Никола од Будимпешта го поддржува денешниот протест. Да, да. Он го поддржува протестот на денот кога толпа под негова команда тргна да убива луѓе. Со голи раце! Добро некои и со пиштоли. Превише е лично за да се сведе на политичко незадоволство, се вели во објава на ФБ. Извор: ФБ
Македонија | пред 5 години
Министерството за внатрешни работи во изминативе денови спроведува засилени акциски контроли на делницата Јажинце-Тетово-Гостивар-Дебар, а во текот на вчерашниот ден (24.04) санкционирани се 171 возачи поради возење со брзина поголема од дозволената, од кои 12 се движеле со брзина од над 70 километри на час над дозволената брзина, а 51 со брзина над 50 километри на час над дозволената брзина. Санкционирани се и 20 возачи поради непрописно престигнување.Засилените контроли продолжуваат и денеска и во наредните денови, а евидентно е намалувањето на бројот на сообраќајни незгоди во периодот кога овие контроли се спроведуваат. Како резултат на преземените мерки, намален е бројот на жртви во сообраќајни незгоди, 2020 година е година со најмал број на жртви (125). И во текот на 2021 година продолжува трендот на намалување на бројот на сообраќајни незгоди, како и бројот на жртви. Во периодот од 1 јануари до 15 април 2021 година бројот на сообраќајни незгоди е намален за 12 отсто во однос на истиот период лани, а бројот на жртви е намален за 14 отсто.
Македонија | пред 5 години
Со затоплувањето на времето се зголемува и атрактивноста на популарните излетнички места во и околу Скопје. Градскиот парк, Водно и другите дестинации за прошетка на граѓаните стануваат омилени локации кои речиси секој викенд се преполни со посетители. Исто така, овој период, бидејќи не работат угостителските објекти, популарните скопски излетнички места се со значително зголемен број на посетители, а со тоа се зголемува и количеството на отпад на јавните отворени простори.Иако сите локации се опремени со неопходниот број на корпи за отпад и редовно се чистат, сепак понекогаш поради големата фреквенција на посетители, тие корпи бргу се полнат, што резултира со отпад паднат и расфрлен околу веќе полните корпи, кој најчесто се состои од пластични шишиња, пластични чашки за сок или хартиени чаши за кафе.Со цел да направиме разлика и заеднички да придонесеме за почиста средина за нас и за нашите деца, Градот Скопје спроведува кампања „Колку помало, толку почисто“.Пред да го фрлите, најпрво убаво исцедете го шишето или чашката што сте ја користеле. На овој начин корпите не се полнат со течности. Потоа, едноставно згмечете го и тогаш фрлете го во корпата за отпад. На овој начин, во корпата останува повеќе слободен простор што значи многу помалку отпад расфрлен околу неа.Само доколку заеднички ја подигнеме свеста за нашата околина, можеме да направиме разлика. Затоа, да бидеме совесни и одговорни и да го одржуваме Скопје чисто.
Скопје | пред 5 години
Од 20.00 часот (24.04.2021) до 05.00 часот (25.04.2021) констатирано е дека 50 лица не ја почитувале забраната за движење. Во текот на изминатото деноноќие (24/25.04.2021), пак, на територијата на Република Северна Македонија, за мерката за носење лична заштита на лице, регистрирани се 678 прекршоци.Министерството за внатрешни работи апелира до граѓаните да ги почитуваат мерките и протоколите донесени од Владата и сите заеднички да придонесеме за спречување на ширењето на ковид-19.фото: Архива
Македонија | пред 5 години
ВМРО-ДПМНЕ дава поддршка на сенародниот протестен марш за слобода за Уставобранителите кој ќе се одржи денеска со почеток од 11 часот пред Влада, од каде ќе се продолжи кон Собранието на Република Македонија. Правда за Уставобранителите! И еден ден во затвор како неправедно осуден е тежок како година, се вели во соопштението од ВМРО ДПМНЕ.Во продолжение на истото се додава:Не смееме да премолчиме неправда, затворот на правдина е најтежок, а општеството не смее да дозволи импровизации.Уставобранителите се во затвор, а полицијата на Спасовски им дава закрила на ИСИС, турската, српската, албанската и италијанската мафија. Тоа значи дека е изгубено секое мерило на праведно расудување и секоја неправда мора да се исправи.Даваме поддршка и бараме ослободување на Уставобранителите, тие не се и не можат да бидат терористи. Тие се чесни граѓани на оваа земја.фото: Архива
Македонија | пред 5 години
Времето денеска ќе биде сончево со мала локална облачност и потопло. Ќе дува слаб до умерен ветер од северозападен правец.Минималната температура ќе биде во интервал од 2 до 10, а максималната ќе достигне од 15 до 21 степен, известува УХМР.Во Скопје, ќе биде претежно сончево со слаб до умерен северозападен ветер.Минималната температура ќе се спушти до 4, а максималната ќе достигне до 20 степени.фото: Архива
Македонија | пред 5 години
Гостиварец ќе прегазеше полицаец во обид да избега со возило. Настанот се случи доцна попладнево, кога во центарот на градот, сообраќајна полициска контрола го застана 49 годишниот возач од гостиварското село Балиндол, за да го легитимира, пишува „А1он“.
Македонија | пред 5 години
Директорите на инспекторатите се именуваат и разрешуваат на владини седници од страна на Владата, вели претседателката на Инспекцискиот совет Магдалена Филиповска Грашковска во врска со најновите случувања во Државниот пазарен иснпекторат, каде директорот Стојко Пауновски не прифаќа да вработи 35 лица преку програмата К-5, а по што премиерот Зоран Заев најави дека тој ќе биде разрешен, објави МИА.Вработените во ДПИ како поддршка на директорот Пауновски организираа петиција, која досега, како што велат, ја потпишале над 90 отсто од нив и најавуваат дека в понеделник ќе ја достават до Владата. Филиповска-Грашковска пак вели дека до неа не е пристигната никаква петиција за поддршка на директорот Пауновски. Таа појаснува дека вработувања преку Програмата К-5, нема да направат никаква промена во барањата што ги имаат доставено инспекциските служби согласно нивните годишни планови, ниту во ефикасноста на работењето на инспекторатите. Според неа, во годишните планови за 2021 како приоритни се вработувањата во Државниот пазарен инспекторат, Државниот инспекторат за труд, Инспекторатот за животна средина, Државниот инспекторат за транспорт и Државниот комунален инспекторат. Според овие планови, на седница на Владтаа поминала одлука за одобрување на 104 нови вработувања во сите инспекциски служби во 2021 година, од кои 15 нови вработувања се предвидени за ДПИ.Актуелно е несогласувањето на релација премиер и директор на Државниот пазарен инспекторат во врска со 35-те рамковни вработувања. Најавено е разрешување на Пауновски, не ги спроведува одлуките на Владата. На чело сте на Инспекцискиот совет, вработените на ДПИ в понеделник најавија врачување на петиција за поддршка на Пауновски, досега се потпишале над 90 отсто. Колку се оправдани најавите за негово разрешување и колку се оправдани забелешките на Пауновски?-Согласно членот 14 од Законот за инспекциски надзор, со инспекторатот раководи директор на инспекторат, кој го именува и разрешува Влада во согласност со законот. Така што директорите на инспекторатите се именуваат и разрешуваат на владини седници од страна на Владата. До мене не е притистигната никаква петиција.извор: МИА.
Македонија | пред 5 години
Владата и натаму тврди дека директорот на Пазарниот инспекторат, Стојко Пауновски, не е во право што одбива да ги вработи „рамковните“ административци во институцијата со која раководи. Тие посочуваат дека со распределба на овие работници, од кои дел и по цела деценија не одеа на работа, се решава проблемот, без финансиски импликации врз буџетот бидејќи за нив веќе има одвоено и средства за плати.„Директорот на Државниот пазарен инспекторат беше писмено известен за сите детали и информации во врска со оправданоста и начинот на распределбата и за тоа дека не ја почитува законската обврска, односно дека во законскиот рок не го прилагодил актот за систематизација на работни места во оваа институција што е дел од постапката за мобилност преку преземање на дел од не распоредените административни службеници. Почитувањето на законите и утврдните постапки врз основа на законските одредби се темел на кој се заснова политиката на оваа влада. Тоа е обврска за сите што се дел од институциите, особено за носителите на одговорни раководни функции“, велат од Владата.Од Владата го преку соопштение го објаснуваат и начинот на распоредување на „рамковните административци. Велат дека распоредувањето е на работно место на исто ниво, за кое административецот ги исполнува општите и посебните услови утврдени со актот на систематизација во институцијата во која се распоредува или презема.„Сите институции имаа целосен и детален увид во планот за распределба кој содржи податоци за сите вработени кои треба да бидат преземени и распоредени, податоци за нивото на работното место на тековното вработување, податоци за стекнатото образование, како и називот на институцијата во која се презема вработениот. Според планот, ДПИ треба да преземе 32 вработени, од кои 29 на работно место помлад соработник и тројца на работно место помлад референт. При изготвувањето на Планот, Министерството за политички систем и односи помеѓу заедниците го имаше во предвид фактот дека видот на образование на вработениот кој се презема треба да биде соодветен на надлежноста на институција во која се презема, односно да ги исполнува општите и посебните услови утврдени во актот на систематизација на работни места во институцијата во која се распоредува, односно се презема. Членот 12 ги утврдува условите за инспектор и определува дека инспекторот треба да има завршено образование од соодветната област што се докажува со уверение“, објаснуваат од Владата.Владата убедува дека лицата кои треба да почнат со работа во Пазарниот инспекторат, ги исполнуваат општите и посебните услови за да бидат административни службеници.„Оттаму, од увидот во образовниот профил на лицата кои се опфатени во Планот за распределба е утврдено дека 24 вработени кои треба да бидат преземени на работни места од категорија помлад соработник, ги исполнуваат општите, посебните услови, односно условот видот на образование да биде соодветен на описот на работното место. Ова значи дека овие лица може да бидат преземени како административни службеници. Членот 5 од Законот за преземање на административни службеници вработени преку K-5 програмата во Министерството за политички систем и односи меѓу заедниците, е донесен во декември 2020 година, утврдува дека раководните лица во институциите, се должни да ја започнат постапката за усогласување на актите за систематизација на работните места со одредбите од овој закон во рок од 30 дена од денот на усвојувањето на Планот за преземање. Ова го прифатија 237 институции“, додаваат од Владата.Директорот на Пазарниот инспекторат, Стојко Пауновски, кажа дека од прераспределени 35 административци, може да прифати само 12 од нив. За него, не беше прифатливо да ги земе сите прераспределени за да земаат плата, а да не работат.Претходно, премиерот Зоран Заев кажа дека очекува да се разреши Стојко Пауновски, бидејќи смета дека има основ за тоа. Ова доаѓа откако претходно Пауновски одби да вработи 35 „рамковни“ административци, бидејќи сметаше дека тие не исполнуваат услови согласно систематизацијата. На ова одговори Заев, кој јавно му испрати порака и му порача да не дава отпор. Пауновски отиде чекор понатаму и кажа дека е разочаран од изјавата на премиерот. Премиерот Заев смета дека Пауновски со изјавите го понижил него, но и Артан Груби како вицепремиер задолжен за прераспределба на рамковните вработени.Освен вработените во Државниот пазарен инспекторат кои веќе кажаа дека застануваат зад директорот Пауновски, поддршка за него има и на социјалните мрежи каде се критикува чекорот на Владата и премиерот Заев. Зад Пауновски, според Котели, стои и Синдикатот на работниците од управата, правосудните органи и здруженија на граѓани.Фото: Архива
Македонија | пред 5 години
Не постои правен основ за разрешување на Стојко Пауновски. Директорот на државниот пазарен инспекторат апсолутно ги почитувал законите, сметаат правните експерти. Тој не може да измисли работни места за непостоечки професии и да ја менува систематизацијата. На тој начин би го прекршил законот, вели професорката Ана Павлова Данева, објави Сител.Данева вели дека не постои простор за повикување на етичкиот кодекс за разарешување. Потсетува дека етичкиот кодекс на владините функционери на кој се повикуваат вицепремиерите Николовски и Груби првенствено постои за да го штити интегритетот на институциите со кои раководат како и јавниот интерес. А токму тоа го правел Пауновски.Етичкиот кодекс предвидува неколку мерки за казнување на владини функционери а разрешување е последна мерка, вели Данева.Текстот во целост на: Сител.
Македонија | пред 5 години
Шефот и 27ми!!!Овој човек ги повика, па ги предаде и осуди протестантите од 27ми, уште неосудени од Суд!Сега истиот овој човек, после точно 4 години, повторно Ве повикува да протестирате за демек слобода на оние кои тој ги осуди и продаде, напиша на својот ФБ профил промоторот на „Македонски концепт“, Петар Богојески.Богојески во објавата додава:Дали знаете зошто го прави тоа?!?Во тек е постапка за проширување на истрагата за 27ми, во која е опфатен и тој истиот, како главен организатор! Доколку добие обвинение за тероризам, џабе ќе му биде бегството во Унгарија, ќе мораат таму да го притворат! Тој човек Ве повикува повторно да се “будалеете на 27ми”, само и само тој да остане на слобода! Го заболе него за луѓето што ги намести по затвори!!!За да спречи негово апсење во Будимпешта, тој го испрати измеќарот Мицко да се пазари со Заев во име на ВМРО ДПМНЕ и во име на граѓанското незадоволство, но пред се поради ветувањето дека ќе остане на слобода доколку обезбеди пратеници за промена на името МАКЕДОНИЈА!Мицко бара гаранции за шефот, дека ќе му се исполни ветеното со промена на името и дека ќе остане на слобода. Бидејќи истрагата не може да се спречи, а шефот да остане надвор од обвинение, се пазарат со Заев за “амнестија за 27ми”!!! Демек сакале да ги ослободат осудените, а вистината е дека сакаат пак да го искористат народот на протести за да спречат ново обвинение за бегалката.Заев може да им “спроведе амнестија” само и само “под притисок на народот”! Затоа народот се бара да протестира. Ако Заев одлучи да амнестира, ќе биде добро за шефот! Ако Заев осети дека протестите не се толку силни, нема да амнестира, ама може некоја жешка глава пак да си го однесе и да заврши пак во затвор, поради пазарите на шефот на Мицето.Опаметете се веќе еднаш!!!Доволно Ве користат за “газот” на бегалката!!!Никој од нив тројца не е загрижен за осудените по затвори за 27ми!!!Нив ги интересира да се исполни договорот за промена на името Македонија и шефот да остане на слобода!!!Ништо друго!!!Пак ќе Ве пуштат низ вода!!!п.с. Повторно можете за ова да ме нарекувате предавник, платеник, кодош... ама на крај пак ќе испадне по мое!!! Како што испадна по мое за името, сега ќе биде и за “презимето”!п.п.с. Ако до сега Ви беше малку, продолжете и понатака, нека Ве дотолчат!!!п.п.п.с. Јас толку можам! Ги перам рацете!!! извор: ФБ Петар Богојески
Македонија | пред 5 години
Во последните 24 часа се направени 3.526 тестирања, а регистрирани се 564 нови случаи на КОВИД-19 во:Скопје –192, Куманово – 45, Битола – 44, Прилеп – 40, Велес и Струмица – по 23, Охрид – 22, Гостивар – 19, Штип – 18, Тетово – 17, Кочани – 16, Берово – 13, Кавадарци и Кичево – по 11, Виница – 9, Свети Николе и Дебар – по 8, Струга и Ресен - по 7, Радовиш – 6, Валандово – 5, Неготино, Пропиштип и Крушево – по 4, Гевгелија, Крива Паланка и Делчево – по 2, Богданци и Демир Хисар – по 1.Регистрирани се 1.357 оздравени пациенти од:Скопје – 412, Охрид – 248, Кавадарци – 87, Куманово – 69, Битола – 67, Прилеп – 58, Струга – 46, Велес – 43, Тетово – 40, Неготино – 33, Струмица – 31, Кочани – 27, Гостивар – 25, Дебар – 21, Штип – 19, Крушево – 18, Гевгелија – 16, Виница, Валандово и Крива Паланка – по 15, Кичево – 13, Берово и Свети Николе – по 9, Делчево – 7, Богданци – 6, Ресен и Демир Хисар – по 2, Радовиш, Пробиштип, Демир Капија и Дојран – по 1.Пријавени се вкупно 22 починати лица: 8 од Скопје (60г, 68г , 71, 72г, 74г, 74г, 82г и 85г), по 2 починати лица од Битола (79г и 85г), Прилеп (69г и 79г) и Кочани (72г и 73г), по едно лице од Охрид (61г), Кавадарци (80г), Гостивар (51г), Штип(75г), Свети Николе (80г), Делчево (65г), Ресен (71г) и Пробиштип (74г). Сите починати пациенти се починати во болнички услови.Направени се 3.526 тестови преку: ИЈЗ-503, ЦЈЗ Скопје-68, ЦЈЗ Битола-82, Клиника за инфективни болести и фебрилни состојби - 0, Судска медицина - 3, лабораторија болница Козле - 11, УК Пулмологија со алергологија – 0, ГОБ 8-ми Септември - 11, Институт за микробиологија – 67, МАНУ - 124, Жан Митрев (Филип Втори) - 118, Авицена -246, Биотек - 718, Систина - 177, лабораторија Лаор - 425, Синлаб - 76, Ремедика - 73, Плодност – 48, Генеа – 4, ЈЗУ и ПЗУ (рапид тест) – вкупно 772.Досега во земјата се направени вкупно 707.095 тестирања на Ковид-19.Вкупната бројка на КОВИД-дијагностицирани лица во нашата земја од почетокот на епидемијата изнесува 150.274, бројката на оздравени пациенти е 128.496, на починати е 4.650, а бројот на активни случаи изнесува 17.128.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно) Активни случаи (вкупно)Скопје 66435, активни 7737Куманово 8338, активни 1180Прилеп 8079, активни 872Тетово 7028, активни 623Битола 6017, активни 1183Велес 5322, активни 615Гостивар 5074, активни 418Кавадарци 5063, активни 403Штип 4843, активни 440Охрид 4836, активни 524Струмица 3924, активни 550Струга 2908, активни 169Кочани 2671, активни 285Кичево 2417, активни 294Гевгелија 2153, активни 294Неготино 2132, активни 199Свети Николе 1464, активни 145Крива Паланка 1199, активни 80Ресен 1191, активни 206Радовиш 1075, активни 134Берово 998, активни 66Делчево 941, активни 94Дебар 927, активни 49Виница 779, активни 112Пробиштип 765, активни 35Валандово 653, активни 76Богданци 482, активни 69Крушево 468, активни 91Демир Капија 392, активни 30Демир Хисар 375, активни 62Кратово 354, активни 17Македонски Брод 352, активни 28Пехчево 259, активни 21Македонска Каменица 228, активни 14Дојран 132, активни 13фото: Архива
Македонија | пред 5 години
По повод 116 години од смртта на македонскиот револуционер Христо Узунов, претставници на Единствена Македонија положија цвеќе на неговиот гроб во селото Цер, Кичевско.На настанот присуствуваше и претседателот на Единствена Македонија Јанко Бачев кој истакна:-„Денеска дојдовме да положиме цвеќе и да го одржуваме жив споменот на големиот македонски револуционер, војвода и учител Христо Узунов и неговите соборци - комити, кои, на денешен ден пред 116 години, храбро го положија животот за слободна и независна Македонија.Речиси како на филмско сценарио се редат убиствата на македонските револуционери во тоа време. Предадени од доушници, се судруваат со побројниот турски аскер, им снемува муниција и исправени пред изборот - да се предадат или да умрат, со последните куршуми се самоубиваат.Христо Узунов и неговите соборци - комити на денешен ден во 1905 година не сакајќи живи да паднат во рацете на аскерот, се самоубиваат.Христо Узунов останува докрај верен на идеалот за слободна и независна Македонија за која го положува животот на свои 27 години.Особено е потресно неговото проштално писмо до неговата мајка во кое и вели дека без најмалку да ја навреди - се чуствува повеќе син на втората мајка Македонија отколку на својата биолошка мајка која го родила. Со ова Христо Узунов дава на знаење дека татковината е се, маките на татковината се поголеми од сите страданија на секоја наша мајка.Но, еве 116 години подоцна ние оваа генерација Македонци како да не сме достојни на делото на нашите претци. Ако нивниот идеал беше да создадат слободна и самостојна Македонија наша обврска денеска е да ја зачуваме татковината. Но, ние ја губиме државата а сето тоа немо го посматраме и си молчиме.Нека биде инспиративно делото и жртвата на нашите војводи од тоа време - Христо Узунов, Метоја Патче, Гоце Делчев, Даме Груев и уште многу други. Сите биле учители и можеле да си бидат само учители, да седат мирни, да не бидат револуционери и да не одат во планините. Ама така ќе ја немаше Македонија.Затоа упатувам апел до сите Македонци станеме да се бориме за нашата држава, нашата татковина и да ги запреме овие марионети на „ѕверот“ кои 30 години ни ја уништуваат државата.Сакам да порачам, во битката за Македонија, Единствена Македонија секогаш ќе биде на страната на македонскиот народ. Никогаш нема да ја предадеме Македонија, нашата земја, нашата татковина. Никогаш нема да ја предадеме крвта на илјадници Македонци и Македонки кои ја пролеаа за нашата Македонија. Никогаш нема да го предадеме името, идентитетот, историјата и традицијата на македонскиот народ. Христо Узунов оставил завет дека се чуствува повеќе син на втората мајка Македонија, а јас денеска од ова историско место продолжувам каде застана Христо Узунов и да извикнам: Македонија е нашиот дом, онака како што се бориме за нашите домови се бориме и за Македонија.Да ни е жив споменот на Христо Узунов!Да ни е вечна македонската држава, истакна Бачев.
Македонија | пред 5 години
Тешка сообраќајна несреќа се случи попладднево на автопатот Тетово-Гостивар. Како што се гледа и од фотографиите еден автомобил е превртен на кров, а на лице место беше присутна и полицијата и медицински екипи, објави infomax.mk.Како што дознаваме од извори од полицијата има неколку повредени кои се пренесени во тетовската болница.Во несреќата дознава Инфомакс не учествувало друго возило.извор: infomax.mk.
Македонија | пред 5 години
Апел за помош!!!Извор: Социјални мрежи
Македонија | пред 5 години
Многу прашина се крена околу целата ситуација со директорот на ДПИ, Стојко Пауновски кој одби да ги прими „рамковно“ распределените вработените кои досега седеа дома, а земаа плата бидејќи како што истакна дел од нив немаат соодветно образование. Тој во кратка изјава за „Фокус“ даде појаснување на целиот настанат проблем, во кој став дадоа и премиерот Заев и Љупчо Николовски и Артан Груби.„Тоа што јас го кажав не беше одлука, туку спроведување на закон во една институција која Владата ми ја доверила јас да ја раководам. Поинаку не знам и не сакам да работам“, ни истакна Пауновски. Извор: „Фокус“
Македонија | пред 5 години
Чекаме Џафери да го објави законскиот основ и документот според кој Караџовски одобрил позитивни пратеници да одат во Собрание. Караџовски нема право и правен основ да ги менува протоколите, се вели во соопштението од ВМРО ДПМНЕ.Во продолжение на соопштението се додава:Каков е тој документ потпишан од Караџовски со кој се суспендираат закони на неколку часа?Дали Караџовски направил фалсификат документ или Џафери лаже.Караџовски и Џафери да излезат и да ја кажат вистината.Документ каков што тврди Џафери би бил правен преседан. Караџовски и Џафери да не се кријат и да објаснат дали се впуштиле во законско кршење за потребите на циркусот и театарот на Зоран Заев?!фото: Архива
Македонија | пред 5 години
Основното јавно обвинителство за гонење на организиран криминал и корупција ја информира јавноста дека во рамките на истрагата против четири лица за кои постои основано сомнение дека сториле Злоупотреба на службената положба и овластување, точно е дека изврши претрес во просториите на Правниот факултет „Јустинијан Први“ – Скопје што ги користел осомничениот управител на правно лице и се одземени компјутери.Воедно, во досегашната истрага, не се пронајдени материјали поврзани со приемните испити на слушатели во Академијата на судии и јавни обвинители. Што се однесува до Софтверот за полагање на испитот за прием на слушатели во Академијата на судии и јавни обвинители, истиот не е одземен.фото: Архива
Македонија | пред 5 години
Во скопската населба Аеродром се чини дека не важи забраната за присуство на гости во угостителските објекти, донесена на владина седница. Ситуацијата на терен изгледа како пред неколку недели, поставени маси на надворешните делови од објектите, на кои се служат пијалаци, објави ТВ21.Инаку, покрај угостителските објекти целосна забрана да примаат гости имаат и хотелите, мотели, хостели, пансиони и други објекти за сместување или на бензински станици кои имаат делови за служење храна.извор: ТВ21.фото: ТВ21.
Скопје | пред 5 години
Ноќеска по полноќ модуларната болница ја напуштил 75 годишен пациент од Пробиштип. Еден час подоцна е пронајден мртов во една од околните улички околу штипската болница. Извори од истрагата за ТВ 24 велат дека првично поради пронајдените траги се мислело дека станува збор за прегазен пешак.На лице место излегла полиција и јавен обвинител. Подоцна се утврдило дека станува збор за избеган ковид пациент, кој бил на кислородна подршка. Првичните резултати од обдукцијата говорат дека телото нема видливи траги на насилство и веројатно причина за смртта е белодробната пневмонија.извор: ТВ 24
Македонија | пред 5 години
Започнавме со подготовки за реконструкција на улица „Богомилска“.Оваа улица беше во навистина лоша состојба поради изградбата на неколкуте станбени објекти.Во следниот период покрај ова улица ќе се реновираат и улиците „Славеј Планина“ и „Спас Банџов“ каде претходно поставивме нова водоводна линија, напиша на својот ФБ профил градоначалникот на Охрид, Константин Георгиески. извор: Фб Константин Георгиески
Македонија | пред 5 години
Поранешниот генерален секретар на СДСМ и поранешен пратеник, Александар Кирацовски контра премиерот Зоран Заев, актуелниот генерален секретар Љупчо Николовски и вицепремиерот Артан Груби за случајот со разрешувањето на директорот Стојко Пауновски. За разлика од останатите, Кирацовски смета дека Пауновски не треба да се разрешува, туку да се сметат критериумите за рамковна распределба на вработените по рамковниот договор, објави А1ОН.„Да се менуваме на подобро, менувајќи го лошото, не доброто. Aдминистративците по рамковниот концепт треба да бидат артикулирани во системот, согласно критериумите кои важат за сите останати, но не треба да бидат привилегирани на штета на истиот. Кога веќе силно се залагаме за подигнување на критериумите на високо професионално ниво во администрацијата и државниот апарат, неупатно и погрешно е да го менуваме оној кој најдоследно ги применува. Можеби јавната конфронтација на Пауновски е политички несмасна и спротивна на професионалниот кодекс на однесување, но неговата смена во овој момент би била грешна порака, спротивна на евидентните заложби“, напиша Кирацовски.Претходно, премиерот Зоран Заев кажа дека очекува да се разреши Стојко Пауновски, бидејќи смета дека има основ за тоа. Ова доаѓа откако претходно Пауновски одби да вработи 35 „рамковни“ административци, бидејќи сметаше дека тие не исполнуваат услови согласно систематизацијата.извор: А1ОН
Македонија | пред 5 години
Министерката-милионерка, во обид да го оправда заемот од 25 милиони евра за таканаречени образовни реформи, со брзи, непромислени и нетранспарентни чекори, најавува укинување на учебниците и воведување на дигитални учебници. Царовска, без никакво чувство за приоритети во држава каде 455.000 живеат на работ на сиромаштија, очигледно не може да ги земе во предвид главните проблеми со кои се соочува образовниот систем, се вели во соопштението од Левица.Од партијата во продолжение на истото додаваат:Јасно е дека министерката нема претстава за руинираните училишта без основни услови за греење во дотраени објекти, кои се честа слика особено во руралните средини. Дополнително, потценувачки и манипулативни се проценките на Министерството за образование дека само за 400 ученици ќе бидат проблем дигиталните учебници, кога 1.300 семејства немаат ниту електрична енергија! Што значи, се работи за многу поголем број на деца кои ќе бидат дискриминирани и социјално обележани.Се поставува прашањето, како Царовска ќе имплементира ваков сериозен и комплексен зафат, со енормни финансиски средства, кога шест месеци подоцна, уште не е ставена во употреба Националната платформа која Заев и Царовска помпезно ја најавија во септември минатата година?Како што направи значителни заштеди, испраќајќи ги учениците дома без никаков обзир дали и колку имаат услови задолжително да ја следат наставата од далечина, така и сега таа реши да не им дава учебници. Исто како што не им даде ниту таблети, ни на учениците, ниту пак на наставниците, кога ги испрати да учат/држат часови од далечина.Интересен е начинот на кој министерката шпекулира со бројките, па произволно интерпретира податок. Таа излезе со тврдење дека нашите ученици во училиште поминуваат 900 часа помалку отколку нивните врсници ширум светот. Ова тврдење е неточно. Имено, во најголем број држави, на пр. учениците од шесто одделение, минуваат еднакво часови (од 30 до 32 часа) неделно во училиште, а наставната година трае 36 недели. Нашите шестооделенци имаат неделен фонд од 31+2 часа (редовна и задолжителна додатна и дополнителна настава), а наставната година трае 36 работни недели.Оттука, бројката на која се повикува министерката не се однесува на фондот на часови, туку на ефикасноста од истите. Со наводното модернизирање на учебниците, а во реалност- исклучување од системот за образование на голем број ученици кои нема да можат да следат настава, таа бројка може само да расне.Левица се залага за постепени образовни реформи, со широка вклученост на експерти и на јавноста, каде првично ќе бидат решени економските и социјалните проблеми со кои се соочуваат училиштата, наставниот кадар и учениците. Секакво грубо форсирање на брзоплети реформи укажува само на тоа дека власта брза да го потроши кредитот во нејзиниот должнички тренд, чии акумулирани долгови ќе ги плаќаат идните генерации, се вели во сопштението од Левицафото: Архива
Македонија | пред 5 години
Драг Зоране, функционерите се избрани за да не ги понижуваат граѓаните, а не претпоставените.Стојко е човек-храброст, човек-слобода!Однесувањето на Пауновски е највисок морален чин на сочувување на интергитетот и професионалноста на институцијата која ја предводи и која најодговорно, макотрпно се обидува да ја оспособи години наназад.Убаво би било да научиш да ги почитуваш своите соработници, напиша на својот ФБ профил Софија Куновска.извор: ФБ Софија Куновска
Македонија | пред 5 години
Некомпетентноста и нестручноста на кадрите нема врска со етничката припадност.Тие се посебен сој на крлежи кои се размножуваат на плодната почва на политикантството, партиското едноумие и владеењето на неправото, напиша на својот ФБ профил професорката Мирјана Најчевска.Најчевска во објавата додава:Секое поврзување на некокомпетентноста и нестручноста на кадрите со нивната етничка припадност е обид за замаглување на работите, дефокусирање на вниманието и отсуство на желба за решавање на проблемот.Извор: ФБ Мирјана Најчевска
Македонија | пред 5 години
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања
