Голема заплена во Солун: Уништени над 22.000 фалсификувани играчки со ознаки на познати брендови

Полицијата уапсила 43-годишен маж во западниот дел на Солун поради складирање 22.834 фалсификувани играчки, објави грчката новинска агенција АМНА.

— реклама —

Играчките имале ознаки од познати странски брендови за играчки, но биле имитации, соопшти полицијата по претресот на магацинот доцна во петокот.

— реклама —

— реклама —

Играчките биле запленети и уништени, а мажот, кој бил опишан како лице кое привремено управувало со продавница за играчки, бил уапсен и казнет со 100.000 евра.

Тој ќе биде изведен и пред обвинител, кој ќе одлучи дали ќе бидат поднесени обвиненија.