Најнови вести

7 год.

Молери му побарале капар од 100 евра, па го истепале и му ги одзеле телефоните и парите

На 31.12.2018 година во 09.50 часот А.Д.(48) пријавил дека на 30.12.2018 година околу 16.00 часот во неговиот дом на улица „Браќа Чакреви“ во Скопје Љ.Н. и други две непознати машки лица кои извршувале молеро - фарбарски услуги, му побарале 100 евра за капар, по што физички го нападнале и му одзеле телевизор, двд, звучници, пари и два мобилни телефони.Се преземаат мерки за расчистување на случајот. 

Скопје | пред 7 години

7 год.

Обид за силување во Струга

На 31.12.2018 година во 18,20 часот во Полициска станица Струга К.М. (37) од Струга вработена во спортска обложувалница на улица „Пролетрски бригади“ во Струга, пријавиле дека две машки лица се обиделе да ја силуваат.Се преземаат мерки за расчистување на случајот.

Македонија | пред 7 години

7 год.

Нема фотографија

12-годишни деца повредени во сообраќајка, итно пренесени во Клиниката во Штип

На 01.01.2019 година околу 02,00 часот на крстосница од улица "Сремски фронт" и улица "Борис Крајгер" во Штип се случила сообраќајна незгода во која учествувале патничко моторно возило "Ауди" со винички регистарски ознаки, управувано од Д.Ф.(25) од Виница, во кое сопатници биле М.М.(21) од Штип и П.Т.(26) и М.А.(25) двајцата од Виница и патничко моторно возило "Мазда" со струмички регистарски ознаки, управувано од В.С.(38) од Штип, во кое како сопатници биле две лица на возраст од 12 години од Штип.По незгодата со возило на Итна медицинска помош во Клиничка болница Штип се пренесени сопатниците од возилото "Мазда" при што кај една од нив се констатирани тешки телесни повреди. Извршен е увид на местото на настанот.Се работи на расчистување на случајот.

Македонија | пред 7 години

7 год.

Нема фотографија

Пожар во куќа во Оризари, пронајдено мртво едно лице

На 01.01.2019 околу 10.15 часот е пријавено дека настанал пожар во куќа во село Горно Оризари, велешко, сопственост на Р.М.(80). При гаснење на пожарот од страна на Противпожарна екипа Велес пронајден е починат Р.М..Се врши увид.

Македонија | пред 7 години

7 год.

Владина делегација положи свежо цвеќе на гробот на поранешниот претседател Киро Глигоров

Владина делегација што ја предводеше министерот за здравство Венко Филипче, во придружба на министерот задолжен за подобрување на инвестициската клима за домашните компании Зоран Шапуриќ, и заменик министерот за локална самоуправа Дејан Павлески, положи свежо цвеќе на гробот на покојниот поранешен претседател на Република Македонија, Киро Глигоров.Како прв претседател на самостојна и независна Република Македонија, Глигоров имаше клучна улога во процесот на политичкото осамостојување на Македонија и нејзиното меѓународно признавање.Остануваат запаметени, меѓу другото, и неговите ставови за добрососедските односи дека „ние со сите наши соседи сакаме да имаме добри, пријателски односи, да имаме што поотворени граници, и да се свртиме кон оние проблеми кои не обединуваат, кои бараат заемна соработка – економска, политичка, и друга... И да ја оставиме историјата на страна“.

Македонија | пред 7 години

7 год.

(ФОТО) Македонските ѕвезди ја честитаат новата година

Македонските јавни личности на полноќ објавија фотографии со кои ја честитаа Новата 2019 година на своите следбеници на социјалните мрежи.„Среќна Нова година драги пријатели, ве сакам сите“ им порача водителката Лила Филиповска на своите следбеници на Инстаграм.https://www.instagram.com/p/BsEc898lORy/„Драги мои, Ви посакувам ваква среќа на сите како што ми е мене на фотографијава. Среќна Нова и само здравје (и чист воздух) Живели!, напиша Тамара Тодевска.https://www.instagram.com/p/BsEWNrPnagt/?utm_source=ig_embed„Ви посакувам многу здравје, среќа и љубов. Нека 2019 година биде година на триумфи, веселби и прослави. Нека се реализираат сите ваши соништа и соништата на вашите сакани. Среќена Нова година!, напиша Маријана Станојковска на својот Инстаграм профил.https://www.instagram.com/p/BsEBYcWBzEy/?utm_source=ig_embed„Со најсветли чувства ја дочекувам Новата 2019 Година!Во неа посакувам секое бездомно животно да има семејство кое ќе го сака и чува!Сакам сите постари луѓе да имаат одлично здравје и секогаш да имаат покрај себе некој кој се грижи за нив!Сакам сите деца на светов да имаат комплетно семејство исполнето со љубов и слога!И уште Ви посакувам на СИТЕ мнооооогу среќа и мнооооогу љубов!Од желби толку.А моите лични желби зависат само од мене, затоа ќе си посакам само безгранична љубов зошто тоа е причината поради која ние постоиме 🙏🏼Среќна Нова 2019Искрено Ваша Лоб“, напиша Викторија Лоба.https://www.instagram.com/p/BsDnYyCHxH2/?utm_source=ig_embed„Спремни сте за следните нови големи изненадувања во Новата година? Јас сум спремна“, напиша Калиопи.https://www.instagram.com/p/BsEDtj4A9B0/https://www.instagram.com/p/BsA-7Pbl_Nj/

Магазин | пред 7 години

7 год.

78-годишна жена е шеста жртва во железничката несреќа кај Ниш

78-годишна жена е шестата жртва која им подлегнала на повредите по тешката железничка несреќа кај Ниш , во која воз преполови автобус. Таа починала во нишкиот Клинички центар со скршена бутна коска и карлица , како и нагмечени ребра.Шеснаесет годишното девојче пак со иницијали Л.И. се разбудило од кома. Сепак , докторите велат дека здравствената состојба и натаму и е сериозна.Заа потсетувње пред десет дена во близина на Ниш се случи тешка сообраќајна несреќа во која на самото место загинаа четири лица , од кои двајца тинејџери.

Свет | пред 7 години

7 год.

IMG-0837c2447811d2e12c32b1552ec7cd08-V-01

Спасовски: Резултатите што беа постигнати во 2018 година на ГП “Богородица“ годинава ќе бидат подобрени

Чест и задоволство ми е што првиот ден од Новата 2019 година заедно со моите соработници сме овде на Граничниот премин Богородица, меѓу нашите колеги од Полициската станица за граничен надзор Богородица и што имам можност директно да им ја честитам новата година на полициските службеници, рече министерот Оливер Спасовски по денешната посета на полициската станица на граничниот премин Богородица.Граничниот премин Богородица како исклучително фреквентен, ако не и водечки во тој смисол, според обемот на работни обврски заслужува должно внимание и секаква поддршка во насока на што поефикасно и поквалитетно функционирање од аспект на полициското работење.„Искрено верувам дека резултатите што беа постигнати во 2018 година од страна на нашите колеги на ГП “Богородица“ годинава ќе бидат уште подобрени“, рече Спасовски.Министерот Спасовски оцени дека главно состојбата во текот на новогодишната прослава може да се окарактеризира како мирна и стабилна од аспект на безбедноста, така што генерално министерството за внатрешни работи може да биде задоволно од она што е сработено во текот на ноќта, но и претходно во деновите пред празниците, особено во делот на превенцијата.Министерот Спасовски во свое име и во име на раководството на министерството им ја честита новата 2019-година на сите вработени во МВР, но и на сите граѓани со желба и надеж дека годинава пред нас ќе ни биде далеку поуспешна на сите полиња, приватно и професионално.

Македонија | пред 7 години

7 год.

Нема фотографија

Седум лица, од кои три деца го загубија животот во пожар во Русија

Седум лица од кои три се деца, го загубија животот во голем пожар кој зафати една куѓа во рускиот град Орск.Децата кои настрадале имале шест и четири години, а едно од нив било бебе кое имало пет месеци.Пожарникарите примиле повик во 5:57, а веќе во 6:13 пожарот бил локализиран.Причината за пожарот е се уште непозната. 

Свет | пред 7 години

7 год.

Македонец во Австралија гради компелкс во чест на Александар Велики

Во Перт, Австралија нашиот иселеник од Егејска Македонија Тим Тутунџев, на десет хектари, изгради милионски комплекс, наречен “Александар Велики”. Поставил статуа во огромна димензија на Александар Македонски на коњот Букефал и кренал антички столбови за кралската палата, објави Маркукуле.Тутунџев во втората татковина – Австралија – предвидува во проектот да изгради и антички амфитетар и да постави статуа на Филип Втори. Во дел од комплексот има катче со автентична куќа од Егејска Македонија од 19 век во стара архитектура со семејна црква.Тим Тутунџев, родум од грчкиот дел на Преспа, бил дете бегалец од времето на граѓанска војна. Првин заминал во Романија, од каде отишол по “леб” во Перт, Австралија. Таму тој прераснува во познат и успешен бизнисмен, кој е и пратеник во градското собрание на општина Перт. Тутунџев открива како и зошто го градел староантичкиот комлекс во Перт.– Го градев, зашто ми е спомен за нашиот Велики Александар. Кога ќе доаѓаат гости, им ја кажувам македонската историја. Доаѓаат луѓе од цел свет и ги учам токму за древна Македонија, за македонската империја на Александар Македонски.Во училиштата во Австралија не учат македонска историја. Треба да им ја пренесуваме нашата длабока историја, нашите корени кои датираат уште од пред три века пред Христа. И нашите и Австралијанаците треба да бидат запознати со потеклото на големата заедница од над 500 илјади Македонци на петтиот континент – вели тој. Почнал со градби од времето на Александар.Не само Македонци, и туку и други симатизери на македонската култура и историја љубопитно го разгледуваат комплексот, помагајќи им да ја разберат и да го осознаат македонското милениумско минато драго ми е кога доаѓаат и наши од Македонија. Сите треба да се грижиме за нашата татковина -објаснува Тутунџев.Извор: Маркукуле

Свет | пред 7 години

7 год.

На токсикологија завршиле 24 пијани лица и 3 предозирани од дрога

На Клиниката за токсикологија во Клиничкиот центар во Скопје во текот на изминатата ноќ помош им била пружена на вкупно 24 лица кои биле во алкохолизирана состојба. Тројца пациенти биле примени поради предозираност со психотропни супстанци, двајца се пуштени од болница, а една пациентка е задржана на опсервација.Лекарите од ургентниот центар интервенирале кај 60 лица, од кои најголем дел од повредите биле од тепачки, изгореници од пиротехника и исекотини од стакло. 

Македонија | пред 7 години

7 год.

Ни претстои машка година и во Охрид првото бебе - машко

Во Охридската болница утрово во 10 ч. се роди првото машко бебе. Станува збор за здраво бебе тешко 3 600 гр, долго 51 см. И мајката Софи родена 1998 година и бебето се во добра здравствена состојба.

Македонија | пред 7 години

7 год.

7 години од смртта на првиот претседател на Р Македонија - Киро Глигоров

Пред 7 години во својот дом во Скопје, на 95 години, почина првиот претседател на независна Македонија, Киро Глигоров.Глигоров за претседател на Република Македонија беше избран на 27 јануари 1991 година, од страна на Собранието на Република Македонија, а по втор пат на 19 ноември 1994 на претседателски избори. Функцијата претседател на Република Македонија ја вршеше до 19 ноември 1999 година.Во текот на своите два мандати ја промовира политиката на „eквидистанца“ кон сите соседи на земјата: Србија, Црна Гора, Бугарија, Грција и Албанија. За време на неговиот мандат се случиja некои од најважните настани од современата историја на Република Македонија: на референдум на 8 септември 1991 бeше прогласена независноста на земјата, а Македонија беше и единствената од поранешните југословенски републики која се осамостои по мирен пат. На 17 ноември 1991 беше донесен новиот Устав, а на 8 април 1993 година Република Македонија стана 181 членка на Обединетите нации.На 3 октомври 1995 година врз претседателот на Република Македонија Киро Глигоров беше извршен атентат. Глигоров го преживеа атентатот со тешки повреди во пределот на главата. Нападот беше извршен со автомобил-бомба на улицата „Македонија“ во Скопје, кога Глигоров со службено возило се движеше од неговата резиденција на работното место во Собранието на Република Македонија. Досега не се откриени ни нарачателите, ниту, пак, извршителите на атентатот, а истрагата е се уште отворена.Во текот на неговата политичка активност, Киро Глигоров беше одликуван со повеќе ордени.

Македонија | пред 7 години

7 год.

(ФОТО) Како Јанкулоска ја прослави Новата 2019 година?

Поранешната Министерка за внатрешни работи, Гордана Јанкулоска на својот Инстаграм профил објави неколку фотографии од вчерашниот дочек.На фотографиите Јанкулоска е заедно со нејзиниот сопруг Влатко и синот Петар. Под објавата таа им ја честиташе Новата 2019 година на своите следбеници.https://www.instagram.com/p/BsD32TnnKrO/

Магазин | пред 7 години

7 год.

Прво па машко и во Струга

Во 3 часот и 50 минути утрово по природен пат во Струшката болница се роди здраво машко дете. Ова е првото новороденче во Новата 2019 год во струшката општина.-Бебето е тешко 3.060 грама и долго 50 сантиметри. Мајката, која е од Дебар, и бебето се во одлична здравствена состојба, велат од одделението за гинекологија.После првороденчето во Струшката болница утрово се одија уште две машки бебиња.

Македонија | пред 7 години

7 год.

48412370_519411958580585_7868085838062551040_n-1

(ФОТО) Собран 40 кубни метри отпад од центарот на Скопје

Секоја година, на први јануари, по завршувањето на новогодишната прослава екипите на ЈП „Комунална хигиена“ - Скопје го собираат отпадот, го чистат и го метат градскиот плоштад.„И денеска, нашите вработени новогодишната ноќ и првото јануарско утро го дочекаа работно и за време на ноќната и утринската смена собраа и транспортираа речиси 40 кубни метри најразличен отпад од новогодишната населба „Winterland“, градскиот плоштад, улицата Македонија и Старата чаршија“, велат од ЈП „Комунална хигиена“.

Скопје | пред 7 години

7 год.

В.д Градоначалникот на Охрид, Константин во посета на пожарната и наплатувачите на паркинг

В.д. градоначалникот Константин Георгиевски во текот на новогодишната ноќ бил во посета на охридската Пожарна, а ги посетил и вработените на паркинг службата кои биле дежурни во текот на новогодишната ноќ.Георгиевски бил придружуван од општинскиот секретар Игор Бежоски, а фотографии од посетите објави на неговиот Инстаграм профил.„Во ненајавена посета на наплатувачите на паркинг синоќа пред самиот влез во новата година дојде в.д. Градоначалникот Константин Георгиески. Им посака среќна нова година и се најубаво во истата.“ - соопшти ЈП БИЛЈАНИНИ ИЗВОРИ на официјалната Фејсбук страна притоа постирајќи и фотографија на која е Констанин Георгиевски заедно со вработените и директорката на ЈП „Билјанини Извори“ Гордана Јованоска.

Македонија | пред 7 години

7 год.

Таксист одбил да превезе патници, па го натепале

На 31.12.2018 година во 23.30 часот такси возач Д.К.(42) од Битола пријавил дека околу 21.45 часот отишол на улица "Козара" во Битола да земе патници но бидејќи биле поголема група на лица одбил да ги превезува и истите физички го нападнале.Се преземаат мерки за расчистување на случајот.

Македонија | пред 7 години

7 год.

Малолетничка со петарда повредила Скопјанец

На 31.12.2018 година во 17,05 часот М.Т.(39) од Скопје пријавил дека во 15,30 часот на улица "Македонија", од страна на непознато женско малолетно лице нанесена му е телесна повреда со употреба на пиротехничко средство.Се преземаат мерки за расчистување на случајот.

Скопје | пред 7 години

7 год.

Кражба во средното училиште „Кирил Пејчиновиќ“

На 31.12.2018 година во 09,30 часот е пријавена кражба во средно училиште ,,Кирил Пејчиновиќ“ на улица "Ѓорче Петров" во Тетово.Во временски период од 28.12.2018 до 31.12.2018 година од страна на непознат сторител со физичка сила отворен е прозорец од училиштето при што одземени се пет мауси, две тастатури, разновиден алат, пехари, искинати биле некоку дневници, а извршено е оштетување во наставничката канцеларија и неколку училници.Се преземаат мерки за расчистување на случајот.

Македонија | пред 7 години