Центар се соочува со зголемена појава на глодари: Почна вонредна дератизација

Зголемена појава на глодари е регистрирана на повеќе локации во Општина Центар, поради што денес и утре ќе се спроведува вонредна дератизација.

— реклама —

Акцијата ги опфаќа Капиштец, Дебар Маало, Буњаковец и Кале, каде што граѓаните пријавиле присуство на глодари. Градоначалникот Горан Герасимовски посочи дека општинските служби реагираат по пријавите и ќе продолжат да ја следат состојбата.

— реклама —

„По пријавите од граѓаните, веднаш преземаме мерки и спроведуваме вонредна дератизација на локациите каде што е забележана зголемена појава на глодари. Ќе продолжиме да ја следиме состојбата и да реагираме секаде каде што ќе има потреба“, изјави Герасимовски.

— реклама —

Дератизацијата ќе се спроведува на повеќе точки во Капиштец, Дебар Маало, Буњаковец и Кале, вклучително и околу контејнери, шахти, пазарот Буњаковец, катната гаража и бараките на ЈП „Комунална хигиена“.

Од Општина Центар апелираат граѓаните да бидат внимателни при движење на овие локации и да не ги поместуваат или оштетуваат поставените средства за дератизација.