Израел со последно предупредување: Бегајте на југ или ќе бидете сметани за терористи

Израелскиот министер за одбрана, Израел Кац, денеска упати последно предупредување до жителите на Газа да побегнат на југ, во спротивно ќе бидат сметани за „терористи и поддржувачи на тероризмот“.

— реклама —

Ова е последна прилика за жителите на Газа кои сакаат да се преселат на југ и да ги остават терористите на Хамас изолирани во градот, изјави Кац, пренесоа израелските медиуми, во момент кога израелската војска ги интензивира своите операции во тој регион.

Портпаролот на израелската армија, полковник Авишај Андраеи, најави дека денеска ќе биде блокиран последниот премин кон јужниот дел на Појасот Газа, односно улицата Ал Рашид. Според него, патот ќе остане отворен само за оние кои сè уште не успеале да се евакуираат.

— реклама —

Во оваа фаза, израелската влада дозволува премин кон југ слободно и без контрола, се наведува во соопштението.

— реклама —

Истовремено, висок функционер на Хамас изјавил дека групата веројатно ќе го одбие мировниот план на американскиот претседател Доналд Трамп, оценувајќи дека тој „служи на интересите на Израел“ и ги „игнорира интересите на палестинскиот народ“.

Според истиот извор, Хамас се спротивставува на распоредувањето меѓународни стабилизациски сили во Газа, сметајќи дека тоа претставува нов облик на окупација.

Воените команданти на терен, како Ез ал-Дин ал-Хадaд, остануваат решени да продолжат со борбата, додека дел од политичките претставници на Хамас надвор од Газа се маргинализирани бидејќи немаат контрола врз заложниците.