ФИЛИПЧЕ

Нема фотографија

Филипче: Приказната за дестабилизација е веројатно договорена меѓу ВМРО-ДПМНЕ и ДУИ

Претседателот на СДСМ, проф. д-р Венко Филипче во интервју за неделникот „Фокус“ зборува за актуелни прашања од доменот на политичките случувања во земјата, како и за политичката стратегија на СДСМ и како партијата ќе дејствува претстојниот период. Филипче во интервјуто оценува дека во политичка смисла на ВМРО ДПМНЕ и ДУИ им одговараат наративите на меѓуетнички конфликт и дестабилизација, како и на ЗНАМ кои како што вели Филипче се целосно маргинализирани во Владата па имаат можност да го оживеат својот националистички наратив. Претседателот на СДСМ смета дека стратегијата за подигање меѓуетничка тензија која ВМРО ДПМНЕ и ДУИ ја спроведуваа пред изборите сега повторно ја враќаат во игра.„Ако се земе предвид дека ДУИ му даде поддршка на ВМРО-ДПМНЕ за Законот за реорганизација на министерствата, без кои не можеше да се формира Влада, тогаш не би се чудел целата работа да е договорена стратегија меѓу двете партии. Дури и да не е договорена таа е во интерес на двете страни“, вели во интервјуто Филипче.Според претседателот на СДСМ, Филипче, ваквите сценарија на ВМРО ДПМНЕ, познати од порано, штетно ќе влијаат на развојот на економијата и создаваат страв и конфузија кај граѓаните.„За жал, ваквите сценарија носат само застој во развојот на државата, на економијата, многу конфузија и страв кај граѓаните. Ништо добро не сме виделе од бескрајните меѓуетнички теми освен покачени тензии и назадување на дражвата. Но, добро е што за разлика од претходниот мандат на ВМРО-ДПМНЕ, сега граѓаните и стручната јавност многу рано ги препознава истите тактики, а со тоа и ефектот од нив е слаб“-вели Филипче за неделникот „Фокус“.

Македонија | пред 1 година

Филипче: Приказната за дестабилизација е веројатно договорена меѓу ВМРО-ДПМНЕ и ДУИ

Претседателот на СДСМ, проф. д-р Венко Филипче во интервју за неделникот „Фокус“ зборува за актуелни прашања од доменот на политичките случувања во земјата, како и за политичката стратегија на СДСМ и како партијата ќе дејствува претстојниот период. Филипче во интервјуто оценува дека во политичка смисла на ВМРО ДПМНЕ и ДУИ им одговараат наративите на меѓуетнички конфликт и дестабилизација, како и на ЗНАМ кои како што вели Филипче се целосно маргинализирани во Владата па имаат можност да го оживеат својот националистички наратив. Претседателот на СДСМ смета дека стратегијата за подигање меѓуетничка тензија која ВМРО ДПМНЕ и ДУИ ја спроведуваа пред изборите сега повторно ја враќаат во игра.„Ако се земе предвид дека ДУИ му даде поддршка на ВМРО-ДПМНЕ за Законот за реорганизација на министерствата, без кои не можеше да се формира Влада, тогаш не би се чудел целата работа да е договорена стратегија меѓу двете партии. Дури и да не е договорена таа е во интерес на двете страни“, вели во интервјуто Филипче.Според претседателот на СДСМ, Филипче, ваквите сценарија на ВМРО ДПМНЕ, познати од порано, штетно ќе влијаат на развојот на економијата и создаваат страв и конфузија кај граѓаните.„За жал, ваквите сценарија носат само застој во развојот на државата, на економијата, многу конфузија и страв кај граѓаните. Ништо добро не сме виделе од бескрајните меѓуетнички теми освен покачени тензии и назадување на дражвата. Но, добро е што за разлика од претходниот мандат на ВМРО-ДПМНЕ, сега граѓаните и стручната јавност многу рано ги препознава истите тактики, а со тоа и ефектот од нив е слаб“-вели Филипче за неделникот „Фокус“.

Македонија | пред 1 година

Нема фотографија

Филипче до Гир: Се сомневам во намерите на Владата воопшто да го продолжи европскиот пат

Претседателот на СДСМ, проф. д-р Венко Филипче, денеска оствари средба со Дејвид Гир чиј мандат како амбасадор на Европската Унија во Северна Македонија завршува.Филипче и Гир разговараа за теми поврзани со досегашниот мандат на евроамбасадорот и случувањата во земјата. Во разговорот, Филипче истакна дека е загрижен за насоката во која новата Влада ја води земјата, особено за иднината на евроинтеграциските процеси.„Загрижен сум дека политиките на новата Влада може да предизвикаат трајно блокирање на евроинтеграциските процеси. Владата на ВМРО-ДПМНЕ во само неколку недели целосно ги наруши позициите на Северна Македонија, отворајќи веќе затворени спорови со што шансите за продолжување на евроинтеграциите драматично се влошија“, истакна Филипче на средбата со Гир.Претседателот на СДСМ пред евроамбасадорот го истакна и неговиот сомнеж околу намерите на Владата воопшто да го продолжи стратешкиот правец кон ЕУ и потенцираше дека уште на почетокот на работата на новата Влада земјата има нејасната иднина.Во таа насока, Филипче го информираше Гир дека СДСМ како опозиција ќе се залага за реформи и јасни перспективи.„Европската интеграција е стратешка цел на државата и СДСМ ќе продолжи да се залага за негување демократските вредности и заштитата на националните интереси. СДСМ како опозиција ќе се залага за реформи од страна на сите чинители во македонското општество. Напредокот во интеграцијата на нашата држава позитивно ќе се одрази на регионалната соработка, стабилноста и напредокот на земјата“, рече Филипче.Филипче му се заблагодари на Гир за неговата посветеност и работа во земјава ангажирајќи се како вистински пријател на Северна Македонија кој даде голема поддршка во остварување на државните стратешки цели.

Македонија | пред 1 година

Информациите за дестабилизација на земјата мора да се споделат со институциите, предизвикуваат немир кај граѓаните, вели Филипче

„Доколку Мицкоски поседува било какви информации за можна дестабилизација или нарушување на мирот во земјата, истите мора итно да ги сподели со надлежните институции. Во спротивно, тој станува соучесник или политички фактор кој можеби од таквата состојба има интерес“, вели претседателот на СДСМ, Венко Филипче.Тој додава:„Информациите за дестабилизација кои два дена по ред ги пласира премиерот предизвикуваат немир кај граѓаните, а негова лична одговорност е да превенира таква состојба. Доколку тој сам не ги сподели информациите, ги повикувам истражните органи да поведат постапка и ги истражат овие наводи.Како претседател на СДСМ која е одговорна партија, секогаш се спротиставувам на било какви форми на дестабилизација. Исто така, не смее да се дозволи ниту манипулации со чуствата на граѓаните и предизвикување состојба на тензија, без конкретна акција од страна на државата“.

Македонија | пред 1 година

Мицкоски до Филипче: Тој се соочува со внатрешни поделби во партијата, а ја коментира работата на Владата, за само 30 дена донесовме 3 крупни инвестиции, нешто што беше незамисливо во нивно владеење

„Повторно ќе кажам тие си ја тераат својата приказна, јас не очекувам дека нешто ново ќе кажат, дека ќе кажат нешто кое што претпоставувам ќе биде пофалба. Иако мислам, лично мислам дека тоа е погрешен пристап, но во ред тие избрале така, нека тераат, избори ќе имаме до година, граѓаните ќе го кажат својот суд кој работи правилно, кој не“, вели Христијан Мицкоски претседател на Владата на Република Северна Македонија одговарајќи на новинарско прашање како ја коментира изјавата на Венко Филипче дека Владата имала лош почеток и план на инвестициите.Премиерот Мицкоски истакна дека Владата е 30 дена, а веќе има три инвестиции од кои едната е за изградба на ветерен парк од половина милијарда долари со 630 вработувања, потоа инвестиција од ЕПСОТЕХ и инвестицијата на Вабтек.„Но ќе го потсетам, еве ние сме 30 дена Влада, во овие 30 дена Влада имаме нова инвестиција од половина милијарда долари, ветерен парк на тромеѓието помеѓу општините Штип, Карбинци и Радовиш, нови 630 вработени, еден терават час електрична енергија од обновливи извори и чекор кон исполнување на личната цел на Владата, а тоа е да бидеме енергетски во делот на увоз-извоз на електрична енергија избалансирани, односно да немаме повеќе потреба од увоз. Да бидеме на крајот на годината со резултат еднаков на нула, кога станува збор за увозот и извозот. Втората инвестиција е од ЕПСОТЕХ, инвестиција каде што ќе бидат исто така десетици милиони евра инвестирани, чинам дека беше околу дваесетина милиони евра, на тоа ќе се додадат 110 нови вработувања, тие велеа, тие ја воделе таа инвестиција, еве ја користам оваа прилика да им се заблагодарам за тоа што ја воделе четири години и не успеале да ја доведат до крај. Па требаше новата Влада да дојде и во рок од две недели да го реши сето тоа што тие не успеале во четири години, но сепак еве заслужуваат пофалби и благодарност. Благодарам од мое име и од името на граѓаните“, изјави премиерот Мицкоски.„И трета инвестиција која што овие први 30 дена се случува, тоа е инвестицијата на Вабтек, но и не е само новата инвестиција, туку треба да се предочи дека и старата инвестиција има многу проблеми, посебно во делот на регулирање на правата на располагање и сопственост на земјиштето на кое што се наоѓа старата производна фабрика“, рече тој и додаде:„И тоа го решаваме, заедно со Општина Гази Баба, околу половина милијарда евра за компаниите и за општините. Ете тоа е од прилика за овие први 30 дена“.Мицкоски потсети на сите катастрофални политики од претходната влада.„Направете анализа што направија тие во минатото, донесоа инвестиција на македонските граѓани во Хонгконг, однесоа би рекол, инвестиција на македонските граѓани во Хонгконг преку фабрика, односно компанија позната за трговија за јужно овошје, која што требаше да ги донесе кинеските вакцини во екот на пандемијата, познатата афера Стабри. Се случуваа многу проблеми, не треба да ве потсетувам на Модуларната болница, не треба да ве потсетувам на катастрофата што се случуваше за време на КОВИД пандемијата, не треба да ве потсетувам на сите оние тендери што се случуваа во минатото поврзани со името на новиот претседател на СДСМ, но органите треба тоа да го истражат. Еве тоа се само дел од работите кои што денеска би ги кажал. Тоа е работа на органите, тие ќе продолжат да ги соопштуваат своите позиции, ние ќе продолжиме да работиме“, објасни премиерот Мицкоски.„Граѓаните да бидат сигурни дека оваа Влада продолжува да работи, дека нема намера да посветува многу внимание на овие клевети кои што доаѓаат од ново избраниот претседател на СДСМ, сепак тој таму се соочува со внатрешни поделби, нормално е да се трудат кој повеќе ќе дехидрира од критики на работењето на Владата. Така мислат дека кој повеќе дехидрира, тој е поуспешен во рамките на СДСМ, тие малкумина кои што останаа, тоа е нивна политика“, дециден е Мицкоски.

Македонија | пред 1 година

Филипче: ВМРО-ДПМНЕ ја враќа политика на евтина работна сила

„ВМРО-ДПМНЕ ја враќа старата политика во која Македонија е рај за евтина работна сила, а каде вработените се секогаш на второ место.“Ова го рече претседателот на СДСМ, проф. д-р Венко Филипче на денешниот брифинг со медиумите на кој меѓу другото се осврна и на лошите економски политики кои ВМРО-ДПМНЕ ги спроведува уште на почетокот од својот мандат, а кои само го намалуваат стандардот на граѓаните.ВМРО-ДПМНЕ не предвидува покачување на платите практично во ниту еден сектор, ниту во образованието, ниту во здравството, ниту за полицијата, ниту за Армијата, а не се почитуваат ниту обврските од општиот колективен договор и нема да има зголемување ниту на минималната плата на 450 евра, како што бараа синдикатите.„Ќе се покачуваат плати само по потреба и за поткуп, не постојано и систематски. Ова многу силно ќе им се удри од глава“, рече Филипче на брифингот.Тој потсети дека со ова ВМРО-ДПМНЕ ја суспендира политиката на континуирано зголемување на платите, за разлика од СДСМ која го цени и го вреднува трудот на работниците и со правилни политики успеа просечната плата да ја издигне на историски најголеми досега 40.000 денари и покрај сите глобални економски и здравствени предизвици.„Во 2024 година луѓето бараат подобри услови за работа, бараат повисоки плати, бараат можности - не бараат некој да ги понижува и третира како евтина работна сила“, рече Филипче.Филипче на брифингот рече и дека очекува целосно деградирање на правата на работниците бидејќи деновиве беше најавено и укинување на недела како неработен ден.

Македонија | пред 1 година

Филипче: ВМРО-ДПМНЕ го врати процесот на ЕУ интеграции 10 години назад

Владата на ВМРО-ДПМНЕ и Христијан Мицкоски нема ниту план, ниту патоказ по кој ќе ја креира надворешната политика на земјата. Предизборните ветувања на ВМРО-ДПМНЕ дека тие ќе успеат да издејствуваат подобри услови за преговори со Европската Унија и дека ќе добијат цврсти гаранции за превенирање на понатамошни блокади сега се разобличуваат.Ова го истакна претседателот на СДСМ, Венко Филипче на денешниот брифинг со новинарите. Филипче додаде дека во изминатиот еден месец, откако новата Влада е во функција, со ниту еден чекор не покажала дека има намера сериозно да ја постави позицијата на земјата во однос на надворешната политика, напротив Владата на ВМРО-ДПМНЕ ги влоши веќе воспоставените позициите кои беа напорно градени.„Како со временска машина ВМРО-ДПМНЕ реши да ги уназади сите процеси и напредокот во меѓународната политика. Отворивме проблем со Грција кој беше целосно затворен. Сега ВМРО-ДПМНЕ вели дека ќе го решавало по судски пат. Ние 20 години тоа се обидувавме да го направиме и не успеавме дури и со пресуди во наша корист. Нема иницијатива со Бугарија, а имаше само еден последен чекор да се направи“, истакна Филипче.Наместо наметнување на македонскиот наратив и позиции, Мицкоски, кој ја предводеше македонската владина делегација во Вашингтон на прославата на 75 години од постоењето на НАТО алијансата, одигра маргинална улога на НАТО Самитот, смета Филипче.„Мицкоски немаше ниту една конкретна средба со ниту една делегација или премиер на земја стратешки партнер за да се испорачаат нашите барања. Напротив, гледаме само сојузништво со Орбан и нејасна перспектива. ВМРО-ДПМНЕ треба да излезе и јасно да каже каде ја води државата, кој е планот, и во која временска рамка планира тоа да го направи“, потенцира Филипче.Филипче уште еднаш ги потсети ВМРО-ДПМНЕ и Мицкоски дека ветувале подобри услови во преговорите и промена на преговарачката рамка и дека тоа граѓаните го очекуваат од нив.„И СДСМ го чека ова и ќе го поддржи секој напор за подобри услови и гаранции кои ќе ги обезбеди ВМРО-ДПМНЕ. Но, нема да поддржиме блокада на процесот и отворање на нови конфликти“, изјави Филипче.

Македонија | пред 1 година

Филипче: Исправената кичма на Мицкоски е само за домашна употреба

Христијан Мицкоски гради лажен патриотизам дома, додека молчи за средбите што ги оствари со бугарските државници, претседателот Румен Радев и премиерот Димитар Главчев во Вашингтон за време на НАТО Самитот.На брифинг со новинарите, претседателот на СДСМ Венко Филипче зборуваше за катастрофалниот начин на кој владата на ВМРО-ДПМНЕ ја води надворешната политика и за загрозената позиција на земјата во поглед на клучните прашања поврзани со нејзината евроинтеграција.„Мицкоски има исправена кичма само за да гради лажен патриотизам дома. Во странство, во НАТО, пред бугарскиот врв очигледно си молчи. Имаше две средби со Радев и Главчев, и од двете средби ништо не кажа, а тие јасно кажаа дека обврските остануваат. Тој на тие средби не побарал ништо од тоа што го кажува дома“, истакна Филипче.Дополнително, вели Филипче, Мицкоски не само што не работи на сметка на државата, туку напротив ја изложува на потчинетост и економска зависност од Унгарија. Ова, потенцира Филипче, се коси со предизборната реторика на ВМРО-ДПМНЕ дека Македонија е суверена држава која самостојно одлучува.

Македонија | пред 1 година

Филипче: СДСМ се враќа, кризата од изборите е минато

„СДСМ е подигната на нозе и функционална, активна во политичкиот простор и со тоа би рекол првата фаза на стабилизација е целосно завршена“ истакна на денешниот брифинг со медиумите, претседателот на СДСМ, проф. д-р Венко Филипче.Тој истакна дека периодов ќе е фокусиран, на средби и разговори со членството, раководствата од партијата, претседателите, извршните одбори. Идните чекори на партијата се да се формираат работни групи, со цел СДСМ да биде функционална, а сите партиски тела оперативни.„Целта е да се формираат работни групи во коишто ќе членуваат не само официјалните во моментот општински раководства туку и овие луѓе коишто на некој начин се тргнати на страна и во рамките на тие групи да почне и формалниот процес на општински конференции во кои ќе започне и изборот на нови делегати на Конгресот имајќи предвид дека мандатот на овие делегати истекува на крајот на септември, а целта е крајот на септември и почетокот на октомври со се ова што го правиме сега да се конституира новиот конгрес со новите делегати којшто ќе го избере централниот одбор којшто понатаму ќе го избере и новото раководство на партијата. До тогаш целиот процес ќе го водат работните групи“ рече Филипче на брифингот.Филипче најави и целосно нова стратегија на СДСМ.„Започнуваме подготовка на целосно нова стратегија и таканаречен „Блупринт за социјадемократија“ Овој документ ќе биде новата идеолошка и политичка стратегија за ребрендирање и модернизација на СДСМ. Со него ќе направиме реафирмација на социјадемократските вредности прилагодени на новото време земајќи ги предвид секако новите политики коишто ќе ги презентираме на еден инклузивен начин, со широка платформа во којашто беа вклучени многу фактори што ги делат нашите вредности“-истакна претседателот на СДСМ Венко Филипче на денешниот брифинг.

Македонија | пред 1 година

Братот на Венко Филипче, заедно со Вице Заев ќе произведуваат струја од фотоволтаици, пред заминување од власт направиле централа од 1.5 мегавати во Дојран, тврди Лефков

„Братот на Венко Филипче, заедно со Вице Заев ќе произведуваат струја од фотоволтаици, пред заминување од власт направиле централа од 1.5 мегавати во Дојран“, вели Миле Лефков, член на ИК на ВМРО-ДПМНЕ и пратеник и додава:На крајот на минатата 2023 година, Вице Заев и Никола Филипче, братот на Венко, формираат заедничка фирма под името „Фос имерас“. Сопственици на „Фос имерас“ се две компании. „Тотал инженеринг“ од Струмица во сопственост на Вице Заев и „Плус нетворк“ од Скопје чиј сопственик е Никола Филипче.Никола Филипче брат на Венко Филипче ја купува земјата во Дојран на која сега е изградена фотоволтаичната централа од 23000 м2 во 2021 година, кога министер за здравство е неговиот брат.Додека Венко Филипче е министер за здравство во владата на Зоран Заев, неговиот брат преку министерството за транспорт добива дозвола за пренамена на земјиштето со цел изградба на фотоволтаична централа. За неполн месец градоначалникот на Дојран од редовите СДС го менува ДУП-от и овозможува Филипче да ја гради централата.За ова Венко Филипче е претседател на СДС, да ги штити бизнисите на семејствата Заеви и Филипче.Филипче е претседател на СДС за да може уште некој градоначалник од оваа партија да направи добра основа за бизнис зделка нему блиски луѓе, како неговиот брат и на Вице Заев.Филипче е прочитан. Одговори и одговорност мора да има.

Македонија | пред 1 година

Филипче: Кредитот е неповолен, станува збор за политичко заложништво кон Унгарија

Гледано од економски аспект кредитот од 500 милиони евра воопшто не е поволен, владата на СДСМ обезбедувала кредит со камата од 1,6% во споредба со сегашните над 3%, не станува збор економски бенефит туку за политичко заложништво, вели во изјава за Дојче Веле претседателот на СДСМ, Венко Филипче.-Од економски аспект гледано овој кредит воопшто не е поволен. Владата на СДСМ во изминатиот период даде кредит кон стопанството од 150 милиони евра преку Европската банка за развој и тој кредит беше со каматна стапка од само 1,6%. Во споредба со овој којшто се нуди со каматна стапка од над 3% и очигледно некои скриени трошоци кои допрва ќе излезат на виделина. Во ова смисла не станува збор за некаков економски бенефит туку за политичка одлука. И јас сум навистина загрижен дека станува збор за една форма на политичко заложништво кон Унгарија и директно од Виктор Орбан.Очигледно е дека тој сака да стане патрон на Христијан Мицкоски. Да потсетам дека неговата партија е исфрлена од европското семејство ЕПП и сега таа партија од Унгарија соработува со партиите на радикалната десница. Стравувам дека под диктат на Виктор Орбан такви политики Христијан Мицкоски ќе почне да имплементира тука кај нас, вели претседателот на СДСМ, Венко Филипче.Владата на ВМРО-ДПМНЕ предводена од Христијан Мицкоски успеа за многу кратко време да застрани од стратешките позиции на државата кои се градени со децении наназад.-Овој кредит што очигледно е договорен во четири очи, кредит од 500 милиони евра од Унгарија, отвора многу прашања, а најважното од сите е во која насока ќе се движи земјава во следниот период. Во ВМРО-ДПМНЕ многу брзо ја сменија плочата истите тие луѓе кои цела година наназад, зборуваа дека земјата е презадолжена сега го дополнително го оптоваруваат долот со 500 милиони евра, и најинтересно од се е дека очигледно преговарале за зголемување на долгот во истиот период, додека критикуваа дека земјава е презадолжена. На површина излегува нивното лицемерие и очегледно е дека ги изневеруваат граѓаните, потенира претседателот на СДСМ, Венко Филипче за Дојче Веле.

Македонија | пред 1 година

Европските социјалисти, ПЕС, му честитаа на Филипче за изборот за претседател на СДСМ

Партијата на европски социјалисти, ПЕС, му честитаа на Венко Филипче за изборот за претседател на Социјалдемократскиот сојуз на Македонија.-Честитки до Венко Филипче, новиот лидер на нашата сестринска партија, СДСМ. Со нетрпение ја очекуваме нашата соработка, стои во честитката на ПЕС.

Македонија | пред 1 година

Филипче: Граѓаните денес се чуствуваат безбедно затоа што сме дел од НАТО, најмоќниот воен сојуз во светот

Граѓаните денеска се чувствуваат безбедно затоа што сме дел од НАТО, најмоќниот воен сојуз во светот, благодарение на посветеноста и одлучноста на СДСМ заедно и граѓаните, потенцира претседателот на СДСМ, Венко Филипче во објава на Фејсбук.-Во 2020 година, благодарение на посветеноста и одлучноста на СДСМ и граѓаните, Северна Македонија стана 30 членка на НАТО. Со ова, земјата ја реализираше една од најважните стратешки цели која стоеше во програмите на сите политички партии од 1990 година па се до тој момент. Денес сме безбедна и стабилна држава, значајна и рамноправна членка на Алијансата.Патот до членство во НАТО не беше лесен. Бараше решителност, стратешка визија и, пред сè, храброст да се донесат одлуки за доброто и иднината на граѓаните. СДСМ презеде одлучни чекори во оваа насока, уште со Преспанскиот договор во 2018 година, а 600.000 граѓани на реферундум го потврдија правилниот пат кој го одбра СДСМ. Одлучноста Северна Македонија да застане рамо до рамо со водечките светски демократии денес изгледа поважно од кога било. Во услови на војна на европско тло и светска нестабилност, нашите граѓани може да се чуствуваат безбедно затоа што сме дел од најмоќниот воен сојуз во светот.Приклучувањето кон НАТО ја зацврсти нашата национална безбедност, ја подобри нашата меѓународна позиција и отвори нови можности за економски раст и развој. Преку членството во НАТО, СДСМ ја потврди и посветеноста на партијата на развојот, демократските вредности, трајниот мир и безбедноста.Членството во Алијансата е придобивка за сите граѓани и секој политички чинител е должен да го негува и чува ова достигнување. Владата е должна да работи кон понатамошно унапредување на односите со Алинсата и земјите партнери во градење на цврста и долгорочна соработка.СДСМ останува посветена на носење одлуки кои служат за најдобар интерес на нашата нација. Ние веруваме дека само преку стратешко планирање, одлучност и ставањето на доброто на сите пред партиските интереси може да се надеваме на просперитетна иднина, вели претседателот на СДСМ, Венко Филипче.

Македонија | пред 1 година

Филипче оддаде почит за ликот и делото на Глигоров: Нема успешна иднина без почитување на историјата

Претседателот Венко Филипче денеска оддаде почит за ликот и делото на првиот Претседател на независна и суверена Македонија, Киро Глигоров, заедно со неговата ќерка Донка Глигорова, и неговиот шеф на Кабинет, Живко Кондев.-Длабока почит за ликот и делото на првиот Претседател на независна и суверена Македонија и горд носител на членската книшка бр.1, на држовотворната СДСМ, другарот Киро Глигоров. Нема успешна сегашност и иднина, ако не ја почитуваме историјата и вредностите врз кои почива современата македонска држава. Секогаш ќе стојам простум пред сите оние кои со своите дела вечно се вградени во темелите на нашата Татковина. Продолжуваме да го чуваме огнот на АСНОМ и НОБ како негови горди наследници и следбеници на тие вредности и идеали. Секогаш на вистинската страна на историјата, порача претседателот Венко Филипче.

Македонија | пред 1 година

Филипче: Ќе се формира работно тело кое ќе раководи со партијата до следниот Конгрес

Имам конкретен план, прво што ќе биде направено е едно работно тело кое практично ќе биде една форма на в.д. раководство на партијата до следниот Конгрес, рече претседателот на СДСМ, Венко Филипче во синоќешната емисија „Топ Тема“ на Телма.-Мандатот на делегатите на Конгресот полека истекува на почеток на есента. Прво што ќе биде направено е едно работно тело во централата, во партијата во Скопје, кое практично ќе биде една форма на в.д. раководство на партијата. Првата задача ќе биде да се постават нови в.д. претседатели на Општинските организации насекаде во државата. Тие општински претседатели ќе треба да формираат свои Извршни одбори исто така како вршители на должноста. Овие општински раководства во првата фаза ќе треба да направат општински конференции во коишто ќе се изберат нови делегати за нов состав на Конгресот, со оглед на тоа што мандатот на сегашните истекува, и нови предлози за членови во Централниот одбор, рече Филипче.Претседателот на СДСМ најави дека во месец октомври ќе се конституира новиот Конгрес на СДСМ којшто ќе ги избере новите раководни структури на партијата и ќе се спроведат статутарни измени.-Во текот на есента, очекувам тоа да биде во месец октомври, ќе се конституира и ќе се состане новиот Конгрес со нови делегати којшто ќе ги избере новите членови на Централниот одбор. Од тој Централен одбор понатаму ќе се изберат новите раководни структури во партијата, како новиот Извршен одбор, новите потпретседатели. И, на истиот тој состанок на Конгресот ќе се спроведат статутарните измени за имплементација на Програмата којашто јас ја предлагам, истакна претседателот на СДСМ, Венко Филипче во „Топ Тема“ на Телма.

Македонија | пред 1 година

Филипче: Ќе се разочараат оние кои сакаат да ја видат СДСМ на колена

Личните интереси настрана и одлуки што ќе бидат за општото добро на сите – членовите, граѓаните и државата. Ова го вети д-р Венко Филипче кој синоќа беше избран за лидер на СДСМ на внатрепартиските избори.„Многумина сакаат да ја видат СДСМ клекната и поразена. Се надеваат дека партијата нема да опстане и се ситат на изборниот пораз. Ветувам дека ќе го вратиме достоинството на партијата, а они кои се надеваат на лоша иднина на партијата, длабоко ќе се разочараат“, потенцираше Филипче.Тој вети дека ќе ја води партијата преку принципите од кои тој се води и во животот – заедништво, другарство, взаемна почит и отворена комуникација со сите.„Како претседател ветувам дека нема да делам туку ќе обединувам. Ветувам дека ќе водам со пример и тоа ќе го барам од секој во партијата. Ветувам дека силно ќе се спротивставам на оние кои сакаат да ја ослабнат партијата на сметка на личниот интерес. Ветувам дека ќе го заштитам и слушнам секој член и на секому ќе му дадам глас. Ветувам дека СДСМ ќе биде приземна, отворена и модерна партија подготвена за предизвиците кои следат“, рече Филипче.Во своето обраќање, Филипче истакна дека СДСМ ќе дејствува како силна опозиција којашто ќе се бори против лошите политики на власта и секогаш ќе биде гласот на разумот и на граѓанската волја која ќе биде заштитена доколку е погазена.„СДСМ секогаш ја одбирала страната на напредокот, на демократијата, на државноста и европските вредности и затоа мора да продолжиме да чекориме по тој пат. Мора да се бориме граѓаните тоа да го препознаат во нас, бидејќи тоа ќе значи победа за СДСМ“, рече Филипче.Зборувајќи за победата и неговиот избор за претседател на СДСМ, Филипче истакна дека тоа претставува огромна одговорност за него на која ќе одговори со професионализам, емпатија и грижата за луѓето кои се негови основни принципи и принципи по кои ќе функционира и партијата под негово раководство.„Сега е време за обнова на СДСМ и многу работа. Малку имаме за славење. Следи период на реорганизација и реформа согласно моите програмски ветувања со кои сигурен сум дека СДСМ повторно ќе победува. Ова нема да биде ниту брзо ниту лесно. Но јас знам дека нема друг начин да ја вратиме довербата кај членовите освен да направиме вистински темелни промени“, рече Филипче и додаде дека тоа единствено може да биде постигнато преку вистински и истрајни промени што ќе ја вратат довербата во СДСМ и што ќе и овозможат на партијата повторно да биде мотор на општествениот напредок.Филипче се заблагодари за довербата од членството и упати честитки и до своите сопартијци противкандидати и до изборната комисија за спроведени демократски избори и конкурентната борба. СДСМ демонстрираше дека има демократски капацитет, кој како иден претседател ќе го негувам и унапредувам, потенцираше претседателот на СДСМ, Венко Филипче.

Македонија | пред 1 година

Филипче нов претседател на СДСМ

Венко Филипче, поранешен министер за здравство во Владата на Зоран Заев, го презеде раководењето во СДСМ.Членство му даде поддршка на Филипче на вонредните внатрепартиски избори на кои силите ги одмери со Јован Деспотовски, директор на ТИРЗ во заминување, и Александар Бајдевски, поранешен заменик министер во МИОА.Со оглед дека на изборите гласаа 12 608 социјалдемократи, од запишаните 23 000, Филипче има повеќе од половина што значи дека изборот е во прв круг.

Македонија | пред 1 година

Филипче: Идниот претседател на СДСМ ќе има целосен легитимитет затоа што го црпи од членовите

Во текот на вчерашниот ден, кандидатот за претседател на СДСМ, Венко Филипче ја презентираше својата програма пред членовите во Крушево и во Битола. Тој уште еднаш ги повтори заложбите за обединување на партијата и длабока реформа која ќе донесе ефикасно и професионално работење на сите нивоа.Во своето обраќање, Филипче се осврна на процесот на бирање на претседател и демократизацијата на партијата. Тој рече дека СДСМ е партија која на најдемократски начин бира претседател во легитимен и фер процес.„Идниот претседател на СДСМ ќе има целосен легитимитет затоа што го црпи од членовите. СДСМ е демократска партија која уште еднаш тоа го потврдува преку организирање на внатрепартиски непосредни избори. Преку 23 илјади гласачи во недела ќе може да изберат кој сакаат да ја води партијата и ги повикувам масовно да го сторат тоа“, рече Филипче.Тој кампањата ја оцени како фер и демократска и очекува во недела да се заокружи овој процес со легитимен избор на новиот претседател. Филипче уште еднаш се осврна на обединувањето како предуслов за успешно закрепнување на СДСМ и спречување на натамошни поделби.„Јас останав доследен во ветувањето дека оваа кампања не треба и не смее да биде насочена кон никој од противкандидатите. Тоа само го слабее СДСМ и им дава материјал за напад на политичките противници кои гледаме дека тоа веќе го искористат. Ветив дека ќе се задржам на презентација на мојот концепт и обединувањето како предуслов за секој иден успех на партијата. Кој и да биде избран за претседател не смее понатаму да прави поделби во партијата. СДСМ оствари историски најслаб резултат и понатамошни поделби ќе го доведат опстанокот на партијата во прашање“, истакна Филипче.

Македонија | пред 1 година

Филипче: Ќе ја отвориме работата на комисиите – политиките ќе се градат врз основа на широка стручна дебата

Венко Филипче, кандидат за претседател на СДСМ, вчера во Куманово пред партиското членство ги образложи главните постулати на неговата програма.Засилена комуникација со членството, формирање на нови тела и органи на партијата на отворен и транспарентен начин и менување на начинот на избор на претседатели на општинските организации и кандидати за градоначалници преку воведување на подемократски и потранспарентен внатрепартиски процес. Ова се главните столбови на кои се потпира визијата на Филипче за „Нов СДСМ за нови победи“.„Целокупното раководство на партијата да биде отворено за секого 24 часа. Едноставно, да се слушаме, да разменуваме мислења и идеи коишто ќе дојдат од сите со цел да се градат политиките. Никој никогаш повеќе во партијата да не наиде на затворена врата за ниту една работа. Имавме многу поплаки во изминатиот период. Заеме со што се соочувавме и мислам дека тоа е нешто што треба да биде главен приоритет во периодот којшто доаѓа“, истакна Филипче.Како втор постулат, Филипче претстави зошто на СДСМ му е потребно освежување на партиската инфраструктура и кои се новите тела и органи кои ќе функционираат во насока на потребите на членството преку постојаната комуникација за подобро градење на политиките и стратегиите во партијата.„Треба да има едно ново тело, нов совет за градење на политики и на стратегии. Сметам дека во тој совет треба да учествуваат наши искусни политичари коишто на дневна основа ќе ја анализираат политиката и врз основа на тие секојдневни настани и случувања ние ќе ја градиме и секогаш ќе ја надградуваме нашата политика и стратегија. Треба да излеземе во пресрет на сите добронамерни сугестии и понатаму преку отворањето на работата на комисиите, коишто ќе ги приближиме на стручната фела, да има стручна дебата и да се слушне и нивниот глас“, рече Филипче.СДСМ има искуство и знаење и нејзиниот потенцијал мора повторно да се обедини за да победува, потенцираше Филипче. Обединети победуваме во минатото, обединети и сега можеме повторно да докажеме дека социјалдемократската идеологија е поважна од кога било и дека прогресивните идеи се потребни во време кога национализмот зазема се поголем замав во светски рамки, смета Филипче.Презентирањето на програмата на Филипче беше во рамки на заедничкото претставување на кандидатите за претседател на СДСМ во Куманово. Покрај тоа, Филипче имаше средба со партиското членство и дискусија за неговата програма и во скопската општина Гази Баба.Внатрепартиските избори за претседател на СДСМ се закажани за 30 јуни.

Македонија | пред 1 година

(Фото) Транспарент против Филипче во Аеродром

„Венко (Заев) за вас вратата е затворена“. Пораката која граѓаните на општина Аеродром му ја порачаа на Венко Филипче.Транспарентот стои пред партискиот штаб на СДСМ.Оваа герила акција доаѓа по кандидирањето на Венко Филипче за претседател на СДСМ.

Скопје | пред 1 година

Филипче: Можев да работам секаде по светот, решив да останам дома

Неврохирургот д-р Венко Филипче, носител на ИЕ 4 на СДСМ и Коалицијата за европска Македонија во гостувањето на Неформално на Сител Подкаст, говори за можностите кои му ги нуделе светските неврохируршки центри, но сепак одбрал да работи на Клиниката во Скопје. Филипче се враќа во политиката со главен мотив на младите да им се обезбедат можности за напредок и иднина како во напредните европски држави, вели дека тоа е единствениот начин и идните лекари специјалисти својата иднина да ја гледаат дома.Ги одбив понудите за работа во Америка, Швајцарија, Германија за да се вратам дома и да работам на Клиниката за неврохирургија, раскажува познатиот неврохирург Венко Филипче во Неформално на Сител Подкаст. Интересни случувања од периодот кога специјализирал во овие земји и учел за тајните на неговата професија од врвни светски имиња.„Јас останав тука да работам на огромен број на понуди за работа во Америка. За време на престојот во Швајцарија, добив понуда да работам. Бев на неколку турнуси по една недела во Германија. Знам каков е животот во европските земји, знам каков е тука. Јас се вратив тука затоа што сакам да придонесам нашето општество да оди напред. Останав тука да работам на огромен број на понуди за работа во Америка“-вели Филипче.Доктор Филипче вели дека земјата мора да се трансформира по примерот на развиените европски земји и тоа е единствен начин за младите да се задржат да работата дома. Тоа е мотивот зошто неврохирургот се враќа во политика.„Младите нема да останат тука, ако ние не направиме трансформација по примерот на развиените европски општества. Тоа е мојата желба и главниот мотив. И тоа е мојата мисија. Јас затоа верувам во тие политики. Така што ќе направам сè што треба и ќе дадам сè од себе, цела моја енергија и фокус и цела работа конечно оваа држава стане дел од европското семејство народи. Знам каков е животот во европските земји, знам каков е тука. Многу често сум бил надвор и секогаш сум се враќал. Многу потешко ми било кога сум мислел од таму за тука, отколку од тука за таму. Така што ќе направам сè што треба и ќе дадам сè од себе, цела моја енергија и фокус и цела работа да ние конечно оваа држава стане дел од европското семејство народи“-вели д-р Филипче.

Македонија | пред 1 година

Д-р Филипче: Ќе отворам канцеларии во секоја поголема општина и како пратеник ќе се сретнувам редовно со граѓаните

Институцијата пратеник мора да им биде приближена на граѓаните и во таа насока планирам да ја редефинирам оваа функција.Ова го изјави д-р Венко Филипче, кој е носител на листата на кандидати за пратеници на СДСМ и Коалицијата за европска иднина, во телевизиско интервју.„Мојот план е перцепцијата и практично институцијата пратеник да ја редефинирам, да отворам канцеларии во секоја од поголемите општини во коишто ќе бидам еднаш месечно на средби со граѓаните. Има луѓе коишто не знаат како да дојдат до некоја институција или едноставно затворени им се вратите. Мора да ги приближиме механизмите на служба за граѓаните, блиску до нив, за тие да дадат соодветен резултат“, вели Филипче.Како што наведува, тој и сега ги знае проблемите со коишто се соочуваат граѓаните, а за дел од нив може и многу лесно да се најде решение доколку има кој да ги слушне.„Има многу граѓани кои приоѓаат кога сум јас со мојот тим на терен, приоѓаат граѓани не само партиски членови. Ние сме и на пазар и на улица, по дуќани и така натаму. Луѓето доаѓаат, разговараме, отворам јас лично многу теми коишто сметам да ги засегаат знаејќи некои работи во одредени општини, во одредени региони и едноставно се трудам да им помагам“, истакна Филипче.

Македонија | пред 1 година

Д-р Филипче до младите во Прилеп: Борете се за тоа што заслужувате, никој нема да ви го даде на тацна

Носителот на листата на СДСМ во Изборната единица 4, неврохирургот д-р Венко Филипче денеска на средба со младите во Прилеп порача дека тој како пратеник ќе направи сè за реализирање на идеите и предлозите што ќе стигнат токму од нив.„Од вас ќе чекам конкретни предлог решенија. Не само констатирање дека нешто не чини. Вие мора да понудите сериозни решенија, а ние ќе најдеме начин да ги реализираме. Вие треба да сте креатори на политиките кои вас ве засегаат, а ние да ве поддржиме во спроведувањето. На младите лекари секогаш им велам, тоа го заслужувате, не чекајте друг да ви го даде на тацна. Барајте го гласно. Ако наидете на затворена врата, ќе влезете преку прозор. Нема друг начин да ги остварите вашите права. Не ја пропуштајте можноста да ги водите промените“ рече д-р Филипче пред младите.Покрај тоа, Филипче ги презентираше клучните младински политики предвидени во програмата на СДСМ што ќе значат континуирано подобрување на образовниот процес кој ќе гради млади со смели и одговорни идеи за иднината на државата и ќе ги задржи дома преку понуда на конкурентни политики за младинско вработување.„ Една од промените што ќе ја направиме е зголемување на програмата „Гаранција за млади" која ќе биде отворена за 35.000 млади кои ќе добијат многу можности за вработување“, истакна д- Филипче.Сакаме да ви обезбедиме стабилност и сигурност, затоа воведуваме по 200 евра во првите 12 месеци за секое прво вработување на лица до 26 години, додаде Филипче.Филипче истакна дека СДСМ верува во вредноста на образованието и затоа ќе им овозможи на младите подобри услови во сите степени на образование.„Ќе работиме на подобрување на настаните програми, но паралелно ќе се грижиме и за севкупните услови во кои младите се образуваат. Ќе создадеме подобра инфраструктура во училиштата и студентските домови, средина која ќе биде мотивирачка и инклузивна за вие да можете целосно да се посветите на вашиот развој и образовен раст“, рече Филипче.Тој им порача на младите не постои брза приказна за успех, но постои можност со амбиција да го постигнат зацртаното.„Многу скоро ќе дојде време кога вашите генерации ќе треба да ја преземат одговорноста во државата, затоа во вас СДСМ гледа идни носители на развој на македонското општество“, додаде Филипче.Носителот во ИЕ 4 истакна дека СДСМ се грижи младите да ги добијат истите шанси и можности што ги имаат нивните врсници од Европската Унија преку доближување на нашето образование до европското, со програми за размена на студенти, бесплатни екскурзии и укинување на таксите за испити.На крај тој им порача на младите да бидат толерантни едни кон други без разлика на различните определби или интереси, да бидат подготвени и за компромис, но никогаш да не го губат од вид општото добро.„Сакам да ви порачам да бидете толерантни еден кон друг без разлика на различните определби или интереси. Младите не смее да се делат заради политика. Младоста е вашата партија. Мора да развивате политичка култура и меѓусебно да се почитувате“ - порача Филипче.

Македонија | пред 1 година

Нема фотографија

Филипче во Валандово: Расположението се менува, СДСМ добива зголемена поддршка на терен

Вчеравечер како носител на Изборната единица 4, Венко Филипче го посети Општинскиот изборен штаб во Валандово. Оттаму порача дека по објава на носителите за претстојните парламентарни избори, СДСМ добива зголемена и силна поддршка на терен.„По една недела на терен и средби со граѓани, морам да истакнам дека се чувствува обединетоста и мобилизација на гласачите на СДСМ кои се спремни повторно да ни дадат поддршка. По објавата на носителите и листите, очигледна е промената во расположението и тоа треба да не мотивира. СДСМ понуди одлични кандидати наспорти ВМРО-ДПМНЕ која понуди слаба листа, инкриминирани носители кои немаат поддршка во овој регион, но и пошироко“, рече Филипче.Тој оцени дека СДСМ може да има подобар резултат од локалните избори пред две и пол години и ги мотивираше членовите да излезат на терен и чесно да ја претстават понудата на СДСМ пред граѓаните. Филипче рече дека е доблесно да признаат онаму каде што партијата погрешила и тоа е одлика на големите партии. Тој исто така потсети дека граѓаните се сведоци на сите реформи, антикризни мерки и сите достигнувања во меѓународните рамки, наспроти она на кое работеше опозицијата.„Со огромна сума на пари во форма на мерки, со многу одговорен однос кон граѓаните кои беа силно финансиски погодени, Владата успеа да изменаџира три кризи, притоа решавајќи многу сериозни проблеми за државата. Овој одоговорен пристап ни дава за право со крената глава да бараме повторно поддршка. Дел од работата на СДСМ, заради кризите и тешките стратешки одлуки на меѓународен план, за жал остана недоволно искомуницирана. Сега е време да излеземе на терен и од човек на човек да ја промовираме нашата програма и резултатите.“, потенцираше Филипче.Тој посочи дека СДСМ по седум години владеење направи и грешки кои чесно треба да се признаат. Тој верува дека граѓаните веруваат и знаат дека СДСМ имаше искрени намери и не се криеше во најтешките моменти кои ги помина државата, додека ВМРО-ДПМНЕ ја злоупотреби секоја криза и блокираше сè што е во интерес на граѓаните за свој политички интерес.„Лоша Влада се формира кога добри луѓе ќе останат дома и нема да гласаат или ќе гласаат само за да казнат некоја партија. Ние тоа мораме да го пресретнеме, да го искомуницираме и да им кажеме на незадоволните дека сме тука и да се корегираме таму кадешто треба, но дека нема друга опција освен СДСМ за државата да продолжи напред.“, рече ФилипчеЛажните патриоти од ВМРО-ДПМНЕ продолжуваат да ги манипулираат граѓаните, истакна тој. Цели седум години како опозиција не собраа храброст искрено да ги кажат своите намери за иднината, да поддржат барем една мерка во интерес на граѓаните, да направат барем еден државнички потег. ВМРО-ДПМНЕ е партија на опортунисти кои ги интересира само власта и ништо друго.„Ги слушам по телевизии кажуваат едно, на состаноци во партија кажуваат друго, а во амабасади трето. Едвај чекаат да го преживеат овој период до изборите лажејќи на сите страни само за да не ги откријат во виситинските намери. Наша обврска е да ги разоткриеме лажните патриоти. ВМРО-ДПМНЕ не носи никаква промена. Никој не верува дека подобро ќе владеат и затоа СДСМ има шанса да оствари добар резултат.“ - истакна Филипче.Филипче рече и дека со добрите локални политики во Валандово и Дојран, СДСМ покажа што значи вистинска грижа за луѓето, споменувајќи ги успесите во нивните локални мандати како изградба на браната на Хидросистемот Конско, рехабилитацијата на системот за отпадни води во Дојран, изградбата на канализацискиот систем за фекални води во Валандово и многу други.На крајот Филипче порача дека СДСМ секогаш има искрени и чесни намери и јасна визија да ја направи оваа држава подобро место за живеење, повикувајќи го членството да биде тимот кој е спремен да се бори до крај.„Ајде да бидеме таков тим. Да се зафатиме со работа, рамо до рамо, за нашата партија, за нашата заедница и за подобра иднина во која сите веруваме. Промената што ја ветивме пред седум години мора да ја завршиме“, заклучи Филипче.

Македонија | пред 1 година

Министерството за здравство им спрема пријави на Филипче и на Сали за модуларните амбуланти

Министерството за здравство ќе поднесе пријави за Венко Филипче, Беким Сали и фирмата изведувач ќерка на „Брако“, поради пропусти кои што се констатирани со внатрешната ревизија на Министерството, а кои се поврзани со трите модуларни амбуланти што се изградени и предадени и кои веќе се користат во Бутел, Ново Лисиче и Ѓорче Петров, дознава „Слободен печат“ од свои, доброупатени извори, високопозиционирани во министерството.Правната служба на Министерството веќе добила насоки и бара начин за модусот на кој ќе го изврши пријавувањето. Се мислат дали да поднесат кривична пријава против екс-министрите и изведувачот, или пак, само да достават известување до Обвинителството.Причината за пријавата е тоа што внатрешната ревизија констатирала пропусти во однос на тоа што бил склучен анекс на првиот оригинален договор, на начин на кој што тоа не би смеело да се прави. Ревизорот открива бројни пропусти и непочитување на Законот за јавни набавки па поради тоа екс-министерот за здравство Беким Сали решил да не ги плаќа амбулантите. Но, тие се во употреба и изведувачот си ги бара парите на суд. Изминативе три дена Сали и Меџити се препукуваат за тоа кој е крив што амбулантите мора да се платат и дали се платени. До сега Министерството нема исплатено ни денар за нив, ама насоки од вВадата да склучи спогодба со фирмата ќерка на „Брако“ добиле уште на 11 јули годинава.Целиот текст можете да го прочитате тука

Македонија | пред 2 години