Нема фотографија

(ВИДЕО) Наместо натпревар безредие ,Буенос Аирес синоќа беше како бојно поле

Немилите сцени во Аргентина во текот на вчерашниот ден брзо го обиколија светот и се топ тема во спортските медиуми. Наместо натпревар -затворен сообраќај, превртени контејнери и автомобили, солзавец, блиски средби, итн. Безредието не успеа да се спречи ниту полицијата и покрај големиот број на полициски службеници кои беа на терен, околу стадионот, на улиците.Натпреварот што требаше да се одигра вчера е одложен за денес, но од Бока се уште размислуваат дали да излезат на теренот затоа што останаа без својот капитен Пабло Перез кој најтешко настрада на вчерашните инциденти.Навивачи на Ривер Плата предизвикаа големи насилства, се судрија со аргентинската полиција, го нападнаа автобусот на Бока јуниорс додека гостинските фудбалери и стручниот штаб се движеа кон стадионот „Монументал“ на реванш финалниот меч во Копа Либертадорес.

Спорт | пред 7 години

Нема фотографија

Не сум податна на притисоци, уживања и привилегии

Отворено писмо на Бранка Костиќ Марковиќ(разрешен Претседател на УО на Македонска филхармонија)Иако во вчерашното соопштение до медиумите, јасно го изложив мојот став околу разрешувањето од функцијата Претседател на Управниот одбор на Македонската филхармонија, после невистините изнесени од директорот Илиески на еден телевизиски медиум, чувствувам потреба уште еднаш да ги објаснам состојбите, овој пат до поединост.Прво, сакам да подвлечам дека она што директорот Илиески го наведува како аргумент против мене е невистина, којашто јас и не морам да ја демантирам, зошто за тоа говорат сите верзии на ситематизацијата (а досега на Управниот одбор му се доставувени дури четири верзии), а во прилог на тоа е и списокот кој заедно тој и Управниот одбор го составија уште минатата година (декември, 2017) заради подготовка на неговите Планови за вработувања за оваа и идната година. Никаде во наведениве документи не е предвидено место коешто одговара на мојот професионален профил и за коешто би можела да конкурирам и да ги исполнам условите, а во Македонската филхармонија нема ниту реална потреба од кадар каков што сум јас (меѓу сите систематизирани работни места во важечката и верзиите на новата систематизација не постои работно место во чиј опис се бара диплома како мојата). Ако кон ова го придружиме и фактот дека јас како претседател на Управен одбор не би можела да бидам вработена во институцијата кадешто ја имам оваа функција (класичен судир на интереси), како и моето изјаснување пред Управниот одбор дека немам никаква намера од тој тип, овие обвинувања на директорот Илиевски автоматски значат класична конструкција. Но, моето прашање е, што и доколку замисилиме дека неговото тврдење е вистинито, како тоа ги објаснува или оправдува неговите пропусти и кршења на законските процедури?По однос на обвинувањето дека јас како претседател на Управниот одбор два месеца не ја ставам на дневен ред точката за усвојување на новата систематизација, можам само да ви ги посочам датумите на одржаните седници на Управниот одбор коишто го говорат токму спротивното. Седници на Управниот одбор се одржани на 25.9.2018 (со самиот почеток на новата концертна сезона), потоа на 9.10.2018, 15.10.2018, 24.10.2018, 7.11.2018, 15.11.2018. Во овој период, интензивно инсистирав на конкретна практична работа и лична ангажираност на сите членови на Управниот одбор и на службите во Филхармонијата во изготвувување на конечниот текст на документот, според сите правила и прописи (за што сведочи и целокупната електронска комуникација меѓу мене како преседател и другите членови на Управниот одбор, вклучително и директорот). Во овој посочен период пред мојата смена, самата јас и писмено приложувам обемен текст со забелешки и конкретни решенија за спасување на согласностите за новите работни места (дури и за оние уфрлените од страна на директорот Илиески), што се гледа од електронската комуникација со него и членовите на Управниот одбор. Тоа посветено го прави и уште една членка на управниот одбор (и за тоа сведочи електронската пошта) и така се создадени вистинските услови, правничката да го доведе документот во солидна финална форма за гласање. Но, таквата состојба не му одеше во прилог на директорот. Кога го сфати тоа (не можам да тврдам дали на негово барање или не), одеднаш после цела година неделегирање на петти член на Управниот одбор од страна на локалната самоуправа, експресно тој беше делегиран и ни беше испратен да присуствува на две наши наредни седници, но кога беше констатирано дека ја нема потребната верификација, односно потврда од ресорниот министер за неговото назначување, а со тоа и право на глас, самиот се повлече од седниците се до регулирање на процедурите, односно до полноправна важност на неговиот глас (тоа не се случи до последната седница со која што јас претседавав). Од ваквиот развој на нештата (на што му претходеше и започнатото гласање на одредени делови од систематизацијата при што со едногласно кревање рака се отфрли едното место пијанист и од двата систематизирани, а се укина и едниот извршител харфист, двете места заради непотребност од редовно вработување во симфониски оркестар), директорот Илиески сфати дека не останува простор за поминување на неговата последна верзија на систематизацијата, која пак со корекциите од управниот одбор и реалниот и издржан опис и попис на работните позиции нема да може да ги вработи лицата коишто требаа да бидат вработени со протекции „од горе“. Тогаш, пристапи кон игнорирање на моите повици за седница на Управниот одбор, во кој период го барал и го добил моето разрешување. А тоа, во опишаните околности во кои не можеле да најдат аргументи за мое несовесно или противзаконско работење, било единственото можно решение на неговите проблеми во протуркувањето на ургенциите.Оттука, ваквите реакции на директорот Виктор Илиески коишто се темелат единствено на невистини не се воопшто изненадувачки (а убедена сум дека не се и последни), а беа предвидени и во моето прво вчерашно обраќање до јавноста, апропо мојата смена. Сакам да кажам дека оваа негова, веќе редовна пракса за извртување на фактите и дефокусирање од главниот проблем, во недостаток на валидни аргументи, е повеќе од очекувана..Но, имајќи ја предвид важноста на медиумите во креирањето на јавното мислење, чувствувам потреба уште еднаш, сега пошироко да ги изложам случувањата коишто му претходеа на моето разрешување.Во првата година од мандатот на Управниот одбор и директорот имаше многу предизвици, зашто Македонската филхармонија требаше да се пресели во новиот објект, а таму сѐ уште не беа завршени градежните активности, без разлика што новата сала го доживеа своето свечено отворање. Управниот одбор заседаваше редовно, па дури и често заради потребата од потпишување на многу документи, одлуки, измени коишто произлегоа од преселбата. Требаше да се продолжи сезоната и програмата донесена од нашите претходници, но требаше безболно да се премости и задоцнетиот почеток заради завршување на градежните активности на недовршениот објект и комплетирање на градежната документација. Затоа, Управниот одбор беше крајно кооперативен и толерантен кон вработените во администрацијата и новиот, тогаш в.д. директор и не забележуваше на итните барања за состаноци, ургентни повици за донесување на одлуки, како и на ненавремените доставувања на потребните материјали.Со завршувањето на првата концертна сезона, заврши периодот на адаптација, па така започна и работата во нормални услови. Во месец август, после летниот распуст, а пред почетокот на новата концертна сезона, јас како претседател, а и една членка на Управниот одбор замоливме (после неколкуте претходни молби до директорот) да имаме навремени комплетни материјали за седниците, материјали коишто се во надлежност на ова тело, односно со чија помош ќе ја имаме комплетната слика на програмското и финансиското работење на институцијата. Во меѓувреме се зголеми динамиката на настани во објектот, почнаа да стигнуваат првите критики за зголемениот број на естрадни концерти и други комерцијални настани коишто ги фрлаа во сенка концертите со класичен симфониски репертоар (инаку базична дејност на институцијата) и сл., а за таквата состојба Управниот одбор немаше вина, односно воопшто не беше консултиран од страна на директорот за ставот околу програмската и финансиската стратегија во институцијата. Иако упорно инсистиравме, ние и до последната седница под мое раководство не добивме детални информации за сите ставки од договорите со солистите, диригентите и хонорарците за концертите од главната програма на оркестарот, а воопшто немавме програма за малата камерна сала, ниту пак имавме информација што ќе се случува во термините кога салите и фоајето се изнајмени од надворешни продукции, фирми и сл.Но, проблемите почнаа вистински да ескалираат во моментот кога дознавме дека за време на летниот распуст, директорот „на своја рака“ (без согласност од Управниот одбор и дозвола од Министерството за култура, Катастарот, Министерство за транспорт и врски…) ја проширил бината во големата сала со вадење на цели редови од гледалиштето, но и драстично ја сменил последната верзија на систематизацијата којашто ние ја имавме на разгледување (а досега добивме дури четири верзии на документот од кои три се добиени во период од само една седмица, 25.9.2018, на 28.9.2018 и на 2.10.2018. Последната верзија е всушност нов пречистен текст на систематизација, бидејќи претходно е доставувана и верзија во вид на Правилник за измени и дополнувања на систематизацијата изработена од надворешен експерт, лично ангажиран од директорот Илиевски, којшто експерт самиот пред Управниот одбор изјави дека измените се толку големи (изменета е целата структура на институцијата со воведување на нови сектори и оддели, како и нови работни места) што и било препорачано документот да не биде гласан во вид на Правилник за измени и дополнувања, туку во вид на нов пречистен текст. (Иако, претседателката на УО го барала од директорот на увид договор под кои услови е ангажиран експертот и со чии средства е платен, и покрај постоењето на дури две вработени правнички во Македонската филхармонија во чиј домен е и изработка на ваквите документи, тој договор никогаш не ни е доставен).Очекувајќи дека Управниот одбор ќе ја изгласа без забелешки, директорот Илиески своеволно барал и согласности за нови работни места (меѓу кои и такви кои не постоеја во претходните верзии на систематизацијата, но и никогаш не биле разгледувани од Управниот одбор). Проблемот да биде поголем, за истите тие места директорот добил и согласности од Министерството за култура, а потоа и од Министерство за финансии. Имено, тој на два пати (на 5.4.2018 и на 19.7.2018) селективно побарал, а потоа и добил 10 (за 2018 година), односно 9 согласности (за 2019 година), за вкупно 19 работни места, меѓу кои и непостоечки во актуелната систематизација којашто е сè уште на сила, а неколку од нив воопшто и не биле на списокот за идни работни места којшто го составиле УО и директорот. Имено, ние заедно (директорот, јас и членовите на Управниот одбор) претходната година направивме приоритетна листа за планот за нови вработувања за 2018 и 2019 година, кадешто на врвот беа акутните испразнети места во оркестарот, а потоа и некои административни (пред се во техничкиот дел којшто го наложи преселбата во новиот објект), но тој не го пратил целиот список, туку селективно на два пати барал места, избрани по негово убедување и назначил во барањето дека токму тие се итни. Меѓу нив имаше и такви коишто воопшто не беа споменати на ниту една од седниците претходно. Кога се видовме на првата закажана седница после летниот одмор, на денот кога се отвораше новата концертна сезона 27.09.2018 и кога како претседателот на одборот го прашав директорот како „осамнаа“ неколку нови работни места и за кого се предвидени, зашто несомнено станува збор за ургенции, тој го кажа дури и името на една личност вработена во дневен весник и рече дека за неа има ургенции „од горе“. Јас се побунив и реков дека нема да дозволам да се случуваат штетни вработувања на сметка на најважните работни места во оркестарот (за кои се добиени само 5 согласности, наспроти другите 14) и коишто и ја намалуваат шансата на институцијата да бара нови работни места во иднина. Исто така, истакнав дека таа личност според дипломата музиколог, не може да биде вработена на место советник во област којашто предвидува образование коешто се стекнува пред се на катедрите на правниот факултет. Од тој момент, директорот Илиевски почна со личните напади кон мене и обвинувања дека јас сум против одредени личности и тогаш почна да ја лиферува информацијата за наводна лична заинтересираност за вработување заради која се противам на неговите ургенции. Оттогаш, почна да ми поставува ултиматуми за брзо усвојување на неговата систематизација (со конкретен датум), зашто дел од новите работни места не постоеја во актуелната и оттуку, не да можат да се објават конкурсите и да се реализираат согласностите. Тогаш започна и периодот на перманентни навреди кон мене, обвинувања за кочење на процесот, озборувања по кулоарите и валкање на мојот углед.Јас како претседател ги исцрпев сите механизми да ја решам работата по мирен пат, односно му укажав лично на пропустите, како и на непотребните уфрлувања на работни места коишто не се нужни за институцијата и ја одземаат можноста за вработување на музичар плус во оркестарот (па дури и дека некои од нив се апсурдни, како оние вработувањата во доменот на маркетингот кога веќе има тројца вработени во продукцијата, од кои двајца се асистенти коишто се грижат за подготовка на пропагандните материјали, програмските брошури, односите со јавност, а згора на тоа голем дел од работите ги вршат и ангажираните надворешни продукции и агенции). Во истиот овој период на интензивна расправа околу систематизацијата и моето неотстапување од намерата таа да биде донесена од Управниот одбор со уважување на моите забелешки, како и забелешките на останатите членови, почнав да добивам и пораки од трети лица за да замолчам, да не правам проблеми и да ја „поттурнам“ работата околу донесување на овој документ. Имав јавувања и од вработени во ресорното министерство коишто ме повикуваа на неформални средби, па дури имаше и барање за присуство на седница на Управниот одбор (што е класичен пример за притисок врз ова тело и е спротивно на правилата пропишани со Деловникот за работа на управниот одбор). Исто така, во овој период ми беше пренесено од колеги дека директорот со гордост веќе почнал да се фали дека работи на случајот да бидам тргната од функцијата.Во меѓувреме, дојде време и за подготвување на едногодишниот извештај за работата на Управниот одбор, којшто претседателот е должен да го достави до Министерството за култура, а се случија и проблемите за кои претјодно говорев, па решив да побарам средба кај ресорниот министер Асаф Адеми (закажувањето се одвиваше преку шефот на кабинет на министерот Адеми, господинот Фатон Фазлиу, до кого е испратено електронско писмо, а потоа неколку пати е разговарано и телефонски за евентуалниот слободен термин на министерот) за да алармирам за притисоците и да укажам на противзаконските акции, со цел да се заштитам од можноста со премолчувањето автоматски да станам соучесник во истите. Министерот Асаф Адеми ме прими (на 16.10.2018) и ги сослуша моите аргументирани забелешки (со целата придружна документација), а потоа ме замоли за уште една средба на која, ако дозволам, би го викнал и директорот Илиески. Му реков дека тоа секако не ми пречи, туку сметам дека е вистинскиот начин да го решиме проблемот. Средбата се одржа на 18.10.2018, во добра атмосфера со препораки за продолжување на совесната и систематична работа на одборот и обид за надминување на тековните проблеми настанати на релацијата Управен одбор – директор, коишто во меѓувреме ескалираа и коишто му беа пренесени. Министерот Адеми укажа на важноста од почитување на телото Управен одбор и уважување на ингеренциите на истото, пропишани со Законот за култура, Статутот на Македонската филхармонија и Деловникот за работа на УО на оваа институција. На директорот, тој јасно му стави до знаење дека мора да го почитува Управниот одбор и дека не може ништо да преземе без неговите одлуки, а му беше сугерирано и да ги почитува сите законски процедури и да ги уважува сите барања за доставување на побараните материјали за работа. Доколку е толку зафатен (директорот претходно се пожали дека едвај стасува да ги заврши сите обврски и дека затоа има некои пропусти), да си делегира помошник од редот на вработените којшто ќе помага во комуникацијата со Управниот одбор. Но, за жал, старата пракса на самоволно донесување одлуки на директорот продолжи и натаму.Сакам уште да дополнам дека, веднаш, уште на мојата прва средба со министерот, му кажав дека знам дека е најлесно да дадам оставка, но дека кревањето раце од проблемите е недозволиво за човек како мене којшто функцијата ја прифатил одговорно и единствено како професионален предизвик без никакви други очекувања и привилегии. Дека во мојата кариера главно работам во приватниот сектор, успешно учествувам во меѓународни проекти и дека не сум член на ниту една партија, туку сите мои активности се темелат врз професионални норми и дека мојот авторитет во областа е граден со години. Оттука, не сум податна за подлегнување на притисоци, уживање на привилегии и дека сакам задачата којашто ми е доверена да ја завршам професионално, според сите права и прописи и така гордо да го заокружам претседателскиот мандат. Тоа му го имам кажано и на целиот Управен одбор и на директорот на една од седниците кога ми беше понудено патување на турнејата во Шпанија заедно со целиот оркестар. Тогаш само уште еднаш подвлеков дека одбивам да патувам преку институцијата на државна сметка, дека не сакам никакви други привилегии и дека како претседател на управен одбор, за времетраење на мандатот, но и после неговото престанување, не ми паѓа на памет да барам вработување во истата.Во продолжение само таксативно ќе ги наведам и другите работи за кои постои сомнеж дека директорот Илиески ги прекршил правилата во текот на досегашниот мандат, а кои претседателот на Управниот одбор ги навести дека ќе ги изнесе на заедничката средба на на Управниот одбор и членовите на оркестарот (состанок којшто беше опструиран од страна на директорот, а во соработка со шефот на оркестарот). Тоа секако не се случи, а претпоставувам дека нема ниту да се случи, бидејќи сум разрешена од претседателската функција, но можеби надлежните институции сепак ќе решат да се посветат на анализа на работата на институцијата и нејзиниот директор и ќе ги превенираат идните потенцијални кршења на законските регулативи.Според поплаките на членови на ансамблот (за коишто директорот Илиевски бараше да им ги откријам имињата за веројатно да ги „смири“, откако усно го информирав дека сакам да разговарам за сите поплаки коишто доаѓаат до Управниот одбор и да ги констатираме или отфрлиме), Илиески нема извршено исплаќањето на празнични дневници и хонорари кон оркестрантите. За проба во неработни денови (недела и државен празник) според законот за државни празници треба да се исплаќа празнична дневница (основната зголемена за 50%), а исплаќал и дневници и хонорари на рака. Исто така закажувал и двојни проби на оркестарот без одобрение на Управниот одбор (постои Правилник за работно време каде согласно членот 49 од Статутот на НУ Македонска филхармонија – Управниот одбор го одредува работното време на вработените во институцијата и дава одобрение за сите промени на истото), а директорот закажал проби без да побара одлука на Управниот одбор за промена на работното време. Вршел и незаконска директна исплата на рака (дневниците исплатени во долари и евра на рака на вработените за остварените турнеи надвор од земјата, но и за некои од популарните концертите вон редовната програма на оркестарот, дневниците пред турнејата во Шпанија се делени во евра на рака на вработените).Исто така, вредно за споменување е и дека, директорот Илиески, со својата неспособност и неискуство да менаџира толкава институција со толку тековни активности, во неколку наврати го става во непријатна ситуација и самиот Управниот одбор. Ќе споменам само една од нив, кога врз претседателката на УО е истурен гневот од надворешно лице заради постапките на директорот. Имено, Илиески, во неколку наврати усно го ветувал изнајмувањето на концертниот клавир на директорот на Скопскиот џез фестивал, господинот Оливер Белопета, а го криел официјалното барањето до Управниот одбор од Скопскиот џез фестивал за изнајмување на концертниот клавир од Македонската филхармонија. Откако, г. Белопета лично ме праша зошто како претседател на УПравниот одбор не го ставам толку време неговото барање на дневен ред, јас итно побарав од директорот и административните служби во институцијата, да го поронајдат барањето. Тоа беше пронајдено (откако со денови не му била давано на Управниот одбор) и го ставив на гласање веќе на следната седница. Членовите донесоа едногласна негативната одлука за изнесување на клавирот од објектот на Македонската филхармонија во МОБ заради штетната амортизација на скапиот инструмент и веднаш му беше дадена информацијата на господинот Белопета за да може да наоѓа други алтернативи на само неколку денови пред почетокот на неговиот фестивал. Но, веќе утредента, директорот Илиевски донесе указ со кој ја поништи одлуката на УО за давање на клавирот, документ добиен од заменикот министер за култура Владимир Лазовски со која му се наложува на Управниот одбор да даде дозвола за изнесување на инструментот и тој е изнесен од институцијата и даден на Скопскиот Џез Фестивал.Ако кон проблемите околу систематизацијата, доспеаните поплаки за други кршења на процедурите и притисокот и клеветите врз мене и Управниот одбор, ги приклучиме и проблемите со проширувањето на големата сцена во новиот објект на Филхармонијата, без обезбедена документација, а и недоставувањето на постојано бараните материјали за увид во целокупната агенда на настани во објектот и договорите со странските уметници и маркетинг агенции, продукции, јасно е дека директорот Илиески мора да наоѓа начини за излез од ситуацијата и дека барањето за моја смена било повеќе од нужно.(Бранка Костиќ Марковиќ е магистер по музикологија, долгогодишен музички новинар и поранешен уредник во Телма)

Скопје | пред 7 години

Граѓаните кои се греат на парното на Скопје Север два дена се без греење

Граѓаните на Скопје кои со парно греење се снабдуваат од компанијата Скопје Север АД , се жалат дека веќе неколку дена немаат парно греење. Тие, како што велат, сметките ги плаќаат однапред за четири месеци, ама сега кога им е потребно греење мрзнат.Од „Скопје Север“ потврдуваат дека снабрувањето е прекинато, како причина наведуваат дека вчера Макпетрол Пром-гас го прекинал снабдувањето со природен гас, поради проблем во начинот на обезбедување на гаранција на плаќањето.Очекуваат проблемот да се надмине и да продолжи испораката на греењето до граѓаните.„Во текот на вчерашниот и денешниот ден се прават интензивни контакти помеѓу Скопје север АД Скопје, Општина Чаир и Макпетрол Пром-гас за надминување на проблемот и како резултат на овие напори Макпетрол Пром-гас даде налог за приклучување на Скопје Север АД – Скопје на системот за дистрибуција на природен гас на 25.11.2018 во 12:00 часот со цел во следната работна недела да се обезбеди гаранција за плаќањето на природниот гас.“, велат од Управата на „Скопје север АД Скопје“.

Скопје | пред 7 години

Со дрва или со фарба ќе се прави Скопје зелен град?

Деновиве во Скопје се ископаа многу дупки, се садат дрва. Ова е добра работа со која се зафатиле од раководството на градот. Колку ќе се реализира, останува да се види. Засега гледаме, дупки има, а во некои веќе има и нови садници. Како што пренесе Скопско Ехо, планот на Град Скопје е амбициозен, треба да се засадат повеќе од 3.500 висококвалитетни листопадни садници на повеќе локации низ Скопје, објави skopjeinfo.mk.– Фала Богу им текна да излезат на терен и да садат дрва. Мислев дека ќе го прават градот зелен со фарбање, но еве гледам имало намера и со дрвца да го разеленат, пишува скопјанецот Огнен.Тој изразува задоволство од почнатата акција но и повикува да не се застане на накавената бројка на садници, туку да се сади уште повеќе.Од Град Скопје објаснија дека се отстрануваат пенушки и на нивно место ќе се засадат нови здрави садници, а се обновуваат идрвореди на скопски улици каде биле исечени и никогаш заменети и обновени.– Не сметајќи ја оваа акција, изминативе месеци се спроведоа акции за садење на нови дрвја во Скопје, каде само во пролетната акција беа засадени повеќе од 6.000 нови дрвја, стои во соопштението на Град Скопје.

Скопје | пред 7 години

„Новости“: Високи српски функционери ќе бидат уапсени ако дојдат во Косово

Пред воведување на драконските такси со што фактички го забранија влезот на српски производи на територијата на Косово, приштинските власти на 1 ноември донеле одлука на највисоките функционери од Белград да не им дозволат влез во Косово, пишува весникот „Новости“.Според сознанија на весникот, списокот со непосакувани личности е доставен до сите полициски пунктови на премините, со напомена веднаш да бидат уапсени доколку некој од нив пристигне таму.На списокот, во кој „Новости“ имал увид, се наоѓаат српската премиерка Ана Брнабиќ, министерот за надворешни работи Ивица Дачиќ, за внатрешни работи Небојша Стефановиќ, за одбрана Александар Вулин, за трговија Расим Љајиќ, за градежништво Зорана Михајловиќ, претседателката на Парламентот Маја Гојковиќ и други српски функционери, како и 20 судии.Според весникот, со ваквиот потег, по кршењето на договорот ЦЕФТА, Приштина го прекршила и договорот од Брисел кој се однесува на официјалните посети и кој се применува од 2014 година. Според него, за планирана посета на некој претставник од Белград е потребно само да се извести Приштина.– Имајќи предвид дека „црната листа“ е составена пред одлуката во Интерпол да не го прими Косово, тоа покажува дека и дополнително воведените такси немаат многу врска со резултатот од тоа гласање, туку раководството во Приштина се води според други мотиви, се наведува во текстот на белградскиот весник.

Свет | пред 7 години

Нема фотографија

„Една од три жени во светот е жртва на насилство“ - Меѓународен ден за борба против насилството врз жените

Насилството не треба да се игнорира. Осветлување на Владата на РМ во портокалова боја, дебати и работилници низ цела Македонија, ќе бидат дел од активностите по повод 25 Ноември, Меѓународниот ден за елиминација на насилството врз жените и кампањата „16 дена активизам”. „Слушни ме и мене“’ е годинашното мото на Меѓународниот ден, а кампањата која се одржува во светски рамки почнува денеска и ќе трае до 10 декември.Според Обединетите нации, една од три жени во светот е жртва на насилство. Поради тоа, целта е да се поттикне свесноста на заедницата и индивидуалниот придонес во борбата против насилството врз жените и девојките. Бројните светски медиуми јавуваат дека фамилијарната куќа е најсмртоносното место за жените. Статистиките покажуваат дека во регионот убиените жени спрема бројот на жители е значително поголем отколку во западните земји како Германија или Австрија, а посебно во Шпанија која што во изминатите години сериозно го смени законот за оваа област.Според психолозите кои ја обработуваат оваа проблематика на жена кренале раце луѓе од сите слоеви во општеството, кои настапуваат изолирано, и дека истите треба да одат да се лекуваат односно да одат на терапија. Тие се луѓе кои се љубоморни, немаат доверба во партнерот, или, пак, имаат проблеми надвор од домот, па својот бес го искажуваат врз своето семејство.Пред неколку недели во Македонија имаше неколку случаи на напад врз жени во тетовско. Истите беа пријавени во полиција, која работи на расчистување на случајот.

Македонија | пред 7 години

Нема фотографија

Само два отсто од возилата користат плин, Македонците претпочитаат дизел и бензин

Македонија има стар возен парк со просечна старост на возилата од 18 години. Половина од регистрираните возила користат дизел-гориво, додека од 218.544 возила со бензински погон, пренаменети на гас и метан се само 12 илјади возила, или само 2,6 проценти од возилата, пишува МИА, обработувајќи сторија какви возила се возат низ Македонија и какво гориво користат.Владата најави субвенции за инсталирање уреди на гас во возилата, но предвидува да бидат искористени само за 1.200 возила.Емисијата на цврсти честички при согорување на пропан бутан или метан е речиси нулаДаме Димитровски, професор на Машинскиот факултет и раководител на Лабораторијата за мотори и горива, нагласува дека транспортот не е главен фактор за цврсти честички, ниту во Скопје ниту во другите градови, но дека сепак во суштина нешто треба да се воведе во врска со емисиите на возилата.– Дали се тоа вакви лепенки, дали е тоа даночење по емисија, што ќе оди во фондот за животна средина, кој ќе се справува со оваа тема. Некаков систем во кој ги промовираме зелените возила треба да направиме, па макар и ваков систем со лепенки со кој, без разлика колку некој вистински загадува, бидејќи не знаеме колку километри поминува, ставаме лепенка и го ограничуваме каде во градот смее да вози. Сметам дека за почеток може да се направи доста полесно или полабаво ограничување, така што Еуро 4, 5 и 6 треба да се зелена лепенка, а да се промовираат возила на ТНГ и метан, што секако ќе добијат зелена лепенка, вели Димитровски.Во однос на најавените субвенции за монтирање уреди на гас во возилата, Димитровски смета дека со конверзија на гас може да се очекува одредено намалување во емисијата од возилата речиси по сите параметри.– Би требало да се очекува дека ќе се намалат сите емисии од возилото со бензиски мотор, независно дали е тоа Еуро 1, 2, 3 или 4. Очекуваме дека емисијата на цврсти честички при согорување на пропан бутан или метан ќе биде речиси нула, вели Димитровски.Конверзија на гас е можна и кај бензиски и кај дизел-моториКонверзија на погонските мотори на возилата, посочува Димитровски, е можна и кај бензинските и кај дизел-моторите, со тоа што бензинските мотори може многу лесно да поминат на метан или пропан бутан и тоа не е прескапа метода, додека кај дизел-моторот се прави конверзија, но и понатаму е потребно да се користи и дизел и гасно гориво.– Кај дизел-моторот се прави конверзија, но за да остане циклусот дизелов треба да користи и дизел и гасно гориво. Таква конверзија во Македонија е направена во 2006 година во ЈСП, кое имаше 30 автобуси со најлошите дизел-мотори во тоа време и ги направија да бидат со двојно гориво, 50 проценти дизел и 50 отсто метан. Како што знам, а бевме вклучени во мерењата како факултет, емисиите драстично се намалија на цврсти честички и исплатливоста беше голема, затоа што метанот е многу поевтин од дизелот. Со тој проект се престана и понатаму се купија Еуро 5 дизел-автобуси, изјави Димитровски.Во тој контекст посочува дека одлуката на Град Скопје да купи гасни автобуси е за поздрав, затоа што емисијата од нив е нула цврсти честички, има инфраструктура за полнење, има сервисери и може веднаш откако ќе ги купат да ги користат.– Електричните автобуси не се лоши, но за нив немаме инфраструктура и можеби треба постепено да ги носиме. Ќе треба доста време за да се замени тоа што ЈСП сега го има како возен парк, изјави Димитровски.Многу е јасно дека дизел-технологијата е повалкана од ото-технологијата, затоа што користи потешко гориво, но од друга страна дизеловиот циклус дава поголема моќност.– Ако кај лесните возила многу полесно може да ги убедиме луѓето да возат полесно гориво, кај тешките товарни возила сѐ уште е голем проблем да се најде добар камион што е со исти перформанси и користи чисто гориво. Во најава следува дека ќе има некакви електични или други почисти технологии и затоа Еуро 7 и 8 нормите ќе се развиваат кај тешките возила, а потоа и кај автомобилите, изјави Димитровски.Субвенции за вградување уреди на гас до 300 евра за 1.200 возила годишноЗаменик-министерот за животна средина и просторно планирање Јани Макрадули со новите законски измени најави и субвенции за електрични и хибридни возила, како и субвенции за течен нафтен гас или метан.Со Програмата за субвенционирање за купување нови хибридни и електрични возила се предвидуваат субвенции од 5.000 евра во денарска противвредност за набавка на електрични возила, а 3.000 евра во денарска противвредност за набавка на хибридно возило, а во првата година се предвидува да бидат доделени субвенции за 200 возила.Со овој закон се предвидува Програма за субвенционирање на трошоците за вградување уред за погон на ТНГ, метан или друг вид алтернативно гориво во постојните возила.Со Програмата се субвенцинираат 50 проценти од цената на трошоците за набавка и вградување на уредот, но не повеќе од 300 евра во денарска противвредност за возило и се предвидува да бидат опфатени над 1.200 возила на годишно ниво.Истовремено со овој предлог-закон се предвидува Програма за субвенционирање за купување нови возила со одјава на старо возило со цел да се зголеми увозот на нови возила во однос на половните и значително ќе се забрза обновата на возниот парк, што значително ќе влијае на намалувањето на загадувањето на амбиенталниот воздух.Во Македонија половина од возилата се дизел со просечна старост од 18 годиниВо Македонија има над 400 илјади регистрирани автомобили со просечна старост од 18,7 години. Од нив, над 80 отсто се постари од десет години, а речиси половина користат дизелски погон.Податоците од МАКСтат базата покажуваат дека просечната старост на патните моторни возила во Македонија е зголемена од 18,4 години во 2016 на 18,7 години во 2017 година, додека во истиот период и бројот на автомобили е зголемен за осум илјади од 395 илјади во 2016 на 403 илјади во 2017 година.Најголем дел автомобили 84,1 отсто се постари од десет години, што во однос на 2016 година е зголемување од околу два процента од 81,8 отсто. Вкупниот број автомобили до пет години изнесува десет илјади, или 2,5 проценти од вкупниот број возила и во 2016 и во 2017 година.Забележително е дека со растот на бројот на возила во Македонија и дозволениот увоз на половни се менува и процентот на застапеност на дизел-возила во однос на бензинските. Така, во 2012 година од вкупно 301 илјада автомобили на дизел биле помалку од една третина, или 92.799 автомобили. Таа бројка е во постојан раст, и во 2016 година во Македонија има вкупно 192.816 дизел-автомобили, што е речиси половина од вкупниот број автомобили и се изедначува со бројот на бензински возила, што изнесува 197.880 возила. Во истиот период, бројот на бензински автомобили е речиси стабилен, со тоа што има минимално зголемување на бројот на автомобили што користат бензин и гас, односно од 9.501 возило во 2012 година, на вкупно 11.445 возила во 2016 година. Бројот на електрични возила, иако незначителен, е намален во овој период, па така од 41 електрично возило во 2012 година, во 2016 година има 37 електрични возила во Македонија.извор: МИА

Македонија | пред 7 години

Охридско Лето завршува со „Пинковизацијата“ и ја враќа златната боја

Најреномираниот фестивал во овој дел на Европа, „Охридско Лето“ ги промени знамињата на јарболите пред дирекцијата на кои повторно е вратена златната боја која со години беше препознатлива на логото на фестивалот.Знамињата кои сега се виорат на јарболот повторно се со златна боја, а розевата боја остана уште на излозите од дирекцијата.Розевите ленти на дирекцијата беа поставени претходното лето, а граѓаните и вработените во фестивалот негодуваа на оваа како што ја нарекуваа „пинковизација“ на култниот фестивал. Од фестивалот велат дека наскоро и овие розеви ленти ќе се отстранат.После најслабото издание кое го имаше минатово лето, „Охридско Лето“ пополека го враќа престижот и повторно се движи на патеката на старата добро позната слава во земјава и светот.СЕ ВРАЌААТ ПОЗНАТИТЕ СПОНЗОРИПосле падот, хаосот и тонењето кое се случуваше во последните две изданија, фестивалот почна да ги враќа и познатите спонзори кои минатото лето ги прекинаа соработките со фестивалот од повеќе причини предизвикани од тогашното раководство.Изминатиот период полека но сигурно големите компании бараат обнова на соработката со „Охридско Лето“.

Македонија | пред 7 години

Нема фотографија

Значат љубов: 10 имиња за девојчиња и момчиња

Многу родители на своите деца сакаат да им дадат име кое ќе ја симболизира сета љубов која ја чувствуваат кон него. Дали има подобар избор од името кое значи љубов?Ова се десет имиња за момчиња и девојчиња кои се синоними за најубавото чувството на светот- љубов.1.Мина е име од германско потекло и едно од најпопуларните женски имиња кое значи љубов.2. Љубица е име со старословенско потекло. Се претпоставува дека настанало од глаголот љуби.3. Аманда е име кое значи „таа што е вредна да биде љубена“. Стручните лица тврдат дека името го измислил британскиот драматург Коли Кибер во 17. век.4. Милена е име од чешко потекло, а значи љубов, женственост и топлина.5. Вида е женствено име кое значи „нежно сакана“.6. Карис е велшско име кое значи „љубов“.7. Ленан не е вариција на Ленон. Станува збор за ирско име кое значи „љубовник“.8. Дарел значи „сакан“.9. Дејвис, однсно еврејската варијанта Давид значи „сакан“.10. Амор е синоним за љубов и романтика.

Магазин | пред 7 години

„Политико“: Унгарската разузнавачка служба го олесни бегството на Груевски

БЕГСТВОТО НА ГРУЕВСКИ„Политико“: Унгарската разузнавачка служба го олесни бегството на ГруевскиОбјавено пред 57 минути - 25 ноември, 2018Од Кристијан ЛандовУнгарската разузнавачка служба е вклучена во олеснување на бегството на поранешниот македонски премиер Никола Груевски, пишува бриселскиот портал „Политико“, повикувајќи се на изјави од свои извори.Оттаму, констатацијата ја темелат и на изјавата од Министерот за надворешни работи, Петер Сијарто, кој кажа дека Груевски го придружувале унгарски дипломати за време на бегството.Портпаролот на унгарската влада за „Политико“ не одговорил на прашањето дали разузнавачката служба е вклучена во операцијата со експремиерот на Македонија.„Унгарскиот премиер Виктор Орбан е долгогодишен сојузник на Никола Груевски. Орбан јавно ја бранеше одлуката за доделување на азил на Груевски, велејќи дека во Македонија се водат ‘сложени политички игри’“, стои во текстот на„Политико“.Претходно, американскиот Стејт департмент изрази загриженост за потегот на Груевски да избега, со цел да ја избегне неговата двегодишна затворска казна во Македонија, се додава во објавата на порталот.

Македонија | пред 7 години

Оризопроизводителите ќе добијат по пет денари за килограм по предаден оризова арпа

Дополнителна субвенција од пет денари за килограм е мерката со која Владата ќе ги мотивира оризопроизводителите да ја предадат арпата во фабриките за откуп, рече министерот за земјоделство Љупчо Николовски на средбата со оризопроизводителите во Штип.Според министерот, оваа родна година се очекува откуп од 18 до 20 илјади тони ориз. Досега биле откупени околу 20 проценти, но како стимул се нудат субвенции од пет денари за килограм оризова арпа.Тој најави дека мерката во вторник ќе биде ставена на владина седница и усвоена. Со мерката, оцени, ќе се раздвижи пазарот, а оризопроизводителите ќе можат да го продадат своето производство.-Мерката ќе важи до 31 март 2019 година и сметаме дека со неа ќе направиме значајно раздвижување. Очекуваме 5.000 до 10.000 тони да бидат дополнително опфатени. Го прифаќаме барањето на подсекторската група и барањето на оризопроизводителите за дополнителни пет денари. Сметаме дека тоа за Владата треба да е прифатливо и излегуваме со еден позитивен аспект и позитивен однос кон целокупната оваа гранка, вели Николовски.Оризопроизводителите пак веднаш го искажаа своето незадоволство и од откупната цена и од субвенциите, затоа што, како што рекоа, цената од 18 денари не ги покрива ниту најосновните трошоци. Од синдикатот на земјоделците велат дека дел од производителите веќе реализирале некаков откуп, што значи тој дел не може да влезе во новата мерка. „Затоа предлагаме субвенција не од продаден килограм арпа, туку од хектар добиен ориз. Плус тоа, оваа мерка е со ограничен период и нема да бидат опфатени сите производители, а во врска со откупната цена, таа треба да изнесува најмалку 25 денари“, велат оризопроизводителите .

Македонија | пред 7 години

Нема фотографија

Русија ќе проверува дали Американците навистина слетале на Месечината

Додека во САД, но и во остатокот од светот се поголема популарност добиваат теориите на заговор, се чини дека во Русија одлучиле да ја проверат нивната точност, барем кога станува збор за тоа дали човекот слетал на Месечината.Директорот на руската вселенска агенција „Роскосмос“, Дмитриј Рогозин на социјалната мрежа „Твитер“ објави видео во кое говори како Русија ќе провери дали астронаутите од САД навистина отишле на Месечината, објави агенцијата АП.Американските астронаути слетаа на Месечината во 1969 година, a се чини дека Рогозин во поставената објава се шегува, бидејќи додека говори се смее и ги спушта рамената. Рогозин, всушност, одговараше на прашање дали слетувањето на Месечината навистина се случило.Во САД има голем број на теории на заговор за тоа дали навистина НАСА слетала на Месечината, додека пак во Русија широко распространето е мислењето дека тоа не се случило.Засега не е јасно на кој начин Русите ќе ја проверат точноста на оваа теорија на заговор, ниту пак кога тоа ќе се случи.Инаку, Русија ја прекина својата програма за слетување на Месечината во седумдесеттите години на минатиот век.

Свет | пред 7 години

Нема фотографија

Тајванците се изјаснија против геј браковите

Застапниците на правата на геј заедницата доживеаја неуспех во референдумот во Тајван, каде што конзервативните групи на граѓани во голем број се изјаснија против истополовите бракови.Повеќе од 7 милиони луѓе потврдно одговориле на референдумското прашање: „Дали мислите дека бракот дефиниран со закон треба да биде ограничен на заедница меѓу маж и жена?“На уште две изјаснувања за геј браковите, организирани од граѓански здруженија, излегоа уште три милиона луѓе, но овие референдуми не успеаја бидејќи повеќе од милион и пол гласачи биле против.Тајванските гласачи денеска излегоа на десет референдуми односно на локални избори на кои е поразена владејачката Демократска прогресивна партија, поради што од претседателската позиција на партијата отстапи Цаи Инг-вен.

Свет | пред 7 години

Нема фотографија

Санкционирани 79 возачи поради пречекорување на дозволената брзина

Одделението за безбедност на патниот сообраќај при Секторот за внатрешни работи Скопје на 24.11 во периодот од 06.00 до 22 часот спроведе засилена контрола во врска со контрола на брзина на движење на моторни возила. Во овој период санкционирани се 79 возачи кои ја пречекориле брзината во населено место. Преземени се 90 мерки во врска со акциската контрола, издадени се 75 платни налози, четири прекршочни платни налози, писмено опоменати се единаесет возачи, откриени се 46 останати прекршоци, издадени се 19 прекршочни платни налози и 27 мандатни платни налози.Одделението за безбедност на патниот сообраќај при Секторот за внатрешни работи Скопје на 24/25.11. 2018 година во периодот од 23.00 до 05.00 часот спроведе зајакната акциска контрола за откривање возачи кои управуваат со возило под дејство на алкохол на подрачјето на Скопје. Од страна на полициски службеници контролирани се вкупно 180 возачи, a кај 18 од нив утврдено е присуство на алкохол во крвта. По однос на констатираните прекршоци од Законот за безбедност на сообраќајот на патиштата и Законот за возила кон возачи, преземени се вкупно 53 мерки . Исклучени се 18 возачи од сообраќај, времено се одземени 17 возачки дозволи, издадени се 18 мандатни платни налози , откриени се 55 останати прекршоци за кои се издадени 40 мандатни платни налози и 15 прекршочни платни налози.

Скопје | пред 7 години

Нема фотографија

Ердоган смета дека e мал бројот на жени во турскиот Парламент

Бројот на народни претставнички во турскиот Парламент не е доволен, изјави турскиот претседател Реџеп Тајип Ердоган.Во 600 члениот Парламент моментно има 104 жени, што е 17,5 проценти од вкупниот број пратеници, но тоа не е доволно, истакна Ердоган на третата средба „Жени и правда“ во Истанбул.Во однос на улогата на турските жени во политиката, образованието и другите сфери од животот, турскиот претседател нагласи дека бројот на вработени жени во Турција се зголемил по доаѓањето на власт на неговата Партија на правда и развој во 2002 година, од 28 до 38 проценти.Тој додаде дека во турските универзитети речиси половина од професорите се жени.– Вработените жени во нашата земја, кои се 9,12 милиона, придонесуваат за развојот на Турција и ние се гордееме со нивниот успех – истакна Ердоган, додавајќи дека тие се неделив елемент и од семејството, и од бизнисот.

Свет | пред 7 години

Нема фотографија

Пукање во близина на австриската амбасада во Анкара

Недалеку од австриската амбасада во Анкара, испукани биле неколку куршуми во воздух, па турската полиција ги затворила улиците во таа област.Куршумите биле испукани од бел автомобил во движење, јави турската агенција „Анадолија“, а пренесува АП.Засега не е познато дали амбасадата била цел на напад.Сличен инцидент се случи во август, кога три куршуми испукани од возило во движење ја погодија портата на американската амбасада во Анкара, но никој не беше повреден.

Свет | пред 7 години

Пет денари дополнитени субвенции за килограм арпа

Дополнителна субвенција од пет денари за килограм е мерката со која Владата ќе ги мотивира оризопроизводителите да ја предадат арпата во фабриките за откуп, наместо да им стојат во амбарите, рече денеска министерот за земјоделство Љупчо Николовски на средбата со оризопроизводителите во Штип.Тој најави дека мерката во вторник ќе биде ставена на владина седница и усвоена. Со мерката, оцени, ќе се раздвижи пазарот, а оризопроизводителите ќе можат да го продадат своето производство.-Мерката ќе важи до 31 март 2019 година и сметаме дека со неа ќе направиме значајно раздвижување. Очекуваме 5.000 до 10.000 тони да бидат дополнително опфатени. Го прифаќаме барањето на подсекторската група и барањето на оризопроизводителите за дополнителни пет денари. Сметаме дека тоа за Владата треба да е прифатливо и излегуваме со еден позитивен аспект и позитивен однос кон целокупната оваа гранка- вели Николовски.На денешната средба со оризопроизводителите се разговарало и за откупот на оризот кој во моментов е неорганизиран и за што Министерството има направено сериозни анализи, увозот, пестицидите, особено нивниот квалитет, континуитетот на предавање на оризовата арпа во регистрираните центри.Николовски потсети дека субвенциите за оризопроизводителите за една година се 300 отсто зголемени. Во источниот регион се очекуваат 17.000 тони оризова арпа, од кои досега се предадени само 3.000 тони.

Македонија | пред 7 години

Рускиот „Магичен свет“ на Катја Ветрова – добитник на наградата за најдобар филм

Автори од Русија, Шпанија, Ирак и од Македонија беа наградени синоќа на 9.издание на Мобил филм фестивал, што се одржа во Кинотеката на Македонија. Публиката можеше да проследи селекција од најдобрите филмови што годинава пристигнаа на адресата на фестивалот.Жирито во состав: Весна Ристовска, режисер, Гораст Цветковски, актер и Сашо Павловски, продуцент и режисер, ги избраа најдобрите и ги наградија во неколку категории: Награда за најдобар филм „Ратка Илиевска - Лале“ „Магичен свет” – автор Катја Ветрова, Русија Награда за најинвентивен филм „Сенки на радио на Истокот“ (Shadows of a radio in the east) – автор Начо Ресио, Шпанија Награда за најоригинална приказна „Чевли“ – Филип Петрески, Македонија Награда за најдобра идеја“Ailan”-  Јубраил Абубакер, Ирак На фестивалот учествуваа тројца автори од Македонија со свои филмови. Тие добија благодарници за учество. Доријан Миловановиќ го промовираше својот филм „Танц“, Борис Таковски – „Int.room“, а Филип Петрески учествуваше со наградениот „Чевли“.Наградените добија плакети, а авторот на најдобриот филм доби и стипендија за студирање на Универзитетот за аудиовизуелни уметности од Скопје.Мобил филм фестивал се одржа од 16 до 24 ноември, во Кинотеката на Македонија, под мотото „Dream big, start small“. Фестивалот го организира продуцентската куќа „КТ филм и медиа“ од Скопје, а го поддржа Град Скопје.

Магазин | пред 7 години

Харадинај: Во јануари ќе ја тргнеме границата меѓу Косово и Албанија

Премиерот на Косово Рамуш Харадинај, најави дека од јануари идната година, Косово и Албанија ќе немаат граници, односно истите ќе бидат укинати, и сообраќајот како и стоката меѓу двете земји ќе може да се движи непречено.„Ќе ја тргнеме границата со Албанија. Ќе ги тргнеме дури и оние мали куќички. Се ќе тргнеме“, најави Харадинај.Засега нема официјален став од Албанија по ова прашање. Отстранувањето на границите би требало да се случи во јануари 2019 година.

Свет | пред 7 години

Меј апелира за поддршка за Брегзит

Британската премиерка, Тереза Меј, преку отворено писмо им се обрати на Британците и побара поддршка за договорот за брегзит кој треба да биде потврден.Агенцијата „Ројтерс“ навдедува дека Меј побарала поддршка од британската јавност, иако сé уште не е сосема сигурно дека за договорот за брегзит има поддршка од нејзината партија.Меј во писмото вели дека ќе ја води кампањата со срце и со душа, со цел договорот за излез на Британија од Европска унија да биде прифатен од парламентот во Лондон, иако, според „Ројтерс“, постои силно противење дури и надвор од партијата на Меј.„Тоа ќе биде договор кој е во наш национален интерес, договор за целата наша држава и целиот наш народ, без разлика дали гласавте за останување или заминување (од ЕУ)“, порачува британската премиерка во своето писмо.Таа моментно е во Брисел поради новиот самит на ЕУ, а се очекува денеска да го обезбеди договорот за брегзит.

Свет | пред 7 години

Милошоски стана татко по четврти пат

Антонио Милошоски, пратеникот од ВМРО-ДПМНЕ стана татко по четврти пат. Се роди неговата трета ќерка. Од првиот брак го има синот Давид, а од вториот брак има три ќерки. Првата ќерка Дариа се роди во август 2016 година.Колку прекрасна недела! Симона повторно е мајка  на свет ја донесе нашата најмалечка принцеза бато Давид и сестричките Дариа и Михаела си добија уште една дадичка , а Тато е најсреќниот татко на светот.Благодариме дедо Боже за благословот, најдраги мои роднини и пријатели Ве прегрнувам сите .., од денес сме порадосни и побогати со уште еден член во семејството Милошоски! Пожелувам секому!Благодарност до Д-р Палчевски и неговиот тим од Аџибадем Систина. – напиша Милошоски на својот фејсбук профил.https://www.facebook.com/photo.php?fbid=2361210187241580&set=a.258786697483950&type=3&theater

Македонија | пред 7 години

Заев, Манчевски и Василевски во работна посета на Струмица

Премиерот Зоран Заев и министерот за информатичко општество и администрација Дамјан Манчевски денеска ќе ја посетат локацијата на која се монтира заштитно јаже со оптика на далекувод од преносната мрежа на МЕПСО во Струмица.Домаќин на работната посета ќе биде директорот на МЕПСО Сашо Василевски.

Македонија | пред 7 години

Нема фотографија

М-НАВ: Безбедноста на македонското небо не е доведена во прашање

АД М-НАВ ги отфрла како невистинити последните информации пренесени во повеќе печатени и електронски медиуми, како и изјавите на одредени претставници на синдикати и политички партии.-Одговорно тврдиме и ги демантираме последните шпекулации, во ниту еден момент безбедноста на македонското небо не е доведена во прашање. Ова тврдење е поткрепено од фактот дека сите надлежни институции задолжени за постојан надзор на нашето работење, како Владата, Агенцијата за цивилно воздухопловство и светските релевантни воздухопловни власти, меѓу кои Европската организација за безбедност на воздухопловната навигација – Еуроконтрол, Интернационалната организација за цивилно воздухопловство и Европската организација за одржување на безбедноста на авио сообраќајот го поддржуваат и поздравуваат постојаниот напредок и начинот на функционирање на АД МНАВ, стои во соопштението од компанијата.Осврнувајќи се на состојбите во последните година и пол, М-НАВ наведува дека бележи раст на приходите од три милиони евра поради зголемувањето на воздушниот сообраќај за околу 15 отсто (прелети и полетувања/слетувања Скопје и Охрид), кој е опслужен со истите човечки ресурси како и претходно, но со имплементација на голем број новитети и поддршка на Еуроконтрол.-Во август годинава два пати го срушивме рекордот на прелети над нашето небо, кој достигна бројка од 1.028. Покрај одличните финансиски резултати без никаква забелешка по 10 години се спроведе селекција на нови контролори на летање, според највисоки стандарди и во координација со сите релевантни европски институции во воздухопловството, токму со цел одржување на безбедноста на највисоко ниво. Сите нови вработувања во периодот од година и пол се спроведени согласно позитивните законски прописи и притоа се работи за искусни контролори на летање кои се вратија од Швајцарија и Србија, како и искусни инженери. Оние вработувања кои се во административниот дел, се како резултат на пензионирања и зголемен обем на работа, а истите се неопходни за реализацијата на проектите за модернизација на системот за контрола на летање, кои се пролонгирале повеќе од пет години, информира М-НАВ.Во врска со написите за преселување на дел од вработените под кирија во други простории, компанијата потенцира дека настанатата состојба со канцелариите во Палатата „Лазар Поп Трајков“ е последица на недоговорната усна наредба на претходниот менаџмент во М-НАВ, кој по насока на претходната влада ги префрлил сите вработени во објект каде нема технички прием.-Поради горенаведеното се до обезбедувањето решение за технички прием, новото раководство размислуваше за изнајмување на привремени простории, но идејата не се реализираше, пишува М-НАВ во денешното соопштение.

Македонија | пред 7 години

Германски истржувач објави многу стара фотографија од Охрид

Германски истражувач на стари фотографии, фотографирани од германец фотограф кој го пропатувал цел Балкан, а престојувал и во Охрид ги потсети Охриѓани на една многу стара фоторафија. На фотографијата е овековечен миг од едриличарска, веслачка или мотонаутичка регата или маратон.Оваа многу интересна фотографија ја објави Стефан Ставрев на групата на социјалната мрежа Facebook , наменета за вакви впечатливи слики за Охрид, насловена „Охрид слики од минатото“

Македонија | пред 7 години

Притворот на Мијалков е за да се прикрие бегството на Груевски

По четири дена откако поранешниот директор на УБК Сашо Мијалков доби мерка притвор, се огласи неговиот адвокатски тим.Според нив целата суштина со апсењето на Мијалков е  да се дефокусира во јавноста бегството на Никола Груевски. Чиста политика сметаат адвокатите на Мијалков.„Изречениот притвор за господинот Мијалков е политичко, а не правно решение. Не постои никаква основа за мерките на претпазливост да бидат укинати и заострени бидејќи не е сменета ниту една околност во однос на моментот кога му се изречени. Аргументите на СЈО не соодветствуваат со реалноста. Законот се крши по три основи кои ги потврдуваат сомненијата дека не станува збор за право и правда туку за политика.Прво, спротивно на сите конвенции, господинот Мијалков и ние како негова одбрана воопшто не сме повикани да се произнесеме во однос на барањето на СЈО.Второ, нема ниту еден аргумент дека има некаква промена во околностите во однос на предметите кои се водат против господинот МијалковТрето, целосно се неосновани аргументите приложени во барањето на СЈО.Одбраната на Мијалков најостро ги отфрла тврдењата на СЈО дека тој има каква било поврзаност со наводните 11 милиони евра за кои се побара притвор а судот го усвои предлогот. Одбраната бара обвинителството и судот јавно да ги обелоденат наводните докази од причина што тврдиме дека такви не постојат и дека наводните трансакции немаат никаква поврзаност со Мијалков.Исто така настрана од овие лажни тврдења определениот притвор е незаконски поради фактот што Мијалков повеќе од една година ги почитува определените мерки на претпазливост се јавува на сите покани од судот и обвинителството. Впрочем дента кога е лишен од слобода се јавил во СЈО на покана на Катица Јанева и ниту планирал ниту превземал дејствија за бегство.На крај целиот имот со кој располага Мијалков е јавно заведен во јавните книги во РМ и во странство а на судот и на обвинителството тој имот им е познат и досега, но судот и обвинителството не го сметале како околност поради која г. Мијалков може да се даде во бегство единствена причина поради која му е изречен притворот е да се прикрие бегството на Н.Г односно да се скрие неспособноста и непрофесионалноста на државните органи“, се наведува во соопштението на адвокатскиот тим на Мијалков.Поранешниот шеф на тајната полиција во вторникот беше приведен и однесен во скопскиот истражен затвор Шутка на 30 дневен притвор, определен по предметот „Таргет-Тврдина“ случај за масовното прислушување и уништување на апаратите за следење на комуникациите.

Македонија | пред 7 години