 7 години

Нема фотографија

Студен бран во Македонија: Драстична промена на времето - се очекува и снег

Времето во Македонија претпладне ќе биде сончево, поладне променливо облачно и студено со услови за локален дожд, а на повисоките места и планините за снег. Ќе дува умерен, повремено засилен северен ветер што ќе придонесе за прочистување на воздухот по котлините.Утринската температура ќе се движи од минус три до два, а дневната од 12 до 21 степен.Во Скопје слично време, претпладне сончево, попладне променливо облачно и студено. Ќе дува умерен, повремено засилен северен ветер. Утринската температура ќе се спушти до минус два, а дневната ќе достигне до 16 степени.

Македонија | пред 7 години

Нема фотографија

„Големото К“ заминува во историјата: Килограмот се менува оваа недела

Досега масата беше дефинирана преку „дедото на сите килограми“: метален цилиндар со големина на топче за голф, кој е заклучен во трезор во Франција. Повеќе од еден век ова беше единствениот вистински килограм на кој се засноваа сите останати.Тоа повеќе нема да биде случајот. Се очекува дека на состанокот во Версај, кој ќе биде одржан во петок, владите да го одобрат планот кој предвидува отсега па натаму да се користат научни формулации за дефинирање на точната маса на еден килограм. Се очекува дека таа промена ќе има практични последици во индустријата и науката, кога се работи за ултрапрецизно мерење на тежина.„Големото К“ – килограмот кој беше главен показател на мерка за тежина уште од 1889 година, заминува во историјата.Тој е изработен од легура отпорна на корозија: 90% платина и 10% иридиум, а овој меѓународен прототип за килограм ретко ја гледаше светлината на денот. Сепак, неговата улога беше пресудна како основа за општоприфатен систем за мерење на маса, од што зависи и целата меѓународна трговија.

Магазин | пред 7 години

Нема фотографија

Во Иран запленети 6 тони хероин за Европа

Властите во Иран заплениле над шест тони хероин наменет за европскиот пазар и разбиле пет меѓународни криминални групи кои шверцувале дрога, објавија светските новински агенции, повикувајќи се на извештаи во иранските медиуми.Во една од главните криминални групи, меѓу 11-те уапсени имало и Европејци. Иранските власти не прецизираат од кои земји се приведените, ниту, пак, за датумот кога е изведена акцијата.

Свет | пред 7 години

Нема фотографија

Палестинците слават по прекинот на огнот со Израел

Палестинците во Појасот Газа синоќа славеле, а Израелците на југот на Израел протестираа по објавата на палестинските фракции дека со посредство на Египет бил договорен прекин на огнот за да се стави крај на најновата ескалација на насилствата. Жителите на Газа сметаат дека прекинот на огнот е победа за Хамас кој владее со таа територија и оти Израел потклекнал поради баражните ракетни напади. Во изреалскиот град Сдерот кој беше цел на напади од Газа дестици демонстранти протестираа против владата која според нив попуштила пред „насилството на екстремистите“.Палестинците во Појасот Газа синоќа славеле, а Израелците на југот на Израел протестираа по објавата на палестинските фракции дека со посредство на Египет бил договорен прекин на огнот за да се стави крај на најновата ескалација на насилствата. Жителите на Газа сметаат дека прекинот на огнот е победа за Хамас кој владее со таа територија и оти Израел потклекнал поради баражните ракетни напади. Во изреалскиот град Сдерот кој беше цел на напади од Газа дестици демонстранти протестираа против владата која според нив попуштила пред „насилството на екстремистите“.

Свет | пред 7 години

Нема фотографија

Европските и британските преговарачи се договорија околу нацрт-договорот за Брегзит

Претставници на Велика Британија и ЕУ се договорија околу нацрт текстот на договорот за Брегзит по големиот пробив во преговорите, пренесе Би-би-си.Извор од кабинетот на Владата за Би-би-си изјави дека е постигнат договор за документот на техничко ниво по што преговорите се зајакнати.Состанок на кабинетот на министри на британската влада ќе се одржи утре, а на него премиерката Тереза Меј ќе побара поддршка од министрите за договорениот нацрт договор за Брегзит.Пред состанокот секој од министрите ќе мора да се состане со премиерката насамо, јави Би-би-си.Инаку, за време на преговорите најмногу недоразбирања произлегле околу границата меѓу Северна Ирска и Република Ирска.Ирската телевизија РТЕ претходно денес објави дека британските и европските преговарачи усогласиле текст за границата во Ирска, а тогаш додадоа и дека тоа не значи дека преговорите за Брегзит се до крај заклучени.Ирската национална телевизија пренесе дека текстот е договорен доцна во понеделникот, а потоа проследен до Лондон и цитираше извори кои велат дека договорот е „најстабилно можен“, но дека не би било точно да се каже дека преговорите се „заклучени“.Договорот вклучува т.н. „бекстоп“, заштитен механизам, благодарение на кој границата на ирскиот остров би останала отворена по Брегзит.„Извор потврдува дека текстот за договорот за развод е договорен на техничко ниво“, напиша на Твитер Лаура Кенсберг, политичка уредничка на Би-би-си, додавајќи: „Владата ќе се состане утре рано попладне ... тогаш и официјално ќе потврдат“.

Свет | пред 7 години

Нема фотографија

Мишел Обама откри непознати детали од приватниот живот

Во својата нова книга „Станување“ поранешната прва дама Мишел Обама се осврнува на настаните од минатото, на претседателот Доналд Трамп, и напиша неколку интимни детали за својот брак и ќерките.Таа објасни зошто не ѝ се допаѓа ставот на денешниот претседател и од што е најмногу разочарана. Таа се сети како Трамп за време на својата кампања го критикуваше Барак Обама и инсистираше на тоа дека тој, всушност, е роден во Кенија, а не во Хаваи.Освен критиките на сметка на Трамп, Мишел се присети како претседателскиот мандат на нејзиниот сопруг влијаеше на нивните ќерки Малија и Саша. Фактот дека претседателот им е татко имал несомнено влијание врз нивното растење. Девојчињата постојано биле под придружба од тајната служба, а и секој што ќе им се приближел.Незгоден момент се случил кога постарата ќерка Малија побарала од родителите „нормално” одење на матурска забава. Тоа значело седење во автомобил со некој непознат и за првпат без придружба на личен телохранител.

Магазин | пред 7 години

Земјотрес почувствуван во западна Македонија, епицентарот во Црна Гора

Земјотрес, чиј епицентар се наоѓа 180 километри западно од Скопјe, во Република Црна Гора, е регистриран денеска во 14 часот и 47 минути.Како што соопшти Сеизмолошката опсерваторија при Природно-математичкиот факултет во Скопје, неговата Рихтерова магнитуда изнесува 4,4, а беше почувствуван од населението во западните делови од Републиката со интензитет од III степени според Европската макросеизмичка скала.

Македонија | пред 7 години

Нема фотографија

Македонија на 10-то место меѓу 190 држави во светот според „Doing Business 2019“

Согласно последниот извештај на Светска банка „Doing Business 2019“, којшто беше усвоен на владината седница, Македонија го подобрила својот ранг за едно место и се наоѓа на 10-то место меѓу 190 држави во светот.Македонија и годинава е лидер во регионот и четврта земја во Европа според условите за водење на бизнис. Оваа година од вкупно 10 индикатори, Светска банка во својот извештај утврдила подобрување кај два индикатори: добивање на градежни дозволи и регистрирање на имот. Кај два индикатори, пристап до кредити и решавање на несолвентност, нема промена во рангот, додека влошување има кај 6 индикатори, односно: започнување на бизнис, пристап до електрична енергија, заштита на малцински инвеститори, плаќање даноци, прекугранично тргување и спроведување на договори.

Македонија | пред 7 години

Делови од Скопје без струја

Од „ЕВН Македонија“ АД информираат дека поради технички зафати во дистрибутивната електро мрежа, без електрична енергија ќе останат повеќе општини во Скопје.Во периодот од 09:00 до 12:00 часот, без струја ќе бидат дел од корисниците од дел од село Мирковци во општина Чучер – Сандево.Понатаму струја ќе нема ниту во општина Чаир, односно во периодот од 12:00 до 14:00 часот корисниците од пазарот во Чаир, спроти стадионот, а во периодот од 08:30 до 12:00 часот корисниците од делови од улиците Дрварска и Атанас Бабата, Музејот на Македонија, Покриена чаршија, Куршумли ан и улица Самарџиска.Во периодот од 10:00 до 13:00 часот, без електрична енергија ќе останат и дел од корисниците од дел од улицата Будимпештанска околу број 20, во општина Карпош.Понатаму како што соопштија од ЕВН, во периодот од 11:00 до 13:30 часот без електрична енергија ќе останат корисниците од село Горно Соње во општина Сопиште.Во периодот од 09:45 до 14:30 часот корисниците од селата Рашче, Бојане, Копаница и каптажата Рашче, во општина Сарај, како и корисниците од улиците со број 4, 6 и 7 во село Батинци во општина Студеничани ќе останат без електрична енергија. Во село Батинци струја ќе нема од 09:00 до 15:00 часот.Во периодот од 08:30 до 16:00 часот, како што стои во соопштението на ЕВН струја ќе немаат корисниците од дел од улица Димитар Пандилов т.е. парните броеви од број 6 до број 20 и непарните броеви од број 3 до број 19 и корисниците од улицата Питу Гули т.е. непарните броеви од број 49 до број 55 во општина Центар.Од ЕВН додаваат дека во периодот од 09:30 до 14:00 часот без струја ќе бидат корисниците од делови од улиците Депа Кајова, Браќа Чакрови, улица Ѓорче Петров и улица Никола Пускаров во општина Ѓорче Петро.Во периодот од 12:00 до 15:00 часот корисниците од улицата Киро Фетак во населба Драчево, општина Кисела Вода ќе бидат без струја

Скопје | пред 7 години

Притворени се Миле Јанакиески и Кирил Божиноски

Од рано утрово во притворени се поранешниот минситер Миле Јанакиески и поранешниот владин секретар Кирил Божиноски, а притворањето уследи од како од државата побегна Никола Груевски, потврдуваат од Судот за Скопје1.мк.Од Судот потврдуваат дека доцна ноќеска е издадена наредба за одредување мерка притвор заради постоење опасност од бегство.Јанакиески е обвинет во пет случаи на Специјалното јавно обвинителство (СЈО) за кои судењата течат, а е спомнат во речиси сите истраги на СЈО.Кирил Божиновски, како поранешен генерален секретар на ВМРО-ДПМНЕ е обвинет во случајот со изборни нерегуларности „Титаник“. 

Македонија | пред 7 години