ХРВАТСКА

Израел го повика Загреб целосно да ги прекине дипломатските односи со Иран

Амбасадорот на Израел во Хрватска, Гари Корен, го повика официјалниот Загреб да ги прекине дипломатските односи со Техеран. Тој истакна дека хрватските власти треба да спроведат безбедносни проверки на персоналот на иранското дипломатско претставништво, бидејќи меѓу нив може да има „шпиони“ од Револуционерната гарда, која во ЕУ се смета за терористичка организација.Во интервју за Хина, Корен и препорача на Хрватска и другите европски држави да ја проверат служба на иранските амбасади, наведувајќи дека во многу од нив има припадници на Револуционерната гарда со задача „собирање разузнавачки информации“ и поддршка на тероризам. Тој исто така посочи дека иранскиот режим има „ќелии на спијачи“ ширум Западот, што се покажало и во САД при обидот за убиство на припадничка на иранската опозиција.Корен предупреди дека во Загреб постојат и многу приврзаници на иранскиот режим на другата страна на границата, во Босна и Херцеговина, и ги повика хрватските власти целосно да ги прекинат дипломатските односи со Иран.Не само да го повлечете амбасадорот, туку и да ги затворите своите амбасади и да соопштите дека очекувате затворање на иранската амбасада во Загреб“, рече тој.Амбасадорот не сакаше да го коментира хрватскиот претседател Зоран Милановиќ, кој ја критикуваше израелската влада и ја забрани воената соработка меѓу хрватските и израелските вооружени сили, нагласувајќи дека амбасадорите не смеат да бидат дел од внатрешната политика, почитувајќи ги сите хрватски институции.

Свет | пред 3 седмици

Пленковиќ: Долготрајниот конфликт на Блискиот Исток може да има сериозни последици

Хрватската влада на денешната седница донесе одлука за обезбедување организирано враќање на хрватските државјани од подрачјата на Блискиот Исток загрозени од војна. Премиерот Андреј Пленковиќ соопшти дека сите хрватски државјани кои тоа го посакале веќе биле евакуирани од Иран, Израел и Јордан, јавува HRT.Долготрајниот конфликт на Блискиот Исток може да има сериозни хуманитарни и безбедносни последици, вклучувајќи можност за нови бегалски бранови“, нагласи Пленковиќ.Како дополнителен проблем, тој посочи можност за затворање на Ормутскиот теснец, една од клучните светски поморски рути за енергенти.Во случај на долготрајно затворање на Ормутскиот теснец тоа би можело да резултира со нагло зголемување на цените на нафтата и гасот, како и со нови инфлаторни притисоци на глобално ниво“, рече Пленковиќ.Премиерот нагласи дека Владата е подготвена да одговори на можниот пораст на цените.Владата ќе знае како да одговори на евентуалниот пораст на цените на енергенсите поради оваа криза. За тоа темелно разговаравме вчера при подготовка на денешната седница. Имаме, за жал, големо искуство од пред неколку години и јасно велам дека сме подготвени да донесуваме акти со кои ќе се ограничат цените на енергенсите ако биде потребно, како и да воведеме други мерки кои веќе помогнаа и кои би помогнале и во иднина на нашите граѓани и на економијата“, рече Пленковиќ.

Свет | пред 3 седмици

Србија ја смести Хрватска како незбезбедна за патување, Македонија останува безбедна

Министерството за надворешни работи на Република Србија апелираше до сите граѓани кои планираат патување во странство однапред да добијат детални информации за безбедносната состојба во земјите на дестинација или транзит.За да се избегнат непријатности и потенцијални ризици, ажуриран семафор - совет за патување е достапен на официјалната веб-страница на Министерството.Според степенот на безбедност, сите земји се класифицирани во четири категории со кодови на бои, од зелена, што означува низок ризик, до црвена, што претставува сериозно предупредување за патниците.Целта на овие препораки е, како што е наведено, граѓаните да бидат навремено информирани за сите предизвици, без разлика дали станува збор за политичка нестабилност, здравствени ризици или општа безбедност.Властите нагласуваат дека проценката на безбедносните ризици редовно се ажурира во согласност со случувањата на глобално ниво и советуваат проверката да се изврши непосредно пред заминување.Србија ја смести Хрватска како незбедбедна земја за патување, односно, на граѓаните им се препорачува да патуваат само ако мораат.додека Албанија е дозволена за патување, но со дополнителни мерки на претпазливост. Бугарија е безбедна исто како и Грција. Според семафорот, безбедни се и САД и Турција. Патување не се препорачува во Израел. Според проценките на српското министерство, Македонија е безбедна за патување.

Свет | пред 3 седмици

Три месеци по пожарот: Поставени багери за уривање на Вјесник

Три месеци по пожарот во Вјесниковиот небодер, утрово стигнаа багери и започнаа првите работи на рушење на овој објект.Околу небодерот уништен во пожарот и околните анекси е поставена ограда, а работниците на фирмата Eurco почнаа со чистење, по што следува подготовка за негово отстранување.Загрепскиот весник Jutarnji list пишува дека сè уште не е познато со која метода ќе се изврши уривањето на небодерот.Солитерот во Загреб, зградата на некогашниот весник Vjesnik, целосно изгоре во пожарот средината на ноември. Пожарот го гасеа близу 100 пожарникари, нема загинати, а штетата е целосна.По истрагата беше утврдено дека пожарот го предизвикале двајца млади кои запалиле картонски кутии.

Свет | пред 3 седмици

Хрватска испраќа четири авиони во Дубаи за евакуација на државјани

Хрватска во среда и во наредните денови ќе испрати четири авиони на Croatia Airlines во Дубаи за евакуација на хрватски државјани кои останале заглавени во Обединети Арапски Емирати поради војната меѓу САД и Израел против Иран, соопшти Министерството за надворешни и европски работи.„Утре и во текот на наредните денови испраќаме четири авиони на Croatia Airlines, со можност за дополнителни опции“, се наведува во соопштението.Шефот на хрватската дипломатија Гордан Грлиќ Радман договорил со министерот за надворешни работи на ОАЕ, Абдула бин Зајед ал Нахјан, и два авиона на локална авиокомпанија кои ќе превезат хрватски државјани од Дубаи.Според податоците, во ОАЕ моментално се наоѓаат околу 2.000 хрватски резиденти, од кои 300 побарале репатријација, како и 460 туристи кои исто така сакаат враќање во татковината.Министерството информира дека досега се евакуирани хрватски државјани од Израел, Јордан и Бахреин. Од Оман, каде што имало 23 државјани, 12 се евакуирани преку Истанбул кон Загреб, додека останатите имаат можност да заминат кон Дубаи.Хрватската амбасада во Доха обезбедила и 30 места на австриски лет од Ријад, при што приоритет ќе имаат деца, болни лица, бремени жени и членови на нивните семејства.

Свет | пред 3 седмици

„Делумно e обновен воздушниот сообраќај во ОАЕ“, јави хрватското министерство за надворешни работи упатувајќи насоки до нивните граѓани

Министерство за надворешни и европски работи на Хрватска ги информираше хрватските државјани во Обединети Арапски Емирати дека денеска започнува ограничено обновување на воздушниот сообраќај од Дубаи и Абу Даби, но апелира да не се упатуваат кон меѓународните аеродроми доколку не се директно контактирани од авиокомпаниите.Шефот на хрватската дипломатија, Гордан Грлиќ Радман, претходно изјави дека во Емиратите се наоѓаат околу две илјади хрватски државјани, како и приближно 380 илјади државјани на Европската унија. Во момент кога воздушниот сообраќај бил целосно запрен, министерот препорача оние што сакаат да ја напуштат земјата да се упатат кон „безбедната“ престолнина на Оман, Мускат, што дел од хрватските државјани и го сториле.Во најновото соопштение, министерството наведува дека според информациите од локалните власти, започнува ограничено воспоставување на операциите, при што помал број летови ќе бидат достапни од меѓународните аеродроми „Дубаи интернешнал“, „Дубаи ворлд централ“ и од Абу Даби, каде веќе се реализирани поединечни полетувања.Во актуелните околности, на хрватските државјани им се препорачува да останат во Емиратите и строго да не се упатуваат кон аеродромите освен ако не добијат директна потврда од авиокомпанијата за времето на полетување и обезбедена авионска карта. Министерството повика на постојано следење на известувањата од воздушните превозници и доставување податоци до Генералниот конзулат во Дубаи, кој, како што се наведува, внимателно ја следи состојбата.Локалните власти во Емиратите соопштиле дека граѓаните можат да се вратат на вообичаените активности, но со зголемена претпазливост и грижа за личната безбедност, во услови на регионална ескалација по израелско-американските напади врз Иран и последователните ирански одговори насочени кон повеќе заливски држави.

Свет | пред 4 седмици

Хрватска: Хрватските државјани во Емиратите нека се упатат кон Оман

Министерот за надворешни и европски работи на Хрватска, Гордан Грлиќ Радман, денес соопшти дека министерството им препорачува на хрватските државјани што се наоѓаат во Обединетите Арапски Емирати да се упатат кон безбедната оманска престолнина, додавајќи дека за нивното враќање во земјата се чека отворање на воздушниот простор.Бидејќи воздушниот простор во Емиратите е затворен, Грлиќ Радман истакна дека министерството им препорачува да се упатат кон Оман, кој е оддалечен околу еден час возење, а неговата престолнина Маскат околу четири часа.„Враќањето на државјаните засега е отежнато“, истакна министерот, додавајќи дека станува збор за султанат кој има пријателски односи со Иран, а истовремено одржува добри односи со Западот, поради што беше и посредник во преговорите меѓу Вашингтон и Техеран во Женева. Во Оман моментално се наоѓаат околу 110 хрватски државјани.Грлиќ Радман нагласи дека министерството е во постојана комуникација со Генералниот конзулат во Дубаи и дека вчера разговарал и со министерот за надворешни работи на Емиратите, кој го уверил дека се грижат за сите европски граѓани во земјата, околу 380 илјади лица.Министерството разговара и со европските сојузници за заеднички репатријации на граѓани, а хрватските државјани им се препорачува да ги следат веб-страниците, упатствата и препораките на министерството.Министерот посочи дека репатријациите засега се отежнати бидејќи ниту една комерцијална авио-линија не сака да лета додека не се обезбеди целосна безбедност на воздушниот сообраќај.

Свет | пред 4 седмици

Милановиќ ги повлекува хрватските војници од Ирак и Либан

Претседателот на Хрватска, Зоран Милановиќ, се огласи поради ескалацијата на ситуацијата на Блискиот Исток.Секое еднострано користење на воена сила што го крши меѓународното право и поредокот е опасно, бидејќи го загрозува мирот и глобалната безбедност не само денес, туку и во иднина. Воена интервенција без мандат на Обединетите нации, како што денес сведочиме во Иран, нема да придонесе за решавање на кризата, туку предизвикува дополнителна ескалација на конфликтот и долгорочна нестабилност“, истакна Милановиќ.Тој посебно го осуди военото насилство врз цивили, без разлика од која страна доаѓа.Очигледната цел на воената интервенција, односно промена на власта во Иран, може да има сериозни и долгорочни последици и за граѓаните на Европа, вклучувајќи ги и граѓаните на Хрватска. Искуството од претходните интервенции во регионот на Блискиот Исток и Медитеранот покажува дека последиците ги трпи токму Европа“, додаде тој.Милановиќ нагласи дека при секој понатамошен чекор Хрватска мора да води сметка првенствено за своите граѓани и нивната безбедност. Тој истакна загриженост поради можни економски штети од поскапување на нафта и нафтени деривати, ризик од нов бран бегалци кон европските земји, како и опасности од терористички закани.Со оглед на безбедноста на хрватските војници на мисиите во земјите на Блискиот Исток, претседателот донел одлука за повлекување на седум хрватски војници од Ирак и еден војник од Либан, и го задолжил началникот на Главниот штаб на Оружаните сили да ги започне активностите за нивно повлекување.Ја повикувам Владата на Хрватска да преземе сите потребни мерки за заштита и повраток на хрватските граѓани кои се наоѓаат на подрачјето на воени активности“, додаде Милановиќ.

Свет | пред 4 седмици

14-годишен тинејџер со воздушна пушка ранил 16-годишник во нога кај Нова Градишка

Во областа на Нова Градишка, 16-годишно момче се здобило со повреда во ногата откако, според утврденото, врз него пукал 14-годишен тинејџер со воздушна пушка. Повреденото момче добило лекарска помош во саботата, на 28 февруари, околу 10 часот во болницата во Нова Градишка, по што за случајот била известена полицијата, јавува ПУ Бродско-посавска.Иако полицијата ја добила пријавата во саботата, истрагата покажала дека самиот инцидент се случил два дена претходно. Според полицискиот извештај, 14-годишното дете, поради нестручно ракување со воздушната пушка, испукало куршум кој го погодил 16-годишникот во ногата. Повредите во болницата биле оценети како полесни.Полицијата ја одзела воздушната пушка од 57-годишниот татко на момчето кое пукало, кој го поседувал оружјето со соодветна пријава. Од полицијата соопштиле дека продолжува работата на утврдување на сите факти и околности поврзани со овој настан. По завршувањето на истрагата, ќе следува поднесување на соодветна пријава до надлежниот суд.

Свет | пред 4 седмици

Хрватска им препорача на граѓаните одложување на патувањата на Кипар

Министерството за надворешни и европски работи на Хрварска, предводено од Гордан Грлиќ Радман, денеска им препорача на хрватските државјани да ги одложат патувањата на Кипар, откако британската воздухопловна база Акротири на островот беше погодена со дрон.Поради влошената безбедносна состојба на подрачјето на Блискиот Исток, како и нападите со балистичко оружје и беспилотни летала врз британските воени бази на островот Кипар, на хрватските државјани им се советува да го одложат патувањето на Кипар, освен ако станува збор за патување од крајна нужност“, се наведува во препораката на Министерството, објавена на неговата официјална веб-страница.„Во случај на итност и загрозеност“, хрватските државјани можат да се обратат до Амбасадата на Република Хрватска во Атина, која е надлежна и за Кипар, а по потреба и до дипломатско-конзуларните претставништва на други земји членки на Европската Унија на Кипар.

Свет | пред 4 седмици

Жена од Хрватска ја ажурирала апликација за мобилно банкарство и останала без 3.500 евра

Хрватската полиција примила кривична пријава од 44-годишна жена на која ѝ биле повлечени пари од сметката откако, според упатствата од СМС-порака, ја ажурирала банкарската апликација, објави Индекс.хр.Според наводите на полицијата, оштетената на 24 февруари, на својот мобилен уред примила СМС-порака за која верувала дека ја испратила нејзината банка. Непознато лице ја довело во заблуда барајќи преку линк да ја ажурира апликацијата за мобилно банкарство и да внесе ПИН-код, што таа и го сторила. Набргу потоа од нејзината сметка биле исплатени пари без нејзино одобрение.Полицијата спроведува криминалистичка истрага со цел да ги утврди сите околности на настанот и да го пронајде сторителот.Од полицијата ги предупредуваат граѓаните дека банките никогаш преку СМС, електронска пошта или социјални мрежи не бараат внесување лични податоци, ПИН-код, CVV број од картичка, лозинки или еднократни кодови за автентикација преку линкови. На граѓаните им се советува да не отвораат сомнителни линкови и да не внесуваат податоци на страници до кои пристапиле преку пораки од непознати или сомнителни испраќачи.Посебна претпазливост е потребна кај пораки што создаваат чувство на итност, како оние што предупредуваат на блокада на сметка или истекување на апликацијата. Во случај на сомнеж, граѓаните се повикуваат да се обратат до својата банка преку официјалните контакти и да активираат дополнителни безбедносни опции, како биометриска заштита и известувања за трансакции.

Свет | пред 1 месец

Маж во Осиек ја избодел сопругата, делови од нејзиното тело пронајдени во дворот на семејната куќа

Окружното јавно обвинителство во Осиек, по спроведена истрага, поднесе обвинение против 53-годишен хрватски државјанин за убиство на неговата сопруга. Злосторството се случило минатата година во населбата Тења во Осиек (Хрватска), а обвинението е поднесено пред Окружниот суд во Осиек, пишува DORH.Обвинението го товари 53-годишниот маж дека ја избодел својата сопруга со остар предмет по целото тело во периодот од 2 август до 2 септември 2025 година во Тења, поради нарушени брачни односи и со намера да ја убие својата сопруга, која претходно ја злоставувал.Жената починала од повредите, а делови од нејзиното тело биле пронајдени во дворот на нивната семејна куќа.Во обвинението, државното обвинителство му предложило на судот продолжување на притворот против обвинетиот.Како што се наведува, причините се опасноста од повторување на кривично дело и фактот дека притворот е неопходен за непречено водење на постапката.Обвинителството истакнува дека станува збор за кривично дело за кое е пропишана долгогодишна затворска казна и кое е сторено под особено тешки околности.

Свет | пред 1 месец

Пленковиќ: Хрватска може да ги снабдува Унгарија и Словачка со нафта

Хрватска може долгорочно и сигурно да ги снабдува Унгарија и Словачка со нафта преку Јадранскиот нафтовод (ЈАНАФ), порача во Киев хрватскиот премиер Андреј Пленковиќ, повикувајќи ги Будимпешта и Братислава за тоа јасно да ги информираат своите граѓани.Говорејќи пред новинарите во Киев, на четвртата годишнина од руската агресија врз Украина, Пленковиќ рече дека нема никаква дилема кога станува збор за можноста Хрватска целосно енергетски да ги снабдува и Унгарија и Словачка, за што, како што наведе, Загреб цело време ги информирал партнерите, вклучително и Европската комисија, пренесува хрватски Индекс.Според Пленковиќ, досега постоел комерцијален аранжман меѓу унгарската компанија MOL и руските партнери за купување поевтина нафта од Русија, која преку нафтоводот Дружба, преку Украина, пристигнува до рафинериите во Унгарија и Словачка.Пленковиќ нагласи дека Хрватска може да обезбеди долгорочно, стабилно и сигурно енергетско снабдување преку ЈАНАФ.„Ги повикувам пријателите во Унгарија и Словачка да им објаснат на своите граѓани дека не се енергетски загрозени, дека целата нафта што им е потребна можат организирано да ја добијат преку ЈАНАФ, преку Хрватска“, истакна Пленковиќ.Тој додаде дека Хрватска сака нивното снабдување да биде долгорочно и стабилно, не преку, како што наведе, секундарен нафтовод, туку преку правец кој може да биде примарен и единствен, доколку тие тоа го посакуваат.Испораките на руска нафта за Унгарија и Словачка преку нафтоводот Дружба се прекинати од 27 јануари, кога Киев соопшти дека руски напад со дрон погодил опрема на нафтоводот во западна Украина.Будимпешта и Братислава ја обвинуваат Украина за прекинот на испораките, додека Киев порачува дека работи на санација на нафтоводот.

Свет | пред 1 месец

Опожарената кула „Вјесник“ во Загреб ќе биде урната во рок од 90 дена

Во рок од 90 дена треба да се отстрани опожарената кула „Вјесник“ во Загреб, според договорот потпишан минатата недела со фирмата „Еурко“.Во опожарената кула „Вјесник“ во Загреб започнаа подготвителни работи за уривање на облакодерот, потврди денеска државниот секретар на Министерството за просторно планирање, градежништво и државен имот, Тончи Главиниќ, и најави дека работата ќе се одвива во фази.Багери и припадници на хрватската армија пристигнаа во „Вјесник“, и во најкраток можен рок треба да го отстранат целиот мебел од хрватскиот парламент што беше складиран таму.Треба да се отстранат 8.000 тони градежен отпад, но и да се регулира сообраќајот со оглед на состојбата на градилиштето.– Во овој момент се вршат истраги во кулата на 15 кат, односно се земаат примероци од бетон и арматура. Од безбедносни причини, на тој кат се поставени и 12 потпори. Верувам дека резултатите од истрагата ќе ги добиеме во следните два или три дена – рече тој.Наскоро се очекува поставување на оградата на градилиштето и испорака на градежните контејнери.Во договорот се наведува дека проектот може да се изведува во неколку фази, а изведувачот ќе одлучи колку ќе има. Секоја фаза од проектот мора да помине контрола кога станува збор за механичка отпорност, стабилност на почвата и околните згради во непосредна близина на „Вјесник“.Главиниќ истакна дека методот на отстранување ќе го одреди проектантот.На прашањето колку луѓе ќе работат на градилиштето, тој одговори дека моментално има 10 до 15 работници, а нивниот вкупен број ќе зависи од понатамошните фази. Изведувачот ќе процени дали ќе му биде потребна помош од надворешни компании.

Свет | пред 1 месец

Превртен чамец на Уна: Едно лице загина, по други се трага

На подрачјето на Хрватска Костајница, во местото Росуље, полициски службеници за време на надзор на државната граница во 4:55 часот чуле повик за помош од непознато лице од реката Уна.На местото на настанот биле упатени полициски патроли, како и други итни служби.Досега е пронајдено едно живо машко лице, како и безживотно тело на непознат маж.Утврдено е дека дошло до превртување на чамец во кој се наоѓале повеќе лица.Полициските службеници и припадници на Хрватската горска служба за спасување, со помош на пловила и беспилотни летала, интензивно трагаат по исчезнатите лица, наведува Индекс.

Свет | пред 1 месец

Автомобил излетал и се превртел на автопат во Хрватска, две лица пренесени во болница

На автопатот А2, во близина на наплатните рампи Мокрице–Орославје во Хрватска, се случила сообраќајна несреќа во која патнички автомобил излетал од коловозот и се превртел на покрив.Во несреќата се повредени две лица – возачот и сопатничката, кои биле пренесени на лекување. Од Полициската управа Крапинско-загорска потврдија дека повредените се згрижени во Општата болница во Забок.На местото на настанот во тек е увид, со цел да се утврдат точните околности што довеле до излетувањето на возилото од патот.

Свет | пред 1 месец

Пронајдено тело на брегот на реката Купа во Хрватска

На брегот на реката Купа, во близина на градот Озаљ во Хрватска, вчера во попладневните часови било пронајдено тело на засега непознато лице. Пријавата до полицијата ја поднеле граѓани, по што на местото на настанот бил извршен увид, соопшти Полициската управа Карловац.Од полицијата информираа дека следува натамошна криминалистичка истрага со цел да се утврдат сите околности поврзани со случајот. Телото ќе биде испратено на обдукција, која треба да го утврди точниот причинител на смртта, како и идентитетот на починатото лице.

Свет | пред 1 месец

(Видео) Силно невреме и циклонска плима ја зафатија Далмација – морето навлезе во Каштела, Сплит и Трогир

Силно невреме проследено со поројни дождови, грмотевици и олуен јужен ветер повторно го зафати далматинскиот брег. Под влијание на циклонот над Јадранското Море, регистрирана е силна циклонска плима која предизвика морето забрзано да се крева и да навлегува во крајбрежните населени места.Најкритична е состојбата во Каштела, Сплит и Трогир, каде нивото на морето е за околу 60 сантиметри над просекот. Најголемиот бран на невремето се случи во текот на ноќта, а особено погоден беше долно-каштеланскиот брег. Во Каштел Нови и кај плажата Габине водата веќе навлезе на патиштата и во пристаништата, принудувајќи ги жителите да поставуваат импровизирани брани од штици и вреќи со песок за да ги заштитат своите домови.Покрај Далмација, невремето остави последици и во Истра, каде наврнаа околу 20 литри дожд на квадратен метар. Силен јужен ветер со налети до 90 километри на час е регистриран во северниот дел на Јадранот, додека во Сплит ветерот предизвика целосен прекин на поморскиот сообраќај. Експертите смируваат дека иако атмосферскиот притисок е низок, не се очекуваат екстремни плими како во претходните недели, но предупредуваат на високи бранови на изложените делови од брегот и на островот Чиово.

Свет | пред 1 месец

Уапсени двајца српски државјани во Илок со лажни германски и хрватски лични карти

Двајца државјани на Србија, на возраст од 28 и 26 години, се уапсени во Илок откако полицијата утврдила дека користеле фалсификувани германски и хрватски лични карти, соопшти Полиција на Вуковарско-сремската жупанија.Полициски службеници од Граничната полициска станица во Илок вчера во утринските часови извршиле контрола врз двајцата мажи, при што се посомневале во веродостојноста на документите што им биле приложени. Тие биле приведени во службени простории заради спроведување криминалистичка истрага поради сомнение за фалсификување исправи, како и за утврдување на законитоста на нивниот влез и престој во Хрватска.Со истрагата било потврдено дека личните карти се фалсификувани и дека станува збор за државјани на Србија по кои во Шенгенскиот информативен систем биле издадени предупредувања за забрана за влез во земјите од Европскиот економски простор. Поради таа забрана, како што утврдила полицијата, тие претходно нелегално ја преминале државната граница од Србија во Хрватска, надвор од официјален граничен премин.По завршување на истрагата, осомничените денеска се предадени на притворски надзорник, а против нив до надлежното државно обвинителство е поднесена кривична пријава.

Свет | пред 1 месец

(Видео) Поплавите во Далмација изнесоа човечки рипки на површината – дел од нив однесени во Зоолошката во Загреб

По врнежите во Хрватска, силните подземни води на површината изнеле поголем број човечки риби на подрачјето на Сплитско-далматинската жупанија, извести Јавната установа „Море и крш“.Човековата риба (Proteus anguinus) е динарски ендем и најголемиот жител на карстовите подземни води, каде што живее исклучиво во целосна темнина и во стабилни микроклиматски услови.Кога тие се изнесени од подземјето на површината, се соочуваат со бројни ризици, а најголема закана претставуваат бактериските инфекции. Нивниот организам не е прилагоден на површинските води и микроорганизми, па контактот со нив може да биде фатален.Поради наведените опасности, вработените на Јавната установа „Море и крш“ излегоа на терен и во соработка со експерти од Зоолошката градина на Град Загреб згрижиле повеќе десетици примероци.Сите собрани животни ќе останат под трајна грижа во Зоолошката градина на Град Загреб. Таму ќе им бидат обезбедени контролирани услови кои го имитираат нивното природно подземно живеалиште за да се обезбеди нивниот опстанок.

Свет | пред 1 месец

По оштетувањето на нафтоводот „Дружба“: ЕК не гледа закана за снабдувањето со нафта

Откако хрватскиот министер за економија Анте Шушњар објави дека Хрватска е подготвена да им помогне на Унгарија и Словачка во снабдувањето со нафта, се огласи и Европската комисија.„Во моментов не гледаме закана за безбедноста на снабдувањето на земјите членки“, порача Европската комисија откако Будимпешта побара руската сурова нафта кон Унгарија и Словачка итно да се пренасочи преку хрватскиот систем, односно Јадранскиот нафтовод.Исто така, Брисел потсети дека Јадранскиот нафтовод е дел од регионалната стратегија за диверзификација во рамки на REPower планот и дека неговите капацитети неодамна биле тестирани, со што имплицитно ги отфрли претходните унгарски тврдења дека алтернативниот пат за снабдување со нафта не е технички доволен и дека Хрватска е „непостојан партнер“.Ана Кајза Итконен, портпаролка на Европската комисија за енергетика, изјави дека размената на пораки меѓу Будимпешта и Загреб уследила по делумното уништување на нафтоводот „Дружба“, кој руската сурова нафта преку Украина ја доставувал во Словачка и Унгарија.Според нејзините зборови, дел од нафтоводот бил погоден во напад со дрон, а испораките се запрени од 27 јануари.„Сето тоа го имаме многу јасно на радар бидејќи приоритет ни е безбедноста на снабдувањето на земјите членки, но во моментов не гледаме закана по снабдувањето, бидејќи земјите членки, според европското законодавство, мора да имаат задолжителни стратешки резерви доволни за најмалку 90 дена“, изјави Итконен.Потврди дека Комисијата е во постојан контакт не само со Унгарија и Словачка, туку и со хрватските власти.За политичките изјави разменети меѓу владите на Хрватска и Унгарија Комисијата засега нема коментар бидејќи „разговорите се во тек“.

Свет | пред 1 месец

Нови детали за трагедијата на автопатот А3 во Хрватска: две лица загинаа, две се повредени

Добиени се нови детали за тешката сообраќајна несреќа на автопатот А3 Брегана-Загреб-Липовац кај Новска, кога група странски државјани се обидела да ја премине коловозот. Две лица загинаа, а две се повредени, при што полицијата спроведува истрага за сите околности и идентитетот на загинатите.Еден од преживеаните мажи беше отпуштен од болница со полесни повреди и е под надзор на полицијата, додека жената, поради тешки повреди, беше пренесена во Загреб во Клиника за трауматологија. „По обработката и стабилизацијата на состојбата, пациентката е пренесена на понатамошно лекување во Клиниката за трауматологија во придружба на анестезиолог. Другото лице, помлад маж, има полесни повреди и беше предаден на полицијата на понатамошно постапување“, изјави Славица Коњевиќ Пернар од Општата болница Нова Градишка, пренесува Nova TV.Од Клиниката за трауматологија потврдија дека жената е при свест, но нејзиниот идентитет сè уште не е познат. „Пациентката пристигна ноќеска со повреди на карлицата и фрактура на левата потколеница, што ќе бара операција. Доби и удар во главата, но е при свест и комуникативна. Сè уште не знаеме кој е нејзиниот идентитет, знаеме само дека е странска државјанка“, појасни Ненад Сомун од Клиниката за трауматологија.Несреќата се случи пред 22 часот на делницата Брегана-Загреб-Липовац, недалеку од Новска. „Според утврденото до сега, три мажи и една жена ја преминувале коловозот кога на нив налетале два патнички возила. Двајца мажи загинале на местото на несреќата, додека жената и третиот маж биле пренесени во болницата во Нова Градишка“, потврди Маја Филиповиќ од Полицијата на Сисачко-мославинска жупанија.Истражителите собираат траги и снимки од надзорни камери и спроведуваат разговори за да ги расветлат сите детали што довеле до трагедијата.Во едно од возилата што налетало на пешаците била државјанка на Косово, која поради стресот побарала медицинска помош. „Нема телесни повреди, но доживеа акутна реакција на стрес. По укажаната помош, беше отпуштена во придружба на сопругот“, изјави Коњевиќ Пернар.Покрај полицијата, на реконструкција на целосниот настан работи и надлежното Државно обвинителство. Се утврдува идентитетот на загинатите, нивниот статус во Хрватска и крајната дестинација. Граѓаните се шокирани од настанот. „На автопат, па тоа е катастрофа, сите знаеме дека таму се вози брзо. Без разлика за кого станува збор, катастрофа е, повторно некој изгуби родител, брат или сестра“, рече еден жител. „И оние што возеле, и тие се под голем стрес, тоа е голем стрес за нив“, додаде една жителка.

Свет | пред 1 месец

Пешаци што претрчувале на автопат во Хрватска најверојатно биле мигранти, двајца загинаа

Синоќа околу 21.45 часот, на автопатот А3 Брегана–Загреб–Липовац, во близина на Новска, се случи тешка сообраќајна несреќа во која загинаа две лица, а уште две се здобија со тешки повреди. Според информациите, идентитетот на сите инволвирани сè уште се утврдува, а постои сомневање дека станува збор за мигранти.Несреќата се случила на јужната коловозна лента на автопатот, кај местото Рајиќ, кога три машки и едно женско лице, во својство на пешаци, претрчувале преку коловозот. Во нив удриле два автомобили, соопшти полицијата.На местото на настанот починале двајца од пешаците, додека еден маж и една жена се пренесени во Општата болница во Нова Градишка, каде што им биле констатирани тешки телесни повреди. Еден сопатник од едно од возилата се здобил со полесни повреди.По наредба на надлежните органи, телата на загинатите се пренесени во Општата болница во Сисак, каде ќе биде извршена обдукција.Увидот на местото на несреќата го водела заменичка на жупанискиот државен обвинител во Жупаниското државно обвинителство во Сисак, во соработка со полициски службеници од Полициската управа Сисачко-мославачка.

Свет | пред 1 месец

(Фото) Скандал во Хрватска: Докторка од итна помош снимена како шмрка кокаин

Хрватските медиуми објавија шокантна приказна за докторка од Итна помош, за која прво добиле информација, а потоа и фотографии на кои се гледа како шмрка кокаин, пишува порталот Dnevnik.hr.Потврда на оваа приказна пристигнала од неколку извори. Станува збор за докторка која минатата година предизвикала хаос на поранешното работно место, кога повикала колеги во Итна помош за интервенција која се покажала дека не постои. За тоа никогаш не одговарала.Нејзиниот надреден сега ќе спроведе истрага за информациите дека користи кокаин.Пораките и фотографиите на кои се гледа дека докторката користи кокаин, порталот Provereno ги добил почетокот на февруари.Пријава дека 36-годишната докторка од Итна помош работи под влијание на опијати добиле и нејзините надредени во Заводот за Итна медицина на Загребската жупанија. Кога Provereno се обидел да стапи во контакт со неа, таа побарала годишен одмор, а тестирања од страна на специјалисти за медицина на трудот сè уште не ѝ биле направени.„Денес таа е на двонеделен годишен одмор, меѓутоа кога ќе се врати, односно пред почетокот на продолжување на работата, таа ќе биде упатена на вонреден лекарски преглед“, кој треба да ја утврди нејзината способност за работа, објаснува директорот на жупанискиот Завод за Итна медицина, Даворин Гајник.Сликите можете да ги погледнете тука.

Свет | пред 1 месец

22-годишник преку апликација за превоз испраќал марихуана во Вараждин

Загрепската и вареждинската полиција привеле 22-годишник осомничен за препродажба на дрога, кој пратка со марихуана се обидел да достави во Вараждин користејќи мобилна апликација за превоз.Младиот човек бил уапсен откако полицијата при рутинска контрола кај возач пронашла ранец со речиси половина килограм марихуана, а со претрес на неговите простории во Нов Загреб била пронајдена дополнителна количина дрога, ваги и пари, соопшти Полициската управа Загреб.Според сомнежите на полицијата, 22-годишникот претходно договорил продажба на дрога на подрачјето на Вараждин. Во вторникот, на 2 февруари, преку мобилна апликација за превоз резервирал возило и возач со задача да го пренесе ранецот во Вараждин. Меѓутоа, истиот ден попладне, полицајците при редовна контрола на една бензинска пумпа го забележале возачот. При преглед на ранецот што го превезувал биле пронајдени 457,1 грам марихуана.Истрагата продолжила и следниот ден, кога бил извршен претрес на семејната куќа, стопанските објекти и другите простории што осомничениот ги користи на подрачјето на Нов Загреб. При тоа полицијата пронашла уште 85 грама марихуана. Покрај дрогата, биле запленети и две дигитални ваги за прецизно мерење со траги од дрога, како и пари за кои се сомнева дека потекнуваат од препродажба.Сомнеж за организирана препродажбаПолицијата се сомнева дека 22-годишникот набавувал поголеми количини марихуана со цел понатамошна препродажба. Дрогата, како што се сомнева, ја криел, мерел и подготвувал за продажба во простории на подрачјето на Нов Загреб. По завршеното криминалистичко истражување, осомничениот со кривична пријава за неовластено производство и трговија со дроги е предаден на притворски надзорник.

Свет | пред 1 месец