Река со патриотизам по гласови: Не треба да чекаме уште 20 години за Албанец да биде претседател

Кандидатот за претседател Блерим Река вечерва на конвенција во Дебар нагласи дека е време и Албанците да имаат претседател на државата. Тој во присуство на лидерите на Алијанса на Албанците и БЕСА, Зијадин Села и Билал Касами, истакна дека има пет клучни приоритети за развој на државата, а 21 април е плебисцит за Албанците во Република Северна Македонија.-Ние говоревме само за мултиетничко општество, а треба да говориме за мултиетничка држава. Тоа треба да се случи на 21 април, тоа е прв приоритет. Албанците не можат да бидат само аморфна маса и да се статистичка нација. Тоа е неприфатливо така што е голем приоритет да се надмине овој проблем, потенцира Река.Мој приоритет, посочи, е и НАТО.-Македонија веќе е сигурно дека ќе стане членка на Алијансата. Некој се обидува да ме прикаже како политичар кој сака да спречи влез во НАТО, тоа не е вистина. Треба да се поздрави Преспанскиот договор, бидејќи и јас се залагам да има нула проблеми со соседите. Многу е добар договорот со Бугарија, а треба да се решат проблемите со Србија. Македонија никогаш немала проблеми со Албанија и Косово. Албанците надвор и внатре се за стабилна Македонија и регион, јас тоа само ќе го продлабочам. Треба да се надмине проблемот на исчекување за уште 20 години за Албанец да биде претседател на државата, рече Река.

Македонија | пред 7 години

На пасошите од Велика Британија, нема повеќе „Европска унија“

Велика Британија почна да издава пасоши на своите граѓани без зборовите „Европска унија“ на корицата, и покрај одложувањето на Брегзит. Новите пасоши се воведени на 30 март, еден ден откако Британија требаше да ја напушти ЕУ.Новите британски пасоши се издаваат без зборовите „Европска Унија“ на предната корица.Едно лице што го добило пасошот рече дека е „навистина згрозено“ поради отстранувањето на ЕУ, вели Еуроњуз.„Бев изненадена - сè уште сме членки на ЕУ. Бев изненадена што направиле промена кога уште не сме заминати, и тоа е јасен знак за нешто за кое верувам дека е сосема залудно“, рекла Сузан Хиндл Барон за британската Асоцијација за новинари.„Што добиваме со заминувањето? Секако, многу ќе загубиме“.Министерството за внатрешни работи на Велика Британија соопшти дека за доброто на „даночните обврзници, уште краток период ќе се издаваат пасоши со зборовите 'Европска Унија'“, се вели во извештајот на Еуроњуз. 

Свет | пред 7 години

Палевски е уапсен оти пуштал прислушкувани разговори на разглас

Љупчо Палевски и уште две други лица, едно од Битола, а едно од Прилеп, синоќа на собир на отворено во Прилеп на разглас пуштале телефонски разговори во кои наводно зборуваат актуелни и поранешни функционери, објави порталот ПлусИнфо.Тројцата денеска биле задржани на разговор во полициска станица, а информацијата ја потврдуваат и од МВР.– На 05 април 2019 во Полициската станица Прилеп задржани се три лица Љ.П. (55) од Тетово, Т.М.(44) од Битола и Г.Н. (49) од Прилеп поради основано сомнение за сторено кривично дело „неовластено прислушкување и тонско снимање“ казниво по член 151 став2 од Кривичниот законик на Република Северна Македонија – велат од МВР за Плусинфо.Од настанот на социјалните мрежи имало и пренос во живо и според она што може да се слушне од тоа видео, за еден од разговорите кои биле пуштени, се тврди дека е од 2012 година, а наводно го водат поранешната и актуелниот министер за внатрешни работи, Гордана Јанкулоска и Оливер Спасовски.

Македонија | пред 7 години

Шекеринска откри зошто носела облека со боите на грчкото знаме

При посетата на грчкиот премиер Алексис Ципрас и грчката владина делегација, многумина забележаа дека гардеробата на министерката за одбрана Радмила Шекеринска случајно или беше е во боите на грчкото знаме. Министерката Шекеринска во интервју за „360 степени“ откри дали изборот на гардеробата бил случаен.-2 април многумина го гледаа само низ призмата на посетата на грчкиот премиер и грчката владина делегација, но 2 април е и ден во кога обично во сино се одбележува нашата поддршка на лицата со Даунов синдром. Мислам дека и двете пораки се позитивни пораки, па кој како сакаше коментираше. Сината боја е и бојата на НАТО а нашата желба е да станеме членка и на НАТО и на ЕУ, рече Шекеринска.Таа искоментира дека за разлика од мажите кои немаат многу избор, жените имаат поголема грижа околу изборот на гардеробата.-Како што рече хрватската претседателка понекогаш и јас би сакала јавноста помалку да се занимава со овој дел, а повеќе на нашата работа, рече министерката која сепак заклучи дека се обидува пораката која има да ја испраќа со зборови, а не преку облеката.

Македонија | пред 7 години

Силјановска не можела да спие: Интонирање на химна без текст е противзаконски

Кандидатката за претседателка од ВМРО-ДПМНЕ, Гордана Силјановска Давкова на вечерашниот митинг од Битола порача дека интонирање на химната без текстот е противзаконски, бидеќи според закон химната има и текст и музика.-Далеку сме од владеење на правото, не се справуваме со корупцијата и криминалот. Непотизмот прецвета, стручната администација ја нема, а во ЕУ не се оди без неа. ЕУ вели дека ќе ги казнува земијте членки кои ќе ги кршат правилата на правната држава. Епа како ќе добиеме датум? Хан вели следувала подготвителна фаза за преговори. Па до кога ќе се подготвуваме? Сега веројатно ќе велат дека ЕУ си има сопствени проблеми, треба да го среди сопствениот двор. Химната си има и текст и музика и тоа е во Законот. Она што денеска го слушаме, химна без текст е противзаконски. Затоа мислам дека треба да ги предупредиме на почитување на правото. Никогаш не сум помислувала дека ќе прифатам ваков предизвик. Не можев да спијам, се думав, неколкупати се откажував. Не затоа што не сум храбра, туку поради одговорноста, рече Силјановска.

Македонија | пред 7 години

Поради снимање филм, ќе биде затворен булевар во центарот Скопје

На 07.04.2019 (недела) во периодот од 10,00 до 17,00 часот, поради снимање на филм од страна на Скопје филм студио, Одделението за безбедност на патниот сообраќај ќе преземе мерки за посебен режим на сообраќајот по бул.„Видое Смилевски Бато“ во Скопје, при што сообраќајот ќе се пренасочува по околните сообраќајници.За време на снимање на филмот ќе се користат и специјални ефекти.

Скопје | пред 7 години

Претрес во домот на 23-годишно момче од Велес, пронајдени 24 пакувања марихуана

Секторот за внатрешни работи Скопје, до надлежното Основно јавно обвинителство Скопје, поднесе кривична пријава против А.К.(23) од Велес поради постоење основи на сомнение дека сторил кривично дело „неовластено производство и пуштање во промет наркотични дроги, психотропни супстанци и прекурзори“, казниво по член 215 од Кривичниот законик.На 03.04.2019, врз основа на судска наредба, полициски службеници од СВР Скопје во содејство со полициски службеници од Одделот за крим полиција извршиле претрес во стан каде привремено престојува пријавениот на ул.„23-ти Октомври“ во Скопје.При претресот биле пронајдени и одземени вкупно 24 пакувања со 167 грама марихуана и повеќе предмети со остатоци од марихуана, кокаин и амфетамин. А.К. бил лишен од слобода. 

Македонија | пред 7 години

Нема фотографија

Старица паднала од автобус кај Зелен пазар

На 05.04.2019 година во 15,30 часот во СВР-Скопје било пријавено дека на улицата „11 Октомври“, спроти Зелен пазар, Ѓ.Ј.(80) од Скопје паднала додека се  симнувала од автобус на ЈСП, управуван од Ж.К.(58) од Скопје.Според пријавата на Ѓ.Ј., автобусот тргнал додека таа се симнувала. На Ѓ.Ј. и била укажана помош во Градската општа болница “Свети Наум Охридски“, каде и биле констатирани повреди и по укажаната помош била пуштена на домашно лекување.Извршен бил увид на местото на настанот од страна на увидна екипа од СВР-Скопје и се работи на расчистување на случајот.

Скопје | пред 7 години

Заев и Светска Банка различно гледаат на економскиот раст, СБ предупредува, Заев оптимист

Северна Македонија треба да се сконцентрира на економските реформи за да го забрза процесот на интегрирање во ЕУ и да ги стабилизира јавните финансии, бидејќи политичките изглед се подобрени, објави Светската банка вчера.Во извештајот на Банката, насловен „Најнови економски прогнози за Европа и Централа Азија“, се посочува дека земјите во овој регион бележат различни стапки на раст на националните економии.Годинава економскиот раст во Европа и во Централна Азија ќе забави на 2,1 проценти, како последица на глобалното забавување на економијата и неизвесните перспективи, предвидува Светската банка.Како земји во кои годинава се очекува најголем економски раст во регионот се посочени Албанија и Србија, а најмал раст од само еден отсто се предвидува за Турција, која во 2017 година имаше раст од 7,4 проценти.Премиерот Зоран Заев пак очекува економски раст од над  четири проценти во првиот квартал годинава и надминување на проекциите за раст од 3,2 проценти за целата година.– Во полн интензитет е и гасификацијата, железницата е целосно ослободена, тоа се 75 проценти од капиталните инвестици во државата, а останатите 25 проценти ги придвижуваме во деловите за канализации, градинки и училишта. Само со засукани ракави и добра работа можеме да ги пробиеме дури и проектираните параметри, рече Заев. 

Македонија | пред 7 години

Три лица каснати од кучиња во Аеродром и Куманово

На 05.04.2019 година во 12,15 часот во Полициската станица Центар Л.С.(47) од Куманово, пријавила дека истиот ден околу 08,30 часот на улицата “Димитрије Чупоски“ била касната од куче скитник во пределот на левата подколеница.На 05.04.2019 година во 15,45 часот во Полициската станица Аеродром О.М.(49) од Скопје пријавил дека на 04.04.2019 година околу 15,30 часот на булеварот “АСНОМ“ бил каснат од куче скитник во пределот на десната нога.На 05.04.2019 год. во 17,55 часот во Полициската станица Аеродром Д.А.(65) од Скопје пријавил дека истиот ден околу 16,40 часот на булеварот “Јане Сандански“ бил каснат од куче скитник во пределот на левата нога.

Македонија | пред 7 години

Пронајдено исчезнато девојче

На 05.04.2019 година од страна на полициски службеници била пронајдена и предадена на семејството Ш.М. (24) од Скопје за која на 01.04.2019 во Полициската станица Бит Пазар беше пријавена од страна на нејзиниот татко дека се оддалечила од домот.

Македонија | пред 7 години

Три лица приведени поради марихуана

На 05.04.2019 година во 20,45 часот на локалниот пат во с.Жеровјане кој води кон с.Радиовце при вршење на контрола на патниот сообраќај од страна на полициски службеници од Полициското одделение Камењане било запрено патничко моторно возило “Фолсфаген венто“ со тетовски регистерски таблици, управувано од Х.К.(27), а како совозач било лицето Н.Е.(27), а во возилото бил и Р.И.(18) сите од с.Г.Седларце.При извршениот преглед над лицата, возилото и багажот пронајдена е марихуана и ризли.Лицата се приведени во Полициската станица Тетово за понатамошна постапка.

Македонија | пред 7 години

СДСМ: Силјановска го смени ставот, еднаш Преспанскиот договор е согалсно Уставот, сега го тврди спротивното

Помина еден ден, кандидатката на Мицкоски го смени ставот.На телевизија Телма тврдеше дека Преспанскиот договор е согласно со Уставот и ќе го почитува, на митинг на ВМРО-ДПМНЕ во Битола дека не е, се вели во соопштението од СДСМ.Поминаа само неколку дена, Гордана Сиљановска си го покажа лицемерното лице. Се покажа, Сиљановска не е чесна пред граѓаните.Кога лаже Сиљановска? Наутро кога вели дека нема да го почитува Договорот и уставното име Северна Република Македонија или навачер кога самата се негираше?Исто како и Мицкоски и Сиљановска едно зборува а друго прави, се вели во соопштението од СДСМ.

Македонија | пред 7 години

Нема фотографија

ВМРО ДПМНЕ: СДСМ се срами од името Република Македонија – на концертот во Македонската Филхармонија, отсуствуваа државните симболи

СДСМ уште еднаш потврди дека се срами од името Република Македонија и се што е македонски. На настанот во Македонската Филхармонија, каде концерт имаа оркестрите на армиите на САД, Велика Британија, Словенија, Грција и Македонија, повторно отсуствуваа државните симболи. На македонските парадни униформи го немаше државното име Македонија, се вели во соопштението до СДСМ.Воените оркестри на другите држави кои настапуваа заедно со македонскиот, гордо го носеа името на своите држави на своите униформи, само македонскиот воен оркестар не.Ова е уште еден голем срам за македонската држава и народ, уште едно понижување сервирано од Заев и неговата опачина Пендаровски, од министерката за одбрана Радмила Шекеринска и СДСМ.Власта веќе втор ден молчи кога и дали воопшто е сменета Уредбата за единствен знак за припадност на Армијата на Република Македонија? Доколку не е сменета, ќе дојде ден кога ќе одговараат за нејзиното кршење вчера.Власта на Заев не бира кој закон ќе го прекрши, со единствена цел на граѓаните и на државата да и сервира уште едно посрамотување и понижување.СДСМ ја обесчести Армијата на Република Македонија. Република Македонија не можат да ја водат луѓе како Стево Пендаровски и Зоран Заев кои се двете страни на истата паричка. На чело на Македонија не можат да застанат луѓе кои се срамат и не почитуваат се што е македонско, нашето име, јазик, идентитет, култура, историја и државни симболи. На Македонија и е потребна претседателка како Гордана Сиљановска Давкова, честита, горда и достоинствена, мајка на нацијата. На Македонија не и е потребен очув како Стево Пендаровски, , се вели во соопштението до СДСМ..

Македонија | пред 7 години

Во пакети со банани во германски супермаркети пронајдени стотици килограми кокаин

Стотици килограми кокаин биле најдени во кутии со банани , што се продавале во супермаркетите во северниот дел на Германија. Во шест претставништва на супермаркетите Алди во градовите Росток и во Јармен, североисточна Германија во кутиите со банани , бил најден кокаин.Полицијата претпоставува дека дрогата е од Латинска Америка.Претставници на синџирот супермаркети за Си-Ен-Ен потврдиле дека се „случил инцидент“, но не откриле дополнителни информации за да не се влијае на текот на истрагата. 

Свет | пред 7 години

Состојба на патиштата

Сообраќајот на државните патишта се одвива по наместа влажни коловози.СЕЗОНСКО ЗАТВОРАЊЕ: Регионалниот пат Р-2332 патен правец Ресен – Охрид(Отешево - Трпејца, преку национален парк Галичица) од 15.11.2018 е затворен за сообраќај. Од охридската страна возилата со вкупна тежина до 3,5 тони можат да соообраќаат само до месноста “Kорита”.Се очекува да биде отворен на 01.05.2019 год.ВАЖНО: Ве информираме дека автопатот Миладиновци – Штип, секција Миладиновци – Кадрифаково и Кадрифаково – Миладиновци не е пуштен за сообраќај. На автопатот се вршат проверки од безбедносен карактер. Апелираме до сите возачи да не го користат автопатот.ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата.ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде се бележи појава на утринска магла, а исто така зголемена е и можноста од појава на одрони.РАБОТИ НА ПАТ:Поради изведување на градежни работи (рехабилитација на асфалтот) на патниот правец А2 Кичево – Охрид (помеѓу планинскиот премин Пресека и с.Песочан) од 02.04.2019 сообраќајот ке се одвива под посебен режим т.е. преминување од една во друга коловозна лента. На местата на изведување на работите ќе биде поставена соодветна сообраќајна сигнализација.

Македонија | пред 7 години

Времето денеска претежно облачно, утре дожд

Времето денеска во земјава претежно облачно, во јужните делови со локални врнежи од дожд. Ќе дува умерен, во горниот тек на Повардарието и во крајните западни делови повремено засилен ветер од југоисточен правец.Утре, претежно облачно со локални врнежи од дожд, особено во западните делови.

Македонија | пред 7 години

Бомба од Мицкоски: Заев ми нудеше влез во Влада и министерства за да го прифатам договорот со Грција, јас го одбив, честа нема цена

 Во јануари 2018 година во клубот на пратеници се гледавме очи во очи кога ви кажав дека ВМРО-ДПМНЕ и народот ова нема да го поддржат, ме гледавте и се согласивте со мене, има записник, дојде март во повторивме истиот став заедно, тајно преговаравте ја парчевте ја делевте татковината, делевте и тргувавте со нешто за што не сте се испотиле и крвареле за да го заработите. Луѓе гинеле Заев за ова парче земја, дојде мај исто така во клубот на пратеници ми рековте решението е Илинденска мисли си ти само му реков, ова е морковот господине Заев. Во Јули во клубот на пратениците, се гледавме очи во очи преговаравме и после пет часа ми рече еве ајде влези во Владата и сам бирај кои пет министерства ги сакаш, само прифати го Договорот ти одговорив мојот образ и достоинство како човек немаат цена, ова не го работам ниту за пари ниту за моќ не ми треба твоето милосрдие, уживај во твоите привлиегии и твојата слава зошто знам дека за пусти пари се работи за ништо друго, рече Мицкоски.

Македонија | пред 7 години

(ФОТО) Девојче клекна пред бабичка која проси, поразговараа па ја прегрна

Девојче клекна пред бабичка која проси на уличката Кнез Михајлова, поразговараа кратко, а потоа ја прегрна. Сето ова е овековечено, од фотограф кој сличајно се нашол во вистинско време на вистинско место.Авторот на фотографијата, Владимир Чех вчера шетал во главниот град и забележал потресна сцена. Имено, не дознал околу што девојката разговарала со бабичката, но оваа фотографија кажува многу повеќе од тоа.-Видов девојка која клечи и разговара со бабичката. Кога се прегрнаа, срцево ми се стегна. Не сакав да им пречам и да им пријдам, па само фотографирав. Инаку, бабичката е тука секој ден. Проси и заработува за животот, изјавил Владимир за тамошните медиуми.Оваа фотографија е доказ, дека човечкото во нас за среќа не згаснало.

Магазин | пред 7 години

На солунскиот аеродром, уапсена жена поради трговија со човечки органи

Цариниците на солунскиот аеродром „Македонија“ во багажот на патничка, која од Москва пристигнала во Солун, пронашле стерилизирани човечки клетки што се користат за кератопластика, односно за трансплантација на рожницата на окото, јави дописничката на МИА од Атина.Специјално спакуваните клетки ги немале потребните потврди како што е предвидено од Националната организација за трансплантација и затоа биле запленети како предмет на нелегална трговија.Патничката била уапсена, а тврдела дека како туристички водич требала да преземе странци од Солун и да ги однесе на островот Крф и дека знаела оти пренесува лекови, што требала да ги достави до вработен во туристичка агенција.Случајот го презел надлежен јавен обвинител. Независната управа за јавни приходи на Грција соопшти дека станува збор за важен успех во борбата против нелегалната трговија со човечки органи.

Свет | пред 7 години

(ВИДЕО) Шекеринска: Грчкиот воен оркестар ја изведуваше македонската химна

Вицепремиерката Радмила Шекеринска на својот профил на Фејсбук тврди дека грчкиот воен оркестар ја изведувал македонската химна заедно со останатите по повод синоќешната свеченост за одбележување на 70-годишнината од формирањето на НАТО.„Воените оркестри на Армиите на Северна Македонија, Грција, САД, Велика Британија и Словенија ги интонираа заедно химните на Северна Македонија и на НАТО.Заедно сме посилни“, напиша министерката за одбрана.https://www.facebook.com/sekerinska/videos/1823198787785932/ 

Македонија | пред 7 години

Јовановски: Во завршна фаза е Проектот за реконструкцијана Плоштадот „Крушевска Република”

Плоштадот „Крушевска Република” е едно од најрепрезантативните места во  Охридското централно подрачје и локалитет кој секојдневно има голема  фреквенција на гости и туристи.Овој плоштад  го означува почетокот на Охридската чаршија и го поврзува овој дел од градот со Главниот плоштад и Градскиот кеј на Охридското Езеро. На овој плоштад е лоциран и Охридскиот Чинар кој е многу важна охридска знаменитост и е една од главните атракции за гостите и туристите, истакна Филип Јовановски , член на ВМРО Народна Партија, на кој што се презентираше дел од предизборната програма на кандидатот за градоначалник Д-р Константин Георгиески.Сегашниот изглед со целокупната инфраструктура, постоечката фонтана и урбаната опрема на овој плоштад не се на задоволително ниво и истите се во лоша состојба, па оттука се јавува потреба од нивно реконструирање.Изготвено е Идејно решение и во завршна фаза е Проектот за реконструкцијана плоштадот. Уредувањето на овој плоштад ќе придонесе за создавање поубав амбиент за одмор и прошетка на охриѓани и туристите и место каде што ќе може поефикасно да се организираат настани и манифестации особено во текот на летната туристичка сезона.Со реконструкцијата се предвидуваат нови содржини кои ќе бидат во согласност со стандардите за заштита на културното наследство и една нова понуда која во текот на целата година ќе ги привлекува домашните и странските посетители.Нашата цел е јавните површини во Охрид да добијат современ лик достоен за еден туристички и културен центар.На 21-ви април да излеземе и да ја дадеме својата поддршка за конкретни и реално остварливи проекти. Да го заокружиме бројот 7 и да гласаме за нашиот кандидат Константин Георгиески.Заедно напред за Охрид, рече  Јовановски.

Македонија | пред 7 години

Средношколци повредени во два различни инциденти во Скопје

Вчера во 19.00 часот во Полициската станица Кисела Вода, С.Т.(41) од Скопје пријавила дека истиот ден околу 17.30 часот на улица „Пушкинова“, во двор од основно училиште, нејзинот малолетен син бил физички нападнат од друг малолетник.Истиот ден во 18.50 часот во Полициската станица Карпош, С.Е.(48) од село Љубин, скопко, пријавил дека истиот ден околу 15.15 часот во средното училиште „Здравко Цветковски“ неговиот 17 - годишен син бил физички нападнат од двајца негови соученици. Се преземаат мерки за расчистување на случајот.Полицијата презема мерки за расчитување на случајот.

Скопје | пред 7 години

Телата на починатите во авионската несреќа денес ќе бидат вратени во Бугарија

Изгорените тела на бугарското семејство, кое загинаа во авионска несреќа ќе бидат вратени во својата земја денеска.  Ова го објави бугарската НОВА по информација од јавното обвинителство во Скопје.Идентитетот на загинатите во авионската несреќа во близина на Скопје е потврден. Вчера нивните роднини дадоа примероци од ДНК во македонската судска медицина.Првичните сознанија за причините за падот треба да бидат познати за околу еден месец. Финалниот одговор за тоа што се случило на кобниот лет треба да го даде Комисијата за истражување на авионската несреќа, во која со своето искуство ќе помогнат и двајца бугарски истражители.

Македонија | пред 7 години

Ученички од ООУ „Партенија Зографски“ станаа шампионки во одбојка

Одбојкарска екипа составена од ученички од ООУ „Партенија Зографски“ втора година по ред го освојува првото место во натпреварувањата помеѓу скопските основни училишта.На натпреварите кои беа во организација на Федерацијата на училишен спорт на град Скопје шампионките од Кисела Вода лесно ги надиграа своите врснички. Додека, момчињата од истото училиште го освоија вторто место во одбојка.Во периодот од 9 до 11 мај учениците од ООУ „Партенија Зографски“ во Куманово ќе се натпреваруваат на државно првенство, на „Мали олимписки игри“. 

Спорт | пред 7 години