По повод 80 години постоење на Ансамблот за народни игри и песни „Орце Николов“, градоначалникот на Општина Центар, Горан Герасимовски, се сретна со раководството на културно-уметничкото друштво.
На средбата се разговараше за тековните културни активности во општината и можностите за понатамошна соработка меѓу Општина Центар и ансамблот.
„Со Ансамблот имаме одлична соработка. Во рамки на програмата за култура, ансамблот доби и финансиска поддршка за проектот „80 години волшебен свет на фолклорот“, со што продолжуваме да вложуваме во негувањето на народната уметност“, порача градоначалникот Герасимовски.
Тој нагласи дека локалната самоуправа е силен поддржувач на културата и народното творештво.
„Во изминатиот период значително ги зголемивме вложувањата во културата, а за 2026 година буџетот за култура изнесува 26 милиони денари. Преку бројни манифестации овозможуваме културни содржини што ги обединуваат граѓаните од сите возрасти. Културата е и ќе остане наш приоритет“, рече Герасимовски.
Герасимовски со ансамблот „Орце Николов“: Македонската традицијата е дел од нашата програма
Автор:
Скопје1.мк
објавено пред 3 месеци -
Скопје
Поврзани содржини
Герасимовски: Центар доделува субвенции за велосипеди, е-велосипеди и дополнителна опрема, поттикнуваме здрави навики и еколошка мобилност
Скопје | пред 3 дена
Дрвен“ во Дебар Маало обновен: нови реквизити и летниковец за децата
Скопје | пред 1 седмица
Паркирањето во Центар за Велигден бесплатно за граѓаните
Скопје | пред 3 седмици
Герасимовски: Ветените проекти се реализираат, инвестираме во улици, паркови и инфраструктура
Скопје | пред 3 седмици