Нема фотографија

Сообраќајот се одвива по влажни коловози, можност од појава на голомразица

Сообраќајот на државните патишта се одвива по претежно влажни коловози, на некои повисоки места со остатоци од кашест снег на коловозот, по интервенција на дежурните екипи на ЈП Македонија Пат.На патниот правец Струга - г. п. Ќафасан (до с. Франгово) поради оштетување на коловозот, брзината е ограничена на 40 км/ч.Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата.АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде се бележи појава на утринска магла, а исто така зголемена е и можноста од појава на одрони. На осојничавите места коловозите се влажни, па поради ниските температури, карактеристични за вечерните и утрински часови постои можност и од појава на голомразица.

Македонија | пред 7 години

Депонијата Дрисла во 2018 година согорела околу 989 тони медицински отпад?

15 минути главниот влез во депонијата „Дрисла“ беше блокиран од еко-активистите. Протестот го изведе здружението „За чист воздух“. Тие од властите побараа поригорозни мерки против загадувањето на воздухот. Јавно прашуват што всушност се согорува во депонијата?„Во име на граѓаните на Македонија бараме запирање на увоз на отпад во Македонија. Бараме од премиерот Заев итно да го измени Законот за увоз на отпад. Стопирањето на увоз на отпад значително би го намалил степенот на аерозагадувањето, особено во Скопје. Сериозните сомневања за горење на медицински отпад во Дрисла без исполнување на соодветниот стандард, се една од причините за загадување на воздухот“, истакна активистот Аријанит Џафери.Од здружението велат дека депонијата Дрисла во 2018 година согорела околу 989 тони медицински отпад и заработила речиси милион евра. Печката за согорување на медицинскиот отпад работела по најмалку 14 часа на ден, 365 дена во годината.

Скопје | пред 7 години

Нема фотографија

Зоран Крстески: Негативни емоции

Колумна на Зоран Крстевски, доктор по филозофски науки, едукатор, мотиватор и тренер за личен развој, за вечер.пресс.Негативните емоции како што се: фрустрацијата, срамот, гневот, стравот, тагата, депресијата, вознемиреноста и негативноста целосно не исцрпуваат на енергетски план, за разлика од позитивните емоции кои се динамо за енергија и никогаш не предизвикуваат исцрпеност и ментална истоштеност.Кога сме зафатени од негативните емоции, тогаш максимално ни опаѓа креативната енергија, стануваме несигурни, фрустирани, незадоволни, полни со чемер, јад и со чувство на духовна неисполнетост. Ако сакаме да се извлечеме од песимизмот, немирот и кризата, неопходно е да ги преиспитаме причините што не довеле во лоша емоционална состојба. Високото ниво на самосвест ќе ни помогне да ги препознаеме негативните емоции и да воспоставиме контрола врз ситуацијата во која се наоѓаме.Ослободувањето од штетните проекции дека “ништо не е доволно добро” и менталното чистење на негативните мисли се првите чекори што треба да ги спроведеме.Секој човек на различен начин ги доживува егзистенцијалните кризи, тешкотии и притисоци. Некои луѓе имаат поразвиена отпорност и способност за справување со проблемите, додека други лесно паѓаат во депресија, губат волја и не умеат да им се спротивстават на ограничувањата. Кога стануваме свесни за причините кои довеле до лоши последици, тогаш многу поуспешно може да се избориме со проблемите. Причини за појава на негативните емоции има многу, тука ќе наведеме дел од нив: разочарување во себе или во другите; развод, конфликти и недоразбирања во љубовниот однос; неисполнети очекувања, чувство на подреденост и нереализираност на работното место; финансиска несигурност и константен недостиг на материјални средства; живеење во заедница без да се има време и простор за себе; нарушени и отуѓени односи со пријателите; тага поради емоционални повреди од минатото; страв од болест, од напуштање и губиток на блиски итн.Сите овие нешта предизвикуваат негативни емоции, создаваат тага, иницираат длабок немир и прават ментален притисок врз личноста. Доколку дозволиме дел од овие состојби константно да ги напаѓаат нашите емоции, тогаш ќе се истоштиме на психофизички план и ќе ја уништиме можноста за создавање мир и хармонија во животот.Негативните емоции се максимално штетни за нашето здравје, така што ако подолг период сме изложени на тага, мачнина, незадоволство, песимизам и имаме чувство на вина може да предизвикаме пад на имунитетот и да се соочиме со главоболки, срцеви заболувања, астма, артритис и други болести. Докажано е дека негативните емоции и стресот, заедно со генетските предиспозиции се меѓу главните причинители на малигните заболувања.Кога долго време се чувствуваме несреќни, истоштени, гневни и несигурни, постепено ја исцрпуваме силата и го загрозуваме телото. Тома Аквински тоа го објасни со зборовите: “Од сите страсти, тагата најмногу му наштетува на телото”.Кога сме тажни и под влијание на негативните емоции, тогаш и нашето его е многу пофрустрирано, поради што брзо се возбудуваме и за најмали ситници се бунтуваме и конфронтираме со околината. Личната несигурност и ранливост прави да паѓаме на провокации или да си умислуваме провокации. Тоа се случува, бидејќи не се чувствуваме добро со самите себе и имаме впечаток дека другите намерно ја загрозуваат нашата личност. Народната мудрост тоа го објасни со зборовите: “Не му се сите овци на број”. Кога е така, дисхармоничната енергија предизвикува да манифестираме его, да се расправаме и создаваме конфликти. Затоа се вели: Остави го, нека му помине, утре ќе разговараме, сега не е во состојба трезвено да размислува и конструктивно да му пристапи на проблемот.Кога некој од нашите блиски чувствува психичка напнатост, емоционална тензија и шири бран негативна енергија, треба да го оставиме на мир и да чекаме да му помине кризата. Да замислиме што ќе се случи, доколку проблемите и недоразбирањата ги решаваме кога владее негативната енергија, а самоконтролата е на најниско можно ниво. Тогаш, какви ќе бидат резултатите?Гневната и афективна реакција ја уништува можноста рационално да им пристапиме на проблемите и да ја согледаме пошироката слика на нештата. Кога ни е воспалена амигдалата (центарот на нашите емоции), тогаш имаме стеснета свест која оневозможува да го согледаме тоа што е вредно и да се ослободиме од тоа што е штетно.Во амигдалата се сместени сеќавањата кои ги создаваат нашите стравови. Овие жлезди претставуваат сензори на позитивната и негативната емоција.Врската помеѓу телото и умот е биолошки поврзана со нагонот за опстанок.Кога сме под закана, нам ни преостануваат две опции – да се бориме или да бегаме. Ако се одлучиме за борба, во тој момент доаѓа до физиолошка реорганизација на целиот организам што овозможува да изградиме стратегија на себезаштита. Кога решаваме да бегаме, тоа не значи дека го прифаќаме поразот, туку се штитиме од негативната енергија и не дозволуваме афектот и нервозата да ги креираат нашите емотивни реакции. Затоа, се вели: “Изброј до 10, смири се малку, па потоа реагирај”. Доколку реагираме импулсивно и агресивно, може да предизвикаме голема штета и да создадеме конфликтни ситуации. Тоа најчесто се случува, кога ќе почувствуваме дека нашето его е повредено или кога сме под силно влијание на стресогените фактори.Негативните емоции предизвикуваат да станеме конфликти, нервозни и деструктивни.Многу т.н. улични тепачи афективно реагираат и се подготвени за борба, бидејќи сметаат дека некој лошо ги погледнал и сака да им наштети. Со таквите единки не треба да влегуваме во расправии, зашто тие се луѓе со краток фитил и лесно се воспалуваат и вознемируваат.Умно постапување е кога создаваме пријателство или партнерство со позитивни и добронамерни личности. Исполнетиот и среќен поединец не пристапува со его и ниски побуди. Затоа сите сакаат да бидат во негова близина, бидејќи зрачи со позитивна енергија и придонесува за убавото расположение на другите. Доколку, пак, остваруваме релации со фрустрирани и негативни индивидуи, кои насекаде гледаат закана и непријателства, тогаш максимално ќе се исцрпиме на енергетски план и нема да се чувствуваме убаво.Внатрешниот мир и емоционалната состојба на нашата личност ќе настрадаат, ако подолг временски период ги впиваме негативните вибрации и ги слушаме жалопојките на лицата кои константно манифестираат незадоволство од самите себе и од животот. Некои од нив можеби не се лоши луѓе и немаат намера енергетски да не исцрпат, но поради проблемите со кои се соочуваат, несвесно шират неубава, напната и фрустрирачка енергија. Постојат и лица кои се крајно себични, негативни, нестабилни и полни со емоционален отров. Доколку оствариме љубовна врска со такви поединци, може да се случи целосен колапс на нашето биополе, поради што ќе бидеме емоционално истоштени, психофизички загрозени и под константен удар на енергетскиот вампиризам.Секогаш треба добро да размислиме кого пуштаме во својот интимен простор и со каква личност градиме љубовна блискост, пријателство или деловен однос.Емоциите влијааат на целокупното тело, сметаат научниците од Универзитетот Алто во Финска. Кај испитаниците се забележани различни реакции во телото во зависност од емоциите кои ги имале. Љубовта и среќата предизвикале чувство на топлина, прилив на енергија и хармонија во целото тело; додека депресијата го затапила осетот во рацете, нозете и главата. Затоа, кога е во состојба на депресија, човекот е летаргичен, мрзоволен, пасивен и нема доволно енергија за реализирање на целите. Истражувањето покажало дека стравот создава силен ефект во пределот на градниот кош и срцето, а гневот предизвикува зголемена активност (гестикулација) на рацете.Целта на истражувањето е да докаже дека емоциите имаат силно влијание врз телото и дека можеби “процесот на размислување не започнува од мозокот, туку од срцето”, како што своевремено сметале древните Египќани и Семити.Како и да е, едно е сигурно – постои тесна поврзаност помеѓу нашите мисли и нашите емоции. Ние самите ги бираме стравовите, се определуваме за радоста или тагата, се насочуваме кон позитивната или негативната енергија. Гневот, стресот, напнатоста, стравот и сличните емоционални реакции потекнуваат од умот. Таквите реакции создаваат хемиски дисбаланси и прават отровни супстанци кои ја разоруваат внатрешната хармонија на телото.Една стара индијанска изрека кажува: “Ако сакаш да знаеш какви ти биле мислите вчера, погледај ја состојбата на своето тело денес. Ако сакаш да знаеш како ќе ти изгледа телото утре, погледај какви ти се мислите денес”.Доколку сакаме да бидеме во мир со себе, да го подобриме своето здравје, да чувствуваме убавина, хармонија и да зрачиме со благородна енергија, неопходно е да размислуваме позитивно и да иницираме емоции исполнети со мир, радост и ведрина.Во тој контекст одат и укажувањата на Норман Винсент Пил: “Човекот кој размислува песимистички, испраќајќи ги своите негативни мисли, на негативен начин ги активира настаните околу себе и затоа ги привлекува негативните резултати. Негативните мисли се стремат кон негативни резултати, позитивните мисли – кон позитивни резултати”.Заклучокот е дека секој од нас може да го подобри квалитетот на својот живот, но само доколку го промени менталниот став и се одлучи за позитивните мисли и емоции, бидејќи само таквиот избор создава позитивни резултати.

Магазин | пред 7 години

Возило од придружбата на Еди Рама учествувало во сообраќајна несреќа

Едно од возилата кои беа дел од придружбата на премиерот Еди Рама, денес учествувало во сообраќајна несреќа. Несреќата се случила на патот кон Берат.Неофицијално до несреќата дошло кога едно возило му го пресекло патот на едно од придружните возила од делегацијата.Според албанските медиуми владиониот автомобил е оштетен , но никој не бил повреден.Според полицијата видовник за нереќата било возилото што му го пресрекло патот на владината придрижба.Но, ов не е прва несреќа кој им се случува на возила од придружбата на Рама. Кон крајот на ноевмри 2017 год два автомобила од придружбата на албанскиот премиер Еди Рама учествуваа во сообраќајна несреќа на патот кон Корча при што беа повредени три лица.

Свет | пред 7 години

ОЈО бара притвор за пратеникот Љупчо Димовски, судот бара да му се одземе пратеничкиот имунитет

По новата истрага на Основното јавно обвинителство, каде за злоупотреби се товарат ексминистри и пратеникот Љупчо Димовски од Социјалистичката партија, судот бара да му се симне пратеничкиот имунитет за да му се одреди мерка притвор.Утре во Собранието ќе заседава Комисијата за мандатно-имунитетни прашања, на која претседател е Павле Богоевски.За потсетување, името на Љупчо Димовски се споменуваше во процесот за уставни промени, како пратеник кој одбил да гласа “за” и да им се приклучи на осумте пратеници од ВМРО-ДПМНЕ и коалицијата.

Македонија | пред 7 години

Заев: Минавме сензитивен процес, донесовме одлуки, верувам дека за неколку месеци бенифитите ќе ги почувствуваат граѓаните

На трибината организирана под мотото „Силна економија – шанса за сите“ претседателот на СДСМ и на Владата Зоран Заев и министерот за транспорт и врски Горан Сугарески денеска пред охриѓани говореа за сработеното, но и за се она што треба да се сработи во периодот што претстои, пред се во областа на стопанството, перспективи, напредок, развој.-Минавме сензитивен процес, донесовме одлуки, верувам дека за неколку месеци бенифитите од таквите крупни политички одлуки ќе ги почувствуваат граѓаните.-Сакам да најавам време кога економските придобивки од отворените процеси треба да бидат фокусот на сите институции – владата, парламентот, општините, претседателот, па и на сите граѓани. Сега е време да ги засукаме ракавите и да сработиме, рече тој, притоа посочувајќи мерки за надминување на тромоста на администрацијата, зголемување на продуктивноста во земјата, конкурентноста на пазарот, намалување и до 60 отсто на казните за стопанските субјекти, враќање на парите кај граѓаните, истакна Заев.Постои волја од Владата, ЕЛЕМ и ЕВН да избришеме долгови за струја во вкупен износ од 110 милиони евра на 200.000 граѓани и семејства, рече премиерот. Сите мерки коишто ги спроведуваме се во насока да ги вратиме парите назад кај граѓаните, додаде тој.Доколку се спроведе оваа мерка десетици илјади граѓани кои имаат блокирани сметки конечно ќе можат нормално да функционираат.-Моделот на повраток на ДДВ ќе го тестираме во март, а од јули сакаме целосно да го спроведеме. Целта е од данокот што го плаќаме насекаде, 15 отсто од тие средства да се вратат кај граѓаните, средства од сто до 150 милиони евра годишно, истакна Заев, притоа најавувајќи уште нови 17 странски инвестиции во вредност од над 150 милиони евра со отворање повеќе од 4.500 нови работни места, што според него ќе доведе до побарувачка на работна сила, а со тоа и раст на платите. Тука ги посочи и алоцираните повеќе од 70 милиони евра од буџетот годишно за поддршка на инвестициите во индустријата преку повеќето фондови и поддршка на стопанството.На крајот уште ги посочи проектите насочени кон развој на Охрид и Струга од деблокирањето на општинските сметки, плановите за пренамена на поранешната касарна, проекти за подобрување на инфраструктурата, се до преземањето на грижата за Колекторскиот систем за заштита на Охридското Езеро од државата, што со аплауз беше поздравено од присутните во Центарот за култура.Покрај премиерот на трибината во Охрид, присуствувше и министерот за транспорт и врски Горан Сугаревски. Ѕој посочи дека над 1,2 милијарди евра ќе бидат искористени за сериозно подобрување на патната инфраструктура во земјата. Голем дел од нив е за охридско-струшкиот регион, од автопатот Охрид – Кичево, старт на реконструкција на транзитниот пат околу Охрид, патниот правец Подмоље – Радожда, од хотелот „Гранит“ до Пештани, патот од Подмоље до граничниот опремин „Ќафасан“.Како значајни активности за подобрување на локалната економија, министрот Сугарески ги нагласи склучените договори за нови авионски линии од охридскиот аеродром, за кои истакна дека независни повторувањето на повикот, немало ниту една отстапка од предвидените критериуми.Сугарески уште најави дека државата повторно ќе ги земе ингеренциите за стопанисување со плажите на Охридското Езеро преку Закон за градежно земјиште што наскоро ќе влезе во собраниска процедура.

Македонија | пред 7 години

Меркел се збогувa со фејсбук, од сега следете ме на Инстраграм рече таа ...

Германската канцеларка Ангела Меркел го угаси својот фејсбук профил.„Познато ви е дека повеќе не ја водам ЦДУ (Христијанско-демократската унија) и тоа е причина поради која го затворам својот Фејсбук профил“, објасни таа на видео- снимката.Додаде дека останува канцеларка, што значи дека граѓаните ќе може да ја следат и да ја коментираат нејзината работа на Фејсбук страницата на сојузната влада.„Или можете да ме следите на Инстаграм“, додаде Меркел.

Свет | пред 7 години

Деца раѓаат деца - 62 малолетнички абортирале, а 731 се породиле

Во период од две години, односно 2016 и 2017 , во јавните здравствени установи се породиле вкупно 731 малолетничка, а 62 ја прекинале бременоста. Од Оние кои ја прекинале бременоста 23 се на возраст од 14 до 16 години, 18 на возраст од 17 години, а 21 со ненавршени 18 години. Најголем број од нив на возраст од 14 до 16 години кои абортирале се од македонска, ромска, албанска и турска заедница, а не се евидентирани случаи за прекин на пременост кај другите заедници, објави МИА.Ова истражување денеска го презентираше заменик-народниот правобранител Васка Бајрамовска – Мустафа, која посочи дека итно треба да се преземат мерки за целосно согледување и справување со проблемот со малолетничката бременост и едукација на младите во училиштата…– Вкупно 731 малолетничка се породиле во истражувачкиот период од кои четири на возраст од 11 до 13 години, 225 на возраст од 14 до 16 години, а останатите на возраст од 17 или со ненавршени 18 години. Меѓу малолетните мајки најголем број – 405 се Ромки, 162 Македонки, 109 Албанки, 43 Турчинки, пет Бошњачки, а шест од други заедници. Најголем број од бебињата (721) се дадени на натамошна грижа кај малолетната мајка, а 10 бебиња (шест родени во 2016 и четири родени во 2017 година) биле оставени од страна на малолетната мајка и понатаму се згрижени во ЈУ Дом за доенчиња и мали деца во Битола, рече Бајрамовска – Мустафа.Според Бајрамовска – Мустафа Министерството за здравство треба да преземе мерки за изготвување на посебен правилник и протокол за постапување со малолетни пациентки без оглед дали се работи за абортус, породување или друга гинеколошка интервенција и да изготви документ со кој ќе се регулира постапувањето во случаи кога малолетната мајка го остава бебето во болница се до неговото преземање од центрите за социјална работа, а здравствените установи треба да обезбедат изјави за согласност за определена медицинска интервенција на малолетни пациентки и при нивен прием да извршат целосна идентификација на лицето кое е негов придружник (родител или старател).Во рамки на истражувањето бил доставен прашалник до 17 клиники и општи болници во Република Македонија, чија дејност е гинеклогија и акушерство.извор: МИА

Македонија | пред 7 години

(ВИДЕО) Мисајловски: Пристигнати се 8 кандидатури, на сите кандидати ќе им биде обезбедено време и простор за презентација на програмата

Заврши рокот за пријавување на кандидати за претседател кој ќе биде поддржан од ВМРО-ДПМНЕ на претстојната конвенција на партијата во Струга, која ќе се одржи на 16 февруари. До архивата на партија пристигнати се 8 кандидатури, но конечниот број на апликанти ќе биде познат деновиве со оглед на фактот дека дел од апликациите, би можеле да стигнат и по пошта, информираше на прес конференција потпретседателот на ВМРО-ДПМНЕ Владо Мисајловски.-Сите кандидатури дополнително ќе бидат разгледани од страна на Комисијата за проверка на законски предвидените услови за кандидати за Претседател на Република Македонија, по која што проверка, најдоцна до вторник ќе бидат соопштени и имињата на кандидатите кои ги исполнуваат законските услови за кандидат за Претседател на Републиката. Сите кандидати кои ги исполнуваат условите за претседателски кандидат ќе им биде обезбедено време и простор за презентација на нивната програма од страна на партијата пред општинските комитети и членовите во период од 6 до 16 февруари, изјави Мисајловски и додаде:„ВМРО-ДПМНЕ ќе овозможи достапност до партиските ограноци за секој кандидат подеднакво, согласно принципите на демократијата, со цел членството да може да ги слушне нивните идеи, ставови и аргументи.“Мисајловски потенцираше дека ВМРО-ДПМНЕ е прва партија во Македонија, која отвора еден вака широк процес на презентација типичен за развиените демократии, каде секој кандидатот има можност за непосредни средби со членството и негово запознавање со своите гледишта за државата.Според него ваквиот процес е со цел низ еден транспарентен и демократски процес да биде избран кандидатот кој ќе го претставува мнозинското мислење на граѓаните, ќе ги застапува нивните идеи и ќе работи во согласност со Уставот и законите во полза на сите граѓани.-ВМРО-ДПМНЕ уште еднаш ја повикува власта да се охрабри и да распише предвремени парламентарни избори заедно со претседателските избори. Хаосот кој го предизвикаа во државата не смее да продолжи. Власта која нема направено ништо за државата, а потроши две години од животот на граѓаните треба да си замине, дополни потпретседателот на ВМРО-ДПМНЕ.

Скопје | пред 7 години

УМС Вмро-Дпмне О.К Охрид со подарок за Заев

УМС со сета почит му подарува на Премиерот Зоран Заев железни опинци со надеж што побрзо да го исполни даденото ветување од 500 евра плата за граѓаните.https://www.facebook.com/umsohrid/posts/2431412233557379Инаку премиерот Заев денеска присуствува на трибина во Охрид. 

Македонија | пред 7 години

Спомен обележје посветено на Горан Стефановски во паркот во Дебар Маало

На триаголниот парк во Дебар Маало, спроти ресторанот „Идадија“ ќе биде поставено спомен обележје посветено на македонскиот драмски писател, Горан Стефановски, кој почина на 27 ноември минатата година.Иницијативата за поставување на спомен обележје во чест на Стефановски е на Македонската академија за науки и уменици.Советот на Општина Центар ја прифати иницијативата и на вчерашната седница ја усвои измената на програмата за одбележување значајни настани, истакнати личности и маалски традиции со спомен обележја.

Скопје | пред 7 години

Основното јавно обвинителство Скопје издаде Наредба за обезбедување на МРП вакцините со погрешни декларации

Постапувајќи по наредбата издадена од Основното јавно обвинителство Скопје, Министерството за внатрешни работи го извести надлежниот јавен обвинител дека во простории во правното лице „Македонија лек“ биле пронајдени МРП вакцините со погрешни декларации и дека тие се уште не се уништени.Надлежниот јавен обвинител веднаш издаде Наредба за обезбедување на вакцините за потребите на евентуална идна постапка. Вакцините ќе бидат попишани и обезбедени, а ќе останат во просториите на „Македонија лек“, бидејќи таму има соодветни услови за нивно чување. Проверките во предметот отворен по допрен глас продолжуваат до целосно утврдување на фактичката состојба.

Македонија | пред 7 години

Фотоволтични панели ќе се поставуваат на зградите на општина Охрид и ОУ во Пештани и Велгошти

Во рамките на ИПА компонентата на ЕУ за набавка на фотонапонски системи за јавни објекти, која ја имплементира Министерството за финансии, Општина Охрид доби три фотоволтични системи. Енергетските системи ќе бидат поставени на зградите на Општина Охрид и на основните училишта во Пештани и Велгошти.Системите се веќе пристигнати и по завршувањето на соодветните законски пропишани постапки, се очекува да бидат монтирани во тек на месец март.Снагата на секоја фотонапонска централа е 15 kW , а произведената електрична енергија, преку посебни броила ќе се регистрира и ќе се дава на постоечкиот електросистем

Македонија | пред 7 години

Република Македонија пристапи кон највисокиот статистички стандард за дисеминација на податоци на ММФ – СДДС плус

На 28 јануари годинава, Република Македонија пристапи кон највисокиот статистички стандард за дисеминација на податоци на Меѓународниот монетарен фонд – СДДС плус. Денес, Државниот завод за статистика (ДЗС), Народната банка на Република Македонија (НБРМ) и Министерството за финансии организираа заеднички промотивен настан, на кој ја споделија оваа исклучително важна вест со јавноста.„Ова е голем исчекор и потврда за квалитетот на нашиот статистички систем. Република Македонија е осумнаесетта земја во светот, а втора од Југоисточна Европа, што пристапува кон СДДС плус – прва меѓу земјите од регионот кои сѐ уште не се членки на Европската Унија.“ – истакна гувернерката на Народната банка на Република Македонија, Анита Ангеловска-Бежоска. Во своето обраќање, таа нагласи дека овој успешен заеднички проект е јасна потврда за посветеноста на трите институции за постојано надградување на националните статистики и на нивното усогласување со најновите, највисоки меѓународни статистички стандарди.Како што истакна и директорот на ДЗС, Апостол Симовски, значењето и важноста на примената на стандардите на ММФ, главните носители на статистички истражувања во нашиот национален статистички систем ги препознаа уште на почетокот на 2000-те години, кога заеднички почнаа да работат на исполнувањето на критериумите за првиот стандард ГДДС, кон кој Република Македонија пристапи во февруари 2004 година. „Само за споредба, земјите од регионот – Србија, Босна и Херцеговина, Албанија и Косово – сѐ уште се во овој стандард.“ – нагласи Симовски, по што истакна и дека веќе во ноември 2011 година Република Македонија премина кон повисокиот стандард СДДС – специјален систем за дисеминација на податоци, во кој и денес се Словенија, Хрватска, Белгија, Грција, Унгарија, Руската Федерација и други. Дел од стандардот СДДС плус, кон кој пристапи нашава земја пред неколку дена, се и Соединетите Американски Држави, Канада, Франција, Германија, Австрија, Италија, Шведска и Јапонија.„Пристапувањето кон СДДС плус ќе придонесе за поголема доверба и позиција кај меѓународните финансиски организации, кредитните рејтинг-агенции и што е особено важно, кај инвеститорите. За меѓународните инвеститори и институции високите статистички стандарди се клучни. Ако веруваат во податоците, значи дека веруваат во државата. Со пристапувањето кон СДДС плус го јакнеме кредибилитетот на државата во меѓународни рамки.“ – истакна министерот за финансии, Драган Тевдовски.Истовремено, пристапувањето кон оној стандард на ММФ значително го зголемува и капацитетот на македонската економија за навремено утврдување и спречување на ранливостите во финансискиот сектор, како и на потенцијалните ризици во меѓусекторските изложености.Исполнувањето на условите на стандардот СДДС плус подразбира изготвување девет нови категории податоци, од кои седум се во надлежност на НБРМ, а две се во надлежност на Министерството за финансии. Координатор на работната група којашто посветено работеше на пристапувањето кон овој стандард беше ДЗС, како координатор и на националниот статистички систем.По пристапувањето кон СДДС плус, главните носители на статистичките истражувања во земјава се соочуваат со нови предизвици. Конкретно, по изготвувањето и доставувањето на првите пет, во натамошниот период, како дел од овој стандард на ММФ ќе бидат испорачани уште четири статистички показатели кои се однесуваат на статистиката на хартии од вредност, статистиката за финансиски сметки и статистиката на јавните финансии. „Имаме визија, имаме тимови од одговорни професионалци кои секојдневно работат на остварување на целите коишто пред нас ги постави СДДС плус, имаме одлична меѓуинституционална соработка. Сето ова што е и неопходно за да се изгради и да се развие современа и квалитетна статистика, ни е гаранција дека ќе успееме до крај.“ – беше порачано на денешниот настан. 

Македонија | пред 7 години

Стабилна е здравствената состојба на средношколците што вчера беа повредени во ЕМУЦ

Стабилна е здравствената состојба на средношколците што вчера беа повредени во средното училиште „Св. Наум Охридски“ во Охрид, дознава Факултети мк. По укажаната медицинска помош сите биле пуштени на домашно лекување. Во тепачката учествувале четворица малолетници, објав Факултети.мк.Директорот на училиштето, Сашо Недески, во телефонски разговор за порталот Факултети.мк објасни дека ученик од трета година вчера пукал со импровизиран пиштол или гасен пиштол во негов соученик од прва година во дворот на училиштето. Откако пукнал во раката на соученикот, си пукал во себе.- Тепачка сме немале 10 години во училиштето, а сега ете се случи ова. Ученикот кој пукаше е примерен, без учество во никакви инциденти. Има само 8 оправдани и еден неоправдан и е со многу добар успех. Не знам што му се случило за да го направи ова. Еве во моментов имаме и просветни инспектори во училиштето, а полиција им зела изјави и на двајцата ученици. Веројатно, но не можам со сигурност да потврдам, претходниот ден имале некаква расправија. Кај стручните служби не било пријавено ништо - вели Недески.Тој вели дека во училиштето има 600 ученици и невозможно е да проверуваат што носат сите ученици во ранците.Раководителот на одделот за хирургија, д-р Милчо Стефановски, ни изјави дека на лекување кај нив бил донесен ученикот-жртва со лесни телесни повреди.- Не е задржан на лекување. Бил само прегледан, третиран и пуштен дома. Има рани нанесени од оружје на четвртиот прст од десната рака и има црвенило во предел на градниот кош. Тоа се лесни телесни повреди. По третирањето бил пуштен дома – ни изјави Стефановски.Тој нагласи дека гасен пиштол не може да убие, но може да нанесе рани, црвенила, хематоми.- Повредите од вакво оружје повеќе се добиваат од ударот - вели хирургот.Средношколецот што пукал во својот соученик има 17 години. Неврологот Гулапка Василеска од одделот за невропсихијатрија од Општата болница во Охрид вели дека вчеравечер тројца ученици биле донесени на преглед. Момчето што пукало во соученик и во себе, и уште двајца ученици.- Момчето што пукало е во одлична состојба и немаше повреди. Не може ни да се каже дека имаше повреда, мала беше, не може ни да се класифицира како телесна повреда. Беше донесен од страна на полиција и јавен обвинител. Му направивме психолошко тестирање, поразговаравме со него. Немал намера да повреди никого, ниту себеси. Тоа е првичната наша процена, но в понеделник ќе може повеќе да кажеме. Другите двајца ученици беа уплашени - вели Василеска.МВР немаше известување за овој инцидент во утринскиот билтен.Текстот е превземен од факултети.мк

Македонија | пред 7 години

ВНИМАВАЈТЕ: Криминална група користејќи број од мобилен оператор од Австрија, со едно АЛО, ви ги празни сметките

Криминалната група, по која трага Интерпол и Еуропол, користејќи припејд број од мобилен оператор од Австрија со број 00436708012068 (++43 670 8012068) лови само едно ваше „ало“ за да ви го хакира оперативниот процесор во телефоните или компјутерите и да ви ги украдат банкарските податоци.Оваа група телефонски хакери само ако успее да воспостави врска со некого на телефон може да му ги укради сите лични и банкарски податоци на корисникот, а потоа можат да ја испразнат и неговата трансакциска сметка или кредитна картичка. Овој криминал од поодамна е познат во регионот, но од скоро вакви повици почнаат да примаат и македонски граѓани.Седиштето и потеклото на криминалната група, како што пишуваат европските медиуми, засега е непознато, а по неа со месеци трагаат Интерпол и Еуропол. Користејќи припејд број од мобилен оператор од Австрија, со број 00436708012068 (++43 670 8012068) сајбер-криминалците успеваат да влезат во трансакциските сметки на жртвите и да им ги испразнат.Во советите на ИТ „ловците“ на Интерпол се вели дека оваа измамничка банда е оценета како премногу обрaзована и искусна. Апелираат до сите граѓани што ќе добијат каков било повик од странство, а не им е познат, да не одговараат, а ако тоа го сторат случајно или по грешка, уште истиот ден да ги известат своите банкарски службеници да им ги блокираат картичките и сите трансакции да ги извршуваат на шалтер, не преку кредитна или дебитна картичка.

Магазин | пред 7 години

Нема фотографија

Советниците од Советот на Општина Центар, вчера ја одржаа 23-тата седница.

Пред почетокот на седницата, дневниот ред за работа претрпе измени и така, градоначалникот Саша Богдановиќ, повлече една точка која се однесуваше на хонорарите на членовите од управниот и надзорниот одбор на Јавното претпријатие “ПОЦ“, а се додадоа три нови.По добиените забелешки од Министерството за транспорт и врски, советниците изгласаа Блокот 24 од Деталниот урбанистички план Градска четврт Ј 07 да се врати на понатамошна доработка и истиот да повторно да биде ставен на дневен ред. Покрај ова, се изгласаа и неколку други точки од локален интерес, како изменувањето на програмата за поставување на рекламни паноа и информативни табли, со што ќе се зголеми бебзедноста на граѓаните и ќе се регулира поставувањето на рекламни паноа. Потоа, се изгласаа правилниците за систематизација и организација на работни места во градинката “Кочо Рацин“ во Центар, годишната програма за работа на ЈП “ПОЦ“, како и одлуките за вредноста на бодот на платите на државните и јавни службеници вработени во Општина Центар. Советот донесе одлука и за задолжување на општината во компонентата А од проектот за подобрување на општинските услуги, МСИП 1/2018, со што ќе се добијат средства за реконструкција на улицата “Велешка“ во населбата Маџир Маало и градинката “Раде Јовчевски Корчагин“ – клон Пепелашка.Советниците на седницата ја усвоија и измената на програмата за одбележување значајни настани, истакнати личности и маалски традиции со спомен обележја во Општина Центар. Со ова, се усвои и иницијативата на Македонската Академија на Науки и Уметности за поставување на спомен обележје на драмскиот писател и член на МАНУ надвор од работниот состав, Горан Стефановски. Спомен обележјето на Стефановски ќе се наоѓа на триаголниот парк во Дебар Маало, спроти ресторанот “Идадија“.

Скопје | пред 7 години

Одбележани 25 години од воспоставувањето дипломатски односи меѓу Република Македонија и Швајцарија

Вчера, заменикот министер за надворешни работи, Андреј Жерновски, присуствуваше на свеченост организирана од страна на швајцарската амбасадорка Сибил Зутер, по повод 25 години од воспоставувањето дипломатски односи помеѓу Република Македонија и Швајцарија.На настанот беа истакнати пријателските односи помеѓу двете земји, како и значајната поддршка којашто Швајцарија ѝ ја дава на Република Македонија во нејзините напори да изгради социјално инклузивна демократија, да ја развие економијата, да ја подобри инфраструктурата и да ја заштити животната средина. Се дискутираше и за улогата на дијаспората од Република Македонија во Швајцарија со над 80 000 лица како мост помеѓу двете земји. Амбасадорката Зутер и заменик министерот Жерновски ја повторија заемната желба за поинтензивен политички дијалог и билатерална економска размена, како и за понатамошна соработка во сите области.Заменик министерот за надворешни работи Андреј Жерновски ја нагласи важноста на пријателските односи и користа од поддршката на швајцарската Влада во изминатите 25 години: „Убеден сум декана 25 годишниот јубилеј ќе гледаме како на нов почеток.  Македонија силно ја цени поддршката на Швајцарија , преку реформите да ги постигнеме европските стандарди и вредности и да продолжиме со социјално инклузивната демократија и пазарна економија, воедно обезбедувајќи ефикасно управување со природните ресурси”  - ЗМНР Жерновски.„Во последните 25 години Швајцарија и Македонија развија силно партнерство преку политичка размена, трговија и инвестиции, и развојна соработка. Денес Швајцарија е рангирана меѓу најголемите билатерални партнери за соработка на Македонија. Во годините што доаѓаат остануваме посветени и понатаму да ѝ пружиме поддршка на Македонија на нејзината патека кон европска интеграција преку нашата обемна програма за соработка,“ рече амбасадорката Зутер.Швајцарија и Република Македонија воспоставија целосни дипломатски и конзуларни односи на 31 јануари 1994 година. Оттогаш Швајцарија се вбројува меѓу најголемите билатерални партнери за соработка и ја поддржува земјата во реформите и напорите за развој.

Македонија | пред 7 години

Нема фотографија

Единствена Македонија до Мицкоски: Еве ви кандидат за претседател со кој сплотени ќе го победиме злото наречено Зоран Заев

Единствена Македонија како дел од „Македонија-Блокира„ ја поздравува и целосно ја подржува кандидатурата на Филип Петровски за претседател на Конвенцијата на ВМРО-ДПМНЕ што треба да се одржи на 16 февруари во Струга.„Единствена Македонија застанува зад кандидатурата на Петровски водејќи се единствено од македонските национални и државни интереси да се порази злото во Македонија кое има свое име. Злото се вика марионетска власт Зоран Заев купена и контролирана од странски центар.Филип Петровски е кандидатот кој во моментот може да го победи кандидатот на марионетската власт на Заев бидејќи ужива народна подршка не широка основа, односно, не само од членството на ВМРО-ДПМНЕ туку и од големата коалиција „Македонија-Бликира„ во која членуваат 84 организации - партии и здруженија од земјата и дијаспората. Практично, Филип Петровски е кандидат на македонскиот народ и поголем дел од граѓаните.Во овие тешки моменти за Татковината кога пучистичката власт на Заев бесмилосно руши се што е македонско, го повикуваме раководството на ВМРО-ДПМНЕ да биде на страната на патриотските сили во Македонија, македонскиот народ, поголем дел од граѓаните, Македонците во странство“, велат од Единствена Македонија.

Македонија | пред 7 години

Семејството Сиљанови во најскоро време ќе добие редовно водоснабдување

Екипа на ЈП Водовод и канализација – Скопје во моментов работи на промената на цевката во Гази Баба. Екипите работат со полна пареа за семејството Сиљанови во најскоро време да добијат редовно водоснабдување.Тие градат нова водоводна линија од 50 метри на сопствен трошок за да обезбеди вода за семејството на 25-годишниот Мартин Сиљанов кој неодамна загина во пожарот што избувна во сервисот за мопеди во Скопје, на улицата Јордан Мијалков.– За да обезбеди редовно водоснабдување ЈП Водовод и канализација – Скопје ќе изгради нова водоводна линија од 50 метри на сопствен трошок, со што ќе се овозможи преврзување на приклучокот за вода од старата на новата мрежа, односно ќе се изврши поврзување на објектот на странката на новата мрежа со која ќе добие редовно водоснабдување – соопштија од Водовод.Претпријатието ќе поднесе иницијатива до Управниот одбор на ЈП Водовод и канализација Скопје ова семејство да биде сместено во категоријата која ги опфаќа лицата кои се приматели на постојана парична помош кои пак се ослободени од 10 м3 во текот на месецот.И Општина Гази Баба ќе се вклучи со еднократна парична помош за семејството, како и Министерството за труд и социјална политика.

Скопје | пред 7 години

Приказна која го менува светот

Цел свет се сеќава на моментот кога Ања Рингрен Ловен од Данска го спаси животот на едно момче од Нигерија. Тоа се случи пред три години, а таа се уште се сеќава на која може да се каже дека во вистинско време се најде на вистнско место направи сѐ што е во нејзина моќ за да го спаси од сигурна смрт.Нигериско племе го отфрли момчето од заедницата, сметајќи дека е вештер. Го напуштија и го оставија да умре, без храна, вода и облека. Откако го најде,, Ања му даде вода и бисквити, и во почетокот не веруваше дека ќе преживее.Од тој ден, Ања секоја година ја информира јавноста преку социјалните мрежи за тоа како напредува и како живее ова мало и насмеано момче денес.Таа на Фејсбук објави емотивен статус што таа го посвети на денот што го промени нејзиниот и животот на Хоуп.https://www.facebook.com/photo.php?fbid=10157031829768024&set=a.10150579280608024&type=3„Денес се навршуваат три години откако светот ја виде фотографијата на Хоуп откако го најдовме, повеќе мртов отколку жив. Во 2016 година, на 30 јануари, светот слушна за суеверието.Тоа не е само суеверие што го знаеме од филмовите и нашите сопствени верувања, туку и суеверие кое убива илјадници невини деца секоја година. Тоа не е само убиство, туку и мачење деца на најтешкиот начин што може да се замисли, додека смртта не стане олеснување.Тој ден не бев сама. Тоа беше тимски напор. Јас не сум и никогаш нема да бидам бел спасител кој дојде да ги спаси африканските деца. Јас сум само човек и го правам само она што чувствувам дека е исправно.Денес, Хоуп е многу силно и здраво момче, со голема самодоверба. Тој е многу интелигентен и сака да оди на училиште. Тој е заинтересиран за животот и сака да научи нешто ново секој ден.Секогаш ќе се прашувам зошто меѓународната заедница ги затвора очите кога станува збор за убиство на толку многу невини деца?!На мојот Хоуп: Јас секогаш ќе те сакам. Ова е последен пат да правиме ваква фотографија. Знам дека сакаш, но веќе му покажавме на светот дека си шампион. Веќе не ти треба мојата заштита. Силен си и знам дека наскоро ќе го освоиш светот. Ќе навивам за тебе на тој пат “, пишува Ања.Ања е ангажирана во хуманитарна работа во Африка и со нејзиниот сопруг, Дејвид Емануел Умем, има сиропиталиште во југоисточна Нигерија, каде што се сместени деца кои се напуштени од своите семејства поради суеверие.Исто така е вклучеан во проект наречен „Land of Houpe” (Земја на надежта). Тоа е мало село каде што според податоците од нивиот сајт има детски центар.

Магазин | пред 7 години

Нема фотографија

ГДУ: Образованието ни е во клиничка смрт, потребни се брзи и ефикасни мерки

Граѓанско-демократска Унија- ГДУ има обврска да алармира за сите оние прашања што се на штета на нашите граѓани. Не смееме да премолчуваме факти што се однесуваат на иднината на нашата земја и нашите граѓани. Како такво се наметна и прашањето-колку всушност ни е функционален образовниот систем? Колку знаењата што системот им ги пренесува на нашите деца, нашите млади, соодветствува на она што понатаму животот ќе го бара од нив, велат од ГДУ.„Дали ги подготвуваме за самостоен живот и за извршување на работните задачи или само го упропастуваме нивниот интелект и нивната природна волја за нешто ново, за нови знаења, за нови предизвици?Одговорот никогаш нема да го добиеме од нашите, од нашето Министерство за образование и наука, за ресорот за кое е најкомпетентно. Затоа овој одговор ќе го добиеме од надворешните, непристрасни, објективни институции кои ќе ни кажат колку всушност е лоша работата во нашиот двор.За жал секогаш некој друг подобро знае од нас самите за тоа каде и како живееме и каде се движи овој наш брод наречен Македонија.Нацрт-извештајот изработен од страна на стручниот тим на Организацијата за економска соработка и развој, за минатата година, истакнува дека повеќе од половина од учениците во државата, по завршување на основното и средното образование се на ниво на неписменост. Неподготвени се и ги немаат основните знаења за успех во животот. Проблемот го посочуваат и го лоцираат и кај учениците, но и кај наставниците и професорите. Ние би кажале проблем на целиот систем.Така да наместо место за образување, стекнување знаења, нашите училишта станаа места за создавање на неписмени, Illiterate, аналфабети. Се размножи ресавската школа на препишувачи и само се цени copy-paste, без никаков сопствен, индивидуален пристап. Децата ни се вкалапуваат во системот, без можност да се издигнат над него, да го унапредат.Не може она што е добро поставен систем на образование, со здрави основи и инволвирани чинители кои сакаат да се напредува да доживува едно вакво фијаско и повеќе од половината ученици да ни се функционално неписмени. Па тие се нашата иднина, нашите ценети доктори, професори, судии и адвокати, инженери, научници.Каде ќе ни оди државата ако таквата младина си го зеземе уште сега местото за кое ги подготвуваме. Нема да ни биде светла иднината, верувајте.Не смееме да молчиме. Барем не оние кои се тука да бидат коректив на системот, да укажуваат на недостатоците и да даваат решенија кои ќе не гураат напред. ГДУ се смета себе за таков субјект на нашата политичка, но и општо јавна сцена и не сака работите да се ставаат под тепих.Проблемот кој не го решаваме, не значи дека го нема!Голото копирање на болоњскиот систем или Кембриџ- системот кај нас не вродува плод. Треба да ни биде јасно дека само пренесување на туѓи искуства без нивно правилно согледување и прилагодување на нашата почва, нема да даде позитивен ефект. Напротив може да го упропасти и она што веќе го имаме постигнато.Така сега квантитативно се фалиме со бројки на запишани ученици и студенти, отворени факултети. Со бројки на постигнат успех кој од година во година оди се погоре и погоре. Квантитативно сме земја на генијалци, каде скоро и да нема човек без завршено средно образование, а по ново и со завршен факултет и стекнато звање Магистер на науки.Но треба да се оценува и квалитетот на сето тоа. А квалитетот е далеку, далеку под нивото кое го претставуваме. Оној познат скеч од К-15-„Ти мора да си магистер“. Во Македонија секој друг е магистер, па ако не сум јас, тогаш мора да си ти-кај нас стана реалност.Имаме факултетски дипломи, имаме звања на експерти за ова, за она, но немаме знаење. Имаме сѐ, но немаме ништо. Сите се празни со знаење и работодавачите мака мачат да ги остручат за работа за она што го учеле во клупите или во амфитеатрите.Оваа пракса мора да се прекине. Мора образовниот систем да го ставиме на „здрави нозе“. Доста беше штанцање на дипломи кои не можат да се искористат. Созадавање на профили кои нема каде да се вработат поради тоа што пазарот на трудот не ги бара. Да созадаваме „технолошки вишоци“ уште во основните училишта.Треба здраво да се зафатиме со работа и наместо сѐ да ставиме на формално образование, да се свртиме и кон неформалното. Кон образование прилагодено на потребите и интересите на децата и младите.Финска не случајно е лидер во образованието. Ги ценат афинитетите на децата и нивната иднина ја определуваат сообразно на нивните квалитети и интереси. Не се наметнува слепо и послушно еден модел кој треба сите да го следат, туку се бара решение поединечно за секое дете.Она што го сееме, тоа ќе го жнееме. Она што сега го пренесуваме на нашите деца, искрено не не води кон светла иднина. Мораме да менуваме и тоа мораме брзо да го сториме.ГДУ бара ревидирање на целиот наш образовен систем. Премногу сме реални за да поддржуваме нешто што објективно не функционира. Дајте да преземаме нешто додека не е доцна. Да бараме меѓународно искуство“, се вели во соопштението.

Македонија | пред 7 години

Премиерна изведба на симфонијата „Лос Анџелес“ од Арво Перт со Македонската филхармонија

„Ангелите и градот“ е насловот на претстојниот симфониски концерт на Македонската филхармонија кој ќе се одржи на 7 февруари (четврток) во 20 часот. За првпат на македонската музичка сцена, оркестарот на Македонската филхармонија ќе ја изведе раскошната Симфонија бр. 4 „Лос Анџелес“ од еден од најдобрите современи композитори, Арво Перт.Диригент на концертот е етаблираниот холандски/ јужноафрикански диригент Конрад ван Алфен. Покрај делото на Перт, на концертот ќе бидат изведени и Полка од балетот „Златна доба“ од Дмитриј Шостакович, како и Концерт за мала флејта во C-dur од Антонио Вивалди и Концерт за обоа и оркестар во g-moll од Јохан Себастијан Бах, каде како солист ќе се претстави извонредната уметница на барокна флејта, Луси Хорш од Холандија.Симфонија бр. 4 на Арво Перт насловена „Лос Анџелес“ се смета за едно од најволшебните дела со кое може еден град да се гордее. Таа е духовен портрет на овој т.н. град на ангелите, која поседува раскошна убавина. Естонскиот композитор Арво Перт (1935) е еден од најизведуваните живи современи автори кој создаде магија од сплет на класичната и духовната музика, кој ги разби постоечките контури на компонирање видени низ разновидните експерименти на останатите композитори од 20 век, кој направи и разви своја техника наречена „тинтинабули“, кој е силно инспириран од грегоријанските црковни песни, и кој на минималистичкиот музички израз му даде нова димензија.„Конрад ван Алфен е инспиративен диригент кој ги прави нештата да се случуваат“, ќе напише критиката за холандскиот маестро. Етаблираниот холандски/ јужноафрикански диригент Конрад ван Алфен се стекнал со својата популарност и кај оркестрите и кај публиката благодарение на посебниот начин на кој тој ги води пробите и изведбите. Маестро Ван Алфен е уметнички директор и шеф-диригент на Симфонискиот оркестар во Ротердам. Во изминатите 16 години го издигнал својот оркестар на ниво да биде интернационално признат оркестар и да стане домаќин на концертни серии во Ротердам, Хаг и Амстердам. Скорешните интернационални турнеи на оркестарот ги вклучуваат: Русија, Мексико, Бразил, Колумбија и Чиле. Од 2005 до 2009 година, Конрад ван Алфен бил на позицијата шеф-диригент на Државниот симфониски оркестар „Сафонов“ во Русија, каде што се здобил со наградата за својот придонес во културата во Јужна Русија. Во моментот е уметнички директор на Московското филхармониско здружение во чии рамки редовно диригира со оркестрите од Москва, во познатата сала „Чајковски“. Исто така, тој е гостин-диригент и со оркестрите на добро познатите културни центри во Новосибирск и Санкт Петербург. Во изминатите години бројни оркестри низ светот настапиле под диригентската палка на Ван Алфен, и тоа во: Холанија, Германија, Белгија, Италија, Швајцарија, Англија, Данска, Израел, Словенија, Србија, Бугарија, Романија, Полска, Јужна Африка, Кина и Мексико. Неодамна успешно дебитирал со Филхармонискиот оркестар од Брисел, со „Симфоникер“ во Бохум и со Симфонискиот оркестар „Светланов“ во Москва. Бројни солисти ја уживале неговата придружба, како што се: Даниел Хоуп, Жанин Јансен, Бенџамин Шмид, Куирин Виерсен, Роланд Браутигам, Албан Герхард, Симон Ламсма и Никита Борисо-Глебски. Низ изминатите години неговите соработки со Рускиот нацинален оркестар и солистот Михаил Плетнеев на фестивалите во Монтро и Мерано резултирале со неколку покани за соработка за турнеите во Кина и во Јужна Америка. Конрад ван Алфен е роден во 1963 година во Преторија. По завршувањето на своите музички студии на 26-годишна возраст, тој се преселил во Холандија и ја имал постојаната позиција на контрабасист во Радио-симфонискиот оркестар и на Академијата „Бетовен“ во Антверпен, Белгија, паралелно студирајќи и диригирање под раководство на Ери Клас и Роберо Бензи.„Младата Луси Хорш ја демонстрираше својата сигурност и вистинска фасцинација од инструментот на кој свири, и од кој креира звуци кои веројатно не се очекува да бидат возможни“, се вели во една од критиките за холандската флејтистка Луси Хорш, која е позната по нејзините врвни изведби на барокна флејта. Деветнаесетгодишната Хорш се смета за еден од најистакнатите таленти од нејзината генерација музички уметници која настапува во нејзината матична земја, но бројни се и нејзините интернационални настапи со барокни, како и со современи ансамбли. Оваа концертна сезона таа ќе ги направи своите дебија со Филхармонијата на Хонг Конг, како и со Македонската филхармонија, а заедно со ансамблот „Академија за античка музика“ заминува на турнеја во „Барбикан“ во Лондон, „Музикгебау“ во Амстердам и „Де Доелен“ во Ротердам. Постојано настапува и со рецитални програми на речиси сите европски музички фестивали, а неодамна го формираше дуото со францускиот лаутист Томас Дунфорд. Следува и нејзино деби со Филхармонијата во Есен. Луси Хорш е ексклузивец за „Дека класик“, а нејзиното прво ЦД содржи концерти и други дела од Вивалди, за што ја доби престижната награда „Едисон класик“ во 2018 година. Нејзиното второ издание го сними со „Академија за античка музика“ и Томас Дунфорд, со дела од Самартини, Бах и Хендл, а исто така учествуваше на премиерата на снимката на „Варијации на октатонска скала“ за „Дојче грамофон“ со виолончелистот Киан Солтани. Родена во семејство на професионални музичари, Хорш почнува да студира на петгодишна возраст во Музичкото училиште во Амстердам, а по четири години, откако ќе се појави на ТВ-шоу со изведба на Унгарски танц бр. 5 од Брамс, станува национална сензација. Откако ќе победи на многу натпревари, во 2011 година се запишува на конзерваториумот во Амстердам каде што сѐ уште е студент. Таа, исто така, е и одличен пијанист, а веќе неколку години е член на Националниот детски хор од Холандија настапувајќи со диригенти како што се Сер Сајмон Ратл, Марис Јансонс, Јап Ван Зведен. Во 2014 година, Хорш беше избрана да ја претставува Холандија на Евровизискиот натпревар за млади музичари и во 2016 година беше наградена со престижната „Концертгебау“ за млади таленти во присуство на Сер Џон Елиот Гардинер.

Магазин | пред 7 години

Прегазена жена на раскрсница во Скопје - пренесена во комплексот клиники “Мајка Тереза“

На 31.01.2019 во 09,20 часот во СВР-Скопје било пријавено дека на крстосницата од булеварот „12-та Македонска Бригада“ со улицата „Димитар Туриманџовски“ патничко моторно возило „Фолксваген венто“ со кумановски регистерски таблици управувано од Д.С.(35) од с.Лопате-кумановско, удрило во пешакот О.Ц.(41) од Скопје. О.Ц. била пренесена во комплексот клиники “Мајка Тереза“, каде од страна на лекар и биле констатирани тешки телесни повреди. Увид на местото на настанот извршила увидна екипа од СВР-Скопје и се работи на целосно расчистување на случајот.

Скопје | пред 7 години

Работник си ги повредил прстите од десната рака

На 31.01.2019 околу 16 часот, пријавено е дека 28-годишниот гостиварец Н.Н. се повредил работејќи на циркулар во фабрика за мебел во гостиварска Горна Бањица. Сечејќи со машината, тој ги повредил прстите од десната рака и пренесен е во клинички центар во Скопје. Извршен е увид и се работи на целосно расчистување на случајот.

Македонија | пред 7 години