Судијата Владимир Панчевски преку ТВИТЕР најавува нов скандал :Обвинителите не биле само прислушувани, тие биле и следени

Поранешниот претседател на Основниот суд Скопје 1, Владимир Панчевски, најави нов скандал поврзан со обвинителите од ОЈО.„Нов скандал ќе го стресе обвинителството! Обвинителите не само што биле слушани туку било следено и снимано нивното движење со видео надзор, никој нели не го провери ова??? Го прашал ли некој Јовевски за ова???“, напиша Панчевски на Твитер.

пред 7 години

Објавена снимка од телефонот на Катица Јанева

Порталот Експрес.мк пишува дека на социјалните мрежи кружи видеоснимка направена со телефонот на специјалната јавна обвинителка Катица Јанева, најверојатно снимено во просториите на СЈО или за време на некоја посета на обвинителката на некоја институција каде што морала да го остави телефонот пред состанок.На видеоснимката во која имал увид порталот, но од безбедносни причини не е објавена, се гледа како Јанева во придружба на женско лице доаѓа најверојатно до безбедносниот магацин каде што во СЈО или друга институција поради заштита од прислушување се чуваат телефоните на вработените по што таа го зема телефонот и оди низ канцеларијата. Специјалната обвинителка не е свесна дека земањето на апаратот и одењето е снимено со нејзиниот телефон но во случајот она што е неверојатно е како се случило нејзините приватни или службени видеоснимки да излезат во јавност, пишува Експрес.мк.За да се почитува правото на Јанева на заштита на приватноста expres.mk нема да го објави видеото, но скандалозното истекување на видео снимка од телефонот на еден од најзаштитените македонски јавни функционери покажува дека безбедносните протоколи на СЈО чија линија и телефонски апарат користи Јанева се пробиени.Тој што дошол до видео од телефонот на шефот на СЈО веројатно веќе се обидел да дојде и до прислушуваните разговори и други важни документи и податоци од СЈО, констатира порталот.

Скопје | пред 7 години

(ФОТО) Автомобил излета од патот

Автомобил Пасат фолсфаген излета од патот на ул. Ристо Чадо во Охрид. Во несреќата повреден е возачот на автомобилот.СВР веќе е на терен и ги утврдува причините за несреќата. Портпаролот на СВР Стефан Димовски детали за несреќата најави за подоцна по завршувањето на истрагата.

Македонија | пред 7 години

Мечка изела 40 килограми кокаин, па ја нарекле Пабло Ескобар

Мечка од Грузија е наречена Пабло Ескобар бидејќи додека шетала низ шума во Националниот парк Чатахучи Окони налетала на 40 платични кеси полни со чист кокаин, во декември 1985 година.Бидејќи била гладна, мечката ги изела сите 40 килограми кокаин и умрела на лице место.„На планетата не постои суштество кое би можело тоа да го преживее“, вели медицинси истражувач кој бил задолжен за истрагата по пронаоѓањето на безживотното тело на мечката.„Стомакот буквално до врв и беше исполнет со кокаин. Никој не знае како мечката успеала да остане жива толку долго и да го изеде целиот кокаин од кесичките“, изјавил тој.Оние кои ја нашле мечката всушнст барале кокаин за кој верувале дека исчезнал.Неколку месеци порано, телото на полицаецот Ендруа Торонтона е пронајдено заедно со 70 кесички колумбиски кокаин, околу 4000 долари, два пиштола и нож.За време на еден од неговите летови во 1985 година имало проблем со моторите на авионот, па морал да го напушти. За време на неговата евакуација тој фрлил дел од дрогата во Националниот парк.  

Свет | пред 7 години

Не заборавајте, замислите желба за време на последната полна месечина во 2018 година

Последната и најјака полна месечина во 2018 година ќе имате прилика да ја видите на 22 декември. Поради студените денови во кои се јавува неа ја викаа и Студена/Ладна Месечина, а поради тоа што во прашање е последната полна Месечина во годината, позната е и како Долга месечева ноќ. Според верувањата, на оваа полна Месечина треба да посакате некоја желба и таа ќе ви се оствари.Имајте на ум дека оваа полна месечина ќе биде во знакот на Ракот, во четвртотот поле на домот и семејството. Емоциите ќе бидат многу нагласени, а бидејќи Месечината ќе биде и во аспект со Сатурн, работите нема да бидат лесни. Многумина ќе се вратат во минатото со помош на сеќавањата кои можат да бидат и добри и болни, што зависи од аспектот во личниот хороскоп. Секако, бидете во друштво на семејното опкружување и прославите. Избегнувајте расправи и гледајте собирите да ги доведете во енергијата на љубовта, топлината и хармонијата. Бидејќи Венера ќе биде во знакот на Шкорпијата таа ќе направи добар аспект со Нептун, па има и добри шанси таа вашите негативни емоции да ги трансформира во хармонија и љубов.Пред многумина од вас се убави и хармонични случувања за време на оваа полна Месечина, но некои можат да имаат стресен и тежок период. Најголемо влијание ќе осетат лицата од првата декада на Ракот, Јарецот, Овенот и Вагата. Бидејќи полната Месечина паѓа во првата декада на Ракот, така сите кои се родени во првата деката на секој знак ќе почувствуваат јаки вибрации.

Македонија | пред 7 години

(ВИДЕО) Погребната поворка наместо на гробишта завршила во болница

Погребната поворка со телото на 65-годишна Аргетинка, која починала минатата среда во Буенос Ариес, наместо кон гробишта ја одвела пред болница.Возачот на погребното возило и членовите на семејството слушнале звуци на тропање од ковчегот, па наместо на гробишта ја однеле до најблиската болница за докторите да го прегледаат телото.Станува збор за лажна информација, кога докторот потврдил дека жената е мртва најмалку 24 часа.На видеото може да се забележи како докторот, вработените во болницата, како и членовите на семејството стојат до погребното возило и проверуваат што се случува во ковчегот.

Свет | пред 7 години

ФОТО: „Охридско лето“ со незаборавен концерт на маестро Арчиули

Еден од најоригиналните изведувачи на денешната класична музичка сцена, италијанскиот пијанист Емануеле Арчиули, синоќа во Македонската опера и балет во Скопје приреди незаборавен концерт во рамки на зимскиот дел од програмата на фестивалот „Охридско лето“.На концертот што се одржа со поддршка на Италијанската амбасада во Република Македонија на чело со неговата екселенција, Амбасадорот Карло Ромео, меѓу другите, присуствуваа и министерот за култура на Република Македонија Асаф Адеми, како и претставници на Дипломатскиот кор во државава.За публиката што синоќа уживаше во неповторливите звуци на пијаното на Арчиули, по завршувањето на концертот беше приреден и свечен коктел во организација на Италијанската амбасада.Пијанистот Емануеле Арчиули редовно настапува во големите концертни сали и фестивали, како што се Берлинскиот фестивал, Виен Модерн, Ла Скала Милано, Биеналето на Венеција, Фестивалот за пијано во Мајами, Милерб театарот во Њујорк, Маџо музикале Фиорентино, Фестивалот на камерна музика Санта Фе, како и на меѓународните фестивали за пијано во Бреша и Бергамо. Предава современа музика на Академија ди Пинероло, професор е на конзерваториумот во Бари, а исто така е чест гостин професор на многу американски универзитети.Репертоарот на овој ислучително талентиран и виртуозен пијанист е огромен и опфаќа дела од Бах до современа музика, со силен афинитет кон композиторите од Соединетите американски држави.

Скопје | пред 7 години

Беровчанка изнајмила рекетари да изнудат 10.000 евра од скопјанец

Секторот за внатрешни работи – Единицата за насилен криминал поднесе кривична пријава до надлежното Основно јавно обвинителство Скопје против К.П.(30) од Берово, со привремен престој во Скопје, А.С.(26) од с. Грчец, Ј.Р.(26) од с. Грчец и Б.С.(21) од с. Грчец поради основи на сомнение дека од Д.З.(67) од Скопје, изнудиле 10.000 евра, со што сториле кривично дело „изнуда“, велат од МВР.На кривичното дело претходела изнуда од страна на првопријавената, која во текот на 2016 година ангажирала други лица, кои со закани и уцени од оштетениот успеале да изнудат 50.000 евра. Делото не било пријавено од оштетениот. Но, на 10-ти овој месец Ј.Р. му се јавил на оштетниот и му рекол да дојде во кафе бар лоциран во трговски центар на булевар “Кирил и Методиј” во Скопје, каде истиот дошол заедно со А.С. и му рекле дека до 14-ти мора да им исплати 10.000 евра.По ова оштетниот случајот го пријавил во Единицата за насилен криминал и за истото е известен Јавен обвинител, по што оштетениот заминал на улица “Македонија” каде требало да се сретне со четворицата пријавени.На местото на настанот од слобода се лишени К.П. и А.С. додека Ј.Р. и Б.С. се дале во бегство. Иситиот ден (14.12.) по наредба од Судија на претходна постапка извршени се претреси во дом и други простории кај три од пријавените лица при што се пронајдени предмети за кои постои сомневање дека потекнуваат од кривични дела и истите со потврда се одземени.

Македонија | пред 7 години

Изгласани 4-те предлог амандмани на Уставот согласно договорот од Преспа

Изгласани 4-те предлог амандмани на Уставот согласно договорот од Преспа, на Комисијата за уставни прашања. Комисиската расправа продолжува со дебата по Уставниот закон кој се донесува на важењето на амаднманите, внтрешната употреба на името Северна Македонија и државјанството. Опозициските пратеници од ВМРО ДПМНЕ не учествуваа на расправата.Пратеникот пак од опозиската ГРОМ , Панчо Минов, е задоволен од измените во амандманот за заштита на македонскиот идентитет и гранцијата на границите, но и понатаму има забелешки од кога да се применува новото име и во делот на Преамбулата.Расправата за уставните измени се одвиваше екпресно.Пратениците на опозициската БЕСА и Алијансата на Албанците гласаа воздражно за три од четирите предлог-амандмани, а конечниот свој став ќе го изградат на пленарната седница за амандманите.Амандманите треба конечно да бидат на собраниска седница на 9 ти јануари. За да се усвојат потребно дво третинско мнозинство.

Скопје | пред 7 години

Цаноски: Ципрас со задоволство ја прифати номинацијата за Нобеловата награда за мир

Добитничката на Нобеловата награда за мир за 2015 година Уидидед Бушамауи, придружувана од ректорот Нано Ружин и Сефер Цаноски, сопственикот на Универзитетот ФОН во Скопје денеска се сретна во Атина со грчкиот премиер Алексис Ципрас.Цаноски и на Фејсбук објави дека иницијаторите на номинацијата за Нобеловата награда за мир за 2019, имале средба со Ципрас.„Денеска во Атина, имавме можност да се сретнеме со премиерот на Република Грција, почитуваниот г-дин Алексис Ципрас.Го информиравме за нашата иницијатива каде тој со задоволство ја прифати номинацијата за Нобеловата награда за мир за 2019 година од страна на Видед Бушамауи , добитник на нобелова награда за мир во 2015 година.Историскиот преспански договор, но и самите тие како лидери на новото време кои имаа храброст и визија да излезат од стереотипните политики кои со децении се водеа наназад ,со една единствена цел да градиме нормални, добрососедски и пријателски односи.Начинот на кој решија во принцип тежок идентитетски спор , со дипломатски средства , е посебен успех кој како пример и модел ќе се користи убеден сум во регионот и пошироко . Вакви идентитетски конфликти се најтешки за решавање и често остануваат “замрзнати конфликти” - сакам да нагласам, тоа е посебен успех .Затоа, и двајцата, г. Ципрас и г-дин Заев заслужуваат да бидат и да бидат новите Лауреати и добитници на Нобелова награда за мир за 2019 година.“, напиша Цаноски на Фејсбук.https://www.facebook.com/sefer.canoski/posts/10215988705103259Зоран Заев и Алексис Ципрас, се номинирани за Нобелова награда за мир за 2019 година за Договорот од Преспа, со кој се надминува дводеценискиот спор за името.

Македонија | пред 7 години

Заев со највисок рејтинг за претседателски кандидат

Претстојните претседателски избори ќе бидат длабоко вкопани во партиските ровови, со мали изгледи за консензуален кандидат, при што 12,4% од граѓаните за иден претседател би му дале доверба на актуелниот премиер Зоран Заев, а веднаш по него на лидерот на ВМРО-ДПМНЕ, Христијан Мицкоски и шефот на дипломатијата Никола Димитров со по 8,2% поддршка. Ова го покажа новата анкета на Телма и МЦМС спроведена од 7 до 14 декември на репрезентативен примерок од 1014 испитаници.Веднаш зад нив на листата се Стево Пендаровски со 6,8 проценти, и Бујар Османи со 6,5, и поранешниот кандидат за претседател Имер Селмани со 5,8%. Сепак не се за занемарување речиси 19% од граѓаните кои идниот претседател не го гледаат во ниту еден понудените кандидати, како и 15% кои се уште не одлучиле.Анкетата покажа дека консензуален кандидат е можен меѓу СДСМ и ДУИ, каде повторно на врвот на листата е Заев за кого би гласале 10,2% од Македонците и 11,2% од Албанците. Втор би бил Никола Димитров, а трет е Стево Пендаровски. Кандидатите кои се независни или се сметаат за потенцијални кандидати на ВМРО-ДПМНЕ, воопшто не можат да сметаат на гласовите на етничките Албанци. 

Македонија | пред 7 години

Tоm Odell доаѓа во Скопје

Суперквалитетниот TOM ODELL доаѓа во Скопје, на 13- ти февруари 2019 година во СРЦ Кале.Извонредниот млад кантавтор кој стана светски популарен со песната „Another Love“, во рамки на својата светска промотивна турнеја на втoриот албум насловен „Jubilee Road“, доаѓа во Скопје да испорача едно типично суперквалитетно британско шоу.Сме имале можност да го гледаме ТOM ODELL во живо на некои регионални фестивали и тоа е перформанс кој едноставно не смее да се пропушти!

Магазин | пред 7 години

За првпат во Македонија ќе се доделат оскари за жени во спортот

На гала-вечер насловена „Вечер за жени во спортот“ која ќе се одржи утревечер (20 декември) во хотелот „Александар Палас“ во Скопје, за првпат во Македонија ќе бидат доделени спортски оскари. Организатор на настанот е Здружението „ТАКТ“.– На оваа свеченост е предвидено да се слави успехот, најдобрите спортски постигнувања на жените спортистки во 2018-та година, во вкупно 13 категории. Целта настанот е да се истакне квалитетот и значајноста на женскиот спорт во Република Македонија, да се актуализира и промовира заложбата за родова еднаквост во спортот и да се поттикне поголема медиумска поддршка на жените кои се активни во спортскиот сектор, изјави Магдалена Спасовска, извршна директорка на ТАКТ.Нагласи дека со статуетките кои ќе се доделат ќе им се оддаде признание на силата,инспиративноста и моќта на жените.Настанот го организира граѓанската организација „ТАКТ“ а поддржувачи на настанот се Стејт Департмент САД и Амбасадата на кралството на Шведска.

Македонија | пред 7 години

Силен земјотрес ја погоди Грција

Земјотрес со јачина од 5,3 степени според рихтеровата скала вечерва мерните станици регистрираа во Грција.Податоците од сеизмолошките станици покажуваат дека епицентарот на земјотресот бил во јужна Грција на длабочина од 12 километри.Епицентарот е во близина на Метони, засега нема информации за штети или повредени.

Свет | пред 7 години

(ВИДЕО) Заев: Охрабрен сум дека успешниот политички процес и помирувањето отвораат интеграциска 2019 година за Македонија

Претседателот на Владата на Република Македонија, Зоран Заев, даде изјава по работниот ручек со високата претставничка за надворешна и безбедносна политика на ЕУ со лидерите од Западен Балкан, билатералната средба со европретставничката Могерини, како и средбата со претседателот на Европскиот Совет, Туск.Во изјавата, премиерот Заев соопшти дека Македонија од претседателот на Европскиот Совет, Доналд Туск ја има поддршката за храброто лидерство што води кон успешно завршување на политичките процеси во насока на отпочнување преговори со ЕУ во јуни 2019 година.Премиерот Заев рече дека таква поддршка е изразена и од претставничката за надворешна и безбедносна политика, Могерини. На средбата со Могерини посебно е дадена поддршка за донесениот Закон за амнестија и е нагласено помирувањето како важно за успешна реализација на процесите, како и за граѓаните во државата.Претседателот на Владата на Република Македонија, Зоран Заев, за работниот ручек што го организираше европската претставничка, Могерини, со лидерите на Западен Балкан, рече дека поминал со изразена заедничка согласност за решавање на билатералните прашања во духот на регионалната стабилност, при што било констатирано дека државите можат да си помогнат едни на други во процесите.

Македонија | пред 7 години

(ВИДЕО) Жена се обиде електричен автомобил „Тесла“ да го наполни со гориво

Жена се обидела да го наполни со гориво електричниот автомобил од бреднот „Тесла“. Ваквата, како што писшуваа дел од медиумите, интересна сцена се одиграла на една бензинска станица во САД.Најголем дел од бензинските пумпи во САД функционираат на принципот самопослуги, па жената три минути се обидувала даа го пронајде капачето од резервоарот на автомобилот. Таа не успеала бидејќи моделот “С” кој го управувала е електричен.

Свет | пред 7 години

Конзерва „кока-кола“ реши случај на убиство стар 30 години

На маж од САД ќе му биде судено за убиство што го извршил во 1989 година кога колешка од работа му зеде ДНК од фрлената конзерва „кока-кола“ и им помогна на детективите да го решат случајот.Тимоти Бас (51) од државата Вашингтон го очекува судење за силување и убиство на 18-годишната Аманда Ставик, која исчезна откога отиде да трча во близина на својот дом, објави „Вашингтон пост“.Телото на тинејџерката беше пронајдено три дена по нејзиното исчезнување, но убиецот остана нерешена мистерија речиси три децении.Но, во август минатата година се случи пресврт кога колешката на Бас дозна дека тој е осомничен за убиство. Жената со која работел, а чиј идентитет е непознат за јавноста, чувствувала морална обврска да помогне во истрагата.Кога Бас завршил со ручекот, таа тајно ги зела неговата конзерва „кола“ и пластичната чаша и им ги предала на детективите, кои веднаш ги испратиле во лабораторија.Резултатите покажале поклопување на ДНК од конзервата со оние на местото на злосторството.

Свет | пред 7 години

(ФОТО) Новогодишна бајка во најубавите градови во светот

Магазин | пред 7 години

Бесплатни часови по лизгање на плоштадот „Македонија“

Градот Скопје и Хокеј Федерацијa од утре (20.12.2018 година, четврток) овозможуваат бесплатни часови по лизгање за почетници на лизгалиштето „ЕУ за тебе“ во рамките на новогодишната населба Винтерленд на плоштад „Македонија“.Оваа нова содржина во Винтерленд за љубителите на зимските спортови ќе се одвива секојдневно во два термини: од 11 часот претпладне и од 20 часот навечер. Бесплатните часови ќе бидат организирани за групи до 20 пријавени лица, на кои ќе им држат обуки двајца професионални инструктори.Заинтересираните за бесплатни часови по лизгање може да се пријавуваат секој работен ден во Информативниот центар на Град Скопје од 9 до 16 часот на телефонскиот број (02) 3297-255.Новогодишната програма и „Винтерленд“ се финансиски поддржани од Делегацијата на Европската Унија која го обезбеди бесплатното лизгалиште „ЕУ за тебе“ што е поставено на плоштадот Македонија како дел од новогодишната населба.

Скопје | пред 7 години

Филипче: Прогласена е епидемија на мали сипаници што е последица од негативните кампањи против вакцинирање

Комисијата за заразни болести при Министерството за здравство донесе одлука најмалку две недели да се затвори градинката во скопската населба Радишани, каде пет деца се заразиле со морбили (мали сипаници).Во моментов се регистрирани шест заболени лица, пет се деца од предучилишна возраст и еден возрасен маж.Министерот за здравство Доц. д-р Венко Филипче изјави дека е прогласена епидемија на морбили (мали сипаници) во населбата Радишани, која е последица од неколку годишните негативни кампањи против вакцинирање особено со вакцинацијата од МРП, колективниот имунитет е навистина паднат, додаде тој.„Станува збор за болест која се превенира со вакцинација. Упатувам уште еден апел, покрај сите кампањи што прави Министерството за здравство, родителите да ги вакцинираат своите деца. Воедно, упатувам апел до родителите да не ги носат децата во оваа градинка. Периодот од 2 недели ќе се искористи за итна дезинфекција на објектот, а понатаму и за имунизација на сите деца кои не се вакцинирани. За жал сите заболени лица се невакцинирани. Три од пет деца се сместени на Клиниката за инфективни болести, а останатите дечиња се наоѓаат на домашно лекување“, изјави министерот Филипче.Министерот додава дека опфатот со вакцинација е мал, особено во првите неколку години од животот. Како децата растат, така родителите ги вакцинираат. Најмал е опфатот со вакцинација кај децата од 1,2,3 години и понатаму процентот на вакцинација расте.Министерство ќе ги преземеме сите неопходни мерки за заштита.„Очигледно дека не се почитува потребата да се достави вакциналниот картон при упис во градинка и во училиште. И ние ќе бидеме приморани да направиме законска промена. Ќе инсистирам на тоа, ќе направиме уште еден состанок со претставници Министерството за образование и наука и Министерството за труд и социјална политика. Не вакцинирањето носи сериозни ризици од појава на епидемија, која може да има и фатални последици, а се превенира со вакцинација“, потенцираше министерот Филипче.Д-р Владимир Микиќ, од Институтот за јавно здравје,  вели дека морбилите (мали сипаници) можат дадат тешка клиничка слика, како вопспаление на белите дробови,  воспаление на мозок, тешка диареа и во одредени случаи дури и смрт.„Од Центарот за јавно здравје, добивме информација за шест заболени лица, од кои три се наоѓаат на Клиниката за инфективни болести и фебрилни состојби,  а три се на домашно лекување. Од овие, само три се лабараторски потврдени, а во тек се наодите и за другите заболени, но клиничката слика укажува дека станува збор за мали сипаници. Сите деца кои се заразени со оваа болест не биле вакцинирани, а возрасниот пациент е со непознат вакцинален статус.  За жал долгогодишните негативни кампањи против вакцинирањето, а особено за МРП доведоа до опаѓање на опфатот на вакцинирани пациенти, а со тоа зголемен број на заболени и тоа во најчуствителната популација, децата во предучилишната возраст кога вообичаено реодителите ја одложуваат вакцинацијата“, рече Микиќ.Во Скопје опфатот е 78  отсто за минатата година, а треба да биде повеќе од 95 отсто вакцинирано население, а  во 2016 година, кога се родени децата кои сега се заразени со морбили (мали сипаници), бил само 67 отсто.Иако е прогласена епидемија на мали сипаници, лекарите апелираат родителте да ги однесат децата на вакцинација. 

Македонија | пред 7 години

Арачиновци криумчареле мигранти од Авганистан

Полицијата откри тројца мигранти од Авганистан во возило во близина на тунелите кај Демир Капија. Возачот и сопатникот се уапсени.Според информациите на МВР, вчера во 21,45 часот на автопатот Скопје – Гевгелија, во близина на тунелите кај Демир Капија, од страна на полициски службеници при даден знак за запирање на автомобил „опел астра“, возачот не застанал и продолжил со движење кон Скопје, а кај клучка Демир Капија се упатил кон село Корешница, каде застанал.Во возилото биле пронајдени три лица од Авганистан. По преземени мерки, биле приведени Д.Р.(18), кој го управувал возилото и Е.Ј.(21), кој бил сопатник, двајцата од Арачиново, скопско. По целосно документирање на случајот ќе биде поднесен соодветен поднесок.

Македонија | пред 7 години

Лидерот на лабуристите среде парламент ја нарече глупача Тереза Меј

Лидерот на британските лабуристи Џереми Корбин ја нарече премиерката Тереза Меј "глупа жена" на денешната седница на парламентот, пишуваат медиумите.Неговата забелешка, која не била слушната, но била кажана, беше снимена од телевизиски камери за време на седницата за прашања и одговори што се одржува во британскиот парламент секоја среда, објави „Ројтерс“.Корбин на седницата непрекинато ја напаѓал Меј поради нејзината одлука да го одложи гласањето во парламентот за договорот за брегзит.Меј му порача на Корбин дека тој нема да ја има поддршката од членовите на неговата партијата за прашањето за ЕУ.„Имам совет за господинот – погледнете зад себе! Тие не се импресионирани, ниту, пак, е земјата”, му порача Меј на Корбин, по што, според дел од оние кои биле присутни, Корбин тивко рекол „глупава жена”, пишува „Ројтерс“.

Свет | пред 7 години

Законот за амнестија испратен кај претседателот се чека неговиот потпис

Законот за амнестија е испратен од Собранието во Кабинетот на претседателот и го чека потписот од Ѓорге Иванов.Откако Иванов ќе го потпише Законот се обкавува во Службен весник по што и официјално стапува во сила и оттогаш почнува да тече рокот од пет дена во кој обвинетите и осудените за „27 април” треба да поднесат барање за амнестија ако одлучат така или да се определат во судскиот процес да ја докажуваат својата невиност.По тоа, Судот или Обвинителството имаат рок од пет дена да одлучат по барањата. Законот дозволува и жалба во второстепена постапка.Од Владата порачуваат дека целта на законот е помирувањето.„Поддржуваме акти со кои ќе се дефинира помирувањето, акти со кои јасно ќе се разграничи насилството и осмислувањето на насилството од 27ми.“ - изјави Миле Бошњаковски.Од кабинетот на Иванов нема информација околу потпишувањето на Законот, но проценките се дека овојпат тој нема чека до недоглед како што беше во случајот со Законот за јазиците и Договорот од Преспа кои уште чекаат на неговиот потпис.

Скопје | пред 7 години

Саша Поповиќ прв пат проговори за семејната трагедија

Саша Поповиќ првпат јавно проговори за семејната трагедија која се случи кога имал само 24 години. Тоа било во 1978 година, кога Саша и неговата мајка останале без татко и сопруг, кога на неговиот автомобил налетало друго возило.-Имав 24 години, кога тато во 1978 загина во сообраќајна несреќа. На автопат на неговиот автомобил налетал „Мерцедес“ со загребски таблички. Кога мајка ми ме разбуди и ми соопшти што се случило, бев хипнотизиран. По мачна борба за живот, умрел во болница. Ни денес не знам дали возачот заврши во затвор, вели Саша.-Губењето родител е многу тешко искуство. Додека беше жив, се сеќавам дека ме нервираше се што тој ќе каже. По неговата смрт, кога и да носам одлука, размислувам како би постапил тој во таа ситуација, објаснува Поповиќ.Како што кажува, желба на неговиот татко била тој да студира, но кога почнал да се занимава со музика, сепак го поддржал.-Немаше шанса да пуштам коса како другарите, а се знаеше дека во девет часот мора да бидам дома. Кога на 16 години почнав да свирам во културно-уметничко друштво, првпат се заљубив. Беше постара од мене четири години. Не знам зошто, но секогаш сум сакал постари девојки. А тогаш со братучедот направивме мал оркестар. Почнавме да свириме по родендени кај пријатели. Тогаш некој не слушна, па не ангажираше на првата свадба. Еден ангажман го донесе следниот и така понатаму. Потоа во 1973 година се запишав на правен факултет, раскажува Саша.-Стигнав до трета година. Три месеци се подготвував како да му соопштам на татко ми дека нема повеќе да студирам. Сепак, татко ми виде дека сакам со тоа да се занимавам и ми даде благослов, се сеќава Поповиќ, благодарен на татковото разбирање. 

Магазин | пред 7 години

МТСП веднаш превзема мерки - по појавата на морбили, градинката во Бутел нема да работи 15 дена

Министерството за труд и социјална политика информира дека во следните 15 дена објектот „Ташко Караџа“ во состав на ЈОУДГ „11 Октомври“ во Општина Бутел нема да згрижува деца, поради поголемен број заболени деца од морбили.-Забраната стапува на на сила веднаш, а е издадена од Комисијата за заразни заболувања и надлежната епидемиолошка служба. Денеска во 17 часот се прави вонредна дезинфекција на објектот „Ташко Караџа“, а МТСП ќе продолжи секојдневно да ја следи состојбата со заразната болест, информираат од МТСП.Министерствто за труд и социјална политика ќе даде препорака за вонредна дезинфекција во сите установи коишто згрижуваат деца од предучилишна возраст.

Скопје | пред 7 години