Ахмети откри што разговарал со Заев, имало тензија

Претседателот на Демократска унија за интеграција, Али Ахмети, за ТВ21 истакна дека синоќа имал тензичен разговор со премиерот Зоран Заев.Тој вели дека не се согласува со неговата одлука да си даде оставка од премиерската функција.„Вчера имавме доста тензичен разговор со Заев, дека не се согласувам со таквото движење, со неговата оставка од партијата и претседател на Владата. Му ги нагласив силните позиции на ДУИ. Овие се локални избори, ние пред 1 година победивме на општите избори и добивме мандат за да раководиме со политиките на државата. Така да и денеска повторно разговарав со Заев, му реков дека не можеме да направиме компромис за големи работи, за тој да се повлече. Да се разгледа во неговата партија оваа одлука која според мое мислење е забрзана и неоснована“, вели Ахмети за ТВ21.

Македонија | пред 4 години

Скопјанец вршел разбојништва, се заканувал со пиштол за да ограби обложувачница и „продавница за пари“

Основното јавно обвинителство Скопје донесе Наредба за спроведување истражна постапка против едно лице за кое постои основано сомнение дека сторил две кривични дела – Разбојништво од член 237 став 4 во врска со став 1 од Кривичниот законик.Осомничениот 21-годишен скопјанец, на 17 септември, заканувајќи се со огнено оружје – пиштол, одзел 101.000 денари од обложувалница на улица „Финска“ во Скопје. Со пиштолот му се заканил на вработениот, ги одзел парите и избегал.На 27 октомври, пак, осомничениот влегол во продавница М-Кеш на улица „Методија Андонов Ченто“ и повторно со закана со пиштол кон вработената одзел метална каса во која имало 58.350 денари. Потоа веднаш го напуштил местото.Надлежниот јавен обвинител до судијата на претходна постапка од Основниот кривичен суд Скопје достави предлог за определување мерка притвор за осомничениот, бидејќи постои опасност тој да се даде во бегство, да влијае врз сведоците или да го повтори делото.​​

Скопје | пред 4 години

Четири можни сценарија по оставката на Заев, а со тоа и на целата Влада

Со оставката на Премиерот, според нашиот Устав во оставка е целата Влада, пишува професорката Мирјана Најчевска. Таа предвидува четири можни сценарија, откако премиерот Зоран Заев најави дека ќе ја депонира оставката.„Оставката се поднесува до Собранието кое ја усвојува.И тука се можни повеќе излезни решенија.1. Досегашната владејачка коалиција има мнозинство во Собранието и Претседателот на државата и доделува нов мандат за формирање Влада.Во овој случај СДСМ како најголема партија во коалицијата може да понуди свој кандидат или да се договори со коалиционите партнери за кандидат од нивните редови или независен експерт како кандидат.2. Се формира нова мнозинска коалиција на која Претседателот и доделува мандат за формирање Влада.3. Било која од мнозинските коалиции во Собранието поведува постапка за распуштање на Собранието и распишување предвремени избори.4. Сите партии во Собранието се договараат за формирање на експертска Влада која ќе го доврши мандатот на претходната до наредните редовни избори“, напиша професорката.

Коментари | пред 4 години

Оставката на Заев е оставка и за целата Влада, која е процедурата

Оставката на премиерот Зоран Заев од функцијата повлекува оставка и на целата Влада односно министрите во неа. Ова го предвидува членот 93 од Уставот на Македонија. Таму стои: „Оставката на претседателот на Владата, неговата смрт или трајна спреченост да ја врши функцијата, повлекуваат оставка на Владата“. Според овие одредби од Уставот, освен избор на нов премиер, треба да се бира и нова Влада, од страна на мнозинството во Собранието.Бидејќи премиерот Заев кажа дека нема да има предвремени парламентарни избори, тоа значи дека новата Влада ќе се крои според гласањето во Собранието. Односно, мнозинството пратеници ќе ја состави новата Влада.Инаку, премиерот Зоран Заев ја поднесе оставката од премиерската и претседателската функција во СДСМ, поради, како што рече, лошите изборни резултати кои ги постигнале кандидатите на локалните избори. Ова од него го бараше и лидерот на опозицијата, Христијан Мицкоски.

Македонија | пред 4 години

Арсовска со 28 083 гласови разлика го победи Шилегов

Независната кандидатката, поддржана од ВМРО-ДПМНЕ, Данела Арсовска, во трката за градоначалник на Скопје, го победи актуелниот градоначалник со 28 083 гласови разлика, покажуваат првичните резултати на Државната изборна комисија (ДИК).На 100 отсто обработени гласови, според податоците од ДИК, Арсовска вчера освоила 118 765 гласови, додека Шилегов 90 682.

Скопје | пред 4 години

Арсовска со порака до скопјани по победата

Данела Арсовска, новоизбраната градоначалничка на Скопје се заблагодари што скопјани ги поддржале проектите во нејзината кампања. Таа посочи на сите да се радуваат, бидејќи градот ќе се транферира.„Ви благодарам што ги поддржавте проектите што ги истакнав во оваа кампања, што одбравте да верувате на човечноста, што сте против црните кампањи и што ми ја дадовте вашата доверба во следните четири години да го водам Скопје и да бидам ваш човек во градот. Радувај се Скопје, радувај се Македонијо, денес се раѓа ново сонце, заедно да побараме одговорност за она што не е сработено и заедно Скопје да го трансформираме во модерен европски град. Огромна е победата, со речиси 30 илјади гласови разлика, затоа ви благодарам за довербата и уште од првиот ден да почнеме со работа. За прв пат во 30 години независна Македонија, Скопје има жена за градоначалник“, напиша Арсовска.

Скопје | пред 4 години

Која партија колку општини зема по вториот круг гласање

Вториот круг од локалните избори во земјава заврши а претседателот на Државната изборна комисија Александар Даштевски истите ги оцени како успешни. На овие избори за првпат беа употребени апарати за отпечаток од прст.ДИК ги објави првичните резултати според кои во вториот круг ВМРО-ДПМНЕ има освоено градоначалнички места во 20 општини, СДСМ во 7, ДУИ во 7, Алијанса за Албанците-Алтернатива и Беса по две, и по едно градоначалничко место имаат освоено ДПА, ГРОМ и Коалицијата ЛДП-ДОМ.Во вториот круг победија и независната кандидатка за градоначалник на Град Скопје, Данела Арсовска, поддржана од ВМРО-ДПМНЕ и Коалицијата, независниот кандидат Максим Димитриевски во Куманово и независниот кандидат во Дебарца, Зоран Ногачески.„Како што кажав, првиот круг ќе биде малку потешко, затоа што не е извежбано, меѓутоа вториот круг помина речиси 100 проценти успешно и понатаму очекуваме усовршување на овој процес. Беше битно да се почне, секогаш има детски болести, меѓутоа ако не почнеме ќе може да заостанеме во целокупниот развој, а се работи за прилично важна категорија за развој на демократијата“, изјави Даштевски, заблагодарувајќи се на членовите и вработените во ДИК, како и на политичките партии, медиумите, печатницата, компанијата што ја изработи апликацијата.Конечните резултати, како што најави Даштевски, ДИК ќе ги објави во текот на денешниот ден.

Македонија | пред 4 години

Шилегов и честиташе на Арсовска и кажа дека немало да дозволи да го силува Скопје

Досегашниот градоначалник на Град Скопје, Петре Шилегов ѝ честита на Арсовска за изборот. Тој упати благодарност до сите граѓани, до сите активисти, благодарност до семејството и екипите кои работеле четири години за Скопје.– Ние ќе бидеме и понатаму тука, нема да дозволиме силувања на градот како во минатото. Мислам дека успеавме да го вратиме Скопје од правец од кој враќање назад ќе нема, рече Шилегов.

Скопје | пред 4 години

Заев поднесе оставка од СДСМ и Владата

Зоран Заев поднесе оставка од претседателското место во СДСМ и премиерското место во Владата.„Поднесувам оставка од премиер и претседател на СДСМ. Им честитам на сите прогресивни граѓани кои се бореа силно за интегреирана Северна Македонија. Ја преземам одговорноста. Им честитам на сите избрани градоначалници и советници. Воопшто не е тешко заминувањето од политиката. Сум донел слбоода и демократија во нашата земја, тоа значи и преземање на одговорност. Сакам да оставам печат народот да се учи и расте во демократски капацитет. Можеби не сум во право, ќе покаже времето, ред е граѓаните да поддржуваат политичари кои можат да носат тешки и храбри одлучи, без да се водат од политичкиот рејтинг или за својата фотеља. Јас ја преземам одговорноста за лошите резултати“, кажа Заев.Тој остана на ставот дека не треба да има вонредни парламентарни избори.„Горд сум што ја внесовме земјата во НАТО, а кај мене има разочараност, затоа што мнозинството од народот го избраа оние кои сакаа да убиваат во парламентот“, додаде Заев.

Македонија | пред 4 години

Мицкоски побара оставка од Заев

Лидерот на ВМРО-ДПМНЕ, Христијан Мицкоски побара од премиерот Зоран Заев да се повлече и да даде оставка. Ова доаѓа откако тој прогласи победа на локалните избори. Прашан кога ќе бара предвремени парламентарни избори, Мицкоски рече дека за тоа треба да има мнозинство во парламентот па додаде: „дозволете времето да даде одговори, а тоа е и кога ќе бидат следните избори“.„Тоа е и мојот совет до него. Тоа е она што го очекува македонскиот народ, односно граѓаните. Ова да биде практично негово заминување од политиката. Не затоа што Христијан сака или било кој од нас во ВМРО-ДПМНЕ сака или од опозицијата. Народот испрати порака, ова е резултат со огромна предност на опозицијата пред власта. Треба државнички одлуки, не тактизирање“, кажа Мицкоски.Тој посочи дека тие ја имаат довербата од мнозинството на народот и не треба да го разочараат сега.

Македонија | пред 4 години

Мицкоски прогласи апсолутна победа: Скопје е вмровски и слободен град, Македонија е слбодна држава

Лидерот на ВМРО-ДПМНЕ, Христијан Мицкоски прогласи победа по вториот круг од локалните избори. Тој кажа дека не треба да се заборави поткупот, насилното однесување, заканите и уцените, кои според него, ги имало. Според Мицкоски победата во Битола на ВМРО-ДПМНЕ е со повеќе од 3.000 гласови разлика, но и во Брвени,а, Василево, Вевчани, Гевгелија со повеќе од 2.00 гласови разлика, Демир Хисар, Зелениково, Конче, Кочани, Кратово. Лидерот на ВМРО-ДПМНЕ кажа и дека партијата има победа во Лозово, Македонска каменица, Македонски брод. За Охрид кажа дека ВМРО-ДПМНЕ победила со повеќе од 4.000 гласови разлика. Победа според него има и во Пехчево, Радовиш, Ресен, Чешиново-Облешево, Ранковце. Мицкоски кажа дека Стевчо Јакимовски како коалиционен партнер, победил во Карпош. На крајот, ја честиташе победата на Данела Арсовска како независен кандидат за Скопје.„Промените започнаа од вечерва. Сите заедно за нова иднина, заеднички и сложно да го оствариме сонот за кој 30 години сонуваме а никако да го постигнеме. Кажете им на сите граѓани од сите краеви. Ова е денот од кога почнуваат промените. Промените за обединување, подобар живот, силен стандард, промени за иднина за која се бориме, ова е убедлива победа, победа на народот на Македонија. Им благодарам на сите што гласаа и сите кои не гласаа, а чија доверба ќе ја бараме. Една е за сите нашата Македонија, сплотена и заедничка. Заедно успеавме да ги победиме. Успехот е можен затоа што е вербата е сигурна. Благодарност до Алијанса на Албанците, Левица на Димитар Апасиев, сите заедно срушивме бариери и докажавме дека широка опозиција е возможна. Покажавме дека и покрај разликите сепак можеме да се обединиме околку заедничка цел, Македонија без корупција која ќе се развива и ќе оди напред, Македонија интегрирана во ЕУ, тоа докажува дека еден опозициски блок е сосема извесен и тој ќе донесе огромна промена на следните парламентарни избори, за кои веројатно е дека ќе бидат предвремени. Благодарност до ЛДП/ДОМ кои оставија на демократски начин, граѓаните да си ја кажат својата волја“, кажа Мицкоски.

Македонија | пред 4 години

Горан Герасимовски прогласи победа во Центар

Горан Герасимовски од СДСМ прогласи победа во Центар. Според неговите податоци, тој има 2000 гласа повеќе од неговата противкандидатка Наташа Котлар од ВМРО-ДПМНЕ. Во објавата, пишува дека од утре почнува со работа.„Центар останува во вистински раце, победувме убедливо со речиси 2000 гласа разлика! Сакам да им заблагодарам на сите граѓаните кои денес излегоа и ни ја дадоа поддршката. Центар останува демократска и отоврена општина. Веќе од утре започнуваме со работа да ја оправдаме довербата и да продолжиме да ја развиваме општината и подигаме квалитетот на животот за центарци. Во оваа прилика сакам да им се заблагодарам и на сите кандидати кои беа дел од изборите во Општина Центар и за демократскиот изборен ден“, напиша Горан Герасимовски од СДСМ.

Скопје | пред 4 години

Данела Арсовска прогласи победа во Скопје: За противник го имав Шилегов, но и премиерот во заминување

Независната кандидатка за Град Скопје, Данела Арсвоска прогласи победа во Скопје. Таа се заблагодари на скопјани, за кои кажа, ја препознале човечноста наспроти црната кампања која се водела против неа. Рече дека веќе од утре ќе почне со работа, за остварување на сите ветени проекти.„Голема благодарност да довербата и поддршката за визијата за поубаво, помодерно Скопје. Не можам да изразам зборови колку ми значи тоа што сите вие скопјани ја поддржавте мојата визија и што пред се одбравте да верувате во човечноста, што истакнавте дека сте против црните кампањи и што ми ја дадовте довербата следните четири години да го водам Скопје и да бидам ваш човек во градот“, рече Арсовска.Арсовска кажа дека вечерва ќе слави, а веќе од утре ќе работи бидејќи има многу проекти кои мора веднаш да се реализираат, во првите 82 дена.„Мој противник не беше само стариот градоначалник туку и премиерот во заминување. Скопје за првпат по 30 години има жена за градоначалник. Морам да ја истакнам благодарноста за семејството, пријателите и сите скопјани кои ме бодреа сите денови, кои кажаа дека и покрај црната кампања треба да продолжиме напред. Сега имаме шанса од првиот ден, посветено да работиме, Скопје да го направиме град на среќни луѓе“, додаде таа.

Скопје | пред 4 години

На 41 отсто пребројани: Арсовска со речиси 15.000 гласа пред Шилегов

На обработени 41% од гласовите за градоначалник за град Скопје, кандидатката Данела Арсовска води со 15.000 гласови пред Петре Шилегов.Имено, за Арсовска гласале 50.954 гласачи, а за Шилегов 36.051 гласачи. Или во проценти, кандидатката на ВМРО-ДПМНЕ засега има освоено 56,91%, а кандидатот на СДСМ освои 39,55%.

Скопје | пред 4 години

Стевчо Јакимовски прогласи победа

Стевчо Јакимовски како кандидат од Гром, а поддржан од ВМРО-ДПМНЕ прогласи победа во Карпош. Иако гласовите не се добројани од општинската изборна комисија, тој смета дека е новиот градоначалник на општината.„Во оваа изборна кампања морам да кажам дека се однесував витешки, излегував и кажував кои се решенијата на проблемите на Карпош и која е визијата на Карпош. Јас го гледав Карпош 30 години напред“, рече Јакимовски.Противкандидат на Јакимовски е Душко Весковски од СДСМ.

Скопје | пред 4 години

(ВИДЕО) Пецаков слави во Охрид: Од првиот ден ќе работам за сите!

Илјадници поддржувачи на Кирил Пецаков и ВМРО-ДПМНЕ, излегоа на градскиот плоштад во Охрид да ја прослават победата на кандидатот. Со бакли и македонски песни, како и македонски знамиња, се прославува во градот. Таму освен кандидатот, прустен е и Сашо Донев, носител на советничката листа кој ги поздрави присутните и рече: „Победивме со 4.500 гласови разлика. Аирлија. Градоначалник е Кирил Пецаков“.„И покрај сите притисоци, уцени, поткупи, ние денеска победивме. Победија охриѓани, Македонија. Да бидете горди сите, денеска радувајте се и бидете среќни. На никого ништо не му должиме. Имаме една голема тежина, должиме на охриѓани. Вечерва ќе славиме, од утре ќе работиме. Ќе докажеме дека сме различни од сите пред нас“, рече Донев.Присутните на плоштадот го поздравија Пецаков со скандирање: „Пецак, Пецак, ВМРО-ДПМНЕ“.„Често говорев дека нема да ве разочарам, сега ќе кажам благодарам од сѐ срце. Поминавме уште еден непотребен круг. Оваа власт ни покажа зошто е време да замине во историја. И замина. Поразем е режимот. Во овие четири години се соочивме со притисоци и нервози, бевме потценувани и маргинализирани. Ние сите заедно, работевме и знаевме дека ќе дојде денот кога ќе кажеме дека Македонија победи. Од првиот ден ќе работиме за сите“, рече Кирил Пецаков.

Македонија | пред 4 години

Јакимовски води во Карпош пред Весковски

Во општина Карпош во моментот се води мртва трка помеѓу Стевче Јакимовски и Душко Весковски. Поточно, според податоците на ДИК, од преброени 15% од гласачките ливчиња, Јакимовски е во благо водство.За кандидатот на Гром гласале 2.319 гласачи, а за Весковски 2.103.Во битката за Центар пак ситуацијата е следна. На обработени 22% од гласовите, води кандидатот на СДСМ, Горан Герасимовски со 2.738 гласа, пред кандидатката на ВМРО-ДПМНЕ, Наташа Котлар со 2.242 гласа.

Скопје | пред 4 години

Рамиз Мерко победи во Струга, Идри Истерефи призна пораз: Не успеавме

Рамиз Мерко го доби четвртиот градоначалнички мандат во Струга. Пораз призна неговиот противкандидат, Идри Истерфи од Алијанса на Албанците. Истрефи напиша: „Не успеавме“.„Се боревме со сета енергија што ја имавме, но очигледно тоа не беше доволно за да ја добиеме Струга. Животот продолжува. Заедно со тоа и напорот да се направи најдоброто, за Струга, за генерациите што доаѓаат. Се ќе биде поправено по анализата за тоа каде погрешивме. Ваквиот развој на настаните никако не треба да влијае врз животот на обичниот стружанец. Но, сакам да ви се заблагодарам. Сакам да се извинам што не направив повеќе. Илјадници благодарност до вас. Ти си најдобар“, напиша Истефи.Претходно, пораз призна Теута Арифи од ДУИ, која му честиташе на нејзиниот противкандидат од Беса, Биљал Касами.

Македонија | пред 4 години

(ВИДЕО) „Леле луѓе што направивме“, Маским слави во Куманово по прогласената победа

„Леле луѓе што направивме“, со ваква поздравна порака, Максим Димитриевски почна да прославува победа во Куманово. Тој за победата објави преку социјалните мрежи преку влучување во живо од еден од неговите изборни штабови.„Победа, победа“, извикуваа останатите присутни во штабот.Противкандидат на Максим Димитриевски во Куманово е Оливер Илиевски од СДСМ.

Македонија | пред 4 години

Теута Арифи призна пораз на уште недобројани гласови

Кандидатката на ДУИ за Тетово, Теута Арифи, призна пораз по вториот изборен круг.„Според броењето на резултатите, тој резултира дека противкандидатот има повеќе гласови и дека Тетово ќе биде водена од него. Сакам да му честитам на победата и да му посакам успешна работа. Сакам да се заблагодарам на тие граѓани кои ме поддржаа. Останувам на мислењето дека мојот концепт е прогресивен и дека времето ќе го покаже тоа“, рече Теута Арифи.

Македонија | пред 4 години

Неофицијално: ВМРО-ДПМНЕ освоја 12 градочалници, меѓу кои Скопје, Охрид, Битола

ВМРО-ДПМНЕ брифира дека според нивниот аналитички штаб, во вториот изборен круг освоиле власт во 12 градови. Според нив, градоначалнички места добиле во Скопје, Охрид, Битола, Брвеница, Радовиш, Гевгелија, Зелениково, Василево, Ресен, Ново Село, Чешиново и Лозово.Во Охрид, кандидатот на ВМРО-ДПМНЕ, Кирил Пецаков, веќе прогласи и победа преку објава на социјалните мрежи. Во Скопје, од 24 отсто од пребројаните гласови, предност има Данела Арсовска од ВМРО-ДПМНЕ.Овие се неофицијални информации, а пребројувањето од општинските изборни комисии и натаму е во тек.

Македонија | пред 4 години

Агитирање, поткуп, закани - што се е пријавувано во МВР и како е постапено

„Дозволете ми на почетокот да го изразам моето задоволство од тоа како протече денешниот изборен ден, од вториот круг од овие локални избори, но и од тоа како во целост минаа Локалните избори 2021 – во мирна и фер атмосфера, со положен демократски испит на зрелоста на нашата земја. А за тоа искрени честитки заслужуваат граѓаните, кои покажаа дека знаат што е демократија, дека демократијата не е нешто што се случува само за време на избори, но изборите се показател до каде сме стигнале во тој континуиран процес на градење. Граѓаните покажаа дека демократијата станува дел од културата на нашето граѓанско општество, дел од нашите животи“, кажа министерот Оливер Спасовски на МВР.„До 19.00 часот се бележи вкупно намалување на бројот на пријавени настани и тоа за 31,7 %, во споредба со изборите во јули 2020 година. Во вториов круг се регистрирани 114 пријавени настани, од кои најголемо намалување од 67% е забележано кај пријавените поткупи. Најголемиот број пријавени настани се на подрачје на СВР Штип - 50, 32 настани на СВР Куманово, 12 на СВР Битола, шест на СВР Скопје, пет на СВР Струмица, пет на СВР Тетово, три на СВР Охрид и еден настан на подрачје на СВР Велес.Најголемиот број на настани се однесуваат на: агитирање на гласачи - 83 настани, од кои 14 се отфрлени како неосновани, а по другите пријави се постапува. Притоа, во овој сегмент влегуваат и пријави за превезување на гласачи, вршење притисок/влијание на гласачи, носење на лични карти на гласачи, телефонски јавувања и др. изборен поткуп – 10 настани, од кои три се веќе отфрлени како неосновани, а за останатите се преземаат мерки за расчистување, вербални закани –три пријавени настани, злоупотреба на лични податоци - два пријавени настани,загрозување на сигурноста – два настани, од кои еден отфрлен како неоснован, додека за другиот се постапува, групирање на лица во близина на гласачко место- два настани, од кои еден отфрлен, а за другиот преземаме мерки за негово расчистување. Ова се покарактеристичните настани во текот на овој изборен ден, пријавени досега, но би сакал да ги споменам двете пријавени кривични дела, и тоа уништување на изборен материјал на подрачјето на ОВР Кичево, за што против лицето кое е приведено ќе биде поднесена кривична пријава за сторено кривично дело „уништување изборен материјал“ и повреда на тајноста на гласањето на подрачјето на ОВР Кочани за што ќе биде поднесена кривична пријава за сторено кривично дело „повреда на тајноста на гласањето““, кажа тој.

Македонија | пред 4 години

„Благодарам Охриде! Победаа!“, напиша Пецаков по изборите

Кандидатот за градоначалник од ВМРО-ДПМНЕ за општина Охрид, Кирил Пецаков, денеска кажа дека народот е повеќе од свесен и во првиот круг го кажал своето мислење во однос на изборите. Тој во првиот круг доби мнозинство гласови од охриѓани.„Благодарам Охриде! Победаа!“, напиша Пецаков по изборниот ден.е чека пребројување на сите избирачки места, за официјално да биде прогласен Пецаков за нов градоначалник на Охрид.

Македонија | пред 4 години

Шилегов: Скопјани со масовното излегување покажaa кој сака да го води градот

Кандидатот за градоначалник на Град Скопје, Петре Шилегов на СДСМ и коалицијата „Најдоброто за мојата општина“ по денешното гласање на избирачкото место во СУГС „Георги Димитров“ во Тафталиџе порача дека гласањето е празник за демократијата.-Гласањето е нешто кога луѓето одлучуваат во кој правец сакаат да се движат, во конкретниот случај градот Скопје. Имајќи предвид дека меѓу двата изборни круга успеавме до граѓаните да допреме со концепт, континуитет и развој на нашиот град. Излезноста е поголема од првиот круг, а јас сум убеден дека скопјани со масовното излегување ќе одберат градот да се движи во континуитет, развој и храбри потези што заедно ги влечеме и ќе ги почекаме резултатите до вечерва, изјави Шилегов.

Скопје | пред 4 години

Во Карпош, Центар и Чаир одѕивот поголем отколку во првиот круг

Со исклучок на Шуто Оризари, во останатите скопски општини каде што денеска се гласаше за градоначалник во вториот круг од локалните избори, излезноста е поголема во однос на првиот круг.Според податоците на ДИК од обработени 98,04 проценти избирачки места, до 18:30 часот, најголем е одѕивот во Карпош 53,50 отсто, што е за 3,72 проценти повеќе во однос на првиот круг кога беше 49,78.Во Центар излезноста е 51,16, а пред две недели беше 48,10.Во Чаир на гласање до 18:30 излегоа 44,73, а на 17 октомври 43,05.Само во Шуто Оризари се бележи помал одѕив. До половина час пред затворањето на избирачките места гласаа 32,81 отсто, а во првиот круг излезноста беше 33,31.

Скопје | пред 4 години