ДПИ

Дескоски: Просветниот инспекторат понекогаш гледа, а понекогаш не може да го види она што сите други го гледаат

Професорот по меѓународно право Тони Дескоски во објава на социјалните мрежи реагира на постапувањето на Државниот просветен инспекторат (ДПИ), поврзано со наводни неправилности на Филозофскиот факултет. Тој наведува дека инспекцијата констатирала состојба која претходно веќе била утврдена од самата институција, отворајќи прашања за начинот на постапување и толкувањето на законските одредби во високото образование.„Просветната инспекција го видела она што претходно го откриле на Факултетот!По серијата дезинформации конечно излезе на виделина што точно се случило на Филозофскиот факултет. Всушност, испадна дека Факултетот го утврдил пропустот, па по неговo барање ДПИ постапувал и го видел она што веќе и на Факултетот го виделе.А можело да биде и поинаку.Кога минатата година поднесов пријава до ДПИ за неправилен состав на една комисија за оценка и одбрана на докторат (немаше тројца од областа на меѓународното јавно право, од која област беше тезата), инспекторката ме убедуваше дека “од соодветната научна област” било множина а не еднина. И дека Законот всушност предвидувал дека мнозинството во комисијата за докторат треба да е од “од соодветните научни области”, ама јас тоа не сум го разбирал. Згора на се, зошто не сум приговарал дека менторот е од Историја на право, а не од меѓународно јавно право од каде е темата.Плус, ми рече и дека било глупаво да се поништува докторат за такво нешто.И така, ДПИ понекогаш гледа, а понекогаш не може да го види она што сите други го гледаат“, вели Дескоски.

Коментари | пред 10 часа

523 контроли за една недела: Пазарна изрече казни од над 2,8 милиони денари

Во периодот од 30 март до 5 април 2026 година, Државен пазарен инспекторат спровел вкупно 523 инспекциски надзори на територија на цела држава, при што биле издадени 154 прекршочни платни налози во вредност од над 2,88 милиони денари.Најголем дел од контролите се реализирани согласно Законот за трговија, каде се извршени 215 надзори и издадени 71 платен налог. Следуваат контролите според Законот за финансиска дисциплина со 106 надзори и 27 санкции, како и Законот за угостителска дејност со 37 надзори и 17 прекршочни налози.Инспекциски контроли биле спроведени и во други области, меѓу кои заштита од пушење, заштита на потрошувачи, занаетчиство, метрологија и туристичка дејност, при што во дел од нив биле изречени санкции, а во дел не биле утврдени неправилности.Дополнително, инспекторатот изрекол 64 опомени, по што во наредниот период ќе следуваат контролни надзори за проверка на нивното постапување.Од Државниот пазарен инспекторат информираат дека континуирано спроведуваат надзори во рамки на своите надлежности, согласно законските прописи и утврдените годишни и месечни планови. Освен редовните контроли, институцијата постапува и по пријави од граѓани и други институции.Надлежните ги повикуваат граѓаните да пријавуваат неправилности на бесплатниот телефонски број 191 или преку официјалната веб-страница.

Македонија | пред 2 седмици

Над 3,2 милиони денари казни: Пазарниот инспекторат со 638 контроли за една недела

Во периодот од 23 до 29 март 2026 година, Државен пазарен инспекторат спроведе вкупно 638 инспекциски надзори на територија на целата држава, при што се издадени 175 прекршочни платни налози во вкупна вредност од над 3,2 милиони денари.Најголем број контроли биле реализирани согласно Законот за трговија – 241 надзор, по што следуваат контролите за финансиска дисциплина со 127 надзори и угостителската дејност со 74 надзори. Во делот на санкциите, најмногу прекршочни налози се издадени за прекршувања на Законот за трговија (73), финансиска дисциплина (35) и угостителска дејност (24).Инспекторатот извршил и контроли во повеќе други области, меѓу кои заштита од пушење, занаетчиство, технички барања за производи и метрологија. Во дел од надзорите, како што се заштитата на потрошувачите и безбедноста на производите, не биле констатирани прекршоци.Покрај казните, изречени се и 95 опомени, врз основа на кои во наредниот период ќе следуваат контролни надзори. Од Инспекторатот информираат дека продолжуваат со засилени контроли и апелираат граѓаните да пријавуваат неправилности преку телефонскиот број 191 или на нивната веб-страница.

Македонија | пред 3 седмици

Инспекторатот со засилени контроли низ државата: Над 100 казни за една недела од речиси 3 милиони денари

Во периодот од 9 до 15 март 2026 година, Државниот пазарен инспекторат спроведе вкупно 429 инспекциски надзори на територијата на државата, при што се издадени 105 прекршочни платни налози во вкупна вредност од над 2,99 милиони денари.Најголем број прекршоци се евидентирани согласно Законот за финансиска дисциплина, каде од 86 извршени контроли биле издадени дури 51 прекршочен налог.Според податоците, по Законот за трговија биле извршени 183 надзори со 17 казни, додека кај угостителската дејност од 47 контроли биле изречени 23 прекршочни налози.Во однос на другите области, инспекторите спровеле 32 надзори за заштита на потрошувачите со 2 казни, 33 контроли во занаетчиството со 1 казна, како и 19 контроли за забрана на пушење со 2 прекршочни налози.Дополнително, биле извршени и надзори во делот на метрологијата (5 контроли со 7 казни), инспекциски надзор (2 контроли со 2 казни), како и други области каде не се утврдени прекршоци.Инспекторатот изрекол и 23 опомени, по што во наредниот период ќе следуваат контролни проверки.Од Инспекторатот информираат дека продолжуваат со засилени контроли низ државата, како дел од редовните активности и постапување по пријави од граѓани и институции. Воедно, апелираат граѓаните да пријавуваат неправилности на телефонскиот број 191 или преку нивната веб-страница.

Македонија | пред 1 месец

Пазарна за една недела изврши 492 надзори, изречени 89 казни во вредност од над 2,9 милиони денари

Во периодот од 2 до 8 март 2026 година, Државниот пазарен инспекторат изврши вкупно 492 инспекциски надзори низ целата територија на државата. По спроведените контроли, издадени се 89 прекршочни платни налози во вкупна вредност од над 2.944.525 денари.Најголем број платни налози се издадени по Законот за финансиска дисциплина – 50, по Закон за угостителска дејност – 8, по Закон за трговија – 13, како и по Законот за метрологија и инспекциски надзор – по 4 платни налози. За останатите закони, во некои случаи беа изречени опомени или не беа утврдени прекршоци.Инспекторатот истакнува дека надзорите се спроведуваат континуирано и во согласност со законите и плановите за работа, а дополнително се постапува и по пријави од граѓани и институции. Во наредниот период, врз основа на изречените 20 опомени, ќе следуваат контролни надзори. Целта е да се обезбеди доследно почитување на законската регулатива и заштита на правата на граѓаните“, информираат од ДПИ.

Македонија | пред 1 месец

(Видео) Има притисок од странство на бензинските пумпи, но деривати има доволно,државните резерви можат да покријат 62 дена потрошувачка, вели Мицкоски

Премиерот Христијан Мицкоски изјави дека Државниот пазарен инспекторат е на терен поради поплаките од граѓани дека на некои бензински пумпи има ограничување при точење дизел, но нагласи дека снабдувањето со нафта и нафтени деривати во земјата е стабилно.Тој посочи дека ваквите појави најчесто се забележани во пограничните општини, каде што има зголемен притисок поради значително повисоките цени на горивата во соседните држави.„Државниот пазарен инспекторат е на терен. Забележани се такви однесувања на некои пумпи во погранични општини затоа што има голем притисок од соседните држави, каде цената на енергенсите е за повеќе од 40 до 50 проценти повисока од кај нас. Во соседна Србија таа е меѓу 120 и 130 денари по литар, кај нас е 71 денар. Како резултат на таквиот притисок имаме огромно зголемено количество на трошење на нафта и нафтени деривати и можеби поради тоа на одредени бензински пумпи има недостиг на количини“, рече Мицкоски.Тој додаде дека според информациите што ги добил од Државниот пазарен инспекторат, на целата територија на државата граѓаните и бизнисите непречено се снабдуваат со гориво.„Од она што сум информиран од страна на ДПИ, на целата територија на државата граѓаните и бизнисите непрекинато се снабдуваат со нафта и нафтени деривати“, нагласи премиерот.Мицкоски истакна дека државните резерви се доволни за подолг период и дека енергетската состојба во земјата е стабилна.„Државните резерви можат да покријат целодневен конзум повеќе од 62 дена, снабдувањето би рекол дека е повеќе од одлично. Кога почнавме да го рестартираме нафтоводот со нашиот јужен сосед на многумина им изгледаше чудно и невозможно, но поминаа сите тестови и можеме да го користиме и тој капитал. Може да го ставиме и на располагање на соседите и тие да го користат за нивните потреби. Македонија во моментот има стабилна енергетска состојба и е фактор на стабилност во регионот и граѓаните плаќаат најевтина цена за нафта и нафтени деривати“, додаде Мицкоски.

Македонија | пред 1 месец

Вонредни инспекциски контроли за „Black Friday“

Државниот пазарен инспекторат за најавените продажни поттикнувања “Black Friday” акции ќе врши засилени вонредни инспекциски надзори кај сите трговци на територија на целата држава.Целта, според ДПИ е да се заштитат потрошувачите од нечесни трговски практики како и почитување на законските обврски од страна на трговците кои нудат попусти.,,Апелираме до сите трговци да обезбедат фер пазарни услови и да ги почитуваат законските обврски. Секоја неправилност, доведување во заблуда на потрошувачите и измамнички дејствија ќе резултира со соодветни мерки од страна на Државниот пазарен инспекторат во согласност со законите. Ги повикуваме граѓаните секоја нерегуларност да ја пријават во Државниот пазарен инспекторат на 191 или на www.dpi.gov.mk”, велат од ДПИ.

Македонија | пред 4 месеци

Барале само институциите да функционираат: гостиварска фирма била мета на нелојална конкуренција, сузбиена со Трајковски од Пазарна

По три години, гостиварската фирма „Чикаго Стоун“ успеа да го реши проблемот со нелојалната конкуренција, која произведувала идентични ексклузивни производи – иако било противзаконски. Тропале на многу врати, а сега, велат дека само директорот на Државниот пазарен инспекторат, Горан Трајковски имал разбирање за нивната ситуација.„Срдечна благодарност до директорот г. Горан Трајковски и администрацијата на Државен пазарен инспекторат на Република Северна Македонија.Императив е да се признаат оние чии постапки зборуваат погласно од зборовите. Денеска упатуваме најискрена благодарност до г-дин Трајковски, директор на Државниот Пазарен Инспекторат на Република Северна Македонија.Веќе неколку години, Chicago Stone редовно известуваше за случаи на нелојална конкуренција, кои произлегуваат од нелегално производство и увоз на производи идентични на нашите ексклузивни производи. И покрај нашите постојани молби за интервенција, реакција и одговор не сме добиле.Се додека не го сретнавме г-дин Горан Трајковски, кој со непоколеблива решителност и навремена акција, г-дин Трајковски брзо се справи со нашата мака по преземањето на кормилото на Државниот Пазарен Инспекторат. Согледувајќи ја тежината на ситуацијата, тој го мобилизираше својот тим. Нивните исцрпни напори кулминираа со посета на конкурентите и воспоставување протоколи за прекин на незаконските практики. Преку неговото водство, г-дин Трајковски ги подржа не само нашите деловни интереси, туку и го поддржа интегритетот на фер пазарните практики.Chicago Stone ја изразува својата искрена благодарност за инструменталната улога што ја игра г-дин Горан Трајковски во заштитата на нашите права и поттикнувањето на еднакви услови за бизнис.Посветеноста на г-дин Трајковски за правда служи како светилник на надеж. Цврсто веруваме дека со поединци од неговиот калибар на чело, напредокот на нашата општество е обезбеден.Му посакуваме на г. Горан Трајковски континуиран успех и во неговите лични и професионални потфати. Нека неговиот непоколеблив дух продолжи да инспирира позитивни промени и да го отвори патот кон посветла иднина“, напишаа тие.

Македонија | пред 2 години

Пазарна инспекција ги тресе пазарџиите на Кванташки

Инспекторите на пазарна утрово по вторпат месецов упаднаа на кванташки пазар каде се вршат контролиТие доаѓаат по поплаки дека пазарџиите имаат нечесен пазарен однос односно дека кријат овошје и зеленчук спротивно на владината одлука.Ќе се проверуваат и цените по кои се продаваат овошките и зеленчукот, односно дали се почитува ограничувањето на цената. Проверките ќе траат во текот на цел ден, дали има прекршувања на мерките ќе се знае веќе попладнево.

Скопје | пред 2 години