На минатото рочиште адвокатот на поранешниот градоначалник на Кочани, Љупчо Папазов побара укинување на притворот на својот клиент и определување мерки на претпазливост.
Јавното обвинителство денеска се изјасни против барањето на поранешниот градоначалник на Кочани, Љупчо Папазов, да му се замени мерката куќен притвор со мерки за претпазливост.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10,"url":"https://www.loto.mk"},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10,"url":"https://www.loto.mk"}])
„Јавното обвинителство во оваа фаза од постапката смета дека нема околности поради кои може да се укине мерката куќен притвор и да се замени со мерки за претпазливост. Затоа барањето треба да се одбие“, рече обвинителот Борче Јанев.
Судијката Груевска-Илиевска соопшти дека Судот ќе се произнесе за барањето на наредното рочиште.
Инаку, Папазов денеска беше спроведен во судницата во Идризово со полициска придружба. Тој беше градоначалникот за време на трагедијата во дискотеката „Пулс“, во која животот го загубија 63 лица, а повеќе од 200 беа повредени.
