ГЛАВНИ-ВЕСТИ

Грчева: Шарените нека ги запалат маиците со талентката со просек 6

Претседателката на политичката партија „Глас за Македонија” и поранешна пратеничка, Солза Грчева на Фејсбук, го коментира случајот во кој е вмешана и специјалната јавна обвинителка, Катица Јанева.„Ќе ја донесат директно од мешање слатко од смокви и почнува да краде и вработува цела фамилија. Обична, но да не се лажеме, намерно од сите избрана малоумница неписмена. Мислам на Ката. Ајде сега нека ги запалат маиците шарените што ги шетаа со талентката со просек 6. Ах колку сум горда што ја исплескав во Собрание и само јас не ја гласав. Еве им ја сега… ја чекам и другата со црвениот кармин која беше извадена како од кабаре. Доста беше“, вели таа.

Македонија | пред 6 години

Ганка Цветанова до Димитров: Видовме колку и за што Ве бива

Поранешната министерка за култура Ганка Цветанова му одговори на некогашниот сопартиец Никола Димитров, кој по отворањето на случајот „Рекет“, порача дека „ќе нè биде“.„Видовме Димитров Никола колку и за што Ве бива! И тие што не можеа да видат, сега прогледаа“, напиша поранешната министерка.https://twitter.com/gankacv/status/1151078112542777345?ref_src=twsrc%5Etfw%7Ctwcamp%5Etweetembed%7Ctwterm%5E1151078112542777345&ref_url=https%3A%2F%2Fwww.biznisvesti.mk%2Fpo-natpisot-na-dimitrov-kon-boki-se-oglasi-ganka-tsvetanova-eve-shto-mu-poracha%2F

Македонија | пред 6 години

Каде се јавила Јанева пред да ѝ го земат телефонот?

Основното јавно обвинителство и припадници на Министерството за внатрешни работи вчера имале налог за приведување на специјалната јавна обвинителка Катица Јанева во зградата на СЈО, неофицијално дознава МКД.мк. Што се случило после во канцелариите на СЈО?Додека се вршел претресот по домовите на обвинетите, Јанева успеала да се јави на поранешен дипломатски претставник во Македонија, учесник во пржинските преговори. Освен овој телефонски разговор, Јанва се слушнала и со висок претставник на македонските власти. Присутни на овој случај, тврдат дека Јанева се заканила дека дел од снимките се депонирани во странство.После ова налогот бил заборавен, а официјалните информации потврдуваат дека мобилниот телефон на Катица Јанева  е одземен.Целиот текст можете да го прочитате тука

Македонија | пред 6 години

Со хеликоптер на МВР од Селечка Планина извлечена 15-годишна девојка

Голема драма се одиграла во пазувите на Селечка Планина над Прилеп кога денеска со хеликоптер на МВР е извлечена 15-годишна девојка и е префрлена во прилепската Градска болница. Оттаму констатирале дека нема повреди ниту на телото ниту на главата, туку измрзнатини кои со терапија ќе бидат санирани, објави fokus.mk.Петнаесетгодишната малолетничка и момче, за кое нема детали, цела ноќ поминале на планина. Наводно се упатиле синоќа накај планинарскиот дом на Селечка и ноќта ја поминале на отворено на нестабилното дождливо и ветровито време. Изутрината кога сакале да се вратат, девојката паднала и мислејќи дека се повредила, повикани се противпожарната единица и прилепската полиција, а потоа, поради непристапниот терен, повикан бил хеликоптер на МВР. Текстот во целост на: fokus.mk

Македонија | пред 6 години

Боки 13: „Не сум сељак како Зоки пари да земам во црна ќеса, ќе ги ставиме во Луи Витон“

Детали од снимките и броење пари во случајот „Рекет“, објави Вечер.мкЖенски прсти со црвен лак бројат и ги редат во скапа торба (Луи Витон) дел од 1,5 милиони евра кои им биле исплатени на Бојан Јовановски (Боки 13) и Зоран Милески (Зоки Кичеец) во случајот Рекет. Ова го има на дел од видео материјалот кој е доказ во случајот Рекет, дознава Вечер.мк од извори во истрагата.Не сум сељак како Зоки Кичеец да ти пратам во црна ќеса, во Луи Витон од скапите ќе бидат наредени, вели машко лице во разговор по телефон на женско лице кое се смее на оваа забелешка.Добро, рачунај дека со нас работата е завршена, а и до Апелација ќе средиме. На Врховен, таму се ваши, му вели женското лице на машкото.Чиј е овој женски глас треба да покаже истрагата на обвинителството.Потоа парите се наредени во патната торба во апоени од по 50 евра, со спецификација од банка дека се чисти и податок колку има во торбата. Торбата е Луи Витон, платена 3.500 евра. 

Македонија | пред 6 години

Боки 13 сместен во Хашкото одделение во Истражниот затвор во Шутка

Бојан Јовановски, познат во јавноста како Боки 13, вчера беше приведен на граничниот премин Богородица. Тој е првоосомничен во истрагата на Јавното обвинителство за гонење на организиран криминал и корупција.Јовановски,на кого синоќа му беше одредена мерка притвор од 30 дена е сместен во Хашкото одделение во Истражниот затвор во Шутка.Од таму велат дека Хашкото одделение не е за привилегирани, туку ова е заради безбедносни и здравствени причини. 

пред 6 години

Обвинителите се оградија од Катица, шефицата сама тоне

Обвинителката од Специјалното јавно обвинителство Ленче Ристоска на денешната пресс конференција порача дека постапките на поединци не смеат да го загрозат интегритетот на постапките на ова обвинителство. Ристовска додека даваше изјава зад неа стоеја колегите обвинители,со што покажаа дека се оградуваат од се што се случува во обвинителството.Ристоска се обрати во име на целиот персонал на СЈО:„Денес не стојам овде само во лично име. Стојам во име на сите обвинители, Рустеми, Донев и Фетаи кои се на годишен одмор. Стојам и во име на целиот истражителски тим на СЈО и на стручната служба. Сакам да Ве уверам сите дека наш примарен интерес е зачувување на интегритетот и дека секогаш како вработени сме постапувале согласно законските прописи и сме се труделе да бидеме на ниво на задачата. Ние стоиме зад работата која сме ја завршиле до сега, Ве уверувам дека сите постапки не се доведени до прашање од причина што нашите постапувања во нив биле во рамки на законските прописи. Сакам да Ве информирам дека ние внимателно ги следиме случувањата и се разбира дека изразуваме голема загриженост, но сепак апелираме да се почитува презумпцијата на невиност. Сакам да потенцирам дека се придружуваме на повисок на јавниот обвинител секое лице да пријави криминални активности, и ги поздравуваме ваквите активности да ги истражат“,изјави Ленче Ристоска – обвинителка во СЈО.Ристоска порача дека се отворени за соработка со колегите од Обвинителството за организиран криминал, но додаде дека дополнителни детали, не смее да соопшти со оглед на тоа што во тек е истражна постапка.За тој што се огрешил пред законот одговорност мора да има. Сите се еднакви пред Уставот и законите и не ретерираме, затоа сме тук,а да покажеме да се најде доколку постои одговорност, но мора да ги почитуваме постапките и презумпцијата на невиност и длабоко веруваме дека интегритетот на обвинителството нема да биде загрозен, рече Ристоска.

Македонија | пред 6 години

Бомбата во Прилеп била „кашикара“ и била активирана, среќа се изгаснала пред да екслодира

Прилепското Основно јавно обвинителство кое води истражната постапка за случајот кога рачна бомба беше пронајдена пред кафе – бар во Центарот на Прилеп велид ека бомбара била „кашикара“ и била активирана, но се изгаснала и не експлодираш.Досега Обвинителството, кое веднаш даде налог да се направи крим-техничкото вештачење и да се прегледаат снимки, доби информации за типот на рачната бомба-кашикара, за нејзиното полнење,  која била активирана, но се изгаснала. Освен тоа, не се пронајдени ДНК – примероци од евентуалниот сторител, ниту папиларни траги, односно отпечатоци, освен оние од официјалните лица кога ја демотираа рачната бомба. Се прегледуваат снимките, но засега нема конкретни индиции за сторителот, информираат од прилепското Основно јавно обвинителство.Рачната бомба крај летната бавча, под една столица, на кафе барот „Кафе ин“ во центарот на Прилеп на 10 јули околу пладне ја забележал персоналот на кафе-барот, а сопственикот веднаш пријавил во полиција. Три часа се обезбедуваше теренот додека Единицата за антитероризам при МВР не ја демонтираше рачната бомба 

пред 6 години

При претресите во текот на ноќта, прибран броен доказен материјал што допрва ќе се вештачи

Тимот на Основното јавно обвинителство за гонење на организиран криминал и корупција во соработка со Министерството за внатрешни работи во текот на вчерашниот ден до раните утрински часови работеше на прибирање на материјални докази поврзани со осомничените во случајот „Примање награда за противзаконито влијание“.Како што веќе обвинителството информираше, извршени се претреси во домот на родителите на првоосомничениот, во станот каде што престојувал, како и во просторијата што ја користел во едно правно лице, воедно извршен е претрес и во домот на второосомничениот, како и во возилата што ги управувале.При претресите прибран е броен доказен материјал што допрва треба да биде предаден на вештачење. Меѓу одземените предмети покрај два персонални компјутери и еден лап топ што ги користеле првоосомничениот и неговата асистентка, одземено е поголемо количество на брендирана гардероба, накит, часовници и уметнички дела. Од второосомничениот се одземени повеќе лап топ компјутери, документација, мобилни телефони, УСБ стикови и мемориски картички , како и поголемо количество на оружје и муниција за кое дополнително ќе се утврдува дали второосомничениот го поседувал со дозвола.Со оглед на обемноста на материјалот , записниците за одземени предмети се уште се подготвуваат и во моментов обвинителството не може да соопшти детали.Воедно, обвинителството ја известува јавноста дека до овој момент надлежниот обвинител нема извршено разговори со други лица, за кои излегоа шпекулации во јавноста дека се повикани на информативен разговор во насока на расветлување на случајот.Во интерес на истражната постапка и спречување на шпекулациите во јавноста, обвинителството колку што дозволува истрагата континуирано ќе информира за преземените дејствија.  

пред 6 години

Милошоски: Главниот нарачател кој давал одредени инструкции во случајот „Рекет“ е дел од власта

Главниот нарачател кој давал одредени инструкции во случајот „Рекет“, што беше обелоденет вчера, според пратеникот Антонио Милошоски од опозициската ВМРО-ДПМНЕ, е дел од владејачка партија.Милошоски во денешната изјава за медиумите во Собранието рече дека СЈО наместо да биде контролор излегол надвор од своите надлежности и „станал партнер во криминални дела и корупција“.– Во ова дејствување каде што прислушкуваните материјали биле злоупотребувани за бизнис рекет, а самата конструкција на тие материјали била наменета за политички уцени, е нешто што не смее да се случува да помине несанкционирано. Не е добро да се има Обвинителство под контрола на власта, но не е добро да се има и Обвинителство надвор од контрола на кого било, рече Милошоски.Тој најавува дека опозициската партија веројатно ќе бара анкетна комисија или надзорна расправа за состојбите во СЈО, а последниот случај е само доказ дека треба да се направи квалитетен закон за обвинителството.-  Во текот на разговорите за законот за обвинителство, на минситерката Рената Дескоска и предложивме во парламентот да се формира анкетна Комисија за отчет на работата на СЈО, но тоа тогаш беше одбиено. Сега после овој слулчај, анкетна Комсиија или надзорна расправа би биле неопходни - изјави Милошоски.

Македонија | пред 6 години

Русковска ќе ги гони пратениците „Коки“ и „Фрики“, под сомнение дека изнудувале рекет со Боки 13 и Кичеец

Шефицата на Обвинителството за гонење на организиран криминал, Вилма Русковска, ќе ја прошири истрагата за рекетот кој го земале Боки 13 и Зоки Кичеец. Според последните информации, опфатени ќе се и двајца пратеници од редовите на СДСМ, за кои Геровски пишуваше дека му помагале на Боки 13 да изнуди рекет. Во приказните на Геровски тие беа со севдонимите „Фрики“ и „Кики“.Во исто време, се прибираат информации за тоа како специјалната обвинителка Катица Јанева им помагала на Боки 13 и Кичеец при прибирањето на рекетот. Вчера, полицијата и го одзеде телефонот. Рускоска соопшти дека засега таа не се гони, но, истрагата ќе се проширува.

Македонија | пред 6 години

Усеини нема да може да урива дивоградби бидејќи е советник, пресече Антикорупциска

Во врска со објавениот тендер од страна на Општина Охрид за избор на фирма која ќе ги руши дивоградбите во Охрид, каде меѓу двете фирми кои доставиле понуди на тендерот е и фирмата во сопственост на членот на советот на Општина Охрид,  Нефи Усеини,  кој е сопственик и на пицеријата – дивоградба кај Чинарот во Охрид, Државната комисија за спречување на корупцијата, го издаде следново соопштение: „Државната комисија за спречување на корупцијата смета за потребно да укаже  на ограничувањата кои се однесуваат на службените лица во соработка со правни лица, што се во нивна сопственост или во сопственост на нивни блиски лица, а во насока да превенира потенцијален судир на интереси што ќе настане доколку не се почитуваат тие ограничувања.Ова од причини што, во член 51 од Законот за спречување на корупцијата и судирот на интереси е предвидено следното:„Службено лице во вршењето на својата функција, јавни овластувања или должности не може да воспостави деловни односи со правно лице кое е во негова сопственост или во сопственост на член на неговото семејство или во кое тој или член на неговото семејство поседува акции или удели или кое го основал тој или член на неговото семејство или во кое одговорното лице е член на неговото семејство“.Имено,  фирма што е во сопственост на лицето Нефи Усеини, или во сопственост на негови блиски лица, не може да воспостави деловни односи со Општина Охрид, каде истото лице е член на совет. Доколку, службеното лице постапи спротивно на овој член, на склучениот договор се применуваат одредбите за ништовност на договорот од Законот за облигационите односи“, се вели во соопштението од државната комисија за спречување корупција.  

Македонија | пред 6 години

(ФОТО) Боки 13 приведен со чанта која чини 20.000 евра

Бојан Јовановски од синоќа е во 30 дневен притвор, откако беше уапсен на граничниот премин Богородица, обидувајќи се да ја напушти земјава. При апсењето од џипот биле земени сите лични работи на Боки 13, меѓу кои била и ташната „Биркин“ од брендот „Ермес“. Чантата синоќа привлече посебно внимание во моментот кога полицаецот ја носеше во судот, затоа што истата чини околу 20 000 евра.„Биркин“ е една од најскапите чанти во светот. Чантата го добила името по актерката Џејн Биркин. Сите парчиња чанти од овој бренд се произведуваат рачно.Најскапата „Биркин“ чанта е продадена на аукција во 2015 за 221.000 долари.

Македонија | пред 6 години

Метлата на Заев денеска ќе исчисти 30 тина директори

Метлата на Заев денес ќе исчисти триесетина директорски места, дознава 24 инфо од свои извори. На денешната владина седница се очекува да бидат разрешени актуелните директори и да бидат назначени нивните наследници. На минатата владина седница беше разрешен Џеват Исени претседател на Управниот одбор на Акционерското друштво за стопанисување со стамбен и деловен простор.

Македонија | пред 6 години

За помалку од 24 часа се собраа парите за операција на Менче

За неполни 24 часа се собраа потребните 5.500 евра за младата Стаменка Трповска, на која и е дијагностицирана коксартроза која се заснова на рскавицата во колкот која е скоро целесно оштетена.Таа побара помош и преку социјалните мрежи и за рекордно брзо време се собраа потребните средства за операција, благодарение на хуманите граѓани ширум земјава.„Пријателчиња драги, ги собравме потребните средства за мојата операција во рекордно брзо време. Па похумана нација не постои!!! Фала ви на сите до еден!!! И шернувајте го и овој статус за да знаат луѓето дека ја завршивме донацијата само за еден ден!!! Македонијо, живеј во овој ритам“, напиша Менче на Фејсбук.

Македонија | пред 6 години

Героски за Боки 13: Време беше власта да го симне од вратот овој крлеж

Новинарот Бранко Героски по апсењето на Бојан Јовановски се огласи на својот Фејсбук профил.„Саше будалетинката бара да сум му се извинел на СДСМ за "клеветите" дека Боки 13 дејствувал "заедно со власта". Настрана што тоа никогаш не сум го кажал...Погледнете го колажот од фотографии и врднаш ќе сфатите зошто нема да му се извинам на СДСМ и кој кому треба да се извини.Не велам дека сите овие личности од фотографиите соработувале со Боки или го поттикнувале да рекетира. Скраја да е. Но, нивната блискост со еден ваков лик, нивното внимание со кое го опсипале, дегинитивно го охрабриле Боки да го прави она што го правел.Време беше власта да го симне од вратот овој крлеж. Пардон, оваа бубашваба, како што самиот си се нарече. Мислам на Боки. А и за Сале Мутави да си размислат“, напиша Героски на Фејсбук.

Македонија | пред 6 години

Ако Боки 13 и Зоки Кичеец не докажат како го стекнале имотот, Русковска ќе им го одзеде

Обвинителката Вилма Русковска, вели дека постоеле индиции дека Бојан Јовановски познат како Боки 13 се обидел да избега, па затоа бил задржан на граничниот премин Богородица. Таа потврди дека е одредена мерка притвор за Јовановски и Милевски во траење од 30 дена.Таа вели дека доколку осомничените имаат имот, за кој нема да можат да докажат како го стекнале, тој ќе биде одземен.„Донесена е наредба за истрага. Се води и финансиска истрага. За цел имот што го поседува било кој од осомничените, а за кој нема да можат да го докажат потеклото, односно од каде им е, Обвинителството во обвинителен акт ќе бара одземање на тој имот. Но тоа е отом-потом“, рече Русковска.

Македонија | пред 6 години

По притворот за Боки13: Ја затворивте македонската Кардашијан, каде ќе ви оди душата

Сопственикот на 1ТВ, Бојан Јовановски вчера доби 30 дневен притвор поради примање награда за противзаконско влијание, како и за перење пари.Тој вчера беше уапсен на граничниот премин Богородица.Овие случувања предизвикаа лавина реакции на социјалите мрежи, а ова се дел од нив.https://twitter.com/sinisa_goliOtok/status/1151016422409158656https://twitter.com/anyafromearth/status/1151015024632258560https://twitter.com/riste_g/status/1150979493349199872https://twitter.com/WedFcv100/status/1150892333002571776https://twitter.com/dostumot_/status/1150900286061535233https://twitter.com/VladimirPanche6/status/1150906783466229760https://twitter.com/Puflica/status/1150892004714393600https://twitter.com/paladzudzo/status/1150916763196055552https://twitter.com/maltafal/status/1150922239807823872https://twitter.com/AdvokatNikolco/status/1150965394246721536https://twitter.com/MacedonianFeni1/status/1150991436537577473https://twitter.com/gjorgjiVV/status/1150993111335747584https://twitter.com/RobinKazvit/status/1151001584677134336https://twitter.com/totoskata/status/1151015322838810624

Коментари | пред 6 години

Заев јавно ги покани Мицкоски, Ахмети и Села на лидерска средба во петок

Премиерот Зоран Заев денеска јавно, на прес конференција повика да се одржи лидерска средба во петок за да се разговара и постигне договор за клучните прашања кои стојат пред државата до одлуката за почеток на преговорите со ЕУ.„Не само тие и ние сме подготвени за предвремени парламентарни избори, но нашиот став останува дека треба да чекаме на редовните избори. Ако има избори оваа есен на власт ќе остани оваа влада“, рече премиерот Зоран Заев.Заев на средба ги покана Мицкоски, Ахмети и Села, а истата ја најави за во петок во 14 часот во Клубот на пратеници.Тема на лидерската средба Заев предлага да бидат Законот за СЈО, Законот за попис и Изборниот законик.

Македонија | пред 6 години

Русковска: Имаме аудио и видео снимки, обележани пари нема

Јавната обвинителка Вилма Русковска по завршување на распитот за осомничените Бојан Јовановски и Зоран Милески, изјави дека ОЈО поседува аудио и видео снимки за случајот, а дека нема обележани пари.Таа рече дека е одземен мобилен телефон на еден јавен обвинител, но дека не е вршен претрес во незјиниот дом. Извршен бил претрес во домот на Боки 13 и во неговата канцеларија од која е одземен комјутерот.Засега немало потреба обвинителката да биде изведена пред судија.„Телефонот е одземен за да ја видиме комуникација на јавен обвинител и првоосомничениот. Претрес не е направен кај ниту еден јавен обвинител и сега за сега нема причина зошто да бидат изведени пред судија“, рече Рускоска.

Македонија | пред 6 години

(ВИДЕО) Боки 13 до Русковска: Зборувате лаги

Бојан Јовановски доби 30 дневен притвор, а обвинителката Вилма Русковска веднаш по одредувањето даваше изјава со некои детали од истрагата.Додека зборуваше Боки 13 беше изведен од судот и требаше да помине токму покрај Русковска.„Се извинувам додека зборувате лаги што ве прекинувам“, рече тојhttps://www.facebook.com/24vesti.mk/videos/2171290136313852/

пред 6 години

Боки 13 ќе помине 30 дена во “Шутка” одлучи судот

Сопственикот на 1ТВ, Бојан Јовановски, во јавноста познат како Боки 13 предмалку со лисици на рацете излезе од Кривичниот суд во Скопје. Тој доби 30 дневен притвор.Попладнево Јовановски беше уапсен на граничниот премин „Богородица“ по налог на Јавното обвинителство Скопје.Боки 13 заедно со Зоран Милевски се осомничени за кривично делo „Примање награда за протизаконито влијание“, а Јовановски се сомничи и за перење пари бидејќи примените парични средства ги пуштил во оптек како легално стекнати.

Македонија | пред 6 години

Боки 13 за малку ќе избегал од државава

Бојан Јовановски познат како Боки 13 кој денеска беше приведен за „Примање награда за протизаконито влијание“, и за перење пари за малку ќе избегал од државава.Боки 13 бил сопрен кај Гевгелија. Тој со џип во друштво на уште тројца пријатели, возел кон граница.Во џипот биле познати ТВ водителка и Тв водител и двајцата од националната телевизија чиј сопственик е осомничениот Боки 13.Во торбата на Боки 13 биле пронајдени 5000 евра во кеш. 

пред 6 години

(ВИДЕО) 30 дневен притвор за Кичеец

Бизнисменот Зоран Милески Кичеец со полициска придружба беше изнесен од Кривичниот суд и ставен во полициско комбе. Тој доби 30 дневен притворЗоки Кичеец е второосмничен во случајот во кој Бојан Јовановски познат како Боки 13 се товари за рекет од 1.5 милиони евра изнудени од познат скопски бизнисмен. Кичеец попладнево беше уапсен во еден скопски ресторан.Во Кривичниот суд се уште трае распитот врз првоосомничениот Бојан Јовановски.

Македонија | пред 6 години

МВР врши претрес во домот на Катица Јанева

Полицијата вечерва по налог на Основното Јавно Обвинителство врши претрес во домот на Катица Јанева која денеска поднесе оставка, пишува Канал 5.Засега од ОЈО не откриваат повеќе информации дали претресот во куќата е поврзан со денешното приведување на Бојан Јовановски познат како Боки 13 и Зоран Милевски – Кичеец.

Македонија | пред 6 години