(ФОТО) Градоначалникот на Теарце со предлог за ново знаме на Македонија

Градоначалникот на Теарце, Исен Асани денеска објави фотографии на неговиот Фејсбук профил, на кои има знаме со двоглав орел комбиниран со актуелното знаме на Македонија со неколку направени промени. Тој на фотографиите е заедно со Конер Андерсон од Америка, кој во последните две години придонесува во општина Теарце со конкретни проекти преку Мировниот корпус.„На 19 декември 2018 година, градоначалникот на општина Теарце, Исен Асани, оствари прошталната средба со американскиот волонтер, Конер Андерсон.Г-динот Андерсон е стациониран во администрацијата на општина Теарце и за период од две години придонесуваше со конкретни проекти во корист на сите граѓани на Општина Теарце преку Мировниот корпус. Ние сме благодарни за заедничката работа направена досега.Г-дин Андерсон не почести со предлог за знаме за сите граѓани на Република Македонија, како треба да изгледа знамето на Република Македонија.Останува на јавноста да оцени.Општина Теарце, стои во Фејсбук статусот на градоначалнкот на општина Теарце.

Македонија | пред 7 години

Пет деца од градинка во Радишани заразени со морбили

Во моментов Комисијата за заразни заседава за настаната ситуација. Во очекување на одлуката од Комисијата министерот за здравство, Венко Филипче рече дека најверојатно градинката ќе биде затворена, а препораката до родителите на децата кои не се заразени ќе биде децата да останат дома.Се очекува во текот на денот Комисијата да излезе со конечна одлука.

Скопје | пред 7 години

Левица: Забранете го членувањето во управните одбори, а не продавањето на тезга

Политичката партија Левица упати остра реакција по повод почетокот на примената на новиот Закон за трговија на зелените пазари предложен од владејачката коалиција на ДУИ и СДСМ.„Ова е срамен, противуставен и скандалозен закон кој е насочен исклучиво против класните интереси на најсиромашниот слој од населението, кое се обидува да преживее заработувајќи скромен дополнителен приход продавајќи земјоделски производи на пазарџиските тезги.Законот е крајно дискриминирачки затоа што забранува пензионери, социјалци, стечајци и хонорарци истовремено да можат да бидат и продавачи на пазар – токму оние на кои пензиите, социјалната помош или отпремнините кои ги добиваат им се толку мизерни што не можат да си ги покријат и најосновните трошоци за нормален живот и издржување на своето семејство.Додека во државава не е спорно едни исти луѓе да бидат членови на повеќе управни или надзорни одбори, напикани од партиските комисии – овие сиромашни луѓе, кои чесно си го заработуваат парчето леб, по Нова година одеднаш ќе станат криминалци и ќе имаат правен третман на илегални трговци, само затоа што на владејачките буржоаски партии им текнало да ги штитат интересите на големите маркети и на т.н. Зелена мафија од Кванташки пазар“, велат од Левица.Од партијата најавуваат дека ќе ги искористат сите правни и вонправни инструменти да го спречи влегувањето во сила на овој крајно штетен Закон.„Јавно го повикуваме Министерството за економија – по итна постапка – до Собранието на РМ да предложи мораториум, т.е. одлагање на примената на овој закон за најмалку една година.Паралелно со ова, го повикуваме и Уставниот суд на РМ, по службена должност, да донесе времена мерка за стопирање на примената на овој скандалозен закон, кој е насочен исклучиво кон најсиромашните слоеви од народот и го загрозува социјалниот карактер на Републиката. Доколку тоа не се случи, нашиот правен тим дополнително ќе поднесе иницијатива за оспорување на уставноста на Законот, со барање за негово укинување“, се наведува во соопштението

Македонија | пред 7 години

Да се одгледува, расте и да се порасне како геј во Македонија не е лесно

Оставени во незнаење, децата и младите денес, во Македонија, го живеат својот живот како знаат и умеат, собирајќи полувистини од електронски и други медиуми, од попкултурата, од моралистичките пораки на неуки подучувачи, полни со стереотипи и предрасуди. Сите овие извори се генератори на насилството, зашто не даваат одговори за разнообразноста на човековата сексуалност и искуства, ниту водат сметка за разликите во родовото себеизразување, пишува Психологот Лина Ќостарова Унковска, која е и директор на Центарот за психосоцијална и кризна акција .Да се одгледува, расте и да се порасне како геј, транс или кое било друго родово различно дете не е лесно и едноставно, било каде, но најмалку во традиционална и религиозна заедница, каква што е Македонија. Следствено, за традиционалното, типично македонско семејство темите за родот и сексуалноста се длабоко закопани, табу теми.Во училиштата, членови на тие семејства се нечии наставници или автори на учебници, за кои родовите прашања отсекогаш биле надвор од нивната агенда, во воспитувањето на многу генерации деца. Тие и реално многу малку знаат или не сакаат да знаат за детската сексуалност и затоа измислуваат и импровизираат кога пишуваат за неа. А и не се начисто како да ги отворат овие прашања, а да не ги испуштат децата од контрола, за која најчесто сметаат дека е најдобра кога младите за „тоа“ што помалку знаат.Оставени во незнаење, децата и младите денес, во Македонија, го живеат својот живот како знаат и умеат, собирајќи полувистини од електронски и други медиуми, од попкултурата, од моралистичките пораки на неуки подучувачи, полни со стереотипи и предрасуди. Сите овие извори се генератори на насилството, зашто не даваат одговори за разнообразноста на човековата сексуалност и искуства, ниту водат сметка за разликите во родовото себе-изразување, за правата и слободите како развојни потреби, за промените на телото и сликата за себе, како силни и евидентни показатели на развојот, но и на самодовербата и на умешноста да се успее со животните предизвици.Наместо тоа, се отвoра простор за манипулации со лажни слики, што ја извртуваат детската самоперцепција, создавајќи хаос во главите на младите.Се` што учат децата во училиштата, едни од други, или од непроверени извори, нема како да го помине тестот на реалноста, зашто и таа е извитоперена. Лажни се податоците, но лажирана е и реалноста, и тоа што младите го минуваат искуствено, и што е единствено автентично и веродостојно, нема вредност, зашто нема каде и на што да се потпре, за тие да можат да ги разберат процесите на родовото доживување, прилагодување и самоприфаќање, без страв и преголеми ризици.Кога прашањата за сексуалните и родовите идентитети остануваат да висат, или се криво интерпретирани и сместени во тесните хетеро-нормативни и моралистички рамки, тогаш доаѓаме до проблематизирање на главните текови на детскиот развој, нивната себеидентификација, припадност и себерегулација. А тоа се клучните прашања: кој сум, каде припаѓам и како да се раберам себеси и другите?Каде и како во сето тоа да се снајдат ЛГБТИ младите, како родово или сексуално нетипични млади? Каде да ги најдат одговорите за себе и како да се справат со сопствената различност, со ексклузивноста, со перманетното негирање, со изолацијата и заканите, често и по нивниот живот?Трансродовите и ЛГБТИ млади под голем ризик од насилстваВеќе неколку години во Македонија ги следиме состојбите поврзани со здравјето на нашите ЛГБТИ млади. Студијата за однесувањата поврзани со здравјето кај децата на училишна возраст (HBSC) во Македонија покажа дека 1-2 отсто момчиња и 4-5 отсто девојчиња на 15-годишна возраст се изјаснуваат дека ги привлекуваат момчиња/девојчиња од истиот или и двата пола.Споредено со нивните хетеросексуални врсници, хомо и би-сексуалните млади се почесто исложени на насилства и повисок ризик по нивното емоционално и социјално здравје. Наодите покажуваат дека хомо и би-сексуалните млади на 15 години, се дваипол пати почести жртви на малтретирање во училиштата, со двојно поголема изложеност на физичко насилство во семејството, во споредба со хетеросексуалните млади. Тие се и четири пати почести жртви на полов напад, повеќе од еднаш, од своите хетеросексуални врсници.Во поглед на менталното и емоционалното здравје 15-годишните ЛГБТ млади во Македонија, двојно и повеќе, од своите хетеросексуални врсници чувствуваат: главоболки, болки во грбот, нерасположенија, раздразливост и несоници, почесто од еднаш неделно. Тие во голем број (74 отсто) страдаат од два и повеќе психосоматски симтоми, почесто од еднаш неделно, и речиси секој втор од нив живее со чувството на тага и безнадежност, која кај една третина од нив завршува со сериозни размислувања за самоубиство. За разлика од нивните хетеросексуални врсници, ЛГБТ младите во Македонија поретко се дружат и имаат помала поддршка од родителите и врсниците.И за трансродовите млади има се` повеќе сознанија дека се под уште поголем ризик од насилства и малтретирање, не само во училиштата, туку и во семејството.Стигмата и срамот не се лесни за надминувањеВо едно средно училиште во Скопје, едно трансродово 15-годишно момче кое се охрабрува да му се довери на директорот и да побара да биде заведено во училишните книги под машко име, за децата од класот да почнат да го ословуваат така, се судира со непомирливиот став на родителите. Нивното толкување дека детето премногу време минува на интернет, дека попаднало во група што го насочува во погрешна насока, меѓу другото и да експериментира со родовата улога, што е модерно на таа возраст, превагнува, за на крајот се` да заврши со тоа „инцидентот“ да се заборави.Секогаш сум се прашувала како да се интервенира во родителството, гледајќи како неговите одлуки за „доброто“ на детето директно ги попречуваат детските развојни потреби и права? И покрај сите предупредувања за повредите што им се нанесуваат на овие деца, доколку не се поддржат на време, како на пример, за крајната изолација, за ризиците да не го завршат образованието, за скратените младешки пријателства и социјални искуства, кои никогаш веќе нема да можат да се надоместат, овие родители долго остануваат на своето, се` додека не биде предоцна. Но, стигмата и срамот пред другите, стравот од губитокот и разделбата со нивното „вистинско“ дете, себеобвинувањата „каде сме згрешиле“ присутни кај родителите на ЛГБТИ децата, не се лесни за надминување.Но, дали можеме да ја бараме одговорноста само и воопшто кај родителите за состојбите со нивните ЛГБТ деца во заедница каква што е нашата? Нивните погледи без исклучок и отсекогаш биле свртени кон стручната јавност и системите на поддршка и заштита, од кои тие се` уште не добиле ништо.Дали се работи за болни или за здрави деца?И во тоа лежи и најголемата препрека на промената во нивните ставови. Статусното прашање на ЛГБТ младите во Македонија фактички не е решено. Дали се тие болни или здрави, дали се нормални или ненормални? Имаат ли еднакви права со сите други деца? Ова се одамна одговорени прашања во научните кругови и секојдневната практика на многу земји во светот и од таа перспектива дури звучи невкусно и да се поставуваат.Но кај нас не е така. Нашата стручна јавност е се` уште без официјален став. И уште полошо не е ни свесна за репрeкусиите на нејзините произволни, лични, непрофесионални ставови. Дури и кај оние кои не ги делат истите конзервативни гледишта, не се чувствува потребата за расчистување со шаренилото од толкувања и за преземање на одговорноста што сите ја делиме заедно, како струка, за ваквата состојба.Пред извесно време една наша млада револуционерна колешка, психолог, излезе јавно со ставот за т.н. „криминално“ изложување на трансородовите деца на хормон-блокатори, споредувајќи го тоа со третман на аноректични млади: „Замислете, искоментира, кога третманот на аноректично дете би се потпирал на почитување на неговата волја да не зема храна, каде тоа би не одвело, до изгладнување до смрт, наместо да биде спасено“. Сосема произволен и штетен, коментарот доаѓа од претставник на струката, која треба да биде авторитет, и таа „де факто“ и доби голем број „загрижени“ следбеници.Ваквиот став не е штетен само поради дадените дезинформации, туку и поради „стручно“ искажаната недоверба кон детското автентично родово доживување, а со тоа и кон правото на учество во одлуките кои длабоко го засегаат. Наместо неговото мислење и чувства да се земат како највалидна алатка на проценка, со што и неговото самоопределување би добило простор за размена и артикулација и за рамноправно учество во изборот, кој потоа може и да се следи, проверува и анализира, како и секој друг став и состојба, детето во старт се елиминира како информатор за својата состојба. Многу е важно да се нагласи дека детето има легитимно право да биде слушнато и информирано за сите аспекти на својата состојба, за да може рамноправно и активно да учествува, без присила или застрашување, по сите прашања на својот живот. Став што е сосема непознат за нашата традиционална, загрижена, моралистичка средина...Споредувајќи ја со аноректична состојба, понатаму, нашата експертка, трансродовата состојба ја поистоветува со болест која треба да се лечи. Конзервативно - популистички став на традиционалната средина, која треба да се едуцира и модернизира, наместо да ѝ се додворува и повладува, при што целата струка се (зло)употребува.Да создаваме инклузивни родовочувствителни срединиНаучната и стручната мисла во Македонија мора да исчекори од овие збркани стојалишта, за потоа да стане влијателна и во менување на дискриминирачките ставови и уверувања, со кои со децении ги воспитуваме децата. Медицинарите, психолозите, педагозите и сите останати стручњаци, мора да бидат во тек со современите научни достигнувања и својот став да го искажат јавно, преку своите тела, асоцијации и комори, затоа што е тоа нивна задача и одговорност.Се` до тогаш, додека тоа не го средиме, немаме морално право да ги повикуваме на одговорност родителите, кои во потрага по вистината, откако ќе променат дузина доктори и стручњаци, своите деца ќе продолжат да ги носат на бајачки, оџи и исцелители, сo единствена цел да ги „излечат“.*Блогот е објавен во рамки на Иницијативата за дигитално граѓанство ResPublica и е преземен од www.respublica.edu.mk.

Коментари | пред 7 години

Нема фотографија

Деца украле автомобил, се возеле низ Скопје па пропаднале во дупка

Утрово во 08:40 часот во СВР Скопје е примена пријава од М. Ш. (36) од Скопје дека во периодот од 18.12.2018 година од 19:30 часот до 19.12.2018 година до 04:30 часот од паркинг простор кај Транспортен центар од страна на непознат сторител е одземено возило Пежо со скопски регистерски таблици, најверојатно со оригиналниот клуч, кој бил во контакт бравата на возилото.По преземени мерки и активности од страна на СВР Скопје, утврдено е дека делото го сториле 13-годишно момче- штитеник на ЈУ 25ти Мај и уште едно 13- годишно и едно десетгодишно момче. Но, момчето кое го управувало возилото околу 03 часот на бул.Илинден изгубило контрола над возилото и се превртело во канал каде се изведувале градежни работи. Трите момчиња се пренесени во ГОБ 8-ми Септември.За случајот е известен јавен обвинител од ОЈО Скопје, како и родителите на малолетниците и социјален работник. По документирање на случајот до Основното јавно обвинителство ќе биде доставен соодветен поднесок.

Скопје | пред 7 години

Нема фотографија

Експресно се одобруваат уставните амандмани, изгласани уште два

Осум пратеници гласаа „за“, двајца беа воздржани, против немаше, и без опозиција. Во фокус на дебатата беше државјанството односно членот 2 и ставот 2 каде што се предвидува државјанството да биде „македонско/граѓани на Република Северна Македонија“. Со оваа формулација не се согласуваат пратениците од Алијансата на Албанците Зијадин Села и Фадил Зендели од Беса.Пратениците албанци бараат во тој дел да се потенцира и етничката припадност.Попладневно се очекува да бидат изгласани и другите два амандмани.

Скопје | пред 7 години

(ФОТО) Скопјанка преку ФБ апелира: „Не им давајте пари на жените со бебе во раце, поготово ако детето спие, со што и ги успиваат?

„Женава на слика постојано е на раскрсницата на Бит-пазар со дете во раце кое секогаш е успиено. На прашањето зошто секогаш детето спие и што му дава за да го успие, дури питачи 5 часа, станува агресивна и сака да нападне. Апел да не им давате пари на жените со бебиња, посебно кога бебето е очигледно успиено со којзнае какви средства. И прашање што да се превземе? За референца причитајте ја статијата Зошто децата на питачите спијат? Пред неа ни јас не бев свесна за ваквите случаеви“, пишува скопјанката Мерсиха на својот фејсбук профил, а преку овој проблем таа отвора една многу поголема тема.Мерсиха како пример посебно ја посочува и жената која редовно питачи кај Бит-пазар, Таа додава дека за случајот пријавила во полиција, но оттаму и одговориле дека оваа работа не е во нивна надлежност.

Скопје | пред 7 години

(ВИДЕО) За три недели истекува јавниот повик за доставување понуди за интерес за давање под закуп на земјоделско земјиште до 3 хектари

За три недели завршува јавниот повик за доставување на понуди за давање под закуп на земјоделско земјиште во државна сопственост до 3 хектари. Односно, најдоцна до 11-ти јануари следната година, сите заинтересирани за овој јавен повик, треба да достават комплетна документација со пријава за апликација односно за интерес до Министерството за земјоделство, шумарство и водостопанство.За разлика од огласите за кои што МЗШВ ги објавува расположливите парцели, со овој јавен повик МЗШВ им овозможува на земјоделците доколку имаат информации каде има слободна земја, самоиницијативно да пројават интерес преку изготовка на геодетски елаборат и прибирање на сите потребни документи пропишани со јавниот повик. Единствено, земјоделците треба да внимаваат земјиштето да не е предмет на денационализација и да не е веќе дадено под закуп.Овој јавен повик е наменет за целокупното земјоделско земјиште во државата или за 34 региони. Целта на овој повик е да се стави во функција целото расположливо земјоделско земјиште, особено оние парцели од 4, 5, 6, 7 и 8 класа, а кои што можат да се искористат за производство.„На овој начин создаваме поволни услови, сите земјоделци кои веќе се занимаваат со земјоделство, оние што сакаат да го прошират своето производство или да започнат агробизнис, да склучат договор со МЗШВ и да дојдат до земјиште. Целта на повикот е да се стави во функција секоја педа земја, која може да овозможи земјоделско производство. Со воведување на оваа олеснителна процедура, им овозможуваме на сите заинтересирани со нивен пројавен интерес да добијат државно земјоделско земјиште и на тој начин директно да се зголемат површините со обработливо земјоделско земјиште, а со тоа и производството на земјоделски производи“, изјави министерот за земјоделство, шумарство и водостопанство, Љупчо Николовски.Земјиштето за кое ќе биде склучен договор ќе треба да се искористи за подигање на долгогодишни насади, оранжерии, долгогодишни насади со лешник, маслинарници, други земјоделски култури за период до 15 години, ливади за период до 15 години, за брзо растечки дрвја, за рибници и за спортско-рекреативни активности и рурален туризам.Инаку овој процес се одвива паралелно со континуирани јавни огласи за издавање на државно земјоделско земјиште и претставува една силна заложба на Владата и на МЗШВ, максимално да се зголеми обработената земјоделска површина во државата. Паралелено со јавниот повик тече и огласот за давање под закуп на државно земјоделско земјиште над 3 хектари, кој што меѓу другото е наменет за инвестиции во преработувачки капацитети.Министерот Николовски посочи вака комбинирани, јавниот повик и инвестицискиот оглас кој е особено важен за решавање на откупот на земјоделски производи, ќе дадат силен инпут во земјоделството и дека ова е само дел од стратегијата на МЗШВ за ставање во функција на секоја педа земјиште, затоа што зголемувањето на обработливите земјоделски површини и инвестициите во системите за наводнување кои што се реализираат, се клучни за зголемено и конкурентно земјоделско производство.

Скопје | пред 7 години

Единствениот детски ургентен центар затворен поради недостатокот на кадар

Недостаток на педијатри и медицински сестри причина да се затвори единствениот детски ургентен центар во државата. Само последнава година од овој центар си заминале тројца специјалисти.Поради недостакот на лекари, болните деца со леукемија и дијабет ќе се мешаат со заболени од грип. Амбуланата каде се ретираат ургентни пациенти е во ист ходник со специјалистичките ординации.Одговор за тоа кога ќе проработи детскиот ургентен центар нема ни министерот за здравство. Според Венко Филипче овој проблем е последица од политиките што ги наследиле од минатото.-Нема компромитирање на тријажата за пациентите. Но знаете, овој недостиг на кадар е заради политиките кои биле спроведувани сите години резултира со тоа сега да имаме сериозен дефицит. Веќе почнавме да го надополнуваме бројот на вработени. Имаме проблем со бројот на специјализации заради недостиг на ментори, вели министерот за здравство, Венко Филипче.Ургентниот Центар на Клиниката за детски болести беше отворен во 2013 година со подршка на турската организација ТИКА.

Скопје | пред 7 години

Нема фотографија

Поднесено обвинение за неовластено производство и пуштање во промет на дрога

Основното јавно обвинителство Скопје поднесе Обвинителен акт против едно лице кое се товари за кривично дело – Неовластено производство и пуштање во промет на наркотични дроги, психотропни супстанции и прекурсори од чл.215 ст.1 од Кривичниот законик.Обвинетиот во својот дом неовластено заради продажба држел поголема количина наркотична дрога и тоа: 19 пакувања наркотична дрога марихуана со вкупна нето маса од околу 35 грама, четири пакувања со наркотична дрога хероин со вкупна нето маса од 1,17 грама, како и синтетички опијат – метадон во шест шприца со вкупен волумен од 6,5 милилитри, како и 307 пластични шишенца метадон исполнети со поединечно количество 1мл – 70мл синтетички опијат.Ценејќи дека се уште постојат законските основи поради кои на лицето му беше определена мерка притвор, надлежен јавен обвинител заедно со Обвинителниот акт достави и предлог за продолжување на притворот за обвинетиот.

Македонија | пред 7 години

Современа опрема за хируршки интервенции и нови апарати за анестезија на клиниката за уво, нос и грло

По 15 години, Универзитетската клиника за уво, нос и грло, во Скопје, набави современа опрема за хируршки интервенции, како и нови апарати за анестезија.Министерот за здравство, Венко Филипче, истакна дека со набавката на оваа нова софистицирана опрема, и обуките кои клиниката ги изведува секојдневно, Република Македонија ќе се вброи во редот на врвните регионални центри од областа на оториноларингологијата.Станува збор за најнова генерација столб за ендоскопска хирургија на нос и параназални синуси, што претставува светски стандард за минимално инвазивна хирургија. Набавен е и ултразвучен нож, со што на пациентите ќе им биде достапна и ултразвучна операција на крајници, а секако е вредно да се спомене и воведувањето нова оперативна техника, ултразвучна увулопалатопластика, за решавање на проблемот со рчење, познат како опструктивна слип апнеа.Исто така е набавен и флексибилен фибероптички ендоскоп, кој овозможува дијагностички оториноларинголошки преглед на носот и грлото, како и фибероптичка интубација кај пациенти кај кои е невозможен друг начин на интубација, процедура која се врши само на Клиниката за уво, нос и грло.- Оваа опрема е наменета за прецизна дијагностика и софистицирана хирургија, која ја олеснува работата на лекарите-оториноларинголози и го подобрува здравјето на пациентите, потенцираше министерот Филипче.Вториот дел од новата опрема се состои од два нови, најсовремени анестезиолошки апарата, надополнети со хемодинамски монитори, модул за следење на длабочината на анестезијата, како и три видеоларингоскопи со монитор за ендотрахеална интубација.Со видеоларингоскопите почнува новата ера на ендотрахеална интубација, за која се планира да се спроведе и адекватна обука за сите специјалисти и специјализанти по анестезиологија, оториноларингологија и сродните гранки.- Со помош на видео записите на процедурите, кои ќе ги изведуваме со новонабавените апарати, може да се следи целата постапка на прегледот и интервенцијата, со истовремена едукација на специјализантите и специјалистите, што претставува една од главните дејности на Универзитетската клиника по оториноларингологија , изјави директорот на Клиниката за уво, нос и грло, д-р Јане Нетковски.Новата опрема е набавена од буџетот на Клиниката и чини околу 130 илјади евра.

Скопје | пред 7 години

Двајца охриѓани нападнале полицајци

Секторот за внатрешни работи Охрид поднесе кривична пријава против Б.Н.(34) и Д.Д.(26), двајцата од Скопје за сторено кривично дело ,,напад врз службено лице при вршење работи на безбедноста“.На 30.07.2018 година околу 11,55 часот во Охрид на бензиската пумпа кај местото  “Билјанини извори”, при преземање на службени дејствија за легитимирање од страна на двајца полициски службеници, првопријавениот го стартувал возилото, при што ги повлекол полициските службеници.

Македонија | пред 7 години

Најмалку три години хакери ги читаат преписките на европските дипломати, ja пробиле комуникациската мрежа на ЕУ

Хакери имале пристап до дипломатската комуникациска мрежа на Европската унија три години, објави Њујорк тајмс.Според објавениот извештај, хакерскиот напад бил откриен од кибернетската компанија Ареа 1, која му дала на весникот повеќе од 1.100 пораки.Претставници на ЕУ велат дека информациите кои биле означени како „доверливи“ и „тајни“ не биле подложни на хакерскиот упад, кој го открила компанијата за сајбер-безбедност „Ареа 1“.Еден од експертите изјавил за американскиот весник дека методите со кои се служеле хакерите биле многу слични на оние кои ги користи кинеската војска.„По една деценија искуство во проучување на кинеските сајбер-операции нема сомнежи дека оваа кампања е поврзана со кинеската власт“, рекол тој за Њујорк Тајмс.Пресретнатите пораки, познати како дипломатски депеши, откриваат една преписка во која дипломати го опишуваат состанокот на американскиот и рускиот претседател Доналд Трамп и Владимир Путин како „успешен“, (барем за Путин). Во друга порака има детали за приватната средба на кинескиот претседател Шји Џјинпинг и високи претставници на ЕУ оваа година.Според новинската сторија под хакерски напад биле и други институции, меѓу кои и Обединетите Нации.Информациите до кои дошле хакерите се класифицирани, додека весникот и официјалните лица на ЕУ велат дека повеќе чувствителни документи се чуваат во посебен систем.

Свет | пред 7 години

Нема фотографија

Кривична пријава за охриѓанец оти фалсификувал исправа

Надворешната канцеларија за криминалистички работи Струга поднесе кривична пријава против  Р.Џ.(48) од Охрид поради постоење основи на сомнение за сторено кривично дело ,,фалсификување на исправа“, против Џ.Д.(67) од Охрид поради постоење основи на сомнение за сторено кривично дело  “соизвршителство“ во врска со “фалсификување на исправа“ и против М.П.(40) од село Радолишта, струшко поради постоење основи на сомнение за сторено кривично дело “употреба на исправа со невистинита содржина“.Првопријавениот, набавил лажна сообраќајна дозвола и увозна царинска декларација за патничко моторно возило „Фолксваген Јета“ на која како сопственик го прикажал второпријавениот, по што истите ги употребил во постапка идентификација на патничко моторно возило, во Бирото за метeoрологија при Министерството  за Економија - Скопје, со цел да ја искористи погодноста по член 24 од  Законот за возила.Потоа, третопријавениот,  во МВР – Отсек за управни работи Струга, наведената документација ја поднел во прилог на барањето за регистрација на наведеното возило. 

Македонија | пред 7 години

Нема фотографија

Постара жена нападната додека возела на булевар во Скопје

На 18.12.2018 година во 09,40 часот В.Д.(52) од Скопје, пријавила дека истиот ден околу 08,15 часот на улица “Франклин Рузвелт“ во Скопје по претходно недоразбирање во сообраќајот била физички нападната од страна на непознато лице.Се преземаат мерки за расчистување на случајот.

Скопје | пред 7 години

Кривична пријава за стружанец поради „измама при добивање кредит или друга погодност“

Надворешната канцеларија за криминалистички работи Струга поднесе кривична пријава против У.М.(54) од село Франгово, струшко и И.Н.(45) од Охрид поради постоење основи на сомнение за сторени две кривични дела “измама при добивање кредит или друга погодност“.На 08.01.2015 година првопријавениот склучил договор за купопродажба на патничко моторно возило, помеѓу него како купувач и второпријавениот, како продавач.По ова, на 15.01.2015 година второпријавениот поднесол барање идентификација на наведеното патничко моторно возило, во Бирото за метeoрологија при Министерството  за Економија - Скопје, со цел да ја искористи погодноста по член 24 од  Законот за возила, а потоа на 29.01.2015 година во МВР – Отсек за управни работи Струга, првопријавениот поднесол барање за регистрација на наведеното возило.

Македонија | пред 7 години

Фондацијата „Никола Јанчев“ донираше 120- прочистувачи за воздух

Донацијатата ја примија директорите на 6 основни училишта од Кавадарци каде се школуваат 3.500 ученици. Вредноста на пречистувачите е 2.214.000 денари. Фондацијата ќе продолжи со други донации наредната година.Фондацијата „Никола Јанчев „ е формирана во чест на прерано починатиот сопственик на најпознатиот бренд во Македонија за производство на минерална вода Никола Јанчев и основната цел на нејзинoто постоење е да вложува средства и опрема за младите луѓе со цел да се унапреди или подобри животот , работата и нивното образование.Во тоа засега успеваат и сета почит за Митко Јанчев и Јанинка Чупаркоска -син и ќерка на Никола, кои продолжуваат да ја развиваат „Кожувчанка„ -Кавадарци заедно со Синалко, во најдобрите македонски производи .Денешната средба покажа дека Фондацијата „Никола Јанчев“станува општествено одговорна кога се во прашање децата и младите, и е во склад со актуелностите поврзани со аеро загадувањето.Ним и на вработените во основните учиулишта им подари 120 прочистувачи за воздух во вредност од окилу 36.000 евра ,( за секоја училница посебно) со цел да се прочистува воздухот во просториите во кој учениците престојуваат неколку часа.Овие прочистувачи на воздух ќе се поставуваат во следниве училишта:ООУ Димката А.Габерот Кавадарци – 15 прочистувачиООУ Димката А.Габерот Ваташа – 19 прочистувачиООУ Тоде Х.Тефоф- 19 прочистувачиООУ Гоце Делчев – 18 прочистувачиООУ Страшо Пинџур – 22 прочистувачиООУ Тошо Велков Пепето – 23 прочистувачиЈанинка и Митко денеска им се обратија на присутните директори на Основните училишта од Кавадарци-праќајки пораки дека за децата треба сите да водиме грижа и да настојуваме нивното образование да биде оптимално, без проблеми, поради што и тие како дел од ова фондација водат многу сметка. Фондацијата и во иднина ќе вложува таму каде ќе оцени дека треба да се донираат средства или опрема за подобрување на квалитетот на обрзованието и активностите поврзани со тоа.

Македонија | пред 7 години

Фатен тетовчанец кој крадел во тетовски џамии

Секторот за внатрешни работи Тетово поднесе кривична пријава против Е.Ш.(29) од Р. Албанија  за сторени кривични дела „тешка кражба“  и „тешка кражба во обид“.Во периодот од  30.10.2018 до 13.12.2018 година во село Пирок и во Тетово, пријавениот заедно со уште едно непознато лице, извршил тешка кражба во верски објекти – џамии, така што со употреба на физичка сила и погоден предмет  делувале  на влезните врати од објектите, влегувале внатре и одзеле околу 22.000 денари.

Македонија | пред 7 години

Арачиновци превезувале Авганистанци, полицијата ги бркала на пат кон Скопје

На 18.12.2018 година во 21,45 часот на автопатот Скопје - Гевгелија, во близина на тунелите кај Демир Капија, од страна на полициски службеници  при  даден знак за запирање на патничко моторно возило „Опел астра“, возачот кој го управувал возилото не застанал и продолжил со движење кон Скопје, а кај клучка Демир Капија се упатил кон село Корешница, каде застанал. Во возилото биле пронајдени три лица од Авганистан. По преземени мерки, биле приведени Д.Р.(18), кој го управувал возилото и Е.Ј.(21), кој бил сопатник во истото, двајцата од Арачиново, скопско. По целосно документирање на случајот ќе биде поднесен соодветен поднесок.

Македонија | пред 7 години

Нема фотографија

Четири лица со закани изнудувале пари од скопјанец

Секторот за внатрешни работи - Единицата за насилен криминал поднесе кривична пријава до надлежното Основно јавно обвинителство Скопје против К.П.(30) од Берово, со привремен престој во Скопје, А.С.(26) од с.  Грчец, Ј.Р.(26) од с. Грчец и Б.С.(21) од с.  Грчец поради основи на сомнение дека од Д.З.(67) од Скопје, изнудиле 10.000 евра, со што сториле кривично дело „изнуда“, предвидено и казниво по член 258 од КЗ. На кривичното дело претходела изнуда од страна на првопријавената, која во текот на 2016 година ангажирала други лица, кои со закани и уцени од оштетениот успеале да изнудат 50.000 евра.Делото не било пријавено од оштетениот.Но, на 10-ти овој месец Ј.Р. му се јавил на оштетниот и му рекол да дојде во кафе бар лоциран во трговски центар на булевар "Кирил и Методиј" во Скопје, каде истиот дошол заедно со А.С. и му рекле дека до 14-ти мора да им исплати 10.000 евра. По ова оштетниот случајот го пријавил во Единицата за насилен криминал и за истото е известен Јавен обвинител, по што оштетениот заминал на улица "Македонија" каде требало да се сретне со четворицата пријавени. На местото на настанот од слобода се лишени К.П. и А.С. додека Ј.Р. и Б.С.  се дале во бегство. Иситиот ден (14.12.) по наредба од Судија на претходна постапка извршени се претреси во дом и други простории кај три од пријавените лица при што се пронајдени предмети за кои постои сомневање дека потекнуваат од кривични дела и истите со потврда се одземени.

Скопје | пред 7 години

(ВИДЕО) ВМРО-ДПМНЕ бара оставка од Никола Димитров

Од опозициската партија сметаат дека тој веќе нема кредибилитет да ја претставува државата..

Македонија | пред 7 години

Јанева со свој став за Законот за амнестија

Специјалната јавна обвинителка, Катица Јанева, ја спореди денеска амнестијата која во 2016 година ја донесе претседателот, Ѓорге Иванов, со Законот за амнестија кој беше вчера изгласан во Собранието. Според Јанева, амнестијата на Иванов влијаела на работата на СЈО така што го блокирала обвинителството за два месеци.-Амнестијата на Иванов беше сосема нешто друго од ова. За Иванов беше врз основа на непознати податоци. Иванов немаше податоци за работата и лицата кои ги амнестираше. Неговата беше тотално незаконска, беа помилувани и сведоци и странски државјани и лица кои воопшто не биле предмет на постапка на судовите и на обвинител. Тоа влијаеше така што два месеци не работеше обвинителството. На Oсновното јавно обвинителствo и на судовите оваа амнестија сигурно ќе влијае, но не би сакал да коментирам нешто што не е во мој домен, изјави обвинителката.

Македонија | пред 7 години

Нема фотографија

Хороскопски знаци кои се многу тешки за сакање

Додека некои луѓе многу лесно се вљубуваат, за други тој процес е многу потежок, па затоа потрагата по сродна душа ја сметаат за заморна и лесно се откажуваат од неа. Погледнете кои хороскопски знаци се најкомплицирани кога е љубовта во прашање…ШкорпијаНеверојатниот интензитет на чувствата може да ги исплаши припадниците на овој знак. Шкорпиите се мистериозни и затворени, па затоа треба да бидете многу внимателни со нив. Со текот на времето почнуваат да се отвораат пред другите, ако им докажат дека заслужуваат, но тој процес може да биде тежок и исцрпувачки. Поради тоа, Шкорпиите честопати започнуваат кратки врски кои се засноваат само на физички контакт.ВодолијаЧудни и единствени. Водолиите се горди на својот живот и прават сè што можат за да се заштитат. Ако почувствуваат дека некој се обидува да им промени нешто, ќе го исклучат од својот живот и нема да му дозволат да се врати. Доколку сте вљубени во Водолија, добро подгответе ги нервите, бидејќи мора да бидете екстремно трпеливи со нив. Тие бараат многу посветеност за да им докажете дека можете да се вклопите во нивниот живот.ОвенЗа Овенот карактеристично е тоа што има огромна енергија и секогаш е во движење, па одбива да го забави темпото. Кога влегуваат во врска, Овните бараат некој кој ќе ја задоволи секоја нивна потреба. Тие знаат што сакаат и одбиваат да прифатат нешто помалку, па ако некој ги изневери, тие едноставно продолжуваат понатаму. Нивните високи очекувања се тешки за секој кој ќе се обиде да живее со нив и му создаваат голем притисок на партнерот. Токму затоа, на Овните им треба некој кој е доволно силен и самостоен за да може да се справи со сиот притисок што припадниците на овој знак ќе му го предизвикаат.ДевицаПостојат две причини зошто Девиците толку многу се борат со љубовта. Првата е таа што тие се многу независни и самостојни поединци, па одбиваат да се потпрат на другите. Тие се гордеат на својата способност сами да се соочуваат со суровиот свет, со леснотија управуваат со својот живот и тешко им е да се прилагодат на другите. Другата е таа што Девиците многу бавно стекнуваат доверба, што дополнително ги комплицира работите. Во секој момент ги држат очите ширум отворени за да можат внимателно да го заштитат своето срце.ЈарецСосредоточен на деталите, Јарецот живее живот далеку од своите емоции. Неверојатно тешко е да се открие неговата емоционална страна. Наместо да ја чувствуваат страста и романтиката во врската, тие го минуваат време анализирајќи ги предностите и недостатоците на потенцијалниот партнер. На крајот, овој пристап станува посличен на работен ангажман отколку на магична љубов. На Јарецот му треба помош да си го стиши мозокот и да почне да го слуша своето срце, за да може да ги открие емоциите што се наоѓаат длабоко во него.СтрелецАвантуристичкиот дух и подготвеноста за акција го одбележуваат животот на Стрелците, па затоа тие постојано бараат енергија. Стрелците одбиваат да бидат врзани и без проблем скокаат од врска во врска, секогаш барајќи нешто ново и возбудливо. Таквиот начин на размислување е лош за љубовните односи, бидејќи веднаш ги прекинуваат врските со сите што ќе се обидат да ги смират. Ако не сте подготвени да трчате со Стрелците, ќе останете во прашина. Освен тоа, на Стрелците многу брзо им здодеваат работите, па ако врската се смири, што е неизбежно, во некој момент тие ќе продолжат со потрагата.ЛавСо оглед на тоа што е многу самоуверен и моќен, нема знак кој привлекува поголемо внимание од Лавот. Меѓутоа, под таа маска на егоцентризам, се наоѓа многу ранлива личност, која постојано бара внимание. На Лавовите им треба некој кој ќе го храни нивното его, додека и понатаму ја негуваат сликата на силна личност во јавноста. Тие веќе ја пронашле нивната прва љубов, а тоа се тие самите, па сите што влегуваат во врска со Лав, мора да бидат свесни дека секогаш ќе бидат на второ место.

Магазин | пред 7 години

Декември нема да го преживеете ако немате барем 500 евра

Тоа значи дека едно семејството со само еден вработен со просечна плата, која во Македонија е околу 25.000 денари, не можело да ја наполни потрошувачката кошничка што ја стокмил Синдикатот. Во иста ситуација биле и семејствата со двајца вработени кои примаат минимална плата од 12.000 денари, а такви во државата има многу.Најмногу пари за полнење на кошничката одат за храна. Дури 42 проценти, во што синдикалците и статистичарите горе-долу се поклопуваат. Во кошничката на ССМ се ставаат храна и пијалаци вредни околу 13,5 илјади денари. Домувањето чини околу 10,5 илјади денари, што е 32 проценти од вкупниот трошок за егзистенција на просечното семејство.Хигиената, како личната така и во домот се одржува со малку над 2.000 денари, или со седум проценти од вкупно потрошените средства со кои всушност се обезбедува егзистенцијалниот минимум, без никакво претерување, а уште помалку луксузирање.Тука некаде е и трошокот за превоз, додека пак за купување облека и обувки се двојат само 6,7 проценти од парите или 2.179 денари. Тоа значи дека во еден месец гардеробата не можат да ја подноват сите членови на семејството кои имаат потреба од тоа, ниту ако ја купуваат по најниските цени на нашиот пазар.Трошокот за култура е уште помал. Месечно изнесува помалку од 2.200 денари или само 3,29 проценти од вкупно потерошените пари за полнење на кошничката со неопходни производи и услуги за преживување во ноември годинава. Ако се суди според проценуалниот трошок во рамките на вкупните давачки во месецот, излегува дека македонските граѓани се многу здрави, или дека не се грижат многу за своето здравје. За него месечно издвојуваат минорни околу 700 денари или 2,14 проценти од вкупно потрошената сума.Ако се сумираат елементите од кои се состои синдикалната потрошувачка кошничка излегува дека македонските граѓани работат само за да си обезбедат храна за која трошат 10,5 илјади денари и да ги намират потребите за домување во кои влегуваат трошоците за комуналии од над 8.000 денари и уште за одржување на домот, набавка на покуќнина и опрема, трошок кој во минималната варијанта надминува 2.000 денари. Останатите околу 10.000 денари просечното четиричлено семејство треба да ги распореди многу умешно за да може со нив да се облече, да се обуе, да ја одржува хигиената и плус културно да се издигнува. Во синдикалната потрошувачка кошничка не се пресметани ратите за кредит кој го имаат поголемиот дел од домаќинствата, ниту пак за враќање на позајмените пари од роднини и пријатели за да се преживее претходниот месец.

Македонија | пред 7 години

Загаден воздух и натаму има, но маските за заштита се потрошени

Граѓаните на секаков начин се обидуваат да се заштитат од загадениот воздух во главниот град. Во последните неколку денови нивото на штетните ПМ10 честички во воздухот во повеќе скопски населби беше и до 10 пати над дозволеното.Како една од начините за заштита граѓаните ги користат маските со активен јаглен. Најевтините се 140 денари и нивниот рок на употреба е 120 часа,  а во една од аптеките може да се најдат маски и за 900 денари.Од аптеките изјавуваат дека деновиве маските се трошат многу бргу и дека ги потрошиле резервите.

Македонија | пред 7 години