ИЗРАЕЛ

Ројтерс: Хезболах со месеци се прегрупирал и се вооружувал – сигнал дека нов судир со Израел го сметал за неизбежен

Либанската вооружена група Хезболах со месеци ги обновувала залихите од ракети и беспилотни летала, потпирајќи се на иранска поддршка и на сопствено локално производство, во подготовка за можен нов воен судир со Израел, наведува извештај заснован на сведоштва од шест извори запознаени со внатрешните подготовки.Според истите наводи, по исцрпувачкиот и разорен конфликт во 2024 година, раководството на Хезболах заклучило дека нова рунда борби е тешко да се избегне и дека следниот судир би можел да отвори и прашања за опстанокот на самата организација. Претставник на медиумската канцеларија на групата, Јусуф ал-Зеин, во изјава наведува дека Хезболах не коментира воени операции, но порачал дека се решени „да се борат до последниот здив“.Еден од клучните елементи на подготовките, според извори запознаени со финансискиот и воениот дел, било обезбедувањето стабилен месечен буџет од околу 50 милиони долари, кој најмногу доаѓал од Иран и бил наменет за исплата на плати на борците. Дел од средствата, според наводите, бил користен и за покривање кирија и трошоци за раселените лица по војната во 2024 година. Се проценува дека околу 60.000 жители на Либан, претежно од шиитската заедница која важи за главна база на поддршка на Хезболах, и натаму останале без домови или не можеле да се вратат во уништените населби.Паралелно со финансирањето, групата работела на пополнување на арсеналот преку домашна изработка на дел од ракетите и дроновите, како и преку набавка и префрлање материјали од иранско потекло. Израелски воени претставници, според истите извори, тврделе дека Хезболах се обидувал да криумчари и да произведува оружје, но дека производните капацитети му се намалени поради ударите и притисокот по примирјето.Во текстот се наведува дека двомесечната војна во 2024 година завршила со примирје посредувано од САД, по што Хезболах ги запрел нападите врз Израел, додека Израел продолжил со удари за кои тврдел дека се насочени кон спречување на обнова на воените способности на групата. Израел, исто така, задржал војници на пет височински позиции во јужен Либан, а либанските власти во еден период почнале да запленуваат оружје на југот, додека израелската страна тврдеше дека повторното вооружување оди побрзо од разоружувањето.Ескалацијата во првите денови од новиот бран напади, според процените цитирани во извештајот, била индикатор за големината на залихите: на 2 март биле лансирани околу 60 ракети и дронови, слична бројка и следниот ден, а на 4 март – повеќе од двојно. Израелски тинк-тенк кој ја следи безбедноста на северната граница проценил дека арсеналот на Хезболах пред најновите напади изнесувал околу 25.000 ракети и проектили, најмногу со краток и среден дострел. Воедно, се споменува и видео-материјал што групата го објавила, на кој аналитичар идентификувал дрон од тип што може да се произведува и локално.Меѓу мерките на терен, според наводите, било и враќањето на борци од елитната единица „Радван“ во јужен Либан, од каде што биле повлечени по судирите во 2024 година. Израел претходно соопштувал дека таргетирал инфраструктура за обука и складирање, а дел од изворите тврдат дека токму тие удари создале дополнителни проблеми за регрутирање нови оперативци.

Свет | пред 3 седмици

(Видео) Израел објави детален приказ на бункерот на ајатолахот во Техеран

Израелските одбранбени сили (IDF) објавија илустративно видео од подземниот бункер на поранешниот ирански врховен лидер ајатолах Али Хаменеј. Претходно денеска, IDF соопшти дека погодиле тој комплекс, кој по нападот останал „демонтиран“.Комплексот се наоѓал во „срцето на Техеран“ и имал повеќе влезови, како и внатрешни простории каде што можеле да се собираат највисоките функционери на иранскиот режим, соопшти IDF. Во илустративното видео се прикажани влезовите распоредени на повеќе локации низ градот.Висок израелски функционер изјави за Фокс Њуз дека погодениот комплекс се наоѓал директно под местото каде што минатата сабота се наоѓале Хаменеј и други челници на режимот. Тој додаде дека Хаменеј години наназад го градел бункерот, вложувајќи милиони долари, но не го користел на денот на нападот.Според функционерот, одлуката на Хаменеј да не замине во бункерот делумно била резултат на израелско-американски план за дезинформација, кој вклучувал пораки, сигнали и јавни изјави на претседателот Доналд Трамп, што сугерирале дека нема да се случи ништо.

Свет | пред 3 седмици

Израел ги поддржува курдските милиции во офанзива кон западен Иран

Израел бомбардира делови од западен Иран со цел да им помогне на иранските курдски милиции, кои се надеваат дека ќе ја искористат американско-израелската војна против Техеран за да преземат градови во близина на границата. Според три извори запознаени со разговорите, курдските сили сакаат да започнат офанзива од територијата на Ирак.Идејата за напад од страна на иранските курдски сили стационирани во Ирак добила дополнителна тежина во петокот, кога американскиот претседател Доналд Трамп изјави дека би било „прекрасно“ ако тие ја преминат границата, пишува Ројтерс. Потенцијалното курдско востание би можело сериозно да го оптовари Иран додека се брани од тековната воздушна кампања. Според изворите, милициите се консултирале со Соединетите Американски Држави за можните начини на напад врз иранските безбедносни сили.Разговорите за оваа можност траат веќе околу една година. Израел во тој период водел одделни контакти со иранските курдски бунтовнички групи кои дејствуваат од полуавтономниот регион Ирачки Курдистан. Два курдски извори од Иран потврдија дека тие разговори се водат подолго време, додека израелски извор навел дека контактите се „долготрајни“.Според изворите, првичната цел на курдските фракции би била преземање дел од иранската територија покрај границата. Еден од курдските извори посочил дека меѓу целите се градовите Ошнавија и Пираншар. Се тврди дека илјадници борци се собираат на ирачката страна од границата и дека би можеле да започнат офанзива во рок од една недела, иако Ројтерс не можел независно да ги потврди тие информации. Независни проценки наведуваат дека милициите располагаат со меѓу 5.000 и 8.000 борци.Курдските извори велат дека тие во моментот имаат претежно лесно вооружување. Иако нивната огнена моќ можеби не е доволна за сериозен обид за воспоставување самоуправа, со поддршка од САД и Израел би можеле да создадат значителни проблеми долж границата.Пет долгогодишни ирански опозициски курдски групи на крајот на минатиот месец објавија дека формирале сојуз. Меѓу нив се Партијата за слободен живот на Курдистан, Демократската партија на ирански Курдистан и Партијата за слобода на Курдистан, кои и претходно учествувале во вооружени побуни и имаат борбени сили во Ирак.Според три извори, Курдите во Иран им доставуваат разузнавачки информации на САД и Израел за цели во пограничните области. Израелскиот аналитичар Џонатан Спејер изјавил дека Израел се обидува „да го уништи режимот со сите расположливи средства“.Сепак, експертот за Иран и поранешен израелски разузнавач Дени Цитринович смета дека евентуално востание нема широка поддршка меѓу Курдите во Ирак и Иран. Според него, многумина чекаат да видат дали иранскиот режим ќе опстане. Тој предупреди дека поддршката за востание може да биде контрапродуктивна за САД и Израел бидејќи би можела да го зајакне иранскиот национализам.Турски и ирачки претставници исто така изразиле резерви кон можноста за курдско востание во Иран, бидејќи ниту една од тие земји не поддржува сепаратизам меѓу Курдите, кои живеат во делови од Ирак, Турција, Сирија и Иран.Не е јасно дали бунтовниците ќе добијат поддршка од Курдите во Ирак. Политичкото раководство на Ирачки Курдистан јавно негираше дека има план да испраќа борци или да се вклучи во конфликт со Иран, и покрај извештаите за надворешен притисок.Во меѓувреме, Иран изведува напади врз курдски вооружени групи во Ирак, како и врз американски бази во регионот. Во петокот Техеран го предупреди Ирачки Курдистан дека ќе возврати доколку на границата се распоредат непријателски сили.Два курдски извори наведуваат дека фракциите имаат потесна соработка со САД отколку со Израел, но дека за евентуална прекугранична офанзива би им била потребна воздушна поддршка од двете страни. Еден од нив изјавил дека засега не добиле оружје, но дека ќе побараат системи за противвоздушна одбрана, беспилотни летала, лесно вооружување и артилериска поддршка.Иако курдските групи имаат долга историја на соработка со САД, последните настани предизвикале недоверба. Еден курдски извор од Иран изјавил дека лидерите се загрижени дека би можеле да бидат „предадени“, како што се случи со курдските сили во северна Сирија, кои по долгата соработка со Вашингтон беа принудени да се повлечат од дел од територијата.Според истиот извор, иранските курдски лидери побарале гаранции од САД. Двата извора наведуваат дека нивната цел е воспоставување полуавтономен регион во рамките на федерален Иран, по моделот на автономијата што постои во Ирак.

Свет | пред 3 седмици

Израел го повика Загреб целосно да ги прекине дипломатските односи со Иран

Амбасадорот на Израел во Хрватска, Гари Корен, го повика официјалниот Загреб да ги прекине дипломатските односи со Техеран. Тој истакна дека хрватските власти треба да спроведат безбедносни проверки на персоналот на иранското дипломатско претставништво, бидејќи меѓу нив може да има „шпиони“ од Револуционерната гарда, која во ЕУ се смета за терористичка организација.Во интервју за Хина, Корен и препорача на Хрватска и другите европски држави да ја проверат служба на иранските амбасади, наведувајќи дека во многу од нив има припадници на Револуционерната гарда со задача „собирање разузнавачки информации“ и поддршка на тероризам. Тој исто така посочи дека иранскиот режим има „ќелии на спијачи“ ширум Западот, што се покажало и во САД при обидот за убиство на припадничка на иранската опозиција.Корен предупреди дека во Загреб постојат и многу приврзаници на иранскиот режим на другата страна на границата, во Босна и Херцеговина, и ги повика хрватските власти целосно да ги прекинат дипломатските односи со Иран.Не само да го повлечете амбасадорот, туку и да ги затворите своите амбасади и да соопштите дека очекувате затворање на иранската амбасада во Загреб“, рече тој.Амбасадорот не сакаше да го коментира хрватскиот претседател Зоран Милановиќ, кој ја критикуваше израелската влада и ја забрани воената соработка меѓу хрватските и израелските вооружени сили, нагласувајќи дека амбасадорите не смеат да бидат дел од внатрешната политика, почитувајќи ги сите хрватски институции.

Свет | пред 3 седмици

(Видео) Израел започна напади врз клучната инфраструктура – експлозии и густ чад низ Техеран

Израел соопшти дека започнал широки напади врз клучната инфраструктура на режимот во Техеран.Дописници на CNN јавуваат за воздушни напади низ главниот град на Иран. Иранските медиуми јавија дека низ цел Техеран се слушале силни експлозии, а меѓу целите биле и главните трговски улици во престолнината.На видеа кои кружат на социјалните мрежи се гледаат експлозии, густ црн чад и луѓе кои бегаат од областа.Претходно, Израелски одбранбени сили (IDF) ја срамнија со земја претседателската палата во Техеран, каде што се наоѓал врховниот лидер на Иран, Ајатолах Али Хамнеи, заедно со своите соработници.Иранскиот портпарол на Централниот штаб на армијата, пoлковник Ибрахим Золфгари, изјави дека одговорот на американско-израелските напади ќе биде проширен и интензивиран, и дека иранската војска продолжува да пресретнува израелски и американски авиони и дронови низ целата земја.Кукавички воени сили и објекти на ционистичкиот режим се сокриени меѓу цивилните области, но откривањето и нападите на агресорите ќе продолжат, а во наредните денови трендот на нападите ќе стане поинтензивен и пошироко распространет“, рече Золфгари.Според него, иранската војска рано утрово следела и уништила еден борбен авион F-15E и четири напредни извидувачко-борбени дронови – Hermes 900 и MQ-9 – над западните, југозападните и јужните делови на земјата.Овие напади предизвикаа хаос во Техеран, со експлозии, густ чад и евакуација на цивили.

Свет | пред 3 седмици

Хезболах предупредува: Израелската агресија нема да остане без одговор

Либанското движење Хезболах ги повика жителите на Израел да ги евакуираат градовите во радиус од пет километри од границата меѓу двете земји и предупреди дека „агресијата на израелската војска нема да помине без одговор“.Предупредувањето дојде помалку од еден ден откако Израел ги повика жителите да ги напуштат јужните предградија на Бејрут, што предизвика заминување на голем број луѓе од дел од престолнината познат како Дахије, пренесе Ројтерс.Агресијата на вашата војска врз либанскиот суверенитет и врз безбедните граѓани, уништувањето на цивилната инфраструктура и кампањата на протерување што ја спроведувате нема да поминат без одговор“, се наведува во пораката на Хезболах.Израел соопшти дека нема да ги евакуира своите погранични градови и дека испратил дополнителни војници во Либан, наведувајќи дека станува збор за одбранбена мерка со цел заштита на граѓаните кои живеат во близина на границата.

Свет | пред 3 седмици

Првите евакуирани македонски државјани од Израел пристигнаа во Скопје

Првите македонски државјани евакуирани од Израел вечерва пристигнаа на Меѓународниот аеродром во Скопје, информираше заменик-министерот за надворешни работи и надворешна трговија Зоран Димитровски.Тој посочи дека граѓаните биле евакуирани по копнен пат преку Египет, а потоа со владин авион биле пренесени до Скопје.„Во вакви моменти најважно е нашите граѓани да знаат дека државата е тука за нив“, истакна Димитровски, додавајќи дека евакуацијата била успешно организирана благодарение на координацијата меѓу институциите и дипломатско-конзуларните претставништва.Според него, процесот се одвивал на релација Тел Авив – Шарм ел-Шеик – Скопје.Министерството за надворешни работи и надворешна трговија, како што наведе, останува во постојана комуникација со македонските државјани кои се наоѓаат во погодените подрачја и продолжува со активностите за нивно безбедно враќање.Се очекува во наредните денови да биде реализирана и евакуацијата на останатите граѓани кои изразиле подготвеност да се вратат во земјата.

Свет | пред 3 седмици

Би-Би-Си: Малку веројатно ирански проектил да ја погодил училиштето, штетата е преголема

Анализа на сателитски снимки и видеоматеријали покажува дека училиштето во градот Минаб, на југот на Иран, најверојатно било погодено со повеќе удари, а не од еден ирански проектил, објави Би-Би-Си.Проверени видеа и сателитски фотографии откриваат голема штета околу основното училиште „Шаџарех Тајебех“ и соседниот комплекс на Корпусот на исламската револуционерна гарда. Според иранските власти, во нападот што се случил во саботата загинале 168 лица.Иран за нападот ги обвини САД и Израел, но ниту една од двете држави не презеде одговорност. Израел соопшти дека нема сознанија за воени операции во тој дел, додека американскиот министер за одбрана Пит Хегсет изјави дека Вашингтон го истражува инцидентот и дека САД „никогаш не таргетираат цивилни објекти“.Снимките објавени на социјалните мрежи, чија автентичност ја потврдил Би-Би-Си, прикажуваат паника веднаш по нападот, додека луѓе ги пребаруваат урнатините во потрага по преживеани. На дел од видеата се гледаат чадни столбови што се издигнуваат од училишната зграда и од соседниот воен комплекс.Сателитските фотографии направени неколку дена по нападот покажуваат значителни разурнувања, со најмалку пет објекти со кратери и траги од пожар, што укажува на повеќекратни експлозии. Според експерти, ваквата штета тешко може да биде предизвикана од ирански противвоздушен проектил, кој носи релативно мала експлозивна боева глава.Иранските власти тврдат дека поголемиот дел од жртвите биле деца, но овие информации не можат независно да се потврдат. Според податоците на иранското Министерство за образование, училиштето го посетувале 264 ученици. Иранските медиуми објавија список со имиња на загинати, меѓу кои најмалку 48 деца на возраст од шест до единаесет години.Полуофицијалната новинска агенција Тасним објави дека во нападот загинале и 14 наставници, додека според податоци на Американската новинска агенција за човекови права од почетокот на конфликтот досега се евидентирани повеќе од илјада загинати ирански цивили, меѓу кои и 183 деца.

Свет | пред 3 седмици

(Видео) Ајатолахот Абдолах Џавади Амоли повика на пролевање крв на Трамп и Израелци

Иранската државна телевизија емитуваше порака од големиот ајатолах на Иран во која повикува на пролевање крв на Израелци и на американскиот претседател Доналд Трамп.Пораката дојде од ајатолахот и исламскиот ученик Абдолах Џавади Амоли и претставува една од ретките клерикални изјави од Иран во време кога земјата се соочува со воздушни напади од Израел и САД.Сега сме на работ на голем тест и мораме внимателно да го сочуваме ова единство, да го зачуваме овој сојуз“, рече тој во своето обраќање.Тој повика на пролевање на „ционистичка крв“, како и на крвта на Трамп и на „личности слични нему“.Потоа се повика на имамот Мехди и цитираше:„Борете се против ционистите и пролевајте ја нивната крв. Јас ќе одговарам за нивната крв. Борете се против угнетувачката Америка и пролевајте ја нејзината крв. Јас ќе одговарам за нивната крв.“Кој е Абдолах Џавади АмолиАбдолах Џавади Амоли е ирански шиитски религиски авторитет, философ и теолог, роден 1933 година во градот Амол, Иран. Се смета за еден од највисоките клирици во шиитскиот ислам (голем ајатолах) и долгогодишен професор по исламска филозофија, теологија и егзегеза на Куранот во верското центар во Кум.Автор е на бројни книги за исламската филозофија, толкување на Куранот и односот меѓу религијата и науката. Во политички контекст поврзан со иранскиот револуционерен систем: бил член на Иранската Скупштина на експерти, тело кое го избира врховниот водач, и години наназад делувал како влијателен идеолог на Исламската Република.Големиот ајатолах е највисок ранг во шиитската хиерархија, означувајќи врвен верски авторитет и правен ученик (marja-e taqlid – извор на следење) на чиј авторитет верниците можат да се повикуваат при религиозни одлуки.

Свет | пред 3 седмици

Зеленски донесе одлука: Украина испраќа експерти за ирански дронови на Блискиот исток

Володимир Зеленски објави дека неговата земја ќе испрати дел од своите воени експерти на Блискиот исток за да помогнат во борбата против иранските дронови и проектили. Зеленски на платформата X соопшти дека ги задолжил клучните министри и шефовите на безбедносните служби да изработат план за помош кој нема да ги загрози одбранбените способности на Украина, јавува The Hill.Според зборовите на Зеленски, Иран во само неколку дена лансирал повеќе од 800 проектили и над 1.400 јуришни дронови.Токму иранските дронови и проектили претставуваат главна закана за слободната пловидба, дестабилизирајќи ги глобалните цени на нафтата, нафтените деривати и гасот“, напиша тој.Зеленски посочи дека се советува со партнери во Европа и САД, како и дека веќе разговарал со лидерите на Обединети Арапски Емирати, Катар, Јордан и Бахреин. Во план се и разговори со Кувајт и други земји во регионот.Сите тие се соочуваат со сериозна закана и отворено зборуваат: иранските јуришни дронови се исти 'Шахеди' кои напаѓаа по нашите градови, села и украинската инфраструктура за време на оваа војна“, додаде Зеленски.Иранските дронови Шахед-136 се оружје кое го користат руските сили во војната против Украина.

Свет | пред 3 седмици

Денес ќе се евакуираат македонските државјани од Израел, во следните денови започнува евакуацијата од ОАЕ, Катар, Бахреин и Кувајт преку Саудиска Арабија

Министерството за надворешни работи и надворешна трговија информира дека, заклучно со денес, во рамки на процесот на евакуација, во Амбасадата на Република Северна Македонија во Абу Даби се евидентирани 505 македонски државјани, од кои 458 престојуваат во Обединетите Арапски Емирати. Дополнително, 31 лице се пријавени од Кувајт, а 14 лица од Бахреин. Во Доха, заклучно со денес, се евидентирани 141 македонски државјанин.„Лицата кои изразија подготвеност за евакуација од Израел се очекува во попладневните часови со владиниот авион да полетаат кон Скопје. Со тоа целосно ќе се заокружи процесот на враќање на сите граѓани кои побараа извлекување од Израел.Во следните денови се очекува да започне реализацијата на враќањето на македонските државјани од Обединетите Арапски Емирати, како и на граѓаните кои се наоѓаат во Катар, Бахреин и Кувајт, за кои е предвидено враќање со организирани летови преку Кралството Саудиска Арабија. Процесот на евакуација се реализира согласно веќе разработен план, во согласност со безбедносните услови и во координација со надлежните институции. Министерството за надворешни работи и надворешна трговија уште еднаш ги повикува сите македонски државјани кои сè уште не стапиле во контакт со надлежните дипломатско-конзуларни претставништва, а имаат потреба од асистенција, да го сторат тоа во најкраток можен рок преку дежурните телефонски броеви во дипломатско-конзуларните претставништва или преку СОС-бројот на МНРиНТ. Министерството останува во постојана комуникација и целосно на располагање на граѓаните, со приоритетна цел – нивно безбедно и навремено враќање“, се вели во соопштението од МНР.

Македонија | пред 3 седмици

Иран: Ќе ги гаѓаме бродовите на САД, Израел и Европа ако поминат низ Ормутскиот теснец

Иранска револуционерна гарда соопшти дека Ормутскиот теснец, една од најважните светски поморски рути, е затворен само за бродови од САД, Израел, Европа и други западни сојузници.Претходно рековме дека, во согласност со меѓународното право и резолуциите, Исламската Република Иран во време на војна ќе има право да го контролира преминот низ Ормутскиот теснец“, соопшти IRGC, пренесува државната телевизија IRIB.Тие додадоа дека бродовите кои припаѓаат на САД, Израел, Европа и нивните сојузници, ако бидат забележани, сигурно ќе бидат погодени.Ормутскиот теснец практично е затворен откако САД и Израел започнаа заедничка операција против Иран, што доведе до нагло зголемување на цените на нафтата и предизвика загриженост за можните последици врз глобалната економија.

Свет | пред 3 седмици

Дали Израел се подготвува за инвазија? Повторено предупредување за евакуација на цивилите

Израелски одбранбени сили (IDF) повторно упатија предупредување до цивилите во јужен Либан да се евакуираат од своите домови, во услови на борбите меѓу Израел и либанската милитантна група Хезболах.Морате веднаш да продолжите да се движите северно од реката Литани“, се наведува во пораката на портпаролот на израелската армија, полковникот Авичај Адраи, упатена до либанските цивили, пренесе The Times of Israel.Адраи посочи дека предупредувањето се однесува и на жителите на градовите Тир и Бинт Џбејл.Секој што се наоѓа во близина на оперативците на Хезболах, нивните објекти или оружје го доведува својот живот во опасност. Секоја куќа што Хезболах ја користи за воени цели може да стане цел на напад“, предупреди Адраи.Израелската армија проценува дека досега повеќе од 300.000 либански цивили се евакуирани од селата во јужен Либан. За време на борбите меѓу Израел и Хезболах во 2024 година, речиси 1,2 милиони жители на Либан биле раселени од своите домови.

Свет | пред 3 седмици

Иран до соседните земји: Го почитуваме вашиот суверенитет, нападите од САД и Израел нè принудија на одбрана

Иранскиот претседател Масуд Пезешкијан испрати порака до лидерите на соседните држави во која нагласи дека Техеран го почитува нивниот суверенитет.Во објава на социјалната мрежа Икс, Пезешкијан истакна дека Иран се обидувал да избегне војна, но дека нападите од САД и Израел ја оставиле земјата „без избор освен да се брани“.Во меѓувреме, неколку соседни држави пресретнуваат ракети и дронови во текот на конфликтот, иако дел од нив успеале да ја пробијат противвоздушната одбрана и да погодат цели.Обединетите Арапски Емирати соопштија дека од почетокот на конфликтот биле цел на повеќе од 1.000 ирански напади. Еден дрон вчера предизвикал помал пожар во близина на американската амбасада во Дубаи, при што загинале три лица.Напади со дронови биле регистрирани и врз американската амбасада во Ријад во Саудиска Арабија, како и врз едно пристаниште во Оман.

Свет | пред 3 седмици

Најмалку 87 морнари загинаа по потопувањето на иранска фрегата кај Шри Ланка

Најмалку 87 морнари загинаа откако иранскиот воен брод „IRIS Dena“ беше погоден со торпедо од американска подморница во близина на Шри Ланка, јавуваат медиумите.Министерот за надворешни работи на Шри Ланка, Виџита Херат, изјави дека досега се извлечени телата на 87 морнари, додека потрагата продолжува во водите јужно од градот Гале.Во нападот се ранети уште 32 морнари, кои се хоспитализирани во болницата „Карапитија“ во Гале. На бродот имало вкупно околу 180 членови на екипажот.Портпаролот на шриланканската морнарица, Будика Сампат, изјави дека веднаш била започната спасувачка операција откако бродот испратил сигнал за помош.„Пронајдовме луѓе како пловат во морето и ги спасивме. Подоцна утврдивме дека станува збор за членови на екипажот од иранскиот брод“, изјави Сампат.„IRIS Dena“ е фрегата од класата „Moudge“ која припаѓа на јужната флота на иранската морнарица. Според шриланканските власти, на местото на инцидентот биле видливи само траги од истечена нафта, а нападот се случил надвор од територијалните води на Шри Ланка.Бродот претходно учествувал на мултинационалната поморска вежба „Milan 2026“ во Бенгалскиот Залив и бил на пат кон Иран кога бил нападнат.Инцидентот се случува во време на ескалација на конфликтот меѓу САД, Израел и Иран, по серијата воздушни напади врз ирански цели во кои, според ирански извори, загинале повеќе од илјада лица, меѓу кои и врховниот лидер Али Хамнеи. Иран возврати со ракетни и дронски напади врз американски цели во регионот на Заливот.

Свет | пред 3 седмици

Иран се закани: Израелските амбасади ќе бидат легитимни цели

Иранските вооружени сили се заканија дека ќе ги сметаат израелските дипломатски мисии ширум светот за легитимни цели доколку Израел изврши напад врз иранската мисија во Либан.Портпаролот на иранските вооружени сили, Аболфазл Шекарчи, во телевизиско обраќање изјави дека Техеран ќе одговори со напади врз израелските амбасади.„Доколку Израел го изврши тој злостор, ќе бидеме принудени сите израелски амбасади ширум светот да ги сметаме за легитимни цели“, изјави Шекарчи.Претходно, портпаролот на израелската армија за арапското говорно подрачје, Авихај Адраеи, предупреди дека Израел им дал рок од 24 часа на претставниците на, како што рече, „иранскиот терористички режим“ да го напуштат Либан.„Ги предупредуваме претставниците на иранскиот режим кои сè уште се во Либан веднаш да заминат пред да станат цел“, изјави Адраеи.

Свет | пред 3 седмици

Американскиот министер за одбрана го пофали Израел: „Борбата штотуку започна“

Американскиот министер за одбрана Пит Хегсет изјави дека воената операција против Иран е само на почеток и дека САД имаат намера да ја продолжат борбата.Во своето обраќање тој го пофали Израел, нарекувајќи го „постојан партнер“ и „способен сојузник“.„На нашиот постојан партнер Израел: вашата мисија се спроведува со неспоредлива вештина и челична решителност. Да се бориме рамо до рамо со толку способен сојузник е вистински мултипликатор на сила“, изјави Хегсет.Тој додаде дека операцијата „Epic Fury“ продолжува и дека САД имаат намера да победат.„Само што ја започнавме борбата. Америка се бори за да победи и во операцијата ‘Epic Fury’ токму тоа и го правиме“, порача американскиот министер за одбрана.

Свет | пред 3 седмици

Нетанјаху ја открил локацијата на Хамнеи, па го известил Трамп - Како почна војната

Американскиот претседател Доналд Трамп издал конечна наредба за воздушен напад врз Техеран откако израелскиот премиер Бенјамин Нетанјаху го известил дека убиениот ирански врховен водач, ајатолахот Али Хамнеи, ќе се наоѓа на одредена локација, пишува Аксиос.Според тие наводи, Нетанјаху на 23 февруари, за време на телефонски разговор, го информирал Трамп дека израелските разузнавачки служби располагаат со податок дека Хамнеи и неговиот најтесен круг ќе одржат состанок во Техеран во сабота наутро, што било оценето како единствена можност за напад.Американската Централна разузнавачка агенција (ЦИА), по налог на Трамп, ги проверила информациите што ги прибрала израелската воена разузнавачка служба и ја потврдила нивната веродостојност.Иако Трамп, според изворите, и претходно бил наклонет кон напад врз Иран, дилемата се однесувала на времето на неговото извршување. По дополнителните разузнавачки потврди и проценката дека дипломатските напори не даваат резултати, претседателот на Соединетите Американски Држави во петок попладне, по источноамериканско време, дал конечно одобрување за операцијата.Аксиос наведува дека САД и Израел со месеци интензивно ги координирале активностите, вклучително и повеќе средби и телефонски разговори меѓу двајцата лидери, како и заедничко воено планирање, додека паралелно се воделе дипломатски контакти со Техеран.Израелскиот амбасадор во Вашингтон, Јехиел Лајтер, ги отфрлил тврдењата дека Нетанјаху вршел притисок за забрзување на нападот, нагласувајќи дека САД и Израел тесно соработувале во однос на Иран и дека американскиот претседател носи самостојни одлуки.Трамп ги негирал наводите дека Израел го „вовлекол“ во војна, наведувајќи дека проценил оти Иран би можел прв да нападне и дека одлуката била донесена во интерес на безбедноста на САД.

Свет | пред 3 седмици

Србија евакуираше граѓани од Израел, меѓу нив и Македонци

Евакуациски авион на „Ер Србија“ со 67 патници ноќеска слета во Белград, откако претходно полетал од египетскиот туристички центар Шарм ел Шеик, каде биле пренесени луѓе евакуирани од Израел поради безбедносната состојба во регионот.Во авионот, покрај државјани на Србија, имало и граѓани на Македонија, Црна Гора, Босна и Херцеговина, Хрватска и Словенија, кои биле извлечени од подрачјата погодени од воените операции.Државниот секретар во српското Министерство за надворешни работи Дамјан Јовиќ изјави дека државата има обврска да се грижи за своите граѓани во сите околности, поради што бил организиран евакуацискиот лет за луѓето кои се нашле во воената зона.Тој нагласи дека, иако станува збор за хуманитарна операција, со оваа акција Србија испраќа порака за солидарност и соработка со соседните држави, бидејќи во евакуацијата биле вклучени и нивни граѓани.Евакуацијата била организирана така што луѓето прво биле извлечени од Израел и пренесени до Египет, а потоа со авион биле транспортирани во Белград.Министерството за надворешни работи на Србија најави дека ќе продолжи да ја следи ситуацијата на Блискиот Исток и, доколку е потребно, ќе организира нови евакуации на граѓани од регионот.

Свет | пред 3 седмици

Американските сили погодија речиси 2.000 цели во Иран

Американските сили погодија речиси 2.000 цели во Иран откако САД и Израел почнаа офанзива од големи размери против земјата во саботата, соопшти Централната команда на САД (ЦЕНТКОМ), која ги надгледува американските сили во регионот.Нашата војска на Блискиот Исток презема операција без преседан за да ја елиминира способноста на Иран да ги загрозува Американците, изјави адмиралот на ЦЕНТКОМ, Бред Купер, во оперативниот извештај објавен на X.–Веќе погодивме речиси 2.000 цели со повеќе од 2.000 парчиња муниција. Сериозно ја деградиравме иранската воздушна одбрана и уништивме стотици ирански балистички ракети, лансери и беспилотни летала – рече Купер.За помалку од 100 часа, војската уништи и 17 ирански воени бродови, додаде тој. Меѓу нападнатите цели била и „најоперативната“ подморница на Иран. Целта е да се потопи целата иранска морнарица, повтори тој.Денес нема ниту еден ирански брод што плови во Арапскиот Залив [познат и како Персиски Залив или Заливот], Ормускиот Теснец или Оманскиот Залив, рече Купер, додавајќи дека Иран со децении го вознемирува меѓународниот поморски сообраќај.

Свет | пред 3 седмици

Израелски министер: Секој нов ирански лидер ќе биде цел за елиминација

Израелскиот министер за одбрана Израел Катц предупреди дека секој нов лидер кој ќе биде именуван од иранските клирици ќе биде јасна цел за елиминација.Секој лидер кој ќе го именува иранскиот терористички режим ќе биде недвосмислена цел за елиминација – премиерот и јас наредивме на Израелските одбранбени сили да се подготват и да дејствуваат со сите потребни средства за да ја извршат таа задача, како составен дел од целите на операцијата ‘Лавовски Рик’“, рече израелскиот министер за одбрана Израел Катц.Не е важно како се вика ниту каде се крие. Ќе продолжиме да дејствуваме со целосна сила, заедно со нашите американски партнери, за да ги уништиме капацитетите на режимот и да создадеме услови иранскиот народ да го симне и замени“, додаде Израел Катц.И Израел и САД тврдат дека нивните напади би можеле да создадат услови иранскиот народ да воспостави демократска власт и да го обнови мирот во регионот.Истовремено, американскиот претседател Доналд Трамп спомнал можност за сценарио слично на Венецуела – каде американските сили го заробиле претседателот, но голем дел од државната администрација останала на власт.

Свет | пред 3 седмици

(Видео) Разурнат хотел во израелските напади врз Бејрут

Израелските напади врз либанската престолнина Бејрут продолжуваат, а според најновите снимки, сериозно е оштетен хотел во населбата Хазмие, источно од центарот на градот.Паралелно со тоа, густ црн чад се издигаше над јужните предградија на Бејрут, јавува Ројтерс. Нападите следуваа откако израелската армија издаде итно предупредување до жителите да се евакуираат од јужното предградие Дахие, особено од квартот Харет Хреик.Се наоѓате во непосредна близина на објекти на Хезболах против кои ќе дејствуваат Израелските одбранбени сили“, порача портпаролот на Израелските одбранбени сили, Авихај Адраи, во објава на социјалната мрежа Икс.Во претходна објава, израелската армија соопшти дека воздушните сили продолжуваат со напади врз „воздушните капацитети на иранскиот режим“.Воздушните сили продолжуваат со нападите врз воздушните капацитети на иранскиот режим, при што гаѓаа ирански војници кои активирале системи за противвоздушна одбрана против нивните авиони, како и борбен авион МиГ-17 кој ѝ припаѓа на иранската војска“, напиша тој претходно.

Свет | пред 3 седмици

Ескалација: Израелско воздухопловство удрило врз „тајна“ нуклеарна цел

Израелската армија соопшти дека нејзиното воено воздухопловство погодило тајна иранска нуклеарна локација на периферијата на Техеран.На прес-конференција, портпаролот на Израелски одбранбени сили, бригадниот генерал Ефи Дефрин, изјави дека во делумно подземниот објект група нуклеарни научници „тајно работела на развој на способности потребни за нуклеарно оружје“.Според наводите на израелската војска, по 12-дневната војна меѓу Израел и Иран во јуни 2025 година, во која биле цел на напади ирански нуклеарни постројки, Техеран не ги запрел воените нуклеарни активности. Напротив, како што тврди ИДФ, инфраструктурата била преместена на подземна локација заштитена од воздушни напади.Израелската страна наведува дека ги следела активностите на иранските нуклеарни научници и ја лоцирала новата локација на дејствување, што, според нив, овозможило „прецизен напад“ врз тајниот комплекс.Од иранска страна засега нема официјална потврда за нападот, ниту детали за евентуални последици.

Свет | пред 3 седмици

Израел тврди дека е убиен највисокиот ирански командант за Либан

Израелската армија соопшти дека во напад врз Техеран е убиен командантот на иранските Кудс сили задолжен за Либан, Дауд Али Задех.Според израелската војска, Али Задех бил највисокиот ирански заповедник одговорен за активностите во Либан, откако ја презел функцијата од Мохамад Реза Захеди, кој беше убиен во израелски напад во Дамаск во април 2024 година.Кудс силите се елитна единица во рамки на Корпус на исламската револуционерна гарда, задолжена за операции надвор од територијата на Иран. Оваа формација има клучна улога во поддршката на сојузничките групи на Техеран во регионот, вклучително и во Либан и Сирија.Од иранска страна засега нема официјална потврда за информацијата, додека тензиите меѓу Израел и Иран дополнително се продлабочуваат по серијата меѓусебни напади.

Свет | пред 3 седмици

Планови за враќање од Израел преку Египет на македонски државјани, можен ангажман и на владиниот авион

Министерството за надворешни работи и надворешна трговија соопшти дека интензивно работи на обезбедување услови за соодветна и безбедна евакуација на македонските државјани од погодените подрачја на Блискиот Исток, вклучително и од Обединетите Арапски Емирати.Според информациите од Министерството, во моментов се разработуваат планови за враќање на македонските државјани од Израел преку Египет, со користење комерцијални летови, а по потреба и со ангажман на владиниот авион. За Обединетите Арапски Емирати и Катар се разгледува можноста за организирање комерцијален или чартер-лет, во зависност од безбедносните и логистичките услови на терен.Во изминатиот период, преку дипломатско-конзуларните претставништва било асистирано при безбедното извлекување на едно лице од Иран, фудбалер кој преку Турција се вратил во Република Македонија. Дополнително, шест македонски државјани кои се наоѓале во Израел веќе обезбедиле авионски билети од Египет кон Скопје, при што Министерството активно помогнало во координацијата и организацијата на нивното заминување.Од Министерството нагласуваат дека безбедноста на македонските државјани останува највисок приоритет и дека во директна комуникација со пријателски земји и партнери, како и преку дипломатско-конзуларните претставништва, се преземаат сите неопходни активности за нивно безбедно и навремено враќање во државата.

Македонија | пред 3 седмици