Два инциденти на изборениот ден

На 05.05.2019 година околу 21.40 часот во СВР Струмица било пријавено дека во с.Ново Село со тврд предмет било скршено стакло на автомобилот на Г.Ц. „Опел астра“ со бугарски национални ознаки, додека тој со возилото поминувал покрај штаб на политичка партија, Се преземаат мерки за расчистување на случајот.На 06.05.2019 година во 01.30 часот во СВР Скопје В.А.(29) од с.Волково, скопско, пријавил дека истиот ден околу 00.30 часот пред штаб на политичка партија во с.Волково А.Л.(27) од с.Волково почнал да удира по неговото патничко возило „БМВ“ со скопски регистарски ознаки, при што скршил едно стакло. Полициски службеници излегле на местото , по што А.Л. и Д.Л.(59) почнале агресивно да се однесуваат и кон полициските службеници. По целосното расчистување и документирање на случајот, против нив ќе бидат поднесени соодветни поднесоци.

Македонија | пред 7 години

„Фалсификувале исправа“ и склучиле договор за купопродажба на автомобил

Надворешната канцеларија за криминалистички работи Кичево поднесе кривична пријава против Ф.С.(66) од Кичево и Ф.Х.(47) од Косово, со постојан престој во Гостивар, поради постоење основи на сомнение за сторено кривично дело „фалсификување исправа” и против Г.М.(46) од Гостивар поради постоење основи на сомнение за сторено кривично дело „помагање“ во врска со „фалсификување исправа”.На 17.12.2015 година прво и второ пријавениот склучиле договор за продажба на патничко возило „Форд Ескорд“, на име на првопријавениот, при што договорот не  бил заведен од надлежен странски орган. На 12.12.2016 година Ф.С., ваквиот договор го употребил како вистински во постапката за регистрација на возилото во управните служби во Кичево.По ова, на 20.01.2016 година, пријавените повторно склучиле договор за купопродажба на истото возило од Ф.С. на Ф.Х., иако возилото и понатаму останало во фактичко и правно владение кај Ф.С.. После тоа, Ф.Х. во два наврати го употребил договорот како да е вистински со цел регистрација на возилото. Третопријавениот, со давање на совети и упатства, со умисла им помогнал на Ф.С. и Ф.Х. да ги сторат кривичните дела.

Македонија | пред 7 години

Фалсификувале купопродажен договор за продажба на патничко возило

Надворешната канцеларија за криминалистички работи Струга поднесе кривична пријава против Г.М.(46) од Гостивар, Ф.Х.(47) од Косово, со постојан престој во Гостивар, О.Ј.(45) од Охрид и Е.И.(29) од село Подгорци поради постоење основи на сомнение за сторени кривични дела „перење пари и други приноси од казниво дело“, ,,фалсификување или уништување на деловни книги“, ,,фалсификување исправа“ и „употреба на исправа со невистинита содржина“.Во текот на декември 2016 година првопријавениот изготвил фалсификуван купопродажен договор за продажба на патничко возило „Опел Фронтера“, на кој фиктивно како продавач го прикажал второпријавениот, а второпријавениот го потпишал договорот иако знаел дека е со невистинита содржина. Откако го завериле на нотар, го употребиле во постапка пред Бирото за метрологија во Скопје за добивање на согласност за регистрација на возилото.Третопријавениот, знаејќи дека возилото не може да се регистрира, му дал парични средства на четвртопријавениот, за да му обезбеди целосна документација за возилото, по што лажните документи ги употребил во царинската испостава во Струга.

Македонија | пред 7 години

Нападнато лице од Нов Зеланд – му украле накит, чанта и мобилен телефон

На 06.05.2019 година во 02.50 часот во Полициската станица Кисела Вода, Ф.В.(28) од Нов Зеланд пријавил дека околу 02.00 часот на ул.„Пушкинова“ непознат сторител извршил разбојништво над него и му одзел накит, чанта и мобилен телефон. Се преземаат мерки за расчистување на случајот.

Македонија | пред 7 години

Во автомобил пронајдена марихуана , две лица лишени од слобода

На 05.05.2019 година околу 19.45 часот во тетовското село Долно Палчиште, полициски службеници од Секторот за внатрешни работи Тетово ги лишиле од слобода Г.К.(37) од гостиварското село Здуње и Е.А.(18) од Гостивар, кои биле во паркирано возило „Рено меган“ со гостиварски регистарски ознаки. При преглед, кај нив била пронајдена марихуана. По целосно документирање на случајот ќе биде поднесен соодветен поднесок.

Македонија | пред 7 години

Во Битола возачи управувале возило без возачка дозвола

Полициски службеници од Секторот за внатрешни работи Битола на 04 и 05 мај извршиле контрола за брзина, управување без возачка дозвола, нерегистрирани возила, непочитување првенство, исправност на возилата, сигурносен појас. Притоа, контролирани се 461 возачи, од кои девет возачи управувале возило без возачка дозвола, нерегистрирани биле 11 возила , а еден возач не користел сигурносен појас, додека три возачи зборувале на мобилен телефон.

Македонија | пред 7 години

Нема фотографија

Кај охриѓанец пронајдени амфетамини

СВР Охрид поднесе кривична пријава против П.Д.(24) од Охрид поради постоење основи на сомнение за сторено кривично дело ,,неовластено производство и пуштање во промет на наркотични дроги, психотропни супстанци и прекурзори“. На 30.04.2019 година во Охрид полициски службеници извршиле преглед над пријавениот, при што пронашле и одзеле амфетамини.

Македонија | пред 7 години

Завршна конференција за успешна имплементација на Платформа за испорака на административни е-услуги

Министерот за информатичко општество и администрација Дамјан Манчевски, се обрати на завршната конференција во рамки на проектот: „ Поддршка на МИОА во процесот на модернизација на јавната администрација “, којшто во измината година се имплементираше со поддршка на Некстсенс, а финансиран од Европската Унија. На конференцијата се обрати и Фрек Јанмаат, шеф на Секторот од Делегацијата на Европската унија. Деталите за проектот ги претстави ја Игор Андоновски и Миле Грујовски, од Некстсенс.„Кога во јануари минатата година започнавме со имплементација на проектот пред нас си поставивме неколку цели. Главната наша заложба беше да обезбедиме алатка која ќе игра значајна улога во менувањето на начинот на којшто функционира јавната администрација. Ама не само начинот на кој функционира, туку и начинот на кој размислува и дизајнира процеси“, истакна министерот Манчевски.Како што рече тој, овој проект претставува уште една алка која ги надополнува платформата за интероперабилност, Националниот портал за е-услуги и електронскиот регистар на население. Комплементарноста на овие пректи е токму во заедничката цел, а тоа е граѓаните да можат само со неколку клика да добијат голем број на услуги.„Со овој проект, во комбинација со Националниот портал за е-услуги, кој ќе го пуштиме во употреба за неколку месеци, секоја институција, иако можеби не поседува никакви ИТ технички и човечки ресурси, ќе може да разменува официјално документи и да нуди електронски услуги на граѓаните. Ова се револуционерни чекори и проекти. Воспоставуваме централни платформи кои можат да ги користат сите институции. Можат и локалните власти, доколку сакаат. Со ова, се заштедуваат огромни суми на пари кои секоја институција индивидуално би требала да ги инвестира во хардвер и софтвер“, информираше министерот Манчевски.За да ова биде возможно Министерството за информатичко општество и администрација обезбеди и законска основа. Усвоени се трите закони кои овозможуваат документите на хартија да бидат заменети со електронски документи. Станува збор за Законот за централен регистар на население, Законот за електронско управување и електронски услуги и Законот за електронски документи, електронска идентификација и доверливи услуги.„Со овие закони се обезбедува унифицирање на начините на кои се водат сите податоци во различните регистри. Исто така, овие закони овозможуваат поедноставни и полесни процедури за граѓаните, кои сега само со единствена регистрација, преку порталот за е-услуги ќе можат електронски да ги добиваат своите услуги. На овој начин, ги хармонизираме нашите со законите на Европската Унија и ја транспонираме европската директива, како предуслов за имплементација на Дигиталната агенда“, рече Ана Малцева, советник во МИОА.Проектот се состои од неколку резултати:- Административна платформа за е-услуги за испорака- Правна рамка- ОбукиФокусиран на е-услуги и интероперабилност, проектот резултираше со:- Подобрување на спроведувањето на правната рамка за јавната администрација- Подобрување на мерењето на квалитетот на услугите- Подобрување на перформансите во испораката на административните услуги - Подобрување на координацијата на хоризонталните владини политики во однос на РЈА- Подобрување на системот на надлежности за администрацијата

Македонија | пред 7 години

Манчевски најави чистката за вработените во администрацијата кои не одат на работа, а земаат плата

Министерот за информатичко општество и администрација Дамјан Манчевски вели дека ќе ја почитува евентуалната одлука и тој да биде зафатен со „чистката” на владините функционери што ја најави неодамна премиерот Зоран Заев.Според министерот, со „чистката” ќе бидат опфатени вработените во администрацијата кои не одат на работа, а земаат плата.Манчевски вели дека е субјективно е да каже колку е задоволен од својата работа, смета дека секогаш може подобро и дека е главен судот на граѓаните.

Македонија | пред 7 години

Кривична пријави за охриѓанец – нападнал полициски службеник на ракометен натпревар

Поради постоење основи на сомнение за сторено казнено дело ,,напад на службено лице при вршење работи на безбедноста“, СВР Охрид до надлежното Јавно обвинителство поднесе кривична пријава против Д.П.(18) од Охрид.Тој, казненото дело го сторил на шести април оваа година во спортско рекреативниот центар „Билјанини извори“ во Охрид за време на ракометен натпревар. Пријавениот, физички нападнал полициски службеник кој преземал мерки за спречување на нарушен јавен ред и мир помеѓу две навивачки групи.

Македонија | пред 7 години

Во угостителски објект во Радолишта, напднат жител на селото

На петти мај оваа година околу 19 часот, во угостителски објект во струшкото село Радолишта, нарушен е јавниот ред и мир, во кој, според пријавеното, Н.М (40) од Струга, физички бил нападнат од У.Т.-жител на селото.Против него, полициската станица од Струга ќе поднесе соодветна пријава.

Македонија | пред 7 години

Арсовски: Зоран Заев е аболициран за криминал вреден 8 милиони евра за случајот Глобал

Денеска ние како ВМРО-ДПМНЕ ќе ја потсетиме Антикорупциската комисија на неколку случаеви и ќе апелираме за дополнително отворање на истите случаеви и нивни истраги, за се со цел да се дознае вистината и нивните разрешници, истакна Димче Арсовски, Портпарол на ВМРО-ДПМНЕ.Ние ги поддржуваме и охрабруваме антикорупционерите, целата Антикорупциска комисија да стават крај на корупцијата во нашата држава, но и во владата и буквално да бидат прочешлани сите политички чинители во Република Македонија, за конечно во Република Македонија да се стави рез и во иднина да може да се почне од почеток.Јавноста и граѓаните освен паушални одговори изминатиот период од Владата и нивните функционери, се уште немаат вистински одговор и не ја знаат целосната вистина за следниве неколку случаеви кои што ќе ги споменам денеска.Зоран Заев е аболициран за криминал вреден 8 милиони евра за случајот Глобал и се уште јавноста нема одговор со што и колку се стекнаа тој и неговите бизнис партнери кои што беа аболицирани од случајот Глобал каде што е фатен жив во криминал и подоцна како што знаеме сите аболициран.Граѓаните се уште чекаат разрешница на случајот Цареви Кули, случај кој што го обелодени ВМРО-ДПМНЕ, каде што Заев практично се потврди дека е виновен преку пресудата на тужбата кон медиумите, која што ја имаше поднесено кои обелоденија за истиот случај. Криминал исто така вреден неколку милиони евра.Граѓаните се уште чекаат разрешница за случајот со земјиштето во старата касарна во Струмица каде што бизнис партнерот на Зоран Заев и брат му Вице Заев, Сашо Брндевски, купува земјиште од над 18.000 квадрати за сума од 700.000 евра во време кога Зоран Заев е градоначалник и истото го продава на неговиот брат Вице Заев и фирмата Тотал Инженеринг, братот на Зоран Заев, Вице Заев го купува односно го презема истото земјиште за само стан од 40-тина квадрати кои што му го дава за замена на Сашо Брндевски.Станот има вредност од само 30-тина илјади евра. Замислете земјиште од 700.000 евра го добива за стан од 30.000 евра. Јавноста се уште чека одговор каква е врската на Вице Заев и фирмата Тотал Инженеринг во ископот во РЕК Битола и со каква корист и сума на пари се стекнуваат Тотал Инженеринг и Вице Заев изминатиот период откако братот негов Зоран Заев е на власт и тоа со превоз и ископ во рудникот РЕК Битола.Јавноста се уште чека одговор, дали и колку се има стекнато Зоран Заев со пари по примерот на „едно евро за Вицето“ додека бил градоначалник, а и сега додека е Премиер. Тоа е пример каде што целата јавност виде како функционира оваа криминогена влада на чело со Зоран Заев.Јавноста се уште чека разрешница на случајот за вицепремиерот Кочо Анѓушев кој го објавив пред половина година, каде што по пат на непосредна спогодба Заев, кој што е премиер, му доделува градежно земјиште на фирмата на Кочо Анѓушев МХЕ Тополки од неколку илјади квадрати во местото Дреново, поточно над 7.000 квадрати додека и двајцата се на високи функции во Владата. Прв и втор човек на владата на Република Македонија.Јавноста особено е загрижена и ја интересираат фирмите на Заеви во Бугарија Ориент Груп, Гомасидра и Радиша Трејд, кои што ги објавивме кои што се во сопственост на Трајче Заев, неговиот братучед, Вице Заев и останатите како и јавноста чека одговор за фирмата Мегатрон или како и да е на Дамјан Манчевски која се поврзува со Грција, а деновиве можевме да сретнеме како пишуваат интернет медиумите.Антикорупциската комисија исто така треба и да го испита случајот за вработување на ќерката на пратеничката од СДСМ од Струмица на Гинекологија, тоа е пратеничката Катерина Кузмановска. Дали оваа пратеничка влијаела за вработувањето на ќерка и, и на кој начин?Така да очекуваме сите овие случаеви Антикорупциската комисија даотвори предмети, убаво да ги истражи и да ги доведе до самиот крај доразрешница. Во моментов имаме подготвено документ кој што ќе го оставиме доантикорупционерите, ќе го заведат во архивата по кој ќе може да се водат и дапочнат да истражуваат за сите овие случаеви.Прашање новинар: Ќе побарате за секој поединечно да се отвори случај?Одговор: Апсолутно, секој случај овдека е засебен случај кој што мириса на сериозен криминал и за кој што има и докази дека е сериозен криминал, кој што е сторен од страна на актуелните функционери на владата истакна Арсовски. 

Македонија | пред 7 години

Се е подготовено за Папата, се молат граѓаните за трпеливост и прилагодување на правилата

Сите подготовки за посетата на Папата Франциск се направени на највисоко рамниште со апел до граѓаните за трпеливост и прилагодување на посебните сообраќајни правила и пристап до другите услуги Претседателот на Координативното тело за организацијата на посетата на Папата Франциск и државен секретар на Министерството за надворешни работи Виктор Димовски, државниот секретар на Министерството за здравство Владимир Милошев и помошникот министер за односи со јавност во МВР Тони Ангеловски, денеска ја одржаа третата прес конференција на која споделија информации за одредени сервисни, сообраќајни и безбедносни информации од посебен интерес за граѓаните за време на еднодневната посета на високиот гостин на нашата земја.Димовски на конференцијата за медиумите истакна дека се направени сите неопходни подготовки за посетата на Папата, и упати апел до граѓаните за разбирање и за поголемо трпение заради посебните безбедносни и сообраќајни правила што во текот на утрешниот ден ќе бидат преземени за непречена реализација на посетата и за непречено извршување на приватните и работните обврски на граѓаните за време на утрешниот работен ден.Државниот секретар во Министерството за здравство Владимир Милошев на прес конференцијата истакна дека сите граѓани, во текот на утрешниот ден, навремено и непречено ќе ги добијат неопходните здравствени услуги и интервенции.Согласно посебниот план на Министерството за здравство, во Клиничкиот центар од денеска од 18:00 часот до утре (7 мај) до 18:00 часот, нема да биде дозволено паркирање на приватни автомобили, односно во кругот на комплексот клиники ќе се пропуштаат само возилата на Итната медицинска помош.Милошев потенцираше дека тоа не значи дека Клиничкиот центар ќе биде затворен, но пристапот до него ќе биде ограничен во временските интервали од 08:30 до 10:00 часот претпладне, и во одреден период во попладневните часови.Од овие причини упатен е апел сите граѓани коишто во овој временски интервал ќе имаат потреба од медицинска услуга да се упатуваат во Градската општа болница „8 Септември” (или поранешната Воена болница), или во Универзитетската клиника по хируршки Болести „Св. Наум Охридски“ (поранешна Градска), во центарот на Скопје која ќе биде постојано достапна за граѓаните.Овие две големи здравствени установи, односно „8 Септември“ и клиниката „Св. Наум Охридски“ утре ќе работат со полн капацитет и целосна мобилност со цел да одговорат на потребите на граѓаните.  И клиниката за детски болести, до која ќе се пристапува од задниот влез на Клиничкиот центар, поточно од кај хотелот Тасино Чешмиче.Портпаролот на Министерството за внатрешни работи Тони Ангеловски соопшти дека МВР ги направи сите неопходни подготовки за посебни сообраќајни правила и режим за време на Апостолската посета на Папата со цел да се обезбедат сите безбедносни обврски за посетата на високиот гостин, како и да обезбедат оптимални услови за движење на граѓаните за остварување на нивните приватни и работни обврски.Во централното градско подрачје во Скопје, поточно во појасот “Голем ринг”, во вторник на 07.05.2019 година, од 06:00 часот до 19:00 часот, ќе има забрана и ограничување на сообраќајот и истиот ќе биде пренасочен на сообраќајниците околу центарот во Скопје за да се обезбедат алтернативни решенија.Во овој временски период ќе се формира “Рестриктивна зона” во која за автомобили целосно ќе бидат затворени следните сообраќајници: Ул. ,,11ти Октомври” од крстосницата со бул. ,,Кочо Рацин” до крстосницата со ул. ,,Димитрие Чуповски”, ул. Даме Груев, ул. ,,Македонија”, ул. ,,Васил Главинов”, ул. ,,Филип 2ри Македонски”, ул. ,,Св. Климент Охридски”(адвокатска) и ул. ,,Иљо Војвода”, а сообраќајот на бул. „Мајка Тереза“ (поранешна „Водњанска“) ќе биде затворен во временскиот интервал од 08:15 до 10:15 часот. Сообраќајници по кои ќе биде дозволено непречено одвивање на сообраќајот за време на официјалната посета на Папата, се следните: бул. ,,Кочо Рацин”, ул. ,,11-ти Октомври” од крстосницата со бул. ,,Кочо Рацин” до крстосницата со бул. ,,Борис Трајковски”, ул. ,,Св. Кирил и Методиј”, бул. ,,Св. Климент Охридски”, бул. ,,Партизански Одреди”, ул. ,,Самоилова” и бул. ,,Гоце Делчев”.Од МВР апелираат до граѓаните на трпеливост и почитување на поставената сообраќајна сигнализација и наредбите што ги издаваат полициските службеници.Сите паркинзи на Паркинзи Општина Центар, и на ЈП Градски Паркинг ќе бидат бесплатни уште од 6 мај, понеделник, после 17 часот, како и во текот на целиот ден во вторник на 7 мај, а дополнителен апел до граѓаните е упатен и за користење на јавниот автобуски превоз, кој како и железничкиот, во текот на утрешниот ден ќе биде бесплатен.Посебни сообраќајни правила на движење на автомобили на трасата од Меѓународниот аеродром Скопје до централното градско подрачје на Скопје на ден 07.05.2019 година во временските интервали од 07:30 часот до 09:00 часот, како и од 17:00 часот до 18.30 часот, Се препорачува сите граѓани кои на 7 мај имаат лет преку Меѓународниот аеродром Скопје да се упатат кон аеродромот најмалку еден час порано од вообичаеното, со оглед што движењето по споредните сообраќајници може да трае подолго од планираното.За време на апостолската посета на Папата Франциск на Република Северна Македонија движењето во централното градско подрачје (познато како Мал ринг), за сите граѓани ќе биде непречено, но забавено, бидејќи овој појас ќе биде строго обезбедена зона, а пристапот до оваа зона ќе биде можен само со важечки документ за идентификација и да поминат низ безбедносни проверки.

Македонија | пред 7 години

Милошевски се заблагодари на поддршката и му посака среќа на Георгиески

Ви благодарам на сите кои го остваривте своето демократко право на локалните избори прифаќајќи одреден концепт за градот за кој мислевте дека треба да се реализира. Благодарам за поддршката што секојдневно ја добивав од Вас за мојата програма За убав град. Секоја врата ни беше отворена, со секого поразговаравме, станавме дел од сечиј живот и ги ислушавме сите предлози, идеи, но и маки и проблеми, истакна Д-р Митре Милошевски, кандидадатот за градоначалник на Охрид..Благодарност до тимот на ВМРО-ДПМНЕ за несебичната ангажираност, максималната заложба и безрезервната поддршка за целиот овој период во кампањата.Водевме позитивна, слободна, фер и достоинствена кампања, не водевме црна кампања и не кажавме ниеден лош збор.Искрени честитки до мојот почитуван колега Константин Георгиески за успешна работа и реализација на ветените проекти од својата програма пред охриѓани.Мојата душа и моето срце живеат за поубаво утре, за убав Охрид и затоа надежта е дека сите граѓани ќе имаат еднакви шанси за достоинствен живот.Да живее ВМРО-ДПМНЕ,Да живее Охрид,Да живее Македонија, истакна Милошевски.

Македонија | пред 7 години

ОК ВМРО ДПМНЕ: Во Охрид победи правото и правдата, Охрид ја доби битката на душата и честа

Во Охрид победи правото и правдата. Охрид ја доби битката на душата и честа. Реалноста за охриѓани е дека бараат правда, слобода, стандард, принципи и вредности. Народот јасно и недвосмислено ја делегитимира Власта препознавајќи го нејзиното лошо владеење и погрешни политики, се вели во соопштението од ОК ВМРО ДПМНЕ, Охрид.Картата е црвена, а тоа е бојата на победата. ВМРО-ДПМНЕ е коренот на македонскиот граѓанин. Благодарност до сите граѓани коишто не поддржаа, за нивната храброст, честитост, патриотизам, како и макотрпна, чесна и достоинствена работа во изминатиот период додека траеше кампањата, но и претходно.Честитките до Константин Георгиески ги испраќаме со порака за успешност во работата на Локалната самоуправа реализирајќи ги сите искажани ветувања. Како конструктивна опозиција уште денеска започнуваме со контрола на неговата работа и ветувања кон охриѓани и ќе бидеме гласен коректор на Локалната власт.ВМРО-ДПМНЕ како победник на претседателските избори во Охрид ја зацврствува својата позиција со освоените гласови што претставува предност и опомена за предвремени парламентарни избори.И покрај заканите, уцените и притисоците Ви благодариме за безрезервната поддршка и не застануваме туку продолжуваме помотивирани, посплотени и поединствени кон целосна победа во Охрид и преземање на власта.Достоинствено продолжуваме со крената глава кон освојување нови победи.Борбата за Македонија продолжува, се вели во соопштението од ОК ВМРО ДПМНЕ, Охрид. 

Македонија | пред 7 години

Премиерот Заев со Претседателот на ЕБОР Чакрабарти: Високи оценки за политиките на Владата

Премиерот Зоран Заев, придружуван од министерот за финансии Драган Тевдовски, денеска, се сретна со претседателот на Европската банка за обнова и развој (ЕБОР), Сума Чакрабарти, кој е во посета на Северна Македонија во рамки на регионалната посета на Западен Балкан, пред Годишното собрание на ЕБОР што ќе се одржи од 7-9 мај во Сараево, Босна и Херцеговина.На средбата, делегацијата од ЕБОР упати честитки по повод изборот на новиот претседател на државата, Стево Пендаровски, оценувајќи ја позитивно можноста граѓаните демократски да ја изразат својата волја.Претседателот на ЕБОР Чакрабарти ги оцени високо досегашните политики на Владата за преземените реформи, оценувајќи го како исклучителен исчекор договорот со Грција, кој, како што беше оценето, е одлична можност за посветување на останатите економски процеси и инвестициски можности важни за граѓаните на Северна Македонија и регионот.Претставниците на ЕБОР ја изразија посветеноста на Банката за продолжување и интензивирање на можностите за соработка со Владата на Република Северна Македонија, во областа на енергетиката, производството на електрична енергија од обновливи извори и процесот на гасификацијата, како и за развој на патната и железничка инфраструктурата, за поддршка на приватниот сектор, како и за поддршка за подобрување на услугите на локално ниво.Премиерот Заев се заблагодари за континуираната поддршка на Европската банка за обнова и развој, оценувајќи дека Владата останува посветена на политичкиот дијалог со опозицијата и одличната соработка со соседите, со единствена цел да ги оствари евроатлантските интеграции, што ќе доведе до стабилност, подобрување на условите за работа на домашните компании и привлекување странски инвестиции, за подобрување на економската положба на граѓаните.Во рамките на посетата на Владата на РСМ, Претседателот на ЕБОР Чакрабарти оствари средба и со заменикот на претседателот на Владата Кочо Анѓушев задолжен за економски прашања, на која разговараа за динамиката на остварување на стратешките капитални проекти во енергетиката, патната и железничката инфраструктура.Вицепремиерот Анѓушев истакна дека заедничката соработка во дел од клучните проекти значи дека ЕБОР е наш партнер и ја дека препознава дека во фокусот се потребите на нашите граѓани, за подобри патишта, железници, гасовод, што во исто време се значајни и за развојот на економијата и придонесуваат за конкурентно стопанство.

Македонија | пред 7 години

Апел за преместување на возилата од големиот ринг

Поради посетата на Папата Франциск, во Скопје се воведува посебен сообраќаен режим и промени во движењето на граѓаните. Поради специјалниот режим на движење, граѓаните што живеат во централното градско подрачје, во зоната „Голем ринг“, во вторник нема да може да ги користат своите возила, до колку сакаат да ги користат возилата ќе мора истите денеска да ги извадат од рестриктивната зона.Апаелираме, граѓаните коишто живееат во централното градско подрачје (во зоните А1, А3, А4, А5, А06, А8, Б2, Б3, Б6 и Б7) почнувајќи од понеделник, 06.05.2019 година по 16:00 часот, своите возила да ги дислоцираат и истите да ги паркираат во непосредна близина на Градско Собрание, зона Ц80 и Ц81 или зона Ц33 (под Железничка станица) и јавните паркиралишта ЗОИЛ и Тутунски комбинат.Граѓаните кои имаат потреба од своите возила на ден 07.05.2019 година, ќе биде потребно истите да ги дислоцираат надвор од рестриктивната зона на 06.05.2019 година, во спротивно возилата нема да може да направат излез од рестриктивната зоната за време на посебниот сообраќаен режим.Сите паркиралишта со кои стопанисува ЈП Градски паркинг-Скопје ќе бидат бесплатни за користење почнувајќи од 06.05.2019 година (понеделник) по 16:00 часот.Катните гаражи „Беко“ и „26 Јули“ во вторник 07.05.2019 година нема да бидат во употреба, односно ќе бидат затворени.

Скопје | пред 7 години

Утре специјален сообраќаен режим и траси на движење – еве ги деталите

Денеска и утре /07.05.2019 година, вторник/ поради посетата на Папата Франциск, во Скопје сообраќајот ќе се одвива по специјален режим. Во централното градско подрачје во Скопје, поточно појасот „Голем ринг“, утре /7 мај/ од 6 до 19 часот ќе има забрана и ограничување на сообраќајот. Сите возила ќе бидат пренасочени на сообраќајниците околу центарот во Скопје за да може непречено да се движат.Во овој временски период ќе се формира „рестриктивна зона“ на движење. За автомобили целосно ќе бидат затворени следните улици: 11 Октомври од крстосницата со булеварот Кочо Рацин до крстосницата со улиците Димитрие Чуповски, Даме Груев, Македонија, Васил Главинов, Филип 2 Македонски, Св. Климент Охридски (адвокатска) и Иљо Војвода.Сообраќајници по кои ќе биде дозволено движењето на возилата се следните: булевар Кочо Рацин, улица 11 Октомври од крстосницата со булевар Кочо Рацин до крстосницата со булевар Борис Трајковски, улицата Св. Кирил и Методиј, булеварите Св. Климент Охридски, Партизански одреди, Гоце Делчев и улицата Самоилова.Посебни сообраќајни правила на движење на автомобили ќе има и на трасата од Меѓународниот аеродром - Скопје до централното градско подрачје на Скопје. На 7 мај во временските интервали од 7:30 до 9 часот и од 17 до 18:30 часот, сообраќајот по бул. „Александар Македонски“ од излезот на Скопје во Автокоманда, кон аеродромот, ќе биде затворен во двете ленти на булеварот и ќе биде пренасочен по споредни сообраќајници.На трасата Велес – Скопје, во овој временски интервал, сообраќајот за влез и излез во Скопје ќе се одвива преку трасата Миладиновци - Идризово - Маџари. На трасата Куманово – Скопје, на клучката Миладиновци (кај Рафинеријата), сообраќајот ќе се пренасочува кон Обиколницата на Скопје, на која прв дозволен влез во градот Скопје ќе биде на клучката кај Радишани.За време на апостолската посета на папата Франциск движењето во централното градско подрачје (познато како „Мал ринг“) за сите граѓани ќе биде непречено, но забавено, бидејќи овој појас ќе биде строго обезбедена зона. Сите граѓани што ќе пристапат во оваа зона во периодот од 6 до 19 часот на 7 мај ќе мора да се идентификуваат со важечки документ за идентификација и да поминат низ безбедносни проверки.Во зоната „Мал ринг“ ќе се пристапува преку осум влеза на кои МВР ќе врши безбедносна проверка на сите граѓани, како и проверка на лична карти или пасош.Ова се единствените влезови во кои ќе се пропуштаат граѓаните кои ќе се упатуваат кон плоштадот „Македонија“:- Влез кај Управен суд на улица Орце Николов- Влез кај хотел „Мериот“ на улица Максим Горки- Влез кај кафе „Тренд“ на улица Димитрие Чуповски- Влез кај Министерството за финансии на улица Даме Груев- Влез кај Завод за статистика на улица Даме Груев- Влез кај Пелагонија на улица Димитрие Чуповски- Влез кај порта „Македонија“ на улица 11 Октомври- Влез на предната страна од ГТЦ кон плоштадПешачките мостови на реката Вардар (Камениот мост, мостот Око и Мостот на уметноста) ќе бидат целосно затворени за движење, како и Кејот „13 Ноември“ од двете страни на реката.Сите граѓани што живеат или работат околу плоштадот „Македонија“ ќе имаат непречен пристап до своите живеалишта, односно места на работа, преку поминување на еден од одредените влезови. Важно е со себе да носат документ за идентификација. Внатре во зоната ќе имаат слободен пристап до сите локации, освен во затворената зона на самиот плоштад, за каде што е потребна влезница за учество на литургијата. Пристапот за моторни возила, велосипеди, мопеди и слично е забранет во обезбедената зона.Целосна интерактивна мапа од посетата можете да ја видите на следната интернет врска - https://www.google.com/maps/d/viewer?mid=1s3pH9_P_eLfWft6MceurZzGeZmvvxmh6  &ll=41.99551418332732%2C21.43057529777684&z=15Целосните промени и правила на движење можете да ги видите на следната интернет врска - https://papa.mk/soobrakjaj/ Целосните промени за движење на автобусите во јавниот градски превоз можете да ги видите на следната интернет врска - http://jsp.com.mk/vest.aspx?vest=912 

Скопје | пред 7 години

Прва оставка по изборите, jа поднесе Министерот Адеми

Министерот за култура Асаф Адеми денеска поднесе оставка од функцијата. Адеми ја соопшти одлуката на прес-конференција во партиското седиште на „Алтернатива“ во скопска „Мавровка“.Причина за негова одлука како шро кажа се здравствени проблеми.Оставката, како што наведе, ја поднесува поради здравствени причини и во консултации со партискиот лидер Африм Гаши.Инаку, на функцијата министер за култура тој дојде во јуни минатата година наследувајќи го Роберт Алаѓозовски.

Македонија | пред 7 години

Промовирана поштенска марка за посетата на папата Франциск

По повод утрешната посета на папата Франциск на Скопје, денеска во Собранието беше промовирана поштенската марка „Прва посета на Папа во Република Северна Македонија. Претседателот на Собранието Талат Џафери во обраќањето на промоцијата рече :-Како што ви е познато, утре кај нас доаѓа во посета Папата, поглаварот на Римо- католичката црква во рамките на неговата Балканска турнеја и оваа промоција е навистина одличен начин за да се забележи овој историски настан. Папата Франциск е познат по својата скромност и широкогледост, повикува на еднаквост, противник е на насилството и е прогресивен во своите ставови и ја поддржува еволуцијата, токму затоа е широко прифатен од младите ширум светот и за нас е огромна чест што утре ќе бидеме домаќини на оваа посета.Иако во Република Северна Македонија католичката заедница е помала во однос на другите верски заедници, сепак неоспорен е нејзиниот ценет придонес во градењето на соживотот во нашата земја, нешто што не е воопшто лесно меѓутоа, како што вели и Папата во неговата видео порака упатена до Северна Македонија, „вреди да се вложи тој напор, бидејќи посебната убавина на нашата земја се должи токму на различните култури, заедници и религии што живеат во неа, бидејќи најубавите мозаици се тие што имаат многу бои“.Ние, иако мали по територија и по број на жители, имаме што да понудиме во градењето на еден поубав свет за сите. Исклучителен пример за тоа е нашата Гонџе Бојаџиу, големата светица Мајка Тереза која неуморно се даде себеси и сето свое битие за да ги утеши сиромашните, немоќните, болните.Нека посетата на Папата Франциск биде охрабрување за сите нас да бидеме подобри луѓе, потолерантни кон различните од нас, одговорни и посветени луѓе претставници  на народот кои ќе бидат посветени на градење на подобра иднина за идните генерации, истакна Џафери.Инаку на промоцијата пристуствуваа потпретседател Влада на Република Северна Македонија, директорот на македонски пошти  Рустеми,Скопскиот Бискуп и Апостолски Егзарх во Македонија, Монсињор д-р Киро Стојанов.

Македонија | пред 7 години

(ФОТО) Дрво падна на автомобили во центарот на Охрид

НАСКОРО ПОВЕЌЕ ...

Македонија | пред 7 години

Контејнерите од улиците во општина центар привремено дислоцирани

Град Скопје и ЈП „Комунална хигиена“ ги информираат жителите од општината Центар, дека во пресрет на апостолската посета на папата Франциск ќе бидат спроведени безбедносни мерки коишто налагаат привремено дислоцирање на садовите за исфрлање на отпадот.Имено, вечер (6.05.2019 година), околу 22 часот ќе бидат дислоцирани контејнерите на 45 локации на следните булевари и улици: Гоце Делчев, Свети Климент Охридски, Мајка Тереза, Даме Груев, Филип Втори Македонски, ВМРО, Орце Николов, Митрополит Теодосиј  Гологанов, Кирил и Методиј, како и на кејот „13 Ноември“. Дислоцираните садови за исфрлање на отпадот ќе бидат вратени на своите локации околу 22 часот утревечер (7.05.2019 година).Апелираме до граѓаните во меѓувреме да се воздржат од исфрлање на комуналниот отпад.

Македонија | пред 7 години

ВМРО ДПМНЕ: Картата е црвена - Предвремените парламентарни избори се неизбежни

Картата е црвена. ВМРО-ДПМНЕ и Гордана Сиљановска Давкова победија во најголем број на општини во Република Македонија. ВМРО-ДПМНЕ и Гордана Сиљановска Давкова со народот освоија повеќе гласови од првиот круг, се вели во соопштението од ВМРО ДПМНЕ.Членството на ВМРО-ДПМНЕ беше под константен политички прогон, власта се служеше со сите методи. Но одговорот го добија од народот. Сега да има предвремени парламентарни избори, ВМРО-ДПМНЕ ќе освои најголем број на пратеници.Гордана Сиљановска Давкова и ВМРО-ДПМНЕ победија во: Зелениково, Аеродром, Гази Баба, Ѓорче Петров, Кисела Вода, Сопиште, Петровец, Илинден, во Бутел е нерешено, победа има и во Битола, Велес, Кавадарци, Гевгелија, Прилеп, Кочани, Свети Николе, Штип, Босилово, Валандово, Василево, Вевчани, Виница Градско, Дебарца Демир Капија, Зрновци, Карбинци, Кратово, Кривогаштани, Лозово, Македонска Каменица, Македонски Брод, Могила, Неготино, Новаци, Пехчево, Пробиштип, Росоман, Старо Нагоричане, Чешиново Облешево и нерешено е во Радовиш.ВМРО-ДПМНЕ продолжува заедно со народот. Оваа недемократска и ненародна власт мора да падне.Граѓаните го кажаа своето. Падот на Заев е неминовен.Народот гласаше за право и правдина наспроти криминал, корупција и непотизмот на Заев и СДСМ. Народот гласаше против коруптивната шема по принципот „едно евро за црквата, едно евро за Вицето“.Народот сака право и правдина. Предвремените парламентарни избори се неизбежни, се вели во соопштението од ВМРО ДПМНЕ. 

Македонија | пред 7 години

Исчезна дедо Трајан од Усје, семејството моли за помош

 Скопјанецот Горан Илиев апелира до јавноста за било каква информација за неговиот дедо Трајан. Трајан од село Усје, боледува од деменција и од утрово му се губи трага.Доколку имате било каква информација, јавете се на 070 350 294.https://www.facebook.com/ilievg.mk/posts/10214302051881024

Македонија | пред 7 години

Нема фотографија

Викендов сообраќајната полиција затекна „возачи“ кои немаат возачка дозвола

Во текот на изминатите денови (03, 04 и 05.05..2019 година) на подрачјето на Секторот за внатрешни работи Скопје преземени се мерки и активности и констатирано е дека пет возачи управувале возила со брзина поголема од дозволената. Од сообраќај се исклучени четири возачи од кои: тројца возачи затоа што управувале возила без да се стекнат со право за управување на моторно возило и еден возач затоа што бил возач почетник. Исто така, исклучени од сообраќај се и три возила бидејќи биле нерегистрирани. Санкционирани се двајца возачи поради недавање првенство на минување на пешаци, еден возач поради неправилно престројување, двајца возачи поради неправилно престигнување и еден возач на мотоцикл поради неносење заштитен шлем.

Македонија | пред 7 години