Грција издаде над 32 илјади „златни визи“, речиси половина се за кинески државјани

Речиси половина од активните дозволи за престој во Грција издадени преку програмата „Златна виза“ им припаѓаат на кинески државјани, покажуваат официјалните податоци на грчкото Министерство за миграција и азил.

— реклама —

Заклучно со јуни 2026 година, активни се 32.702 дозволи за престој добиени преку инвестиции во недвижности, без да бидат вклучени членовите на семејствата на инвеститорите. Од нив, 11.921 дозвола или 47,7 отсто се издадени на кинески државјани.

— реклама —

На второ место се Турците со 4.543 дозволи, а следуваат инвеститори од Либан, Иран, Велика Британија, Израел, Египет и САД. На последните две места меѓу десетте најбројни инвеститори се Ерменија со 258 дозволи и Србија со 224.

Од јануари 2022 до јуни 2026 година биле поднесени 41.039 барања за прво издавање или обновување на дозволите. Од нив, 77 отсто биле одобрени, 22 отсто сè уште се во постапка, а еден процент биле одбиени.

— реклама —

Најголем број барања биле поднесени во 2024 година – 9.373, додека во првата половина од 2026 година биле доставени 2.551 барање.

— реклама —

Грција ја воведе програмата „Златна виза“ во 2014 година, овозможувајќи петгодишна дозвола за престој за странски државјани кои инвестираат во недвижности. Почетниот минимален праг беше 250.000 евра, но со законските измени во 2024 година е зголемен на 400.000 евра во одредени региони, а до 800.000 евра во најатрактивните градови и острови.