бугарија

Министерството за надворешни работи со осуда: Ваквата недолична изјава на Костадинов, очекуваме од официјална Софија да биде отфрлена како непримерна

Министерството за надворешни работи и надворешна трговија на Република Северна Македонија силно ја осудува објавата на лидерот на бугарска политичка партија Преродба, Костадин Костадинов, и актуелен пратеник во Народното собрание на Бугарија, на социјалната мрежа Facebook, со која изразува јасни територијални претензии кон нашата држава.„Таквите злонамерни изјави на официјални личности од бугарската политичка сцена се директен напад на суверенитетот, интегритетот и независноста на нашата држава, и истовремено се во директна спротивност со правилата и принципите на меѓународното право, немешањето на државите во нивните внатрешни работи и политиката на градење на добри меѓусоседски односи.Ваквата недолична изјава на Костадинов, очекуваме од официјална Софија да биде отфрлена како непримерна на духот и времето во кое живееме, европските стандарди кои силно ги почитуваме и спротивно на нашите залагања за обезбедување на траен мир, безбедност и просперитет во Европа и пошироко“, се наведува во соопштението на Министерството за надворешни работи.

Македонија | пред 11 месец

Филипче ги осуди иредентистичките изјави на Костадинов, очекува реакција од официјална Софија и ЕУ

Лидерот на СДСМ, Венко Филипче, ги осуди, како што вели, иредентистичките изјави на претседателот на крајнодесничарската бугарска партија Преродба, Костадин Костадинов и побара реакција од Софија и осуда од страна на Европската унија.„Најостро ги осудувам иредентистичките изјави на лидерот на крајнодесничарската бугарска партија Преродба, Костадин Костадинов, со кои тој го поткопува суверенитетот и достоинството на Република Северна Македонија и негира посебниот македонски етнички идентитет. Негирањето на посебноста на македонскиот јазик, идентитет и историја претставува директно кршење на принципите на меѓународното право и основните вредности на Европската унија“, наведува Филипче.Тој ја повика и очекува официјална Софија јасно и недвосмислено да се огради од изјавите на Костадинов, кои се во спротивност со европските вредности и принципите на добрососедство. Ја повика Европската унија јасно да го осуди ваквиот однос, кој ги поткопува универзалните човекови права и европските вредности, и да покаже дека ваквите изјави немаат место во ЕУ, потенцира претседателот Филипче.Претседателот на СДСМ очекува македонската влада итно да соопшти конкретни мерки за спречување на ваквите иредентистички изјави и активности и да преземе активности за заштита на македонското национално достоинство и интереси.„Секој обид за негирање на македонската посебност е неприфатлив и директно спротивен на европските вредности за почитување на различностите“, потенцира Филипче.

Македонија | пред 11 месец

Костадинов: Нема ништо пологично од припојување на Македонија кон Бугарија

Лидерот на крајнодесничарската бугарска партија Преродба, Костадин Костадинов, во објава Фејсбук се заложи дека нема ништо пологично од припојување на Македонија кон Бугарија.„Нема ништо пологично од тоа две земји со заедничка историја, заедничко потекло, заеднички јазик и народ, како Бугарија и Македонија, да се обединат и да станат една држава“, напиша Костадинов.За ваквиот став тој е инспириран од последната изјава на новоизбраниот американски претседател Доналд Трамп за припојување на Канада кон САД, трансформирајќи ја во 51 сојузна американска држава.Костадинов не застанува тука. Тој смета дека Бугарија мора да ги потврди своите претензии и кон јужните делови на регионот Бесарабија – историска област во Источна Европа, чии две третини се наоѓаат во рамки на денешна Молдавија и мал дел на украинска територија.

Македонија | пред 11 месец

Грчки европратеник: Македонскиот јазик е 90 отсто бугарски

Грчкиот европратеник од редовите на партијата Нова демократија, Емануил Кефалојанис, на седница на Европскиот парламент рече дека македонскиот јазик е 90 проценти бугарски. Според него, нема потреба претставниците на Македонија да ставаат слушалки за превод кога некој зборува на бугарски.„Гледам дека кога зборуваат моите бугарски колеги, вие не ставате слушалки. Ајде да направиме експеримент. Зборувајте на вашиот јазик, за нас европратениците, да видиме дали нашите бугарски колеги ќе стават слушалки за да го слушнат преводот на тоа што имате да го кажете. Затоа што дури и многу официјални претставници на вашата земја и министри прифатија дека вашиот јазик е 90% сличен на бугарскиот. Новата влада што се појави по неодамнешните избори во вашата земја продолжува да го користи терминот „Македонија“ и „македонски“, прекршувајќи го најважниот услов во Договорот со Грција: ерга омнес“, рече Кефалојанис.

Македонија | пред 1 година

(Видео) Претставата на Џон Малкович ги налути националистите во Бугарија: „Ова е срамота и мора да се забрани“

Претставата во режија на американскиот актер Џон Малкович ги налути националистите во Бугарија кои ја сметаат за навреда за земјата, тврдење кое холивудската ѕвезда го отфрла.Минатонеделната премиера на драмата „Оружје и човек“ на ирскиот драматург Џорџ Бернард Шо, за Српско-бугарската војна од 1885 година, предизвика насилни протести на националистичките групи.Држејќи транспаренти на кои пишуваше „Малкович, оди дома“, демонстрантите во четвртокот го блокираа пристапот до Националниот театар „Иван Вазов“ во Софија, пред да се обидат да упаднат во зградата, обвинувајќи го 70-годишниот режисер дека ја исмева историјата на земјата и нејзините граѓани.„Оваа претстава е срамота и мора да се забрани. Ги исмева нашите предци кои загинаа за Бугарија“, извика 21-годишната студентка Јоана Илијева, која беше во разгневената толпа. По премиерата на претставата во речиси празна сала, Малкович изјави дека е воодушевен од тоа како била примена неговата продукција.„Тоа е доста необична реакција, но чудно е време во светот – се повеќе луѓе сакаат да цензурираат работи со кои не се согласуваат“, рече тој на прес-конференција заедно со неколку актери на сцената.Веејќи бугарски знамиња, толпа гневни демонстранти вербално и физички ги нападнаа директорот на театарот и поранешниот министер за култура. Обвинителството отвори истрага за конфликтите.

Свет | пред 1 година

Додека му се суди, претседателот на бугарскиот клуб во Битола отиде на „баци рака“ во Софија кај Радев

Бугарскиот претседател Румен Радев во Софија оствари средба со Љупчо Георгиевски, претседател на згаснатиот бугарски клуб „Иван Михаилов“ од Битола.Според соопштението од кабинетот на Радев, Георгиевски изразил надеж дека бугарската заедница во Македонија наскоро ќе биде вклучена во уставот на земјата, што ќе создаде уставни гаранции за заштита на нивните права, ќе го отвори патот за почеток на преговори за членство во Европската Унија и ќе ја стимулира културната и образовната размена меѓу двете земји.Радев истакнал дека очекува Македонија „во најкраток можен рок да ги вклучи Бугарите во својот устав и да продолжи со имплементацијата на билатералниот Договор за пријателство, добрососедство и соработка, кој е дел од преговарачката рамка“. Според него, овој чекор е важен за развојот на полноправната соработка меѓу Бугарија и Северна Македонија, како и за стабилноста и просперитетот на целиот регион.Пред два дена, во Битола продолжи судењето на Љупчо Георгиевски. Клубот „Ванчо Михајлов“ беше избришан од Централниот регистар, но членовите на клубот формираа нова организација под името „Една роза“, која ги задржа просториите на улица „Рузвелтова“ во Битола, во некогашното еврејско маало. Адвокатот на Георгиевски, Насер Рауфи, го одолговлекува судењето, а следното рочиште е закажано за 28 јануари наредната година.На Георгиевски му се суди за две дела предизвикување национална и расна омраза и нетрпеливост, како и ширење расизам и ксенофобија преку компјутерски систем.

Свет | пред 1 година

Партијата на Бојко Борисов победи на изборите во Бугарија

Според прелиминарните резултати од вонредните парламентарни избори во Бугарија, централнодесничарската партија ГЕРБ освоила 26,08 отсто од гласовите, соопшти Државната изборна комисија.Бугарската Државна изборна комисија соопшти дека, според прелиминарните резултати, партијата ГЕРБ освоила најмногу гласови на вчерашните избори – 26,08 отсто, додека на второ место е реформската партија Продолжуваме со промените со 14,76 отсто од гласовите, пренесе Ројтерс.Третото место го зазеде ултранационалистичката партија „Вазраждане“ со 13,8 отсто.Лидерот на ГЕРБ, Бојко Борисов, по објавувањето на излезните анкети, на синоќешната прес-конференција во седиштето на партијата рече дека победата на ГЕРБ-СДС е дефинитивна и дека се залага за формирање влада.Тој нагласи дека програмата на неговата коалиција е основа за секоја идна влада.

Свет | пред 1 година

Избори во Бугарија: Продолжениот политички хаос може да се претвори во растечко разочарување

Бугарите одат на нивните седми предвремени парламентарни избори во последните четири години, при што политичките партии не можат да формираат стабилни коалиции, а гласачите стануваат сè поапатични за исходот.Бугарија, ја сметаат за најсиромашната членка на Европската унија и една од најкорумпирани држави, која се бори да ги одржи владите во живот откако антикорупциските протести во 2020 година помогнаа да се собори коалицијата предводена од централно-десничарската партија ГЕРБ.Анкетите покажуваат дека политичкиот ќорсокак што ги забави економските реформи веројатно нема да се пробие и дека, уште еднаш, ниту една партија нема да освои парламентарно мнозинство, отворајќи го патот за нова рунда тешки и долготрајни коалициски преговори.Гласачките места се затвораат во 20 часот, а излезните анкети треба да бидат објавени веднаш по затворањето на гласачките места. Првите делумни резултати се очекуваат околу полноќ.Анкетата на Gallup International Balkans, објавена од Бугарското национално радио во петокот, покажа дека ГЕРБ е во водство со 26,1 отсто од гласовите, а по неа две партии во тесна трка за второто место.Реформистичката ПП (Продолжуваме со промените) и ултранационалистичката, проруска партија Преродба имаат 16,2 отсто, односно 14,9 отсто поддршка.Истата анкета покажа дека излезноста на гласачите ќе биде 31,1 отсто.На Бугарија ѝ треба период на стабилна и добро функционална влада за да го забрза протокот на средства од ЕУ во нејзината болна инфраструктура и да ја турне кон прифаќање на еврото.Плановите за приклучување кон еврозоната веќе двапати беа одложени поради неисполнетите цели за контрола на инфлацијата. Пристапувањето во моментов е закажано за 25 јануари 2025 година.„Фагментираниот парламент и долгогодишните политички ривалства ќе го комплицираат формирањето на функционална и стабилна влада“, се вели во анализата во четвртокот на консултантската компанија за политички ризици Тенео.„Продолжениот политички хаос може да се претвори во растечко разочарување на гласачите од главните политички партии во корист на популистичките, националистичките и проруските партии“, се вели во извештајот.Гласањето во неделата беше поттикнато од неуспехот на бугарските политички партии да се договорат за формирање коалициска влада по изборите на 9 јуни.

Свет | пред 1 година

Во Бугарија се бие жестока битка: политичарите ги убедуваат Бугарите да излезат да гласаат, како знаат и умеат

Политичарите во Бугарија излегоа да го остварат своето право на глас на денешниот изборен ден. Повеќето викаат дека гласале за стабилна и безбедна Бугарија. Сите се на мислење дека треба да има стабилна влада и дека на луѓето им е доста од толку често гласање на предвремени избори, пренесе БГНЕС.Главчев: Гласав за редовна, стабилна владаЈас гласав за ова: на Бугарија и треба стабилна и редовна влада која ги почитува Уставот и законите на земјата и во своите постапки се води од интересите на народот. Ова го изјави вршителот на должноста премиер Димитар Главчев.Се надевам дека ќе има редовна влада, им порача на сите, а особено на гласачите, додаде премиерот.Јас повеќепати изјавив дека додека е потребно нашата влада ќе стои, во оваа смисла се надевам дека ќе има редовна влада и за тоа гласав - за редовна, стабилна влада која ги решава проблемите на луѓето, заклучи Главчев.Назарјан: Гласав за одговорната политичка формација, се надевам на поголема излезност на гласачитеДенеска најважно е Бугарите да бидат активни и да гласаат. Овој пат мора да се формира редовна влада.Ова го изјави претседателот на Парламентот, Раја Назарјан, откако го оствари своето право на глас.„Гласав за одговорната политичка формација која докажа дека може да формира редовни и успешни влади со целосен менаџерски мандат. На Бугарија и треба безбедност, стабилност и правда повеќе од кога било. Вакви резултати се постигнуваат само со редовна и успешна влада која може да исполнни ги очекувањата на граѓаните за просперитет, развој, како и предизвиците со кои се соочува нашата земја и светот секој ден“, рече Назарјан.Таа нагласи дека денеска е најважно Бугарите да бидат активни и да гласаат.„Нивниот глас ќе ја одреди иднината на нашата земја, се надевам на поголема излезност на гласачите, бидејќи тоа ќе го зголеми легитимитетот на Националното собрание и ќе биде показател за враќање на довербата во политичките процеси воопшто“.На прашањето кој би можел да биде соодветен коалициски партнер, Назарјан одговори: „Прво треба да ги видиме резултатите. Повеќе пати сме кажале кој е соодветен, докажавме дека можеме, работевме со нив и постигнавме резултати. анализа, формулација на формула и многу размислување затоа што овој пат треба да се формира редовна влада“.Јотова: Се надевам дека по изборите ќе имаме силна владаГласањето го намалува товарот на купување гласови. Затоа, мислам дека денеска треба многу добро да размислиме, и секој бугарски граѓанин да оди да гласа. Се надевам и дека по изборите ќе имаме силна политичка влада - дали ќе се состои од неколку коалиции, за тоа ќе одлучуваат партиите што ќе влезат во парламентот.Ова го изјави потпретседателката Илијана Јотова, која гласаше во софиското средно стручно училиште за електроника „Џон Атанасов“.Да го видиме резултатот од изборите, кој ќе биде втора, трета политичка сила, верувам дека има можност за преговори и јасно дефинирана програма, а пред се силни луѓе - лидери. Кога едно општество треба да излезе од криза, му требаат силни лидери, а не луѓе кои допрва треба да ги знаеме кои се и што се, рече Јотова.Се надевам дека политичкиот разговор во двете насоки беше повеќе порака до нивните избирачи отколку сериозно да се зборува за тоа како ќе изгледа владата. Затоа што еден политички лидер сигурно се обидел на овој начин да ги мобилизира своите гласачи. А што се однесува до таа формула на „еднакво растојание“ - на крајот на краиштата, никој до сега не ни кажа како точно изгледа таа формула, и второ - мислам дека е подеднакво оддалечена или блиску - тоа е повеќе варијанта каде што политичарите ќе сакаат да ги измамат граѓаните како зошто не сакаат да влезат во вистинска коалиција и да владеат, додаде потпретседателот.Борисов гласаше и упати апел: И пазете се од Гунди во последните секундиЗа време на оваа кампања посетив многу регионални градови и села. Луѓето сакаат влада, безбедност и стабилност. Не покажавме само што направивме, не кажавме само што ќе правиме, туку како ќе го направиме тоа.Ова го изјави лидерот на ГЕРБ, Бојко Борисов.Во овој момент нека излезе народот да гласа, сончево е, тревата е зелена, одлично е да се игра. Пазете се од Гунди во последните секунди, изјави Борисов. При напуштањето на делот, приврзаниците му подарија маица на ПФЦ „Левски“.Петков: Гласав да продолжи политиката на зголемување на приходитеГласав за продолжување на политиката на зголемување на приходите и пензиите, за млади семејства кои имаат шанса да ги одгледуваат своите деца во Бугарија, за млади кои сакаат да останат во Бугарија да студираат; за здравствена заштита без партиципација; и се надевам со влада по формулата што ја предложивме.Ова го рече копретседателот на ПП Кирил Петков.Ова е единствената работна формула во овој момент, бидејќи со оваа висока недоверба меѓу партиите, ова е одлуката Бугарија да оди напред, но без да прави компромиси со антикорупциската политика, додаде Петков.Има неколку луѓе со кои не би биле во иста администрација, нема да ги споменувам. Но, во едно сум сигурен - дека Бугарија мора да оди напред, а дали ќе оди напред зависи од сите Бугари, додаде Петков.Костадин Костадинов: Ако бугарскиот народ денеска не излезе да гласа, ја убива својата иднинаИмаме исклучително низок одѕив на гласачите. Ако денес бугарскиот народ не излезе да гласа, ја убива својата иднина, своите деца, ја убива Бугарија. Ова го изјави лидерот на Вазраждане Костадин Костадинов.Вечерва може да се види пропадната држава, во која со 50.000-60.000 купени гласови можете да влезете во парламентот. Луѓето не се разочарани, туку очајни, луѓето не веруваат дека ќе има промени, рече Костадинов.Доган: Гласам за слободата и безбедноста на граѓанитеСакам да гласам за слободата и безбедноста на сите бугарски граѓани за подобра и поуспешна Бугарија, изјави пред гласањето почесниот претседател на ДПС Ахмед Доган.Вечерва после 20 часот ќе размислуваме каков кабинет може да се формира, истакна и Доган. По искористувањето на своето избирачко право, претседателот на АПС изјави: Денес се работи за Бугарија, не за ДПС, прашањето е многу сериозно за иднината на Бугарија. Народен глас - Божји глас, се осврна Доган на изреката.Дељан Пеевски: Гласав за подобра Бугарија, со нов почеток за народотГласав за подобра Бугарија со нов почеток за сите. Со грижа за луѓето и наоѓање договори, заради надежите на луѓето, рече тојАтанас Атанасов: Има шанса за владаИма шанси да се формира влада, изјави копретседателот на ПП-ДБ, ген. Атанас Атанасо.Денеска се решава судбината на бугарското владеење, рече Атанасов, откако го ослободи гласачкото ливче од машината и ги повика гласачите денеска да излезат и да гласаат.Традиционално гласам за силна Бугарија во обединета Европа, рече тој.Денков: Размислете кој може, а не кој зборува за формирање владаМногумина мислат дека со тоа што не гласаат ги казнуваат политичарите. Всушност, обратно е - со тоа што не гласаат луѓето им даваат бесплатен бонус на оние што купуваат гласови, т.е. тие што им го крадат гласот.Ова го изјави Николај Денков по остварувањето на своето избирачко право.Денков нагласи дека нема смисла да се разговара за прашањата за тоа дали ќе има влада пред да излезат резултатите, бидејќи „ќе само нагаѓаме“.„Досега во тешки услови само една партија и коалиција успеа да формира влада на последните избори, па кога гласате размислете кој може, а не кој зборува за формирање влада“, рече тој и прецизираше дека не беа одржани прелиминарни разговори.Зафиров: Гласав да се врати државата на народотГласав државата да се врати на народот затоа што мора јасно да ставиме до знаење дека секој глас е важен и секој мора да го искористи своето право да не дозволи некој друг да одлучува наместо него. Ова го изјави претседателот на Обединетата левица Атанас Зафиров по гласањето.Гласав затоа што Бугарија е во тешка политичка, економска, социјална и морална криза. Време е за одлука и за изградба на поинаква Бугарија, рече Зафиров.

Свет | пред 1 година

Ако сакаш да си политичар, ќе си имаш само македонско државјанство

Секој што е политичар треба да има само македонско државјанство. Ова е ставот на професорката Мирјана Најчевска откако бугарската потпретседателка, Илијана Јотова, зборуваше дека ги видела документите на министерката за енергетика, рударство и минерални суровини, Сања Божиновска во кои таа изјавува дека има бугарска самосвест и потекло„Според мене ниту еден политичар и функционер во власта не смее да има двојно државјанство. Воопшто не е важно дали е тоа бугарско или некое друго. Едноставно тоа е дел од принципот на забрана на конфликт на интереси“, вели Најчевска.Претходно, низ медиумите циркулираа низа други имиња кои имаат двојно државјанство, а се дел од политичката сцена.

Македонија | пред 1 година

14-годишно момче од Бугарија осомничено дека ја убило мајката

14-годишен тинејџер е уапсен во Пловдив под сомнение дека ја убил мајка си.Во станот било пронајдено тело на 50-годишната жена.Според неофицијални информации, семејството имало проблеми со алкохолот.Вечерта настанала жестока расправија помеѓу мајка и син, која за жал завршила трагично.Момчето во еден момент ја турнало мајка си, таа паднала, удрила во главата и починало на лице место.По доаѓањето на местото на настанот, полицијата го привела момчето кое е задржано во притвор.

Свет | пред 1 година

БГНЕС: Целото семејство на Божиновска имаат активни бугарски пасоши!

Таткото Перо, мајката Виолета и братот Даниел, како и самата Божиновска маат бугарски пасош и се бугарски државјани, велат за БГНЕС извори од Министерството за правда на Бугарија.„За да го добијат документот, тие ги докажале своите бугарски корени и ја декларирале својата бугарска самосвест, наведуваат од БГНЕС. Божиновска неколку пати нагласи дека не е бугарска државјанка. Министерката во кабинетот на Христијан Мицкоски во септември годинава поднела барање за откажување од државјанството, но бугарската држава се уште не дала указ за ослободување од државјанство. Поднесувањето барање за ослободување од бугарско државјанство НЕ води до автоматско завршување на постапката. Тоа се прави преку посебен декрет и важи и за сегашните бугарски државјани родени во странство и за Бугарите кои се родени на територијата на Бугарија. За конкретното лице (Божиновска) до денес не е издаден указ за ослободување од државјанство. Издавањето на таков се врши по темелна проверка за секаков вид на обврски на барателот. Потврдата, вклучително и данокот и имотот, се однесува на сите земји каде што престојувало лицето. Надлежните институции проверуваат и за можни кривични постапки. Доколку на Божиновска и треба правна или друга помош, може да се обрати до бугарската амбасада во Скопје, која е должна да и пружи помош“, се вели во текстот на БГНЕС.Претходно, Божиновска кажа дека имала, но го вратила бугарското државјанство.

Македонија | пред 1 година

Бугарските политичари обединети против Македонија: Целата Европска унија е на страната на Бугарија

Членовите на Комисијата за надворешна политика во Народното собрание на Бугарија денеска на затворена седница едногласно ја усвоија предлог-декларацијата во врска со провокативните изјави од страна на македонските владејачки политички фактори и систематското уништување на дијалогот меѓу С Македонија и Бугарија, пренесува бугарската телеграфска агенција БТА.Бојко Борисов, претседател на Комисијата за надворешна политика во бугарскиот парламент и лидер на партијата ГЕРБ, им се заблагодари на сите политички партии за постигнатиот консензус.„Најважно е што со ова даваме знак дека бугарските политичари, бугарската држава, сите партии се обединети кога е во прашање добрососедството со двете земји и дека секој што ќе го прекрши треба да сноси одговорност“, рече тој.Кирил Петков, уште еден од поранешните премиери на Бугарија, ја потврди позицијата на ЕУ, која, според него, целосно застанала на страната на Бугарија во спорот со Северна Македонија. Петков објасни дека Република Северна Македонија мора да одлучи дали ќе ги прифати Бугарите во својот устав или ќе ризикува долготрајна изолација од европските преговори.“Целата Европска унија е на страната на Бугарија. Северна Македонија треба да одлучи дали сака да ги вклучи Бугарите во Уставот. Доколку не го направи тоа, нејзиниот пат кон Европа е затворен,” изјави Петков, потенцирајќи дека Албанија веќе се одделува и забрзано го продолжува својот пат кон ЕУ“, вели Петков.Претседателот на крајнодесничарската партија Преродба, Костадин Костадинов повика на прекин на обврските од Договорот за добрососедство, доколку Северна Македонија не ги прифати Бугарите како државотворен елемент во нејзиниот Устав.„Скопје има два пата: или ќе ги признае Бугарите како државотворен елемент и ќе ги вклучи во Уставот, или ќе остане надвор од преговарачкиот процес со ЕУ. Бугарија повеќе не треба да ги почитува обврските од договорот доколку Македонија не го стори тоа,” изјави Костадинов.На вонредната седница на собраниската Комисија за надворешна политика утрово, сите партии во Бугарија едногласно ја поддржаа декларацијата предложена од Костадинов. Во документот се осудуваат антибугарските изјави на македонските функционери и се потенцира дека без вклучување на Бугарите во Уставот на Северна Македонија, земјата никогаш нема да може да започне вистински процес на преговори со Европската унија.Албанија почна преговори со ЕУ, а Македонија не“, вели тој.

Скопје | пред 1 година

Спасовски: Го осудувам пристапот на Бугарија но за знамето вина има Кабинетот на Силјановска

Осудувам пристап каков што го имаше Бугарија во однос на Претседателката на државата, со неистакнување на знамето, меѓутоа тука има вина и одговорност кај Претседателката односно кај нејзиниот кабинет, рече пратеникот на СДСМ, Оливер Спасовски во емисијата Трилинг.-Не може државата да биде „повторно горда“ а вие самите себе да се потценувате а со тоа и граѓаните на Македонија да ги потцените. Постоеле механизми како тоа да се среди и да не дојде до ваква ситуација. Добро е да бидеме заштитници но на соодветен начин и време и на дело да се покаже дека сакате да ги заштитите националните интереси. Тоа бил моментот, кога се увидело дека не се почитувале протоколите да се реагира, прашање е дали требало да се одржи една таква средба, рече СпасовскиАко претседателката на државата не го штити достоинството на државата и на граѓаните, од кого очекуваме. Очекуваме дека со реакции отпосле ќе направиме нешто? Не, прво тоа треба да се превенира, додаде тој.Треба да се напушти процесот на нарушување на односите на сите околу нас, кој наместо партнер да го правиме противник на Македонија. Не би сакал да се случи нова фаза на изолација, тоа нема да биде добро да земјата, вели Спасовски.-Често пати се поставува дилема во јавноста дали декларативните заложби кои како опозиција ги имаше актуелната власт за членство во ЕУ се и реални. Досега често пати имавме изјави со скепса за нашиот пат кон ЕУ, но досега никој нема понудено алтернатива. Која е алтернативата доколку државата не се движи по европскиот пат? За нас како СДСМ тоа е јасно, нема алтернатива. Дали постојат фрустрации кај граѓаните од тоа што долго трае процесот за прием на државата, да. Но, во тој правец треба да се преземат чекори. И од Европската унија секако. Но апсолутно не можам да се согласам дека се некој друг ни е виновен за она што владата не може да го постигне. Напротив, сметам дека треба сериозно и посветено да се работи на таа европска агенда, рече пратеникот на СДСМ, Оливер Спасовски во емисијата Трилинг.

Македонија | пред 1 година

Борисов е или многу глуп или национализмот толку го заслепил што не знае што зборува, рече Најчевска за барањето оставка од Николоски

Професорката Мирјана Најчевска го искоментира барањето на Бојко Борисов, лидер на ГЕРБ, македонскиот министер Александар Николоски да поднесе оставка.„Овој е или многу глуп или национализмот толку го заслепил што не знае што зборува. Кој си бре ти да бараш оставка од македонски министер. Оставка од Александар Николовски можам да побарам јас како граѓанин на оваа држава, или моите претставници во македонското собрание, ама не и некој лик од друга држава. Секоја од овие глупости една власт во која има луѓе со два грама мозок и една професионална дипломатија може да ја искористи за настап пред ЕУ и барање ЕУ малку да си поведе сметка за однесувањето на нејзините држави членки.Оставка од Николовски побара лидерот на ГЕРБ, Бојко Борисов, поранешен премиер и лидер на партијата која победи на изборите во јуни, но не успеа да формира влада, поради што Бугарија во октомври оди на нови предвремени избори.Борисов искажувајќи разбирање дека можеби протоколите на новите македонски претставници не им се јасни, немаше разбирање за изјавата на Николовски.

Македонија | пред 1 година