Температурата до 13 степени: вакво ќе биде времето денеска

МИНИМАЛНИ ТЕМПЕРАТУРИ (во °С)-4 Берово, -3 Битола, -2 Тетово, Скопје-Петровец, Маврови Анови, Демир Капија, -1 Велес, Прилеп, Струмица, Дебар, 0 Охрид, Крива Паланка, Штип, Куманово, Кавадарци, Скопје-Зајчев Рид, 1 Претор, 2 Виница, Попова Шапка, 4 Крушево, 6 Гевгелија.ВИСИНА НА СНЕЖНА ПОКРИВКА во 07 часот (во сm)34 Попова Шапка, 26 Маврови Анови.ВРЕМЕТО ВО ТЕКОТ НА НОЌТА И ИЗУТРИНАВАВо текот на ноќта по котлините се создаде магла и ниска облачност, а во останатите делови од земјата беше ведро и претежно тивко.ВРЕМЕТО ДЕНЕСКАНаутро ќе има појава на магла по котлините, а преку денот ќе биде сончево со мала до умерена локална облачност поголема попладне. Ќе дува слаб ветер од северозападен правец.Максималната температура ќе достигне од 8 до 17 степени.Во Скопје наутро со појава на магла, преку денот сончево со мала до умерена облачност која ќе се зголеми од пладневните часови и ќе биде претежно тивко. Максималната температура ќе достигне до 13 степени.

Македонија | пред 1 година

(Видео) Јапонската ракета Каирос откажа неколку минути по полетувањето

Јапонската компанија Space One го прекина летот на својата ракета Каирос веднаш по полетувањето, што го означи вториот неуспешен обид за девет месеци да стане првата јапонска приватна компанија која испрати сателит во вселената. Тоа е најновото во низата неуспеси во развојот на ракетите на Јапонија, бидејќи владата се обидува да ја зајакне домашната вселенска индустрија со цел од 30 лансирање ракети годишно до почетокот на 2030-тите.Властите се посветени да ја претворат Јапонија во центар на азискиот вселенски сообраќај. Вториот лет на Каирос, кој траеше само околу 10 минути, беше прекинат бидејќи „да се оствари неговата мисија би било тешко“. „Несоодветните поставки за летот го активираа автономниот систем за самоуништување на ракетата, иако не беа пронајдени никакви хардверски проблеми“, рече Space One.Компанијата најави истрага. Сликите во живо од локалната власт на префектурата Вакајама покажаа дека 18-метарската ракета со цврсто гориво полетала од вселенското пристаниште Кии во западна Јапонија во 11 часот по локално време, но ја губи стабилноста на својата траекторија додека се искачувала.https://twitter.com/DunyaGemisi/status/1869274219114303767?ref_src=twsrc%5Etfw#dmid=eabcb6d7-036f-415e-a97a-8ddc674a30c0Ракетата, која се упати во орбитата на надморска височина од околу 500 километри над површината на Земјата, носеше пет мали сателити, вклучително и еден од Тајванската вселенска агенција.Space One со седиште во Токио е основана во 2018 година од Canon Electronics, воздухопловната поделба на IHI Corporation, градежната компанија Shimizu и банката поддржана од државата, со цел до 2029 година да лансира 20 мали ракети годишно за да се задоволи зголемената побарувачка за лансирање сателити. .

Свет | пред 1 година

Русија го приведе осомничениот за бруталната ликвидација на генералот Кирилов, открија кој е: „Му нуделе 100.000 долари“

Русија го приведе осомничениот за убиството на генералот Игор Кирилов, што се случи вчера во Москва, пренесува Sky news.Тој е државјанин на Узбекистан кој рече дека бил регрутиран од украинските разузнавачки служби (СБУ).Рускиот истражен комитет објави дека на осомничениот за убиството на Кирилов „му биле понудени 100.000 долари за да го изврши тој атентат“.https://twitter.com/KyivPost/status/1868979756043305016Конкретно, претставничката на комитетот, Светлана Петренко, утрово изјави дека Украина на маж од Узбекистан му понудила награда од 100.000 американски долари и живот во една од европските земји.Да потсетиме, Кирилов беше убиен вчераутро во Москва откако активирана направа била скриена во скутер кој бил паркиран до влезот на станбена зграда. Неколку извори на SBU тврдат дека тие се одговорни за нападот што се случи недалеку од Кремљ. Рускиот истражен комитет соопшти дека во тек е идентификација на уште едно лице вмешано во организацијата на атентатот.На социјалните мрежи се појави и видео кое го покажува точниот момент на удар. На видеото се гледа голема експлозија, снег кој паѓа од автомобилите во близина, а во исто време им се вклучува и безбедносниот аларм.

Свет | пред 1 година

Русија: Го уапсивме човекот кој го уби генералот Кирилов

Руската служба за безбедност соопшти дека 29-годишен државјанин на Узбекистан е приведен за убиството на високиот генерал Игор Кирилов и неговиот помошник во Москва.Генерал-полковник Игор Кирилов, началник на силите за нуклеарна, биолошка и хемиска одбрана (НБЦ), загина вчера рано утрото кога беше активирана експлозивна направа што се наоѓала на мобилен телефон. Руските безбедносни служби изјавија дека осомничениот бил регрутиран од украинската разузнавачка служба, јавуваат државните медиумски агенции.Украински извор вчера за Би-Би-Си потврди дека зад убиството стои украинската служба за безбедност. Изворот наведува дека Кирилов бил „легитимна цел“. Во понеделникот, ден пред убиството, Украина го обвини Кирилов (54) во отсуство, велејќи дека тој е „одговорен за масовната употреба на забрането хемиско оружје“.Центарот за односи со јавноста на руската Федерална служба за безбедност (ФСБ) соопшти дека уапсениот 29-годишник е „осомничен дека извршил терористички напад“. Во соопштението за печатот се наведува дека за време на сослушувањето „објаснил дека бил регрутиран од украинските специјални служби“.Се додава дека 29-годишникот пристигнал во Москва по инструкции од Украина и најмил автомобил за да ја надгледува резиденцијата на Кирилов. Експлозивната направа ја поставил на електричен скутер што го паркирал на влезот од станбената зграда во која живеел Кирилов, соопшти ФСБ. ФСБ наведе дека на осомничениот му е „гарантирана“ награда од 100.000 долари и бегство во европска земја.

Свет | пред 1 година

(Видео) Русковска vs Русковска: Спорно и е ако Мицкоски одговара на прашања за предмети, но не и ако Заев и се јавува за предмети

Вилма Русковска го искритикува премиерот Христијан Мицкоски бидејќи одговарал на новинарски прашања за предмети кои ги води Минситерството за внатрешни работи. Според неа, тоа мешање на извршната власт во судската власт.„Кој е премиерот да дава такви информации и изјави? Тоа е мешање диркетно на извршната власт во судската власт. Затоа постои министер за внатрешни работи кој треба да одговори на новинарски прашања и се. Не смее премиерот тоа да го прави“, рече Русковска во „Топ тема“.Истовремено, Русковска во поткастот „Претрес со Ландов“ во октомври рече дека контактирала со претходниот премиер Зоран Заев кој и барал преквалификација на делото за „27 април“, но и се јавувал и за Рашковски. Не го пријавила и не гледа ништо спорно.

Македонија | пред 1 година

Со потерница ќе го враќаат Груби од Косово

Артан Груби се бара со меѓународна потерница. Ова доаѓа откако доби притвор од Кривичниот суд, како осомничен во предметот „Лотарија“. Истовремено, со потерница се бара и ексдиректорот на Лотарија, Перпетим Бајрами.„По донесените решенија на Основниот кривичен суд Скопје со кое е определен притвор за двајца осомничени во истрагата за проневера во "Државна лотарија", кои се недостапни на органите на прогонот, Основното јавно обвинителство Скопје вечерва до Министерството за внатрешни работи ќе издаде наредба за објава на национална потерница и изјава за распишување меѓународна потерница“, велат од Обвинителството.

Македонија | пред 1 година

Познато како Груби преминал граница: бил на „стоп листа“, но не бил спречен да отиде во Косово

Артан Груби бил на „стоп листа“ во моментот кога ја напуштал Македонија и тргнал кон Косово. Полициски службеник не се обидел да го спречи да помине, туку напротив, го пуштил.„Наведеното лице во моментот кога ја минало државната граница имало забрана за напуштање на државата.Во наведениот случај полицискиот службеник бил должен да не му дозволи излез од државата и да постапи согласно изречената забрана. Поради непостапувањето согласно пропишаните процедури, известен е Одделот за внатрешна контрола при МВР“, велат од МВР за „Скопје1“.Според видео материјалот од Граничниот премин Блаце, двете лица државната граница ја минуваат со возило со дипломатски регистерски ознаки на 15.12.2024 година во претпладневните часови.

Македонија | пред 1 година

30 дена притвор за Груби: судот смета дека може да се крие и да уништува траги

Кривичен суд сепак му определи притвор на ексвицепремиерот Артан Груби.„По добиено известие од надлежното МВР, дека двете лица за кои ЈО предложи мерка притвор од нивно пронаоѓање односно лишување од слобода, а поврзани со истрагата за Државна лотарија, се недостапни за органите на прогон, донесе решенија со го прифати предлогот на ЈО и им определи мерка притвор од траење од 30 дена, заради постоење на основите од чл.165 ст1. Т.1 и 2.“, велат од Кривичен суд за „Скопје1“.Според судот, постои основано сомневање дека може да се крие и бега, но и да фалсификува и уништува траги.Дел од медиумите објавија дека Груби се враќа во Македонија, но „Скопје1“ не успеа да добие ваква потврда од осомничениот кој засега се наоѓа во Косово, каде отиде пред два дена (неделата).Засега е познато дека Груби со уште едно лице, во возило со дипломатски таблици ја напуштило Македонија преку граничниот премин со Косово. Се шпекулира дека станува збор за газда на познат бренд.Груби и самиот најави дека ќе се врати во Македонија.

Македонија | пред 1 година

Засега нема притвор за Груби, се враќа ли во Македонија?

Засега Кривичниот суд нема одредено мерка притвор за ексвицепремиерот Артан Груби, велат од Кривичен суд за „Скопје1“. Тој е осомничен во предметот за „Државна лотарија“, но истовремено, не е ниту во Македонија.Дел од медиумите објавија дека Груби се враќа во Македонија, но „Скопје1“ не успеа да добие ваква потврда од осомничениот кој засега се наоѓа во Косово, каде отиде пред два дена (неделата).Засега е познато дека Груби со уште едно лице, во возило со дипломатски таблици ја напуштило Македонија преку граничниот премин со Косово. Се шпекулира дека станува збор за газда на познат бренд.

Македонија | пред 1 година

Се финализира иницијативата за зазеленување на Мега паркот во Карпош

Првиот потпретседател на Владата и министер за животна средина и просторно планирање, г. Изет Меџити учествуваше во иницијативата за засадување садници во новиот Мега парк во општина Карпош, дел од акцијата за урбано зазеленување на Скопје, со донација од Европската Унија преку проектот „ЕУ за чист воздух“.За време на иницијативата за засадување 956 дрвца, во присуство на амбасадорот на Европската Унија во Северна Македонија, Михалис Рокас, претставникот на УНОПС во Северна Македонија, Марко Вујачиќ, и градоначалничката на Град Скопје, Данела Арсовска, Меџити рече дека оваа иницијатива ја нагласува силата на партнерствата помеѓу Европската Унија, централната и локалната власт, како и партнерите за имплементација како што е УНОПС.„Работејќи заедно, успешно ги усогласивме ресурсите, експертизата и заедничката посветеност за подобрување на урбаните средини. Со засадување на 956 дрвја, стари по две и три години, од 16 автохтони видови, кои покрај ефектот на намалување на количината на CO2 во атмосферата, ќе ги апсорбираат и ПМ честичките, ќе ги ограничат ефектите од урбаните топлински острови, дополнително со зеленилото на разни локации во градот ќе ја направат околината многу поубава и поатрактивна за рекреативни активности, како што се бреговите на реката Вардар”, рече Меџити.Меџити информираше дека акцијата нема да се спроведува само во Скопје, туку дека вакви акции се преземени и ќе се преземаат во градовите Тетово, Куманово и Битола, а ќе може да им се приклучат и четирите најголеми градови во иницијативата на Економскиот совет на ОН за Европа „Предизвик на дрвјата во градовите“, бидејќи ќе бидат засадени околу 6000 дрвја, главно зимзелени, како дел од мерките против загадувањето на воздухот.Амбасадорот на ЕУ рече дека преку оваа иницијатива е збогатена биолошката разновидност на градот, придонесувајќи за поздрав урбан екосистем, додавајќи дека засадувањето на близу 1000 дрвја придонесува за филтрирање на штетните загадувачи од воздухот и ги регулира хидролошките циклуси и ги подобрува зелените простори Скопје.Градоначалничката на Скопје Данела Арсовска рече дека ваквите иницијативи претставуваат конкретни акции за намалување на аерозагадувањето, а се однесува на еден од итните еколошки предизвици.Дрвјата што беа засадени денеска ги донираше ЕУ преку проектот на ЕУ за чист воздух, додека засадувањето го направи Град Скопје преку ЈП Паркови и зеленило.

Македонија | пред 1 година

Кривична пријава против четири лица за сторено кривично дело „терористичка организација“

Секторот за борба против тероризам, насилен екстремизам и радикализам при Одделот за сузбивање на организиран и сериозен криминал на 15.12.2024 до Основното јавно обвинителство за гонење на организиран криминал и корупција поднесе кривична пријава против четири лица: Г.М.(21) од Гостивар за кривично дело „терористичка организација“ (член 394 а став 1) и против Х.Б.(32) од Струга, Р.С.(38) од Гостивар и Т.М.(27) од Гостивар за сторено кривично дело „терористичка организација“ (член 394 а став 2) од КЗ.Имено, Г.М. на почетокот на 2024 година создал терористичка организација во која членуваат Х.Б., Р.С. и Т.М., како и уште неколку засега непознати лица, па сите заедно формирале терористичка организација-„ќелија“ со основи на идеолошката матрица на познатата терористичка организација ИСИС, со намера за изведување на терористички акт на цивилни или таканаречени меки цели, односно јавни објекти на територија на Република Северна Македонија. За остварување на таа намера, Г.М. формирал повеќе групи на социјалната мрежа телеграм, во кои што споделувал претходно набавен и преведен пропаганден материјал на ИСИС и регрутирал нови членови, се обидел да набави огнено оружје, а набавил и упатства за изработка на импровизирани експлозивни направи кои што потоа требало да ги искористат за извршување на терористички напади. Х.Б., Р.С. и Т.М. членувале во дел од телеграм групите, каде што се споделувале преведени материјали кои претходно биле преземени од официјални медиуми користени од терористичка организација ИСИС како што е „EN-Nebe“ (официјален весник на ИСИС).По издадена наредба за претрес во дом од Основен кривичен суд Скопје, извршен е претрес каде што престојува Г.М., при што се пронајдени и одземени пиштол „гап“ кал.8 мм со празна рамка со метален додаток, два лап топ компјутери, полнач за лап топ, два мобилни телефони со две СИМ картички и истите се доставени до ОЈО за ГОКК.По извршената анализа на обезбедените електронски докази содржани во телефонот на Г.М., утврдено е дека тој формира и координира активности во својство како “војник на ИСИС тн. Исламска држава“ за медиумска промоција и заштита на терористичката организација, со намена за албанско говорно подрачје. Активностите се одвиваат главно на социјалната мрежа телеграм, при што Г.М. користи телеграм профили со кои што формира и администрира повеќе телеграм групи за организација и преработка на материјали преземени од официјални медиуми користени од терористичка организација ИСИС како што се: “AL-Hayat Media Center“ (официјален медиум на ИСИС), “EN-Nebe“ (официјален весник на ИСИС) и “Al-Bayan-Radio“ (официјален радио канал на ИСИС). Исто така, Г.М. формира неколку други телеграм групи во кои координира активности за ширење на агендата на ИСИС.Г.М. набавил повеќе фотографии со кои што се поттикнува извршување на терористички акти за време на новогодишните и божиќните празници со намера да ги сподели во телеграм групите кои што ги формирал за да поттикне извршување на терористички напади.Врз основа на добиени наредби за претрес на дом, на 15.12.2024 извршен е претрес во дом и други простории кај лицата, при што пронајдени и одземени се повеќе мобилни телефони, лап топ и деск топ компјутери, таблет, преносна меморија, видео рекордер, разна документација, листови хартија со натписи на арапски и албански јазик, прстен со амблем на ИСИС, книги со литература на арапски јазик и друго.Истиот ден, сите лица се лишени од слобода и на 16.12.2024 се изнесени пред судија на претходна постапка, од чија страна им е одредена мерка притвор во траење од 30 дена.

Македонија | пред 1 година

Визер почнува со продажба на авиобилети за Барселона, Лион и Штутгарт од скопскиот аеродром

По денешната средба меѓу генералниот директор на ТАВ Македонија, Неџат Курт, и управниот директор на Визер, Роланд Тишнер, билетите за трите нови авиолинии од Меѓународниот Аеродром Скопје до Барселона, Лион и Штутгарт се официјално во продажба на веб-страницата на Визер.Денес, 17-ти декември, генералниот директор на ТАВ Македонија, Неџат Курт и Роланд Тишнер, управен директор на Визер одржаа состанок на Меѓународниот Аеродром Скопје, по што официјално го објавија почетокот на продажбата на авиобилетите за трите нови авиолинии што ќе бидат достапни од Меѓународниот Аеродром Скопје, до Барселона, Лион и Штутгарт од следната летна сезона.Патниците на скопскиот аеродром, од 2025 година можат лесно да стигнат и да ја истражуваат Барселона, раздвижениот град познат по својата уникатна архитектура, богата историја и живописна култура; Лион, познат по својата кулинарска извонредност и историска значајност и задолжителна дестинација за љубителите на храна и љубителите на културата; и Штутгарт, познат по автомобилската индустрија и прекрасните паркови, кој нуди спој на современост и традиција; додека гостите од овие европски градови можат да ја истражуваат природата, историјата и кулинарството на Скопје и Северна Македонија.„Како ТАВ Аеродроми, воодушевени сме што можеме да го објавиме враќањето на Барселона како дестинација за одмор од скопскиот аеродром од 3 мај 2025 година, на која ќе сообраќа Визер, особено затоа што тоа беше најпосакуваната рута од нашите патници. Дополнително, освен до Барселона, Визер следната година ќе ги воведе и Лион и Штутгарт како нови дестинации од скопскиот аеродром, што ќе биде предност за сите бидејќи со ова се проширува мрежата на дестинации од скопскиот аеродром, мапата на авиолинии на Визер, како и опциите за патување за секој авантурист. Преку ова проширување на мрежата на авиолинии, со нетрпение очекуваме и целиме кон понуда на поголема удобност и подобрување на поврзувањето за нашите патници со светот“, изјави Неџат Курт, генерален директор на ТАВ Македонија.Новите авиолинии од/до Барселона и Лион ќе бидат оперативни почнувајќи од мај 2025 година, нудејќи им на патниците возбудливи можности да ги истражуваат енергичните европски градови по пристапни цени во претстојното лето. Директните летови до/од Штутгарт почнуваат да сообраќаат од септември 2025 година.„Овие нови авиолинии од Скопје ја истакнуваат нашата посветеност да нудиме удобни и достапни опции за патување за нашите патници“, изјави Роланд Тишнер, управен директор на Визер Унгарија. „Возбудени сме што можеме да ја диверзифицираме нашата мрежа и да го поврземе Скопје со популарните дестинации како што се Барселона, Лион и Штутгарт. Овие нови конекции ќе им овозможат на патниците да истражуваат нови возбудливи локации и да се впуштат во незаборавни авантури, истовремено нудејќи им можност на туристите од Западна Европа да ги откријат скриените убавини на Северна Македонија.“Резервациите за трите нови дестинации достапни од Меѓународниот аеродром Скопје се отворени од денеска, летовите ќе започнат на 3-ти мај 2025 година (Барселона) и ќе сообраќаат секој вторник и сабота, на 1-ви мај 2025 година (Лион), со летови закажани за вторник, четврток и сабота, додека летовите до Штутгарт ќе започнат да сообраќаат на 29-ти септември 2025 година, со летови три пати неделно, во понеделник, среда и петок.Летовите до новите дестинации од Меѓународниот аеродром Скопје може да се резервираат на официјалната веб-страница на Визер и преку мобилната апликација на авиокомпанијата. Основните цени почнуваат од само 24,99 евра за Штутгарт и 29,99 евра за Лион. Летовите од Скопје до Барселона се достапни по цени од 31,99 евра.

Македонија | пред 1 година

Обвинение за убиството кај „Мавровка“ во Скопје

Јавен обвинител од Основното јавно обвинтиелство Скопје поднесе Обвинителен акт против едно лице на кое му се става на товар дека ги сторил кривичните дела – Убиство по член 123 став 2 точка 4, Убиство по член 123 став 2 точка 8 во врска со член 19 (во обид), како и кривично дело – Неовластено изработување, држење, посредување и тргување со оружје и експлозивни материи од член 396 став 3 во врска став 1 од Кривичниот законик.Обвинетиот, на 20 август, позади трговскиот центар „Мавровка“ во Скопје, од користољубие, со истрел од огнено оружје – пиштол, го лишил од живот оштетениот Васил Ефтимов, по што со пиштолот се заканил и на неговата сопруга и ја одзел од неа торбата која таа ја носела на нејзиното рамо и една гајба во различни бои покриена со шаторско крило во која имало различен рачен алат, а која оштетените ја имале во возилото.Потоа во автомобил со белгиски регистраски ознаки избегал кон Гази Баба. Подоцна во текот на истиот ден, кога полициски службеници го пресретнале обвинетиот заедно со уште едно лице во автомобил на улицата „Стојна Стефкова“ во Скопје, тој излегол од совозачката врата и кон четворицата полицајци испукал 3 проектили во обид да ги лиши од живот.Полицајците во самоодбрана испукале неколку предупредувачки проектили во воздух со службеното оружје, и успеале обвинетиот да го совладаат, по што тој го фрлил пиштолот и бил уапсен. Обвинетиот ќе одговара и за недозволено поседување на оружјето со кое го извршил делото – полуавтоматски пиштол марка „ГЛОК 17“, без фабрички број, калибар 9мм, кој го поседувал без дозвола.Јавниот обвинител до Основниот кривичен суд Скопје достави и предлог за продолжување на претходно определената мерка притвор за обвинетиот.

Македонија | пред 1 година

Герасимовски: Задоволството на граѓаните од сработеното во Центар води кон втор мандат

Градоначалникот на Општина Центар Горан Герасимовски во интервјуто за Капитал на прашањето дали ќе се кандидира за втор мандат, Герасимовски посочи дека во моментов целосно е фокусиран на реализација на планираните проекти, а доколку граѓаните се задоволни од сработеното сигурно ќе побара поддршка за втор мандат.„Прво да го завршиме она што го ветивме, да ја заокружиме успешно нашата приказна, а граѓаните нека оценат и одлучат. Сакам да слушнам што мислат тие, преку лични контакти на терен, на буџетските форуми, и секако преку истражувањата и анкетите што ги спроведуваме. Ако граѓаните се задоволни од ветеното и сработеното, сигурно ќе барам поддршка за втор мандат“, Герасимовски.Герасимовски се заблагодари на сите граѓани за довербата која му ја дадоа.„И наредната година продолжуваме да работиме за уште поголеми успеси и подобра и пофунционална општина“, истакна Герасимовски.

Скопје | пред 1 година

Нема фотографија

Народната банка се залага за финансиска вклученост на лицата со попреченост: Подготвени се Насоки за банките и Брошура за лицата со оштетен вид

Народната банка ги зајакнува активностите за подобрување на животот на лицата со попреченост преку олеснување на пристапот до финансиски услуги. За таа цел централната банка изработи Насоки за поголемо вклучување на лицата со попреченост како потрошувачи во банкарскиот сектор, коишто опфаќаат поголемо олеснување на физичкиот пристап до локациите и инсталирање дигитални платформи, вклученост при осмислувањето на банкарските производи, како и подобра информираност на овие корисници на банкарски услуги. Народната банка изработи и испечати и Брошура наменета за лицата со оштетен вид, којашто би придонесла за нивна поголема финансиска едукација и подобро информирање за нивните права.На презентацијата на Насоките и Брошурата во Народната банка којашто се одржа пред претставниците на банките и надлежните институции, гувернерката Анита Ангеловска-Бежоска упати порака до институциите и банките заеднички да обезбедат интеграција и поддршка за лицата со попреченост во сите аспекти од животот, вклучително и во економската сфера и финансиите.„Иако банките ја препознаваат потребата да ги приспособат начините на користење на услугите од страна на лицата со попреченост, сепак анкетата спроведена од Народната банка од почетокот на 2024 година, утврди дека се потребни поголем број шалтери и банкомати приспособени за лицата со попреченост, како и рампи за пристап до банкарските објекти. Потребно е да се унапредува и правната рамка во оваа област, односно да се подготват интерни акти со кои ќе се обезбеди подобра пристапност до финансиските услуги за лицата со попреченост. Според доставените одговори на анкетата, банките многу ретко обезбедуваат рекламни материјали за лицата со попреченост, специфично кредитирање осмислено за оваа група граѓани, како и специјални програми за финансиска едукација на лицата со попреченост. Овие податоци покажуваат дека ова претставува област во која мораме да работиме заедно“, порача гувернерката Ангеловска-Бежоска, повикувајќи ги банките да ги земат предвид Насоките и активно да работат на подобрување на пристапноста на своите услуги за лицата со попреченост.Презентирајќи ги Насоките и Брошурата, директорката на Дирекцијата за заштита на потрошувачите и финансиска едукација во Народната банка, Елизабета Недановска, нагласи дека со олеснување на пристапот на лицата со попреченост до финансиски услуги значително ќе се зголеми нивниот потенцијал за економска независност и социјална интеграција.„Во рамките на МБА, спроведовме анкета за пристапноста до финансиските услуги за лицата со попреченост од која добивме увид во состојбата во секторот и оттука произлегоа препораките и насоките за делување коишто секоја од институциите индивидуално ќе ги спроведува. Покрај тоа, во МБА е формиран и Комитетот за едукација, којшто предвидува обуки за вработените за примена на Конвенцијата за правата на лицата со попреченост и зајакнување на нивните комуникациски вештини“, истакна заменик-претседателот на Македонската банкарска асоцијација, Бојан Стојаноски.„Вклучувањето на лицата со попреченост во банкарскиот сектор не е само обврска, туку и можност за банкарските институции да покажат дека се предводници во иновациите и општествената одговорност и вклученост. Преку ваквите чекори, можеме да создадеме поинклузивно општество каде што секој ќе има еднаков пристап до финансиски услуги. Да ги направиме нашите банки достапни за сите – затоа што сите заслужуваат да бидат дел од економскиот живот“, нагласи претседателот на Комисијата за спречување и заштита од дискриминација, Лимко Бејзароски.Според податоците од Светската здравствена организација, околу 15% од светската популација страдаат од одреден вид попреченост и овие луѓе често се борат со сиромаштија и невработеност. Оттаму, Народната банка во изминативе години презема активности за подобрување на пристапноста до финансиските услуги на лицата со попреченост, што како потреба е предвидено и во документите донесени од Народната банка, и тоа Националната стратегија за финансиска едукација и финансиска инклузија и Циркуларот за заштита на потрошувачите корисници на финансиски услуги. Заложбите се однесуваат на вклученост на лицата со попреченост, следејќи ги меѓународните стандарди и регулативи, како Конвенцијата за правата на лицата со попреченост на Обединетите нации.

Македонија | пред 1 година

Сообраќајка на магистралниот пат Кочани - Македонска Каменица, четворица повредени

На 15.12.2024 во 21.45 часот во Полициското одделение Македонска Каменица било пријавено дека на магистралниот пат Кочани - Македонска Каменица, кај село Дулица, патничко возило „опел“ со делчевски регистарски ознаки, управувано од С.С.(59) од Македонска Каменица се превртело на коловозот.Во несреќата со тешки телесни повреди се здобила неговата сопатничка О.М.(56), а со телесни повреди се здобиле возачот и уште двајца сопатници С.С.(59) и Т.М.(55), сите од Македонска Каменица, констатирани во Клиничка болница Штип.Извршен бил увид од увидна екипа од ОВР Делчево.

Македонија | пред 1 година

(Видео) Законите за образованието се на штета на децата што се жртви на врсничко насилство, рече Костова

„Во изминативе денови, гледаме како ДПМНЕ и коалицијата на власт повторно ги става во функција некогашните режимски механизми на носење закони на брзи ленти, преку кршење на Деловникот на Собранието, исклучување на јавноста и стручната фела при носењето на едни од најважните закони - пакетот закони од областа на образованието“, рече Кристина Костова, потпретседателка на СДСМ.„Со голем дел од предложените промени сериозно се уназадени концептите за одржување социјална правда во задолжителниот образовен процес.Со предложените промени се нарушува концептот за инклузија на деца со попреченост.При отстранувањето на заштитните основи за дискриминација по род и сексуална ориентација, како и со кратењето на буџетот за 50% за специјализирани услуги на жртвите од насилство, се дава јасен сигнал кон агресорите за тоа кого институциите ќе штитат, а кого ќе го остават на маргините. Овие предлог-закони се на штета на децата со попреченост, на штета на децата кои се жртви на врсничко насилство, на штета на средношколците кои ќе го изгубат правото на средношколско организирање.На овој начин, ДПМНЕ нѐ уназадуваат и ја озаконуваат дискриминацијата во образованието. Предложените решенија се спротивни на Законот за спречување и заштита од дискриминација и Уставот на Република Северна Македонија.Во целост се игнорирани препораките на Комисијата за заштита од дискриминација. Законите се туркаат на брза лента, без претходна јавна расправа, со игнорирање и исклучување на граѓанскиот сектор.Овие деструктивни тактики на исклучување на јавноста и стручната фела, загрижувачки потсетуваат на старите денови на режимот на Груевски.Предлог-закони влезени во собраниска процедура оваа година, со минат филтер на Комисија и консензус меѓу пратениците постоеја, а оваа Влада ги повлече заради наводно подобрување на текстот. Наместо подобрување, без ниту дијалог ниту консензус наметнуваат еднострани решенија за најважната тема за иднината на државата.Образованието е натпартиска и надетничка тема. Сите деца се наши деца и во нивното образование не смее да има поделби, а најмалку не на заштитени и деца оставени на маргините.Апелираме образовните закони да се донесат со консензус, да се послушаат Комисијата за заштита од дискриминација и стручната фела. Законите не смеат да се косат со другите закони и Уставот. Вака не се гради здраво демократско општество.Повикуваме на отворена јавна расправа и дијалог во Собранието и да дојдеме до заеднички добри решенија, бидејќи нашиот демократски капацитет го сака она што е државнички и добро за децата“, изјави Кристина Костова, потпретседателка на СДСМ.

Македонија | пред 1 година

Нема фотографија

Ѓорѓиевски: Потребни се законски измени во насока градоначалник да може да биде отповикан пред истек на мандат за да не ни се случи повторно Данела Арсовска

На денешното гостување на „Телевизија 24“ присуствуваше градоначалникот на Општина Кисела Вода и претседателот на ЗЕЛС Орце Ѓорѓиевски кој ја истакна потребата од носење на законски измени во врска со одземањето на ингеренциите на градоначалниците.„Се залагам за законски измени кои што би го регулирале статусот на градоначалникот односно согласно законската регулатива на државата единствен функционер избран од граѓаните кој што не може да биде отповикан пред истекот на неговиот мандат е градоначалникот што на некој начин му дава апсолутна моќ и власт на градоначалникот или во превод да не се случуваат состојби како што се случуваат состојби со Град Скопје во моментов“, рече Ѓорѓиевски.Ѓорѓиевски посочи дека одредени градоначалници избрани од страна на граѓаните знаат дека четири години никој не би можел да ги отповика и поради таа можност тие избираат четири години да ги поминат во хибернација и нагласи дека ред мора да се воспостави а единствен суверен кој ја има моќта да даде и земе власт е граѓанинот.„На некого му е доволно да биде избран од граѓаните да стане градоначалник знае дека четири години никој не може да го отповика од таа позиција има можност да ги помине тие четири години во хибернација наместо да работи во интерес на граѓаните. Ред мора да има и единствен суверен кој што ја има моќта и да даде власт но и да земе власт е единствено граѓанинот затоа сметаме дека е добра ова законска измена да се направи час поскоро“, изјави Ѓорѓиевски.Претседателот на ЗЕЛС посочи дека во Македонија години наназад се случувале брзи законски решенија кои ги решавале состојбите на краток рок и дека за овој проблем е потребна темелна реформа која ќе го реши проблемот на долг рок и дека оваа законска измена нема да овозможи манипулација спрема граѓаните од било кој политичар во локалната самоуправа.„Во Република Македонија години наназад се случуваат брзи законски решенија кои што можеби ги решаваат состојбите на краток рок, нас ни треба темелна реформа поврзана со оваа законска измена и нешто што на долг рок ќе ни предизвика состојба во која што ќе биде дадена моќта повторно во рацете на граѓаните и нема тогаш да ни се случуваат примери какви што имаме сега. Но за жал би споменал дека ние во 21 век говориме за многу општини за решавање на проблеми со фекална водоводна мрежа, за паркови, спортски сали, училишта, недостаток на градинки што значи дека триесетина години наназад некој ги лажел граѓаните, ова законска измена нема да овозможи простор за манипулација према граѓаните на било кој политичар во локална самоуправа“, дециден е Ѓорѓиевски.

Скопје | пред 1 година

(Видео) Груби да не бега и да се врати во Македонија, одговорност за криминалот мора да има, бара Лефков

„Артан Груби да не бега и да се врати во Македонија, одговорност за криминалот мора да има. Чистиот како солза Груби, кој првин се најде на црната листа на САД, а потоа и во центарот на кривична постапка за милионски криминал во Лотарија ја напуштил државата по ставањето на црната листа на САД, а пред отпочнување на кривичната постапка против него“, рече Миле Лефков, пратеник и член на ИК на ВМРО-ДПМНЕ.„Дали е чист како солза или матен нека си докаже пред суд, ако има храброст да се соочи со доказите.8 милиони евра е криминалот во АД Лотарија на Македонија во кој главни актери се Артан Груби како вицепремиер и Пeрпарим Бајрами како директор на Лотарија.И Груби и Бајрами се кадар на ДУИ, кои додека ја краделе државата по потреба еднаш беа зелени, па европејци, па сееја раздор за етнички тензии. Во принцип само менуваа маски за да крадат.Пукна како меур од сапуница наративот на ДУИ дека се борат за зелени агенди или за ЕУ. Тие се бореле и се борат за да прават криминал и да ги ограбуваат граѓаните, соучесници во тој криминал им беа СДС.Одговорност за милионскиот криминал кој го направил Груби, ДУИ и СДС мора да има“, изјави Миле Лефков, пратеник и член на ИК на ВМРО-ДПМНЕ.

Македонија | пред 1 година

Ахмети на кафе во Приштина, според објава на социјалните мрежи

Лидерот на ДУИ, Али Ахмети е во Приштина, Косово. Во објава на социјалните мрежи поставена е слика од Ахмети и генералниот секретар на ДУИ Фатон Ахмети во угостителски објект во Приштина.- Историско кафе со Али Ахмети во Приштина, напиша извесен Исмет Сулејмани, потенцирајќи дека фотографијата е денешна, со датум 17 декември.

Македонија | пред 1 година

Мицкоски: Имаме 3% раст на БДП што е еден од најдобрите резултати во Европа

„Ние покажавме дека ја консолидиравме економијата и во третиот квартал покажавме раст од 3 %, нешто што никој не го очекуваше и еден од најдобрите во регионот, % во Европа. Подобри сме и од Германија, и од Бугарија, Грција и од Словенија, од Црна Гора и генерално од најголемиот дел од земјите во Европската Унија.Очекувам и во четвртиот квартал уште да биде посилен врз основа на параметрите што ги добив, за првите два месеца тоа се октомври и ноември.Очекувам следната година, според разговорите што ги водев, со новиот сопственик на ФЕНИ, да отпочне со производство, што би значело 250 до 300 милиона евра извоз. Тоа е некаде 1,5 до 2 проценти од нашиот БДП.Очекувам Вардакс нафтоводот да почне да работи со што би се рестартирала ОКТА која што би тргувала на пазарот на Јужна Србија и Косово дополнителен извоз и тоа е дополнителен раст на БДП.Очекувам капиталните инвестиции со општините својот замав да го земат во прв и втор квартал следна година, очекувам кредитите односно унгарскиот кредит и кредитите да земат свој полн замав во првиот квартал следната година, така што, да сумирам очекувам оваа година да ја завршиме со над 1 милијарда странски инвестиции, да имаме раст на БДП до 4% во четвртиот квартал, што би значело годишен од 3%.Исто така, очекувам раст во првиот и вториот квартал на следна година врз основа на сите овие претпоставки за кои што зборував. Еве, до тука можам да кажам дека по јасно ги гледам работите.“, вели премиерот Христијан Мицкоски во вчерашното гостување во „Клик Плус“ на ТВ 21.На прашањето дека граѓаните очекуваат зголемување на минималната плата, а не очекуваат зголемување на ДДВ како што најавува Светска банка, претседателот на Владата Мицкоски истакна дека тоа би било најлесно ако се зголеми ДДВ, на грбот на граѓаните, тоа е најлесна мерка и секој може да каже така треба. Но, тоа е последното нешто што треба да се направи без да се преземат друг тип на сет мерки кои што ќе не доведат до нешто кое што за граѓаните ќе значи подобар стандард.Премиерот Мицкоски истакна:„Дали ќе имаме зголемување на минималната плата, по закон сигурно. Дали ќе се договорат синдикатите и работодавачите, тоа е до нив, не е до нас. Ние сме партнери во овој процес. Имаше два состанок на економско социјален совет, се договоривме со министерот еднаш месечно, сега ќе имаме во јануари и февруари, состојбата е таква да некои процеси не зависат од самата влада.Ние сме само фасилитатори во тој процес. Ако се договорат работниците и работодавачите меѓу себе, ние што можеме тука, но секако ќе има по закон.Министерот за економија и труд денес брифираше дека согласно ова законско решение некаде околу 24,400 денари отприлика треба да биде минималната плата.“

Македонија | пред 1 година

Уапсен 24-годишник во Гази Баба: пронајдени над 200 пакувања дрога и 37 куршуми

Вчера во 15.45 часот во Скопје, на подрачјето на Гази Баба, полициски службеници од Единицата за интервентна полиција при СВР Скопје го лишиле од слобода А.К.(24) од Скопје.При преглед кај него биле пронајдени и одземени повеќе од 200 пакувања бела прашкаста материја, кафеава прашкаста материја и бела грутчеста материја и дигитална вага со остатоци од прашкаста материја.Подоцна, со судска наредба, полициски службвеници од Единицата за недозволена трговија при СВР Скопје извршиле претрес во неговиот дом, при што пронашле и одзеле 37 куршуми различен калибар. Лицето било задржано во полициска станица и по целосно документирање на случајот, во координација со јавен обвинител, против него по брза постапка ќе биде поднесена соодветна пријава.

Скопје | пред 1 година

Се обиделе да ограбат банка во Чаир, испукале неколку куршуми, но не повредиле никој: уапсени двајца скопјани

Вчера, полициски службеници од СВР Скопје ги лишиле од слобода 27-годишниот А.А. и еден малолетник, двајцата од Скопје. Тие се сомничат дека околу 13.00 часот во филијала на една банка на подрачјето на Чаир се обиделе за извршат разбојништво, при што од огнено оружје испукале неколку куршуми кон блиндор стаклото, но не повредиле никој.Веднаш потоа, во близина на местото бил затекнат А.А., а по преземени мерки бил пронајден и малолетникот и кај него бил пронајден нож.Лицата биле задржани во полициска станица и по целосно документирање на случајот, против нив ќе биде поднесена соодветна пријава.

Скопје | пред 1 година

Герасимовски: Поставуваме фотонапонски централи во сите основни училишта во Центар

Градоначалникот на Општина Центар Горан Герасимовски во интервјуто за Капитал вели дека сака четиригодишниот мандат да го заокружи со реконструкција на спортската сала „Работнички“ во градскиот парк.„Би сакал мандатот да го заокружам со реконструкција на спортската сала „Работнички“ во градскиот парк. И салата и клубот се белег на градот и Македонија. Мал, но многу важен и емотивен дел во она што значи колективно сеќавање на секој македонски граѓанин. Уверен сум дека ќе успеам во тоа. Од големите проекти кои се во почетна фаза ќе ја издвојам новата општинска зграда, за која распишавме конкурс за идејно решение, но и хортикултурното и партерно уредување во населба Капиштец, проект за кој од претходната влада добивме буџетска поддршка од 25 милиони денари“, потенцираше Герасимовски.Герасимовски информираше дека Општина Центар е пионер во еколошка трансформација на локално ниво.„Првиот фотоволтаичен систем го поставивме на покривот на градинката „Корчагин“. Само една споредба, и ќе ви стане јасно за што зборувам. Во таа градинка претходно имавме сметки од околу 50.000 денари на месечно ниво, сега тој трошок е намален за дури 50 проценти. Планот е да поставиме фотонапонски централи во сите осум основни училишта во Центар. Врз кровната конструкција во ООУ „Киро Глигоров“ веќе поставивме 720 панели со максимална инсталирана моќност од 396,00 KWP за производство на електрична енергија. Според планираната динамика, следни се ООУ „11 Октомври” и ООУ „Кочо Рацин“. Има тука уште многу работа и многу борба, но вреди, не само поради нас туку и поради идните генерации“, рече Герасимовски.

Скопје | пред 1 година

Почувствуван земјотрес во Скопје, епицентарот во Косово

Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот факултет во Скопје, претпладнево, 17.12.2024 година, во 11 часот и 41 минути, регистрираше земјотрес чиј епицентар се наоѓа на територијата на Република Косово, 36 km северозападно од Скопје, со Рихтерова локална магнитуда ML3.0.Според досегашните податоци со кои располага опсерваторијата, земјотресот е почувствуван од населението во Скопје и околината, со интензитет од III степени според Европската макросеизмичка скала.

Македонија | пред 1 година