Нов раст на цените на нафтата по заканата за продолжување на нападите врз Иран

Цените на нафтата на светските берзи денеска забележаа нов раст, достигнувајќи речиси 97 долари за барел на лондонскиот пазар, по изјавата на американскиот претседател Доналд Трамп дека САД се подготвени повторно да го нападнат Иран доколку тоа биде потребно.

— реклама —

— реклама —

На берзата во Лондон, цената на барелот достигна 97,05 долари, што е зголемување за 2,43 долари во споредба со вчера. На американските берзи, нафтата поскапе за 2,25 долари и се тргуваше по 90,37 долари за барел.

— реклама —

— реклама —

Вчера цените се намалија поради шпекулациите дека Трамп би можел да стави крај на војната во Иран. Сепак, денешното поскапување следува по неговата изјава за „Фајненшл тајмс“, во која рече дека САД се подготвени повторно да го нападнат Иран „ако мораат“, иако додаде дека можеби нема да има потреба од тоа.