Управниот одбор на Фондот за здравствено осигурување донесе одлуки за зголемување на платите на вработените и започнување постапка за избор на нов директор и заменик директор, со цел унапредување на ефикасноста на институцијата.
„Денеска, Управниот одбор на Фондот за здравствено осигурување донесе неколку одлуки насочени кон подобрување на работата и ефикасноста на институцијата:
Покачување на плати – донесена е одлука за зголемување на платите на вработените, со што се вреднува трудот на оние кои се столбот на институцијата.
Конкурс за директори – започнува постапката за именување на Директор и Заменик директор на Фондот.
Постапката ќе ја води петчлена комисија од членови на УО во состав: Ирена Петковска, Дритан Даути, Маја Чемерекиќ Велковска, Димитар Димитриевски и Трпе Деаноски.
Предлогот за именување го дава Министерот за здравство, а одлуката ја донесува Владата“, вели в.д. директорот Клековски.
