ЃОКО ВЕЛКОВСКИ

9000 семејства од социјален ризик оштетени за 120 евра годишно, велат од Министерството за труд и социјална политика

Како резултат на незаконското работење на претходните раководства на Министерството за труд и социјална политика околу 9000 семејства од социјален ризик оштетени се за 120 евра годишно. Станува збор за 30.000 граѓани корисници на парични средства од системот на социјална и детска заштита од 2020 година.“Станува збор за 1,7 милиони евра или 100 милиони денари, кои по закон треба да бидат по закон исплатени на корисниците на социјална помош. Проблемот е настанат бидејќи не се корегирани решенијата за помошта кои треба да бидат нивелирани со статистиката и податоците за пораст на животниот стандард. Оваа грешка е провелкувана до ден денешен и не е направена промена“, изјави министерот за труд и социјална политика, Ѓоко Велковски на денешното гостување во Слободен печат.Има јасно дефинирана законската обврска по член 31 став 2 од Законот за социјалната заштита и член 15 од Законот за социјална сигурност дека Центарот за социјална работа е должен висината на правото да ја усогласи со трошоците на живот. Претходните раководства на министерството заедно со Центрите за социјална работа не вршеле усогласување со порастот на трошоците на живот кои ги објавува Државниот завод за статистика.Во секоја категорија на ранливи групи износот е различен. На пример, кај додатокот за образование на лице кое до својата 18-та година имало статус на дете без родители и е редовен студент на државните универзитети, висината на правото во 2020 изнесувало 24 192 денари. Денеска на истиот студент и покрај зголемувањето на трошоците за живот му се исплаќа истата сума. Износот кој треба да го добие доколку претходниците работеле согласно законот е 31565 денари што е 7373 денари разлика. На годишно ниво разликата е над 88 000 денари.“Уште еден пример за сликата да биде појасна како е оштетено едно четиричлено домаќинство во Република Македонија. Едно четиричлено семејство со мајка татко и две малолетни деца, со донесување на новиот закон за социјална заштита во 2019 година добивало 6800 денари гарантирана минимална помош. Во 2024 година би добивало 8943 денари. Разликата е 2143 денари месечно за четиричлено семејство. Во овие категории на граѓани има стари и изнемоштени лица, лица кои останале без работа и се материјално необезбедени, лица болни, граѓани со интелектуална и телесна попреченост, деца кои живеат во сиромаштија. Во услови кога потрошувачката кошничка расте, цените скокаат, инфлацијата си го наплаќа данокот, а поранешните раководства спротивно на законот ги држеле најранливите граѓани под минималните услови за да го преживеат месецот“, истакна Велковски.Министерот најави дека во наредниве денови ќе биде испратено укажување до Центрите за социјални работи да постапуваат согласно законските прописи и да извршат пресметки за секој корисник посебно.

Македонија | пред 1 година

Велковски: Добросостојбата на нашите деца е и ќе биде наша највисока цел

Министерот за труд и социјална политика, Ѓоко Велковски, заедно со претставникот на УНИЦЕФ, Патриција ДиЏовани и градоначалникот на Општина Илинден, Александар Георгиевски, денeска во детската градинка “Гоце Делчев” во општина Илинден присуствуваа на промоција на проектот: „Градење на здрави навики во исхраната кај децата од предучилишна возраст".“Добросостојбата на нашите деца е и ќе биде наша највисока национална, општествена и лична цел”, потенцираше Велковски и додаде дека здравата и безбедна храна е неопходност за подобар раст и развој на децата, особено во првите години од животот.Во рамките на соработката со УНИЦЕФ почна реализацијата на проектот: „Градење на здрави навики во исхраната кај децата од предучилишна возраст", во партнерство со Асоцијацијата ЕДУЛЕНД, а активно учество во проектот зема и Здружението за одржлив развој АРЕТЕ.“Како резултат на овој проект произлегоа едукативни обуки кој што почнуваме да ги пилотираме првично во 4 градинки за вработените во предучилишните установи, а понатаму во план е да опфатиме уште 30 градинки низ целата држава. Она што ме радува е дека на овие обуки учесници се вработените во детските градинки: директор, стручни работници и соработници, воспитувачи, негуватели и вработени во кујните каде се приготвува храната за децата. Исто така се изработи и Прирачник со насоки за здрава исхрана”, рече министерот за труд и социјална политика.Министерот Велковски додаде дека воспитувачите и негувателите од раното детство имаат клучна улога во обликувањето на здравите прехранбени навики на децата, не само преку храната што ја нудат во градинките, туку и, како што рече, преку однесувањето што го моделираат, нивните интеракции со децата за време на оброците, дискусиите и активностите што ги преземаат со децата.“Од овие причини, практичното унапредување на нивните професионални компетенции има големо значење”, потенцираше министерот Велковски.

Македонија | пред 1 година

Велковски на средба со здружението Мобилност

Во рамките на средбите со здруженија на граѓани министерот Велковски оствари средба со Здружението ,, Мобилност,, Скопје. Лицата со попречености во последните 7 години биле оставени на маргините во системот. За жал повеќе од 7 години никој не ги слушнал нивните барањa - беше истакато на средбата.Не се откажуваме од барањето за подобар систем на заштита. Во државата услугата персонални асистенти воопшто не е развиена сразмерно во сите општини – велат од МобилностВо иднина заедно ќе работиме да се подобри законскиот систем и овие лица да имаат пристап до зголемени права и можности. Системски решенија се најдобрата мерка која може да ја оставиме зад нас – потенцираше ВелковскиИнаку, во државата нема Регистар за лица со попреченост кој би довел до креирање на паметна социјална политика. Стручните служби во наредниот период мора да работат на на вака база на податоци.

Македонија | пред 1 година

Велковски: Буџетот на МТСП оштетен над 2,5 милиони евра

Во период од јуни 2022 до минатиот месец се дадени незаконски праични средства на над 1000 граѓани во име на социјална помош. Со ова е оштетен буџетот на Министерството за труд и социјална политика за 155.038.530,00 или над 2.5 милиони евра.Во моментов изготвени и донесени се 1134 решенија за прекин на Гарантирана минимална помош и Социјална сигурност со забрана за користење на правото во наредните 12 месеци. Граѓаните имаат право на редовен правен лек до второстепените органи па дури потоа центрите за социјална работа ќе склучат спогодби за враќање на неосновано примените парични средства.„Ја искористиле Ковид кризата кога се се олесниле условите за користење на социјалните права од аспект на поседување регистрирано моторно возило и во системот влегле сите возила постари од пет години. Иако официјално Ковид кризата завршила на 30.06.2022 година, ништо не се преземено за преиспитување на предметите на корисниците што поседуваат регистрирано моторно возило и истите останале во системот на социјалната заштита и неосновано ги користеле правата“, изјави денеска министерот за труд и социјална политика Ѓоко Велковски.Според него, јасен е Законот за социјална заштита од 2019 година и подзаконските акти каде јасно и прецизно е определено дека доколку подносителот/корисникот поседува регистрирано моторно возило не може да го оствари и користи правото на ГМП, па оттука се поставува прашањето што работеле раководните структури на министерството во овие 18 месеци.„На 20-ти Јануари 2024 година е склучен договорот за размена на податоци на дата базите по електронски пат помеѓу тогашните министри Тренчевска и Спасовски. Првата размена на податоци е направена дури на 5-ти Март 2024 година што го поставува прашањето: Зошто се чекало? А што правела министерката до 20 јануари 2024 година? Дали се обезбедувале податоци секој месец како што предвидува законот или пак размената на податоци преку CD или USB е доставувано во нереално време односно со задоцнување од неколку месеци со што се овозможило во системот да влезат лица на кој не им следуваат овие права. Сеуште останува енигма и прашањето, зошто се чекало моето назначување како технички министер за да почне размената на податоците кога истата можела да се направи и веќе наредниот ден а тоа е 10 дена пред моето назначување за министер“, праша министерот Велковски.

Македонија | пред 1 година

Средба на министерот Велковски со советот на згрижувачи од СОС Детско Село

Министерот за труд и социјална политика Ѓоко Велковски денеска оствари средба со советот на згрижувачи од СОС Детско Село.Загрижувачка е состојбата во државата бидејќи нема интерес за нови згрижувачки семејства, а се става под знак прашање функционирањето на постојните. Без поддршка од министерството за труд и социјална политика процесот на деинституционализација нема одржливост - посочија тие.На средбата беа посочени и на слабостите во системот на социјална заштита и третирањето на згрижувачите од страна на институциите. Згрижувањето на деца треба да се гледа како професионална дејност и треба да се залагаме да се добие соодветно место во системот. Згрижувачите не се обични луѓе, туку за нив системот треба да даде свој придонес како посебни даватели на услуги – наведе Велковски.Во иднина заедно како партнери ќе работиме да донесеме посебна методологија за утврдување на надоместок за згрижено дете и надоместок за згрижувачот.Згрижувањето треба да стане професија со платени придонеси за извршената работа – беше наведено на средбата.Згрижувачите треба да бидат партнери на министерството во остварувањето на правата на децата.

Македонија | пред 1 година

Ѓоко Велковски донесе решение за разрешување на Александар Филев

Министерот за труд и социјална политика Ѓоко Велковски донесе решение за разрешување на Александар Филев од директор на Јавната Установа Меѓуопштински центар за социјална работа – Радовиш по добиеното известување на 03.04.2024 од СВР Струмица.На Александар Филев, според Известувањето од Министерството за внатрешни работи, Бирото за јавна безбедност СВР Струмица, ОВР Радовиш – ОСИД, рег.бр.23.26.2.3-609/2 на 19.03.2024 година, поднесена му е кривична пријава за сторено кривично дело Загрозување на сигурноста по член 144 став 4 од Кривичниот законик и три прекршочни барања по член 6, по член 11 став 1 и член 13 став 2 од Законот за прекршоците против јавниот ред и мир.Со ваквите дејствија, загрозување на сигурноста, прекршоците за нарушување на јавниот ред и мир поради пијана состојба, учество во тепачка и навредување на службено лице на државен орган или друга институција која врши јавни овластувања во вршење на службата, Александар Филев со крајно несоодветно однесување, а притоа неводејќи сметка за јавниот углед и интерес на институцијата кој ја преставува, направил груба повреда на законот и статутот на институцијата.Имено, во член 189 од Законот за социјална заштита ( "Службен весник на РСМ бр.104/19, 146/19, 275/19, 302/20, 311/20, 163/21, 294/21, 99/22, 236/22 и 65/23) е предвидено дека директорот на Установата може да биде разрешени пред истекот на мандатот за кој е именуван доколку постапува противправно, односно спротивно на јавните интереси.

Македонија | пред 1 година

Техничкиот министер Ѓоко Велковски во посета на центрите за социјална работа во Прилеп и Крушево

Во рамки теренските посети, техничкиот Министер Ѓоко Велковски оствари посета на центрите за социјална работа во Прилеп и Крушево.При посетата на Центарот за социјална работа Прилеп се разговараше и се разменија идеи како да го смениме и подобриме системот за социјална заштита. Детектирани се системски недостатоци како и во цела Македонија и тоа ќе биде приоритет за корекција во наредниот период. Центарот се соочува и со зголемен број на предмети и намален број на вработени.Во крушевскиот центар разговаравме за актуелните состојби со исплатата на гарантираната минимална плата и просторите проблеми кои ги има центарот.На средбите со пензионерите во Прилеп и Крушево беше истакнато дека за првпат по 1945 година излегоа на протести во градовите низ Македонија и го дигнаа својот глас за она што им следи како луѓе коишто ги ставиле темелите на оваа држава. Не се живее со 100 денари на ден - велат пензионерите.„Несистемските мерки коишто на пензионерите им даваат статистичко порамнување на пензиите, се средства со коишто еден пензионер не може да го помине месецот знаејќи колку се покачени цените на производите. Затоа сме и на терен, да ги детектираме работите за да можеме да дадеме реална поддршка и на локалните самоуправи и да обезбедиме подобри услови за сите граѓани“.

Македонија | пред 1 година

Работна посета министерот Велковски на Југоисточниот регион

Во рамките на теренски посети на Центрите за социјални работи кои периодов ги остварува Министерот Ѓоко Велковски денеска и посети Центрите во Валандово и Гевгелија. Центрите за социјална работа мора да бидат сервис на оние на кој што се најпотребни. Ова го заклучивме од работната средба со вработените во ЦСР Гевгелија – потенцира Велковски.“Центарот е првата карика во системот на социјална и детска заштита и доколку тиe не функционираат, системот се распаѓа. Евидентно е нефункционирањето на системот и слабостите кои денеска ги гледаме.”Посетата на Центарот за социјална работа Валандово беше искористена да искористена да се разговара за актуелните проблеми и системски пропусти при доделување на социјалната помош. Раководството ми потврди дека се најдени вакви случаи и во наредниот период ќе се работи на ставење на системот на здрави нозе со цел социјалната помош да стигне до вистинските корисници.Покрај работните средби беа остварени четири средби со пензионерите од Југоисточниот регион и тоа од Валандово, Дојран, Богданци и Гевгелија.Нивните барања и проблеми се скоро идентични. Велат дека никогаш не било полошо за нив.Ги знаеме нивните барања и сигурен сум дека ќе има решение за истите. Дури 220.000 пензионери се со под 20.000 денари пензија. Така да тоа е две третини од вкупниот број на пензионери во државата кои што за жал примаат под20 илјади пензија. Алармантна е навистина состојбата и ќе излеземе во пресрет на нивните барања коишто ги доставуваат до нас – посочи Велковски на средбите.Немам пари да го дочекам крајот на месецот - вели еден пензионер од Богданци.“Пензиите коишто ги земате не се доволни. Тоа го знам, тоа верувам дека е така и тоа секој еден пензионер којшто ќе го сретнам ми го кажува дека пензиите не стигнуваат ни за 15 дена од месецот.Вие сте ја граделе оваа држава и не смеете да бидете оставени на цедило.Заслужувате да имате достоинствена старост, да имате достоинствени пензии за вас и за внучињата.Во наредниот период мораме да работиме на системска правичност која нема да зависи од било какви политички одлуки.”

Македонија | пред 1 година

Велковски со апел до пратениците на СДСМ и ДУИ: Не терајте политика на грбот на децата, 5 минути работа е да ги изгласате измените

На неколку дена пред распуштање на Собранието, предлог законските измени на Законот за заштита на децата којшто беше предложен од техничкиот министер за труд и социјална политика, Ѓоко Велковски, а чија што цел е решавање на проблемот со недостаток на лиценциран стручен кадар во градинките во Македонија, Собранието одбива да го стави како точка на дневен ред, реагираше денеска министерот Велковски.„Морам денеска со жалење да истакнам дека Собранието кое што има само уште неколку дена работа до конечно распуштање, дневните редови ги направи а точката за измена на законот за заштита на децата не е ставена на дневен ред. Наместо да се грижиме за 5.000 дечиња кои што не се во детските градинки, да се грижиме да имаме негуватели, воспитувачи и стручен кадар којшто ќе може да влезе во процесот на вработување веднаш по завршување на изборите, денеска на грбот на децата некој тера политика за да децата за жал немаат детска заштита во градинките“, реагира Велковски.Над 5.000 деца во Македонија се на листите на чекање за згрижување во детска градинка, додека пак над 1.000 лица од 2021 година до сега чекаат да добијат лиценцирање како би го пополниле недостатокот од стручен кадар во градинките во градовите низ Македонија. Министерот Велковски веднаш упати апел до пратениците во собранието да се одважат и да ја стават оваа точка на дневен ред во којашто е предвидено согласно законот за лиценцирање да се дозволи и хартиено полагање на овој испит за добивање на лиценци.„Тоа е ситуацијата денеска со лиценците. За жал неколку пати направив повик до Собранието и пратениците еве и денеска нека се одважат. Уште 4-5 дена имаат работа, нека ја стават оваа точка на дневен ред, а 5 минути работа е да ја изгласаат, порачува техничкиот министер за труд и социјална политика“, Ѓоко Велковски.

Македонија | пред 1 година

Велковски: Милионски криминал во МТСП со социјалната помош

2.252 незаконски исплаќања биле направени на сметките на корисници на средства за гарантирана минимална помош, со што е направен милионски криминал во МТСП преку злоупотреба на системот за социјална заштита и незаконско и противправно исплаќање на овие средства, обзнани денеска министерот за труд и социјална политика, Ѓоко Велковски.„За појаснување на ситуацијата за јавноста, се работи за над 2200 корисници кои примале гарантирана минимална помош и социјална пензија и пријавиле дека не поседуваат возило а според евиденцијата на МВР тие се сопственици на такво превозно средство. При вкрстување на базите на податоци месеци наназад кај овие лица во системот стои дека имаат возило, меѓутоа необјасниво е како службите не постапувале по однос на истото со што се продолжила исплатата на парични средства, со што се предизвикала милионска штета на буџетот на министерството. Имаме првични сознанија дека забележана е и ретроактивна исплата на средства за повеќе месеци наназад, што отвори голем сомнеж за извршени злоупотреби во институциите под надлежност на министерството за труд и социјална политика“, појаснува министерот Велковски.Манипулацијата е системска а во неа најверојатно биле вклучени повеќе лица, смета тој, за што е започнат вонреден инспекциски надзор со цел откривање на сторителите позади овој милионски криминал во Министерството за труд и социјална политика.„Мојата цел како министер за труд и социјална политика е да обзнанам пред целата македонска јавност што се случувало во ресорот кој денес го водам и да не дозволам да се случува вакво изигрување на системот. За да биде појасно, еден од условите за остварување на правата е да се провери материјалната, социјалната и имотната состојба на корисникот, а тоа е да не поседувате возило, како и приходи остварени по други основи. Инспекциските служби од министерството веќе од денес започнаа вонредни инспекциски надзори се со цел да се открие кој навистина стои позади овој криминал од милионски размери“, изјави Велковски.Како што и претходно појасни министерот Велковски, вкупната бројка на детектирани злоупотреби е за 2.252 лица и тоа:Берово – 15; Битола -166; Валандово – 23; Велес – 98; Виница – 11; Гевгелија – 9; Гостивар – 164; Дебар – 31; Делчево – 3; Демир Хисар – 3; Кавадарци – 23; Кичево – 49 ; Кочани –18; Кратово – 4; Крива Паланка – 9; Крушево - 22; Куманово - 235; Македонски брод - 6; Неготино – 4; Охрид – 40; Прилеп – 229; Пробиштип – 1; Радовиш – 56; Ресен – 1; Свети Николе – 6; Скопје 714; Бутел – 45; Гази Баба – 79; Карпош – 125; Кисела Вода - 155; Центар – 38; Чаир – 151; Шуто Оризари – 121; Струга – 32; Струмица – 70; Тетово – 150; Штип – 59.

Македонија | пред 1 година

Велковски: „Со 120 денари не можам да го поминам денот“ ми порачаа пензионерите од Неготино

„Празна торба. Немам средства, пари, да купам и да ја наполнам. Не да ја наполнам, да ставам барем лепче и оваа вечер така ќе седам. Еве ја празната торба. Со 120 денари не можам да го поминам денот“, рече еден од пензионерите од Неготино, револтиран на покачувањето на пензиите од само 5%.Ова денеска го истакнаа како став голем дел од пензионерите од Општина Неготино со коишто се сретна техничкиот министер за труд и социјална политика, Ѓоко Велковски. Кога буџетски средства, пари на граѓаните се трошеа на други работи во изминатите седум години, нормално е да нема пари за пензионерите, смета Велковски.„Овие мизерни 5% сега во Април што треба да ги добиете како они што ги викаат покачување, нема врска со покачување, туку е усогласување на пензиите. Кој сака нека ме коригира, јас стојам на ставот што сум го донел дека 5% на пензиите коишто ги примате тука во најголем дел во оваа просторија, а претпоставувам дека имаат под минималната, под 20.000, да не кажам дека тука има луѓе кои што примаат 13-14 или 15.000 денари. И такви ве има многу. Затоа сум исправен денеска и зборувам искрено пред вас“, рече министерот за труд и социјална политика Ѓоко Велковски пред пензионерите од Неготино.

Македонија | пред 1 година

Велковски: 81 дете чека за упис во градинка во Неготино поради недостаток на кадар

Поради недостаток на лиценциран кадар во градинките, голем дел од клоновите се нефункционални, а бројот на деца на листите за чекање се зголемува. Во клонот „Темјанушка“ во Општина Неготино, 81 деца чекаат на листата за чекање, вели техничкиот министер за труд и социјална политика, Ѓоко Велковски при денешната теренска посета на детската градинка „Фемо Кулаков- Неготино“.„Во овој објект којшто 2021 година е отворен, имаме проблем со недостатокот на кадар односно дел од групите не се отворени. Потребен е кадар од 25 лица кои што заради неможноста да полагаат за лиценци бидејќи министерството за труд и социјална политика во изминатиот период не давало дозвола, за жал седат празни дел од просториите коишто треба да бидат наменети токму за дечињата коишто се на листата за чекање во Општина Неготино. Вкупниот број на дечиња кои што во овој момент чекаат на листите се 81“, истакнува министерот Велковски.Велковски овој пат од Неготино, повторно укажа на сериозноста на проблемот со кој се соочуваат детските градинки не само во оваа општина, туку низ целата држава.„Со давање на ваквите согласности за стручниот кадар ќе имаме можност токму да се отворат овие останати просторни услови и бројот на овие дечиња од листите на чекање буквално да биде на нула, дополнува тој.Директорката на градинката, Нада Најдова на средбата со министерот истакна дека таа има поднесено барање за полагање за лиценца уште во 2021 година, за што не била повикана, иако во текот на 2023 година полагале лица коишто аплицирале истата година.

Македонија | пред 1 година

Велковски: Со домаќинско работење и без крадење пензионерите ќе добијат реално покачување по 8 мај

„Остануваме на ветувањето дека со следната власт предводена од ВМРО-ДПМНЕ, пензионерите ќе добијат 5.000 денари линеарно покачување. Средства ќе се најдат. Буџетот е како сопствениот буџет дома во семејството, ако треба за нешто да се даде допринос, да се интервенира, во тој случај си правиш добар план, заштедуваш и ги насочуваш парите таму каде што треба. Истото станува збор и тука со пензионерите. Со домаќинско работење со буџетот, да нема крадење како што беше досега бидејќи буквално го покрадоа буџетот овие што се на власт, тогаш релокацијата на средствата во делот на зголемување на пензиите може да биде реален и ќе биде реален и остварен после 8 мај“, вели техничкиот министер за труд и социјална политика, Ѓоко Велковски во вчерашното гостување во емисијата „Заспиј ако можеш“ на ТВ Алфа.Тој уште еднаш го истакна фактот дека моменталното покачување од 5% како што го нарекува власта, е само статистичко порамнување на пензиите и овде политичарите треба да бидат искрени без да ги лажат пензионерите.„Тоа статистичко порамнување знаеме дека денеска инфлацијата во Македонија статистички покажува дека е 14% официјално, меѓутоа реално гледаме дека е многу многу повеќе и допрва расте. Пред 4-5 дена ги тргнаа замрзнатите цени на производи и веднаш на пазарот и во маркетите цените отидоа повторно нагоре. И сега да се навратиме дека 5% е само порамнување и тука треба да бидеме искрени. Што е најважно, пензионерите знаат. Во комуникација со нив велат дека знаат точно секој еден денар од каде е, зошто им се дава и каде треба да заврши, знаете дека они се прецизни. Уверен сум дека пензионерите ќе добијат покачување, вистинско а не вакво како сега“, додава Велковски.

Македонија | пред 1 година

Велковски: 20 деца од кавадаречко Дреново ќе бидат згрижени во новата адаптирана детска градинка

Со реконструкција и преадаптација на стар објект во Село Дреново во Општина Кавадарци, жителите добиваат детска градинка која ќе ги задоволи капацитетите за згрижување на 20 деца од ова село. Министерот за труд и социјална политика, Ѓоко Велковски заедно со градоначалникот на Општина Кавадарци, Митко Јанчев денеска извршија увид на просторните услови на градинката.„Ова е една одлична порака која што ја праќаме од Општина Кавадарци дека секое дете ќе има можност да биде згрижено и да биде дел од детската заштита. Овој објект е адаптиран и реконструиран од страна на општина Кавадарци, а опремата е финансирана од страна на министерството за труд и социјална политика. Ваквите проекти и во иднина ќе продолжиме да ги поддржуваме бидејќи навистина значат за вака населени места каде што има реална потреба, родителите односно семејствата да имаат можност дечињата да им бидат дел од детската заштита каде ќе има и квалитетна грижа и квалитетно образование во иднина, порача министерот Велковски од кавадаречко Дреново.Со измените на Програмата за изградба, опремување и одржување на објекти за детска заштита за 2023 година, министерството за труд и социјална политика го реализираше проектот за опремување на групи во други просторни услови во село Дреново. Министерот Велковски порачува дека ваквата поддршка ќе ја добиваат сите општини и ќе биде еден од идните проекти, коишто идната влада по 8 мај ќе започне да ги спроведува на целата територија на Македонија.

Македонија | пред 1 година

Велковски: Со проширување на градинката „Пеперутка 1“ во Драчево ќе се затвори листата на чекање за упис на деца

Министерот за труд и социјална политика Ѓоко Велковски заедно со градоначалникот на Општина Кисела Вода, Орце Ѓорѓиевски денеска извршија увид во градежните активности за проширување и реконструкција на градинката Пеперутка 1” во Драчево. Во завршна фаза е темелната обнова на овој објект кој постои скоро 60 години и во кој никој досега не извршил реконструктивни зафати, а по завршување на реконструкцијата градинката “Пеперутка 1” ќе може да прими околу 150 деца и со тоа да се затворат листите на чекање во населба Драчево.Министерот Велковски го истакна задоволството од она што досега е реализирано во општина Кисела Вода и се осврна на поддршката која ќе ја даде Министерството за опремување на овој објект, но и за останатите потреби на Општина Кисела Вода и останатите општини во делот на зголемување на капацитетите за детските градинки и намалување на бројот на деца коишто чекаат на листите за упис ширум државата.„Кисела Вода е една од ретките општини која е пример дека со најголем дел од сопствени средства успеале да го намалат бројот во листите на деца кои чекаат упис во градинка, а се надевам во скоро време и сосема да ги доведат до нула. Она што ме загрижува, а што го истакна градоначалникот при нашиот разговор е бројот на луѓе што се плаќаат преку Буџетот на Општината, а тоа се над 70 луѓе вработени во градинките. Тоа е реалност во сите градинки на територија на Република Македонија. Во случајов, Општина Кисела Вода имала можност тоа да го направи, но во многу општини тоа не е можно. Тоа мора да се промени и тоа веднаш после 8 мај, после изборите“, истакна министерот Велковски.Тој дополни и дека обврска на министерството ќе биде како во Општина Кисела Вода, така и во сите останати општини во Македонија, да го реши проблемот со давање согласност за вработувања и тоа на едно системско ниво, кое ќе биде предложено во изборната програма, а потоа и дел од владината програма која ќе мора да се реализира во најбрзо можно време по доаѓањето на власт.

Скопје | пред 1 година