Тргна возот со оставки во обвинителството: Наташа Крстевска Цалева поднесе оставка од местото на Хајрулахи

По само седум дена откако беше избрана, Советот на јавните обвинители на Македонија денеска ќе треба да ја разгледа и констатира оставката на обвинителката Наташа Крстевска Цалева. Таа на 10 февруари на предлог на државниот обвинител Љупчо Коцевски беше избрана за раководител на Вишото јавно обвинителство во Скопје, по супспензијата на обвинителот Мустафа Хајрулахи.„Скопје1“ побара став од Советот на јавни обвинители, непосредно пред нивната седница која ќе се одржи денеска - оттаму очекуваме одговор.Изборот на Крстевска-Цалева беше проследен со различни коментари. Владата тврди дека ова е незаконско.Таа не ги издржа критиките и поднесе оставка. Коцевски поведе дисциплинска и поведе постапка против досега првиот човек на ова обвинителство, Мустафа Хајрулахи, заради наводен мобинг кон свои колеги. Хајрулахи во јавни настспи тврди дека е жртва на притисок. Оддалечен од функцијата, на предлог на Коцевски е и досегашниот заменик Јове Цветановски.

Македонија | пред 1 година

Зеленски не е на масата каде се одлучува за Украина, Русија сака да се „смири“ со САД

Пред почетокот на преговорите за ставање крај на војната во Украина, се сретнаа американскиот државен секретар Марко Рубио и рускиот министер за надворешни работи Сергеј Лавров.Други американски претставници присутни на разговорите во Ријад се советникот за национална безбедност Мајк Валц и пратеникот за Блискиот Исток Стив Виткоф. На руска страна се политички, разузнавачки и деловни личности на највисоко ниво, меѓу кои и помошникот на претседателот Јуриј Ушаков и шефот на Фондот за државна сопственост Кирил Дмитриев, кои одиграа клучна улога зад сцената во неодамнешниот договор за ослободување на американските затвореници, пишува Си-Ен-Ен.Американската и руската делегација ги зазедоа своите места на масата во Ријад, но клучната земја не е на разговорите: Украина. На денешните преговори не присуствуваат ниту Володимир Зеленски, ниту кој било друг украински функционер. Би-Би-Си јави дека Зеленски денеска е во Турција, каде ќе се сретне со претседателот Реџеп Таип Ердоган.Иако САД нагласуваат дека ова не е почеток на мировните преговори, тие сепак би можеле да бидат на повидок, пишува Би-Би-Си.Русија вели дека нејзин приоритет е да започне нормализирање на односите со САД.

Свет | пред 1 година

Стојаноски: Ќе има надзорна расправа која ќе ги повика на одговорност сите инволвирани кои во изминатиот период не направиле ништо за аерозагадувањето

Моето процедурално обраќање е на членот 1 од Деловникот. Ете повеќе часови слушавме различни дискусии донекаде и театар зошто така, зошто вака. Јас можам да кажам дека го почитувам вашиот повеќечасовен говор и сите дискусии одеа во насока да има надзорна расправа која е неопходна, вели пратеникот од пратеничката група на ВМРО-ДПМНЕ, Бојан Стојаноски во текот на вчерашната седница на Комисијата за мандатно-имунитетни прашања.Тој зборувајќи во контекст на аерозагадувањето и бараната надзорна расправа во врска со истото, потврдува дека ќе има надзорна расправа која притоа ќе служи за да се добијат конкретни одговори, а не да се креира политика.„Ќе има надзорна расправа во која ќе бидат повикани на одговорност согласно Деловникот и дејствијата што ќе произлезат од надзорната расправа за сите инволвирани во изминатите периоди кои не направиле ништо за аерозагадувањето. Но, нема да правиме надзорна расправа за да фрламе некому гума за спасување и да му спасуваме политичка кариера или да го спасуваме од одговорност“, концизен е Стојаноски.Стојаноски потенцира дека таквата надзорна расправа која ја бара опозицијата ќе биде организирана согласно Деловникот и врз неа ниту еден чинител во Собранието нема да може да остави дамка.

Македонија | пред 1 година

(Видео) „За првпат ќе сретнам човек кој без причина убива друго живо битие“ - најавен протест пред Кривичен

Следната среда, пред Кривичен суд, ќе се одржи протест каде ќе се бара правда за убиеното куче Феликс. Протестот го организира Мери Јордановска, активистка за правата на животните.„Во среда, на 26.02.2025 година, во 10 часот, после мои 25 години активизам за правата на животните, за првпат ќе сретнам човек кој без причина убива друго живо битие. Го мава со стап десетици пати по главата, го врзува со жица и го фрла во контејнер, без да знае дека Феликс е борец и дека одбива да умре. Феликс се бори за својот живот 52 дена. Во овие 52 дена не страда само тој. Страдаат сите кои се грижат за него. Негователите во ЈП „Лајка“ си ги немаа видено децата 52 дена оти деноноќно беа над него. Откако Феликс нѐ напушти, истите тие луѓе не можеа да се вратат на работното место, по траумите што ги преживеаја. Во оваа група ќе ги видите и нивните сведоштва.Во сите овие години сум била сведок на труења, крвнички претепувања на животни, многу ми умирале на раце... и секогаш сум велела, сакам еднаш, само еднаш, во оваа ера на неказнивост, да му погледнам в очи на убиецот, небаре ќе видам чудовиште. Сега, за прват, насилството врз животните доби лик. И име. Љубе Крстевски. На слика – сосема нормален човек, татко, сопруг. Во реалноста – човек кој нема контрола врз својот бес, а тоа е сосема прифатливо за луѓето околу него кои му помагаат во насилниот чин.Во среда, на 26 февруари, во 10 часот јас ќе бидам пред Основниот кривичен суд, да го погледнам в очи Љубе Крстевски. И со сета своја совест и емпатија кон секое живо битие, без тронка грижа на совест гласно и јасно ќе побарам затворска казна за човекот кој агресивно, без никаква причина, маваше по главата на живо битие кое не пружаше никаков отпор, за потоа да го врзе со жица и да го фрли во контејнер, мислејќи дека е мртво. Феликс успеа да живее 52 дена со една причина – да ни даде до знаење дека сакаше да живее. И дека можеби некогаш ќе се најде некој што ќе му пружи љубов и убав живот.Феликс не го дочека тоа. Но, додека постои неказнивост, во иднина ќе имаме уште стотици како него.Затоа, во негово име, ве повикувам на собир со едно единствено барање – да се почитуваат и соодветно да се толкуваат законските одредби од Кривичниот законик. Има причина зошто секаде во светот е предвидена затворска казна за насилниците кои смртно повредиле и усмртиле живо суштество, без никаква причина. Насилството раѓа ново насилство, а често не се бира дали се работи за човек или животно“, наппиша Јордановска.

Скопје | пред 1 година

Ако срамот имаше второ име ќе се викаше Кацарска-Трпков, омилените судии на СДС и ДУИ, вели ВМРО-ДПМНЕ

„Злоупотреби со притвори, изживување со судења кои траат по 12 часа, неосновани апсења, стигматизирања, политички говори во судница, уништувања на семејства и поигрување со нивните судбини, споро убивање на правдата се дел од политичките злодела на дел од партиските судии на Заев, Филипче, СДС и ДУИ“, вели ВМРО-ДПМНЕ и додава:Ако срамот имаше второ име сигурно тоа ќе се викаше Добрила Кацарска и Илија Трпков.Со вистинско чудење сеуште се раскажуваат телефонските повици и нарачки кои овие политички извршители ги добивале од Владата на Заев и Филипче во процесите кои ги водеа, а чија цел беше наместо докажување на правда, силна политичка пресметка.Исто како што се раскажува и сервилноста, понизноста и бесрамноста со која истите судии, слуги на СДС и ДУИ, ги кршеа и газеа процедурите, законите и носеа одлуки со кои зацрнуваа семејства. Се натпреваруваа кој ќе направи поголема штета врз ВМРО-ДПМНЕ во исто време кога милионскиот грабеж на Македонија од Ахмети, Филипче и Заев остануваше неказнет.Нивните одлуки беа срам и преседан за судството и обвинителството, а за многу помали работи истите тие не само што требаа да бидат разрешени од судии, тие требаат и мораа да се соочат и со кривична одговорност и да бидат ставени на столбот на срамот како ја понижуваа и сопираа правдата.На сето ова мора да му дојде крај. Токму затоа СДС не ги поддржува судските реформи и не поддржува смена на Коцевски. Затоа што тие се последната брана за правдата која мора и ќе биде победена.

Македонија | пред 1 година

Намалување на ДДВ за струја на 5% ќе донесе значително намалување на сметките на граѓаните, вели СДСМ

„Прифаќање на предлогот на СДСМ за намалување на ДДВ за електрична енергија од 18% на 5%, ќе донесе значително намалување на сметките за струја на над 600.000 домаќинства“, велат од СДСМ и додаваат:За сметка од 3.000 денари, заштедата за граѓаните ќе изнесува околу 400 денари месечно.Во услови кога животот станува сè поскап, сè повеќе семејства се соочуваат со финансиски тешкотии мерката на СДСМ за намалување на ДДВ за струја на 5% ќе донесе директно финансиско олеснување за граѓаните.Евростат измери дека граѓаните на Македонија плаќаат најскапа струја во регионот.Владата на Мицкоски покажа голема неспособност и незаинтересираност, наместо да им помогне на граѓаните ги остави сами.Граѓаните се жалат дека јануарските сметки за струја им се зголемени од 20% до 30%, со што им е зададен уште еден сериозен удар врз нивните семејни буџети по серијата поскапувања на цените на производите, на храната но и на парното.СДСМ ја повикува Владата и сите пратеници во македонското Собрание, да го прифати предлогот на СДСМ за намалување на ДДВ на струја од 18% на 5%, за да им се помогне на граѓаните да го прребородат овој тежок период.

Македонија | пред 1 година

Откриени детали од заклучоците на европските лидери во Париз, Макрон разговараше со Трап

Францускиот претседател Емануел Макрон изјави дека разговарал со американскиот претседател Доналд Трамп и со украинскиот претседател Володимир Зеленски за да ги информира за вчерашниот собир на европските лидери во Париз.Да потсетиме, лидерите на Обединетото Кралство и на Европската унија се состанаа вчера на вонреден самит за да разговараат за Украина. Извештаите покажуваат дека земјите биле поделени околу тоа дали Европа треба да испрати мировници во Украина во случај на договор за прекин на огнот.Макрон доцна синоќа на социјалната мрежа Х напиша дека мировниот договор мора да биде проследен со силни и кредибилни безбедносни гаранции за Украинците.- На ова ќе работиме заедно со сите Европејци, Американци и Украинци. Тоа е клучот, напиша Макрон.Белата куќа ги опиша разговорите меѓу Макрон и Трамп како пријателски, додека Зеленски рече дека се согласиле дека сите безбедносни гаранции за Украина мора да бидат силни и сигурни.- Убедени сме дека Европејците мора да инвестираат подобро, повеќе и заедно во својата безбедност и одбрана и за денес и за иднината. За таа цел, Европејците сакаат да го забрзаат спроведувањето на сопствената агенда за суверенитет, безбедност и конкурентност. Работата ќе продолжи врз основа на предлозите на Европската комисија, како за поддршка на Украина, така и за развојот и инвестирањето во нашата одбрана. Оваа програма, дефинирана во 2022 година на самитот во Версај, едноставно мора да се спроведе. Одлуки, акции, кохерентност. Брзо. Ќе ги продолжиме овие дискусии во наредните денови“, напиша Макрон.

Свет | пред 1 година

Почнуваат преговорите во Ријад, Русите пристигнуваат полни со себе: Седнувме на маса само со САД

Јуриј Ушаков, советник за надворешна политика на рускиот претседател Владимир Путин, по неговото пристигнување во саудискиот главен град Ријад изјави дека разговорите за Украина ќе бидат исклучиво билатерални, пренесе руската државна новинска агенција РИА.„Дојдовме да преговараме само со американските колеги. Главната работа е да започне вистинска нормализација на односите меѓу нас и Вашингтон. Тоа се билатерални разговори, чисто билатерални, во Ријад не може да има трилатерални разговори.“, рече Ушаков, цитиран од РИА.Високи руски и американски функционери треба да се сретнат во Саудиска Арабија на разговори чија цел, според Москва, е обновување на билатералните односи, поставување на основата за преговорите за Украина и средбата меѓу Владимир Путин и Доналд Трамп.И двете страни, сепак, го минимизираа значењето на очекуваните резултати во Украина, по три години речиси целосно замрзнување на нивните односи поради војната. Украинците и Европејците стравуваат дека Вашингтон ќе ги напушти, што би можело да бара договор со Русија зад нивниот „грб“, наведуваат агенциите.Кремљ најверојатно ќе биде подготвен да разговара за безбедноста на европскиот континент како целина, откако претходно повика на повлекување на силите на НАТО од Источна Европа и смета дека инвазијата на Украина е одговор на егзистенцијалната закана што ја гледа од НАТО.Состанокот, на кој беа исклучени Украинците и Европејците, доаѓа во време на дипломатски превирања предизвикани од минатонеделниот повик Трамп-Путин, кој го наруши единството на Западот против Москва.Европејците се состанаа во понеделникот во Париз за да разговараат за нивната стратегија, додека украинскиот претседател Володимир Зеленски пристигна во Турција за да се сретне со неговиот колега Реџеп Таип Ердоган во вторникот и во Саудиска Арабија во средата. Американскиот специјален пратеник за Украина, Кит Келог, во вторник ќе отпатува за Полска, а во четврток во Киев.Од американска страна, државниот секретар Марко Рубио во понеделникот беше во Саудиска Арабија, каде што беше примен од престолонаследникот Мохамед бин Салман.Според портпаролот на рускиот претседател Дмитриј Песков, средбата во Ријад „ќе биде посветена и на подготовка на можни преговори за решение на украинскиот конфликт и организирање средба меѓу двајцата претседатели“ Путин и Трамп.Блискиот исток, исто така, би можел да биде на преговарачка маса, според рускиот министер за надворешни работи, во време кога Русите и Американците се натпреваруваат во регионот, а Москва видела дека нејзините сојузници Башар ал Асад во Сирија и Иран доживуваат неуспеси во последните месеци.Володимир Зеленски во понеделникот повтори дека Украина „нема да признае“ каков било договор постигнат без него и изрази жалење што не бил однапред информиран за разговорите во Ријад.

Свет | пред 1 година

(Видео) Несреќа во Торонто: Авион се преврте при слетување, нема жртви, снимката е неверојатна

Авион на „Делта“ не усеа да слета на меѓународниот аеродром Пирсон во Торонто, при што се повредени осум лица, соопштија официјални лица, а телевизијата Си-Би-Си објави дека авионот се превртел при слетувањето.Видеото објавено од News Channel3 Now покажува авион на Delta Air Lines на писта покриена со снег, додека луѓето се оддалечуваат од авионот. Од осумте повредни, еден патник е во критична состојба, изјави претставник на регионалната служба за брза помош Лоренс Саиндон.Аеродромот Пирсон во Торонто соопшти дека е свесен за инцидентот со авион на Делта кој пристигнува од Минеаполис и дека екипите за итни случаи реагираат. Сите патници и членови на екипажот се евидентирани, се вели во соопштението на аеродромот на X.Претставниците на Делта сè уште не одговориле на барањето за коментар.„Имаше авионска несреќа. Меѓутоа, во овој момент не ги знаеме околностите околу тоа“, рече наредничката Сара Патен од регионалната полиција Пил во Онтарио.„Од она што го разбрав, повеќето од патниците се надвор и неповредени, но ние сè уште се обидуваме да бидеме безбедни, па сè уште сме на местото на настанот“, рече Патен. Веб-страницата на аеродромот Пирсон во Торонто покажува дека повеќе од четириесет летови кои поаѓаат и пристигнуваат на аеродромот се одложени. Американската федерална управа за авијација соопшти дека дошло до прекин во сообраќајот на аеродромот.Канадскиот одбор за безбедност на транспортот, независна агенција која ги истражува воздушните несреќи, сè уште не одговорила на барањето за коментар.Несреќата во Канада доаѓа по неколку други неодамнешни несреќи во Северна Америка кон крајот на јануари. Армиски хеликоптер се судри со патнички авион во Вашингтон, при што загинаа 67 лица, додека најмалку седум лица загинаа при уривање на медицински транспортен авион во Филаделфија.

Свет | пред 1 година

Се враќаат маските, забрана за посета во болниците

Забрана за посети на хоспитализирани пациенти, а во болниците и клиниките задолжително да се носат маски и да се одржува дистанца, препорачува Министерството за здравство. Оваа препорака е испратена до сите јавни установи по укажување на Комисијата за заразни болести за да се спречи ширењето на грипот.Од Комисијата велат дека засега не планираат дополнителни мерки за заштита од грипот бидејќи нема преоптоварување на болничките капацитети, а бројките на новозаболени стагнираат.Од Министерството за здравство пак потенцираат дека предложените мерки се од исклучителна важност за здравјето на пациентите и здравствените работници, согласно на тоа што актуелните епидемиолошки податоци укажуваат на пик на сезонскиот грип.За периодот од 3 до 9 февруари, во земјава се пријавени 2 880 случаи на заболени од грип или заболувања слични на грипот, што е за 5,1 отсто помалку во споредба со претходната недела, информираат од Институтот за јавно здравје.За заштита од грип, од ИЈЗ препорачуваат да се избегнува собирање и престој во простории каде што престојуваат повеќе луѓе, особено да се избегнува близок контакт со луѓе кои се болни или сомнителни – кашлаат, киваат, имаат покачена телесна температура.

Македонија | пред 1 година

Ако не ги бива, ќе ги разрешуваме на референдум - новоизбраните градоначалници нема да бидат недопирливи

Новоизбраните градоначалници нема да бидат недопирливи, ако се остварат предвидувањата на министерот за локална самоуправа, Златко Перински, за носење на измените на Законот до летово.Ретроградно не може да важи, па така, сите од актуелниов мандат се спасени. Според овој предлог закон, доколку некој од градоначалниците не си ја заврши работата како што треба, граѓаните ќе можат да го разрешат на референдум.„Навистина станува збор за едно системско решение, системски закон за којшто беше неопходно да имаме навистина широка јавна дебата за да ги слушнеме мислењата од сите чинители и навистина тоа и го направивме. Некаде после 30 март веќе ќе биде оперативен законот во насока на тоа предлог-измени да се валидизираат од релевантните институции, така што јас очекувам некаде до летото да се заврши целиот процес. И нам ни е важно новите градоначалници, практично новите кандидати да бидат избрани согласно новиот Закон за локална самоуправа, така што отприлика очекуваме некаде до летото да ја завршиме целата постапка“, рече министерот за локална самоуправа.

Македонија | пред 1 година

Предлогот за разрешување на Коцевски утре пред Мицкоски

Владата на утрешната седница ќе го разгледа доставеното мислење од Министерството за правда за разрешувањето на државниот обвинител Љупчо Коцевски, а потоа иницијатива ќе патува кај членовите на Советот на јавни обвинители.“На утрешната владина седница ќе се разгледа мислењето доставено од Министерството за правда, по што согласно законските обврски истото ќе се достави до Советот на јавни обвинители. Како Влада ќе продолжиме да преземаме активности кои се во насока на подобрување на функционирањето на правосудниот систем, довербата на граѓаните е сериозно нарушена и затоа сме силно посветени конечно да владее правото и да имаме правна држава”, велат од Владата.Владата утре ќе го разгледа мислењето од правда за Коцевски, а во кое е наведено дека Коцевски постапувал по случаи во кои постоело судир на интереси, како и дека тој требало да биде однапред свесен за тоа и да се изземе од таквите предмети.Советот ќе има рок од 15 дена да одговори, а независно од тоа какво ќе биде мислењето последниот збор за смена на Коцевски ќе го има Собранието. За смена на државен јавен обвинител потребни се 61 пратенички глас.

Македонија | пред 1 година

Славјанка Петровска: Вистината е дека денес пратениците на ДПМНЕ гласаа против Законот за бранителите

„Денес се запечати најголемата лага на ДПМНЕ, а излезе на виделина нивното лицемерие, познато како пред и по избори“, напиша Славјанка Петровска, пратеничка од СДСМ и додава:„Вистината е дека денес пратениците на ДПМНЕ гласаа против Законот за бранителите. Во декември 2023 го блокираа Законот за вработени во одбраната, под изговор дека додека не се донесе тогашниот предлог на Законот за бранителите нема да се донесе Законот за вработените во одбраната. Реалноста е дека Законот за вработени во одбраната е донесен, ама денес не го поддржаа одблокирањето на Законот за бранители.За 8 месеци власт, десетина лаги на ДПМНЕ се обелоденија, но најголемата вистина е дека ним граѓаните никогаш не им биле важни“.

Македонија | пред 1 година

Шест лица под истрага за трговија со луѓе

Под раководство на јавен обвинител од Основното јавно обвинителство за гонење на организиран криминал и корупција, во текот на вчерашниот ден истражители од Истражниот центар во обвинителството и Националната единица за борба против криучарење мигранти и трговија со луѓе при МВР реализираа акција во која се лишени од слобода две лица за кои постои основано сомнение дека сториле кривично дело Трговија со луѓе. Имено, предметот беше оформен во ОЈО Тетово во ноември минатата година, кога на првоосомничениот му била изречена мерка притвор поради семејно насилство, по преземените дејствија е утврдено дека станува збор за кривично дело „Трговија со луѓе“, по што истиот е препратен на надлежност во ова обвинителство. Врз основа на сознанијата и обезбедените докази донесена е наредба за спроведување на истражна постапка против шестмина осомничени за кривично дело Трговија со луѓе.Првоосомничениот во текот на деветгодишна брачна заедница со жртвата, ја злоупотребил својата положба и со својата сопруга постапувал на особено понижувачки и суров начин, воспоставувајќи целосна контрола врз неа. Тој, со употреба на сила и сериозна закана, извршувал физичко и психичко насилство над неа, континуирано нанесувајќи ѝ телесни повреди и заканувајќи се по нејзиниот живот и животите на членовите на нејзиното семејство, по што започнал да ја принудува на сексуална експлоатација по пат на проституција заради стекнување на парична корист и наркотична дрога. Претставувајќи ја како своја пријателка, првоосомничениот, во периодот од септември 2023 година до 20.11.2024 година, во повеќе наврати ја принудил својата сопруга да дава сексуални услуги во угостителски објекти во Тетово и Гостивар, во нивниот семеен дом, како и во семејните куќи на корисниците на сексуалните услуги. Тој стапувал во контакт со останатите осомничени – корисници на услугите, го договарал местото, како и надокнадата која била во пари или соодветна грамажа на наркотична дрога – кокаин. Додека жртвата била со корисниците, првоосомничениот имал целосна контрола, следејќи ја понекогаш и преку видео повик, а потоа откако ќе му ги дадела парите или дрогата, ја претепувал, ја горел со цигари и ѝ нанесувал тешки повреди од кои со денови се опоравувала.Во однос на определување на мерки за обезбедување на присуство, јавниот обвинител на Основното јавно обвинителство за гонење на организиран криминал и корупција имајќи ги предвид околностите и тежината на стореното дело на судијата на претходна постапка при Основниот кривичен суд Скопје му предложи определување на мерка притвор за четворица осомничени, додека двајца веќе се наоѓаат во притвор. Судијата го прифати предлогот и определи мерка притвор за сите лица, која мерка за двајца осомничени ќе се применува по нивно пронаоѓање.За кривичното дело што му се става на товар на првообвинетиот, согласно Кривичниот законик запретена е казна затвор во траење од најмалку четири години, додека за корисниците на сексусалните услуги е предвидена казна затвор од шест месеци до пет години.

Македонија | пред 1 година

(Видео) По притисокот од јавноста, Ангелов-Ќосето доби право да се лекува откако скрши четири ребра, објави адвокатот Пешевски

Горан Ангелов-Ќосето, осуден за „27 април“, доби прекин на казната од два месеци. Ова доаѓа откако претходно судот го одби и реши да го врати зад решетки. Ангелов го доби прекинот откако со болки и скршени ребра, беше вратен зад решетки.„Притисокот од јавноста се исплатеше. На Горан Ангелов-Ќосето му е дозволен прекин на издржувањето на затворската казна во траење од два месеци за кои можеби ќе побараме продолжување со оглед на тоа дека излезе дека му се скршени 4 ребра (не три) од кој едното со дислокација. Криво ми е што и во ваква ситуација се во државава мора да иде на сила и некој да биде јавно објавен за да постапи!!! Фала ви на сите за споделувањето, значително помогнавте!!!“, објави Драган Пешевски, негов адвокат.Претходно, Ангелов, пушти молба за прекин на казната до Судот во Велес - но го одбија. Истиот беше со проблеми со дишењето. По јавната објава, жалбата му беше уважена.Во „Претрес“, Ангелов раскажа како додека бил зад решетки, на него се вршела тортура. Не му било дозволувано лекување, иако му било неопходно. Бил сместуван во самица и малтретиран. Цел поткаст, тука:?t=2808

Македонија | пред 1 година

Полицаец натепал колега-полицаец пред ноќен клуб

Одделот за внатрешна контрола, криминалистички истраги и професионални стандарди при Министерството за внатрешни работи, до Основно јавно обвинителство за гонење на организиран криминал и корупција - Специјализирано одделение за гонење на кривични дела сторени од лица со полициски овластувања и припадници на затворска полиција, поднесе кривична пријава против И.Б. поради постоење основи на сомнение за сторено кривично дело „напад врз службено лице при вршење на работи на безбедноста“ по член 383 став 1 од Кривичниот законик.Пријавениот И.Б., вработен како самостоен полицаец - возач во Оддел за специјални полициски операции во Бирото за јавна безбедност при МВР, на 24.01.2025 околу 01.45 часот  во ноќен клуб во Скопје агресивно се однесувал кон вработени во обезбедување на објектот, по што и физички нападнал полициски службеник кој извршувал службени дејствија.Одделот за внатрешна контрола, криминалистички истраги и професионални стандарди  ќе поднесе предлог за поведување на постапка за утврдување на дисциплинска одговорност против полицискиот службеник и ќе изрече задолжителни мерки да биде суспендиран од своето работно место до завршување на постапката.

Македонија | пред 1 година

Милошоски: Има потреба од нов државен грб, Македoнија не треба да остане во друштво со Белорусија, Таџикистан и Ангола

Потпретседателот на Собранието и пратеник од редовите на ВМРО-ДПМНЕ, Антонио Милошоски, вели дека Македонија не треба да остане меѓу ретките држави кои сè уште користат советска симболика на својот државен грб, заедно со Белорусија, Таџикистан и со Ангола.Според Милошоски, отворањето на дебатата за измена на грбот не е поврзано со економската криза или со претстојните локални избори.,,Оваа иницијатива нема врска со изборите. Доколку зборуваме за современи државни обележја, засновани на хералдички принципи, тогаш Македонија навистина треба да изгради грб што ќе ја одразува нејзината историја и определби. Нашата земја има богато историско наследство, кое може да ги поврзе АСНОМ, илинденскиот период и други значајни моменти, а сето тоа да биде претставено преку еден современ државен грб. Таков симбол би ја позиционирал Македонија како дел од европските држави”, изјави Милошоски.Според него ова е иницијатива која треба да отвори дијалог за да се стаса до одреден консензус, но нема ограничување дали тоа ќе се случи за месец, три месеци или девет месеци од денес.

Македонија | пред 1 година

Терорист од Чаир е дел од сириската Влада

Абу Катада Албани, последните десет години ја предводел џихадистичката група „Џемати Албан“, која ја сочинуваат претежно Албанци од Косово и Македонија, а денес е во сириската влада и под санкции на САД за тероризам. Порталот „Косово онлајн“ открива дека Албанецот од Скопје (според дел од информациите од Чаир) има министерска функција. Тие истакнуваат дека тој прави се за Дамаск да го признае Косово, но дека ниту Приштина ниту Тирана не прават доволно за тоа, пишува „Косово онлјан“.Абу Катада Албани е роден во Скопје на 25 септември 1976 година, под името Абдул Јашари. Тој тврди дека бил на боиштата на Блискиот Исток, главно Сирија, во последните 12 години. Единицата „Џамати Албан“, вели тој, е основана во 2012 година и била активна во сите поголеми битки во северозападна Сирија.„Албанските борци одиграа важна улога, не само на теренот, туку и во планирањето и координацијата на операциите“, рече тој.Во летото 2018 година, оваа група објави видео со наслов „Албански снајперисти од Сирија“ во кое зборуваат за нивното учество на сириското бојно поле. 33-минутното видео набрзо беше отстрането од интернет, а по овие информации, France Soir објави поширока приказна за единицата. Според овој весник, тие им се придружиле на џихадистите во едно од најсилните упоришта на исламистите во Идлиб. Тогаш беше откриено дека тие се бореле во Сирија како дел од џихадистичката група Хајат Тахрир ал-Шам (ХТС).Според истиот извор, Абу Катада Албани набрзо станал лидер на Фронтот Ал Нусра, поради што во 2016 година бил на црната листа на американското Министерство за финансии и обвинет за тероризам.Француските медиуми тврдат дека оваа единица во тоа време имала околу стотина припадници, а најголем број имало во март 2015 година, кога групата имала околу 500 борци, главно од Косово и од Македонија.Одлучувачки момент за албанскиот џихадистички одред беше 22 февруари 2019 година, кога неколку муџахедински единици и воени единици кои дејствуваат во Сирија издадоа заедничка декларација „Поддршка и лојалност на Тахрир-Шам“.На четвртото место на листата од осум исламистички фракции се најде „Албанскиот баталјон“ со потпис на самиот Абу Катада Ал Бани, кој се потпиша како „директор на воената академија Тахрир ал Шам“.Според РСЕ, Хајат Тахрир ал Шам е исламистичка милитантна група чии членови се претежно салафисти, ултрарадикална секта во сунитскиот ислам. ХТС се обидува да формира држава во Сирија според исламскиот закон.Групата се појави во 2012 година - една година по избувнувањето на граѓанската војна во Сирија. На почетокот тие беа наречени Џабхат ал Нусра, или Фронт Нусра.Тие беа познати и како „сириски огранок на Ал Каеда“, но подоцна целосно се оддалечија од нив.РСЕ известува дека Фронтот Нусра стана една од најсмртоносните групи кои се борат против Башар ал Асад, применувајќи тактики кои вклучуваат самоубиствени бомбашки напади и употреба на импровизирани експлозивни направи.Американските разузнавачи проценуваат дека ХТС има меѓу 5.000 и 10.000 членови. Групата беше ставена на црната листа на Вашингтон како терористичка организација во 2018 година, а за нејзиниот водач Гулани беше издадена награда од 10 милиони долари.Според специјализираните воени портали, водачот на албанските џихадисти Абу Катад Албани важел за близок советник на многу од највисоките членови на ХТС, меѓу кои и Абу Мухамед ал-Џулани, водачот на ХТС.Токму Јулани го произведе во 2015 година како предводник на „Џемати Албанија“.Специјализирани воени портали кои се занимаваат и со муџахединските единици на Блискиот Исток тврдат дека активностите на „албанската група“ во Сирија започнале во 2017 година и дека тоа се совпаѓа со нивното учество во конфликтите во Рас ал Ајн, воздухопловната база Абу ал-Духур и Џиср ал-Шугур.Најмногу се финансираат благодарение на одредот што го основале наречен „Албанска тактика“. Ова е единица која исклучиво се занимава со тактичка обука во договор со други џихадистички групи во регионот.„Оваа група ѝ овозможи на „Џемата Албанија“ да се врами како висококвалитетен обезбедувач на обука со користење на најнова опрема“, наведуваат порталите „Греј динамик“.По соборувањето на Башар ал Асад на крајот на минатата година, Абдул Јашар, попознат како Абу Катада Ал Албани, беше унапреден во чин полковник.Тој беше во група од само неколку странци кои тоа го заслужија.„Денес првата распределба на воените чинови или назначувања ја изврши врховниот командант на сирискиот отпор, Ахмед Шера. Јас лично го добив чинот полковник. Ова е чест за нас, но и голема одговорност“, порача тој на својот Фејсбук профил на 29 декември минатата година.

Свет | пред 1 година

Подолг период малолетникот возел со „аудито“ низ Скопје пред да прегази пешаци, се сомнева обвинителот и истражува како дошол до автомобилот

Обвинителството во Скопје ќе собира докази и за полнолетно лице, за кое се сомневаат дека подолг временски период му давал да го вози „аудито“ на малолетникот од Косово, кој е жител на Скопје, а со кое прегази пешаци. О„Бидејќи се утврдени основи на сомнение дека полнолетно лице подолг временски период му овозможувало на малолетникот без дозвола да управува со автомобилот, Основното јавно обвинителство Скопје оформи предмет и против тоа лице и ќе ги испита и тие околности“, велат од Обвинителството за „Скопје1“.Малолетникот нема документи од Македонија, но, тука го завршил и неговото образование. Обвинителството побара, а судот му одреди мерки за обезбедување присуство. Ќе се брани од слобода, но не смее да ја напушта Македонија, задолжително ќе треба да се јавува на суд и не смее да управува возизло. Тој немал возачка дозвола.„Против пријавениот малолетник, кој не е државјанин, но е со постојано престојувалиште во нашата држава, е поведена постапка согласно Законот за правда за децата и се предложени мерки на претпазливост“, додаваат од Обвинителството.Според последните информации, двајцата пешаци кои се негови врсници, се во добра здравствена состојба и немаат посериозни повреди. Тинејџерката на возраст од 17 години е пуштена на домашно лекување и немала никакви скршеници.Несреќата се случи во петокот околу 22 часот на крстосницата од ул.„Дринска“ и ул.„Галичица“ во Скопје. Поточно, станува збор за Шуто Оризари.Обвинителството прибира докази материјали по што ќе одреди и за кое кривично дело ќе го гони малолетникот.

Скопје | пред 1 година

Угинаа животни во скопската ЗОО, сомнежот е дека станува збор за труење

Повторно угинаа животни во скопската Зоолошка градина. „Скопје1“ дознава дека станува збор за над пет берберски овци. Од Зоолошката градина ја потврдија информацијата, и посочуваат дека се сомневаат на труење. И за овој случај, не се објави додека не испративме прашања до раководството. Берберските овци угинале пред шест дена.„Во вторникот, во живеалиштето на берберски овци при редовна утринска контрола пронајдовме угинати животни, кои немаа видливи знаци на повреди, ниту пак претходно покажале знаци на болест. Веднаш беа повикани инспектор од Агенција за храна и ветеринарство (АХВ) и стручни лица од Факултетот за ветеринарна медицина, кои направија целосен увид на лице место и ја отпочнаа постапката за обдукција на угинатите единки“, велат од Зоолошката градина.Прашани за причината за смртта, велат дека тие се отруени.„Причината за смртта ќе биде соопштена кога ќе бидат направени сите анализи и ќе ги добиеме резултатите од обдукцијата. Се сомневаме дека станува збор за труење од гранки од растението тиса (taxus baccata) кое може да биде отровно за животните, додаваат од ЗОО Скопје.Во изминативе над три години, угинаа жирафите, тигрицата, пингвин, имаше кланица со расните коњи. Евтаназирана беше и слоницата Дуња.Досега, градоначалничката Данела Арсовска не побара никаква одговорност од в.д. директорот Зоран Попов кој и натаму е на чело на оваа јавна установа.

Скопје | пред 1 година

Две европски земји отворено објавија дека се подготвени да испратат војници во Украина, Трамп одредува клучен датум за завршување на војната

Европските лидери се состануваат во Париз на итен самит за да разговараат за плановите на американскиот претседател Доналд Трамп да стави крај на војната во Украина поради стравувањата дека ќе бидат исклучени од разговорите.Целта е да се разгледа што може да му се понуди на Трамп и да се види кои се европските ограничувања кога станува збор за инвазијата на Москва од Украина.На состанокот во Париз се очекува да присуствуваат лидерите на Германија, Велика Британија, Италија, Полска, Шпанија, Холандија и Данска, како и претседателот на Европскиот совет Антонио Коста, претседателката на Европската комисија Урсула фон дер Лајен и генералниот секретар на НАТО Марк Руте, соопшти Елисејската палата.Францускиот претседател Емануел Макрон го организираше состанокот за да започне консултации за ситуацијата во Украина и предизвиците што таа ги поставува за безбедноста во Европа, се вели во соопштението, додавајќи дека процесот може да продолжи и во други форми. Состанокот беше договорен за кратко време за време на безбедносната конференција одржана во Минхен минатиот викенд.Дипломатите рекоа дека во Париз ќе разговараат и за тоа како Европа би можела да придонесе за евентуален мировен договор, откако САД ги повикаа Европејците да почнат да придонесуваат повеќе.Земјите од ЕУ и Украина се загрижени поради можноста САД и Русија да бараат билатерално мировно решение, особено откако Трамп разговараше со рускиот претседател Владимир Путин минатата недела.За да го забрза преговарачкиот процес со Москва, администрацијата на Трамп претстави план кој ќе ја исклучи Украина од НАТО, ќе и дозволи на Русија да направи територијални отстапки и ќе ја затвори вратата за американско учество во идните мировни операции. ЕУ размислува за такви услови кога Вашингтон им врти грб на сојузниците во корист на склучување договор со Путин.Украинскиот претседател Володимир Зеленски, во интервју за NBC News за време на викендот, рече дека „никогаш нема да прифати какви било одлуки за Украина донесени меѓу Соединетите Држави и Русија“, повторувајќи „никогаш“, а потоа го предупреди Трамп: „Не му верувај на Путин“.Администрацијата на американскиот претседател Доналд Трамп се обидува да постигне договор за прекин на огнот во Украина до Велигден, кој оваа година се паѓа на 20 април, пишува угледниот Блумберг, повикувајќи се на извори запознаени со ситуацијата, пренесува Слободна Далмација.„Администрацијата на Трамп им кажа на европските претставници дека сака да обезбеди прекин на огнот во Украина до Велигден“, објави Блумберг, цитирајќи официјални претставници.Сепак, некои официјални лица изразија сомневање за изводливоста на оваа цел, истакнувајќи дека темпото на преговорите - кои треба да започнат оваа недела во Саудиска Арабија со учество на високи претставници на САД и Русија - е амбициозно и потенцијално нереално.„Многу е поверојатно дека решението би можело да се постигне до крајот на оваа година“, се вели во извештајот, цитирајќи дополнителен извор. Во меѓувреме, Белата куќа не го коментираше ова прашање.Киев не е поканет на разговори меѓу САД и Русија со цел да се стави крај на војната во Украина, изјави висок извор од украинската влада за Би-Би-Си. Американскиот специјален пратеник за Украина Кит Келог изјави дека Киев ќе биде вклучен во разговорите в понеделник во Саудиска Арабија, но извор изјави дека делегацијата нема да биде присутна.

Свет | пред 1 година

Што знаеме за итниот состанок на Макрон со најмоќните лидери на ЕУ денес

Европските лидери се состануваат на вонреден самит во Париз за да разговараат за плановите на американскиот претседател Доналд Трамп да стави крај на војната во Украина поради стравувањата дека ќе бидат исклучени од разговорите.Целта е да се договори заедничка стратегија за тоа како да се справи со Трамп, да се разгледа што може да му се понуди и да се види кои се европските ограничувања кога станува збор за инвазијата на Москва од Украина.На состанокот во Париз се очекува да присуствуваат лидерите на Германија, Велика Британија, Италија, Полска, Шпанија, Холандија и Данска, како и претседателот на Европскиот совет Антонио Коста, претседателката на Европската комисија Урсула фон дер Лајен и генералниот секретар на НАТО Марк Руте, соопшти Елисејската палата.Францускиот претседател Емануел Макрон го организираше состанокот за да започне консултации за ситуацијата во Украина и предизвиците што таа ги поставува за безбедноста во Европа, се вели во соопштението, додавајќи дека процесот може да продолжи и во други форми. Состанокот беше договорен за кратко време за време на безбедносната конференција одржана во Минхен минатиот викенд.Дипломатите рекоа дека во Париз ќе разговараат и за тоа како Европа би можела да придонесе за евентуален мировен договор, откако САД ги повикаа Европејците да почнат да придонесуваат повеќе.Земјите од ЕУ и Украина се загрижени поради можноста САД и Русија да бараат билатерално мировно решение, особено откако Трамп разговараше со рускиот претседател Владимир Путин минатата недела.За да го забрза преговарачкиот процес со Москва, администрацијата на Трамп претстави план кој ќе ја исклучи Украина од НАТО, ќе и дозволи на Русија да направи територијални отстапки и ќе ја затвори вратата за американско учество во идните мировни операции. ЕУ размислува за такви услови кога Вашингтон им врти грб на сојузниците во корист на склучување договор со Путин.Украинскиот претседател Володимир Зеленски, во интервју за NBC News за време на викендот, рече дека „никогаш нема да прифати какви било одлуки за Украина донесени меѓу Соединетите Држави и Русија“, повторувајќи „никогаш“, а потоа го предупреди Трамп: „Не му верувај на Путин“.Доцна во неделата, американскиот државен секретар Марко Рубио рече дека Украина и Европа исто така треба да бидат вклучени во преговорите со Москва.Состанокот во Париз се одржува во истата недела кога Рубио треба да се сретне со руските претставници, американскиот специјален пратеник Стив Виткоф и советникот за национална безбедност Мајк Валц во Саудиска Арабија. За време на разговорите во Саудиска Арабија на преговарачка маса нема да има ниту украински ниту европски претставници.

Свет | пред 1 година

Акција во Скопје, по уништувањето на паркови од малолетници

„Заедничка акција низ Скопје, заедно со министерот Панче Тошковски и колегата Горан Герасимовски“, објави градоначалникот на Кисела Вода, Орце Ѓорѓиевски и додава:Вечерва заедно со министерот за внатрешни работи Панче Тошковски и градоначалникот на Општина Центар, Горан Герасимовски, спроведовме заедничка превентивна акција низ централното градско подрачје на Скопје и во Кисела Вода. Претходно, одржавме и координативен состанок во полициската станица во Центар за нашите заеднички заложби.Целта на оваа иницијатива беше да се направи увид на состојбата со присуството на малолетници во доцните часови, да се разговара со нив и да се испрати јасна порака за важноста на превенцијата во борбата против малолетничката деликвенција. Од страна на МВР информираа дека ќе се разгледа и можноста во рамки на системот „Безбеден град”, кој што опфаќа камери на сообраќајници да се надогради со видео надзор на парковите. Оваа активност доаѓа непосредно по едногласното усвојување на иницијативата од страна на ЗЕЛС, а поднесена од Општина Центар, која се залага за меѓуинституционална соработка и воведување општокорисна работа како мерка за малолетни сторители на вандализам.Се залагаме за воспоставување силна меѓуинституционална соработка со цел воведување на општокорисна работа како мерка за малолетни сторители на вандализам. Вечерва, заедно со министерот за внатрешни работи Панче Тошковски, имавме можност да ја видиме состојбата на терен и директно да поразговараме со младите. Ова е одличен пример за тоа колку е важна координацијата меѓу локалната самоуправа, МВР и останатите надлежни институции во креирањето ефикасни механизми за превенција и заштита на јавниот ред и мир. Во следниот период, ќе продолжиме со активни чекори за имплементација на усвоената иницијатива, со цел создавање безбедна средина за сите граѓани, особено за младите.

Скопје | пред 1 година

СДСМ ќе ги поднесе првите законски решенија од пакетот мерки за спас на животниот стандард на граѓаните

СДСМ денеска ќе ги поднесе првите законски решенија од пакетот мерки за спас на животниот стандард на граѓанитеДенеска во македонското Собрание СДСМ ќе ги поднесе првите законски решенија од пакетот економски мерки за спас на економијата и животниот стандард на граѓаните.За само 8 месеци неспособноста на власта драматично ја влоши економската состојба во државата.Животниот стандард опаѓа, цените на храната пораснаа за 20%, трошоците за живот за 4,9%, сметките за струја се зголемени за 30%, поскапе и парното за 5% а платите стагнираат. Граѓаните имаат се помалку пари во џебовите и едвај врзуваат крај со крај борејќи се огромната скапотија.И останатите економски параметри се влошени, индустриското производство е намалено за 1,4%, извозот е намален за 5,9% а странските инвестиции веќе се повлекуваат од земјава.Неспособноста на Владата на Мицкоски ја води земјата во економска криза, додека граѓаните се оставени без никаква помош. Политиките на кошнички доживеаја тотален дебакл а власта нема одговор на растечката скапотија и сирoмаштија.СДСМ има 7 мерки, пакет решенија за спас на економијата и подобрување на животниот стандард на граѓаните кои вклучуваат: намалување на ДДВ за струја од 18% на 5%, укинување на ДДВ за храна на 0%, замрзнување на цените на основните производи, фиксирање на маржите, зголемување на платите во приватниот сектор и спроведување на законот за нефер трговски практики.Ги повикуваме сите пратеници во Собранието да ги поддржат овие мерки и да застанат во заштита на граѓаните!

Македонија | пред 1 година

Деребан: Коцевски наместо да се занимава со гонење на криминал и корупција, е занимаваше со посредување на спогодби

На синоќешното гостување на поткастот „ВМРО-ДПМНЕ Зборува“, заменик министерот за правда, Ален Деребан се осврна на минатото и кажа дека новата Влада предводена од ВМРО-ДПМНЕ има наследено држава во која не владеат Уставот и законите.„Оваа Влада наследи држава во која не владеат Уставот и законите. Држава во која секојдневно бевме сведоци на кршење на основните човекови слободи и права. Република Македонија беше доведена до степен да се декларира како држава во која владее правна несигурност со длабоко вкоренети системски криминал и корупција, кои што го разјадуваат секое здраво ткиво од општеството’’, истакна Деребан и посочи дека крајно време е да се воведе ред и правда во Македонија.Деребан нагласи дека актуелната одлука на Влада за разрешување на ЈО Коцевски е одличен потег и е еден од чекорите за тоа како да се бориме против криминалот и корупцијата.„ Очекував и претходно да даде оставка, поради сите случувања во правосудниот систем, поради тоа што, како резултат на нивното работење ние имаме пад на индексот за перцепција за корупцијата во кој детално е нагласено дека една од основните, главните причини е не постапувањето и неажурноста на обвинителството во предметите со корупција и висок степен на криминал’’, потенцираше заменик министерот, кој додаде дека ова е една од главните причини за одлука да се разреши ЈО Коцевски.Тој појасни дека работата на државниот јавен обвинител е да гони криминал и корупција, а не тој самиот да биде вклучен во истата.„Јавниот обвинител наместо да се занимава со гонење на криминал и корупција, во претходниот период, се занимава со внатрешно пресметување со останатите обвинители и со посредување при склучување на судски спогодби, каков што беше случајот со поранешниот Врховен судија и поранешниот потпретседател на Советот за јавни обвинители’’, изјави Деребан.Деребан се осврна и на составот на Судскиот совет за кого истакна дека веќе не е кредибилен.„Овој состав на Судскиот совет целосно го има изгубено својот кредибилитет и не може да биде носител, ниту дел од реформите во правосудството. Овој Судски совет е причина за голем број на домашни и меѓународни негативни извештаи. Исто така е причина за падот на индексот за перцепција на корупцијата, каде што е нотирано дека една од причините е лошата контрола на овој Судски совет врз судиите“, заклучи Деребан.

Македонија | пред 1 година