МВР

Кобна ноќ кај Деве Баир: Камион излета во провалија, возачот загина на лице место

Тешка сообраќајна несреќа со смртен исход се случила рано утринава на магистралниот пат од Граничниот премин Деве Баир кон Крива Паланка, во атарот на селото Узeм.Како што информираат од полицијата, на 21 јануари 2026 година околу 04:50 часот, товарно возило марка „Сканиа“ со косовски регистарски ознаки, управувано од 56-годишниот Н.Х. од Косово, излетало од коловозот и паднало во длабока провалија.Возачот се здобил со тешки телесни повреди и починал на самото место. Смртта ја констатирал лекар од Итната медицинска помош.На местото на несреќата бил извршен увид, а по наредба на јавен обвинител телото на починатиот е предадено на обдукција. Причините за несреќата се утврдуваат.

Македонија | пред 2 месеци

Маж од Виница од лажен профил испраќал експлицитни фотографии на малолетничка

СВР Велес поднесе кривична пријава против П.А. од Виница поради основано сомнение за сторено кривично дело „производство и дистрибуција на детска порнографија“.Според информациите од полицијата, на 20 ноември 2025 година пријавениот, користејќи лажен профил на социјална мрежа, испраќал пораки со недозволена содржина, вклучително и експлицитни фотографии и видеоснимки, на профил на малолетничка.По преземените мерки и активности, со П.А. бил извршен службен разговор во полициска станица, при што тој го признал кривичното дело. Случајот е документиран и доставен до надлежното јавно обвинителство за понатамошна постапка.Од МВР нагласуваат дека ваквите дела претставуваат сериозно кршење на законот и директна закана за безбедноста и интегритетот на малолетните лица, поради што институциите ќе продолжат со решително постапување против вакви појави.

Македонија | пред 2 месеци

Граѓанин лажно пријавил „малтретирање“ од полицајци, камерите ја разоткрија измамата

Одделот за внатрешна контрола при Министерството за внатрешни работи поднесе кривична пријава до Основното јавно обвинителство во Велес против граѓанинот П.М., поради основано сомнение за сторено кривично дело „лажно пријавување на кривично дело“.Според информациите од МВР, на 23 септември 2025 година П.М. во СВР Велес, во својство на оштетен, пријавил двајца полициски службеници од Полициската станица за безбедност на патниот сообраќај Велес, обвинувајќи ги за „малтретирање во вршење на службата“ за време на сообраќајна контрола.Меѓутоа, постапувањето на полициските службеници било целосно документирано со мобилниот систем за снимање со камери, при што било утврдено дека настанот не се одвивал на начинот прикажан во пријавата. Снимките недвосмислено покажале дека полицајците не извршиле никакво кривично дело.Од МВР наведуваат дека П.М. и покрај тоа што бил јасно предупреден за последиците од лажно пријавување, свесно и злонамерно поднел пријава, иако како директен учесник знаел дека полицајците не сториле ништо незаконско. Со ваквата постапка, тој предизвикал неоснована интервенција на органите на прогонот и сериозно ги загрозил честа, угледот, како и личните слободи и права на пријавените полициски службеници.Кривичната пријава е поднесена по член 366 од Кривичниот законик, а понатамошната постапка е во надлежност на обвинителството.

Македонија | пред 2 месеци

Трагедија на патот кај Русјаци: Автомобил се преврте, жена загина на лице место, дете и уште две лица повредени

Тешка сообраќајна несреќа се случила вчера попладне на локалниот пат кај селото Русјаци, во општина Македонски Брод, при што животот го загуби 41-годишна жена од Кичево.Според информациите, патничко возило „цитроен“ со кичевски регистарски таблички, управувано од нејзиниот сопруг, излетало од коловозот и се превртело. Жената, идентификувана како К.С.С., починала на самото место како последица на тешките повреди, а смртта ја констатирал лекар од Итната медицинска помош.По наредба на јавен обвинител, телото на починатата е предадено на обдукција.Во несреќата телесни повреди здобиле уште три лица – С.С. (69), М.С. (62) и шестгодишно дете. Тие биле итно пренесени во Општата болница во Прилеп, каде им била укажана соодветна медицинска помош.

Македонија | пред 2 месеци

Нова судска драма: Уапсен вработен во Основниот суд Гостивар под сомнение дека примил мито

Вработен во Основниот суд во Гостивар е лишен од слобода поради сомнение дека сторил кривично дело „примање поткуп“, информираа од Министерство за внатрешни работи.Според информациите, на 20 јануари 2026 година во 20:10 часот, полициски службеници од Полициското одделение Ростуше го уапсиле А.Ј. (49) од селото Присојница, Општина Маврово и Ростуше. Приведувањето следувало по пријава од Н.А. од селото Калиште, Општина Врапчиште, кој навел дека осомничениот, како вработен во Основниот суд во Гостивар, преку заеднички пријател му понудил за паричен надомест од 100 евра да избрише судска казна од 200 евра и изречена забрана за управување со моторно возило во траење од шест месеци.Како што е пријавено, А.Ј. тврдел дека предметната документација пристигнала кај него на извршување и дека може да „заврши работа“. По договор, Н.А. стапил во контакт со осомничениот и средбата била закажана во угостителски објект во Гостивар. По нивната средба, пријавителот го информирал А.Ј. дека е новинар и дека разговорот се снима, по што осомничениот се обидел да се оправда дека се работи за шега и се обидел да побегне.Осомничениот е задржан во полициска станица, а по целосно расчистување и документирање на случајот, против него ќе биде поднесена соодветна кривична пријава до надлежното обвинителство.

Македонија | пред 2 месеци

Тошковски: 380 милиони евра откриена корупциска штета, криминалот на најниско ниво во 20 години

Министерот за внатрешни работи Панче Тошковски во телевизиско гостување истакна дека перцепцијата на граѓаните за работата на Министерството за внатрешни работи, особено во делот на борбата против корупцијата, бележи двоцифрен пораст, што, како што нагласи, е директен резултат на засилените активности и резултатите што МВР ги остварува во изминатите година и пол до две.Презентирајќи компаративни податоци за кривични дела од областа на корупцијата и економскиот криминал за периодот 2023–2025 година, министерот посочи дека во 2023 година биле откриени 126 кривични дела, во 2024 година 206, а во 2025 година 290 кривични дела, што претставува пораст од околу 130 проценти. Овие бројки, како што истакна, целосно кореспондираат со перцепцијата на граѓаните дека МВР води сериозна и неселективна борба против корупцијата.Во однос на бројот на сторители, во 2023 година биле евидентирани 185 лица, во 2024 година 363, додека во 2025 година биле откриени 678 сторители поврзани со коруптивни кривични дела. Станува збор за кривични дела сторени во претходни години, но откриени во 2025 година, за кои се поднесени соодветни кривични пријави.Министерот нагласи дека највпечатливи се бројките поврзани со штетата нанесена на државниот буџет. Во 2023 година поднесените кривичните пријави се однесувале на вкупна штета од 5,7 милиони евра, во 2024 година на 24 милиони евра, додека во 2025 се поднесени кривични пријави дури за 380 милиони евра, што претставува зголемување од околу 66 пати во однос на 2023 година.Тошковски истакна дека ваквите резултати се производ на институционален пристап и координирана работа не само на МВР, туку и на другите надлежни институции во откривањето на корупцијата и економскиот криминал, меѓу кои и Агенцијата за национална безбедност и Финансиската полиција.Говорејќи за севкупната безбедносна состојба, министерот посочи дека 2025 година претставува историски најдобра година во последните 20 години по бројот на сторени кривични дела, со вкупно 17.972 регистрирани кривични дела. Дополнително, расветленоста на кривичните дела изнесува 67,2 проценти, што исто така претставува највисок процент во последните две децении.Министерот Тошковски упати јавна благодарност до полициските службеници за нивната професионалност и посветеност, нагласувајќи дека борбата против корупцијата и сите форми на криминал ќе продолжи со исто темпо, а фокусот на јавноста во наредниот период оправдано ќе биде насочен и кон постапувањето на обвинителството и судството, како клучни алки во системот на владеење на правото.

Македонија | пред 2 месеци

Строга контрола над никотинот: Нов предлог-закон за цигарите, загреаниот тутун и електронските цигари

Новиот предлог-закон за заштита од пушењето предвидува регулирање на сите никотински производи, вклучувајќи цигари, електронски цигари (со и без никотин), загреани тутунски производи, бездимни никотински производи, како и производи што го имитираат пушењето. Целта е да се регулира употребата и на новите никотински производи, имајќи предвид дека тие создаваат чад или аеросол со штетни материи, а според последните истражувања овие производи често полесно создаваат зависност.Исто така, предвидена е забрана за производство, увоз и продажба на никотински производи со: овошни, слатки, ментол, билни и други вкусови, за кои се смета дека ја олеснуваат првата употреба и ја забрзуваат зависноста. Ова претставува една од најсилните превентивни мерки и во европските земји.-Примарна цел на овој сегмент од законот е заштита на здравјето на младото население, за кое најновите истражувања покажуваат дека меѓу учениците на возраст од 13 до 15 години вкупно 9,0% моментално користат електронски цигари, додека 4,9% од учениците моментално користат тутунски производи кои се загреваат, а 10,6% пријавиле дека некогаш ги користеле, појаснува министерот за здравство, Азир Алиу.​Воедно, предлог-законот за заштита од пушење е усогласен со глобалните јавно-здравствени политики и со насоките на Светската здравствена организација преку рамковната конвенција за контрола на тутунот. Тој воспоставува сеопфатен систем што ги следи клучните принципи на конвенцијата: заштита од изложеност на чад, ограничување на маркетинг, промоција, спречување индустриско влијание преку спонзорства, контрола на достапноста и мерки за превенција и поддршка за откажување.

Македонија | пред 2 месеци

МВР алармира: Лажни пораки од „Безбеден град“ мамат граѓани да плаќаат непостоечки казни

Министерството за внатрешни работи ја информира јавноста дека изминатиов период е забележана појава на фишинг напади кои се изведуваат преку лажни СМС пораки, електронски пораки, веб-страници и пораки на социјалните мрежи.„Лажните пораки наводно пристигнуваат од Оддел за моторни возила како известување од системот „Безбеден град“ и во истите е наведен лажен линк преку кој се пренасочуваат граѓаните да извршат уплата за наводен сообраќаен прекршок.Апелираме до граѓаните да бидат внимателни при користењето на интернет, да не се отвораат сомнителни линкови и пораки, никогаш да не споделуваат лични податоци, како што се броеви на банкарски картички, лозинки или лични идентификатори преку неовластени канали, да ја проверат адресата на испраќачот - официјалните институции и компании користат службени домени, да користат двофакторска автентикација (2FA) за дополнителна заштита на нивните сметки и да пријават сомнителни пораки кај надлежните институции или во надлежната банка.СМС известувањата за направен прекршок треба да бидат од испраќач "MVR-SC". Во текстот задолжително треба да содржи регистарска ознака од возилото кое направило прекршок, и линк од следниот формат "https://safecountry.mvr.gov.mk..."Секторот за компјутерски криминал при Министерството за внатрешни работи продолжува со активни истраги и преземање мерки за откривање и санкционирање на сторителите на ваков вид измами“, информираат од МВР.

Македонија | пред 2 месеци

Запалено возило на автошкола среде ноќ на Бит Пазар

Во раните утрински часови на 20 јануари 2026 година, околу 01:30 часот, во СВР Скопје било пријавено опожарување на товарно возило на паркинг простор на подрачјето на Бит Пазар. Пријавата ја поднел Х.И. (41) од Скопје, сопственик на автошкола, кој информирал дека е запалено товарно возило „мерцедес“ со скопски регистарски ознаки, сопственост на автошколата.Во инцидентот нема повредени лица. На местото на настанот извршен е увид од увидна екипа на СВР Скопје, а се преземаат мерки за утврдување на причините за пожарот и за целосно расчистување на случајот.

Скопје | пред 2 месеци

Полицискиот синдикат алармира: Новите возила завршуваат кај командири и началници, не на терен

Претседателот на Независен синдикат на полицијата (НСП), Мартин Ефремов, на социјалните мрежи ја објави писмената реакција која ја доставил до Министерство за внатрешни работи, во која реагира на распределбата на новите службени возила во МВР.Според синдикатот, и оваа набавка, како и претходните, во голем дел завршила кај командирите и началниците, наместо кај полициските службеници кои секојдневно работат на терен.„Денес до Министерот за внатрешни работи вложивме писмена реакција околу распределбата на новите службени возила кои за жал повторно во голем дел завршија помеѓу командирите и началниците, наместо на терен каде што е најмногу потребно.Доколку не се прекине ваквиот начин на распределба, кој со години е пракса во МВР и да се набават уште 500 нови возила повторно истите нема да стигнат до полициските службеници, а со тоа ефектот од набавката нема да го почуствуваат ниту полицајците ниту граѓаните!Дополнително бараме да се разгледа и самата распределба низ бројки во кои некои полициски станици добија по 5 возила, додека пак други како на пример ПС Кочани кои претставува еден од центрите на обем и сложеност во истокот само 1 возило.“, наведува Ефремов во реакцијата.

Македонија | пред 2 месеци

Пукање сред бел ден во Арачиново: куршуми од „пасат“ завршија во ветробран на „голф“

Инцидент со огнено оружје бил пријавен вчера попладне во Арачиново. Како што информираат од полицијата, на 19.01.2026 година околу 20:00 часот во СВР Скопје, О.Ј.(33) од село Черкези, кумановско, пријавил дека околу 17:20 часот, додека се движел низ село Арачиново, од возило во движење „фолксваген пасат“ биле испукани неколку истрели.Притоа, било оштетено ветробранското стакло од патничкото возило „фолксваген голф“ со кумановски регистарски ознаки, кое го управувал пријавителот. Во инцидентот нема пријавени повредени лица.Од Министерството за внатрешни работи информираат дека се преземаат мерки и активности за целосно расчистување на случајот и за утврдување на идентитетот на сторителите.

Скопје | пред 2 месеци

Водач на навивачка група уапсен во Тетово по брутален напад со маски и тврди предмети

Полициски службеници од СВР Тетово на 19 јануари 2026 година во 20:10 часот, во населбата Дреновец во Тетово, го лишиле од слобода Р.Е. (23) од Тетово, идентификуван како водач на навивачка група.Тој се сомничи дека околу 19:20 часот на улицата „Иво Лола Рибар“, заедно со неколку лица со маски на главите, физички ги нападнал А.Ј. (22) и Д.П. (22), двајцата од Скопје. Според полициските информации, при нападот биле употребени и тврди предмети, при што на А.Ј. му биле нанесени телесни повреди, а истовремено било оштетено и нивното патничко возило „мазда 3“.Осомничениот е задржан во полициска станица, а на местото на настанот бил извршен увид. По целосното расчистување и документирање на случајот, против него ќе биде поднесена соодветна кривична пријава до надлежното обвинителство.

Македонија | пред 2 месеци

11 малолетници затекнати како пијат алкохол на приватна забава – полицијата приведе две лица

Изминатиот викенд во Куманово, полициски службеници од СВР Куманово лишиле од слобода две лица поради сериозни прекршувања поврзани со малолетници и консумирање алкохол. Станува збор за М.П.(24) од Куманово и М.В.(41) од селото Љубодраг, кумановско.Акцијата била реализирана во содејство со инспектори од Државниот пазарен инспекторат, Државниот инспекторат за труд и Управата за јавни приходи, при што била извршена контрола во угостителски објект во селото Доброшане, кој е во сопственост на М.П.За време на контролата, надлежните затекнале приватна прослава организирана од М.В., на која присуствувале вкупно 15 малолетници. При проверките било утврдено дека 11 од нив консумирале алкохолни пијалаци, што претставува сериозно прекршување на законските одредби.По целосно документирање на настанот, против двете лица ќе бидат поднесени соодветни пријави, а случајот ќе биде процесуиран согласно важечките прописи.

Македонија | пред 2 месеци

Германка фатена со две тегли со печурки кои содржеле психотропни супстанци на Табановце

Полициски службеници на Граничниот премин Табановце на 19 јануари 2026 година околу 09:00 часот, на влез во државата, ја лишиле од слобода М.С. (27) од Германија.При извршената гранична контрола и деталниот преглед на комбе марка „фолксваген“ со германски регистарски таблички, во кое се превезувала осомничената, во задниот дел од возилото биле пронајдени и одземени две тегли со печурки кои содржеле психотропни супстанци.Како што информираат од полицијата, М.С. се изјаснила дека пронајдените тегли се нејзини. По лишувањето од слобода, таа била предадена на полициски службеници од СВР Куманово за понатамошна постапка.По целосното расчистување и документирање на случајот, против неа ќе биде поднесена соодветна пријава до надлежните органи.

Македонија | пред 2 месеци

Падна тетовска фирма: Продавале фалсификувани брендови

СВР Тетово поднесе кривична пријава против правно лице од Тетово и против Б.А. (46) од Тетово, сопственик и управител на фирмата, поради постоење основи на сомнение за сторено кривично дело повреда на правото од индустриска сопственост и неовластена употреба на туѓа фирма.Како што информираат од полицијата, при контрола извршена на 30 јануари 2025 година во продажен објект во Тетово, било констатирано дека се врши продажба на разновидни фалсификувани обувки и текстил со заштитени трговски марки на познати светски брендови.Неправилностите биле утврдени при редовна контрола, по што биле преземени соодветни мерки и активности согласно законските прописи. По целосното документирање на случајот, против правното лице и одговорното лице е поднесена кривична пријава, а предметот ќе биде доставен на понатамошна постапка до надлежното јавно обвинителство.

Македонија | пред 2 месеци

Изготвиле фактури за наводен превоз на ученици и се обиделе да наплатат над два милиони денари од училиште во Тетово

СВР Тетово поднесе кривични пријави против Ќ.Ф. (60) од селото Шемшово, тетовско, како и против едно правно лице, поради основано сомнение за сторени кривични дела „измама“ и „давање лажен исказ“.Според полицијата, пријавените во текот на октомври, ноември и декември 2024 година, без правен основ изготвиле фактури за наводно извршен превоз на ученици, во вкупен износ од 2.152.447 денари, кои ги доставиле до средно училиште во Тетово.Подоцна, во два наврати, пријавените дале лажен исказ во нотарска канцеларија, со цел нотарот да изготви предлог-решение за нотарски платен налог. Полицијата наведува дека со ваквите дејствија пријавените се обиделе противправно да прибават имотна корист, по што случајот е целосно документиран и доставен до надлежното обвинителство.

Македонија | пред 2 месеци

Маж и жена пронајдени мртви во два одделни случаи во Македонија

На 18.01.2026 во 16:00 часот во Полициското одделение Јегуновце е пријавено дека во семејниот дом во с.Јегуновце, тетовско, е пронајдена почината С.С.(76) од селото.Екипа од Итна медицинска помош Тетово констатирала смрт без видливи траги на насилство.Увид извршила екипа на СВР Тетово во присуство на јавен обвинител, по чија наредба телото на починатата е дадено на обдукција.На 18.01.2026 во 22:15 часот во Полициското одделение Ростуше е пријавено дека во домот во с.Скудриње, гостиварско, е пронајден починат Ш.Ш.(55) од селото.Лекар од Здравствен дом Ростуше констатирал смрт без видливи траги на насилство, а по наредба на јавен обвинител телото е дадено на обдукција.

Македонија | пред 2 месеци

Полициска акција во Батинци: Полицијата бара лице осомничено за тешки кривични дела

Надлежните полициски служби при Министерството за внатрешни работи спроведоа акција на подрачјето на Скопје, со фокус во селото Батинци, откако претходно добиле оперативни информации за можно движење на лице по кое е распишана национална и меѓународна потерница.Акцијата била реализирана во текот на вчерашниот ден, 18 јануари 2026 година, а нејзина цел било лоцирање и лишување од слобода на лице од висок безбедносен интерес, осомничено за сторување тешки кривични дела.Од Министерството за внатрешни работи информираат дека и покрај преземените активности, лицето засега не е пронајдено, поради што потрагата продолжува. На терен се ангажирани повеќе полициски тимови кои преземаат дополнителни оперативни мерки и активности со цел негово пронаоѓање и приведување.Повеќе детали засега не се соопштуваат, а од МВР најавуваат дека јавноста ќе биде навремено информирана за натамошниот тек и евентуалниот исход од полициската акција.

Скопје | пред 2 месеци

Тепачки, разбојништва, кражби: што се случуваше во Скопје

Во текот на 17 и 18 јануари 2026 година, во Министерство за внатрешни работи, преку СВР Скопје, биле евидентирани повеќе пријави и интервенции поврзани со физички напади, насилно одземање предмети и кражби во објекти на финансиски друштва на подрачјето на главниот град.На 18 јануари 2026 година во 01:30 часот, во СВР Скопје, Д.Ч. (48) од Скопје пријавил дека на подрачјето на Кисела Вода бил физички нападнат од лицето Д.П. Неколку часа подоцна, околу 03:20 часот, Г.Ч. (20) пријавил дека на 16 јануари 2026 година Д.П. насилно му го одзел мобилниот телефон. Од полицијата информираат дека се преземаат мерки за целосно расчистување на двата случаи.Претходниот ден, на 17 јануари 2026 година во 14:30 часот, на подрачјето на Бит Пазар, полициски службеници од СВР Скопје го лишиле од слобода Ф.С. (30) од Скопје. Тој се сомничи дека околу 06:10 часот физички го нападнал А.М. (22) од Скопје, при што ја турнал на земја и сопругата на оштетениот. По целосно документирање на случајот, како што информира МВР, ќе следува соодветен поднесок.Во ист ден, во 14:40 часот, на подрачјето на Карпош, од слобода бил лишен Н.С. од Скопје. Според пријавата, на 16 јануари 2026 година пред угостителски објект, тој со своето возило го оштетил автомобилот на Г.Ѓ. (23) од Скопје, а потоа со возилото го удрил и оштетениот. И во овој случај, по целосно расчистување на настанот, ќе биде поднесен соодветен поднесок.На 17 јануари 2026 година во 16:20 часот, во СВР Скопје, Т.Б. (52) од Скопје пријавил дека околу 00:30 часот, на подрачјето на Гази Баба, бил физички нападнат од лицето А.А. Полицијата презема мерки за утврдување на сите околности поврзани со настанот.Истовремено, во раните утрински часови на 17 јануари, биле пријавени и две кражби во објекти на финансиски друштва. Во 05:20 часот било пријавено дека на подрачјето на Центар насилно било влезено во објект на финансиско друштво и одземен бил сеф со пари. Неколку минути порано, во 04:44 часот, била пријавена слична кражба и на подрачјето на Гази Баба, каде од објект на финансиско друштво насилно биле одземени пари од сеф.Од Министерството за внатрешни работи информираат дека за сите наведени случаи се преземаат интензивни мерки и активности за нивно целосно расчистување и за утврдување на кривичната одговорност на инволвираните лица.

Скопје | пред 2 месеци

Обид за убиство во Кичево: двајца осомничени во 30-дневен притвор

Полициските службеници од Министерство за внатрешни работи, преку ОВР Кичево, поднесоа кривична пријава против Ј.Д. (37) и А.А. (46), двајцата од Кичево, поради постоење основи на сомнение дека сториле кривично дело „обид за убиство“, казниво по член 123 од Кривичниот законик.По поднесената пријава, осомничените биле спроведени во Казнено-поправна установа Затвор-Битола, откако судија на претходна постапка им определил мерка притвор во траење од 30 дена.Според информациите од полицијата, на 4 јануари 2026 година околу 14:45 часот, пријавените биле лишени од слобода откако претходно, на земјен пат кај месноста „Сеферов бунар“, во близина на Кичево, со нож го нападнале Б.А. (39) од Кичево, по што побегнале од местото на настанот.Повредениот бил пренесен во Општата болница во Кичево, каде му била укажана лекарска помош, а поради сериозноста на здобиените повреди бил префрлен на понатамошно лекување во Градска општа болница 8 Септември во Скопје.Во рамки на истрагата, а по претходно обезбедена судска наредба, полициските службеници од криминалистичката полиција извршиле претреси во домовите на осомничените, при што биле пронајдени ножеви кои се одземени и ќе бидат предмет на натамошна постапка.

Македонија | пред 2 месеци

МВР: Трактор со приколка со дрва завршил во река, едно лице загина

На 17 јануари 2026 година, во Министерство за внатрешни работи било пријавено дека на место викано „Белик“, во атарот на селото Градско Балдовци, се случила тешка несреќа при која трактор со приколка натоварена со дрва паднал во речното корито на реката Тркање.Според информациите од полицијата, на местото на настанот починал Д.Н. (58) од Струмица, кој го управувал тракторот. Смртта била констатирана од лекар од Медицинскиот центар во Струмица.Увид на местото на несреќата извршиле јавен обвинител од Основно јавно обвинителство Струмица и екипа на СВР Струмица. Се преземаат мерки за целосно расчистување на околностите под кои дошло до несреќата.

Свет | пред 2 месеци

Тројца возачи лишени од слобода поради возење под дејство на алкохол, еден излетал од патот кај Велес

Тројца возачи биле лишени од слобода во одвоени случаи во Велешко, Валандово и Гевгелија, откако полициските контроли утврдиле дека управувале возила под дејство на алкохол, соопшти Министерството за внатрешни работи.На 16 јануари околу 17 часот, полициски службеници од СВР Велес го привеле И.П. (43) од селото Владиловци, општина Чашка. Претходно, на регионалниот пат Велес – село Извор, на мостот на реката Бабуна, тој со патничко возило „шкода“ со велешки регистарски ознаки удрил во бетонски столб од мостот. При увидот било утврдено дека возачот го управувал возилото со 2,45 промили алкохол во крвта.Истиот ден, исто така околу 17 часот, во Валандово, полициски службеници од СВР Струмица – ОВР Валандово го лишиле од слобода Т.К. (59) од Валандово. За време на сообраќајна контрола бил сопрен трактор со валандовски регистарски ознаки, кој го управувал приведениот. По преземените мерки било утврдено дека возачот имал 1,59 промили алкохол во крвта.Во раните утрински часови на 17 јануари, во 01:23 часот, во Гевгелија, полициски службеници од СВР Струмица – ОВР Гевгелија го привеле С.С. (29) од селото Корешница, општина Демир Капија. При сообраќајна контрола било сопрено патничко возило „ауди“ со демиркаписки регистарски ознаки, а по алкотестирањето било утврдено дека возачот имал 1,53 промили алкохол во крвта.Од Министерството за внатрешни работи информираат дека по целосно документирање на сите случаи ќе бидат поднесени соодветни пријави по член 297-а од Кривичниот законик за „безобѕирно управување со моторно возило“.

Македонија | пред 2 месеци

Возило „киа“ удрило во пешак во Скопје, жената со тешки повреди пренесена на Клиника

Жена на возраст од 48 години се здобила со тешки телесни повреди во сообраќајна несреќа што се случила утринава во Скопје, информира Министерството за внатрешни работи.Според информациите од МВР, на 16 јануари 2026 година околу 08:00 часот во СВР Скопје било пријавено дека на улицата „Војвода Васил Чакаларов“ патничко возило „киа“ со скопски регистарски ознаки, управувано од Д.П. (52) од Скопје, удрило во пешакот Р.Д. (48), исто така од Скопје.Во несреќата, пешакот се здобил со тешки телесни повреди, кои биле констатирани во Комплексот клиники „Мајка Тереза“ во Скопје.На местото на настанот бил извршен увид од страна на увидна екипа од СВР Скопје, а се работи на целосно расчистување на околностите под кои се случила сообраќајната несреќа.

Скопје | пред 2 месеци

Ново семејно насилство: Скопјанка пријави дека сопругот ја нападнал со тврд предмет и ѝ се заканувал со остар предмет

Жена на возраст од 29 години пријавила семејно насилство во СВР Скопје, информира Министерството за внатрешни работи.Според пријавата, на 10 јануари 2026 година, во семејниот дом на подрачјето на општина Петровец, таа била физички нападната од нејзиниот сопруг К.Ј. (33), кој употребил тврд предмет, а воедно ѝ упатувал и закани со остар предмет.Како што е наведено во пријавата, претходно сопругот физички ја нападнал и нивната малолетна ќерка.Од Министерството за внатрешни работи информираат дека по целосно документирање на случајот ќе следува соодветен поднесок до надлежните институции.

Скопје | пред 2 месеци

Осуммина завршија во притвор по истрагата за финансискиот криминал во УЈП

Заврши распитот на осумте приведени лица поврзани со вчерашната обемна акција во Управата за јавни приходи, по што Основниот кривичен суд Скопје им определи мерка притвор во траење од 30 дена.Како што информира Судот, по нивното произнесување, како и по оценка на фактите и приложените докази, бил прифатен предлогот на обвинителството и на сите осум осомничени им е определен притвор поради постоење на сите три законски основи – опасност од бегство, можност за влијание врз сведоци, како и ризик да го довршат или повторат кривичното дело.Од Основното јавно обвинителство за гонење организиран криминал и корупција соопштија дека истрагата се води под раководство на јавен обвинител од ова обвинителство, а во акцијата учествувале истражителите од Истражниот центар при обвинителството, со асистенција на Министерството за внатрешни работи. Во текот на акцијата, до доцните вечерни часови, биле извршени претреси на 16 локации низ државата, при што биле пронајдени и времено одземени фиктивна документација, парични средства, оружје и лажни печати од правни лица, а осомничените биле обезбедени.Акцијата е резултат на заеднички постапувања на Истражниот центар на ОЈО ГОКК и Управата за финансиско разузнавање, по претходно известување од Агенцијата за национална безбедност. Врз основа на обезбедените докази, обвинителството отвори предмет и донесе Наредба за спроведување истражна постапка против 20 лица, осомничени дека го оштетиле државниот буџет за 297.733.844 денари, односно околу 4,8 милиони евра.Според обвинителството, првоосомничениот – српски државјанин и сопственик и управител на две правни лица – заедно со двајца службеници од Управа за јавни приходи – Регионална дирекција Скопје, во текот на 2023 година формирале организирана група со цел вршење на кривични дела даночно затајување, даночна измама, перење пари и злоупотреба на службена положба. Во периодот од 2023 до 2025 година, во групата биле вклучени и други сопственици, управители и вработени во правни лица во Скопје и Гевгелија.Со прикажување неточни податоци во даночните пријави и со помош од даночни службеници, првоосомничениот во периодот 2023–2024 година избегнал плаќање данок во износ од 11.593.403 денари. Дополнително, други осомничени со лажни пријави побарале и добиле неосновано враќање данок за нерезидентни правни лица, со што на буџетот му е нанесена штета од 31.175.168 денари. Дел од осомничените, пак, вршеле трансфер и подигање парични средства со цел прикривање на потеклото на парите прибавени со кривични дела, во вкупен износ од 91.985.197 денари.Досегашните докази, како што соопштува обвинителството, укажуваат дека осомничени вработени во УЈП – Регионална дирекција Скопје, меѓу кои и лица на високи раководни позиции, со повеќекратни злоупотреби на службената положба нанеле вкупна штета на Буџетот на Република Северна Македонија од најмалку 162.980.076 денари.Јавниот обвинител претходно предложи мерка притвор за десет осомничени, при што судот на осум лица им определи притвор, додека за две лица притворот веќе бил определен во друг предмет поврзан со Агенцијата за финансиска поддршка во земјоделството и руралниот развој. За останатите десет осомничени предложени се мерки за обезбедување присуство, меѓу кои и забрана за вршење работни активности поврзани со кривичните дела и забрана за работа како службени лица во УЈП.

Македонија | пред 2 месеци