Мајката на Ивона Антова: „Немаме душа за вашата злоба, ја носиме најголемата болка“

Мајката на загинатата Ивона Антова, една од младите жртви во трагичниот пожар во кочанската дискотека „Пулс“, јавно реагираше на социјалните мрежи по коментарите и шпекулациите што кружат во јавноста. Стојка Иванова Антова упати потресна порака во која зборува за семејната болка и за односот на дел од јавноста кон нивната трагедија.

— реклама —

„Да, вистина е – ја изгубивме нашата единствена ќерка, нашата Ивонче. Тоа е најтешкото нешто што може да му се случи на човек. Болка што не се кажува со зборови, живот што ни згасна, иднина што ни ја украдоа. А вие зборувате за џип, мотор, пари… Зарем мислите дека тоа може да ја замени нашата Ивонче?“, напиша таа.

— реклама —

Антова нагласува дека семејството со години штедело за иднината на нивната ќерка, за студии, диплома и семеен живот кој никогаш нема да се оствари.

„Џипот што ви боде очи беше нејзина желба, а моторот е на кредит – за нејзиниот татко барем малку да ја олесни болката и лутината. Што знаете вие што е кога ќе останеш со празна соба и тишина што убива?“, додава таа.

— реклама —

Мајката истакна дека по трагедијата единствена помош добиле од хуманитарната организација во износ од 1.520 евра и од Црвениот крст 300.000 денари, средства кои, како што вели, стојат недопрени.

— реклама —

„Затоа – оставете нè. Доста ни е. Ние си ја носиме најголемата болка. А вие – живејте со вашата злоба, ако тоа ве прави ‘среќни’“, порачува Антова во нејзината објава.