СДСМ

Власта тврди: СДСМ има план како да се справи со блокадите од ВМРО-ДПМНЕ

„Најавата за засилени блокади на Мицкоски е најнеодговорниот чин во време на најголема економска и енергетска криза после Втората светска војна, кога Собранието треба да носи брзи и ефикасни решенија за граѓаните“, вели СДСМ.Тие додаваат:„ВМРО-ДПМНЕ во Собранието блокира неколку десетици закони во интерес на граѓаните меѓу кои и Законот за Клиничкиот центар, Законот за наставници и стручни соработници во основните и средните училишта, Законот за службата во Армијата.Ваквото деструктивно однесување на штета на граѓаните не е ништо ново од ВМРО-ДПМНЕ и Мицкоски.СДСМ, парламентарното мнозинство досега наоѓале начин за надминување на блокадите, така ќе биде и сега.СДСМ заедно со граѓаните нема да дозволи ВМРО-ДПМНЕ и Мицкоски државата да ја држат во заложништво заради лични и партиски интереси“.

Македонија | пред 3 години

СДСМ нема да дозволи деструктивноста на Мицкоски и неговите блокади да ја закочат државата, најави Кузеска

„Во време на најголема економска и енергетска криза по втората светска војна, кога Собранието треба да носи брзи ефикасни решенија за граѓаните, Христијан Мицкоски најавува нови блокади“, вели Богданка Кузеска, портпаролка на СДСМ.Таа додава:„Наместо како институција за креирање подобри закони во секојдневната борба за заштита на стандардот на граѓаните, ВМРО-ДПМНЕ и Мицкоски го користат македонското Собрание за блокади.Ова покажува дека деструктивноста на Мицкоски и неговата политичка инструментализираност како послушик на Никола Груевски нема граници.Во светската политика се случува обедунување на партиите за помош на граѓаните и стопанството во време на вакви големи кризи, само кај нас ВМРО-ДПМНЕ сее поделби и спроведува блокади.Законот за Клинички центар, Законот за наставници и стручни сорабтници во основните и средните училишта, Законот за службата во Армијата се само дел од десетиците закони во интерес на граѓаните кои ВМРО-ДПМНЕ ги блокира во Собранието.ВМРО-ДПМНЕ беше против покачувањето на минималната плата, беше против воведување поврат на ДДВ за физички лица, беше против петитот пакет финансиска помош за граѓаните и компаниите, блокираше средства од Светска банка за борба против пандемијата од КОВИД 19.Мицкоски е целосно и апсолутно незаинтересиран за било кој реален проблем на граѓаните, во паметот му е неговата партиска фотелја во ВМРО-ДПМНЕ и својата политичка агенда.Со најавите за уште поголеми блокади, Мицкоски не го блокира СДСМ, не ја блокира Владата. Мицкоски не му носи штета на СДСМ ниту на Владата.Со ваквите неджравнички постапки Мицкоски носи штета единствено на граѓаните.Обврска на СДСМ како одговорна, државотворна партија, заедно со мнозинството кое го предводи е да не дозволиме уцените и личните хирови на Мицкоски да нанесат штета врз државата и народот.СДСМ останува отворен за сите добронамерни конструктивни предлози, но со сите демократски и разумни методи ќе се спротивстави на блокади и вештачки кризи заради лични и партиски интереси на Мицкоски.СДСМ е одговорна партија и по секоја цена со сите, разумни општествени партнери ќе ги надмине блокадите на Мицкоски и криминалната ВМРО-ДПМНЕ“

Македонија | пред 3 години

Заради политичка агенда на раководството на СОНК децата се држат надвор од образовниот процес, смета власта

„Заради политичка агенда на раководството на СОНК децата, учениците се надвор од училишните клупи, надвор од образовниот процес кој толку им е потребен“, вели СДСМ.Тие додаваат:„Раководството на СОНК одби ново предложено зголемување на платите во образованието и детската заштита за 12 отсто, и тоа во време на најголема светска енергетска криза.Уцените и политичкото делиување на раководството на СОНК се на штета на учениците и наставниот процес.Учениците мора да се вратат на настава. Правото на децата за образование е уставно загарантирано и не смее да се дозволи некој заради политичка агенда да им го загрозува“.

Македонија | пред 3 години

Штрајкот се политизира, смета партијата на власт

„Со понудата на Владата платите во образованието се зголемуваат за 31 отсто за четири и пол години, вака штрајкот се политизира. Продолжувањето на штрајкот негативно се одразува врз учениците и воспитно-образовниот процес и децата се држат во неизвесност“, вели СДСМ.Тие додаваат:„Отсуството од наставата веќе извесно ќе доведе до пролонгирање на школската година, негативно ќе влијае врз уписите, како и врз полагањето на стручен испит на околу 500 наставници.Понудата на Владата предводена од СДСМ е зголемување на платите од 10 отсто или 2.500 денари во просек.Претходно низ партнерски дијалог во три наврати ги зголемивме платите во образованието за вкупно 21 отсто, со што со полсеното покачување платите во образованието и детската заштита ќе пораснат за 31 отсто за период од четири и пол години.Тоа е многу повеќе споредено со владеењето на ВМРО-ДПМНЕ кога за пет години платите во образованието се зголемија за само четири отсто, а оваа партија потроши стотици милиони еврра на споменици додека бројни училишни објекти и детски градинки се распаѓаа.Затоа ВМРО-ДПМНЕ е последната партија која може да зборува за платите и условите за работа во образованието и детската заштита.Партијата која со години ги малтретираше и уценуваше наставниците, денес го политизира штрајкот на членовите на СОНК.Интересите на учениците мора да биде на прво место, а штрајкот на СОНК да престане да се политизира.Во најдобар интерес на учениците е тие да се вратат на настава што поскоро а образовниот процес да продолжи да се одвива непречено“.

Македонија | пред 3 години

Пред 10 години сдсмовците ги нарекуваа вмровците ,,Бугари, Бугари", а вчера послаа црвен тепих на злото, вели Јоци

Новинарката Јорданка Ивановска Јоци на социјалните мрежи сподели видео од пред 10 години, кога поддржувачи на политичката партија СДСМ, пред Град Скопје ги нарекуваа вмровците „Бугари“.„Погледнете како пред 10 години сдсмовци го кршеа Град Скопје и вмровци ги нарекуваа ,,Бугари, Бугари".И што остана од СДСМ во 2022, која вчера дозволи славење на ванчомихајловистичкиот повампирен фашизам и посла црвен тепих на злото? Ништо не остана.Прчвара!Срам за Македонија и за секој Македонец е денешново СДСМ“, вели таа.

Коментари | пред 3 години

Неселективната борба против секаков вид криминал и корупција е она што му пречи на ВМРО-ДПМНЕ, вели СДСМ

ВМРО-ДПМНЕ предводена од Христијан Мицкоски е партија бранител на криминалот,вели СДСМ„Бројни судски предмети, правосилни пресуди, признанија и извештаи на релевантни меѓунардони организации го потврдуваат степенот на криминалот на ВМРО-ДПМНЕ.За разлика од владеењето на ВМРО-ДПМНЕ кога одредени криминални структури важеа за недопирливи и над законите, денес институциите постапуваат ефикасно, професинално и неселективно.Токму неселективната борба против секаков вид криминал и корупција е она што му пречи на ВМРО-ДПМНЕ, затоа оваа партија неосновано го напаѓа Министерството за внатрешни работи и министерот Спасовски“, се вели во соопштението.

Македонија | пред 3 години

По црната листа на Стејт департментот оставки треба да дадат Николовски и Мицкоски, смета власта

„Стејт департментот на црна листа го стави осудениот криминалец во бегство и ментор на Мицкоски и Николовски, криминалецот во бегство, Никола Груевски“, вели СДСМ.Оттаму додаваат:„По сите признанија, по сите судски пресуди, оставка треба да си даде Христијан Мицкоски и никогаш повеќе да не се бави со политика.Мицкоски беше близок соработник на Груевски во време на режимот, а многу поранешни соработници на некогаш на Груевски а сега на Мицкоски се осудени за сторени криминали, а дел од нив и самите пред судовите признаа какви кривични дела биле правени.И самиот Александар Николовски е дел од некогашниот режим, а денес докажан извор на лажни вести и тој како и Мицкоски треба да си поднесе оставка од функцијата пратеник во Собранието“.

Македонија | пред 3 години

Каква е поврзаноста меѓу Мицкоски и унгарската компанија на Груевски која се најде на црната листа на САД?, прашува Кузеска

„Само една недела по посетата на Христијан Мицкоски на Унгарија, САД објавија дека неговиот шеф, Никола Груевски, е ставен на „црната листа“. Причините за оваа постапка од САД нашите граѓани многу добро ја знаат, тоа е вмешаност на Никола Груевски во корупција и криминал од невидени размери“, прашува Богданка Кузеска, портпаролка на СДСМ.Таа додава:„Бројни судски предмети и принзанија на поранешни високи функционери на ВМРО-ДПМНЕ тоа го потврдуваат, како Твдрина, Титаник...Новина е можеби фирмата на Никола Груевски која треба да се утврди дали е поврзана со сомнителни финансирања по неговото бегство.Се ова се случува во време кога Мицкоски оди во посета на Унгарија а пратениците на ВМРО-ДПМНЕ се уште во Собранието ги блокираат законите за Академијата за судии и обвинители.Се противеа на Законот за јавно обвинителство, затоа го блокираа изборот на нов Јавен обвинител.Нема појасен заклучок. Во ВМРО-ДПМНЕ ништо не е променето, тоа е истата криминална партија.Очигледно оваа партија со бел дворец ама со црна листа, се уште вистински е управувана од Никола Груевски.Оттука е молкот на Христијан Мицкоски.Човекот кој не се извини ниту еднаш за криминалот на ВМРО-ДПМНЕ и неговите соработници, кој не побарал ниту еднаш одговорност од сите за кои има пресуди а се дел од неговата партија.Граѓаните знаат дека во времето кога се правени сите овие криминали, Христијан Мицкоски бил советник на Никола Груевски (2015-2016) а потоа и секретар на ВМРО-ДПМНЕ.Мицкоски треба да излезе пред граѓаните и да каже што знаел за матните зделки на Никола Груевски и зошто со години молчи?Дали стравува дека и тој би можел да се најде на црната листа? Тоа треба да одговори самиот Мицкоски“.

Македонија | пред 3 години

Власта се смета за уценета: Платите во образованието СДСМ ги зголеми и до 6.400 денари

„Потребата од достоинствено вреднување на трудот на наставниците е јасна и за тоа секој има разбирање. Но, најдобриот интерес на учениците е и треба да продолжи да биде врвен приоритет на секого, особено сега кога после ковид пандемијата се обезбеди континуитет во наставата. Наставниците треба интересот на децата да го стават на прво место а решенијата да се бараат преку социјален дијалог“, вели Даниела Колева, пратеничка и членка на ИО на СДСМ.Таа додава:„Особено што во изминатите 4 години, токму преку дијалог, платите во образованието и во детската заштита СДСМ ги зголеми од 3.200 до 6.400 денари.Наставник во основно образование денес добива повисока месечна плата за над 3.200 денари, додека воспитувачките во градинките имаат плати повисоки за над 6.000 денари, споредено со периодот од пред четири и пол години, односно во времето на ВМРО-ДПМНЕ.Покрај растот на платите, инвестиравме и во нови работни места. Во овој период во градинките се вработени над 1.000 воспитувачки, негувателки и помошен персонал а нивните договори ги трансформиравме на неопределено време.Покажавме дека го цениме и вреднуваме трудот на оние коишто со години работеле со договори, на определено време и со драстично помали плати во времето на ВМОР-ДПМНЕ.Со Законот за наставници и стручни соработници во основните и средните училишта, закон кој ВМРО-ДПМНЕ цела година го блокира, обезбедуваме трансформација на работните односи и трајни вработувања за околу 4.700 наставници и стручни соработници во основното и средното образование.Ако овој Закон се усвоеше при неговото поднесување, сега платите на наставниците ќе беа зголемени. Дополнително 4.700 наставници и стручни соработници ќе добиеја економска сигурност на работните места.Ја покачивме минималната плата, двојно од времето на ВМРО-ДПМНЕ.Сите овие политики ги носевме низ дијалог со синдикатите, работниците и надлежните институции.Така и ќе продолжиме, низ дијалог ќе најдеме решение со СОНК кое ќе биде во интерес на наставниците, на учениците и нивните родители.Затоа, апелираме до СОНК и наставниците, да се водат од интересите на учениците, зголемувањето на платите во образованието и детската заштита да се реализира преку решение до кое ќе се дојде со дијалог“.

Македонија | пред 3 години

Мицкоски го брани шефот Груевски, затоа молчи за црната листа на САД, вели Каевски

„Втор ден Христијан Мицкоски молчи за фактот што САД на својата црна листа го стави неговиот шеф и осуден криминалец во бегство Никола Груевски. Причината за овој потег сите добро ја знаеме а тоа е вмешаноста на Груевски во корупција и криминал“, вели Дарко Каевски, портпарол и пратеник на СДСМ.Тој додава:„Или како што наведува Стејт департментот: искористување на неговото политичко влијание и моќ за лична корист, злоупотреба на моќта на својата функција за да бара и зема мито во замена за владини договори; присвојување државни средства; и мешање во изборните процеси.Сето ова граѓаните го слушнаа и во бомбите, во материјалите од Вистината за Македонија. Бројни судски пресуди и признанија во предметите како „Титаник“ „Тенк“ Таргет Тврдина“ ги потврдија криминалните дејствија на Никола Груевски и неговите соработници.На црната листа на САД заедно со Груевски е и братучедот Сашо Мијалков.Молкот, тишината на Мицкоски е силна потврда на се она што го говориме и што граѓаните добро го знаат.Христијан Мицкоски е еден од сорботниците на Никола Груевски, негова десна рака, негов советник, генерален секретар на ВМРО-ДПМНЕ.До денеска Христијан Мицкоски се нема оградено ниту еднаш за целиот криминал на ВМРО-ДПМНЕ.Не слушнавме ниту осуда за сторените дела, ниту згрозување, ниту извинување кон граѓаните.Наместо повик за одговорност со години Христијан Мицкоски е на браникот на криминалот на режимот и на Никола Груевски. Затоа Мицкоски молчи.Затоа голем број поединци кои беа блиски соработници на Груевски во 11 годишниот режим, сега се блиски соработници на Мицкоски.Во ВМРО-ДПМНЕ нема ниакакква промена, тоа е истата режимска и криминална партија“.

Македонија | пред 3 години

Наставниците да се водат од интересите на децата, ВМРО-ДПМНЕ да престане со партизација на штрајкот, порача Шкријељ

„Јасна е потребата од достоинствено вреднување на трудот на наставниците, но најдобриот интерес на учениците е и треба да продолжи да биде врвен приоритет, особено сега дури и во услови на ковид пандемија, кога се обезбеди континуитет во наставата“, вели Санела Шкријељ, пратеничка на СДСМ.Таа додава:„Правото на образование е Уставно загарантирано право на секое дете. Затоа ги повикувам наставниците интересот на децата да го стават на прво место. Голем број на родители денеска се обидуваат да се организираат за денешниот ден заедно со своите деца, поради штрајкот на наставниците.Би напоменала дека Владата предводена од СДСМ и коалиционите партнери секогаш имала и има слух за образовниот кадар и воспитувачите. Во образованието со методолошки пристап, во изминатите 3 години во три наврати СДСМ ги зголеми личните приходи на наставниците за над 21%.Платите на вработените во градинките се зголемија за повеќе од 21% што во просек значи покачување од 4.300 денари за негувателки до 5.700 денари за воспитувачките, што е историски најголемо покачување до сега за овој кадар.Исто така, за прв пат во образованието се воведе кариерен напредок на наставниците кој подразбира стекнување на дополнителен паричен надомест.Со растот на минималната плата следува усогласување на сите плати, согласно членот 8-А од Законот за минимална плата.Во исто време кога опозициската ВМРО-ДПМНЕ цела година го блокира Законот за наставници и стручни соработници, кој обезбедува, меѓу другото и поголеми плати.Бараме од ВМРO-ДПМНЕ да прекине со политизација на штрајкот на СОНК, тоа е на штета на наставниците и на учениците.Toa e последната партија којашто може да зборува нешто за образование или плати на наставници.Убедени сме дека решенијата се возможни само преку социјален дијалог на синдикатите и надлежните институции.Не со условувања туку со дијалог.Заеднички да обезбедат одржливи и системски решенија во врска со зголемувањето на платите на наставниците и подобрување на нивниот економско-социјален статус“.

Македонија | пред 3 години

Секој треба да ја понесе својата одговорност без разлика на која позиција се наоѓа, вели Николова

На прашањето во врска со обвинувањата на ВМРО-ДПМНЕ за случајот со Зекири а претходно и Рашковски, Даниела Николова, пратеничка на СДСМ вели дека секој треба да ја понесе својата одговорност без разлика на неговата позиција.„ВМРО-ДПМНЕ е партија која е симбол за криминал и корупција и таа најмалку е повикана да обвинува било кого. Бројните судски процеси којшто и сега се водат против нивните функционерите, дури и нивните признанија во неколку судски процеси се најдобра потврда за тоа.Има огромна разлика од времето на режимот кога институциите, судството и обвинителството беа под контрола на ВМРО-ДПМНЕ и наместо да гонат, штитеа криминал. На никој не му паѓаше на памет да понесе одговорност, ниту пак да да поднесе оставка, тоа денес веќе не е така.Од друга страна ние ги овозможуваме сите услови да правосудните органи работат слободно и нивна задача е низ транспрарентни постапки да утврдат дали некој ја злоупотребил својата позиција и согласно доказите кои ги имаат да започнат постапка или не.Секој треба да ја понесе својата одговорност без разлика на која позиција се наоѓа и токму во ова време во кое СДСМ владее ги создаваме сите услови за да владее правото“, вели Николова

Македонија | пред 3 години

Што променија мерките на Владата, Николова одговара за ефектите

„Владата предводена од СДСМ и надлежните институции преземаат навремени и ефикасни мерки за заштита на животниот стандард на граѓаните во време на глобална економска криза“, вели Даниела Николова, пратеничка на СДСМ.Таа додава:„Со неколку мерки од пакетот вреден 400 милиони евра, сериозно ги намалуваме трошоците на семејствата на месечно ниво.Семејствата заштедуваат околу 1.500 денари преку мерката за намалување на ДДВ на нула отсто за основните прехранбени продукти.Преку субвенционирањето на сметки за електрична енергија сметките за струја на едно просечно семејство денес се пониски за 2.150 денари, а намалувањето на ДДВ за горивата обезбедува месечна заштеда од околу 300 денари.Дополнително на ова, воведова тримесечна финансиска поддршка од по 1.000 денари за пензионерите и за семејствата во социјален ризик за полесно да се справат со последиците од кризата.И во време на криза платите растат минималната плата сега изнесува 18.000 денари што значи дека сега за да се покрие една синдикална потрошувачка кошничка потребни се две минимални плати, додека пред само четири години за ова беа потребни 4,5 минимални плати.Согласно Законот за минимална плата следи и соодветно зголемување на платите во сите сектори.Во време на светска економска криза, продолжуваме со политики што значат вистинска грижа за сите категории граѓани.Остануваме посветени на креирање и реализација на мерки што го штитат животниот стандард на граѓаните и обезбедуваат помош за домашната економија“.

Македонија | пред 3 години

Сите невработени лица кои ги исполнуваат условите да се пријават на повиците за мерките од Оперативниот план за вработување, посочи СДСМ

„СДСМ продолжува со посветена борба против сиромаштијата и невработеноста. Објавени се првите јавни огласи од Оперативниот план за активни мерки и програми за вработување за 2022 година. За една од најискористените мерки, мерката Самовработување со новиот план обезбедени се средства за отворање на сопствен бизнис за 2.000 лица“, вели СДСМ.Тие додаваат:„Финансиската поддршка за едно лице да отвори сопствен бизнис изнесува 5.000 евра или до 10.000 евра ако компанија основаат двајца содружници.Со мерката Практиканство ќе се опфатат над 1.600 млади лица до 34 години кои ќе можат да се вклучат на пазарот на труд и да се стекнат со практични знаења на одредено работно место.Овие лица ќе добијат месечен надоместок во висина од 9.000 денари со вклучено осигурување за период до три месеци.Отворен е и повикот за мерката Вработување и раст на правни субјекти која на работодавачите од микро, мали и средни претпријатија, социјални претпријатија и граѓански организации им овозможува да го прошират и развијат сопствениот бизнис, со отворање на нови работни места.Сите лица кои ги исполнуваат условите можат да конкурираат во еден од триесетте центри за вработување или онлајн на веб страницата на Агенцијата за вработување.Оперативниот план како една од клучните алатки за намалување на стапката на невработеност за оваа година има буџет од 30 милиони евра и со него ќе се опфатат околу 15.000 невработени лица“.

Македонија | пред 3 години

Со 400 милиони евра ги помагаме граѓаните и фирмите во време на криза, вели СДСМ

Владата предводена од СДСМ во услови на најголемата криза, презеде навремени и ефикасни мерки за заштита на животниот стандард на граѓаните од ценовни шокови и помош на компаниите.Со ефикасната реализација на сетот антикризни мерки вредни 400 милиони евра, го штитиме стандардот на граѓаните и им помагаме на фирмите да ја сочуваат ликвидноста и да ги задржат вработените.Само со мерката за намалување на ДДВ за основните прехранбени производи од 5% на 0%, граѓаните заштедуваат во просек по 1.500 денари.Најголем ефект има мерката за електрична енергија. Доколку Владата не ја субвеционираше струјата, сметките за струја на граѓаните би биле околу 2.150 денари повисоки на месечно ниво.Домаќинствата во просек имаат заштеда од 300 месечно со мерката за намалување на стапката на ДДВ од 18% на 10% за енергенсите, односно за акцизата.Владата предводена од СДСМ секој расположлив денар од буџетот го наменува за поддршка на граѓаните и компаниите.Покрај овие мерки, минималната плата е двојно поголема од времето на ВМРО-ДПМНЕ, пензионерите добиваат 1.000 денари помош месечно и рекордно зголемување на пензиите, обезбедена е поддршка за ранливите категории.СДСМ како одговорна партија продолжува со одговорни, ефикасни и издржани економски политики.

пред 3 години

И Мицкоски ли е сниман од Груевски па мора да му ги спроведува нарачаките и да го брани?, прашува СДСМ

„По честите посети на Христијан Мицкоски на Будимпешта локацијата каде што е пребеган Никола Груевски со право се поставуваат прашањата со што криминалецот во бегство го држи Мицкоски под контрола?“, прашува СДСМ.Оттаму додаваат:„И Мицкоски ли е сниман од страна на Груевски па затоа мора да ги спроведува сите негови нарачки?Што се има Груевски за Мицкоски за овој да мора по секоја цена да му ги брани криминалите?Секојдневно се покажува дека во ВМРО-ДПМНЕ нема никаква промена, тоа е партија предводена од Груевски, партија заштитник на криминалот“.

Македонија | пред 3 години

Се воведува Програма за интервентен фонд за земјоделството, во вредност од 250 милиони денари, вели Димковски

Во време на глобална криза, кога и цената и побарувачката на важни земјоделски производи е на високо ниво, Владата предводена од СДСМ презема чекори за помош и поддршка на домашното земјоделско производство, вели Трајан Димковски, член на Комисија за земјоделие на СДСМ„За таа цел, за прв пат се воведува Програма за интервентен фонд за земјоделството, во вредност од 250 милиони денари.Овие средства во голем дел ќе бидат наменети за поддршка на сточарството и за растително производство, односно за житните култури.120 милиони денари се наменети за субвенционирање на набавката на вештачки ѓубрива за производителите на пченица и јачмен.Дополнително, поради високата цена на нафтата, годинава, направено е усогласување и на износот за реализација на мерката „зелена нафта“ кој е зголемен за 13 отсто.Но, она што е исто така важно е што овој Интервентен фонд се проширува со нови мерки за поддршка на земјоделците.Обезбедуваме дополнителни субвенции за набавка на вештачко ѓубриво и за сончоглед и пченка.Дополнително, и за оваа година, субвенциите за сончогледот ги исплативме пред почетокот на новата сеидбена сезона за земјоделците да можат навреме да сеат и да имаат пари за производствените трошоци.Минатата недела, Платежната агенција исплати над 450 милиони денари субвенции за полјоделски култури меѓу кои и за сончогледот и маслодајната репка.Почитувани,И во време на светска криза, Владата предводена од СДСМ се грижи за земјоделството и инвестира во руралниот развој.Продолжуваме со реализација на мерки кои обезбедуваат квалитетно, конкурентно домашно земјоделско производство“, додава тој.

Македонија | пред 3 години

Повисоки плати обезбедивме и за вработените во училиштата, градинките, полицијата, факултетите и здравството, вели СДСМ

Владата предводена од СДСМ обезбедува постојан раст на платите за подобрување на животниот стандард на граѓаните, вели СДСМ„Минималната плата ја зголемивме двојно, со што месечните примања за над 80 илјади граѓани изнесуваат 18 илјади денари што е за околу 10.000 денари повеќе од 2012 година во време на ВМРО-ДПМНЕ.Континуиран раст на платите е обебзеден и за наставниците, вработените во здравство и во градинките.Платите на наставниците во последните 4 години ги зголемивме за над 2.000 денари, додека претходната власт во период од 7 години ги зголеми за само 850 денари.Вработените во градинките со новиот систем за плати добија зголемување од 21% што е најголемо до сега, а воведен е и кариерен развој. Зголемување од 5 % имаше и за вработените во здравство.Дополнително со законските измени кои токму ВМРО-ДПМНЕ ги блокира во Собранието се гарантира континуиран раст на наставничките плати согласно растот на минималната плата.Со истиот закон се предвидува трајно решавање на 4.700 вработувања на наставниците од определено на неопределено време како и унапредување на нивниот статус.Покачување на платите добија и вработените од високообразовните установи.Со потпишувањето на Колективен договор за високо образование, за прв пат беше постигнато зголемување во просек за 10% кое започна да се пресметува со минатата септемвриска плата.Владата предводена од СДСМ постојано работи на обезбедување подобар живот и повисок стандард на сите граѓани“, се вели во соопштението.

Македонија | пред 3 години

СДСМ: Успешниот попис носи бројни придобивки за економски развој и нови политики

„По 20 години имаме успешен попис согласно светските пракси и стандардите на Евростат. Пописот е поздравен и од Европската комисија и од сите релеватни фактори. Успешниот попис носи бројни придобивки за економски развој и нови политики“, вели СДСМ.Тие додаваат:„Владата, институциите, компаниите сега имаат точни податоци на кои ќе се темелат идните мерки и политики.Врз основа на оваа статистичка операција, Владата ги распределува средствата за финансирање на проекти од Програмата за рамномерен регионален развој, чија цел е намалување на разликите меѓу планските региони и меѓу општините.Пописот дава увид колкава е потребата од стручен кадар за деца во градинките, увид во структурата на образованието на населението, што ќе резултира со креирање на политики за усогласување на потребите на пазарот на трудот.Домашните и странски инвеститори ќе добијат појасна слика за распределба на квалификувана работна сила со што ќе им се помогне во планирањето на идните инвестиции.Како одговорна партија, продолжуваме со реализација на мерки и политики во интерес на граѓаните и во интерес на државата“.

Македонија | пред 3 години

1.000 денари поддршка за 330.000 пензионери, најавува СДСМ

СДСМ и во време на најголема економска криза продолжува со вистинска грижа за пензионерите, вели СДСМ.Секој пензионер на својата сметка, покрај пензијата, ќе добие дополнителни 1.000 денари како поддршка за справување со последиците од кризата.Финансиската поддршка од по 1.000 денари за секој пензионер ќе следува и за месеците април и мај.По усвојување на новата методологија, во септември следува историско највисоко покачување на пензиите.Со СДСМ, просечната пензија во изминатите 4 и пол години е зголемена за над 2.000 денари, а пензиите се исплаќаат редовно и навремено.На дело ја покажуваме грижата за пензионерите, за сите граѓани и за компаниите. Показател е фактот што платите растат во сите сектори, од први април минималната плата ќе изнесува 18.000 денари, а просечната за месец јануари изнесува безмалку 30.000 денари, односно 29.980 денари.СДСМ како одговорна партија продолжува со вистинска грижа и заштита на стандардот на граѓаните.

Македонија | пред 4 години

1,8 милијарди денари вреден Оперативен план за вработување за 15.000 лица, ветува СДСМ

Владата предводена од СДСМ го усвои оперативниот план за активни програми и мерки за вработување за 2022 година, вели СДСМ.„Оперативниот план вреден 1,8 милијарди денари ќе обезбеди вработување за речиси 15.000 лица.Планот предвидува програми, мерки и услуги за вработување, кои ќе обезбедат создавање нови работни места, зголемување на вработливоста на невработените лица, пред се на на младите, долгорочно невработените и корисниците на право на парична помош од социјална заштита, како и поддршка на невработените лица на кои им престанал работниот однос во текот на пандемијата.СДСМ преку ефикасни мерки и политики обезбедува континуирано намалување на стапката на невработеност до историски најниско ниво и повисок животен стандард за граѓаните и во време на криза“, се вели во соопштението.

Македонија | пред 4 години

Ковачевски: Со политиките на СДСМ растат платите, трудот на жените работнички го вреднуваме

Претседателот на СДСМ и премиер, Димитар Ковачевски, денеска се обрати на завршниот семинар од седмата генерација на Школата за женски активизам во организација на Форумот на жени на партијата.Ковачевски зборуваше за родова еднаквост, поддршка на жената, економска и политичка, како и женскиот активизам кој е важен дел од политиките на СДСМ.„Денеска одбележуваме 2 години од членството во НАТО алијансата. Значењето на успехот во исполнувањето на стратешката определба на државата од денешна перспектива можеме многу подобро да го согледаме. За жал, периодов со воената агресија врз Украина и загрозувањето на нејзиниот суверенитет се покажа колку безбедноста и сигурноста на граѓаните може лесно да биде загрозена. Но, истовремено, тоа ни покажува колку е важно тоа што Северна Македонија е членка на НАТО. Благодарение на тој успех, денес нашите граѓани можат да бидат спокојни затоа што ја уживаме заштитата на НАТО Алијансата. А една од клучните институции кои активно партиципираат во практичната реализација на членството во НАТО е Министерството за одбрана. На чело на тоа министерство имаме жена – министерка. Тоа доволно говори за СДСМ но и за способноста на жената во нашето општество.“ рече Ковачевски.Ковачевски зборуваше и за политиките на Владата предводена од СДСМ за подобрување на животниот стандард на жените.„Десетици илјадници жени – работнички со мерките и политиките на СДСМ добиваат повисоки месечни примања. Денес сведочиме на се повеќе успешни жени претприемачки, жени кои носат промени. СДСМ ја зголеми минималната плата за 100%, од 8.800 денари во време на ВМРО-ДПМНЕ на 18.000 денари. Трудот на работничките го цениме, го почитуваме и го вреднуваме особено на оние кои работат во трудоинтензивните дејности кои беа дискриминирани со години. Расте просечната плата, растат платите во сите сектори. Денес традоционално женските професии како наставничките, воспитувачките, негувателките, медицинските сестри земаат сериозно зголемени плати, а преку грантови и неповратни средства вложуваме во жените претприемачки и во жените кои решаваат да останат да работат во руралните краеви.“ рече Ковачевски.Сето ова е наш заеднички успех на кој треба да сме горди но истовремено треба да биде и дополнителен мотив за уште повеќе да работиме за поголема еднаквост меѓу мажите и жените во секој сегмент на општеството а особено во економскиот дел, заклучи претседателот Ковачевски во обраќањето пред учесницички на седмиот Семинар за женски активизам во организација на Форумот на жени на СДСМ.На учесничките на овој Семинар, претседателот Ковачевски им додели и сертификати за успешно завршување на школата за женски активизам.

Македонија | пред 4 години

Мицкоски копнее по Груевски, тврди СДСМ

Со вчерашното изразено жалење што Никола Груевски не е присутен во државата, Христијан Мицкоски призна дека копнее по неговиот ментор и шеф, осуден криминалец во бегство, вели СДСМ„И вечерва Мицкоки не се огради за криминалите на ВМРО-ДПМНЕ и неговиот претходник, за кои има дузина судски пресуди со затворски казни и серија признанија од високи функционери на партијата. Ништо не е променето во ВМРО-ДПМНЕ, тоа е старата нереформирана партија, симбол на криминал и корупција. Самиот Мицкоски е опркужен со кадри на режимот кои се дел од судски процеси за милионски криминал, корупција и злоупотреба на парите на граѓаните.Талир, Титаник, Моќник, Плацеви на Водно и безброј други предмети пред македонските судови.Тоа е ВМРО ДПМНЕ“, се вели во соопштението.

Македонија | пред 4 години

СДСМ: Просечната плата е близу 30.000 денари, минималната 18.000 денари

Економските мерки и политики на СДСМ и Владата што ја предводи даваат резултат, вели СДСМ.„Со СДСМ, и во кризно време, платите растат многу побрзо и значително, што е особено важно во време на глобална економска и енергетска криза, за поддршка на животниот стандард за граѓаните.СДСМ е на чекор кон исполнување на едно од најважните изборни ветувања – просечна плата од 30.000 денари.За месец јануари 2022 година, просечната плата изнесува 29.980 денари, односно е за шест отсто повисока од истиот месец лани.Платите растат и во сите сектори. Минималната плата веќе ја зголемивме на 18.000 денари, што е двојно повеќе во однос на времето на режимот на ВМРО-ДПМНЕ кога изнесуваше едвај 8.800 денари.Освен покачувањето на платите, обезбедивме и пакет антикризни мерки од 400 милиони евра со кои им се помага на граѓаните и на компаниите и кои веќе даваат резултат.Сите овие реални, видливи резултати ја потврдуваат успешноста на економските политики на СДСМ.Во услови на најголема криза, СДСМ со вистински мерки и политики се грижи за животниот стандард на граѓаните“, се вели во соопштението.

Македонија | пред 4 години

Нема фотографија

Пакетот од 26 антикризни мерки вреден 400 милиони евра дава реални и видливи резултати, како и сите претходни владини мерки, тврди СДСМ

СДСМ обезбедува 400 милиони евра помош – ВМРО-ДПМНЕ троши 1,2 милиони за партиски вработувања, вели СДСМ.„СДСМ преку Владата што ја предводи презема мерки за заштита на стандардот на граѓаните и одговорно штеди, градоначалниците на ВМРО-ДПМНЕ расипнички се однесуваат со парите на граѓаните.Пакетот од 26 антикризни мерки вреден 400 милиони евра во насока на заштита на стандардот на граѓаните и помош на компаниите да ја задржат својата ликвидност и конкурентност веќе дава реални и видливи резултати, како и сите претходни владини мерки.Но, кризата како да не важи за градоначалниците од ВМРО-ДПМНЕ. Само пет скопски градоначалници од ВМРО-ДПМНЕ, односно градоначалниците на Скопје, Карпош, Ѓорче Петров, Кисела Вода и Гази Баба ќе потрошат над 1,2 милиони евра за вдомување партиски кадри.Во Скопје 670 илјади евра, во Бутел 200 илјади евра, во Ѓорче 133 илјади евра, во Карпош 75 илјади евра, во Гази Баба 160 илјади евра среде криза.Истите тие градоначалници бараат пари од Владата и се закануваат со радикализација.Повеќе од 1,2 милиони евра се сериозни пари за овие 5 општини. Со 1,2 милиони може да се реализираат важни проекти, може да им се помогне на граѓаните во време на криза, на јавните претпријатија.Но, на градоначалниците од ВМРО-ДПМНЕ очигледно им е најважна партизацијата на општините, отколку потребите на граѓаните.Ништо не се менува во ВМРО-ДПМНЕ, оваа партија останува симбол на криминал и расипништво, партија која не работи за добробит на граѓаните, ниту за напредок на општините.“, се вели во соопштението.

Македонија | пред 4 години