(ФОТО) Филипче го посети Иле, два дена по операцијата тој полека заздравува на Клиниката за кардиохирургија

Неполни два дена по операцијата која му го спаси животот, младиот Иле полека заздравува на Клиниката за кардиохирургија. Бескрајно благодарен на тимот на лекари кои помогнаа да добие нова шанса за живот и пред се на семејството на младата девојка чие срце денес чука во неговите гради. Му посакувам што поскоро да закрепне и да се врати дома кај неговото семејство, напиша на својот Фб профил министерот за здравство Венко Филипче.фото: ФБ Венко Филипче

Македонија | пред 5 години

Кризниот штаб на Владата ги потврди рестриктивните мерки до 27 април, а можни се олабавувања

Главниот кризен координативен штаб на денешната седница ги разгледуваше предлозите пристигнати од Комисијата за заразни болести и врз основа на истите предлага на наредната седница на Владата, да се усвои одлука со која постојните мерки кои се со важност до 20 април 2021 година (вторник), да продолжат да се применуваат до 27 април 2021 година (вторник).Во случај на потврдување на трендот на опаѓање, Главниот координативен штаб ќе ја разгледа можноста за предлог за намалување на рестрикциите, исклучиво во случај на континуитет во падот на бројот на заразени и бројот на хоспитализирани лица и тоа конкретно за:• во периодот од 27 април 2021 година (вторник), заклучно со 15 мај 2021 година (сабота), да се отворат угостителските објекти за работа со посетители/гости во отворениот дел од угостителскиот објект (само летни тераси, градини, а не во затворениот дел);• забраната и посебниот режим на движење да почнува од 21:00 часот до 05:00 часот наредниот ден;• да ги разгледа можностите при намалување на рестриктивните мерки да се дозволи организирање на спортски тренинзи организирани од страна на фитнес центри/клубови на отворен простор (наместо во затворена спортска вежбална/сала);• други мерки во зависност од епидемиолошките текови и состојби во државата.Наведените предлог-мерки на Комисијата за заразни болести ќе се разгледуваат исклучиво доколку се задржат трендовите на опаѓање на бројките на новозараени и хоспитализирани лица, за што клучно е почитувањето на личните мерки за заштита од КОВИД-19 и активните протоколи за функционирање во услови на КОВИД-19. фото: Архива

Македонија | пред 5 години

Бројот на нови позитивни значително намален, но и денеска многу починати лица

Во последните 24 часа се направени 841 тестирања, а регистрирани се 135 нови случаи на КОВИД-19 во:Скопје – 81, Тетово – 15, Куманово – 13, Прилеп – 8, Кавадарци – 7, Македонски Брод – 3, Штип - 2, Битола, Кочани, Кичево, Гевгелија, Неготино и Берово – по 1.Регистрирани се 900 оздравени пациенти од:Скопје – 363, Битола – 62, Куманово – 54, Прилеп – 51, Велес – 46, Охрид – 44, Кавадарци – 40, Струга – 32, Кочани и Гостивар – по 23, Струмица – 22, Тетово – 16, Штип – 14, Кичево и Гевгелија – по 12, Пробиштип – 11, Берово –9, Неготино, Свети Николе и Крива Паланка – по 7, Ресен, Радовиш и Богданци – по 6, Делчево – 5, Македонски Брод, Виница, Кратово и Македонска Каменица – по 4, Валандово – 3, Пехчево – 2 и Крушево– 1.Пријавени се вкупно 35 починати лица: 14 од Скопје (46г, 46г , 54г, 56г, 69г, 70г ,77г, 79г, 79г,81г,87г, 87г, 87г, 89г), по 3 починати лица од Битола (72г,74г и 84г) и Куманово (62г,64г и 68г), по 2 лица од Прилеп (61г и 62г), Струмица (70г и 76г), Штип (58г, 72г) и Виница (68г и 70г), по едно лице од Велес (67г), Охрид(83г), Струга (75г), Гостивар (71г), Кочани (77г), Кичево (70г) и Неготино (69г). Од починатите пациенти, 3 лица се починати во домашни услови, а останатите 32 лица во болнички услови.Направени се 841 тестови преку: ИЈЗ-114, ЦЈЗ Скопје-34, ЦЈЗ Битола-0, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија–0, ГОБ 8-ми Септември-0, Институт за микробиологија–0, МАНУ-70, Жан Митрев (Филип Втори)-97, Авицена-0, Биотек-128, Систина-174, лабораторија Лаор-0, Синлаб - 0, Ремедика-0, Плодност – 0, Генеа – 0, ЈЗУ и ПЗУ (рапид тест) – вкупно 224.Досега во земјата се направени вкупно 692.096 тестирања на Ковид-19.Вкупната бројка на КОВИД-дијагностицирани лица во нашата земја од почетокот на епидемијата изнесува 147.229, бројката на оздравени пациенти е 123.710, на починати е 4.478, а бројот на активни случаи изнесува 19.041.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно) Активни случаи (вкупно)Скопје 65415, активни 8676Куманово 8066, активни 1209Прилеп 7910, активни 935Тетово 6918, активни 672Битола 5732, активни 1236Велес 5206, активни 698Гостивар 4994, активни 447Кавадарци 4993, активни 488Штип 4742, активни 454Охрид 4709, активни 846Струмица 3783, активни 549Струга 2867, активни 247Кочани 2582, активни 294Кичево 2349, активни 298Гевгелија 2118, активни 339Неготино 2113, активни 240Свети Николе 1433, активни 147Крива Паланка 1178, активни 84Ресен 1168, активни 218Радовиш 1039, активни 129Берово 967, активни 65Делчево 930, активни 96Дебар 910, активни 69Пробиштип 753, активни 42Виница 742, активни 109Валандово 633, активни 89Богданци 469, активни 73Крушево 457, активни 99Демир Капија 392, активни 39Демир Хисар 358, активни 57Кратово 350, активни 18Македонски Брод 347, активни 32Пехчево 250, активни 16Македонска Каменица 224, активни 11Дојран 132, активни 20 фото: Архива

Македонија | пред 5 години

(ФОТО) Филипче се сретна со поглаварот на МПЦ и поглаварот на ИВЗ, разговараа за ризиците кои ги носи групирањето на верниците во затворени простории

Денес се сретнав со поглаварот на Македонската Православна Црква – Охридска Архиепископија, Архиепископот Охридски и Македонски, г.г. Стефан, и поглаварот на Исламската верска заедница, Реисул Улема хаџи Шаќир ефенди Фетаи. На средбата разговаравме за актуелната состојба со коронавирусот при што им укажав на ризиците кои ги носи групирањето на верниците во затворени простории за време на претстојните верски празници. Се согласивме дека сите чинители треба активно да придонесат во битката со пандемијата и договоривме интензивна комуникација во следниот период, напиша на својот Фб профил Министерот за здравство Венко Филипче.фото: ФБ Венко Филипче

Македонија | пред 5 години

Специјализант кој е на платен список во ГОБ 8 Септември, четири години не се појавил на работа, а зема плата

Специјализант кој е на платен список во ГОБ 8 Септември, четири години не се појавил на работа, објави Слободен печат.Директорот на болницата Д-р Христијан Костов, потврдува дека специјализантот земал 30.000 денари плата, но и дека медицинскиот персонал е револтиран особено сега во време на пандемија.„И за него и за уште една колешка, исто така специјализантка, отворивме дисциплинска постапка. Не сум го видел во болницата четири години а морам да му давам 30 илјади денари плата, бидејќи таков е договорот со Министерството за здравство. вели Д-р Костов за Слободен печат.фото: Архива

Македонија | пред 5 години

Џафери: Работев согласно Протоколот, пратениците во скафандери немаа контакт со ниту едно лице во Собранието

Претседателот на Парламентот, Талат Џафери, ги направи беспредметни заканите од опозицијата дека ќе поднесат кривична пријава за присуството на болните пратеници од ковид, посочувајќи дека таквата постапка била спроведена според протоколот на Собранието.Тој посочи дека немал друг избор во услови кога опозицијата блокира и нема кворум, а има заболени пратеници од мнозинството и не може да работи Собранието.„Не работи Талат своеглаво, затоа што така му текнало. Пред тоа милион консултации направив со сите институции. Не смеам јас на своја рака да носам пратеници, затоа што јас така сакам, си има процедура, закони, се е ставено на хартија. Опозицијата одбива да работи, уценува и условува, прекинував нон-стоп седници, таа состојба прекипе и што јас да правам, да седам со скрстени раце?! Никој не бил загрозен, не можел никој да се зарази од тие пратеници кои немале контакт со никој, освен со хартијата во кабината. Што мислите вие, до полноќ ми текнува што да работам, а од полноќ да спроведувам. Не тоа не е мој стил, си има протокол си има процедури“, рече собранискиот спикер Џафери, објаснувајќи зошто го спровел протоколот за носење на пратеници кои се во изолација во Собранието.Џафери информираше и дека опозициската ВМРО-ДПМНЕ била известена и знаела за посебниот протокол под кој заболени пратеници може да дојдат во Собранието и да присуствуваат на седница, како одговор на реакциите во јавноста.Како што објасни тој, работна група уште во јули 2020 која донела протокол под кои услови ќе функцира Собранието во ковид услови, а подоцна во ноевмри со писмо до Министерството за здравство побарал дополнување на протоколот кој ги уредува условите под кои заболен пратеник може да се појави на Седница.„Оваа работна група го изготви тој протокол уште во јули минатата година кога беше пикот на пандемијата. Во тој период пост изборно требаше да ја одржиме конститутивната седница , да се избере Владата и ред други работи. Ако се сеќавате јас тогаш бев во болница непосредно кога се донесе протоколот. Според него е уредено гласањето за пратеници кои се наоѓаат во домашна изолација кои може да гласаат во посебни услови утврдени со протоколот. Ако се сеќавате и Арбен Џафери тогаш беше позитивен и изолиран, но дојде и гласаше во кабина, според истиот протокол. Со оглед на состојбата со коронавирусот, предложивме седницте да се одвиваат онлјан и тогаш ете ви 3000 амандмани од опозицијата. Беа против тоа и знаев дека ќе има проблеми, затоа на 18 -ти ноември испратив писмо до Министерството за здравство и Комсијата за заразни болести со кое побарав да се доуреди протоколот под кој може во Собранието да дојде заболен пратеник без симптоми. Следниот ден добив одговор и го имав протоколот на хартија. Свикав координација со партиите, но ВМРО-ДПМНЕ беа лути заради амандманите и не дојдоа на таа координација. Но, јас им уредно им го испратив протоколот , да не испадне после не знаеле, што е и моја обврска да ги информирам. И тогаш им кажав дајте луѓе да не се доведеме во оваа ситуација, да работиме за доброто на граѓаните. Но, како што и самите знаете, не испадна така, па бев приморан да го направам она што се случи вчера“, објасни Џафери.Џафери додаде дека пред закажувањето на 36-та седница ги прашал Алијанса за Албанците и Алтернатива дали ќе учестуваат и дали ќе има нивно присуство, но како што вели немало одговор и од нив. Како што додаде имајќи в предвид дека ВМРО-ДПМНЕ како што рече „условуваат“, а албанскиот опозициски блок не потврдува присуство се потпрел на протоколот со кој може да дојдат заболени пратеници без симптоми и да гласаат на Седница.фото: Архива

Македонија | пред 5 години

Рашковски нема ништо на свое име - имотот го префрлил на име на малолетните деца

Од 17 – ти декември лани до 21 – ви јануари годинава, Драги Рашковски цел имот го префрлил на име на малолетните деца кои се пред училишна возраст, пренесе Алсат.Поранешниот генерален секретар на Владата, нема веќе ништо на негово име. Сега, мелолетниците освен станот во Скопје од 65 квадратни метри, целосно поседуваат и 11 илјади квадратни метри во викенд населбата Побожје во подножјето на Скопска Црна Гора, каде семејството Рашковски треба да гради екстра луксузна хациенда од 800 квадратни метри. Според извори од Антикорупциска, веќе на 25 јануари од кога завршил процеост на трансфер на имот, Драги Рашковски од општина Чучер Сандево добил потврда дека двата плаца каде ќе гради се во викенд населбата, но и дека просторот е во градежна зона, наведува Алсат.Станува збор за вкупно 2195 метри квадратни каде треба да никне екстра луксузната вила од 800 метри квадртани. Алсат уште минатата недела објави дека малолетните деца на Рашковски треба да инвестираат во изградба на луксузна вила во Побожје. Според преоктот во кој имавме увид, во хациендата предвидени се базен, теретана, билијард соба, винарска визба но и многу други погодности. Рашковски никогаш не одговори колку ќе чини изградбата на ваков луксузен објект. Затоа консултиравме градежен инжинер кој пресмета дека изградбата на објектот до карабина, заедно со занаетчиски работи внатре, би чинел над 400 илјади евра.Тектот во целост на: Алсат.

Македонија | пред 5 години

Нема фотографија

(ВИДЕО) „Го чекам во када, мокра ко сирена“, Лиде Лиде сними песна и му упати порака на Венко

Лиде Лиде, дамата која македонската јавност ја запозна од пресовите на министерот за здравство, Венко Филипче, откако редовно оставаше коментари колку е вљубена во него, сега сними и песна за него.Песната е насловена како „Лиде на Венко“.Текстот и музиката се нејзини, а песната е снимена во студио кај Димитар Маневски.

Македонија | пред 5 години

ВМРО-ДПМНЕ најави кривична пријава за двајцата пратеници кои заразени со ковид гласаа во Собранието

Пратеничката група на ВМРО-ДПМНЕ ќе поднесе кривична пријава до Основното јавно обвинителство за двајцата пратеници од владејачкото мнозинство кои заразени со Ковид-19, гласаа во законодавниот дом.Координаторот на пратеничката група, Никола Мицевски оцени дека тоа е спротивно на сите законски норми и по ниту една цена не е оправдано.„Во текот на утрешниот ден Пратеничката група на ВМРО-ДПМНЕ ќе поднесе кривична пријава до Основното јавно обвинителство. На потег ќе биде правосудството кое ќе треба да се оттргне од очигледните политички стеги во рамките на коишто функционира според сите меѓународни извештаи“, рече Мицевски.Од ВМРО-ДПМНЕ велат дека на овој начин е даден пример оти политичарите се над законите, а притоа во ризик биле ставени сите вработени во Собранието, присутните претставници на медиумите како и пратениците.

Македонија | пред 5 години

Производителите на месо најавуваат повисоки цени за 20 до 40 отсто по велигденските празници ако владата не одобри бесцарински увоз на смрзнато месо

Дали зголемувањето на цените на месните преработки ќе биде за 20, 30 или можеби 40 отсто ќе зависи од тоа дали владата ќе ги врати редовно одобруваните количини од 6.400 тони за увоз на смрзнато свинско месо, односно ослободување од царина на увозот на смрзнато свинско месо за преработка, дали месната индустрија ќе биде вклучена во новите мерки и од веќе зголемените цени на месото на светскиот пазар.Ова го соопштија денеска на прес-конференција од Групацијата за преработка на месо и производство на сувомесни преработки при Стопанската комора која бара да продолжи рокот на мерката ослободување од царина на увозната суровина – смрзнато свинско месо за преработка.Групацијата тврди дека, ако не се прифати ова нивно барање ќе следи драстично зголемување на цените, а може да се очекува и згаснување на некои од преработувачките капацитетиДо престојните празници ќе издржиме со овие цени, иако дел од компаниите веќе ги зголемија цените, но по празниците драстично ќе се зголеми цената на месните производи. Доколку не бидат ододбрени скратените количини на веќе донесената одлука – рече Гоце Трајчев, претседател на Групацијата за месна индустрија.Тој рече дека Групацијата не бара субвенции, туку услови за работа како во соседството.Ние не бараме субвенции, туку само еднакви услови за стопанисување, со оглед дека оваа суровина целосно ја увезуваме од ЕУ каде што нема царина. На тој начин, домашната месна индустрија ќе може да опстои и да го задржи постоечкото ниво на производство, нема да има отпуштање на вработените и не би биле на товар на државата – рече Трајчев.Групацијата неодамна до Министерството за економија поднесе барање за враќање, односно за ослободување на скратените количини од последната мерка на Владата за укинивање на царинските давачки на замрзнато свинско месо за преработка. Денеска од Групацијата упатија апел до владата да се реализира ова барање.извор: Република 

Македонија | пред 5 години

Бачев: Потребно е вештачење и дијагноза за психичката состојба на Талат Џафери и заразените пратеници со скафандери

Вчерашното симптоматично однесување на Талат Џафери и заразени пратеници со скафандери во Собранието отвора сомнеж дека постојат случаи кои влијаат врз нивната душевна состојба. Кога некои лице се под ваква состојба, да не речеме стресна, тоа е опасно за народот и државата, бидејќи се работи за претседател на собрание и пратеници - членови во највисокиот законодавен орган во државата, се вели во соопштението од Единствена Македонија.Во продолжение на истото се додава:Да потсетиме, здравствените власти цело време со казни и апели повикуваат во интерес на здравјето да се седи дома а заразените од КОВИД-19 задолжително се ставаат во домашна или болничка изолација. Спротивно на ова, вчера слушаме дека заразени од КОВИД-19 не мора да седат дома во изолација и можат слободно да се шетаат до и внатре во Собранието заради кворум.Оттука, основано се појавува сомнежот дека кај Џафери и заразените пратеници постојат случаи кои влијаат врз психичката состојба и размислувањето да не може да ги сфатат дејствијата кои ги преземаат. Поточно, не може да распознаат што е интерес на граѓаните, бидејќи гледаме различно однесување за иста работа и притоа и во двата случаи се вели дека е во интерес на граѓаните.Единствена Македонија смета дека е време за поведување на постапка за испитување на постоење на психички околности поради кои Џафери и заразени пратеници не може да го сфатат значењето на интересот на граѓаните што може да влијае на нивната спреченост да ја вршат функцијата.Потребно е вештачење и дијагноза за Џафери и пратениците. Во спротивно, целата одговорност за непресметливите потези на Џафери и заразени пратеници во Собранието во иднина паѓа на марионетската власт во Скопје.фото: Архива

Македонија | пред 5 години

Левица: Владата на чело со премиерот Заев освен со криминал Собранието го контаминираше и со вирус!

Премиерот Зоран Заев, заедно со неговите најблиски соработници секој ден тоне во криминал, обрачот околу него со секој поминат ден се стега се’ повеќе, единствено прашање на време е кога ќе ја изгуби власта оваа криминогена структура околу Заев, се вели во соопштението од Левица.Во продолжение на истото од партијата додаваат:Токму поради паниката која го зафаќа премиерот Заев, како страв од кривична одговорност за сите злодела и криминали кои ги направи во периодот на неговото владеење, тој посегнува по уште поголем криминал и репресија, а со тоа и другите околу него ги вовлекува во криминални дејствија. Последен ваков случај беа вчерашните случувања во Собранието на Македонија, каде премиерот Заев, заедно со спикерот Џафери, прекршувајќи ја одлуката на Собранието и Кривичниот Законик, поттикнаа два пратеници на кривично дело, приндувајќи ги да се појават на гласање на 32-рата седница и покрај тоа што пратениците беа позитивни на Корона вирусот, што претставува кривично дело според КЗ Чл. 206 - за што Левица ке поднесе кривична пријава против овие два пратеника.Инаку, за да се обелодени вистината во јавноста, која СДСМ, и особено ковид позитивните пратеници претставувајќи се како жртви ја испревртуваат, доволно е да се погледнат точките на дневен ред од 32-рата седница, и тоа на сајтот на Собранието. Оттаму лесно може да се види дека 5-тиот пакет економски мерки не беше точка на дневен ред на оваа седница. Имено, Гласањето за 5-тиот пакет мерки НИКОГАШ НЕ БИЛО ДОВЕДЕНО ДО ПРАШАЊЕ ОД ОПОЗИЦИЈАТА, бидејќи истата спикерот можеше да ја свика и на 16 април, но, тоа не го стори. Вчера, за тој пакет економски мерки гласаа над 100 пратеници!Воопшто не беше потребно присуството на Ковид - позитивните пратеници за изгласување на петтиот пакет мерки, коишто патем, додека медицинскиот персонал низ земјава страда од недостиг на заштитна опрема и секој ден умираат луѓе како жртви токму на неспособното Министерство за здравство - тие дојдоа со скафандери и приватни амбулантски возила.Секојдневните непромислени и неспретни дејанија на Заев и неговите соработници од власта, се само доказ дека се наѕира крајот на овој веќе распашан режим, дотолку повеќе што, нивниот крај ќе биде полош и од оној на Груевски. Овој пат нема да има повторна амнестија за Зоран Заев!

Македонија | пред 5 години

Калеска Ванчева: Парламентарното мнозинство ја изгласа помошта за работниците, ВМРО-ДПМНЕ и денеска продолжува со блокади и деструкции

По двомесечна блокада од страна на опозицијата вчера Собранието ги донесе измените и дополнувањата на законите со кои ќе се реализираат мерките од петтиот пакет. Овие денови започнува исплатата на финансиската поддршка за исплата на плати за месеците февруари и март, каде се опфаќаат 60.000 работни места. Компаниите од најпогодените сектори на располагање ќе имаат 615 милиони денари кредити со нула отсто каматна стапка. Обезбедена е и поддршка за самостојните вршители на дејност и за регистрираните занаетчии, истакна Снежана Калеска Ванчева, пратеничка и координаторка на Форум на жени на СДСМ.Калеска Ванчева додаде:Оваа помош граѓаните ја чекаа со месеци заради деструктивната опозиција во Собранието која правеше сè за овие закони да не се донесат.Парламентарното мнозинство вчера реши да стави крај на уцените од парламентарната опозиција, обезбедивме кворум и потребно мнозинство, Собранието беше функционално и ефикасно.Вчера победија интересите и потребите на граѓаните, на оние граѓани чии претставници сме, оние граѓани кои нè плаќаат преку Буџетот.Вчера повторно беше поразено деструктивното, ненародно дејствување на опозицијата.Пропаднаа сите нивни обиди народот да остане без помошта што е обезбедена од Владата, пропаднаа нивните обиди Собранието да биде нефункционално и закочено.Но денеска повторно сме сведоци на деструктивно, ненародно однесување на ВМРО-ДПМНЕ.Денеска, на само еден час пред одржувањето Тимчо Муцунски ја откажа седницата на Комисијата за финансирање и буџет.На оваа седница на дневен ред беше уште еден закон од интерес на работниците, закон поврзан со надминување на последиците од коронакризата, односно Законот за данок на добивка.Со предлог измените се предвидува олеснување на начинот за покривање на загуби на товар на идните добивки, се зголемува износот за регрес кој не се даночи со што се создаваат можности за исплата на повисок износ на регрес за годишен одмор за работниците.Ете колку се грижи ВМРО-ДПМНЕ за работниците, колку се грижи за компаниите, колку се грижи за економијата.Очигледна е разликата, додека парламентарното мнозинство во секакви околности и на секаков начин работи за граѓаните, опозицијата предводена од ВМРО-ДПМНЕ на секој начин работи против интересите на граѓаните, на државата, на економијата.Затоа се казнувани на секои избори во последните четири години, затоа ќе бидат поразени и на следните избори, затоа што не се водат од интересите на граѓаните, туку се водат исклучиво од личните и партиски интереси.видео: СДСМ

Македонија | пред 5 години

ТУК: На протест бараме спас за сите во секторот, остануваме на улица до исполнување на барањата

Туристичко-угостителскиот сектор се наоѓа во исклучително тешка положба, а за негов спас е потребна сериозна и континуирана финансиска помош каква што не е обезбедена до сега. Поради тоа утре 20.04.2021 година излегуваме на протест, точно на пладне пред Министерството за финансии, онаму од каде се управува со парите во државната каса и од каде најдобро треба да знаат колку помошта ни е потребна. Со протестот сакаме јавно да го покажеме незадоволството од ситуацијата во која се наоѓаме, но и гласно и јасно да предупредиме дека уништувањето на овој сектор треба да се гледа и низ призмата на загуба на сериозна бројка на работни места, како и затворање на многу деловни субјекти од кои егзистираат цели семејства, истакнаа на денешната прес-конференција претставниците на Туристичко-угостителскиот сектор.„Повеќе од една година чекавме надлежните институции да научат и да отпочнат добро да ја менаџираат корона кризата и да ги разберат нашите барања за поддршка на нашето „преживување”. Наместо тоа, навлегуваме во втора година, во која здравствената криза е полоша во однос на претходната, а полоша е и состојбата во која се наоѓа туристичко-угостителскиот секторот. Се поголем број на претпријатија се затвораат, а вработените остануваат без извор за егзистенција во време на криза и пандемија. Нема време за чекање, поддршка е потребна сега и веднаш за сите, затоа излегуваме на протест на кој ќе останеме се до исполнување на нашите барања. Поддршка ни дадоа сите оние кои на директен или индиректен начин се засегнати со состојбата, оние кои ја сфаќаат безизлезната ситуација во која се наоѓаме“, изјави Перица Голомеиќ, од Туристичко-угостителската комора.Во организацијата на протестот се вклучени околу 6.000 правни субјекти од туристичко-угостителскиот сектор, најмногу угостителски објекти и туристички агенции од Туристичко угостителската комора, но поддршка има и од игротеките од Групацијата на забавни и рекреативни дејности, Асоцијацијата на туристички водичи, Движењето за социјална правда ,,Обединети работници" и многу други.За спас на угостителските дејности се бара еднократна финансиска помош за сите регистрирани угостителските објекти поделени во 3 категории врз основа на бројот на вработени во 2020 година, еднократна финансиска помош за регистрираните угостителски објекти на кои повеќе од една година им е забранета примарната дејност со уредба на Влада и кои со месеци немаат никаква помош како и утврдување на мораториум или репрограмирање со грејс период на кредитите од комерцијалните банки и кредитите од Развојната банка, се додека не ни дозволи Владата да работиме без рестрикции за нашиот сектор.Туристичките агенции истакнаа барања за еднократна неповратна финансиска помош како и продолжување на рокот на туристичките ваучери кои граѓаните не ги искористија до крајот на 2022 година, а ваучерите од владината мерка „Дома си е дома" да се реализираат исклучиво преку туристичките агенции за да можат да бидат опфатени хотелите, агенциите, водичите и превозниците.фото: ТУК

Македонија | пред 5 години

ФОКУС: Семејствата на Верица и Иле стапија во контакт - Изгубив сестра, но добив брат!

Семејството на 20-годишната Верица Белчовска од Берово, чие срце сега чука во градите на младиот Иле Стрезовски од Брвеница, и семејството на Иле, стапиле во контакт. Цветко, таткото на Иле за ,,Фокус” вели дека телефонски разговарал со Мартин, братот на Верче, и целата фамилија не може да се совземе од емоциите. Болка, неизвесност, страв, благодарност, се соочувале со помешани чувства, но како што вели, над се преовладувала огромната благодарност кон хуманата фамилија Белчовски, чиј гест му дал нова шанса на Иле, но и на многу други луѓе.-Се слушнавме со братот на Верче телефонски. Изгубив сестра, но добив брат, ми рече. Со таа реченица е кажано се, нашата благодарност не може да се опише со зборови, сите ние се уште сме како во сон, полека започнуваме да сфаќаме што навистина се случи.Иле е во добра состојба, започнал да јаде, разговарале… Вели дека дома сите со нетрпение чекаат да заврши хоспитализацијата и тој да си дојде за да биде со семејството.Ги благословуваме фамилијата Белчовски, целиот медицински тим, министерот за здравство Венко Филипче, но исто така сме преблагодарни на целата јавност која ни даваше поддршка. Сите добри луѓе кои барем за момент се ставија во наша положба, кои со искрени емоции ни посакаа здравје – вели Цветко.Текстот во целост на: ,,Фокус”фото: „Фокус”

Македонија | пред 5 години

Арсовски: Од Шилегов за сопругот на Мила Царовска еден милион денари за детекција на болни растенија

На толку нерешени проблеми во Градот Скопје, каде што граѓаните пиштат и вриштат од мрзеливоста и неспособноста на Шилегов, него му дојде до набавка за дронско прелетување и откривање болести на вегетација. Замислете на сите нерешени проблеми во Град Скопје, после четири годишно владеење на мрзеливиот Шилегов, каде што не можат да откријат која канделабра им свети, а која им е скршена, тие сега ќе откривале болести на растенија, истакна Димче Арсовски, портпарол на ВМРО-ДПМНЕ.Арсовски додаде:Најинтересно е што човекот што треба оваа година да открива дали растенијата во Скопје се болни или не, е токму мажот на Мила Царовска од СДСМ, со неговата фирма „Флај Кем“. Оваа негова операција за откривање на болести кај растенијата ќе ги чини граѓаните околу еден милион денари.Лудилото отиде до таму да најголем дел од техничката спецификација е токму како погодена за дронот на сопругот на Мила Царовска, што уште еднаш покажува дека е и повеќе од јасно дека однапред можеби и е договорено се. Дали е така? Тоа треба да истражат органите на прогонот.Одејќи по оваа логика, мрзеливиот Шилегов, само за да подели тендери на блиски на функционерите од СДСМ, не е ништо чудно од наредна година сопругот на Мила Царовска преку тендер на Градот Скопје да почне да брои комарци во текот на летото.Најпрвин да расчистиме неколку работи, заблуда е дека постои дрон што открива болни растенија, тоа го кажуваат и експертите. Не постои дрон што може да ти каже дека некое дрво или растение е болно или не е. Дополнително нема ниту стручна служба во Градот Скопје што би испитувала примероци од било какви детектирани болести кај болни растенија. Што значи очигледно е, ова е само начин за испумпување на парите на граѓаните во џебовите на функционерите на СДСМ.Ова е начинот на испумпување пари од граѓаните. Ова е начинот на работа на мрзеливиот Шилегов, кој единствено го интересираат вакви зделки. Додека има еден милион нерешени проблеми на граѓаните во Град Скопје, на мрзливиот Шилегов му е поважно да додели еден милион денари на сопругот на Мила Царовска.Почитувани граѓани, почитувани скопјани,Затоа и живееме во ваков хаос.Видео: ВМРО ДПМНЕ

Македонија | пред 5 години

Од утре поскапуваат дизелот и бензинот

Малопродажните цени на бензинот ЕУРОСУПЕР БС-95, ЕУРОДИЗЕЛ (Д-Е V) и на Екстра лесното масло за домаќинство (ЕЛ-1) се зголемуваат за 0,50 денар/литар, додека малопродажната цена на бензинот ЕУРОСУПЕР БС-98 не се менува, односно останува на исто ниво како што била утврдена со одлуката од 12.04.2021 година.Малопродажната цена на Мазутот М-1 НС се зголемува за 0,726 ден/кг и сега ќе изнесува 34,992 ден/кг.Од 20.4.2021 година од 00:01 часот максималните цени на нафтените деривати ќе изнесуваат:Моторен бензин ЕУРОСУПЕР БС – 95 67,50 (денари/литар)Моторен бензин ЕУРОСУПЕР БС -98 69,00 (денари/литар)Дизел гориво ЕУРОДИЗЕЛ БС (Д-Е V) 58,50 (денари/литар)Масло за горење Екстра лесно 1 (ЕЛ-1) 58,00 (денари/литар)Мазут М-1 НС 34,992 (денари/килограм)фото: Архива

Македонија | пред 5 години

Нема фотографија

Хилберс од ММФ: Мерките и одлуките на Народната банка придонесоа за помали последици од пандемијата врз македонската економија

Навремените и соодветни мерки и одлуки на централната банка во доменот на монетарната политика и финансискиот сектор придонесоа за намалување на последиците од кризата врз македонската економија и за одржување на финансиската стабилност.Ова меѓу другото беше истакнато од Пол Хилберс, извршниот директор на Конституенцата во ММФ во којашто членува нашата земја, на состанокот во рамките на Пролетните средби на ММФ и Светската банка, на којшто учествуваа гувернерката на Народната банка, Анита Ангеловска-Бежоска и вицегувернерите Фадил Бајрами, Емилија Нацевска и Ана Митреска.На состанокот, извршниот директор изрази целосна поддршка за политиките коишто се водат од централната банка и за мерките преземени досега, во услови на глобална пандемија и голем број предизвици. Притоа, нагласи дека неизвесноста предизвикана од здравствената криза и понатаму постои во глобални рамки, што наметнува потреба од постојана подготвеност на носителите на политиките за навремена реакција. На состанокот беше заклучено дека треба да се продолжи со стимулативните политики, сѐ додека на повидок нема целосно економско закрепнување.Имајќи ја предвид специфичноста на глобалната пандемиска криза и улогата на политиките на централните банки во ублажувањето на ефектите од кризата, на состанокот уште еднаш беше нагласена значајноста на независноста на централните банки и поддршката којашто ја добива Народната банка во овој поглед од ММФ, а со залагања и на Конституенцата.На состанокот беше истакнато дека Конституенцата и натаму максимално ќе ги застапува интересите на нашата земја во рамките на активностите на ММФ.фото: Архива

Македонија | пред 5 години

Единаесетмина обвинети за непочитување на полицискиот час во Скопје

Против 11 лица кои не го почитувале полицискиот час во Скопје, Основното јавно обвинителство Скопје поднесе предлози за издавање казнени налози. Лицата се товарат дека сториле кривично дело – Непостапување според здравствените прописи за време на епидемија од член 206 став 1 од кривичниот законик.Имено, во одвоени кривично-правни настани, тие биле затекнати како се движат на различни локации во градот, без да поседуваат дозвола и тоа во временскиот период во кој движењето на населението е забрането како мерка за спречување на ширењето на заразна болест.Јавните обвинители му предложија на Основниот кривичен суд Скопје да определи парични казни од по 100 дневни глоби за сите обвинети, при што поединечната висина на една дневна глоба да биде одредена на 20 евра во денарска противвредност.​фото: Архива

Скопје | пред 5 години

Обвиненија за употреба на фалсификувани потврди за ПЦР тест

Основното јавно обвинителство Скопје поднесе Обвинителен предлог против три лица за кривично дело – Фалсификување исправа од член 378 став 1 од Кривичниот законик.Во различни кривично-правни настани на Меѓународниот аеродром Скопје, обвинетите употребиле лажни исправи – фалсификувани потврди за негативни ПЦР тестови за SARS-CoV-2 вирусот. Иако знаеле дека не се тестирале во наведените лаборатории, при обид да ја напуштат државата со авионски лет од Скопје, тие ги презентирале потврдите како вистинити, но биле откриени од овластени службени лица.​фото: Архива

Македонија | пред 5 години

(ВИДЕО) Во еден ден 916 санкции за брзо возење на територија на цела држава

Во текот на вчерашниот ден (18.04.2021) Мобилната единица за безбедност во сообраќајот на патиштата спроведе зајакната акциска контрола за санкционирање на возила кои се движат со брзина поголема од дозволената на територијата на Република Северна Македонија, при што санкционирани се 916 возила. Од нив, 107 се движеле со брзина над 50 километри на час повеќе од дозволеното, а 30 возила се движеле со брзина над 70 километри на час повеќе од дозволеното.Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.фото и видео: МВР

Македонија | пред 5 години

ИН МЕМОРИАМ: Почина македонскиот професор и воен историчар д-р Александар Стојчев

По кратко боледување и компликации како последица на Ковид-19, вчера на 46-годишна возраст во Скопје почина универзитетскиот професор и воен историчар д-р Александар Стојчев.Професорот Стојчев од 2006 година бил раководител на Службата за воена историја – Воен музеј во Министерството за одбрана а претходно во периодот од 2002 година до 2006-тата година бил асистент по Воена историја на Воената академија „Генерал Михаило Апостолски“ во Скопје.Во својата професионална кариера тој бил и доцент и вонреден професор на Универзитетот Св. Кирил и Методиј во Скопје за област Воена историја и наставник по предметот „Балканските војни и Првата светска војна“ на Универзитетот Гоце Делчев во Штип.Тој е автор на повеќе книги од областа на воената историја а меѓу најпознатите и најкористените се „Букурешкиот мировен договор и поделбата на Македонија во 1913 година“, „Студија за формирање на Музеј на Првата светска војна“, „Нобеловците и АРМ за мирот“, „Дојран 1915-1918 (Воени операции)“ како и „Историја на воените мапи на Република Македонија“.извор: Лидер

Македонија | пред 5 години

Остануваат рестрикциите, неофицијално, позната одлуката на Комисијата за заразни болести

Рестриктивните мерки треба да останат во сила уште една недела, а непосредно пред празникот Велигден е неофицијалниот заклучок на Комисијата за заразни болести, пренесен од дел од медиумите. Ова значи дека угостителите ќе останат затворени, но, и полицискиот час ќе остане во сила. Ова значи дека наредниот понеделник, повторно ќе има состанок на Комисијата, на која одново не се исклучува претпразнично заострување на мерките или пак, да се олабават мерките со намалување на полицискиот час.За предложените рестриктивни мерки, ќе треба да одлучува Владата на седница, а откако ќе ги изгласа, стапуваат на сила.фото: Архива

Македонија | пред 5 години

Нема фотографија

Општина Центар се приклучи на проектот на Град Скопје за платформата „Smart CIty“

На последната, 63-та седница на Советот на Општина Центар, меѓу останатите точки, се изгласа и Одлуката за воспоставување меѓуопштинска соработка со Град Скопје за реализација на платформата за паметно осветлување и дигитален град - Smart city (Паметен Град).На предлог на градоначалникот на Саша Богдановиќ, советниците изгласаа Центар да се приклучи на останатите 10 општини на градот Скопје, кои заедно ќе се вклучат во реализација на платформата Паметен Град, проект кој ќе помогне Скопје да стане технолошка современа метропола.Преку т.н. паметни столбови, ќе се обезбеди систем за паметно осветлување на цела територија на Град Скопје и во Општина Центар, со чие поврзување ќе се придонесе кон носењето на подобри локални одлуки од страна на локалните власти и ќе го подобри квалитетот на живеење на жителите.Проектот ќе се реализира во наредните три години, а средствата за платформата Smart City ќе бидат обезбедени од Буџетот на Град Скопје за 2021-ва, 2022-ра и 2023-та година.фото: Општина Центар

Скопје | пред 5 години

22 лица го прекршиле полицискиот час, а 537 лица добија казна за неносење маска

Од 20.00 часот (18.04.2021) до 05.00 часот (19.04.2021) констатирано е дека 22 лица не ја почитувале забраната за движење. Во текот на изминатото деноноќие (18/19.04.2021) пак, на територијата на Република Северна Македонија, за мерката за носење лична заштита на лице, регистрирани се 537 прекршоци.Министерството за внатрешни работи апелира до граѓаните да ги почитуваат мерките и протоколите донесени од Владата и сите заеднички да придонесеме за спречување на ширењето на Ковид 19.фото: Архива

Македонија | пред 5 години