Ѓорѓиевски: На 2 ноември масовно да излеземе на гласање и заедно да му го вратиме сјајот и редот на нашето Скопје

Стоиме заедно во пресрет на конечната одлука, ова е одлука за судбината на нашиот град. Одлука за тоа во каков град сакаме да имаме ние и во каков град сакаме да живеат нашите деца. Нашиот град е уморен од хаос, уморен е од нечистотија, од сообраќаен метеж во кој губиме часови од нашиот живот, од празни ветувања и од неспособност, рече кандидатот на ВМРО-ДПМНЕ за градоначалник на град Скопје, Орце Ѓорѓиевски на денешниот митинг во Скопје во рамки на изборната кампања под слоган „Вистинскиот избор! Твојот човек! Твоето место! За твојата иднина!“ за вториот круг од локалните избори во недела на 2 ноември.Ѓорѓиевски посочи дека Скопје е град со сериозни, длабоки и наталожени проблеми и овие проблеми не се решаваат со учење во од и со празни фрази, туку бараат сериозни, искусни и итни решенија.„На Скопје, почитувани, не му требаат експерименти, на Скопје не му требаат луѓе кои допрва ќе се учат што е локална самоуправа. Не му требаат луѓе кои допрва ќе откриваат што е тоа Генерален урбанистички план, што е Детален урбанистички план, што е физибилити студија, што е главен проект, а што е буџетско планирање“, истакна Ѓорѓиевски.Тој вели дека градот бара човек којзнае што прави уште од првиот ден, затоа што Скопје нема време за губење, ниту пак за учење.„Немаме време некој допрва да учи колку училишта има во Скопје, да учи колку претпријатија има, да учи кои се булеварите во главниот град, да ги учи каде се скопските населби. Ние во изминатите четири години докажавме како се работи, а пред неколку дена на дуел, нивното незнаење, лажната скромност и преголемата амбиција и доживеа целосен дебакл“, рече Ѓорѓиевски.Во обраќањето до скопјани, Ѓорѓиевски истакна дека сега пред нив ја бара довербата со дела оставени зад него, посочувајќи дека за Кисела Вода вети 70 километри асфалтирани улици, и испорача, вети нови градинки, и тоа го реализиравме, и листите на чекање ги сведуваме на нула.Ѓорѓиевски рече, имаме јасен план, со стотици проекти во нашата програма и знаеме како да го решиме сообраќајниот колапс.„Ќе ја одблокираме клучката Момин Поток, ќе го пробиеме булеварот Хрватска за да ги споиме Гази Баба и Бутел, ќе го завршиме булеварот АСНОМ со новиот мост за да ги споиме Аеродром и Гази Баба, ќе го прошириме булеварот Цветан Димов во Чаир со шест ленти. Ќе го изградиме Февруарски Поход со нов мост преку Вардар, со кој Аеродром добива целосно нов коридор, ќе воведеме трета лента на булеварот Александар Македонски за да нема повеќе хаос на источниот дел од градот. Ова не се само линии на хартија, ова се артерии кои ќе го оживеат градот“, истакна Ѓорѓиевски.

Македонија | пред 5 месеци

Мицкоски: Следи период на реализација на 70 нови проекти во различни области, нова развојна фаза на Македонија

Претседателот на ВМРО-ДПМНЕ, Христијан Мицкоски се обрати на народниот митинг на ВМРО-ДПМНЕ и коалицијата „Твоја Македонија’’ од пред платото на Филхармонија каде што истакна дека  следува период на реализација на 70 нови проекти во различни области како образование, здравство, земјоделие, култура, проекти кои ќе значат нова развојна фаза на Македонија.„Нашата задача не е едноставна. Не само заради ситуацијата која ја наследивме, туку таа е многу поголема. Нашата цел не е само политичка победа, туку обновување на вербата дека Македонија може и мора да биде подобра земја. И иако оди потешко од што мислевме, сепак основите ги поставивме. Не можевме веднаш да почнеме со екстремно позитивни резултати, моравме прво да ги направиме темели. Некои мислеа дека тоа ќе оди преку ноќ. Но, темел не се прави од муабет, туку од пот и многу поминати часови на средби, планирања, анализи, патувања, размена на мислења и одлуки.И токму затоа денес можам да кажам: темелот е поставен. Сега по изборите, почнува буквално фаза на жестока работа  и големи резултати. Во наредниот период ќе почнеме со повеќе од 70 нови проекти, во инфраструктура, енергетика, здравство, образование, земјоделие, култура, технологија, правда и други области. Ќе има конкретни чекори: нови училишта, модерни болници, мерки за чист воздух, дигитална администрација и инвестиции што ќе треба да донесат достоинствени плати,“ истакна Мицкоски.Мицкоски најави серија конкретни мерки кои ќе го подобрат животот на луѓето, ќе ја зацврстат економијата и ќе донесат подобро во секој дом.„Во наредниот период, покрај проектите што ги најавивме, започнуваме со серија на конкретни мерки, кои ќе го подобрат животот на луѓето, ќе ја зацврстат економијата и ќе донесат подобро во секој дом. Овие мерки не се само лист хартија, туку планови што ќе го променат животот на луѓето. Да, животот е скап. Да, секој ден е борба со сметки, со гориво, со кирија. Но нема да чекаме да се намалат цените сами од себе. Ќе создадеме услови, за повеќе пари во џебот, за поевтино живеење, за повеќе можности. Мора да ја направиме државата сојузник на граѓаните, а не непријателски систем кој е трул и ги предизвикува да се иселуваат. Ниту еден млад човек нема да биде оставен без шанса за дом. Ниту една мајка нема да мора да избере меѓу кариера и семејство. Ниту еден бизнис нема да пропадне затоа што државата му стои на пат. Тоа е вистинската промена. Ова не е фантазија, ова е план. И како што рекол Ајзенхауер: „Планот е ништо, но планирањето е сè.“ Затоа ќе го градиме системот што во иднина ќе функционира без оглед на тоа кој е на власт, долгорочно и со коренити промени, затоа што државата не е ничија приватна фирма, туку наш заеднички дом,“ нагласи Мицкоски.

Македонија | пред 5 месеци

Николоски: Со градоначалникот Илиевски ја развиваме Брвеница, опонентите се нервозни, ветуваме специјален буџет за нови проекти

,,За општина Брвеница со идниот градоначалник Јовица Илиевски ќе реализираме нови проекти со специјален буџет преку Министерството за транспорт. Исто така донесена е одлука да се изгради нов влез и излез на автопатот. Политиката на национализам ќе доживее пораз и во општина Брвеница, а Јовица Илиевски ќе добие втор мандат за градоначалник“, истакна  потпретседателот на ВМРО ДПМНЕ, Александар Николоски на средбата со граѓани во Брвеница.,,Успешните треба да се наградуваат и затоа во општината инвестираме во повеќе проекти кои целосно ќе го променат ликот и ќе го подобрат животот на жителите“, вели Николоски.Во продолжение интегрален текст од изјавата на Николоски:,,Улицата "Браќа Јаниќ" во општина Брвеница е дел од еден поголем проект кој што го работиме заедно со Светска Банка. Тука инвестираме некаде околу 10 милиони денари, за целосно уредување на улицата и ова ќе биде една прекрасна улица, драго ми е што цела една нова населба се развива тука и драго ми е што општина Брвеница расте, луѓе доаѓаат и се доселуваат тука. Исто така, она што можам да го најавам, е дека по насока на Владата и Министерството за транспорт, Јавното претпријатие за државни патишта работи на нешто што беше децениско барање на жителите на општина Брвеница, а тоа е клучка која што ќе ја поврзува општината директно на автопатот. Знаете дека сега од едната страна има влез, од другата страна нема влез, така што, ќе имаме целосно решение кое ќе овозможи директен излез на автопат на сите населени места кои што гравитираат кон општината.  Кажа градоначалникот дека од првиот повик сите средства се искористени и сакам да му честитам за тоа. Во однос на вториот повик имаме околу 60 милиони денари, се работи за некаде десетина проекти кои што ќе ги реализираме и сакам да најавам уште една работа вечерва. Се работи за исклучително успешен градоначалник, човек кој целосно ја трансформира општината, свесен сум дека неговите опоненти заради тоа се нервозни, свесен сум дека има сериозна нервоза кај неговиот против кандидат, затоа што нема што да каже, не може да се пофали ниту со дела, ниту со проекти, ниту нешто оставил позади себе и затоа оди на национализам. Тој национализам нема да помине и градоначалникот ќе добие втор мандат, а во вториот мандат првиот состанок ќе му биде со мене. Имаме резервирано дополнителни средства во Министерството за транспорт, и најавувам дека за општина Брвеница ќе има специјален буџет, кој што ќе е дополнителен. Готовите проекти кои што ќе ги донесе градоначалникот, ќе бидат финансирани од Министерството за транспорт и ќе бидат реализирани, затоа што успешните треба да се наградуваат“.

Македонија | пред 5 месеци

(ВО ЖИВО) Цветковска: Обвинителката Елизабета е виновна за незавршениот случај со модуларната болница, што е она, Латас?

Сашка Цветковска, главен и одговорен уредник на Невладината организација-Истражувачка лабораторија ИРЛ во Претрес со Ландов кажа дека имало многу обиди да ги поткупат да не објават некој филм. Спомена и обид да им се даде поголема сума пари.,,И претходно ни нуделе поткуп. За да пријавиме во Обвинителството дека имало обид за поткуп треба да имаме доказ а тоа најчесто е кога одиме на договарање и барање информации”, вели Цветковска. Вели ќе го објават целото видео со интервју со Жан Митрев.Просечната плата на новинар во ИРЛ е 1.100 евра.Во Претрес таа говори и за се уште незавршениот случај со пожарот во модуларната болница во Тетово.,,Обвинителката Елизабета е виновна дека не е расчистен случајот. Што е она, Латас?”, праша Цветковска.

Скопје | пред 5 месеци

(ВО ЖИВО) Цветковска: Латас не ни е колега, не може некој поврзан со криминал да ни е колега

Случајот со пожарот во Пулс е злоупотребен, вели во Претрес со Ландов Сашка Цветковска, главен и одговорен уредник на Невладината организација-Истражувачка лабораторија ИРЛ.,, За несреќата нема емпатија, првите напади за објавените докази за комуникација меѓу инспектори од УЈП и обвинети дојдоа од провладините медиуми дека го штитиме министерот Панчо Тошковски, па ја штотиме Левица и на крај Бугарија ја штитиме”, вели Цветковска.За пишувањето за обвинителкатаЛенче Ристовска вели дека нема допир со доказите.,, Латас објави дека ИРЛ обработува со Ленче против вишиот обвинител Јове Цветановски за да има чист терен. Ова го вознемири Латас кој не е наш колега.Кога некој е поврзан со криминал не може да ни е колега. Во новиот филм ќе ги објавиме мотивите зошто имало поткуп на некои ликови од високо позиционирани политички и бизнис елити”, посочи Цветковска.

Скопје | пред 5 месеци

(Видео) Цветковска: За разлика од Геровски ние ги имаме доказите за Пулс, ние не штитиме ни еден политичар

Сашка Цветковска, главен и одговорен уредник на Невладината организација-Истражувачка лабораторија ИРЛ, е гостинка во Претрес со Ландов.ИРЛ објави комуникација меѓу инспектори од УЈП и обвинети за пожарот во дискотеката Пулс, која предизвика внимание во јавноста.,,Имавме контакти со жртвите кои бараа помош. Стигнавме до информациите. Инспекторите од УЈП им посочиле на обвинетите од Пулс кога ќе дојдат во инспекција во дискотеката.Имаше пораки дека имало комуникации со ВМРО -ДПМНЕ, но ние мораше да провериме и немаше директни докази.Одговорно тврдиме дека го поседуваме целиот фајл со доказите за Пулс.Немаме доказ за комуникација на обвинетите со Оливер Спасовски”, вели Цветковска.ИРЛ вели, „беше цел на напад, за разлика од Геровски ние ги поседуваме доказите од Обвинителството“.,,Ние ги објавивме сите разговори и докази кои водат до кривично дело. Не сме штителе и никогаш нема да штитиме никој политичар”, вели Цветковска.Инспекторите сега се во предистрага.Не е прашање, посочува зошто ИРЛ ова го објави, прашање е зошто некои наводно големи новинари премолчеа за Кочани.

Скопје | пред 5 месеци

Камчев: Општина Валандово заслужува промени и ќе стане енергетско ефикасна општина

На телевизија Алфа во дебатната емисија „За или Против“ вечерва гостуваше кандидатот за градоначалник за општина „Валандово“ од редовите на ВМРО-ДПМНЕ, Ѓоко Камчев кој на самиот почеток истакна дека граѓаните веќе препознале кој може да направи многу повеќе за општината и кој ќе реализира повеќе проекти со што во вториот круг се очекува само да се потврди победата на ВМРО-ДПМНЕ.„Граѓаните јасно ја изразија својата волја уште во првиот изборен круг и препознаа кој може да направи повеќе за нив, кој ќе реализира повеќе проекти, кој ќе биде поблиску до нив целиот нареден мандат, очекувам само да ја потврдиме победата“, рече Камчев.Камчев се обрати до неговиот противкандидат и сегашен градоначалник на општина Валандово кој исто така гостуваше во дебатната емисија, и истакна дека општината не се движи во правилна насока заради лошите локални политики а како последица на тоа во општина Валандово сега имало претпријатие кое е на работ на финансиска криза и посочи дека граѓаните ќе го казнат СДС заради ветените проекти, кои никогаш не биле реализирани.„Нивната борба беше единствено како да дојдат до одредени функции и сето останато да оди во заборав, граѓаните добро ги препознаваат тие политики, во Пирава наместо хлор ставија бензин и никој не понесе одговорност, секундарната водоводна мрежа е сериозна опасност, ние во овој момент имаме јавно претпријатие кое е на работ на финансиската пропаст, наместо да работат тие вработуваа партиски кадри во него и трошеа пари на граѓаните“, рече Камчев и додаде:„Немате отчет што имате направено до сега, реконструкцијата на детската градинка е обезбедена од претходната локална власт, секогаш кога доаѓа СДСМ на власт економијата ја фаќа цунами, спортот ни оди на најниски гранки. На вториот изборен круг ќе стигне казната за она што вие не го направивте, а го ветивте“.Камчев истакна дел од приоритетните проекти од изборната програма, со акцент за комплетно ново сообраќајно решение во сите населени места.„Им ветувам на граѓаните и се обврзувам пред нив дека во наредните четири години најголемиот дел од овие ветени проекти ќе бидат реализирани. Комплетно ново сообраќајно решение за сите населени места во општината, во секое населено место во општината ќе бидат реализирани проекти и во образованието и во екологијата, ќе реализираме проекти за изградба на забавни детски паркови, предвидена ни е зелена енергетски ефикасна општина, секаде кадешто имаме пумпни станици да поставиме фотоволтаици, максимално ќе ги намалиме трошоците за производство, за да граѓаните имаат извесна цена на комуналните услуги“, дециден е Камчев.

Македонија | пред 5 месеци

(Видео) Доживотно суспендирани двајца играчи на Беса

Фудбалерите на Беса Слупчане, Орхан Демири и Ердин Арифи, добија доживотна суспензија поради инцидентот во кој физички го нападнаа голманот на Аеродром, веднаш по натпреварот од Третата лига – Север.Дисциплинската комисија при Фудбалската федерација на Македонија донесе и дополнителни санкции кон клубот од Слупчане. Покрај доживотната забрана за настап на двајцата играчи, суспендиран е и домашниот терен на Беса, па клубот следните десет натпревари ќе мора да ги игра на неутрален стадион.Дополнително, клубот е задолжен да плати парична казна, чии износ не е официјално објавен.„Фудбалската федерација на Македонија најостро го осудува секој облик на насилство на фудбалските терени и ќе продолжи со доследна примена на дисциплинските прописи, со цел заштита на интегритетот на натпреварите и безбедноста на сите учесници во фудбалот“, стои во соопштението од ФФМ.

Спорт | пред 5 месеци

Камчев: Валандово нема повеќе да тапка во место, со инвестициите што следат ќе се отворат 200 работни места

На телевизија Телма во емисијата „Топ Тема“ вечерва гостуваше кандидатот за градоначалник за општина „Валандово“ од редовите на ВМРО-ДПМНЕ, Ѓоко Камчев.Камчев на самиот почеток истакна дека општина Валандово со години тапка во место, и не се движи во правилна насока заради лошите локални политики, и посочи дека економијата е сведена на најниско ниво и дека голем број на капацитети се затворени.„Општина Валандово во последните години тапка во место, самиот факт дека мојот противкандидат од изборите во 2021 има изгубено повеќе од 1.000 гласови, тоа е најдобриот показател дека Валандово не се движи во вистинска насока. Нека ни кажат што тие направија за општина Валандово во поглед на развој на економијата, имавте ветено уште во 2017, проект 5-50-500, еве валандовската јавност сака да знае до каде е тој проект, иако сите знаеме дека тој проект воопшто и не е започнат. Нашата економија е на најниско ниво во последните дваесетина години, имаме најмал број на регистрирани фирми во овој момент во Валандово, голем број на капацитети се затворени. Што се случи со нашето земјоделство, што се случи со нашето стопанство, зошто е на толку ниски граники?“ го запраша Камчев противкандидатот Костадинов и актуелен градоначалник на општина Валандово.Камчев истакна дел од проектите на својата изборна програма.„Лично преговарам со две компании коишто ќе инвестираат во веќе затворени стопански капацитети и очекувам да бидат вработени некаде околу 200 луѓе, локалниот економски развој е многу значаен ќе создадам тим од луѓе што имаат искуство, во мојата програма токму акцент е ставен на реконструкција на водоводните мрежи во целата општина, во однос на еколошкиот аспект секаде онаму кадешто можеме во сите општински институции ќе направиме термо фасади, ќе се обидеме сите институции да имаат добри објекти квалитетно изведени, предвидени се нови паркови, помалите населени места во општината ќе добијат содржини за децата, забавни паркови, ќе бидат финансирани сите спортски здруженија, исто така ќе извршиме реконструкција на градскиот стадион“, посочи Камчев.

Македонија | пред 5 месеци

Мециновиќ кон Орце: Твојот мандат е окарактеризиран со пазар - дивоградба и чекате да дојдат избори за да собирате ѓубре

„Твојот мандат е окарактеризиран со дивоградбата - пазарот во Драчево. Имаш дивоградба - пазар, имаш други дивоградби", се обрати кандидатот за градоначалник од Левица за Град Скопје, Амар Мециновиќ, во дуелот на ,,Канал 5" кон противкандидатот од ДПМНЕ, Орце Ѓорѓиевски.„Првото нешто што ти го направи како кандидат за градоначалник на Град Скопје, г. Орце Ѓорѓиевски, во вториот круг е тоа што се сретна со Изет Меџити, кој е озлогласен по дивоградбите. Вашиот премиер вели дека нема да руши дивоградби", дообјасни Амар Мециновиќ, обраќајќи се кон Орце во дуелот. „Спектакл е вие да чекате да дојдат избори, за да чистите ѓубре. Четири години не ви беа под ингеренција контејнерите! Значи, четири години ти не можеш да излезеш од своите ингеренции да им ги чистиш улиците. Но кога дојде Скопскиот маратон, тогаш можеше да бидеш ,градоначалник на Град Скопје'. Така сега со Лабудович снимате рилови во центар дека собирате ѓубре", рече Амар Мециновиќ во однос на штетата од нечистотијата што ја трпат скопјани подолг период и во однос на кампањското чистење на ѓубрето од страна на Орце на само неколку дена пред избори.

Македонија | пред 5 месеци

Владата со еврообврзница од 950 милиони евра ќе го финансира јавниот долг за 2026 година

Владата го усвои предлог – буџетот за 2026 година кој ќе биде испратен во Собранието. Планот е да се приберат повеќе пари од даноци и придонеси, да се зајакне фискалната дисциплина. Издвоени се повеќе пари за плати, за пензии за социјални трансфери.,,Со Буџетот се обезбедува редовна исплата на плати и пензии, како и континуирана социјална заштита. Средствата за социјални трансфери се проектирани на 206,3 милијарди денари, што е раст за 6,7 проценти. Платите изнесуваат 52,6 милијарди денари, или 7 проценти повеќе во однос на оваа година, во кое е опфатено зголемување на платите со порастот на минималната плата. Транзициските трошоци уплати во вториот пензиски столб изнесуваат 19,6 милијарди денари, со раст од 22,5 проценти“, вели министерката Гордана Димитриеска Кочоска.Најголемиот предизвик за финансирањето на јавниот долг за следната година е сервисирањето или враќањето на обврзницата од 700 милиони евра. Тоа е она коешто најмногу му тежи на буџетот, порача денеска министерката за финансии Гордана Димитриеска Кочоска. Нагласи дека ќе се прави комбинација помеѓу странското и домашното задолжување, за, како што рече, да не ги оптоваруваме банките во земјава и да можат повеќе да го финансираат приватниот сектор.,, Има 200 милиони евра дополнителни обврски кон странство, односно долгови од претходно што треба да ги вратиме. Од таа причина, финансирањето е предвидено да оди со евро обврзница од 950 милиони евра. Можеби тој износ ќе се зголеми затоа што се предвидени уште 350 милиони евра дополнително странско задолжување и уште 400 милиони евра на домашниот пазар, рече министерката.

Македонија | пред 5 месеци

Ѓорѓиевски: Мециновиќ лажно се претставувал како политиколог, самиот потврди дека нема завршено високо образование

Во вечерашната емисија „На дуел кај Иван“ на Канал 5 телевизија, гостуваше кандидатот за градоначалник на град Скопје, Орце Ѓорѓиевски кој се осврна на својот противкандидат од Левица, Амар Мециновиќ наведувајќи дека Мециновиќ потврдил дека нема завршено високо образование за политиколог како што се претставувал во јавноста изминатиот период.„Вие се претставувате во јавноста цел изминат период како тој во кој што треба да се идентификуваат младите, човекот којшто е високо образован, па вечерва дознаваме дека немате високо образование тоа е првата работа, втората работа дека сте дете на транзицијата, понатаму вие алудирате на тоа дека сте дете на транзицијата но вашите двајца родители работат во државни институции целиот свој живот, така да и тоа што го кажувате не кореспондира со ралноста“, вели Ѓорѓиевски.

Македонија | пред 5 месеци

Ѓорѓиевски: За 72 часа Скопје ќе биде чисто

На дуел кај Иван, кандидатот за градоначалник на град Скопје, Орце Ѓорѓиевски потенцираше дека ветувањето за чисто Скопје во рок од 72 часа е реално и остварливо.„Јас стојам зад тоа што сум го ветил дека градот може за 72 часа да биде чист, убеден сум дека 117 камиони има, а само 17 се исправни, 46 има метлачки и камиони за перење на улици, а само 6 се исправни, имам добар план и визија како ќе го направам тоа”, појасни Ѓорѓиевски.Освен градските и општинските власти, Ѓорѓиевски рече дека и граѓаните и општествено одговорните компании ќе помогнат во овој процес.“Одговорно тврдам со општествено одговорни компании со помош на нашите колеги не само во Скопје, туку надвор од Скопје, добро ќе биде исчистен градот не само на микролокациите туку секаде, и конечно исто така после долги години за прв пат ќе ги испереме улиците“, вели Ѓорѓиевски.

Македонија | пред 5 месеци

Митески: За прв пат во општина Аеродром во исто време се градат основно училиште, градинка и спортска сала, нешто што до сега не се случило

Во изминатиот период, како општина сработивме многу проекти, особено во развој на инфраструктурата и за прв пат во исто време во Аеродром во еден период градиме и основно училиште, детска градинка и спортска сала. Нешто што претходно не се случило во општина Аеродром, рече актуелниот градоначалник и кандидат на ВМРО-ДПМНЕ за Општина Аеродром, Дејан Митески во вечерашното гостување во централниот Дневник на телевизија Сител.„Морам да напомнам во претходниот мандат, три години имавме централна власт од СДСМ, којашто ни беше апсолутен кочничар во реализација на голем број на проекти и четири години власт на Данела Арсовска во Градот Скопје, од каде добивме нула поддршка во реализација на клучни инфраструктурни проекти кои се во надлежност на градот“, рече Митески.И покрај овие блокади и несоработка, Митески потенцираше дека изминатиот период интензивно се работеше и почнаа да се реализираат многу инфраструктурни проекти, а многу и се завршија.Во гостувањето се зборуваше и за состојбата со која се соочува градот Скопје која ја предизвика Комунална хигиена со насобирањето на сметот.„За жал, сега пред избори, имавме криза со насобирање на отпадот од страна на Комунална хигиена којашто траеше повеќе од 10 дена во делот на Аеродром и повеќе од три недели во делот Лисиче, од каде што од индивидуалните домаќинства не се собираше отпадот. Комунална хигиена е единственото надлежно претпријатие којшто е должно да го транспортира ѓубрето, зошто ние како граѓани плаќаме кон нив. Јас бев првиот градоначалник и единствениот најверојатно, којшто поднесе кривична пријава против директорот на Комунална хигиена и денес ја гледам реакцијата на Обвинителството и на министерството за внатрешни работи. Се преземаат интензивни мерки се со цел спречување, понатамошно постапување, зошто одговорноста мора да има име и конечно во Македонија да сфатиме дека кога преземаме јавна функција, преземаме и одговорност да ги исполниме нашите обврски кон граѓаните, за што сме платени од нив“, истакна Митески.

Македонија | пред 5 месеци

Мицкоски: Без разлика на етничката, верската и политичката припадност, на 2 ноември да се обединиме во Кичево за вредностите кои ги застапува Александар

После вториот круг очекувам 59 градоначалници да има коалицијата предводена од ВМРО-ДПМНЕ, со што ќе ја заокружиме највисоката бројка во историјата на демократската Македонија, по бројот на градоначалници, којашто некогаш се случила. И ако на тоа се додаде и извесната победа на Орце Ѓорѓиевски за град Скопје, којшто води 3:1 после првиот круг во однос на неговиот противкандидат, тогаш заокружуваме бројка од 60 градоначалници коишто ќе дојдат од коалицијата предводена од ВМРО-ДПМНЕ, вклучително и главниот град, рече претседателот на ВМРО-ДПМНЕ, Христијан Мицкоски на вечерашниот мини митинг во Кичево во рамките на изборната кампања под слоган „Вистинскиот избор! Твојот човек! Твоето место! За твојата иднина!“ за вториот круг од локалните избори на 2 ноември во недела.Мицкоски се осврна и на победата на коалицијата предводена од ВМРО-ДПМНЕ за листите на советници во 58 општини, каде што оствари убедлива победа и освоија мнозинство во советите.Додаде дека не беше лесно, туку дека беше тешко но единството и поддршката на граѓаните покажа дека може да се совлада и помногуброен противник, зошто кога сме сплотени и обединети како едно, сме посилни и можеме да совладаме многу побројни и поголеми противници.„Затоа е многу важно на 2 ноември во недела да се обединиме овде во Кичево, без разлика на нашите различности, без разлика дали тие различности се етнички, верски или политички. Многу е важно да бидеме како едно, да се обединиме околу вредностите коишто ги споделуваме, да се обединиме околу цивилизацијата којашто ја застапуваме. Затоа што јас сум убеден дека против кандидатот на Александар не ги споделува нашите вредности, не ја споделува нашата цивилизација. И секој оној којшто ќе го земе пенкалото во рака и ќе застане позади гласачката кутија, со гласачкиот лист пред него, нека го слуша својот разум и своето срце и нека гледа длабоко во својата душа, од таму ќе извира бројот 9. И нека го заокружи бројот 9, нека заокружи за Александар“, повика претседателот Мицкоски во недела масовно да се гласа за кандидатот ан ВМРО-ДПМНЕ за градоначалник на општина Кичево, Александар Јовановски.Понатаму додаде, секој оној кој ќе биде исправен пред предизвикот дали да го поддржи Александар или неговиот против кандидат, нека се присети на вредностите кои ги застапува Александар и вредностите кои ги застапува неговиот против кандидат.„Дали вие сакате да живеете во средина во којашто ќе владеат криминалот, блуд, разврат и уцени? Дали сакате Кичево да биде домаќин на блуд, разврат, криминал и уцени? Заборавете на етничката припадност, сетете се на вашите ќерки, на вашите внуки, дека некоја од нив може да биде жртва на овој човек. Затоа, кога ќе го имате пенкалото во рака, верувајте во вредности, не во басни, не во приказни. Заборавете на нешто што некој ви кажува дека се случило пред 4, 5, 6 децении, верувајте на оние коишто ви кажуваат што ќе се случува за четири, пет децении од денес. Заборавете на оние романтични приказни што некој ви ги кажува за некое измислено минато коешто никогаш не се случило. Верувајте на иднината којашто сите ние заедно Македонци, Албанци, Турци, Роми, Срби, Власи, Бошњаци и останати ќе ја градиме. Тоа е иднината на Македонија“, упати Мицкоски обединувачка порака и повик до сите етнички заедници.

Македонија | пред 5 месеци

Петрушевски: Очекувам убедливата победа на кандидатите за градоначалници на ВМРО-ДПМНЕ уште посилно да се рефлектира во вториот круг

Пратеникот Бране Петрушевски вечерва гостуваше во емисијата „За или против“ на Алфа телевизија, кој најнапред зборуваше за очекувањата од вториот круг од градоначалничката трка за локалните избори 2025 година, пришто посочи дека очекува голема, убедлива победа на кандидатите за градоначалници на ВМРО- ДПМНЕ, односно како што кажа тој можеби најуверлива победа на локални избори на една политичка партија.„Очекуваме она коешто се случи во првиот круг, а тоа е една убедлива, голема победа на кандидатите на ВМРО- ДПМНЕ, уште посилно да се рефлектира во вториот круг. Генерално онаму кадешто сме во вториот круг сме победници на прво место, со огромна разлика во гласови којашто во најголемиот дел од општини е реално ненадоместлива со било какви калкулации. Меѓутоа ние сме активни на терен, активни помеѓу граѓаните ја пренесуваме нашата визија, нашата идеја за општините, оној прием којшто го добиваме од страна на граѓаните е уште поголем, со поголема енергија, така што очекувам да ја финишираме оваа изборна трка со уште една уверлива можеби и најуверлива победа на локални избори на една политичка партија“, вели Петрушевски.Пратеникот Петрушевски ги искажа и своите очекувања од вториот круг за градоначалничката трка за градот Скопје и истакна дека очекува уверлива победа на кандидатот на ВМРО-ДПМНЕ, Орце Ѓорѓиевски за Град Скопје, бидејќи разликата во гласови е огромна и истата е во полза на Ѓорѓиевски.„Таа разлика, таа уверлива победа, па и таа енергија или бран од првиот круг ќе се пренесе сега и во вториот круг и јас очекувам солиден раст на гласовите на Орце Ѓорѓиевски во вториот круг, прашањето е само колкава ќе биде изразена таа победа и колкави ќе бидат потоа очекувањата на граѓаните, и тука мораме да испорачаме како што сме испорачувале во минатото во оние други општини кадешто имавме свои градоначалници коишто повторно го добија својот мандат. Се надевам дека Орце ќе има една низа на мандати, а тоа ќе значи една низа на реализирани проекти за скопјани што ќе им го подобри животот“, рече Петрушевски.Петрушевски посочи зошто Ѓорѓиевски е вистинскиот избор за скопјани и ја искажа својата увереност дека со доаѓањето на Ѓорѓиевски на градоначалничката позиција на градот Скопје, скопјани ќе ја почувствуваат разликата од неговото управување со градот, уште во првиот месец, споредбено со она што беше до сега.„Орце е работник, Орце е докажан како човек кој знае да реализира проекти, да работи, да решава проблеми, народен човек, човек којшто е нон стоп меѓу народот и сум цврсто убеден дека уште во првите неколку недели или месец дена од неговиот мандат ќе се почуствува огромна разлика помеѓу она што значи политичар којшто е од народот, којшто е работник и којшто знае да работи vis a vis она што сме го гледале претходно“, посочи Петрушевски.

Македонија | пред 5 месеци

МВР: Во Скопје и Куманово училишта попладнево добиле дојави за поставени бомби

Министерството за внатрешни работи информира дека неколку училишта во Скопје и Куманово попладнево добиле дојави за поставени бомби.Веднаш по дојавите, училиштата биле евакуирани, а се врши увид и проверка од страна на полицијата и одделите за заштита и спасување.До сега нема официјални информации за пронајдени експлозивни направи, ниту за повредени лица.МВР апелира јавноста да пријавува сомнителни предмети и активности, и да остане смирена додека траат проверките, со цел да не се попречи работата на надлежните.

Македонија | пред 5 месеци

Јовановски: Со заокружување на бројот 9, Кичево ќе добие градоначалник кој ќе се жртвува за својот град

Александар Јовановски, кандидат за градоначалник за општина „Кичево“ од редовите на ВМРО-ДПМНЕ, се обрати на денешниот настан одржан во општината, под слоганот „Вистинскиот избор! Твојот човек! Твоето место! За твојата иднина!“, во рамките на изборната кампања за вториот круг од локалните избори кои ќе се одржат 2 ноември.На самиот почеток Јовановски се заблагодари за присуството на граѓаните, и потенцираше дека кампањата која се водела за локалните избори во општина Кичево, била исклучиво позитивна.„Ви благодарам на присуството, ви благодарам на поддршката, самата ваша бројка доволно говори. Целата кампања ни се засноваше на позитивна енергија, целата кампања зрачи и ќе продолжи да зрачи после големата победа само со позитивна енергија, ќе продолжи да зрачи со надеж и среќа за сите. Сите оние коишто не веруваат, сите оние коишто сеуште се двоумат, сите оние кои мислат дека не е можно да оствариме победа, нека размислат уште еднаш“, рече Јовановски.Јовановски истакна дека Кичево заслужува за градоначалник да има чесен и трудољубив човек, кој ќе се жртвува за својот град.„Верувајте, заслуживме да имаме чесен човек, трудољубив човек и човек  којшто ќе се жртвува за овој град, а тој човек сум јас почитувани. Сакам да изразам особена благодарност до припадниците на сите политички партии во нашиот град, без разлика на кој етникум припаѓаат, без разлика на која идеологија припаѓаат, има луѓе кои увидоа со што се соочуваме, за жал сите вие сте сведоци на што се, се изнагледавме изминативе денови, какви снимки изнаслушавме и какви видеа видовме, ние како граѓани не го заслужуваме. Дојдете на 2 на истото ова место, ќе славиме заедно“, истакна Јовановски.

Македонија | пред 5 месеци

Сајкоски: Масовно излезете и гласајте за Александар Јовановски, за развој и напредок на Кичево

На вечерашниот мини-митинг во општина Кичево, во рамки на вториот круг од локалните избори кои ќе се одржат на 2 ноември, се обрати генералниот секретар на ВМРО-ДПМНЕ, Ѓорѓија Сајкоски кој упати порака за масовна излезност на 2 ноември за глас на  кандидатот Александар Јовановски, за развој и напредок на Кичево.„Почитувани, ни останаа уште неколку денови до она за коешто работевме долг период. Ни останаа уште 3-4 дена до 2, денот кога треба да излеземе масовно како што излеговме на овој плоштад, да кажеме не за не работата, не за неморалот, не за кандидатот којшто не посрамоти. И да кажеме да за оној којшто сака, којшто може и којшто треба да сработи за нашата општина, да кажеме да за Александар Јовановски за иден градоначалник на Кичево“, рече Сајкоски.Сајкоски ги повика и оние граѓани кои живеат во дијаспората да го дадат својот глас за бројот 9, за да има подобри услови, кои ќе донесат подобар живот за кичевчани.„Сакам кратко да порачам и за оние коишто сакаат и се спремаат да доаѓаат од странство. Почитувани, многу ве почитуваме и секогаш нашата врата е отворена за вас, но нашите деца 265 дена дишат нечист воздух, нашите деца 365 одат по калливи улици, нашите деца и ние со нашите автомобили се движиме низ фекалии во населбите од нашиот град. Затоа и вие придружете се кога ќе дојдете тука во Кичево, гласајте за број 9, гласајте за Александар Јовановски, гласајте за победничката опција во Република Македонија“, вели Сајкоски.

Македонија | пред 5 месеци

Тоневски: Населба за млади, бесплатен канцелариски простор за млади кои сакаат да отворат приватен бизнис

Тони Тоневски, кандидат за градоначалник за општина Пробиштип, од редовите на ВМРО-ДПМНЕ, денес гостуваше во емисијата Директно на Телма телевизија, при што го соопшти неговиот мотив за повторната кандидатура за градоначалник на општина Пробиштип, а тоа е што во изминатите 8 години општината, како што кажа тој тоне во апатија и безидејност, а евидентно е и отсуството на идеа, план, визија и конкретна реализација на проекти.Тоневски истакна дека во текот на неговиот мандат, главен приоритет ќе биде економскиот развој на општина Пробиштип преку отворање на нови индустриски зони, создавање на услови за отворање на нови мали и средни претпријатија како и изготвување на водич за инвеститори и истовремено ја стимулира и важноста од измената на генералниот урбанистички план како и донесувањето на нови детални урбанистички планови.„Мојот главен приоритет во мојот мандат ќе биде економскиот развој на Пробиштип, задржување на младите, да останат да живеат во Пробиштип. Токму во таа насока, најважно од се е да се направи, почетно измена на генералниот урбанистички план, донесување на нови детални урбанистички планови, отворање на индустриски зони пред се за лесна и незагадувачка индустрија со што ќе го зголемиме интересот, ќе направиме и водич за инвеститори, ќе им подадеме рака на сите коишто сакаат да инвестираат. Моја цел ќе биде да овозможиме отворање на нови помали претпријатија, мали и средни претпријатија, за што во моментот нема ниту една слободна парцела, ниту една индустриска зона“ рече Тоневски.Тоневски додаде дека неговиот фокус во текот на неговиот мандат ќе биде и задржувањето на младите во општината, најнапред преку мерката за субвенционирање на млади брачни парови до 35 години, за купување на парцели за изградба на куќи, како и бесплатно користење на општински простории за млади кои сакаат да отворат приватен бизнис.„Ќе направам населба за млади, каде што ќе им понудам да купат сопствена земја по 1 евро од квадрат, да се ослободат од комуналии плаќање, да направам комплетна инфраструктура во таа населба, да им обезбедам бесплатен канцелариски простор на сите млади коишто сакаат да отворат приватен бизнис, општински простории и нормално да се инвестира во спортот, во културата, да се направат фестивали“.Тоневски заклучи дека неговото водство во првиот круг се должи на различните концепти, а граѓаните точно ја гледаат разликата и визијата и е сигурен во убедлива победа во недела.

Македонија | пред 5 месеци

Митески: Општина Аеродром успешно се справи со нефункционалноста на Комунална хигиена, го исчистивме целото ѓубре и во Дрисла депониравме 600 тони отпад

На телевизија Канал 5 во емисијата „Само Вистина“ вечерва гостуваше кандидатот за градоначалник за општина „Аеродром“ од редовите на ВМРО-ДПМНЕ, Дејан Митески, кој на самиот почеток дискутираше за актуелната тема денес, односно за приведувањето на директорот на Комунална хигиена како и раководителот во претпријатието, заради непостапувањето со ѓубрето во Скопје.Митески истакна дека општина Аеродром со помош на околните општини во Скопје, успеала да го собере целиот отпад во Аеродром, и дека повеќе од 600 тони отпад биле депонирани во Дрисла.„Денеска она што го гледаме како исход на кривичната пријава којашто е поднесена токму од страна на општина Аеродром, и од мене како градоначалник против одговорните лица во Комунална хигиена Скопје, само ја потврдува тезата којашто ја говоревме во изминатиот период, дека ние како граѓани плаќаме во Комунална хигиена меѓутоа не ја добиваме услугата којашто треба да ја испорача. Во текот на изминатава недела како општина со помош на околните општини од градот Скопје, Илинден, Зелениково, Сопиште, Петровец, успеавме да го собереме целиот отпад којшто се наоѓаше покрај контејнерите, повеќе од 600 тони отпад депониравме во депонијата Дрисла“, рече Митески.Митески објасни дека општина Аеродром ангажирала соодветна механизација од околните општини, со цел сметот да не остане на улиците, како резултат на непостапувањето и нефункционирањето на Комунална хигиена.„Моравме интервентно да преземеме чекор да го исчистиме оној отпад којшто се создаде а не беше собран повеќе од 10 дена од страна на Комунална хигиена. Во изминатиот период ние ангажиравме механизација од околни градови, поради  нефункционирањето на Комунална хигиена, се со цел да не го оставиме сметот на улиците, туку да го собереме. Ова е последица на непостапувањето на јавното претпријатие, и како општина и како институција нема да дозволиме да останеме нем сведок на она што се случува, прв бев што поднесов кривична пријава по која денеска постапува обвинителството“, објасни Митески.Митески посочи дека поради неизвршувањето на обврските од страна на претпријатието, општината нашла соодветни алтернативни начини за решавање на проблемот со отпадот.„Ако оној чиј примарна цел тоа да го врши, оној на којшто му плаќаме сите ние, не го врши, тогаш ние мора да се снаоѓаме со алтернативни начини. Меѓутоа мора да знаеме дека тоа општината ја чини дополнителни пари, едно собирање отпад во изминативе денови и депонирање во Дрисла, кошташе повеќе од 50 илјади евра дневно, тоа се пари коишто наместо да бидат наменети за потреби на граѓаните, ние ги трошевме за собирање на отпад, работа за којашто Комунална хигиена Скопје наплаќа“, рече Митески.На крај Митески се осврна на темата за вториот круг на локалните избори и посочи дека СДС станува трета партија, и дека граѓаните ќе ја дадат поддршката за ВМРО-ДПМНЕ.„Добивме како ВМРО-ДПМНЕ најголема поддршка на овие локални избори во Аеродром со огромна предност пред останатите политички партии, мене навистина ми е жал што СДСМ веќе е и трета партија, во Советот на општина Аеродром добивме мнозинство со 15 советници, а бројот на советници на СДСМ падна на 5, тоа значи дека и тука ја губат поддршката од страна на гласачите и верувам дека уште еднаш ќе се потврди онаа разлика којашто ја имавме во првиот круг, со сериозна можност за зголемување на разликата, имајќи предвид дека граѓаните се повеќе препознаваат и даваат поддршка на ВМРО-ДПМНЕ и на мене како градоначалник, она што го работиме го работиме во интерес на граѓаните“, дециден е Митески.

Македонија | пред 5 месеци

Мицкоски: Во недела масовно да излеземе на избори, да го заокружиме бројот 9 за Тони Тоневски и за развој на Пробиштип, седењето дома е најлошата опција

Во првиот круг коалицијата којашто ја предводи ВМРО-ДПМНЕ освои 33 градоначалници. Двајца во меѓу време, помеѓу првиот и вториот круг, против кандидати на нашите кандидати се откажаа, што значи дека сега веќе се 35 градоначалници и во уште 24 општини сме во вториот круг. Во недела ќе се одлучува кој ќе биде градоначалник во тие 24 општини. Во 6 од тие 26 општини сме второпласирани, со тенденција и со голема шанса, бидејќи разликата е премногу мала, да бидеме првопласирани, рече претседателот на ВМРО-ДПМНЕ, Христијан Мицкоски на вечерашниот мини митинг во Пробиштип во рамките на изборната кампања под слоган „Вистинскиот избор! Твојот човек! Твоето место! За твојата иднина!“ за вториот круг од локалните избори во недела на 2 ноември.Мицкоски изрази убедување дека коалицијата предводена од ВМРО-ДПМНЕ, после овие локални избори ќе има 59 градоначалници.„Истовремено, дозволете ми да информирам дека во 58 општини советничките листи ан коалицијата предводена од ВМРО-ДПМНЕ победија и имаат убедливо мнозинство во Советот. Кога на сето тоа ќе се додаде и резултатот во Градот Скопје, односно убедливото водство на идниот градоначалник на Градот Скопје, Орце Ѓорѓиевски, 90 илјади наспроти 30 илјади, отприлика нешто повеќе од 3 спрема 1, очекуваме во вториот круг таа бројка да дојде до 120 можеби 125 илјади гласа. И убедливата победа на советничката листа на коалицијата предводена од ВМРО-ДПМНЕ за Град Скопје, доаѓаме до фантастична бројка од 60 општини во кои што се состои и Градот Скопје, нешто што до сега на ниту една политичка коалиција во независна Македонија не и се случило“, истакна Мицкоски.Втората крупна политичка порака, вели Мицкоски, која сакам денес од Пробиштип да ја испратам, е дека конечно, партијата која повеќе од 20 години беше дел од сите влади во Македонија, Демократската унија за интеграција, на овие локални избори е поразена.„Ние велевме на парламентарните избори пред година и половина ги развластивме и дека ќе дојде време, кога на локалните избори, тие ќе бидат поразени. И тие практично се поразени на овие локални избори“, рече Мицкоски.Додаде дека во вториот круг имаме три опции, од кои првата е да се гласа за коалицијата која ја претставува ВМРО-ДПМНЕ, која е победничката коалиција, додека втората опција е поранешната владина коалиција предводена од СДСМ, која е опција која не враќа назад во времето и која ја ограбуваше, понижуваше и распродаваше Македонија.„И третата опција, по мене, најкатастрофални е да останеме дома и да не излеземе на изборите и да дозволиме некој друг да одлучува во наше име“, дециден беше Мицкоски додавајќи дека со седењето дома никој не се казнува, туку со тоа се казнуваат самите граѓани кои не излегле на гласање.Затоа, Мицкоски ги повика граѓаните на Пробиштип, но и на цела Македонија во недела на 2 ноември да излезат на гласање што е можно помасовно и да го дадат својот глас онака како што тие мислат дека е најдобро.„Но, убеден сум дека кога ќе застанете позади параванот, со пенкалото во рака и со гласачкото ливче пред вас, ако го слушате разумот и вашето срце, и длабоко погледате во вашата душа, ќе видите и ќе препознаете дека таму извира бројот 9 и името на Тони Тоневски. И јас сум убеден дека тоа ќе биде вашата опција за следните четири години“, посочи Мицкоски.

Македонија | пред 5 месеци

Тоневски: Со глас за број 9, Пробиштип добива нов правец, проекти за младите и развој на туризмот

На вечерашниот мини-митинг во општина Пробиштип, во рамки на вториот круг од локалните избори кои ќе се одржат на 2 ноември, се обрати кандидатот за градоначалник од редовите на ВМРО-ДПМНЕ, Тони Тоневски кој истакна дека во Пробиштип е потребна промена после 8 години апатија и уништување на градот, потенцирајќи дека новиот правец во кој ќе се движи општината ќе биде развиен, вистински и долгорочен со реализација на многу проекти кои ќе донесат развој и напредок на Пробиштип.„Во првиот круг жителите на Пробиштип беа јасни, покажавте верба храброст и желба за промени, освоивме стабилно мнозинство во советот и сега сигурно со дигната глава  одиме на уште поголема победа. Вие граѓаните ја препознавте програмата што значи работа, развој и сигурна иднина. Вие граѓаните го направивте вистинскиот избор за нашиот Пробиштип. Осум години стоевме во место, наместо да броиме нови индустриски погони, работни места, водоводи, ние броевме изгаснати светла во домовите. Затоа минатата недела Пробиштип испрати јасна порака, доста беше стагнација, уназадување и апатија, време е за нов правец, развиен, вистински, долгорочен“, рече Тоневски.Кандидатот за градоначалник на општина Пробиштип посочи дека програмата е сеопфатна и е сработена заедно со граѓаните, со нивни предлози и идеи, со што ќе се инвестира во секој дел од општината, со проекти за младите да останат во својот роден град како и инвестиции во областа на  туризмот, спортот и индустријата.„Многу ми е важно нашиот град да има иднина, нашиот Пробиштип заслужува многу повеќе, ние не ветуваме чуда ние ветуваме само работа, ветуваме развој, ветуваме иднина. Во програмата се влезени вашите идеи, оваа програма е победничка, заедно ја пишувавме заедно ќе ја реализираме, ќе започнеме со нова урбанизација, нова населба за изградба на куќи и нова индустриска зона исклучиво за незагадувачка индустрија. Ќе создадеме услов за нови работни места и повисоки плати, нашиот фокус се младите, младите ќе имаат бесплатен канцелариски простор доколу сакаат  да започнат сопствен бизнис и бесплатни проекти за типски куќи. Голем дел од младите ќе можат да ја градат својата кариера и во туристичката дејност затоа што инвестициите во Лесново и Пониква ќе бидат големи, ќе изградиме детско одморалиште на Пониква, ново одбојкарско игралиште, Пробиштип ќе добие и нов градски базен“, вели Тоневски.

Македонија | пред 5 месеци

Трамп: Уште 10% царина за Канада поради измама и непријателски чин

Американскиот претседател Доналд Трамп најави воведување дополнителни 10% царина за Канада, поради, како што оцени тој, сериозно искривување на фактите во неодамнешна реклама што ја критикува американската царинска политика.„Рекламата требаше веднаш да биде повлечена, но сепак беше прикажана синоќа за време на World Series, знаејќи дека станува збор за измама“, напиша Трамп на својата платформа Truth Social.Според Трамп поради сериозното искривување на фактите и непријателскиот чин ја зголемува царината за 10% повеќе од постоечката стапка.Рекламата ја прикажуваше изјавата на поранешниот американски претседател Роналд Реган од 1987 година, каде што тој коментира недостатоци во трговските царини, особено за увоз од Јапонија. Објавата предизвика остри реакции и ги доведе до прекин на трговските преговори со Канада.Трамп претходно воведе царини од 35% на многу канадски увозни производи, како дел од својата трговска политика во вториот мандат, со образложение дека Канада не успева да спречи криумчарење дрога кон САД.

Свет | пред 5 месеци

Санкциите на Трамп ја зголемија цената на нафтата

Санкциите на американскиот претседател Доналд Трамп против Русија имаат силен ефект.Сепак неизвесно е дали светот ќе престане да купува руска нафта и гас.Анализата на угледниот Гардијан наведува дека новата офанзива на американскиот претседател против приходите од фосилни горива во Русија може да претставува и шанса за мир во Украина и економска придобивка за САД.Трамп минатата недела воведе санкции против двете најголеми руски нафтени компании, Роснефт и Лукоил, со цел да ја ослаби способноста на Москва да ја финансира својата воена машинерија.Новите санкции значат дека сите компании кои купуваат руска нафта ризикуваат да го изгубат пристапот до финансискиот систем заснован на американскиот долар. Ова може да има сериозни последици за Индија и Кина, кои се најголеми купувачи на руска нафта и гас.по целосната инвазија на Украина. Влијанието на санкциите се почувствува веднаш — глобалната цена на нафтата порасна за 6%, а се појавија и извештаи дека големите индиски и кинески рафинерии моментално го стопирале увозот.Доколку Москва ги изгуби тие пазари, може да остане без околу 7,4 милијарди долари месечни приходи, што претставува приближно 3,6 милијарди долари во месечни даноци што директно одат во воениот буџет на Кремљ.

Свет | пред 5 месеци