Најнови вести

7 год.

Обвинителство: Од „Рузвелтова” се подигнати 25 чаури, траги од крв, облека од убиените

По насоки од дежурен јавен обвинител од Основното јавно обвинителство Скопје, екипи на СВР Скопје, крим-техника и на Одделот за крвни деликти при МВР извршија увид на лице место на улица „Рузвелтова" во Скопје каде што доцна синоќа две лица го загубија животот во престрелка, додека едно е тешко повредено.Трите лица се превезувале со возило Сеат алтеа кога врз нив бил отворен оган од возило во движење, кое веднаш го напуштило местото. Возачот на автомобилот Сеат, 44-годишниот Н.А., како и неговиот сопатник 49-годишниот А.П. им подлегнале на повредите во болница, додека 19-годишниот Ф.Е. и натаму е во критична состојба.По наредба на јавен обвинител, телата на двете починати лица се предадени на обдукција на Институтот за судска медицина, криминалистика и медицинска деонтологија. Возилото во кое се превезувале е подигнато за вештачење.На лице место биле подигнати 25 чаури, траги од крв, облека од убиените и од повреденото лице и други докази кои со наредба на јавен обвинител ќе бидат предадени на вештачење.

Скопје | пред 7 години

7 год.

Обвинителство за референдумот: Следиме сè, сликање на гласачи веднаш ќе биде казнето

Комисија за следење евентуални противправности сторени при организирањето и спроведувањето на референдумот ја известува јавноста дека континуирано ги следи сите случувања поврзани со гласањето.Од обвнителството велат дека објавувањето на фотографии на гласачи е противправно дејствие кое го нарушува процесот на гласање и претставува попречување на правото на гласање.„Ја известуваме јавноста дека секое сликање, снимање на гласачи при остварување на нивното право, како и било какво попречување на гласањето и процесот на спроведување на референдумот не се дозволиви согласно на закон. Вакви дејствија преземени во текот на процесот на гласање, ќе бидат предмет на приоритетно постапување на јавното обвинителство. Комисијата продолжува перманентно да го следи процесот на гласање, за што се воспоставени и дополнителни дежурства во јавните обвинителства. За евентуално извршени кривични дела и поведени постапка против сторителите јавноста ќе биде информирана, пишува во соопштението на ЈОРМ.

Македонија | пред 7 години

7 год.

42809523_2272965692730932_512548151425499136_n

ФОТО: Член на раководството на ВМРО-ДПМНЕ денес прави ајвар

Реформаторот на ВМРО-ДПМНЕ, Петар Богојевски на социјалните мрежи се пофали дека ајварот за престојната сезона го направил ден пред референдумот. “Имаме уште една обврска”, напиша Богојевски кој алудираше на гласање на референдумот.Богојески е дел од Извешниот комитет на ВМРО-ДПМНЕ и еден од ретките кои излегоа јавно да кажат дека ќе излезат да гласаат, но и да ги повикаст останатите да го остварат правото на глас

Скопје | пред 7 години

7 год.

42876531_442113486193109_7846041849696354304_n

ФОТО: Скопјанец бара жена преку оглас

На социјалните мрежи во група “Купи-продај” е објавен оглас каде маж бара жена.Според фотографијата испратена до “Скопје 1”, жената тееба да е на возраст од 25-35 години, а огласот е објавен вчера.За кандидатките, бил оставен и контакт телефон, но не знаеме дали некоја досега пројавила интерес за сериозна врска.

Скопје | пред 7 години

7 год.

И го напднале кучето на Ирена Ристиќ, а таа се закани: Следниот пат ќе постапам поинаку и ќе одговарам

Aктерката и граѓански активист Ирена Ристиќ на социјалната мрежа “Фејсбук” се пожали дека втор пат, куче од расата “белгиски овчар” го нападнала нејзиното куче. Таа вели дека сопственикот избегал со точак, додека таа вика по него.“Вторпат се случува истиот белгиски овчар да го нападне Алтан. Неговиот сопственик е смеѓ дечко, на точак. Кучето првиот пат од ведро небо се појави и рипна врз Алтан. Денес му скокна од зад грб. Скапаницата човечка кидна со точакот и првиот пат и сега. Викав по него да застане додека ги одвојував кучињата. А како всушност стојат работите?! Затоа што Алтан е на поводник, а воедно е и нападнат, мочкото бегајќи, ме нарече "луда". Логично, нели?Нема служба каде ова може да се пријави и шерифов никогаш нема да одговара. Третиот пат поинаку ќе постапам и нормално јас ќе одговарам и имено, таму е целиот заеб у овој скапан систем” пишува Ристиќ.

Скопје | пред 7 години

7 год.

42702419_475660746279667_5960290008316248064_n

Јанкулоска пред референдумот: Нема да има цензус

Ексминистерката за внатрешни работи, Гордана Јанкулоска викендот го користи за прошетка низ Охрид, каде е заедно со нејзниот сопруг и бебето.Таа се шетала по кејот, а потоа кафето го пиела далеку од градскиот метеж, во кафич на другиот крај од Охрид.Ексминистерката запрашана за референдумот, за „Скопје 1” рече дека не верува дека ќе се обезбеди цензус, имајќи во предвид какви биле резултатите од изборите изминатите години. Запрашана дали ќе излезе да гласа, таа вели “Не е важно тоа воопшто”.

Македонија | пред 7 години

7 год.

Нема фотографија

ВМРО-ДПМНЕ: Претседателот на Советот на општина Неготино преку ТЕЦ Неготино доделил 3 тендери од половина милион денари на неговата мајка

СДСМ не запира со криминалите, тендерите помеѓу ќерка и татко, сега се прошируваат и со тендер шеми син и мајка, обвинуваат од ВМРО-ДПМНЕ. Во соопштението на партијата се посочува дека претседателот на Совет на општина Неготино, Диме Витанов, кој истовремено е вработен во ТЕЦ Неготино, преку истата доделува 3 тендери во висина од половина милион денари на неговата мајка, Сијка Витанова, за набавка на кафе и чај.„Владата во изминатава година и половина не покажа ништо друго освен криминал. 35 милионски тендер во здравство, 10 милиони од Фондот за иновации, 200 илјади од ЈСП, и многу други завршија кај ново формирани фирми, без никакво искуство во областа во која се формирани. Криминалната логика на СДСМ се одрази и на доделувањето на лиценци за испитни центри за спроведување на возачки испити, кои ги добија фирми формирани неколку дена пред да бидат распишани огласите“, се наведува во соопштението на ВМРО-ДПМНЕ.Од партијата додаваат дека реалниот бизнис тоне, бизнисмените се потиснати од власта и нивите локални моќници, додека луѓе блиски до власта нижат милионски тендери, се наведува во соопштението.

Македонија | пред 7 години

7 год.

Нема фотографија

Следува промена на времето во Македонија

Времето во Македонија ќе биде умерено облачно, во западните и југозападните делови претпладне со услови за локален дожд. Ќе дува умерен до засилен северен ветер, особено попладне.Утринската температура ќе се движи од 2 до 11 степени, а дневната температура од 22 до 27 степени. УВ-индексот ќе изнесува пет.Во Скопје ќе биде умерено облачно со умерен до засилен северен ветер. Температурата ќе се движи од 6 до 24 степени.Подрачјето на Македонија ќе се наоѓа на периферија од циклонската активност од Медитеранот, времето во наредните денови ќе биде променливо облачно со сончеви периоди, локално ќе има услови за слаб и краткотраен дожд. Температурата на воздухот ќе има благ пораст.

Македонија | пред 7 години

7 год.

Нема фотографија

Истепан малолетник во автобус

Во автобусот со број 65, кој се движи на релација од железничката станица до село Стајковци, е истепано 13-годишно дете од страна на две лица. Тие физички го нападнале 13-годишното дете затоа што случајно се удрило во нив кога автобусот закочил.Д.И.(44) од Скопје, вчера, околу 22 часот, пријавил во полиција дека истиот ден околу 19 часот во автобус на ЈСП со број 65 на булеварот Никола Карев две непознати лица физички го нападнале неговиот 13-годишен син, велат од МВРПолицијата презема мерки за целосно расчистување на случајот.

Скопје | пред 7 години

7 год.

Нема фотографија

Кучиња искасале две лица во Скопје

Според МВР, В.И. (56) од Скопје пријавил дека завчера околу 20 часот на булеварот Партизански одреди неговата малолетна ќерка била касната од куче скитник во пределот на левата натколеница.Истиот ден добиена е пријава од М.К. (76) поради напад од куче на улица Шекспирова.

Скопје | пред 7 години

7 год.

26678038_1380885685374311_514039736987194694_o

Туфегџиќ: Не се плашете од фотографиите кои го обожаваат зборот „предавник“

Пратеничката на политичката партија СДСМ, Ивана Туфегџиќ на својот „Фејсбук“ профил ги охрабри граѓаните да не се плашат и да излезат на гласање.„Воопшто не се плашете од овие фотографии кои го обожаваат зборот "предавник". Слободно и гордо остварете го правото на глас, бидејќи тоа се истите луѓе кои потоа по судници и полициски станици викаат дека носеле вода, не биле од тука, не знаеле зошто се таму и така натаму. Тоа што го прават е казниво и за тоа ќе се сноси одговорност. Во меѓувреме пријавувајте било какво попречување на избирачкото право во МВР на 192, а за фотографии на социјални мрежи на мејлот: cybercrime@moi.gov.mk“, напиша таа.

Македонија | пред 7 години

7 год.

Ахмети: ВМРО ДПМНЕ никогаш не барале амнестија

Спротиставени изјави во таборот на владејачката коалиција. Додека Оливер Спасовски ја обвинува ВМРО-ДПМНЕ дека се пазареле за амнестија, Ахмети го демантира.Министерот за внатрешни работи Оливер Спасовски на своите јавни настапи во референдумската кампања неколку пати јавни обвини дека ВМРО-ДПМНЕ, во ниту еден момент не мислеле за Договорот од Преспа, туку ги интересирало само амнестија.„Имаше една работа која беше најважна за Мицкоски и ДПМНЕ. А тоа беше да се погодат со СДСМ, со Заев и Владата да имало амнестија за Груевски и неговата компанија. Ако некој смета дека треба да уценува со излезност на референдум за да се пазариме за амнестија на криминалци, нема амнестија за никој", изјави пред неколку дена Оливер Спасовски, министер за внатрешни работи.Но лидерот на ДУИ и коалициски партнер на СДСМ, Али Ахмети во синоќешното гостување на телевизија 24 Вести изјави дека никој од ВМРО-ДПМНЕ вклучително ни Никола Груевски ниту пак Христијан Мицкоски во ниту еден момент не побарале амнестија.Но лидерот на ДУИ и коалициски партнер на СДСМ, Али Ахмети во синоќешното гостување на телевизија 24 Вести изјави дека никој од ВМРО-ДПМНЕ вклучително ни Никола Груевски ниту пак Христијан Мицкоски во ниту еден момент не побарале амнестија.-Не, значи не бараше Никола Груевски, ниту Христијан Мицкоски од мене ниту амнестија ниту некоја друга олеснителна околност. Христијан Мицкоски бараше да не се употребуваат двојните стандарди преку изборниот процес. И Никола Груевски истото ми го има речено дека треба да се воспостави по правото, доколку се прекршени законите тие ќе одговараат пред правдата. Не сакаат реваншизам ниту да се употребуваат двојни стандарди во оваа држава, изјави лидерот на ДУИ Али Ахмети во вчерашното гостување на 24 Вести.

Македонија | пред 7 години

7 год.

42649426_10155945863126158_8643256086993829888_n

Маја Иванова беше кај сопругата на Трамп

Во рамки на приемот на шефовите на делегациите учесници на 73. ГС на ОН, Трамп и неговата сопруга Меланија Трамп, покрај средбите со други гости, се сретнаа и со Маја Иванова.Иванова, како што информира Кабинетот на Претседателот на РМ, присуствувала и на настан на високо ниво што го приредила првата дама на Република Турција, Емине Ердоган, посветен на зајакнување на положбата на жената во Африка. На состанокот било порачано дека грижата за жените во Африка е хумана должност. 

Свет | пред 7 години

7 год.

Република: Затворено гласачкото место во Мелбурн – излезност од 6 отсто

Изјаснувањето на референдумот почна и заврши во Мелбурн, Австралија, јавува Република. Од 104 пријавени избирачи своето право го искористиле 7 гласачи односно излезноста изнесувала 6,74 %.Извор: Република

Свет | пред 7 години

7 год.

31901170_962297913945818_3334168813938671616_n

Министерот Адеми преку социјалните мрежи го осуди снимањето на гласачите пред конзулатот во Мелбурн

По објавеното видео на социјалните мрежи, министерот за дијаспора Едмонд Адеми, реагираше преку својот „Фејсбук“ профил.„Чинот на снимање на гласачите пред конзулатот во Мелбурн од страна на неколку индивидуалци е спротивно на сите закони и вредности на демократијата. Им честитам на тие граѓани кои водејќи се од националните и стратешките интереси на државата денес се одважија и го искористија своето загарантирано право на глас. Нивниот глас ќе се вреже во темелите на европска Македонија, како и гласот на сите други кои денес ќе гласаат“, напиша Адеми во објавата.Исто така тој додаде и дека институциите на Република Македонија, се во контакт со Австралиските власти, а случајот бил пријавен, снимачите биле идентификувани и истите ќе ги сносат сите законски последници согласно Австралиското законодавство. Адеми ги охрабри сите кои денес ќе гласаат во дипломатско-конзуларните претставништва без никаков страв да го искористат своето граѓанско право на глас.

Свет | пред 7 години

7 год.

МВР и денес и утре ќе издава лични карти

Министерството за внатрешни работи ги известува граѓаните дека сите одделенија за управни работи ќе работат денеска и утре (29-ти и 30 септември 2018).Сите барања за издавање лична карта (оштетена, изгубена или украдена), по законски спроведена постапка, ќе се одобруваат итно во сите регионални одделенија за управни работи при Министерството за внатрешни работи, само доколку подносителот не поседува биометриска патна исправа.– Барањата за лични карти ќе се примаат и одобруваат итно заклучно со сабота (29 септември) до 16.30 часот. Веднаш по примањето на апликациите за лични карти, Одделот за информатика ќе ги изработува и ќе ги доставува до надлежниот сектор за навремена дистрибуција до одделенијата за управни работи. На денот на референдумот( недела, 30 септември) одделенијата за управни работи ќе работат само за издавање лични карти во периодот од 7 до 19 часот, соопшти МВР.

Македонија | пред 7 години

7 год.

Нема фотографија

(ФОТО) Ова се македонските иселеници во Австралија кои противзаконски ги снимаат и малтретираат гласачите на референдумот

Овие луѓе, македонски иселеници во Австралија и најверојатно автстралиски државјани, од изутрина стојат пред зградата каде е гласачкото место за референдумот во Мелбурн и ги малтретираат и жигосуваат тие што дошле да гласаат.Откако ќе ги снимаат, потоа ги нарекуваат предавници, шиканираат и малтретираат, а сето тоа со снимките и фотографии и имиња на гласачите, го објавуваат на Фб страница, специјално направена за тоа.Еве како ги пресретнуваат македонските иселеници кои дошле да го остварат своето гласачко право:https://www.facebook.com/predavnicii/videos/254538748584818/Групата која го врши снимањето, најверојатно во име на Светски македонски конгрес, сама си направила фотографија и ја постирале на своите ФБ профили.Извор: Ако.мк

Свет | пред 7 години

7 год.

42686408_237159766953508_3423442157317390336_n

Двајца мртви во вооружена пресметка кај СЈО

Минатата ноќ во 00:45 часот во близина на СЈО се случи вооружена престрелка на скопската улица „Рузвелтова“. Убиено е едно лице, двајца се повредени. Од едно возило во движење биле истрелани рафали кон сивото возило во кое бил загинатиот, кој почина на самото место.Улицата „Рузвелтова“ беше затворена за сообраќај од „Партизанска“ до „Орце Николов“.Засилено полициско обезбедување има и пред и во Ургентниот центар, на Клиники „Мајка Тереза“. Таму се пренесени тројцата повредени, од кој еден е во тешка состојба и во текот на ноќта врз него е извршен оперативен зафат.Полицијата официјално нема лиферувано информација за овој настан.

Скопје | пред 7 години

7 год.

Нема фотографија

ВИДЕО: Закани и притисоци кон гласачите на референдумот во Австралија

Утрово се отворија гласачките места во дијаспората, каде дел од гласачите пријавуваат дека се соочуваат со закани и притисоци при гласањето.На гласачкото место во Мелбурн неколку лица снимаа постар човек кој излегол да гласа. Откако тој им објасни зошто се одлучил да го исполни своето демократско право, тие со пцости и погрдни зборови викаа по него.Со Уставот се гарантира правото на тајност на гласачите, а прекршувањето на ова право на граѓаните е кривично дело. Без разлика дали некој ќе гласа ,,За”, ,,Против” или ќе го бојкотира (игнорира) гласањето.

Свет | пред 7 години

7 год.

Нема фотографија

Лондонски фитнес тренинзи во духот на Брегзит

Лондончани на кои им здодеало од преговори, разговори и дебати за Брегзит, но и од самата идеја за напуштање на Европската Унија, можат да го истераат гневот во гимнастичка сала, преку посебни фитнес вежби.Тренингот е составен од 30 вежби, кои ги носат имињата на главните актери во процесот Брегзит, на пример удирање во боксерска вреќа со слики на Борис Џонсон, поранешен британски министер за надворешни работи, или со ликот на претседателот на Европската комисија Жан-Клод Јункер, премиерката Тереза Меј, нејзиниот претходник Дејвид Камерон, кој го иницираше референдумот за Брегзит пред две години, или пак, на опозицискиот лидер Џереми Корбин.Брегзит тренингот е идеја на фитнес комплексот Џимбокс, каде е направена анкета меѓу своите членови, околу тоа што најмногу ги мачи, а меѓу одговорите, најчест бил – „Брегзит“.

Магазин | пред 7 години