Горан Ангелов-Ќосето со скршени три ребра е вратен во затвор, не му дадоа да се лекува дома што е препорака од лекари, обзнани адвокатот Пешевски

Горан Ангелов-Ќосето со скршени три ребра бил вратен во затворот во Прилеп од велешкиот суд, обзнани адвокатот Драган Пешевски. Ќосето има проблеми со дишењето и движењето, а неговата состојба не може да се санира во затвор, бидејќи нема услови.Целата објава на адвокатот:„Како што во затворот Прилеп се дознало за смртта на Игор Југ, директорот на затворот го повикал Горан Ангелов-Ќосето кој беше негов најдобар другар, затворски сомаченик, соборец за Македонија уште од војната 2001 и му дал можност да искористи годишен одмор како би можел да го испрати својот најблизок!!! Ова не е спорно и е за поздравување!!!Спорно е што Горан, пред кратко време крши три ребра во затворот по што е хоспитализиран на хирургија. Пуштил молба за прекин на извршувањето на казната до одреден судија за извршување санкции до Велешки Суд како би ја санирал состојбата. Замислете ОДБИЕН Е!!! Со цел памет и на цела мака е ОДБИЕН. По препорака на хирурзи, специјалисти за домашно лекување ОДБИЕН Е!!! Истиот има проблеми со дишењето, со спиењето, со движењето и без срам ке ви кажам со одењето во ВЦ. Во затворот има исклучително чучавци, со скршени 3 ребра човекот треба да го држат тројца да изврши нужда!!! Тој човек е ОДБИЕН!!!Сабајлево како го ослободиле иако во тешка состојба не отиде ни до дома, ми се јави ми вика брат неможам да дишам ама морам да одам до кај фамилијата на Игор, да не им треба нешто да помогнам и така стори!!! Тој човек е ОДБИЕН!!!Пред некој ден од моја страна беше пуштено официјално барање за прекин на издржувањето на затворската казна додека се санира последицата. Сега е на ред управата и нејзиниот директор Александар Пандов. Они се на потег да го исправат овој СРАМ!!!Денеска изгубивме еден голем човек заради неправди, сплетки и ујдурми. Нека му е лесна земјата, утре во Куманово ке го исратиме, уште неможам да си дојдам на себе... Да не изгубиме уште еден на срамен начин!!!“.

Македонија | пред 1 година

Што порача Игор Југ во последнната објава

Неколку часа пред да почине, на ФБ Игор Југ напиша дека секогаш ги одржувал ветувањата и дека нема да лиже каде што плукал.„Во ормарот имам две одела. Едното е она во кое скоро сите ме препознавате, во онаа другото многу малку луѓе ме имаат видено.Пред многу години си ветив себеси и на фамилијата дека тоа одело никогаш нема да го извадам од ормарот и веќе никогаш нема да го облечам.Тоа одело го симболизира стариот јас, Игор Југ, кој 99% од вас не го познаваат, неговата црна страна.И ќе си го одржев зборот, мразам да лижам кај што сум плукнал, секогаш ги одржувам ветувањата.Но постапките на некои луѓе во изминативе години ме тераат со сила повторно да го облечам старото одело и да се вратам на стариот начин на функционирање.Едноставно, преку некои работи и понижувања не се поминува.Едно само нека знаат тие што ме тераат да им се покажам во оделото кое со години го ставив во заборав.Ако еднаш го облечам старото одело, додека не умрам нема да го соблечам. А последиците на проклетството кои тоа одело ги носи, ќе ги почувствувате вие, господа, кои со своите идиотски постапки ме натеравте да го извадам оделото кое никому не му е донело добро!P.S. Го пробав, сè уште добро ми стои, а и сè уште добро функционирам во него и знам да ги користам неговите моќи“, напиша Игор Југ.

Македонија | пред 1 година

Кривичен демантира дека Игор Југ барал повторување на постапката

Се огласи Кривичен суд по написите и објавите на социјалните медиуми.Со соопштение демантираат дека, сега починатиот Игор Југ барал повторување на постапкатаОд Основниот кривичен суд демантираат дека до нив било доставено барање за повторување на постапката за Игор Југ. Од таму велат дека досега до нив не било доставено вакво барање ниту од осудениот ниту од неговите бранители.„Во однос на лицето Игор Југ, кој е правосилно осуден во предметот за настаните кои се случија во Собранието на РМ од правосилноста на пресудата, па се до овој момент, до Кривичниот совет на Основниот кривичен суд Скопје не е доставено било какво барање од осудениот или неговиот бранител за повторување на постапката. Заради тоа во целост ги демантираме наводите дека судот не одлучувал по неговото барање“, се вели во реакцијата на судот.

Македонија | пред 1 година

Меѓуресорска група се грижи за подигнување на безбедноста во училиштата

Формирана е меѓуресорска група која ќе се грижи за подигнување на безбедноста во училишните објекти, откако утрово дел од училишните раководства добија пораки за поставени експлозивни направи во објектите. За ова денеска на прес конференција информираше министерката за образование и наука проф. д-р Весна Јаневска која рече дека важно е училиштата да останат мирна и хармонична средина во која учениците единствено ќе се посветат на стекнување што повеќе и поквалитетни знаења.„Одржавме состанок со претставници на Министерството за внатрешни работи и на неколку други институции кои се задолжени за јавната безбедност, претставници на Министерството за дигитална трансформација и Факултетот за информатички науки и компјутерско инженерство. Заеднички настапуваме во следниот период и со дополнителни напори од општините, ќе ја подигнеме безбедноста во училиштата“, рече Јаневска, додавајќи дека сите денешни дојави се лажни, а по направените проверки, учениците се вратени на настава.„Благодарам на полицијата и на сите други служби за брзата интервенција и посветеност кон најмладите и истовремено жалам што некој си поигрува со нашите деца и ја вознемирува јавноста. Потсетувам дека училиштата и понатаму во случај на дојави за експлозивно направи, треба веднаш да пријават во МВР и да ги следат упатствата и протоколите кои ќе ги добијат стручните лица од министерството. Секако важно е да внимаваат кој и како влегува во училишните објекти“, нагласи Јаневска.Упати апел до наставниците и другите вработени во училиштата, за комуникација да ги користат исклучиво службените електронски адреси кои се креирани од Министерството за образование и наука, а препораките за општините се согласно можностите, да ангажираат физичко обезбедување и да постават видео надзор.

Македонија | пред 1 година

Попов: Точно е дека пред 11 години направив грешка, бев осуден и целосно ги прифатив последиците

„Во контекст на обвинувањата кои произлегуваат од кујните на СДС, Левица и ним блиските полуги, а кои упатуваат на брутално злоупотребување и пооигрување со лични судбини, притоа надополнети со лаги и неточни информации, би сакал да ги изразам своите мисли и да го поделам моето гледиште за ситуацијата“, вели Сергеј Попов, пратеник од ВМРО-ДПМНЕ.„Точно е дека пред 11 години, кога бев на 18-годишна возраст, направив грешка која, за жал, имаше последици. Бев осуден за тоа и целосно ги прифатив последиците од моите дејства. Беше многу тежок период за мене и за моите најблиски. Во меѓувреме, ги исплатив сите штети кон лицата кои беа засегнати од моето недолично однесување. Таа грешка беше не само за мене, туку и за сите околу мене, и беше навистина важна лекција во мојот живот.Мора да нагласам дека, по таа случка, никогаш повеќе во животот не сум возел. Никогаш не сум повторил никакво слично дејство, и дури и денес, по 11 години, не сум положил за возачка дозвола, затоа што сметам дека на безбедноста на патиштата треба да се гледа со најголема сериозност и одговорност.Така што, кога се зборува за тоа дека наводно сум прегазил жена на улица, би сакал да ја исправам оваа теза. Случајот во кој беше вмешано моето име не беше таков. Се случи сообраќајна несреќа, судар со друго возило, кој резултираше со повреда на жена која се возела во другото возило. Оваа ситуација нема никаква врска со наводните изјави и не може да биде поистоветена со трагедијата која ја доживеа Фросина. Не постојат никакви сличности помеѓу мојата ситуација и тоа што се случи со неа.Верувам дека целта на луѓето кои ги шират овие обвиненија не е вистински да ги истражат фактите и да го прикажат вистинскиот развој на настаните, туку се обидуваат да создадат изговори за политички поени и манипулации во овие сензитивни моменти. Ова е неприфатливо и не е фер во однос на мојата личност, која веќе се соочила со последиците од своите грешки и се труди да биде одговорна, да ги поправи своите дејства и да направи добро за општеството.Од таа моја грешка до денес поминаа 11 години, или 132 месеци, или 4015 денови, а јас извлеков поука. Од овие години 7 имаа СДС и нивните ортаци од шарената револуција Левица. Можеа да го преиспитаат случајот или да покренат нов. Но се е јасно и вистината е таа. Останува само горкото чуство дека лешинарски се обиодуваат да поентираат во отсуство над други теми и автентична политика. Жалам што така ја сфаќаат политиката и уште повеќе жалам што ги злоупотребуваат ваквите судбини.Не можам да го сменам минатото, но можам да ја обликувам иднината. И токму затоа се залагам за транспарентност и вистинска правда, бидејќи само на тој начин може да се донесат прави одлуки и да се изгради едно пофер општество“, напиша Сергеј Попов.

Македонија | пред 1 година

(Фото) Герасимовски: Ja отстранувамe дивата депонија во Буњаковец, следува дезинфекциja

Во тек се активностите за целосно расчистување на дивата депонија зад катната гаража во Буњаковец. Ангажирана е соодветна механизација и камиони за отстранување на отпадот, меѓу кој има токсични материјали, азбестни плочи и друг опасен отпад што претставува сериозна закана за здравјето на жителите и животната средина.Местото подолг период било користено како магацин-депонија од несовесни лица, каде во непосредна близина на станбени згради и спортското игралиште во рамки на ООУ „Јохан Хајнрих Песталоци“ се складирале различни видови отпад.Ваквите диви депонии претставуваат сериозен ризик за околината, бидејќи се потенцијален извор на заразни болести и појава на штетни инсекти и глодари.„Се работи за дива депонија која со години наназад била заградена и присвоена, невидлива за граѓаните, а во неа се складирал секаков вид отпад. Нашите инспекции лоцираа и други слични диви депонии и смет во околината. Планираме нивно целосно отстранување и уредување на просторот“, истакна градоначалникот на Општина Центар Горан Герасимовски.По целосното расчистување, просторот ќе биде дезинфициран и уреден за да се спречи понатамошно загрозување на здравјето на жителите и да се обезбеди чиста и безбедна околина.

Скопје | пред 1 година

Јаневска: Ги повикувам сите да се вклучат во јавната расправа за промените во гимназиското образование, имаме една година за нивно усвојување

Подобро образование во оваа земја мора да има, без оглед кој ќе се вклучи или нема да се вклучи во креирањето на промените. Затоа што нашите деца тоа го заслужуваат. Но, јас ги повикувам сите, да дадат свој придонес. Го повикувам и СДСМ и сите други партии да учествуваат во изработка на концепцијата за гимназиското образование. Никаде не брзаме, ништо не е дефинитивно одлучено, имаме една година време за да ја донесеме новата концепција, рече министерката за образование и наука Весна Јаневска, одговарајќи на новинарско прашање.„Драфт верзијата на Концепцијата е на јавна расправа. Добивме многу забелешки, ако ги исполниме сите барања, гимназијалците ќе имаат предмети за да останат на училиште по 10-11 часа“, појасни Јаневска.Во дијалог и транспарентно, со разговор со сите што сакаат да придонесат за поквалитетно образование, а не со декрети како порано, ќе биде финализирана и донесена новата концепција за гимназиско образование, потврди министерката Јаневска.„Прашањето на концепцијата овде го затворам, продолжува јавната расправа. Ние, како МОН, ќе се придвижиме, ќе ги посетиме, ќе ги слушнеме, ќе поразговараме со нив, но не е нешто што е дефинитивно одлучено. Јас тоа постојано го повторувам. Веројатно подучени од претходните власти, каде со декрети им се носеа одлуки, луѓето се исплашени. Но затоа тие сега веќе не се на власт. Сега има нова Влада која сака во дијалог и транспарентно да го сработи тоа што треба да се сработи“, рече министерката, додавајќи дека министерството има премногу обврски и запоставени нешта кои треба да се надоместат.

Македонија | пред 1 година

Единаесет килограми опиум пронајдени во Велес, истрага за недозволена трговија со дрога

Основното јавно обвинителство Велес донесе Наредба за спроведување истражна постапка против едно лице за – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик.Осомничениот 54-годишник, во двор од куќа во Велес неовластено за продажба држел речиси 11 килограми опојна дрога опиум спакувана во повеќе помали пакувања. Дрогата му била пронајдена и одземена при претрес.Јавниот обвинител до судијата на претходна постапка од Основниот суд во Велес достави предлог за определување мерка притвор за осомничениот со цел негово обезбедување во текот на постапката.

Македонија | пред 1 година

(Видео) Се изгради зграда за социјално ранливите семејства во општина Велес

„Нема како, а да не е човек задоволен, кога може да направи некој друг да биде среќен и задоволен, како што јас успеав да видам двајца корисници на овие станови, кои што се позади мене овдека изградени од страна на Акционерското друштво за стопанисување со станбен и деловен простор“, рече денеска премиерот Христијан Мицкоски.„Мислам дека што повеќе вакви згради и што повеќе среќни лица, тоа е и поголема нашата мисија и поголемо е задоволството наше.Еве, директорот кажа дека тука не застануваат, го спомена Битола, акцијата што ќе ја прават во Битола, со цел намалување на цената на квадрат станбена површина таму. И ценам дека така треба да се продолжи во периодот кој што следи.Ние како Влада продолжуваме да работиме, да испорачуваме тоа што сме го ветиле на граѓаните, така што уште еднаш еве и јас се приклучам на желбите за спокоен дом, за многу среќа, многу радости во овие домови на идните корисници и да ни се множат уште вакви објекти и уште многу среќни луѓе, кај нас дома во Македонија.“, изјави Мицкоски

Македонија | пред 1 година

Тошковски: Промени за спасување животи - ќе набавиме тестови за дрога за сообраќајната полиција, можност за трајно одземање на возило при најтешки услови за безобзирно возење

Министерот за внатрешни работи Панче Тошковски денеска на собраниската Комисија за политички систем и односи меѓу заедниците во своето обраќање на јавната расправа на тема „Анализа и утврдување на потребата за изменување на законската регулатива со цел зајакнување на безбедноста во сообраќајот“ предложи неколку законски измени во законите кои ја регулираат оваа сфера со цел заштита на безбедноста на граѓаните во сообраќајот и ултимативно намалување на жртви во сообраќајни незгоди.Министерот Тошковски во своето излагање дефинираше неколку најважни точки на предлог законски измени и унапредувања кои ќе го зајакнат системот со цел унапредување на безбедноста во сообраќајот:- Ревидирање на законските одредби кои ги регулираат сообраќајните прекршоци, конкретно сметам дека мора да го ревидираме членот 297а од Кривичниот законик кој се однесува на безобѕирно возење, односно јасно да се разграничи од постоечките одредби кои регулираат сообраќајни прекршоци во ЗБСП во делот на брзото возење и наместо алтернативно да се изрекувва парична казна, истата кумулативно да се изрекува со казна затвор.- Проширување на можностите на системот „Безбеден град“ да препознава нерегистрирани возила.- Набавка на тестови за дрога. Веќе сме во подготвителна фаза за набавка и на тестови за дрога, нешто што досега никогаш не било имплементирано, а според анализите, возењето под дејство на опојни дроги е исто толку опасно како и возењето под дејство на алкохол.- Одземање на возилото при најтешките случаи на безобѕирно возење.- Инкриминирање на управување на моторно возило без положен возачки испит.- Дигитализација и целосно поврзување на МВР со судовите со цел полесна евиденција на изречените забрани за управување со моторно возило.- Целосно имплементирање на системот „Безбеден град“ кој ќе гарантира дека санкциите се спроведуваат доследно и континуирано.- Аплицирање на промени кои ќе овозможат системот да овозможи ефективна контрола и строги санкции за рецидивистити, преку институционална вмреженост и ефикасна размена на податоци помеѓу институциите. Еден од поголемите проблеми што ги имаме во контекст на сообраќајната безбедност е огромниот расчекор помеѓу бројот на пријавени и осудени прекршители. Постојат бројни случаи каде луѓе кои сториле тешки кривични дела во сообраќајот поминуваат со минимални или дури и условни казни. Казните, колку и да се високи на хартија, не значат ништо ако тие не се изрекуваат, а уште помалку ако не се спроведуваат. Ние мораме да го разбиеме овој систем на компромиси и полуправда, односно неправда.Министерот потенцираше дека одлуките што ќе се донесат на самата расправа ќе бидат пресудни за тоа дали ќе изградиме општество во кое владее ред и закон или ќе продолжиме да живееме во средина каде што беззаконието и неказнивоста стануваат норма и дека ова е можност која не смее да се пропушти да се направи вистинската промена, промена која ќе спаси животи, што ќе донесе правда и што ќе обезбеди систем што ќе функционира за сите граѓани, подеднакво.

Македонија | пред 1 година

(Видео) Првото и последно интервју на Игор Југ: Силни пораки кои вознемирија многумина

Првото и последно интервју, Игор Југ го даде минатото лето во „Претрес со Ландов”. Разговорот шокираше, изненади но и вознемири многумина.Игор Југ доби 9-годишна затворска казна за настаните на 27 април. За тоа кажа:„Ниту сум имал намера да влезам, ниту сум знаел да ќе се отворат вратите, ниту сум носел пиштол. Захарије Симовски призна дека носел пиштол во Собранието, а тврдеше и дека и Игор Југ и Јане Ченто носеа пиштол ама не ги извадија тврдеше тој по нарачка на Вилма Русковска за да биде амнестиран.Јас сум контраверзен, но не сум кварен, не сум лажов и не сум манипулант. Јас ќе ти кажам што мислам нема да ти работам зад грб”, рече Игор Југ.Говореше и за екс премиерот и екс лидер на ВМРО-ДПМНЕ: Груевски прв нè нападна, старите вмровци беа оставени на маргините.Човекот кој што рече не седи по влечки, излези надвор, бори се за својата држава, бори се за својата држава, тој истиот човек, прв нè нападна. Не ги дочека првите петли. Рече насилниците да бидат настрого казнети. Нели е така? Никола Груевски“ одговора Игор Југ во Поткастот „Претрес со Ландов“ на прашањето кои се тие кои го наместиле како што посочи во 2018 година.Говореше и за голготата на неговото семејство:„Toa што го помина моето семејство не го посакувам на ниту едно семејство, дури ниту на семејството на господинот од Муртино, Зоран Заев па дури и на Ќурката, така го викавме”.Игор Југ шокираше многумина со изјавата: Реформаторите ми дадоа безобразна понуда да го наместам Груевски за да излезам од затвор.Целиот поткаст и пораките на Игор Југ во видеото:

Македонија | пред 1 година

Филков: Зголемување на казните за возачите кои ја загрозуваат безбедноста во сообраќајот

Министерството за правда смета дека постои сериозна потреба за понатамошно разгледување и анализа на постојната законска регулатива. Фокусирани сме на утврдување на можни измени и дополнувања во законите, кои ќе придонесат за значително зајакнување на безбедноста на патиштата.Министерот за правда Игор Филков во своето обраќање на јавната расправа ,,Анализа и утврдување на потребата за изменување на законската регулатива со цел зајакнување на безбедноста на сообраќајот“, посочи дека е потребно да се подобрат казнените одредби во однос на прекршителите, поткрепени со детална анализа на практиката на изрекување и спроведување на казните.„При изготвувањето на измени на законската регулатива, особено во делот на санкциите, потребно е да се постави прашањето: „Дали казните за прекршувачите на сообраќајните правила се соодветни и доволно ригорозни за да имаат одвраќачки ефект?“. Ова ќе ни помогне да идентификуваме кои области е потребно да се засилат со нови законски мерки, како што се алкохолот, брзината, користењето мобилни телефони и други ризични фактори“, рече министерот Филков.Дополнително,според министерот одредени сообраќајни прекршоци треба да бидат регулирани како кривични дела. Во таа насока, потребно е да се иницираат законски измени кои ќе ја прошират листата на кривични дела против безбедноста во сообраќајот. Ова не се однесува само на тешките кривични дела кои вклучуваат опасност за животот и имотот на луѓето, туку и на прекршоците како што е неукажувањето помош на лице повредено во сообраќајна незгода.„Зачестеноста на сообраќајните деликти со висок степен на општествена опасност, заедно со ниското ниво на сообраќајна култура во нашето општество, создаваат силна потреба за заострување на казнената политика. Ова ќе обезбеди ефективни санкции за прекршителите, кои ќе имаат одвраќачки ефект и ќе помогнат во намалувањето на сообраќајните несреќи и нивните тешки последици“, порача Филков.Министерот информираше дека заедно со Министерството за внатрешни работи, судии од Одделот за прекршоци во Кривичниот суд Скопје и универзитетски професори, работат на интензивна имплементација на новите законски измени во Законот за прекршоците, Законот за безбедност на сообраќајот на патиштата.Новите измени и дополнувања во Законот за прекршоци ќе вклучуваат посебна постапка за прекршоци од областа на безбедноста на сообраќајот на патиштата, која ќе се однесува на прекршоците кои се детектирани преку електронски системи, како што е системот „безбеден град“ (safe city).Овој систем ќе овозможи брзо и точно утврдување на прекршоците, со што ќе се намали бројот на несреќи и ќе се обезбеди побрза реакција на властите. Со оваа новина се предвидува кратки рокови за постапување пред судот, што ќе го забрза процесот на правдата.За сторители кои по трет пат ќе се најдат на суд, а во случај на сериозни прекршувања, како што се возење под дејство на алкохол или прекумерна брзина, судот ќе изрече санкција која подразбира престанок на важење на возачката дозвола. Ова ќе значи дека возачот нема да може да стекне нова возачка дозвола додека не помине една година од правосилноста на пресудата.Сите измени имаат за цел и се стремат да го намалат бројот на сообраќајните незгоди, особено оние кои резултираат со смртни последици, и да ги заштити животите на сите учесници во сообраќајот.

Македонија | пред 1 година

Силувал дете во напуштен локал во Тетово па избегал: истрага против 34-годишник

Основното јавно обвинителство Тетово донесе Наредба за спроведување истражна постапка против 34-годишник за кого постои основано сомнение дека сторил кривично дело – Силување дете кое не наполнило 15 години, казниво според член 188 став 2 во врска со став 1 од Кривичниот законик.Осомничениот на 28.11.2024 година, во напуштен локал од градскиот трговски центар во Тетово, со употреба на сериозна закана со нож, насилно извршил полов однос со дете родено 2010 година, по што избегал. Детето исплашено од заканите на осомничениот кажало за настанот само на еден другар, се до 04.02.2025 година кога дознал братот на жртвата и веднаш пријавил во полиција.По предлог на јавниот обвинител, на осомничениот му е определена мерка притвор во траење од 30 дена.

Македонија | пред 1 година

Приведен велешанец, пронајдени 11 килограми опиум

Вчера во 16.00 часот, полициски службеници од Отсекот за недозволена трговија со дрога при СВР Велес го лишиле од слобода З.К.(54) од Велес. При претрес во неговиот дом, извршен со наредба од Основен суд Велес, била пронајдена и одземена темно кафеава грутчеста материја, за која по извршеното вештачење во Одделот за форензички испитувања било утврдено дека е опиум со нето маса од 11 килограми.З.К. бил задржан во полициска станица, известен јавен обвинител и по целосно документирање на настанот, против него ќе биде поднесена пријава за „неовластено производство и пуштање во промет на наркотични дроги, психотропни супстанци и прекурзори“ по член 215 од Кривичниот законик.

Македонија | пред 1 година

Нема фотографија

„Каде што срцето е дома“: Аеродром прв домаќин на серијата теренски посети на Министерството за локална самоуправа

Општина Аеродром денеска беше домаќин на првата од серијата посети на Министерството за локална самоуправа „Каде што срцето е дома“. Оваа иницијатива има за цел изворно запознавање со предизвиците и реалните потреби на локалните самоуправи и граѓаните, со фокус на изнаоѓање соодветни решенија за нивно надминување и поголем напредок. На посетата присуствуваа министерот Златко Перински, заменик министерот Ерџан Селими, в.д. градоначалникот Дејан Митески, претседателот на општинскиот Совет, Љупчо Ацковски и членови на Советот.Министерот Перински истакна дека како жител на Аеродром добро ги познава состојбите во Општината, а и свесен е за предизвиците и потребите на Општината и граѓаните.„Како најнаселена скопска општина, Аеродром има свои предности, но и недостатоци. Најголем предизвик е да се постигне баланс помеѓу растот и одржливиот развој, со цел да биде осигурано квалитетно секојдневие на граѓаните од сите аспекти. Сакам јавно да му оддадам признание на в.д. градоначалникот Митески кој во досегашното раководење со Општината успешно се справува со сите околности и да го охрабрам да продолжи посветено и со визија да работи во интерес на сите аеродромци кои верувам се горди што живеат во општина која реално исполнува високи стандарди. Заеднички можеме и верувам ќе постигнеме уште повеќе“, изјави министерот Перински.Во рамките на посетата се одржа отворена дискусија за планираните реформи на Законот за локална самоуправа, како и за актуелните проблеми со паркирање, загадување, урбанизација и безбедност во сообраќајот. Беа разгледани и иницијативи за промоција на алтернативни видови транспорт, поставување на паметни семафори, дигитализација на административни услуги и зголемување на зелените површини, со кои би се надминале дел од предизвиците за поквалитетно секојдневие на аеродромци.В.Д. градоначалникот Митески и претседателот на Советот, Ацковски, ја поздравија иницијативата за теренските посети на општините, планираната измена на Законот за локална самоуправа и потенцираа дека Општината и Советот, ќе продолжат да работат посветено во интерес на граѓаните.„Чест и задоволство ми е што нашата општина е прва во низата општини кои ќе се посетуваат како дел од „Каде што срцето е дома“. Владата и Министерството имаат голем слух за нас градоначалниците и нивната отвореност и подадена рака се од големо значење за Општината, односно за граѓаните и верувам дека соработката и поддршката ќе продолжи и во иднина, а и ние ќе продолжиме посветено да работиме во интерес на граѓаните кои ни ја дале довербата“, изјави в.д. градоначалникот Митески.Утре, во рамки на „Каде што срцето е дома“ во Општина Аеродром, министерот Перински ќе одржи средба со претставници на бизнис секторот и невладини организации, културни и спортски работници, а добредојдени се и сите граѓани кои имаат прашања, предлози и сугестии во насока на поголем напредок на Општината. Средбата ќе се одржи во 12 часот во ООУ „Љубен Лапе“.

Скопје | пред 1 година

​​​​​Левица поднесе Закон за кривична одговорност на судиите

Амар Мециновиќ - портпарол на Левица и пратеник во собранието, одржа прес-конференција по однос на поднесениот предлог-закон за дополнување на Кривичниот законик, со којшто Левица предлага воведување на кривична одговорност на судиите:„Предлагаме по членот 353 в, да се додаде нов член и наслов 353 г, кој гласи 'Кршење на законот од страна на судии'. Кривичното законодавство на Република Македонија, како континуитет на СФР Југославија, со цел спречување на корупцијата и незаконското работење во судството, се до 1996 година го криминализираше незаконското работење на судиите во судовите. Од 1996 година, до денес, декриминализацијата ја доведува во прашање гарантираната заштита на граѓаните при остварувањето на своите права.Предолго никој не поднесува одговорност за тоа што граѓаните го мислат, а јавноста го артикулира и носи погубни резултати. Не може ние да имаме доверба во судството од 2%, а сите три нивоа на власт ништо да не прават во однос на тоа. Овој закон не е против судството, туку против корупцијата во судството. Правниот систем, како и политиката се гнили од корупција. Политиката и судиите во спрега имаат создадено систем кој создава апсолутна несигурност, егзеистенцијална и правна за нашите граѓани.Со овој предлог закон сметаме дека ќе има позитивни последици. Повеќе нема да има пресуди нарачани од бизнис и политички структури. Граѓаните ќе добијат правна сигурност. Секој што ќе биде оштетен од незаконска пресуда, ќе знае дека судијата што го оштетил ќе одговара. Пред се, ќе покажеме дека никој не е над законот.“, кажа Мециновиќ.

Македонија | пред 1 година

Приведен бегалец од затвор

Вчера во 21.30 часот на автопат А1 во близина на Граничен премин Богородица, полициски службеници од СВР Струмица - ОВР Гевгелија го лишиле од слобода З.В.(43) од Штип.Тој бил осуден на затворска казна во траење од седум години и две месеци за сторено кривично дело „разбојништво“, а бил баран по потерница поради бегство од Казнено - поправната установа Затвор Штип.Лицето било спроведено во Казнено - поправната установа Затвор Штип за доиздржување на две години и 5 месеци од казната.

Македонија | пред 1 година

(Видео) СДММ: Возел пијан, без возачка, направил сообраќајка - бараме оставка од пратеникот Сергеј Попов

„Додека младите во Македонија протестираат, бараат правда и безбедност на улиците, се објави голем скандал кој го покажа вистинското лице на ВМРО-ДПМНЕ. Сергеј Попов, актуелен пратеник и претседател на УМС на ВМРО-ДПМНЕ, во 2014 година возел пијан, без возачка дозвола и предизвикал сообраќајка во која повредил жена!“, кажа Трајче Стојчевски - претседател на СДММ.„Поради ова е осуден за тешко кривично дело – возење без дозвола, под дејство на алкохол и предизвикување тешка сообраќајна несреќа. Вакво неморално однесување е во суштина идентично како однесувањето на сторителот на сообраќајката на младата Фросина.Сто тоа што убиецот на Фросина е во затвор, а Сергеј Попов е пратеник од ВМРО-ДПМНЕ. Ете какво е вистинското лице на ВМРО-ДПМНЕ, сосема спротивно на се што младите сакаат и за што се борат и залагаат.После ова ниту Попов ниту ДПМНЕ немаат право јавно да ги повикуваат младите, ниту на протести ниту да ветуваат промени. Не може осуден за несовесно возење без положен возачки испит, за возење под дејство на алкохол и за предизвикување сообраќајна несреќа, да зборува за правда и системски реформи.Заради таквите како него младите се незадоволни и се на улиците.Сергеј Попов е дел од системот што убива и мора да понесе одговорност, да си даде неотповиклива оставка од функцијата пратеник и оставка од функцијата претседател на вмровската УМС.Младите заслужуваат одговорни и чесни претставници без скандали и кривични пријави зад себе“, изјави Трајче Стојчевски - претседател на СДММ.

Македонија | пред 1 година

(Видео) Шехтанска: Господ некогаш ги враќа бившите да види колку си глуп

На темата Каде се кријат добрите прилики во “Нешто конкретно“ се разви жестока дебата. Па така за добра прилика актерката Катерина Шехтанска не ја смета жената која само оди по доктори и се "боцка" и не прави ништо друго, на што повикан се најде другиот гостин естетскиот хирур Роберт Стојовски кој во шега рече види има закон за рекламирање па ќе видиме како ќе поминеш и додаде дека тој прв не би вработил кај себе во ординација девојка со пренагласени гради и усни.- Оние кои претеруваат со естетските корекции тоа го прават затоа што сакаат да сокријат нешто кај себе-заклучи СтојовскиНа прашањето пак дали Поранешните се добра прилика, Шехтанска беше децидна:Господ некогаш ги враќа бившите да види колку си глупВо разговорот се наметна и прашањето дали ако твоите родители се веќе познати во фелата автоматски ти се отворени вратите на што Шехтанска остро демантираше-Јас како ќерка на актер (Александар Шехтански) многу полошо поминав и на факултет и сега како актер.Тие што го мразеле татко ми ме мразат и мене и не ти ни даваат шанса да се докажеш.На што се надоврза и др.Стојовски кој рече дека како син на двајца доктори секогаш го гледале дека и факултет и во професијата напредува токму заради родителите:Е затоа си отидов на приватно да не ми викаат дека сум останал во јавно здравство заради врските.Професорот Васко Наумовски кој прв пат има искуство со вакво гостување имаше одличен одговор на прашањето за оние мажи кои се плашат нивните убави сопруги да ги покажат во јавност - Епа во подрум нека ги чуваат. Алудирајќи дека станува збор за ниска самодоверба.Водителот Ненад кој беше тука да подбуцне праша:Дали е побитна кубикажата во гради или дебелината на книгите за да една жена успее?А и прашањето зет мајстор или зет бизнисмен е подобро прилика исто разви голема дискусија.

Магазин | пред 1 година

Нема фотографија

Пешевска: Бевме сведоци како се бираа уставни судии, партиски полтрони, јавни обвинители, резултатите од таквиот начин на избор ги гледаме сега

За реформите во судството ние седум-осум години во Собранието апелиравме многу како пратеници. Јас во тие два мандати учествував во работата на Собранието интензивно и апелиравме и во однос на изборот на судии и во однос на оној Закон за Академија на судии и јавни обвинители којшто се носеше по скратени постапки, буквално на сила изгласани дневни редови и многу закони донесени со европско знаме и така натаму, изјави пратеничката истовремено и претседателка на Унијата на жени на ВМРО-ДПМНЕ, Жаклина Пешевска во вчерашната емисија „24 Анализа“ на Телевизија 24 во текот на која се осврна на повеќе политички и актуелни случувања и теми.Пешевска во овој контекст, го истакна фактот дека довербата на граѓаните во судството изнесува само 2% односно огромна недоверба во истото од 98% како и над 50% неажурност на судовите за што сведочат самите извештаи.„Како Влада сегашна, а претходно во изборната програма ние тоа го ветувавме дека треба реформи во судството без притоа да ние се мешаме. Ако ние сме потегнале да ги разрешиме сега, затоа што таму се именуваат, во Собранието се именуваат, таму би биле логично разрешени, тоа не значи никако дека извршната власт ќе се меша во изборот на Судскиот Совет. Затоа што дефинитивно и ние бевме застапници на таа теза дека извршната власт без разлика, па и законодавната сме вмешани процедурално, но треба политичарите да ги тргнат рацете дефинитивно од судската власт“, концизна е Пешевска.Според неа се она што се случува во изминатиов период, особено во последниве неколку дена е всушност резултат и сведочи токму за таквата вмешаност на политичарите и некоректноста на сите чинители.„Бевме сведоци како се бираа уставни судии, бевме сведоци како се бираа јавни обвинители, партиски полтрони, после седум, осум години уништување на се што можеше, па колку неуставни закони се донесоа, колку го осквернавивте вие Уставот, колку национални порази вие предизвикавте во државата. Штетите што вие ги направивте некои се непоправливи и неповратливи за тие работи што вие ги предизвикавте треба да имате доблест“ јасно потсети Пешевска обраќајќи се до нејзината соговорничка од опозициската СДСМ во рамките на дебатата.Пешевска цени дека опозицијата треба да има минимум достоинство, да се исправа пред јавноста и да се извини пред македонските граѓани кои беа манипулирани од нивна страна.„Вие се најавувавте како реформска влада, вие р од реформи не спроведовте. Најголем број протести пред судии ви се случуваа во време на вашето владеење, тоа покажува како вие сте ги тргнале рацете од судската власт. Зошто ако вие толку сте ги тргнале рацете од судската власт судството заврши како „трас-трас“судство и Луи Витон обвинителство? Па ние гледавме снимки со торбите пари каде се носеле“, вели Пешевска.

Македонија | пред 1 година

Нема фотографија

Ангеловска-Бежоска – Палминтери: Народната банка цврсто чекори кон Европскиот систем на централни банки

Народната банка постојано работи на усвојување на најдобрите европски практики и стандарди со што сѐ повеќе се приближува до Европскиот систем на централни банки. Ова беше посочено на средбата помеѓу гувернерката на Народната банка Анита Ангеловска-Бежоска и амбасадорот на Република Италија во земјава, Паоло Палминтери.Во оваа смисла беше нагласено значењето на поднесеното барање за членство на земјава во Единствената област за плаќања во евра (СЕПА). Амбасадорот Палминтери ја изрази својата поддршка за заложбите на Народната банка во овој процес. Гувернерката Ангеловска-Бежоска посочи дека имајќи го предвид високиот степен на усогласеност на правната рамка, се очекува позитивна оцена што ќе овозможи скорешно пристапување на нашата земја во СЕПА.На средбата, стана збор и за системот за инстант плаќања којшто централната банка на Италија го развива за земјите од Западен Балкан, по одлука на Европската централна банка (ЕЦБ) како клон на системот ТИПС со кој таа управува. Системот ќе овозможи инстант извршување на домашните плаќања во текот на кое било време од денот во текот на годината во секоја од земјите, како и на нивните меѓусебни плаќања и на плаќањата со земјите од ЕУ. Поставувањето платежна инфраструктура за инстант плаќања во земјите од регионот по стандардите и правилата на системот на ЕЦБ претставува историски исчекор за развојот на регионот и негова интеграција на единствениот европски пазар и пред земјите да обезбедат полноправно членство во ЕУ, се согласија гувернерката и амбасадорот.Се разговараше и за билатералната соработка на нашата со централната банка на Италија, во рамките на втората фаза од Регионалната програма за зајакнување на капацитетите на централните банки на Западен Балкан, финансирана од Европската Унија. Оваа соработка ќе придонесе кон унапредување на стандардите и примената на најдобрите практики во Народната банка, преку споделување искуства и експертиза од страна на Банката на Италија.Гувернерката Ангеловска-Бежоска и амбасадорот Палминтери ја потврдија својата заложба за понатамошно јакнење и продлабочување на соработката, заради унапредување на финансиската стабилност и натамошна интеграција на финансискиот систем со европскиот финансиски систем, особено во платежната сфера.

Македонија | пред 1 година

Приведен крадец во Тетово, следува соодветна пријава

Вчера во 11.35 часот на улица „146“ во Тетово, полициски службеници од СВР Тетово го лишиле од слобода Р.Љ.(50) од Тетово поради основано сомнение дека на 01.02.2025 извршил кривично дело „тешка кражба“, при што од зграда во изградба, сопственост на Ф.Е.(50) од с.Милетино, тетовско, одзел повеќе предмети.Кај него биле пронајдени одземените предмети и биле вратени на сопственикот. Лицето било задржано во полициска станица и по целосно документирање на случајот против него ќе следува соодветна пријава.

Македонија | пред 1 година

(Видео) Петрушевски: Пеце Мирчевски потрошил десетици илјади евра службени пари на приватни патувања

„Пеце Мирчевски потрошил десетици илјади евра службени пари за патувања, авио билети и сместувања, кои не биле службени, туку приватни. Пеце Мирчевски го оштетил буџетот на СОЗР за 29.000 евра, само потпишувајќи неосновани решенија за резервации на хотели, авионски билети и службени патувања кои не биле оправдани“, рече Бране Петрушевски, пратеник на ВМРО-ДПМНЕ.„Во периодот од 1 јануари 2022 година до 13 јуни 2024 година, Пеце Мирчевски во повеќе наврати потпишувал решенија за резервации на хотели, како и авио-билети за патувања во странство, со образложение дека се работи за службени потреби, иако во реалноста тие патувања не биле поврзани со неговата функција. На овој начин, тој го оштетил буџетот на СОЗР за 29.000 евра.Пеце Мирчевски одел до таму што се пишувал и како новинар, за да патува во Бугарија, за каде патот и смештајот му е платен како на новинар.Аздисаноста за шетање на државен трошок од приватен карактер ја чинеле државата и пари и углед. Одговорност има“, изјави Бране Петрушевски, пратеник на ВМРО-ДПМНЕ.

Македонија | пред 1 година

Трајковски: Имам закани од овие психопативе тука, од нивната партија, но не им се плашам

За првпат во судница денеска се појави и сведочеше Гоце Трајковски, пријател на обвинетиот Александар Ѓорчевски, татко на 14-годишната Вања.Трајковски не познава ниту еден од обвинетите и како што изјави не е во роднинска врска со никој пд нив.Се пожали дека по настаните поврзани со случајот, добивал закани.„Пред да сведочам, сакам да кажам дека имам закани од овие психопативе тука, од нивната партија. Пази што зборуваше да не пропаднеш во дупка. Сакам да кажам дека никој не им се плаши на овие психопативе. Заканите беа од профилот „Недвижности Битола“. Заканата беше да внимавам што зборувам. И после тоа се вклучија во живо од партијата, и самите се издадоа дека се од тој профил. Имам и тужба против нив. Не сум јас 14-годишно девојче да ми се закануваат“, рече Трајковски.

Македонија | пред 1 година

Стефковски: Дојавите за бомба во 10 училишта во Гази Баба се лажни

Утрово во 10 општински основни училишта на територија на општина Гази Баба пристигна дојава за поставена бомба.Веднаш по примените дојави, училиштата согласно утврдените протоколи пријавиле во полиција, часовите беа прекинати, а учениците заедно со наставниците оддалечени на безбедно надвор од училиштата, извести општината.Градоначалникот на општина Гази Баба Бобан Стефковски по информациите добиени од директорите, разговараше со надлежните институции кои веднаш превземаа активности за извршување на соодветни проверки по што беше утврдено дека се работи за лажни дојави.Тимови од Министерството за внатрешни работи извршија соодветни проверки во сите Основни училишта во Гази Баба каде утрово пристигнаа дојави за бомби и е утврдено дека се работи за лажни дојави.Благодарност до Министерот за внатрешни работи Панче Тошковски и до полициските службеници за брзата реакција и експресното спроведување на безбедносните проверки.Во оние училишта каде има настава во втора смена, истата ќе се одвива согласно предвидените распореди за оддржување настава.Благодарност и до родителите за соработката, трпението и разбирањето кое го имаа ова утро. – напиша градоначалникот Стефковски на социјалните мрежи.

Скопје | пред 1 година