Стануваш пред време? Плаќаш! Турција казнува нетрпеливи патници во авион

Патниците кои веднаш по слетувањето во Турција стануваат од своите седишта и се туркаат низ премините ризикуваат да бидат казнети со 60 евра. Турските воздухопловни власти најавија нова мерка со цел да ја подобрат безбедноста и редот при напуштање на авионите.Новата регулатива се однесува на патници кои:предвреме го откопчуваат безбедносниот појас,стануваат додека авионот се уште се движи по пистата,ги вадат рачните торби од горните шкафчиња пред дозвола за излегување.Според планот, патниците ќе треба да останат седнати и по исклучување на светлото за безбедносни ремени, сè додека екипажот не ги повика да го напуштат авионот.„Авиокомпаниите се должни да ги потсетат патниците да останат врзани до целосно запирање на авионот, а секое прекршување ќе се пријавува до воздухопловната управа и ќе следи финансиска казна“, објави германската новинска агенција DPA.Турските власти се надеваат дека со оваа мерка ќе се спречат нереди и потенцијални повреди, како и ќе се подобри безбедноста при слетување.

Свет | пред 11 месец

Куќен притвор за Нино Васев

Кривичниот совет при Основниот кривичен суд Скопје, постапувајќи по предлог на Основното јавно обвинителство Скопје, за определување мерки за обезбедување присуство против две лица, доставен до судот заедно со обвинителен акт за предметот во јавноста познат како „Онкологија“, по одржана седница во присуство на странките донесе решенија со кои:Против обвинетите Н.В. и Н.Н се определува мерка куќен притвор, а воедно останува во сила претходно определената мерка за претпазливост – одземање на патна исправа и забрана за издавање нова, заради постоење на околностите од чл. 165 ст. 1 т. 1 од ЗКП односно Опасност од бегство.Против овие решенија странките имаат право на жалба пред Апелациониот суд Скопје.

пред 11 месец

Црвениот крст објавува каде завршија донациите за Кочани

Црвениот крст се огласи со статус на социјалните мрежи:„Почитувани,Во рамките на апелот на Црвениот крст на РСМ за поддршка на настраданите од катастрофалниот пожар во Кочани од 16.03.2025, досега се собрани 156.542.967,00 денари.Заклучно со 23.05.2025 година, Црвениот крст на РСМ во неколку наврати изврши исплата на погодените семејства од пожарот во Кочани.Со овие средства досега е обесбедена финансиска поддршка на семејствата на починатите лица во вкупен износ од 52.038.593,00 денари.За настраданите лица од пожарот кои се лекуваа во странство вкупно се исплатени 44.163.258,00 денари а за настраданите кои се лекуваа во земјата вкупно се исплатени 11.247.250,00 денари.Вкупниот досегашен трансфер на средства изнесува 107.449.101,00 денари.Преостанатите средства во износ од 46.593.866,00 денари на сметката на Црвениот крст, по направените проценки кои се во тек, за тежината на повредите и прогнозите за времетрање на лекувањето и потребите на повредените, направени од стручни и компетентни институции во државата, а со цел објективизација и постигнување на целите и задоволување на реалните потреби на настраданите лица, Црвениот крст навремено ќе пристапи кон распредлба на средствата, за што благовремено ќе информираме.Црвениот крст уште еднаш се заблагодарува на сите досегашни донатори што придонесоа и сеуште придонесуваат за мобилизирање на хуманитарна поддршка за настраданите и нивните семејства.Црвениот крст продолжува со своите активности на терен со акцент на обезбедување на психолошка поддршка во обид да дадеме скромен придонес во надминување на последиците од катастрофалниот настан.“

Македонија | пред 11 месец

(Видео) „Не се поднесува веќе“ – туристички водич реагира поради глутници кучиња во Скопје

Туристичкиот водич Васко Марковски реагира поради многуте бездомни кучиња кои се групирани низ Скопје, а од кои, туристите се плашат да поминат.„Ова веќе не се поднесува, нема никаква смисла, да се работи како туристички водич во Градот Скопје со сите овие кучиња, секојднвно да се надвикуваш, да ги трпиш проблемите кои другите луѓе ги имаат со кучињата кои се овде. Приметете колку луѓе има во групата и колку кучиња има наоколу и колкави се кучињата“, вели Марковски во снимката.Тој додава: „Не знам дали Градот Скопје е свесен колку туристи има во градот, колку посетители има, и дека не му секому толку романтично да се занимава со овие кучиња наоколу. Не се сите толку добри, како што повеќето од нас мислат дека се, има кучиња кои ненадејно напаѓаат луѓе. Не им е пријатно во групата секојдневно во нив да се туркаат кучињата“.„Скопје1“ побара став од Градот Скопје предводен од градоначалничката Данела Арсовска, дали ги слушаат поплаките, како и дали имаат разбирање за тие кои се плашат од уличните животни кога се групирани.Oд Јавното претпријатие „Лајка“, велат дека кучињата во Центар мигрираат поради недостаток на храна.„Кучињата завршуваат на улица поради недостаток направна регулатива, но и отсуство на имплементација на постоечката со сите свои недоследности, односно целосно отсуство на соодветен инспекциски надзор.ЈП ЛАЈКА како надлежно прифатилиште се бави со последницата на целиот овој проблем, односно од како кучето ќе заврши на улица. Да бидеме попрецизни, должни сме да го заловиме кучето, да го сместиме привремено во нашето прифатилиште, да го подложиме на пропишаниот третман, и доколку не постои интерес за вдомување, видливо обележано да се врти на локацијата од која е заловено. И во тој поглед, нашата работа е завршена, особено ако се земе во предвид последниот мониторинг на популацијата на улични кучиња на територија на Општината, каде се заклучи дека на ниво на општина има 536 улични кучиња, од кои 88,46% се веќе третирани.Бројката на кучиња на должен километар е 2.26 кучиња што претставува пониска популација на кучиња на должен километар од просекот за град Скопје. Проблемот во Општина Центар се продлабочува, имајќи го во предвид фактот што кучињата постојано мигрираат, па општината како место со најголем извор на храна, но и можеби најпријателско расположение спрема бездомните кучиња, е територија на која се упатуваат и единки кои не потекнуваат од тие локации, односно имаат ушни маркици од други општини“, велат од „Лајка и додаваат:„Со оглед на фактот дека не сме во можност да ги згрижиме сите кучиња од улица и трајно да ги сместиме поради недостаток на капацитет (во Скопје се проценува бројка од 6000 единки, а ЛАЈКА е регистрирана за 140) , но и поради тоа што истото би било спротивно на позитивните правни прописи, постапуваме единствено со цел третман, односно заловување на кучиња без ушни маркици, кои не го поминале третманот, и по документирани пријави за каснување по налог на Агенцијата за храна и ветеринарство. Запознаени сме со проблемот на господинот Васко Марковски, и во повеќе наврати постапивме и ги вратиме кучињата во општините од каде се заловени според ушните маркици и нашата евиденција, меѓутоа истите повторно се враќаат во Центар и повторно ги придружуваат туристите, кои веројатно се пријателски расположени спрема нив. Во истиот момент кога капацитетите ќе дозволат, ќе преземеме мерки да истите бидат заловени и сместени во стационарот“.

Скопје | пред 11 месец

Трамп за ЕУ: Нашите преговори со нив не водат никаде! Препорачувам царина од 50%

Американскиот претседател Доналд Трамп предложи воведување царина од 50% врз Европската Унија почнувајќи од 1 јуни.„Европската Унија, која беше основана првенствено за да ги експлоатира Соединетите Американски Држави во трговијата, е исклучително тешка за соработка. Нивните високи трговски бариери, ДДВ, апсурдни казни за корпорациите, нетарифни бариери, манипулација со валути, неправедни и неосновани тужби против американски компании и друго доведоа до трговски дефицит со Соединетите Американски Држави од повеќе од 250 милијарди долари годишно - бројка што е целосно неприфатлива.Нашите преговори со нив не водат никаде! Затоа, препорачувам воведување рамна царина од 50% врз Европската Унија, почнувајќи од 1 јуни 2025 година. За производи произведени или склопени во Соединетите Американски Држави, царината нема да се применува. Ви благодарам за вашето внимание“, напиша Трамп.

Свет | пред 11 месец

Клиниката за онкологија со апел: Смиреност и доверба по обвиненијата

Универзитетската клиника за радиотерапија и онкологија упати апел до пациентите и нивните блиски да останат смирени и да имаат доверба во работата на клиниката, уверувајќи дека по отворањето на случајот „Онкологија“ се воведени драстични реформи.„Воведени се редовни онколошки конзилиуми и третманите се усогласени со меѓународни протоколи. Персоналот вложува максимални напори за здравјето и благосостојбата на пациентите,“ информираат од клиниката.Истовремено, Основното јавно обвинителство – Скопје поднесе две обвиненија за предметот „Онкологија“. Обвинени се поранешниот медицински Нино Васев и организациски директор за економското работење Нехат Нухи на клиниката, а четворица лекари за третманот на пациентите. Против двајца обвинети е побарана мерка притвор.

Македонија | пред 11 месец

Мајмунски сипаници регистрирани во Скопје

Двајца мажи, на возраст од 40 и 44 години, од Скопје се новите случаи на мајмунски сипаници регистрирани во земјава. Според податоците на здравствените власти, случаите не се поврзани меѓусебно, а ниту еден од пациентите не патувал во странство во последниот период.Како што информира директорката на Институтот за јавно здравје, д-р Марија Андоновска, еден од пациентите е веќе хоспитализиран на Инфективната клиника во Скопје и се следи неговата здравствена состојба. Вториот сѐ уште не се пријавил на ниту една од клиниките.Заменик-министерот за здравство, Јовица Андоновски упати апел до јавноста да не подлегнува на паника. Тој истакна дека здравствениот систем е подготвен и дека попладнево ќе заседава Комисијата за заразни болести со цел да се координираат понатамошните мерки.Мајмунските сипаници се вирусна болест слична на големите сипаници, но со поблага симптоматологија. Се предизвикува од вирусот Monkeypox, кој припаѓа на истото семејство на вируси како и големите сипаници (variola virus).Главно преку близок физички контакт со заразено лице, со телесни течности, промени на кожата (осип), или преку контаминирана облека и постелнина. Можно е и пренесување од животни на луѓе.Температура, главоболка, болки во мускулите, замор, отечени лимфни жлезди, и карактеристичен осип кој се шири низ телото. Инкубацискиот период е обично од 5 до 21 ден.Во повеќето случаи, мајмунските сипаници поминуваат самостојно за 2 до 4 недели. Сериозни компликации се ретки, но можно е да се појават кај лица со ослабен имунитет.Избегнување близок контакт со заразени лица, лична хигиена, носење заштитна опрема при контакт со сомнителни случаи, и следење на препораките од здравствените власти.

Македонија | пред 11 месец

Има пречки на патот, има простор каде може да направиме нешто, вели Калас за патот на Македонија кон ЕУ

Високата претставничка на ЕУ за надворешни работи и безбедносна политика и потпретседателка на Европската комисија, Каја Калас рече дека има механизми за да се надминат пречките за Македонија на патот кон Унијата.„Јасно е дека сакаме Северна Македонија да се привдижи кон овој пат и знаеме дека има пречки на него, го дискутиравме тоа, за да најдеме механизми за да се надминат тие пречки. Сметам дека има простор каде може да направиме нешто, не би навлегувала во детали. Ако се придвижиме, ќе објавиме“, рече Калас.Одговарајќи на прашањето, колку неинтеграцијата на Западниот Балкан е безбедносна закана, таа вели: „Ако ја видиме поголемата светска слика, јасно гледаме дека има разлика во големите сили, тектонски промени. Западен Балкан секако се дел од Европа и за нас е важно да бидеме целосно интегрирани. Тоа овозможува да се намалат тензиите во реонот на Западен Балкан, тоа е и безбедносно прашање“.

Македонија | пред 11 месец

Казна за Сојузот на стопански комори на Македонија поради давање на лажни и нецелосни податоци

Комисијата за одлучување по прекршок при Комисијата за заштита на конкуренцијата во поведена прекршочна постапка донесе решение за изрекување на прекршочна санкција за Сојузот на стопански комори на Македонија заради давање на неточни, нецелосни податоци и податоци кои можат да ја доведат во заблуда Комисијата за одлучување по прекршок.„Комисијата по допрен глас поведе постапка против Сојузот на стопански комори и против четири големи ланци на маркети заради постоење на сомневање за картелско здружување што е строго забрането согласно член 7 од Законот за заштита на конкуренцијата. Во текот на постапката иако претходно опоменати од страна на овластените лица од Комисијата за заштита на конкуренција дека давањето на неточни и нецелосни податоци е казниво согласно член 61 став (1) точка 10) од Законот за заштита на конкуренцијата, извршниот директор и потпретседателот на Комората свесно давале неточни податоци за улогата на Комората и нејзините овластени лица во организацијата на склучувањето на забранет договор (картел) помеѓу четирите големи ланци на маркети.При контрола на службената комуникација на овластените лица во Комората од страна на Комисијата за заштита на конкуренцијата јасно е утврдено дека истите имале активна улога во процесот на договарање и свесно давале неточни и нецелосни податоци заради избегнување на одговорноста за картелско здружување.Имајќи ги предвид тежината на прекршокот и последиците предизвикани од прекршокот, КОП износот на глобата го утврдува во висина од 0.8747%, од приходите на ССКМ остварени во 2024 година“, велат од Комисијата за заштита на конкуренцијата.

Македонија | пред 11 месец

Се навестува средба Македонија-Бугарија, Мицкоски: Можеби ќе чуеме каде исчезнаа 200.000 Македонци од Западна Буагарија од 1956 до 1965 година

Премиерот Христијан Мицкоски рече дека Македонија прифатила да седне на маса со Бугарија за време на НАТО самитот. Нас ќе нѐ претставува претседателката Гордана Сиљановска-Давкова, а на маса треба да бидат четири високи претставници на Европската Унија, но и членки на НАТО. Мицкоски вели „Ние сме фактор на стабилност и така треба да зрачиме, во регионот има земји кои сакаат да рефлектираат нестабилност. А добро би било да се слушне, да се седне на маса. Можеби од таа страна ќе чуеме аргументи што не сме ги знаеле, каде исчезнаа 200.000 Македонци во Западна Бугарија од 1956 до 1965 година“.„За време на Хашкиот самит на НАТО, да има билатерална средба на претставници од Македонија и Бугарија. Бидејќи таму ќе биде претседателката, тоа ќе биде одлична можност да има билатерална средба. На неа би присуствувала претседателката на Европската комисија, претседателот на Европскиот совет, високата претставничка за надворешна и безбедносна политика, генералниот секретар на НАТО, дел од земјите членки на НАТО, за да можеме да ги кажеме на билатерална средба аргументите. Од една страна едни аргументи, од друга страна други аргументи, ама кога ќе бидеме сите на иста маса, колку и да трае тоа, добро е да се разговара. Ние тоа веднаш го прифативме. И денеска повторно тоа, заедно со Калас расговаравме за тоа, и прифативме. Ќе се подготвиме најдобро што знаеме и мислам дека е добро да има таква средба каде ќе можат да се чујат аргументите на двете страни, особено на НАТО самитот“, рече Мицкоски.

Македонија | пред 11 месец

Каде исчезна Елон Маск?

Доналд Трамп и Белата куќа речиси престанаа да зборуваат за Илон Маск, човекот кого многумина го нарекуваа „најмоќниот неизбран лидер во светот“ пред неколку месеци.Откако потроши милиони долари за поддршка на изборната кампања на Трамп, Маск изгледаше како втор најмоќен човек во Белата куќа по победата на Трамп: ги намали владините трошоци и бројот на вработени, ги навреди советниците на Трамп и го донесе неговиот мал син во Овалната соба.Но, она што го кажа и направи стана толку непопуларно што на крајот сериозно му наштети на бизнисот и ги отуѓи дури и републиканските политичари.Во првите месеци од вториот мандат на Трамп, Илон Маск - најбогатиот човек во светот, најголемиот републикански донатор и основач на Одделот за владина ефикасност (DOGE) - беше во медиумите секој ден, вклучително и во македонските. Тој беше во Овалната соба, на состаноците на кабинетот, во Air Force One; отпушти илјадници владини службеници, пристапи до владини бази на податоци и ја „демонтираше“ USAID, американската агенција за странска помош.А потоа почна да исчезнува од американската политичка сцена.Според „Политико“, Трамп и републиканците во голема мера престанаа да зборуваат за Маск. Во февруари и март, Трамп го споменуваше на „Трут Сошуел“ околу четири пати неделно, а од почетокот на април воопшто не го споменува.Трамп, исто така, повеќе не го користи Маск за собирање донации: во февруари, неговото име се појави во скоро секоја е-пошта добиена од поддржувачите на Трамп, а само еднаш од март. Најблиските советници на Трамп и официјалните сметки на Белата куќа објавуваат значително помалку објави и фотографии со Маск.Маск, според „Вашингтон пост“, го променил и своето однесување онлајн. Во февруари, повеќе од 50% од неговите објави на социјалната мрежа X беа за DOGE, американската влада или политиката воопшто. Околу 13% од објавите го споменаа Трамп, а само 7% ја споменаа неговата компанија. Сега е обратно - повеќе од 50% од објавите се за технологијата и неговите компании, DOGE и политиката сочинуваат помалку од 20%, а Трамп се споменува само во 3% од објавите.Маск, исто така, неодамна објави дека ќе ги намали политичките донации. Според CNN, минатата година тој потрошил повеќе од 290 милиони долари за поддршка на Трамп и членовите на неговата партија, што го прави најголем донатор на Републиканската партија.Маск се приклучил на американската влада привремено. Му бил доделен статус на специјален владин службеник и според законот не му е дозволено да работи повеќе од 130 дена во годината.Тој период истекува на 30 мај, но Маск се повлече порано.Уште кон крајот на март, Трамп им кажа на членовите на кабинетот дека Маск наскоро ќе го намали своето присуство во Белата куќа и ќе се префокусира на работата. Во април, самиот Маск објави дека ќе поминува помалку време во Вашингтон и дека планира да доаѓа само двапати месечно.Професорот од Јеил, Џефри Соненфелд, за „Вашингтон пост“ опиша зошто Маск се вратил од политиката во деловниот свет: „Неговите први 100 дена не ги исполнија целите што ги објави. Тоа го чинеше скапо - и неговата компанија и неговиот углед“.Пред да влезе во владата, Маск вети дека ќе ја направи владата технолошки понапредна и поефикасна и дека ќе го намали федералниот буџет од седум на пет трилиони долари преку DOGE. Според официјалните бројки, DOGE заштедил 170 милијарди долари, но новинарите на BBC пронајдоа грешки и непотврдени податоци во извештаите.Според проценките, DOGE ги намалил трошоците за најмногу неколку десетици милијарди долари - што е занемарливо во контекст на буџетот на САД. Покрај тоа, постојат загрижености дека обидите на DOGE за намалување на трошоците всушност ќе ги зголемат трошоците.Масовните и - според зборовите на еден советник на Трамп за The Atlantic - „невидените“ отпуштања на државни службеници би можеле да доведат до големи правни трошоци за државата (поради тужби од синдикати и организации за граѓански права, забелешка), намалување на даночните приходи (поради отпуштања во Службата за внатрешни приходи, забелешка) и намалување на исплатите на други субвенции, како што се студентските кредити (поради отпуштања во Министерството за образование, забелешка).Додека е во Вашингтон, Маск очигледно не успеал да изгради политички сојузи и ги иритирал членовите на владата во чија работа се мешал. Советниците на претседателот за „Атлантик“ изјавија дека Маск останува во корист на Трамп, но Министерството за земјоделство на САД (DOGE) изгуби голем дел од своето влијание со неговото заминување. Министерството ќе продолжи да постои, но раководителите на федералните агенции веројатно значително ќе ги ограничат овластувањата на своите претставници.

Свет | пред 11 месец

Се бара притвор за Нино Васев и другиот директор на „Онкологија“

Основното јавно обвинителство Скопје, заедно со поднесените обвиненија во предметот „Онкологија“, до Основниот кривичен суд Скопје вчера поднесе и предлог за определување мерка притвор за двајца обвинети – медицинскиот директор Нино Васев и организациски директор Нехат Нухи на ЈЗУ Универзитетска клиника за радиотерапија и онкологија Скопје.„На обвинетите им се ставаат на товар повеќе кривични дела за кои се запретени високи затворски казни, а последицата од сторените кривични дела опфаќа и нанесување на значителна имотна штета на Буџетот на Република Северна Македонија, што може да влијае врз мотивот на обвинетите да се дадат во бегство.Во фазата на истрага за овие лица на сила беа мерки на претпазливост, но со поднесување на обвинението подигнат е степенот на сомнение за обвинетите, како и извесноста од кривично правна одговорност и од санкционирање за нивните противправни дејствија.Поради опасност од бегство како резултат на природата и тежината на предметните кривични дела за кои им се поднесени обвиненија, за тројца обвинети лекари – онколози предложени се мерки на претпазливост – привремено одземање на патна или друга исправа за преминување на државната граница односно забрана за нејзино  издавање“, велат од Обвинителство.Ваквите мерки според обвинителството се неопходни за непречено водење на кривичната постапка.

Македонија | пред 11 месец

Денеска сончево со температури до 31 степен

Денеска не очекува убав сончен и топол ден.Како што информираат од УХМР, попладне ќе има услови за изолирана појава на нестабилност со пороен дожд и грмежи.Минималната температура ќе се движи во интервал од 7 до 14 степени, а максималната ќе достигне до 24 до 31 степен.Во Скопје, сончево и топло со умерена облачност. Ќе дува слаб до умерен ветер од југозападен правец. Минималната температура до 13 степен, а максималната 30 степени.

Македонија | пред 11 месец

Партиите здружено и гласно молчат за одлуката на Уставен за укинување на дел од изборните правила

Независните кандидати и невладиниот сектор се изборија да немаат обврска, која тешко се постигнува, да соберат по 1 процент од вкупно запишаните избирачи во одделни општини и во Градот Скопје, за да се кандидираат за градоначалници и за советници во општинските совети.Ваква одлука донесоа заеднички поголемите партии во 2024 година, бидејќи ним им одговара независните да не им се мешаат во поделбата на „изборниот колач”.Според изборните математики, за кандидирање пратеници во Изборната единица 1, наместо 1.000, со измените од 2024 година беа потребни 3.372 потписи.Ваква одлука донесе Уставниот суд.Според Уставниот суд, постојната одлука значи ограничување на демократијата и уставното право на политички плурализам, како и нарушување на загарантираното активно и пасивно избирачко право.Од одлуката што ќе почне да важи од денот на објавувањето во „Службен весник“, произлегува дека македонското Собрание во пресрет на локалните избори на есен ќе треба да донесе ново законско решение со кое ќе се испочитува одлуката на Уставен.На потег е Министерството за правда, во чија надлежност е да предложи нови решенија откако партиите ќе постигнат консензус. Но, од партиите засега молк, иако наводно консултациите се во тек.Министерот за правда, Игор Филков, кон крајот на април изјави дека има време во наредните две недели да бидат донесени измените во Изборниот законик доколку има волја и расположение кај политичките партии.

Македонија | пред 11 месец

Наместо крофни, во Бања Лука на тезга се продавал кокаин

Брачен пар од Бања Лука, развил свој бизнис, па според сведоци, продавале кокаин во киоск каде што продавале и крофни.Брацо Кота (55) од Бања Лука и неговата сопруга Анѓелија Кота (33) со години продавале кокаин на подрачјето на Челинац и Бања Лука, а на судењето сега се откриени деталите од нарко бизнисот.Ова го потврдија сведоците на обвинителството пред Окружниот суд во Бања Лука, на судењето на брачниот пар, на кои им се суди за неовластено производство и трговија со дрога. Повеќето сведоци изјавија дека дрогата ја купиле од Браќа, со кого претходно се договориле преку апликациите Вибер и Инстаграм.Според наводите во обвинението брачниот пар купувале големи количини кокаин од луѓе што ги познавале во подрачјата на Бања Лука и Челинац од 2017 до 24 мај 2021 година и го препродавале на крајни корисници.Според обвинението, тие комуницирале преку телефон и апликациите Viber, Instagram и WhatsApp, користејќи шифрирани пораки за да се договорат за трансакции.

Свет | пред 11 месец

Денеска е Националниот ден на Власите

Денеска се обележува националниот ден на Власите. Во Македонскиот народен театар, вечер со почеток во 18 часот ќе биде одржана Свечена академија по повод одбележувањето на 120 години од Националниот ден на Власите.Настанот под слоганот „120 години – Столб на балканската историја, сегашност и иднина“ е во организација на Министерството за односи меѓу заедниците во соработка со влашките здруженија, културни институции и јавни организации.Оваа манифестација, како што информираат од Министерството, претставува можност да се прослави истрајноста, идентитетот и културното богатство на влашкиот народ, кој преку генерации оставал длабок печат во општествениот развој на Македонија.На настанот ќе се обратат премиерот Христијан Мицкоски, вицепремиерот Иван Стоилковиќ и претседателот на ПВМ, Стерјо Папули.Свечената академија ќе биде збогатена со културно-уметничка програма. Манифестацијата ќе биде отворена со настап на Хорот „Злата Мегленска", настапи на уметниците Марија Костова, бендот „Бона Деа" и Елена Џика од Скопје. Публиката ќе има можност да ужива и во изведбите на „Fiturlji di Shtip - Пеперутки од Штип" и Леона и Ребела Јанкоски дует од Крушево, настап на дуетот Александар и Дац, како и изведба на групата „Армањ Пирифањ – Горди Власи" од Скопје. 

Македонија | пред 11 месец

Kaja Kaлас во официјална посета на Македонија

Високата претставничка на ЕУ за надворешни работи и безбедносна политика и потпретседателка на Европската комисија, Каја Калас денеска ќе престојува во официјална посета на Македонија, во рамки на нејзината тридневна турнеја низ Западен Балкан.Таа од Белград порача дека ги разбира фрустрациите на Западниот Балкан.Изјави дека турнејата низ регионот е со јасна мисија, да ги охрабри кандидатките и најави дека ќе се ангажира со владите во Србија, Косово и Македонија на патот кон Унијата.За време на посетата на Македонија, Калас се очекува да ја потврди посветеноста на ЕУ кон регионот и ќе пренесе пораки за приоритетите на ЕУ во надворешната политика и безбедноста.Како што информираат од Делегацијата на ЕУ во земјава, за време на посетата Калас ќе се сретне со премиерот Христијан Мицкоски и членовите на Владата, по што ќе следи заедничка прес-конференција со премиерот во Владата. Подоцна, заедно со министерот за надворешни работи и трговија, Тимчо Муцунски и министерот за одбрана, Владо Мисајловски, Калас ќе учествува на отворањето на дијалогот за безбедност и одбрана меѓу ЕУ и Македонија во рамките на Партнерството за безбедност и одбрана потпишано во ноември 2024 година, кој ќе се одржи во Министерството за надворешни работи во 14 часот. Овој дијалог, како што информираат од Министерството за надворешни работи и трговија, претставува важен чекор во продлабочувањето на соработката меѓу Република Македонија и Европската Унија во областа на надворешната и безбедносната политика, како и во понатамошната интеграција на земјата во европската безбедносна архитектура.

Македонија | пред 11 месец

За прв пат во Македонија потврдени два случаи на мајмунски сипаници

Институтот за јавно здравје синоќа потврди дека се регистрирани првите два лабораториски потврдени случаи на мајмунски сипаници (Monkeypox) во земјава.Пациентите биле упатени од Клиниката за кожни болести како сомнителни случаи, а истовремено било побарано да се извршат и испитувања за ХИВ, сифилис и херпес. По извршени анализи со три различни методи, Институтот потврди дека кај двајцата пациенти е детектиран вирусот на мајмунски сипаници.„Согласно протоколите, веднаш по добивањето на резултатите, беа известени сите надлежни институции, вклучително и Министерството за здравство, Клиниката за кожни болести и Инфективната клиника“, информираат од ИЈЗ.Ова е првпат во земјава лабораториски да се потврдат случаи на ова заразно заболување.Епидемиолозите од Институтот спроведуваат анкета со цел прибирање на податоци релевантни за следење на потенцијалното ширење на вирусот. Се препорачува позитивните пациенти да се јават на Инфективната клиника за понатамошно следење и третман. Според надлежните, нема простор за паника, бидејќи институциите дејствувале брзо и координирано.„Докторот кој ги прими пациентите веднаш ги информираше за резултатите, а стручните лица епидемиолози од Институтот се вратија на работа и пристапија кон епидемиолошко анкетирање на двете лица. Се добиваат податоци кои се исклучително важни за понатамошно постапување“, велат од ИЈЗ.Мајмунските сипаници се вирусна зооноза, односно болест која се пренесува од животни на луѓе, но може да се пренесе и меѓу луѓето. Причинети се од вирус сличен на вирусот на сипаници, но со релативно поблага клиничка слика. Симптомите вклучуваат треска, главоболка, болки во мускулите, зголемени лимфни жлезди и карактеристичен осип што најчесто започнува на лицето, а потоа се шири на другите делови од телото.Вирусот најчесто се пренесува преку близок контакт со заразено лице, телесни течности, кожни лезии или преку загадени предмети (облека, постелнина). Болеста вообичаено трае 2 до 4 недели, а најголем дел од пациентите се опоравуваат без последици.„Вечерва се мобилизирани сите институционални капацитети за надминување на последиците од ваквата појава и се преземаат сите превентивни мерки. Во текот на утрешниот ден ќе следат подетални информации за јавноста”, велат од ИЈЗ.

Македонија | пред 11 месец

Мајка на жртва од Кочани до Мицкоски: Ве повикуваме да дојдете, да запалите свеќа и да бидете со народот

Се заострува јавната реакција по трагедијата во Кочани. Мајка на едно од починатите деца, Габриела Наунова, јавно му се обрати на премиерот, Христијан Мицкоски, со емотивна и остра порака објавена на Фејсбук. Таа го повика да дојде лично во Кочани, да запали свеќа на гробовите на загинатите и да се соочи лице в лице со болката на семејствата.Време е да покажете одговорност и човечност. Дојдете лично во Кочани. Запалете свеќа на гробовите на нашите убиени ангели. Не беа болни – беа убиени. Немате изговор да не бидете тука, со народот, со семејствата, лице в лице со болката. Знаеме дека се видовте со дел од родителите, но другите не беа ни во психичка состојба да дојдат. Тоа не е оправдување за вашето физичко отсуство. Доста беше манипулации со нас. Ако имавте барем малку грам жал и човечност, како што го охрабрубвате сопствениот син да продолжи напред – знаете дека патот ќе му биде тежок на Машински факултет – така и мојата ќерка имаше сон. Таа следната година требаше да матурира и да се запише на Економски факултет во Словенија. Наместо денес да ја бодрам и подготвувам за животот, со мајчинско, скршено, но борвено срце ветувам: Правдата за нејзиното убиство ќе биде тешка, но мора да излезе на виделина. Од таа кобна ноќ добивме само молк, игри и празни зборови“, напиша Габриела Наунова, мајка на загинатата Надица.На крајот, мајката додаде: „Народот не е глуп, бараме вистина, правда и одговорност“.[caption id="attachment_329136" align="alignnone" width="711"] Screenshot[/caption]

Македонија | пред 1 година

Славески како гувернер ќе следи партиски директиви, а не реална монетарна политика, вели Филипче

Трајко Славески, како гувернер на Народната банка, нема да биде независен и нема да води вистинска и балансирана монетарна политика.Ова е оценката на претседателот на СДСМ, Венко Филипче, за одлуката на претседателката на државата, Гордана Сиљановска-Давкова, Славески да го предложи за гувернер.Со ваквиот предлог, според Филипче, ВМРО-ДПМНЕ докажува дека при одлучувањето и водењето на државата нема интерес да им служи на граѓаните, туку на сопствените теснопартиски интереси.„Со предлогот Трајко Славески да биде гувернер на Народната банка, и последната институција која ја водеше експерт ќе биде партизирана“, вели Филипче.Според него, ваквиот избор ќе ја доведе во ризик целата макроекономска политика, бидејќи, како што истакна, Славески нема да води монетарна политика каква што ѝ е потребна на државата, туку ќе ги следи партиските директиви.Претседателот на СДСМ, Венко Филипче, попладнево е со членовите и граѓаните на Желино, Брвеница и Гостивар.

Македонија | пред 1 година

Да лицитираше Бујар со откажување од криминалот на својата партија како што лицитира со македонскиот идентитет, државата ќе беше веќе во ЕУ, вели ВМРО-ДПМНЕ

„Што има против Бујар Османи од сојузништвата со Америка и Британија? Никој не се откажува од ЕУ патот, ниту бара алтернативи, само ги зајакнува дипломатските врски со држави значајни за нас. Истовремено Бујар Османи е најмалку повикан да говори на оваа тема откако како негово наследство имаме продадени интереси и идентитет на Македонците и пар фризерки испратени во дипломатија заедно со распадната и крајно партизирана мрежа во која дипломатијата е туризам и печалбарство, а не работа во функција на државата“, вели ВМРО-ДПМНЕ и додава:ДУИ мора да се соочи со реалноста. И конечно да сфати дека продавањето на македонските интереси со прифаќањето на францускиот предлог нема да се заборави од страна на Македонците и ако сакаат да се искупат за тоа треба да покажат јасна промена на односот кон своите сограѓани и нивно почитување. И тука не сакаме да потсетуваме за тендерите за организација на настанот на ОБСЕ што го организираше Бујар, ниту за ред други корупциски афери на неговата партија за кои Бујар измеѓу две глумења на европеец ќе мора да се произнесе. И конечно нема ништо погрешно од ставот на нашата надворешна политика за меѓусебна почит, за взаемна и заедничка иднина во европското семејство со гарантирани права и идентитет за сите. Во меѓувреме, ако Бујар се осети нешто загрозен и вознемирен од сето ова, нека отиде како Рама и нека се насмее со едно селфи, очигледно Рама им делува како апче за смирување. Македонија има јасен став и тоа што Бујар не се согласува со него е првиот сигнал дека е добар за државата.Да лицитираше Бујар со откажување од криминалот на својата партија како што лицитира со македонскиот идентитет државата ќе беше веќе во ЕУ.Да слушаше Бујар дека е потребен консензус за францускиот предлог и дека не смее да го прифаќаат како што го слушаше и беше партнер со Артан Груби и останатите, и нем слушател при корупцијата во неговата влада и партија, ние веќе ќе имавме европска држава, а не распадната и корумпирана со систем кој е затруен од таквите како него и дел од неговите сопартијци и поранешни колеги од сите партии и неговата.Очигледно Бујар и од тоа би се откажал се до откажување од достоинството и на последниот Македонец. Така е најлесно, нели?

Македонија | пред 1 година

Нема фотографија

Истрага против 11 лица од кои седум полициски службеници

По неколкумесечна предистражна постапка што ја спроведуваше јавен обвинител од Специјализираното одделение за гонење на кривични дела сторени од лица со полициски властувања и припадници на затворската полиција во соработка со Одделот за внатрешна контрола, криминалистички истраги и професионални стандарди при МВР, денеска под раководство на предметниот обвинител, полициски службеници од Единицата за корупција при Одделот за сузбивање на организиран и сериозен криминал извршија претреси на 15 локации во Скопје, Штип и ГП Долно Блаце. Притоа се приведени 11 лица, а две лица се недостапни на органите на прогонот.Постапувајќи по кривичната пријава, јавниот обвинител донесе Наредба за спроведување на истражна постапка против 11 лица од кои седум полициски службеници. За три лица постои основано сомнение дека сториле продолжено кривично дело Примање награда за противзаконито влијание, две лица сториле продолжено кривично дело Примање поткуп, додека на петмина им се става на товар дека сториле по едно кривично дело Давање поткуп, на едно лице дека ја злоупотребило својата службена положба и овластување и сторило кривично дело Употреба на исправа со невистинита содржина, едно лице сторило кривично дело Злоупотреба на службената положба и овластување и едно лице сторило кривично дело Фалсификување исправа.Според содржината во диспозитивот на наредбата, осомничените физички лица од месец јануари до месец април годинава во Штип, со искористување на своето претпоставено влијание врз осомничените полициски службеници од ГП Блаце и инспектори од Секторот за странци во Штип, со кои имале претходно воспоставени пријателски односи, во најмалку четири наврати овозможиле на најмалку пет странски државјани кои незаконски престојувале во РСМ непречено да го регулираат својот престој. Осомничените физички лица за определена награда посредувале и преземале дејствија со цел турските државјани чиј рок за одобрен престој заради студирање им бил истечен да се стекнат со дозвола за одобрен привремен престој во РСМ. Осомничените полициски службеници прифаќајќи го влијанието од посредниците, со намера да прибават за себе имотна корист, ги пречекориле границите на своите службени овластувања и не ја извршиле својата службена должност. Имајќи предвид дека незаконскиот престој согласно одредбите од Законот за странци е прекршок за кој е предвидена прекршочна санкција – глоба во износ од 50 до 250 евра во денарска противвредност, осомничените го оштетиле и Буџетот на РСМ.Јавниот обвинител имајќи ги предвид околностите, оцени дека се исполнети условите и до судијата на претходна постапка при Основниот кривичен суд Скопје ќе поднесе предлог за определување на мерката притвор за петмина осомничени, додека за осум лица предлог за определување мерки на претпазливост.

Македонија | пред 1 година

Истрагата за Кочани при крај: На распит биле над 300 лица

Републичкиот обвинител, Љупчо Коцевски, посочува дека истрагата за пожарот во Кочани, од кој животите ги загубија 62 лица, е при крај. Засега, нема нови лица кои се осомничени. Распити се направени на над 300 лица, тврди тој.„За десет дена треба да заврши истрагата, а кон средината на јуни, се очекува јавно обвинителска одлука. Во моментов се испрашуваат сведоци, осомничени, се прибираат докази. Распрашани се можеби над 300 лица“, рече Коцевски.

Македонија | пред 1 година

„Не прашувај каде треба да бидеш во сабота, одиме во Кочани, не смееме да ги оставиме сами!“, велат од „Кој е следен?“

Иницијативата „Кој е следен?“ и оваа сабота најавува дека ќе оди да ги поддржи родителите во Кочани, за што организира и превоз.„Ниеден човек не е остров сам за себе, секој човек е дел од континентот, дел од светот. Смртта на секој човек нè намалува сите нас, бидејќи и ние сме опфатени од општеството. Затоа не прашувај каде треба да бидеш во сабота? Одиме во Кочани. Не смееме да ги оставиме сами! Протестот во Кочани почнува во 16:05 кај Паркот на Револуцијата“, стои во најавата.Ова е втора сабота по ред, како тие им се придружуваат на родителите кои ги изгубија своите чеда во страшната трагедија. Тие на улиците, со молк испраќаат силна порака - дека следат и чекаат одговорност.

Македонија | пред 1 година

„Страшен беше моментот“, велат очевидци за несреќата од утрово, каде автомобил удрил во девојка на тротинет

Возач на „БМВ“ се судрило со лице кое управивало електричен тротинет. Несреќата се случила на улицата „Јордан Мијалков“, зад Рамстор. Очевидци за „Скопје1“ велат дека ударот бил силен, па по кусо време итно дошла и Брза помош.„Страшен беше моментот, автомобилот удри во тротинетот на кој беше девојка“, велат очевидци.Од МВР со куса информација.„Пријавено е дека се случила сообраќајна несреќа помеѓу патничко возило „бмв“ со скопски регистарски ознаки управувано од М.З.(22) од Скопје и електричен тротинет „шаоми“ управуван од С.А.(22) од Скопје“, велат од МВР.Во несреќата со телесни повреди се здобила С.А. констатирани во Комплекс клиники „Мајка Тереза“ во Скопје.Извршен бил увид од увидна екипа на СВР Скопје.

Македонија | пред 1 година