Али Ахмети вчера при своето гостување во КликПлус на ТВ21, истакна дека лидерот на опозицијата, Христијан Мицкоски, му ветил дека нема да има бојкот на изборите.Ахмети вели дека добил уверувања од претседателот на партијата Христијан Мицкоски дека тоа нема да се случи.https://www.facebook.com/tv21hd/videos/332085714327758/
Македонија | пред 6 години
Надворешната канцеларија за криминалистички работи Гостивар поднесе кривична пријава против Х.Е.(24) од село Добридол, гостиварско и Ч.И.(21) од село Топлица, гостиварско, поради постоење основи на сомнение за сторени кривични дела „фалсификување пари“ и „измама“.На 02.03.2018 година во угостителски објект во Гостивар, пријавените платиле сметка со фалсификувана банкнота од 100 евра.
Македонија | пред 6 години
Пратеникот, Мухамед Зекири, изјави дека нема да го коментира лидерот на ДУИ, Али Ахмети, кој во интервју за ТВ21 рече дека Зекири пред 7-8 години барал од него да биде пратеник на ДУИ.„Јазикот оди каде што забот боли“, изјави Зекири за „Фокус“, кој што вели дека тој досега се што имал за ДУИ и за лидерот на партијата кажал јавно.
Македонија | пред 6 години
Сигурен сум дека ќе го поминам првиот круг. Очекувам гласови не само од Македонците, туку од сите граѓани, затоа што мојот концепт е „Република за сите“, рече кандидатот за претседател Блерим Река во интервју за МРТВ на албански јазик.-Ако за вас што го поставувате прашањето, но и за сите граѓани, изгледа дека е невозможно да направиме менувања и деполитизација на судството, да ја ослободиме јавната администрација од доминантниот непотизам, ако мислите дека не може да се одржи Специјалното Обвинителство како гарант и како гардиан на законот тогаш џабе ни се претседателски избори но и парламентарни, истакна Река.Тој ги истакна четирите критични точки, како што се: деполитизација на судството, департизирана и професионална јавна администрација, реформи во секторот на разузнавање и контраразузнавање и корупцијата, кои и Европската Унија и ги спромнала на Северна Македонија во јуни лани.Река рече дека ако биде избран за претседател на државата, ќе покрене кривични процедури за сите граѓани без разлика на етничката припадност кои биле вклучени во некаква форма во корупција и тендерски скандали.Прашан како ќе ја подобри застапеноста на Албанците и другите етникуми во претсетаделската канцеларија, рече дека ако си претседател на сите и да имаш 97-98 отсто вработени од една национална припадност, не е само репрезентативно, туку не рефлектира ниту единство на нацијата.Во врска со тоа зошто тогаш како амбасадор беше поддржан од ДУИ и сега тие не ја поддржуваат неговата претседателска кандидатура, Река изјави дека не е „авторизиран“ и дека не може да ја знае причината зошто не го поддржуваат и дека тоа е нивна политика.
Македонија | пред 6 години
Заев и Пендаровски се во паника. Свесни дека губат во недела, посегнуваат по тоа што единствено го знаат, криминал и измами. Заев и Пендаровски се фатени живи како крадат лични податоци на граѓаните, велат од ВМРО-ДПМНЕ.„Јавното обвинителство молчи и со тоа создава огромен сомнеж дека власта го користи овој момент за прикривање докази.Доказ дека СДСМ брише докази е фактот што после обелоденувањето на аферата „Големото око”, апликацијата веднаш беше повлечена, па потоа вратена, а кружат информации дека е сменет и серверот на кој биле складирани украдените лични податоци.ВМРО-ДПМНЕ апелира до Јавното обвинителство најитно да преземе мерки за пронаоѓање и санкционирање на инспираторите, нарачателите и извршителите на овој скандал што треба да заврши со узурпирање на волјата на граѓаните. Очекуваме дека освен нарачателите, оние кои го осмислиле и оние кои го реализирале ова навлегување во приватноста и крадење на лични податоци, пред правдата ќе одговараат и оние кои помагаат да се сокријат трагите.Сите инволвирани треба да знаат дека ваквите дела не застаруваат. Одговорност за ова ќе има.Ова афера е само доказ како функционира СДСМ, криминогено.Гласот за Стево Пендаровски е глас за криминалот. Република Македонија мора да тргне напред. Државата бара право и правдина. Во недела да излеземе и да гласаме за Гордана Силјановска Давкова. За правда во Македонија“, се вели во соопштението.
Македонија | пред 6 години
Заедничкиот кандидат за претседател, Стево Пендаровски, на граѓанска трибина во Гевгелија повика на масовна излезност во недела, на 21 април и побара поддршка на концептот што го предводи за сигурна иднина и напредна Република Македонија.Пендаровски рече дека процесот на интеграции и членството во НАТО и ЕУ носат бројни економски и безбедносни придобивки за граѓаните, пред се за младите и затоа е многу важно напредокот да продолжи, да не се дозволи земјата да се врати назад.„Само по добиената покана за НАТО, минатата година влегоа 625 милиони евра директни странски инвестиции. Толку странски инвестиции немало никогаш. Тоа е само затоа што Македонија е безбедна и стабилна држава, а перспективите кон ЕУ и НАТО се отворени. Ако продолжиме со реформските процеси, огромни се шансите да добиеме датум за почеток на преговорите со ЕУ. Ова ќе донесе нови инвестиции, подобар живот кој ќе ги задржи младите во државата и ќе им отвори нови шанси. Тоа е тежок и долг, но е единствен вистински пат. Од 12 мај, моја единствена задача која вие сте ми ја дале, е да мислам и работам за подобар живот. Затоа сите заедно напред, а не назад“, повика Пендаровски.Пендаровски посочи дека за времето на претходната власт на режимот на Груевски имало живот само за фамилијата. Тие, рече, работеа само за својот џеб, и според показателите на Светска банка за 10 години режим од земјава се изнесени 5 милијарди евра. Сега истите луѓе кои ја опљачкаа Македонија, од други земји и од Будимпешта сакаат да ни диктираат преку нивни послушници овде. Да не дозволиме да не вратат назад, рече Пендаровски.Пендаровски ќе се залага за правда, еднаков третман за сите, за економски рамномерен развој, нови можности, прогрес, нови работни места и напредок на младите.
Македонија | пред 6 години
Универзитетскиот професор Љубомир Фрчкоски, за вчерашната „24 Анализа“ во краткиот коментар не ја негираше автентичноста на денеска објавената бомба со неговиот разговор со аналитичарот Алберт Муслиу.Интересно е што т.н. „нови бомби“ се споделувани од анонимни Фејсбук-профили кои се залагаат за бојкот на изборите. Според објавените разговори се чини дека станува збор за досега необјавени аудио-снимки.
Македонија | пред 6 години
Пешак е тешко повреден, а шест лица се здобиле со полесни повреди во седум од вкупно десет регистрирани сообраќајки во изминатото деноноќие на подрачјето на СВР Скопје.Полицијата исклучила од сообраќај 26 возачи под дејство на алкохол, а исклучени се и 23 нерегистрирани возила.Изречени се мерки за непрописно паркирање за 103 возила, додека „пајакот“ кренал 65 возила.Казнети се и девет возачи кои не даваат првенство на минување на пешаци на пешачки премин, 19 за зборување на мобилен при возење, 10 за неносење сигурносен појас.
Скопје | пред 6 години
Кандидатката на Христијан Мицкоски, Гордана Сиљановска е поддржана од осудени криминалци, како Игор Југ, правосилно осуден за терористичко загрозување на безбедноста и уставниот поредокот, како и Никола Груевски осуден криминалец во бегство, велат од СДСМ.„Тоа е причината зошто Сиљановска не го осуди насилството од 27 април, затоа молчеше и не го осуди криминалниот режим на Никола Груевски.Сиљановска покажа незнаење од клучните области за безбедноста и армијата, не понуди ништо пред граѓаните освен одбрана на криминалот на режимот.Граѓаните силно ќе го поразат концептот на Мицкоски за враќање назад, чиј застапник е Сиљановска и нема да дозволат на чело на државата да дојде некој зад кого стојат насилници и криминалци.На 21 април, во недела, масовно ќе го поддржат концептот предводен од Стево Пендаровски што води напред и обезбедува правда, сигурност и иднина за сите“, се вели во соопштението.
Македонија | пред 6 години
На автопатот Демир Капија – Смоквица, кај клучката Демир Капија, денеска ќе се изведуваат градежни активности за поставување индуктивни јамки, за што ќе се изврши промена на режимот на сообраќај, информира Автомотосојузот на Македонија.Сообраќајот на државните патишта се одвива по претежно суви коловози. Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата.
Македонија | пред 6 години
За Али Ахмети, лидерот на ДУИ, во синоќешното интервју за ТВ 21 рече дека за нив поприфатливо е претседателот на државата да се избира во Собранието.Потпретседателот на СДСМ Мухамед Зекири пред неколку недели изјави „што подалеку од ДУИ, тоа подобро“. Лидерот на ДУИ Али Ахмети за ТВ21 даде свој коментар за таа изјава.„Нека се обидат да ја видат ДУИ во опозиција, тогаш ќе ја почувствуваат вистинската сила на ДУИ. Јас побарав сите да се обединат и да ја победат ДУИ и да видат каква е ДУИ како опозиција. Но, дали ќе можат да преживеат ако ДУИ е опозиција“.-Тешко, велите?-За 15 месеци ја ставивме на колена од ВМРО, одговори Ахмети.– Ние оваа тема ја потегнавме пред 10 години. Тогаш немавме поддршка од нашите меѓународни пријатели, но сега изгледа дека е оправдано да се мисли на такво нешто. Претседателот може да се избира и во Собранието, и мислам дека е тоа оправдано, рече Ахмети во синоќешното интервју за ТВ 21.
Македонија | пред 6 години
Претседателската кандидатка на ВМРО-ДПМНЕ, Гордана Силјановска Давкова на вчерашниот митинг во Кратово рече дека имаат силна европска поддршка.-Како што знаете, претседателот на Европската Народна Партија, господинот Жозеф Дол застанува зад нас, тоа го вети во Брисел. Пред него тоа го стори господинот Себастијан Курц, навистина е тоа европски силен ветар во нашите едра, реформски, во нашите опозицски едра, во нашите изборни едра, она што доаѓа на 21 април и на 5 мај-рече Силјановска.
Македонија | пред 6 години
Претседателот на ВМРО-ДПМНЕ, Христијан Мицкоски вчера на митинг се обрати пред граѓаните во Општина Кратово. Мицкоски пред присутните истакна дека дојде време овие, како што ги нарече, политички измамници од врхушката на СДСМ на чело со Заев да заминат во политичка историја, политичка пензија, која нема да им биде мирна затоа што од прв до последен ќе треба да одговараат за сите криминали, злодела, понижувања, омаловажувања кои во овие две години ги нанесоа на Република Македонија и граѓаните.Мицкоски во своето обраќање одговори на повиците за АРМ на портпаролот на СДСМ, истакнувајќи дека тоа младо момче не знае што е утринска смотра, што е пожарство, дали знае што е стража на минус 20 степени во пола метар снег, а не знае ниту неговиот лидер Зоран Заев бидејќи со лажна медицинска белешка го избегнал воениот рок, но како што рече затоа не им пречеше да ја обесчестат армија, да ја постројат македонската гарда и да ја интонираат македонската химна.
Македонија | пред 6 години
На полноќ завршува дваесетдневната кампања и почнува молкот пред неделните претседателски избори и предвремените локални во општините Охрид, Дебар и Ново Село.Блерим Река вчера со митинг во Тетово ја заокружи изборната кампања.Кандидатот за претседател од СДСМ, Стево Пендаровски кампањата ја завршува денеска во западниот дел од државата, односно ќе одржи митинзи во Струга и Охрид, а во текот на денот ќе има средби со граѓани во Дебарца, Вевчани и Лабуништа, додека кандидатката од ВМРО-ДПМНЕ Гордана Силјановска-Давкова ќе биде во источниот дел од државата, поточно ќе има вечерен митинг во Штип, а претходно ќе одржи митинг и во Пробиштип.
Македонија | пред 6 години
Времето во Македонија ќе биде умерено облачно. Ќе дува умерен, вдолж Повардарието засилен ветер од северен правец.Утринската температура ќе се движи од минус два до пет, а дневната од 13 до 22 степена.Во Скопје, слично време, умерено облачно. Ќе дува умерен до засилен ветер од северен правец. Утринската температура ќе се спушти до пет, а дневната ќе се искачи до 20 Целзиусови степени.Во Маврово максималната дневна температура ќе достигне до 13 степени, Кавадарци 29, Охрид 16, Битола 17, Крива Паланка 16, Берово 15, Дојран 22.Викендов ќе преовладува стабилно и потопло време со умерена облачност. Од понеделник кон крајот на денот ќе има нови локални врнежи од дожд.
Македонија | пред 6 години
Во интервју за TV21 на емисијата „Клик Плус“, претседателот на Демократската унија за интеграција, Али Ахмети, разговараше и за односите со коалициските партнери.Запрашан за коментарите на потпретседателот на СДСМ, Мухамед Зекири, Ахмети рече дека воопшто не сака да го коментира Зекири, бидејќи зборува невистинити работи.– Овој Мухамед дојде во мојата канцеларија пред неколку години додека работеше во Алсат барајќи да стане пратеник од редовите на Демократската унија за интеграција. Го охрабрив да го продолжи својот придонес како новинар во Алсат, рече Ахмети. Да знаев дека се налутил би го земал во предвид, додаде Ахмети.
Македонија | пред 6 години
Кривичниот суд во Истанбул изрече пресуди за 39 обвинети поранешни припадници на турската жандармерија, кои се товарат за учество во обид за пуч и членство во организацијата на Ѓулен.За единаесет првообвинети Судот изрече доживотни затворски казни, обвинувајќи ги за членство во „терористичка организација“ и „обид за уривање на уставниот поредок во Турција“.Анкара тврди дека организацијата на приврзаниците на Ѓулен е одговорна за обидот за преврат во ноѓта на 15 јули 2016 година. Фетулах Ѓулен се наоѓа во самонаметнат егзил во САД, а Турција постојано бара негова екстрадиција.
Свет | пред 6 години
Претседателскиот кандидат Стево Пендаровски денеска на средби со жителите на Дојран и Богданци, ги повика граѓаните во недела на 21 април со својот глас за бројот 3 да одлучат за сигурна иднина и да изберат напредок за европска држава.Со гласот за Гордана Силјановска може да се вратиме само назад, во времето груевизмот и да се продолжат штетните политики на Иванов, додаде тој.-Ајде да излеземе масовно на гласање во недела и да избереме напредок. Заедно да победиме, заедно да одиме напред. Да го исполниме заветот на борците, пред чиј споменик стоиме и кои ни дадоа аманет-Ние се втемеливме, вие градите. Во изминативе речиси две години сите сме сведоци на еден целосно нов пристап во односите со соседите, кој ги решава најтешките проблемите, и ги отвора портите на Северна Македонија кон напредок, сигурна иднина и светот, рече Пендаровски.
Македонија | пред 6 години
Осудениот екс премиер, Никола Груевски, го нарече Зоран Заев „спасителот“ и со цитат на германскиот филозоф Фридрих Ниче порача дека понекогаш луѓето не сакаат да ја слушнат вистината.„,,Во светот постојат два вида луѓе. Оние кои сакаат да знаат и оние кои сакаат да веруваат......понекогаш луѓето не сакаат да ја слушнат востината бидејќи не сакаат да им се уништат илузиите,,(Фридрих Ниче)Сите Вие кои се боревте за него и му верувате...и сеуште му верувате...на лагите, на секојдневно свесно и со умисла искажаните лаги...Се сеќавате ли на ветувањата, на слатките лаги на ,,спасителот,,?На оние 600 километри автопат во 4 години мандат, на градбата на новиот клинички центар, повисоки плати, пензии, социјална помош, гасификација, чист воздух во зима, плати од 100 илјади денари за лекарите, решение на името без смена на уставот и промена на идентитетот, на носењето на правдата, солидарноста, на враќање на младите од странство, враќање на 600 илјади иселени, на вработување на најспособните во администрацијата, на доаѓањето на животот....Помал проблем е што тоа го нема. .Бидете живи и здрави“, напиша Груевски.
Македонија | пред 6 години
Петар Богојески од групата реформатори на ВМРО-ДПМНЕ за „Фокус“ изјави дека тој се надева на успех на ВМРО-ДПМНЕ и смета дека бојкотот не е решение.-Европската иднина на Македонија зависи од резултатот на европските, а не од претседателските избори. Не е важно кој ќе биде избран за претседател, важно е тоа да биде направено на најлегитимни и пред се успешни избори. После изборот, секој од кандидатите ќе мора да дејствува во насока кон ЕУ и НАТО. Доколку на европско ниво победи опцијата на еврооптимизмот, на оние кои подржуваат проширување на ЕУ, ние можеме да бидеме комотни. И обратно, вели тој.
Македонија | пред 6 години
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања
