ГЛАВНИ-ВЕСТИ

На ред дојдоја да се „делат“ производите под брендот „Македонија“

Стопанствениците од Северна Грција се загрижени што ќе следува следниот ден по стапувањето во сила на Преспанскиот договор. Тие се загрижени за „судбината на трговските имиња на македонските производи“, пишува “Та Неа“.Името „Македонија” се појавува во различни форми во брендовите на 182 грчки бизниси во сите сектори, а од нив 39 во секторот за храна и во земјоделскиот сектор.Бизнисмените бараат да нема промена во имињата на грчките производи кои го вклучуваат терминот “Македонија” и бараат од владата да го брани ова право на грчките бизниси.Сепак, досега, само 24 компании ги регистрирале своите брендови на европско ниво, од кои 8 од јуни минатата година, а само 2 на меѓународно ниво.„Та Неа“ пишува дека во следниот период ќе биде формиран Специјален комитет на експерти од двете земји, кој во рок од три години ќе го решава ова прашање, но до денес, според претставници на грчките претприемачи, не било побарано да дадат свое мислење.

Свет | пред 6 години

Остатоците од авионот во кој леташе Сала пронајден на дното на Ламанш

Исчезнатиот мал приватен авион во кој фудбалерот Емилијано Сала леташе од Нант кон Кардиф е пронајден на дното на Ламанш, пренесуваат светските медиуми.Веста на Твитер ја објави Дејвид Мернс која ја предводеше приватната потрага по исчезнатиот авион.-Остатоците од авионот во кој леташе Сала со кој пилотираше Дејвид Иботсон се лоцирани , напишал Мернс.Тој воедно пренесе дека полицијата веќе ги информирала и семејствата на Сала и Иботсон, информира АП.Авионот исчезна на 22-ри јануари. Полицијата и државните служби имаа потрага која траеше три дена и во која немаа успех. Откако тие прекинаа фудбалскиот свет собра 300.000 евра и беше ангажиран експертот и ловец на бродови Дејвид Мернс, па потрагата продолжи.

Спорт | пред 6 години

Денеска во кривичен завршни зборови на одбраната за 27 април

Со завршни зборови на одбраната денеска во Криивчниот суд во Скопје треба да продолжи судењето за случувањата во Собранието на 27 април 2017 година.Завршни зборови на минатото рочиште изнесе јавното обвинителство, кое е застапник на обвинението за случајот „27 април“, во кој првично беа обвинети 33 лица, но согласно Законот за амнестија помилувани беа вкупно 15 лица.Обвинителката Вилма Рускоска, во својот завршен дел истакна:– Обвинителството докажа дека на 27 април е извршен организиран насилен напад врз една од најважните институции. Докажа дека тоа не беше спонтан упад и зовриени емоции. Обвинитеството докажа дека ова беше организиран и со умисла напад. Доказите потврдија дека преземените дејствија се поврзани и последователни со цел да се загрози уставноиот поредок. Докажа дека ова обвинение не е политички реваншизам, туку акт за докажување на делото и запазување на правото, изјави Рускоска.Завршни зборови треба да дадат Митко Чавков, Душко Лазаров, Горан Ѓошевски Леви, Митко Пешов, Младен Додевски, Горанче Ангеловски,Оливер Поповски, Мунир Пепиќ, Абдуљфета Алими, Влатко Трајковски, Игор Дурловски, Јане Ченто, Игор Југ, Александар Василевски Нинџа, Никола Митревски Кољо, и Вилијам Михајловски.15 мината се товарат дека сториле кривично дело терористичко загрозување на уставниот 5 поредок.

пред 6 години

Амди Бајрам кандидат за претседател

Аднан Мемеди кој е дел од Централниот одбор на Сојузот на ромите денес на својот Фејсбук профил објави дека за претседател на Македонија ќе го кандидираат Амди Бајрам.„На денешната седница на централниот одбор на Сојузот на ромите за единствен кандидат за претседател на Македонија да го кандидира претседателот на партијата и актуелен пратеник во Македонското собрание г-дин Амди Бајрам“, стои во објавата на Фејсбук.

Македонија | пред 6 години

(ВИДЕО) Што се гори во Гинекологија и акушерство „Мајка Тереза‘’ во Чаир ?

Густ црн чад излегува од оџакот на Гинекологија и акушерство „Мајка Тереза‘’ во Чаир. Што се гори таму?Денеска на Фејсбук се појави видео преку кое граѓани на Скопје покажуваат дека сите допренесуваат за загадувањето на главниот град.https://www.facebook.com/skopje1mk/videos/238279010427905/Во моменти кога Скопје и Македонија се гушат и се рангирани на табелите како најзагадени а светско ниво, граѓаните самоиницијативно се трудат да ги детектираат загадувачите. Секојдневно на соцојалните мрежи се појавуваат видеа преку кои се покажуваат кој се загадува.На „Ер вижуал“, специјализираната интернет-страница за следење на квалитетот на воздухот, рангирањето се врши според збирните податоци од мерните станици поставени во светските градови кои се соочуваат со лош квалитет на воздухот. Овие податоци веќе два месеци Скопје и уште неколку градови во Македонија ги рангираат на високите три позиции, како најзагадени градови во Европа, па дури и во Светот.Деновиве сме сведоци и на мирни протести во главниот град, во организација на група граѓани кои, како што велат, се загрижени за состојбата на воздухот и на тој начин сакаат да го искажат својот револт.Тие порачуваат дека проблемот со загадувањето одамна требало да биде решен. Властите, институциите и сите надлежни досега, како што велат се обидуваат да дознаат кои и се главните причинители, а веќе требаше да биде решена состојбата.Меѓу барањата на граѓаните се свикување итна владина седница, вклучување експерти и граѓански сектор во контролите кон големите загадувачи. Очекуваат од граѓаните да ги поддржат и заедно да ги надополнат барањата за изнаоѓање најдобро решение.

Скопје | пред 6 години

(ВИДЕО) Силна експлозија ја потресе Подгорица, загина припадник на которската криминална банда

Во центарот на Подгорица денеска експлодирал автомобил, а при таа прилика тешко повреден е возачот. Како што е наведено, станува збор за 30-годишен човек. Правиме се што можеме. “ , изјави директорот на клиничкиот центар Нермин Абдиќ.Реанимацијата била неуспешна . Починал Никола Чупиќ (30) од Цетиње , кој се смета за припадник на которската криминална банда. Тој возел џип Тојота низ центарот на градот , кога наеднаш експлодирал утрово во 10.40 часот .Црногорските медиуми објавуваат дека дд силината на експлозијата Чупиќ излетал од прозорецот. Ги повикувал минувачите да му помогнат , но од внатрешноста на авотмобилот во палмен се слушнале истрели , најверојатно од прегреани куршуми , така што луѓето се тргнале и ја чекале итната помош.

Свет | пред 6 години

Македонскиот документарец „Медена земја“ - победник на „Санденс“!

Во конкуренција со 11 документарни филма од целиот свет, „Медена земја“ во режија на Љубо Стефанов и Тамара Котевска освои три оскари на „Санденс“, за најдобра кинематографија, нагарада од специјалното жири и награда од главното жири.Со победа во три категории, македонскиот филм „Медена земја“ („Honeyland“), триумфира во конкуренцијата за документарци од целиот свет на американскиот филмски фестивал.На церемонијата што се одржа во Парк Сити, Јута, САД, „Медена земја“ ja доби големата награда на жирито (Grand Jury Prize) за најдобар документарен филм, а на снимателите Фејми Даут и Самир Љума им беше врачена наградaта за најдобра кинематографија (Special Jury Award for Cinematography).Листата на победниците на „Санденс“ можете да ја видите овде.„Медена земја“ раскажува приказна за Атиџе, последната жена-одгледувач на диви пчели во Европа, која живее сама со својата мајка во централна Македонија. Главна идеја на филмот е да се прикаже припадноста на човекот кон природата и нарушувањето на природната рамнотежа преку судир на два различни начина на искористување на ресурсите на Земјата.Музиката на „Медена земја“ е на групата „Фолтин“, а како музички супервизор се јавува Рана Еид од „ДБ Студиос“ (DB Studios) од Бејрут. Документарецот, кој е во продукција на „Аполо медиа“ и „Трис филмс“, е реализиран како дел од Програмата за зачувување на природата во Македонија – проект на Швајцарската агенција за развој и соработка (SDC), а е поддржан и од Агенцијата за филм на Република Македонија.

Македонија | пред 6 години

„Заработив доволно за да ја хранам цела Србија“ - Ѓоковиќ отвора ресторан за бездомници

Најдобриот српски тенисер во историјата уште еднаш покажа дека е многу повеќе од врвен спортист. Новак Ѓоковиќ планира да отвори ресторан за бездомници, се вели во изјавата објавена од неговата служба за печатот испратена до британските медиуми."Парите не ми се проблем, заработив доволно за да ја нахранам целата Србија. Мислам дека тие заслужуваат вакво нешто, затоа што ме поддржуваа цело време ", се вели во соопштението.Засега не е познато каде ќе се наоѓа ресторанот, ниту како ќе функционира, но локацијата, најверојатно, ќе биде во Србија.Инаку, Ѓоковиќ веќе има два ресторана, еден во Белград, а другиот во Монте Карло, и во неколку наврати изјави дека сака да се занимава со угостителството и да готви, пишува Noizz.Тенисер е во пауза која ќе трае до следната сезона, а во оваа фаза од својот живот се посвети на семејството и зајакнувањето на менталната моќ.

Магазин | пред 6 години

ФОТО: Груевски во Унгарија без венчалната бурма

По објавувањето на интервјуто со екс премиерот Никола Груевски, се анализира секој детал на снимката. Од тоа како изгледа, како седи, што носи, како се однесува, кои гестикулации ги прави, како зборува... и ред други детали. Се отиде до таму што се забележа и еден детал. Тој повеќе не ја носи бурмата која додека беше во Македонија не ја вадеше од прст.Прашање кое се наметнува, дали додека беше премиер протоколот внимаваше до секоја ситница па екс премиерот носејќи бурма на некој начин покажуваше хармоничен брак ( и покрај тоа што бурмата во денешно време не е мерило за тоа) или пак можби Груевски кога бегал од Македонија не успеал да ја земе.Инаку прв пат по десетина години, Никола Груевски во првото интервју по неговото бегство, се појави без венчалната бурма. Експремиерот живее сам во Будимпешта, како што рече во интервјуто згрижен од пријатели. Дома во Скопје, се неговата сопруга Боркица и двете ќерки.

Македонија | пред 6 години

(ФОТО) ОУ „Кузман Јосифовски Питу“ од Кисела Вода ги отстрани таблите на кои пишуваше „Република Македонија“

Таблите на кои беше напишано името на училиштето и н државата „Република Македонија“, отстранети од основното училиште „Кузман Јосифовски Питу“ од Кисела Вода. Одлуката е донесена и спроведена без консултација и известување на советот на родители, велат извори за порталот Скопје инфо.Сеуште е нејасно што е причината за избрзаниот чекор имајќи предвид дека државните институции, граничните премини и дипломатско-конзуларните претставништва ќе имаат рок од седум дена по ратификацијата во Грција на Протоколот за пристапување на Македонија во НАТО да почнат со замена на таблите.Употребата на новото име на државата ќе биде усогласено и со Законот за употреба на јазиците што значи дека таблите ќе бидат напишани и на албански јазик.Препораки за промена на таблите ќе добијат и единиците на локалната самоуправа, а секторите и службите за односи со јавност на државните и јавните институции ќе добијат насоки за употреба на уставното име.извор: Скопје Инфо

Скопје | пред 6 години

Груевски: Не никогаш не сум организирал насилство над пратеници, нити сум одобрил такво нешто

Екс премиерот проговори и за обвинувањата упате кон него дека е организатор на насилствата кои се случија на 27 април во собранието на Р Македонија. Тој вели:„Не никогаш не сум организирал такво нешто, ниту преќутно сум одобрил такви нешто.На прашањто дали стравува од екстрадиција? Тој вели:„Ќе оставам на властите. Бев во два наврати да дадам интервју, едното беше 6 часа, другото 2 часа. Тие одлучуваат за тоа прашање. Јас отценив дека го направив она што морав, затоа што нема да дозволам да се изживуваат врз мене.Сепак Груевски и ако е во Унгарија, вели дека има пријатели кои многу често го посетуваат од Македонија.„Можам да кажам дека висок процент проценив дека ми се пријател, но мал прцент од оние на кои им верував не“, вели Груевски.

Македонија | пред 6 години

Груевски кажа каде живее, што прави, со кого се среќава...

Од Македонија заминав многу едноставно, заминав во Аалбанија. Таму се пријави во Унгарската амбасада во Тирана и побарав политички азил. И од таму дојдов во Унгарија… Бев транспортиран поради безедносни причини, истакна екс премиерот Никола Груевски во ексклузивното интервју за Сител телевизија.Пред речиси повеќе два месеци имам статус на азилант, го побарав поради политичкиот прогон од власта. Властите го разгледаа тоа и донесоа одлука дека постојат доволно докази и причини државата Унгарија да издаде азил заради политички прогон.Тука немам никакви ограничување и не ми треба обезбедување.Само првите два дена бев во хотел, ми беше помогнато од пријатели, бев поканет кај нив и така го решив тоа прашање.Засега не сум почнал ниту да работам, вклучен сум во многу други активности, имам многу состаноци.Имам многу посети од Македонија. Со луѓе од власта немам контакт. Со сопартијците од раководството немам контакт, но имам со многу пријатели.Имав полициско обезбедување кога се движев, тие не седеа кај мене. Обезбедувањето доаѓаше наутро кога ќе им се јавев и навечер си одеа. Имаше денови кога сум останувал дома, како и секој нормален човек, и тогаш тие не доаѓаа.Јас најпрво бев со намера, доколку власта оди до крај, да влезам во затвор. Иако ненамерно, иако со тотално луди пресуди без законска основа. Во последните денови добив информации за моја ликвидација во затворот и тогаш ја променив одлуката. Ја донесов одуката во самиот крај. Добив информација од лица кои беа добро информирани од состојбите внатре во затворот. Имав сериозни сознанија од сигурни лица.На прашањето како од вашиот дом избегавте , кога знаеме дека ве чуваа , Груевски вели:„Јас имав полициско обезбедување кога се движам. Немавме куќичка пред зграда да ме чуваат 24 часа. А имало денови кога сум останувал дома , така да не беше чудно да не се јавам“На прашањето пак дали власта ви помогна при бегството, екс премиеротв вели:Власта да ми помогне не..Груевски не откри кој му помогнал при бегството. Тој вели:„Јас најпрво бев со намера да влезам со затвор. Иако неправедно бев осуден. Се е тоа политички прогон без права основа. Но последните денови добив сознанија за моја ликвидација во затворот. Затоа ја променив одлуката ... конечната одлука ја променив постепено“, вели Груевски. Тој не откри од кого ги добил информациите дека сакаат да го ликвидираат.„Имав серизони сознанија. Неможам тоа да го кажам сега , затоа то неможам тоа да го докажам. Но имав сериозни сознанија“Зошто унгарија?Проценив дека станга збор членка на НАТО И ЕУ , и сигура земја, вели Груевски.На прашањето дали екс премиерот имал контакт со властите од Угарија,Албанија, Црна Гора, тој вели:„Заминав во Албанија. Од таму во Унгарија со документ од Унгарската амбасада во Тирана. Во Унгарија емигрантските власти да одлучат. Не, не сум разговарал со Орбан. Апслолутно јас еден ден ќе се вратам, јас не сум дојден тука да живеам. Јас ќе се вратам. До полследен момент се борев на суд, но кога видов дека треба да влезам во суд за нешто што не сум виновен, се одлучив да заминм, вели Груевски.Груевски проговори и за статусите кои ги објави на Фејсбук.Првиот на 13 ноември во кој најави дека барате азил, по што следниот ден беа уапсени неговите соработници Јанакиевски и Божиносвки.„Првата изјава беше во време кога се носеше законот за двојазичност тиранската платформа. Тогаш напишав, ако јас сум на мета да бидам. Но, што направи Заев, ниту државата ја оставви, и плус испоапсија луѓе без основа. Да секако ако се откажеше од тиранската платформа,, јас би се пријавил да бидам жртва.Да, тие се ни криви ни должни, а беа уапсени. Власта си испланирала и тие да ги стави во притвор. Списоците за тоа не ги носи судот. Не им се лутам . Луѓето баа во тешка сутуација. Тие се под тежок протисок им се закануваше казна, власта е способна само да врши политички прогон, владеење со страв со уцени.. за дела , реформи, напредок, инвестиции не ги бива.На прашањето дали и Груевски има влијание врз пратениците како што се зборува за неговиот прв братучед Сашо Мијалков, Груевски вели:„Јас не сум имал никакво влијание на пратеници, знаете како јас гласав. Јас гласав онака како што верувам дека траба и она што е најдобро за државата. Се зборува дека Мијалков така постапил, но докази нема. Не се мешам во одлуката на партијата. Се трудам на никој начин да не се мешам во одлуките на партијата“, вели тој.

Македонија | пред 6 години

(ВИДЕО) Градоначалникот на Сарај, Беким Мурати учествуваше во „пошумување“ на пастрмката во реката Треска

Градоначалникот на Сарај, Беким Мурати, учествуваше во пошумување на пастрмка во реката Треска.https://www.facebook.com/skopje1mk/videos/367115780537277/ 

Скопје | пред 6 години

Груевски: Од Македонија заминав многу едноставно, заминав во Албанија, таму се пријавив во Унгарската амбасада

Од Македонија заминав многу едноставно, заминав во Аалбанија. Таму се пријави во Унгарската амбасада во Тирана и побарав политички азил. И од таму дојдов во Унгарија... Бев транспортиран поради безедносни причини, истакна екс премиерот Никола Груевски во ексклузивното интервју за Сител телевизија.Во неговото прво појавување на медиум по бегството тој одговара како избегал, по која рута, но открива како што кажа само дел, затоа што ќе оставел Власта да ги открие деталите.Тој одбил да одговори дали на легален или на илегален начин, заминал од Македонија, но во краткиот дел од интервјуто Груевски тврди дека од Албанија заминал само со лична карта до граница, а од Унгрската амбасада со како што кажа документ до Унгарија.Н апрашањето дали некој од власта му помогнал при бегството Груевски вели:„Власта да ми помогне НЕ .. да може нешто лошо да ми направи, ама да ми помогне НЕ...Интегралното интервју со екс премиерот ќе се емитува на Сител телевизија во централниот дневник во 18:00 часот.

Македонија | пред 6 години

Охрид ЅОЅ : Заев ќе носи Закон за чичко Никола?!

На вчерашната трибина во Охрид Бизнисменот Никола Толески инаку познат во јавноста како инвеститор во објектот во Лагадин, против кој реагираа и се организираа протести , се обрати со прашање до премиерот за неговиот проблем. Премиерот Заев му одговори: Неколку пати Транспорт и врски носи позитивна одлука. Разговарав со покоен Јован, сега со другите. Премиерот интервенира оти правото е на ваша страна, министерот интервенира оти правото е на ваша страна.По оваа комуникација во Центарот за култура, на нозе се кренаа Активисти на Граѓанска иницијатива Охрид ЅОЅ.Тие испратија соопштение во кое се вели:На крајот на оваа година македонската влада има обврска да покаже дека ги испочитувала обврзувачките препораки на Комитетот за светско наследство со што ќе покаже способност за управување со ова исклучително ретко светски признато богатство.Но изгледа не само што многу брзо македонските институции со својата склоност кон корупција ќе го префрлат охридскиот регион на Листата на светско наследство во опасност, туку и ќе го озаконат разузданото дивеење на урбаната мафија на штета на сите жители на РМ.На вчерашниот партиски митинг на сдсм во Охрид со парадоксален назив „Силна економија – шанса за сите“ имавме чест да слушнеме како премиерот Заев му ветува на „чичко Никола“ со кого си разменувале приватни смс пораки дека тој лично ќе се погрижел неговиот криминален хотел да си ги добие сите потребни дозволи и да си почне со работа.Го потсетуваме премиерот Заев на решението од здружениот инспекциски надзор во кое беа констатирани низа неправилности кои правниот тим на Охрид ЅОЅ ги утврди. Потсетуваме на целата низа прекршувања:- Прекршување на Законот за управување со светското природно и културно наследство воохридскиот регион (чл. 9, чл. 17 став 1, чл. 23 став 2)- Прекршување на Законот за заштита на Охридско, Преспанско и Дојранско Езеро- Прекршување на Законот за животна средина- Прекршување на Законот за заштита на природата- Прекршување на Законот за води (чл. 131 став 1 алинеи 4, 5 и 7)- Прекршување на Законот за просторно и урбанистичко планирање (чл. 33 и чл. 35)- Прекршување на Правилникот за начинот на спроведување на постапката за добивање наодобрение за градење на електронски начин (чл. 8)- Прекршување на Законот за градење (чл. 83 став 1 и 3, чл. 84) *Поради нетранспарентност на постапката и неможност за јавен увид во целокупната документација, постои сомнение и за прекршување на чл. 47 став 8, чл. 48 и чл. 56 од истиот Закон - Прекршување на Законот за општа управна постапка - Прекршување на Законот за вработените во јавниот сектор (чл. 8, чл. 9, чл. 10)- Прекршување на Законот за користење на податоци од јавниот сектор (чл. 5)- Прекршување на Законот за слободен пристап до информации од јавен карактер (чл. 4, чл. 13) -Прекршување на Законот за сопственост и други стварни права (чл. 9, чл. 26, чл. 118, чл. 124, чл. 152)- Прекршување на Уставот на РМ (чл. 26, чл. 30)Понижувачкиот пинг-понг што се одвива меѓу Општината Охрид и Второстепената комисија каде што „инвеститорот“ Никола Толески се жали и „бара правда“ е тежок удар и сериозно уназадување на владеењето на правото во Македонија. А препорака број 9 од Комитетот се однесува токму на тоа: Државата да „Загарантира ригорозна примена на законите и регулативата со цел да оневозможи било какво натамошно нелегално градење во рамките на доброто.“На сомнителниот „бизнисмен“ Никола Толески не му е првпат да гради нелегално. Против него СВР Охрид има поднесено кривична пријава во 2016 г. повторно за нелегална градба во заштитено подрачје, поточно во Националниот парк Галичица.Освен ако премиерот Заев не мисли да го злоупотреби Собранието на РМ за да го задоволи својот сопартиец и да го силува Уставот со носење на lex specialis во урбанизмот кој ќе се вика „Законот за чичко Никола“, незаконскиот чир од градба во Лагадин мора итно да добие решение за отстранување и Општината мора веднаш да пристапи кон спроведување, овојпат без изигрување на правото како кога ја поништија само клаузулата за правосилност на одобрението за незаконската градба, а не го поништија и самото одобрение.Ако премиерот сака жителите на РМ да му веруваат дека тој се залага за и претставува европски вредности, тој веднаш ќе се извини за грубото мешање во надлежности што претставува тешко прекршување на темелните вредности на уставниот поредок во РМ. Не е во надлежност на премиер „да фаќа врски“ за да озаконува криминални градби во УНЕСКО регион. Премиер кој е на ниво на задачата ќе побара да го види решението од мешаниот инспециски надзор и ќе ги извршува доследно своите надлежности според Деловникот за работа на владата. Како на пример, во согласност со чл. 4, став 6 од Деловникот за работа на владата ќе побара одговорност за лицата кои воопшто овозможиле ова криминално одобрение за градба да стане правосилно и лицата од Второстепената комисија што упорно ја уважуваат жалбата за нелегалната градба.Потоа, во согласност со став 10 од истиот член ќе ја насочи реформата во охридската администрација кон декриминализација и долго очекувана професионализација во обезбедувањето на јавните услуги за граѓаните.Од премиерот Заев младите охриѓани очекуваат заложба за одржлив развој, развој кој ќе им донесе достоинствени работни места, развој кој нема да зависи од партија, но ќе биде стратешка определба на професионална администрација на локално и централно ниво. Единствено ова претставува концепт на силна економија во која има шанса за сите. Токму партискиот пазар и неказнивоста на локални шерифи ги доведоа Охрид и Македонија до ова дереџе. А сепак, дури ни Никола Груевски не се осмели вака јавно и отворено да го покажува степенот на корумпираност во македонското општество.До канцеларијата на премиерот се доставени сите релевантни документи со кои располага Охрид ЅОЅ и доколку премиерот и по тие добиени информации остане во заштита на локалниот криминал, ние ќе покренеме соодветни процедури за обезбедување материјална и кривична одговорност, велат Активистите на Граѓанска иницијатива Охрид ЅОЅ.

Македонија | пред 6 години