ГЛАВНИ-ВЕСТИ

МЗШВ склучи договори за концесија на рибите за рекреативен риболов за шест акумулации

Министерот за земјоделство, шумарство и водостопанство, Љупчо Николовски, денеска ги потпиша договорите за доделување концесија на рибите за организирање на рекреативен риболов за 6 рекреативни зони односно акумулации. Овие договори се дел од трите постапки за доделување на риболовни концесии кои беа донесени со одлука на Влада. Во оваа постапка беа опфатени 19 риболовни води, односно 6 риболовни ревири и 13 рекреативни зони, од кои денеска се потпишаа шест договори. Станува збор за акумулациите Стрежево, Козјак, Мантово, Паљурци, Мавровица и глобочица.Инаку, Владата на годинава донесе Одлуки за започнување на три постапки за доделување концесија на рибите за организирање на рекреативен риболов во кој беа опфатени 47 риболовни води од кои 28 за риболовни ревири (реки) и 19 рекреативни зони (акумулации).Од нив, во првата постапка беа опфатени 17 риболовни реки и три акумулации, за кои што во јуни годинава се склучија 14 договори. Со втората постапка се опфатени 19 риболовни води, од кои денеска се потпишаа шест договори за акумулации.Третата и последна постапка е во тек и во истата се опфатени 10 риболовни води. Во оваа постапка покрај доделувањето концесија за организирање рекреативен риболов на 5 риболовни ревири и 3 рекреативни зони, започната е и постапка за доделување концесија за вршење на стопански риболов на двете риболовни подрачја Охридско Езеро и Дојранско Езеро, за што до крајот на месец јануари следната година се очекува да склучат договорите. Јавното отворање на понудите од третата постапка беше на 24 овој месец. По евалуацијата на понудите ќе се поканат сите понудувачи кои имаат доставено комплетни и прифатливи понуди да учествуваат на електронска аукција. Критериумот за избор и на оваа постапка како и не предходните две е највисокиот понуден концесиски надоместок. По завршувањето на оваа постапка, следната година се предвидува започнување на нова постапка со која што ќе се опфатат сите риболовни води за кои во постапките од 2018 година немаше заинтересирани понудувачи или немаше доставено прифатливи понуди. Владата на Република Македонија ќе се заземе за што побрзо реализирање на оваа активност во 2019 година, со што на големиот број рекреативни риболовци ќе им се овозможи непречено да излезат на риболовните води, а на концесионерите преку заштита и порибување на водите да ја остварат и целта на концесијата - трајно користење на рибите преку одржлив развој, односно нивна заштита, зачувување на загрозените видови, како и видосвата разновидност, старосна структура и бројност.Согласно Законот за рибарство и аквакултура рибите од риболовните води за организирање рекреативен риболов се доделуваат на користење по пат на концесија за период од шест години. Основна цел на доделување на концесијата на рибите е создавање на услови за организирање рекреативен риболов, односно овозможување на вршење заштита и користење на рибите преку планско експлоатирање на одржлив начин.

Македонија | пред 7 години

Директорот на Агенцијата за млади и спорт најавува дополнителни 6 милиони евра за развој на спортот

Директорот на Агенцијата за млади и спорт Дарко Каевски, заедно со советниците за спорт на Претседателот на Владата, Ѓорги Тасев и Даниел Димевски и раководителот на сектор спорт во АМС, Томислав Андоновски, денеска во клуб на пратеници остварија работна средба со претставници на националните спортски федерации и спортски работници.На средбата беа презентирани, се дискутираше и се прецизираа критериумите, постапката и условите за добивање на ваучери согласно новиот систем на финансирање, чиј крајни корисници ќе бидат националните спортски федерации, клубови, активни спортисти од олимписки, неолимписки и параолимписки спортови и други правни лица, кои имаат решение за вршење дејност спорт. Овој систем влегува во сила од јануари, 2019 година.На средбата исто така се потенцираше и важноста од формирање на посебно тело во Агенцијата за млади и спорт чија главна обврска ќе биде работата со ваучерскиот систем, при што цел процес, како и досега, ќе се води низ транспарентен, партнерски и инклузивен пристап со сите спортски субјекти.Преку овој систем, обврзникот кој донирал финансиски средства на спортски субјекти му се намалува пресметаниот данок на добивка за износот на донираните средства, но најмногу до 50% од пресметаниот данок.Со ваучерскиот систем, директно во спортот се вбризгуваат нови 6 милиони евра, преку кои ќе се обезбеди развој, стимулација и финансиска моќ на спортските клубови.Директорот на Агенцијата за млади и спорт Дарко Каевски, заедно со советниците за спорт на Претседателот на Владата, Ѓорги Тасев и Даниел Димевски и раководителот на сектор спорт во АМС, Томислав Андоновски, денеска во клуб на пратеници остварија работна средба со претставници на националните спортски федерации и спортски работници.На средбата беа презентирани, се дискутираше и се прецизираа критериумите, постапката и условите за добивање на ваучери согласно новиот систем на финансирање, чиј крајни корисници ќе бидат националните спортски федерации, клубови, активни спортисти од олимписки, неолимписки и параолимписки спортови и други правни лица, кои имаат решение за вршење дејност спорт. Овој систем влегува во сила од јануари, 2019 година.На средбата исто така се потенцираше и важноста од формирање на посебно тело во Агенцијата за млади и спорт чија главна обврска ќе биде работата со ваучерскиот систем, при што цел процес, како и досега, ќе се води низ транспарентен, партнерски и инклузивен пристап со сите спортски субјекти.Преку овој систем, обврзникот кој донирал финансиски средства на спортски субјекти му се намалува пресметаниот данок на добивка за износот на донираните средства, но најмногу до 50% од пресметаниот данок.Со ваучерскиот систем, директно во спортот се вбризгуваат нови 6 милиони евра, преку кои ќе се обезбеди развој, стимулација и финансиска моќ на спортските клубови.

Македонија | пред 7 години

Нема фотографија

Новинарите кои известуваа од собранието за 27 ми април најавија дека ќе ја тужат државата

15 новинари кои известуваа за настаните од Крвавиот четврток - од македонското собрание најавија дека ќе ја тужат државта за надомест на штета.Новинарите тужбата ќе ја поднесат според членот 166 од Законот за облигационите односи – „Одговорност поради терористички акти, јавни демонстрации и манифестации“, а најавија дека тужбата може да биде проширена со барање за одговорност на поединци, кои со преземање или непреземање дејства придонеле за настанатата ситуација.„Освен новинарите кои известуваа од прес салата, треба да се вклучат и оние кои известуваа надвор од Собранието. Разговарано е и со вработени во Собранието кои сакаат да се вклучат во иницијативата. Се надевам дека новинарите и снимателите ќе соберат храброст да ја тужиме државата, бидејќи ние таму бевме на работно место и нашето известување, мислам дека допринесе и да нема потешки последици. Нашето присуство придонесе ситуацијата да заврши, како што заврши“, изјави новинарот Горан Трпеноски, кој заедно со колегите Душица Мрѓа и Боби Христов се иницијатори на тужбата.Иницијаторите најавија дека постапката ќе ја продолжат по празниците , тие додаваат судските трошоци сами ќе ги подмируваат, а ќе ги застапува адвокатско друштво.

пред 7 години

СКАНДАЛ: Владата си ги зголемува платите

Вицепремиерите во Владата си ги покачуваат платите и за тоа испратиле предлог закон до Собранието. Непознато е за колку проценти ќе си ги зголемат платите. Во продолжение текстот на законот: I.ОЦЕНКА НА СОСТОЈБИТЕ ВО ОБЛАСТА ШТО ТРЕБА ДА СЕ УРЕДИ СО ЗАКОНОТ И ПРИЧИНИ ЗА ДОНЕСУВАЊЕ НА ЗАКОНОТСо Законот за плата и други надоместоци на избрани и именувани лица во Република Македонија  („Службен весник на СРМ“ број  36/1990 и 38/1991 и „Службен весник на Република Македонија“ број. 23/1997, 37/2005, 84/2005, 121/2007, 161/2008, 92/2009, 42/2010, 97/2010, 162/2010, 11/2012, 145/2012, 170/2013 и 139/2014) се уредува платата и другите надоместоци на избрани и именувани лица во Републиката.Со Законот исто така е уредено дека право на плата во месечен износ за вршење на функцијата имаат претседателот на Република Македонија, функционерите избрани од редот на пратениците, функционерите и лицата кои ги избира или кои ги именува Собранието, функционерите кои ги именува претседателот на Република Македонија и кои ги именува Владата на Република Македонија и  раководните работници кои ги назначува претседателот на Република Македонија или телото што тој ќе го овласти, надлежното тело на Собранието и Владата.Со измените на Законот за плата и други надоместоци на избрани и именувани лица во Република Македонија, со членот 1 се врши измена на членот 27 став 1 точка  2) и се намалува надоместокот за користење на автомобили во лична сопственост за службени цели.Предложеното законско решение уредува  дека наместо досега утврдените до 30 проценти по изминат километар од продажната цена на еден литар гориво за возилото кое се користи, се предвидува надоместок до 20 проценти по изминат километар од продажната цена на еден литар гориво за возилото кое се користи.Потребата од донесување на ова законско решение се наметнува од  негативниот економски тренд во светски рамки со што последиците кои ќе произлезат од него ќе предизвикаат заштеда во Буџетот на Република Македонија. ЦЕЛИ, НАЧЕЛА И ОСНОВНИ РЕШЕНИЈАЗаконот се заснова на истите начела на кои се заснова основниот текст.Целта поради која се предлага овој закон е намалување на  трошоците од буџетот на Република Македонија со цел  да се обезбедат одредени заштеди.Бидејќи предметната измена на законот е регулатива која е  уредена пред една деценија, неопходни се измени на позитивните законски прописи со кои се регулира висината на надоместокот на патните трошоци кои им се исплаќаат на избрани и именувани функционери, кои што живеат надвор од Скопје.Имено, потребата од предложените измени е во насока на намалување на трошоците од државниот буџет, постигнување на одредени заштеди на буџетските финансиски средства и спречување на евентуални злоупотреби во трошењето на народните пари, а имајќи го во предвид  фактот  дека јавниот меѓуградски превоз – автобуски и железнички, во сегашните услови не  би ги задоволил и исполнил реалните барања и потреби на избрани и именувани функционери, што всушност преставува  причина поради која избрани функционери ги користат сопствените возила за службени цели.И покрај намалувањето на висината на надоместокот, избрани и именувани лица сепак ќе добиваат адекватен надоместок за трошоците и за амортизацијата на возилата, кој што е неопходен за да може ефикасно и навремено да ја извршуваат сопствената функција.Од горенаведеното произлегува и потребата за измена на постоечкото законско решение, кое што ќе обезбеди заштеда во Буџетот на Република Македонија, но и ќе овозможи непречено функционирање на избраните и именуваните функционери кои живеат надвор од Скопје.  

Македонија | пред 7 години

Македонија падна за 5 позиции на листата на ФОРБС, годинава земјва рангирана на 68-то место

Македонија падна за 5 позиции според условите за водење бизнис на листата на магазинот „Форбс“. Земјава меѓу 161 држава е рангирана на 68-то место. Фистата ФОРБС ја составува врз основа на 15 фактори, вклучувајќи дноци, имотни права,ниво на корупција, бирократија, големина на пазарот, квалитет на живот и работна сила...„Од својата независност во 1991 година, Македонија постигна напредок во либерализацијата на економијата и подобрување на деловното опкружување. Нејзините ниски даночни стапки и слободни економски зони помогнаа да се привлечат странски инвестиции, но тоа е се уште на ниско ниво во однос на остатокот од Европа. Корупцијата и слабото владеење на правото остануваат значителни проблеми. Некои фирми се жалат на нетранспарентни прописи и нееднакво спроведување на законот. Македонската економија е тесно поврзана со Европа како клиент за извоз и извор на инвестиции и трпи последици како резултат на пролонгираната слабост во еврозоната“, се наведува во појаснувањето на Форбс.Од регионот Словенија е на 31 место, Србија е на 56, Романија на 41, Бугарија на 46, Хрватска на 52, а Македонија е на 68 место, додека Црна Гора е на 72, Албанија е на 74 и БиХ на 98.На прво место е Британија, втора е Шведска, трета е Хонг Конг, зад неа е Холандија, петта е Нов Зеланд.

Македонија | пред 7 години

Мицкоски: „2018 беше година на сиромаштија и економска криза“

Зголемени трошоци, фабрики кои не работат, странски инвестиции кои наместо да доаѓаат, се одливаат од државата. Нема пласман на земјоделските производи,трудот е потценет и дискриминиран, нпиша лидерот на ВМРО ДПМНЕ, Христијан Мицкоски на својот ФБ профил и додаде:„Најава за зголемени даноци со кои директно се удира по стандардот на граѓаните, работниците, интелектуалците, земјоделците, луѓето кои живеат од рента, оние со авторски договори, тие кои се обложуваат и играат игри на среќа, се удира по малиот, средниот и крупниот бизнис. Се воведува данок на реинвестирана добивка. Се удира и по најсиромашните, лебот поскапе за 20 отсто, бензините поскапеа, цените растат, а младите не престануваат со иселување. Парите се земаат од народот за власта да се луксузира. За нови нефункционални заменици директори кои ќе ги плаќа народот, за матни и скапи тендери. Ова се црнилата кои ги живеат граѓаните секој ден од оваа година. Следува нова година, нова надеж, година на одлуки и промени, година кога ќе имаме шанса да ги победиме овие црнила, да ги оставиме во старата година како симбол на едно загубено и мачно време. Затоа ни е потребна зората која ќе донесе победа над ова црно владеење, зора која ќе донесе подобри времиња!“, напиша Мицкоски. 

Македонија | пред 7 години

И Мијалков на слобода

Укинувањето на мерката притвор за поранешниот директор на УБК, Сашо Мијалков, осомничен во случајот „Империја“. Тој добил позитивно мислење од Специјалното јавно обвинителство, а предлогот денеска бил испратен до Кривчниот суд.Со одлука на апелација од притвор во домашен треба да излезат денеска и Кирил Божиновски и Миле Јанакиески обвинети во предметот на СЈО, Титаник 1, но и Зорица Арсовска и Ненад Јосифовиќ осомничени во Империја.

пред 7 години

Левица: Власта мора да ја поништи спорната продажба на земјиштето кај „Холидеј Ин”

Со одлуката на Министерството за транспорт и врски да продаде државно земјиште зад хотелот „Холидеј Ин”, сегашната власт даде јасно до знаење дека ја продолжува штетната политика на распродавање државно земјиште на приватен капитал за ниски цени.Политичката партија Левица остро протестира поради тоа и бара итно поништување на спорниот договор со кое земјиштето беше продадено за цена далеку пониска од пазарната вредност (дури за половина износ!) и пренаменување на земјиштето за објекти од јавен интерес. Во таа насока, Левица ќе поднесе барање за поништување на незаконската продажба до Министерството за транспорт и врски. Покрај тоа, во престојниот период ќе иницира постапка на измени на Генералниот урбанистички план за конкретната парцела, со што во иднина ќе се спречи приватизирањето на овој простор заради остварување екстра-профити на поединци. Граѓаните се децидни во своите барања кои гласно и ги испорачаа на оваа власт: сакаат зеленило, слободен јавен простор и чист воздух, а не дивеење на градежната мафија и уништување на животната средина!Наспроти тврдењата на министерот Сугарески дека биле принудени да го продадат земјиштето согласно Законот за градежно земјиште, во ниту една законска одредба од тој закон експлицитно не е наведена обврската дека државата е должна да го отуѓи земјиштето доколку приватно лице се стекне со 30 проценти од градежната парцела.Дополнително, се работи за земјиште од Детален урбанистички план наследен од претходната власт на ВМРО-ДПМНЕ, кој силно беше оспоруван од сегашната власт додека беше во опозиција. Впрочем, оваа сомнителната продажба е изведена според ДУП кој Општина Центар моментално го има ставено под мораториум заради утврдени неправилности и за кој беше најавено дека ќе претрпи значителни промени, со цел да се заштити јавниот интерес кој е нарушен во актуелниот ДУП. Се поставува прашањето, како владата на СДСМ продава земјиште водејќи се и повикувајќи се на криминалните, деструктивни проекти на ВМРО-ДПМНЕ, која самата ги оспорува како незаконски?Покрај наведените неправилности во продажбата, законитоста на бизнис-зделката помеѓу Владата и приватниот инвеститор дополнително е доведена во прашање, ако се има предвид дека на продаденото државно земјиште е предвидена траса за подземен трамвај, односно предвиден е објект од јавен интерес. Во ваков случај, законот на кој се повикува министерот Сугарески предвидува продажбата на земјиштето да се врши според претходна одлука на Влада, која во конкретниов случај ја нема.Станува јасно дека актуелната власт имала механизми да ја спречи спорната продажба со која се загрозени интересите на граѓаните и интересите на државата, но за оваа влада на СДСМ поважни се профит-интересите на мала група финансиски моќници, дури и кога штетите ги трпат мнозинството граѓани.Законите и правниот поредок мора да ја изразуваат волјата на граѓаните и да ги штитат нивните интереси, а не интересите на мала група поединци кои се во тесна спрега со двете бизнис-ориентирани партии. И по две години од доаѓањето на власт, СДСМ не покажа никаква политичка волја да ги измени штетните закони со кои ВМРО-ДПМНЕ стана најбогата политичка партија во Европа. Напротив, ги користи и злоупотребува истите за да ги реализира своите профитерски и лукративни интереси за лично богатење, додека обичните граѓани и понатаму живеат во социјална беда, сиромаштија, загаден воздух и уништена животна средина.

Скопје | пред 7 години

“Скопје 1” се приклучува кон ицијативата “Не амнестија во наше име”

Не во наше име!Почитуван претседател на Собранието,почитувани предлагачи на Предлог на закон за изменување и дополнување на Кривичниот законик, по скратена постапка,почитувани пратеници,Ние, долупотпишаните граѓански организации, бараме веднаш да го повлечете од дневен ред Предлогот на законот за изменување и дополнување на Кривичниот законик, по скратена постапка, доставен од пратениците Артан Груби, Снежана Калеска Ванчева, Соња Мираковска, Лидија Тасевска, Весел Мемеди и Реџеп Мемеди.Инсистираме на повлекување на предлогот, поради промената во членовите на Кривичниот законик, со кои ќе им се овозможи во предметите кои ги води СЈО да се изречат помали казни или делата да застарат и со тоа да не се одговара за криминалот.Неприфатливо е да се менува Кривичниот законик и кој било друг закон за да се избегне правдата и да се продолжи со заробување на државата од политичките партии. На овој начин се амнестираат криминалот и корупцијата, и продолжува неказнивоста.- Фондација Отворено општество - Македонија- Фондација за интернет и општество Метаморфозис (Metamorphosis Foundation)- НВО Инфоцентар- Центар за европски стратегии Евротинк (Eurothink - Centre for European Strategies)- Forum-CSRD / Форум-ЦСИД- Коалиција Сите за правично судење (Coalition All For Fair Trials)- Институт за демократија „Социетас цивилис“ Скопје (Institute for Democracy 'Societas Civilis' Skopje)- Хелсиншки комитет за човекови права на Република Македонија (Helsinki Committee for Human Rights of the Republic of Macedonia)- Македонско здружение на млади правници (Macedonian Young Lawyers Association)- Агора Центар за промовирање на граѓански вредности Скопје (AGORA)- ЦИВИЛ - Центар за слобода се приклучува на иницијативата (Civil MK)- Коалиција Маргини- Центар за современи уметности (Contemporary Art Center Gallery - Qendra dhe Galeria për Art Bashkëkohor)- Институт за европска политика (ЕПИ)/European Policy Institute - EPI- Институт за човекови права ИЧП / Institute for Human Rights IHR

Македонија | пред 7 години

Спасовски не верува во Катица Јанева

Министерот за внатрешни работи Оливер Спасовски не верува повеќе во СЈО, онолку колку што верувал кога се залагал за негово формирање. Спасовски намалената доверба во Катица Јанева вели дека се должи со последните случувања околу ослободувањето од притвор на осомничени во случаи на СЈО како и бегството на Груевски, пишува ТЕЛМАСпасовски не сакаше да даде повеќе детали како Груевски избегал, но одново повтори дека е несреќен случај и грешка на повеќе институции. Спасовски вината не ја гледа во МВР од кое не било побарано да дејствува.Спасовски овој одговор го даде на новинарско прашање, на денешниот брифинг со врвот на МВР.

Македонија | пред 7 години

Нема фотографија

Иванов: Со договорот од Преспа го негирате македонскиот народ, а со Законот за јазици ја демонтирате државата

Претседателот Ѓорге Иванов пред пратениците говореше за Законот за јазици, Преспанскиот договор и други актуелни теми.„Мнозинството на пратеници во Собранието не ја почитува јавноста. Ги поткопавте Уставот и законите. Се ризикува да имаме дом со разнишани темели. Република Македонија е трајна придобивка на македонскиот народ, а со грчката спогодба се релативизира таа добивка. Преспанската спогодба става крај на нашето постоење. Тврдите дека македонскиот народ живее во минатото, а сакате да го однесете во иднината. Но, народот живее со иднината. Нема никој право да тргува со името и јазикот на Македонија“, рече Иванов.„Законот за јазици е усвоен вон секоја процедура. Злоупотребено е европското знаменце. Го вратив, не го потпишав со низа забелешки, а влста не ги ни виде тие забелешки. Поднесоа кривична приајва, а немаа сила да се потпишат на неа. Зарем со кривична пријава ќе ме натерате да потпишам нешто што не е во согласност со Уставот? Јас ги почитувам сите народи, како албанскиот, така турскиот и останатите. Израз на единството е македонскиот јазик. Доколку противуставниот закон стапи на сила, тогаш македонскиот јазик нема да го обединува нашето општество“, рече Иванов.Пратениците реагираа на говорот од Иванов, а тој рече „Еве си ја покажавте политичката култура, пред дипломатскиот кор“.„Многу учебници по историја ќе бидат забранети. Се најавува дека ќе се забрани етничката припадност во пописот на население. Која е поентата да имаме попис без етничка припадност. Дали со ваков попис се обезвреднува Охридскиот рамковен договор? Зарем се заборава дека без етничка припадност нема Охридски рамковен договор? Слушам за родители кои се прашуваат дали да им пејат македонски песни, за да не ги жигосуваат. Не можете да ја сакате Македонија, а да не ги сакате Македонците и македоснкито народ. Со спогодбата од Преспа се негира македонскиот народ, а со Тиранската платформа и Законот за јазици се демонтира македонската држава“, рече Иванов. 

Македонија | пред 7 години

ВИДЕО: Пратеникот Богоевски во интервју за Макфакс призна дека е корумпиран, без свој став и гласа како што ќе му кажат

Пратеникот Павле Богоевски , во интервју за Макфакс рече: Не давам оставка, јас сум легитимен претставник на Шарената револуција.Интервјуто со Богоевски погледнете го тука:

Скопје | пред 7 години

Нема фотографија

На Граничен премин Аеродром “Скопје“ , сакал да помине со фалсификувана исправа

На 27.12.2018 година во 05.30 часот на Граничен премин Аеродром “Скопје“ на излез од Р.Македонија, при пасошка контрола на К.Н.(22) од Р.Србија, утврдено било дека српската патна исправа во делот на биометриската страница е целосно фалсификувана.Подоцна лицето приложило и српска лична карта и српска возачка дозвола, кои исто така се фалсификувани. По извршената детална контрола, во неговиот паричник била пронајдена косовска лична карта на негово име. Лицето е приведено за понатамошна постапка.На 27.12.2018 година во 06.20 часот на Граничен премин Аеродром „Скопје“ на излез од Р.Македонија, при пасошка контрола на Е.М.(22) од Р.Aлбанија, било утврдено дека користи туѓа албанска патна исправа. Лицето е приведено за понатамошна постапка.

Скопје | пред 7 години

Амди ќе прави спектакл по повод јубелејот, 40 години Европски Ромски бал, ВИП златни гости Заев, Шилегов и Џафери

Лидерот на Ромите, пратеникот Амди Бајрам се подготвува за вистински спектакл по повод јубелејот, 40 години Европски Ромски бал, кој ќе се одржи на 11-ти јануари во хотелот Александар Палас во Скопје, објави ФОКУС.МК.Тој вели дека очекува гости од целиот свет, и посебно бил горд што настанот го дочекал својот јубилеј, кој ќе бил одбележан како што доликувало, во раскошен стил.-Се уште се работи на организацијата, се мора да биде доведено до совршенство, бидејќи ова е значаен јубилеј, четири децении се во прашање. Европски Ромски бал е настан кој секоја година привлекува значајни гости од целиот свет. Ќе имаме богато ВИП Голд (златно) мени, со печени јагниња, разни италијански специјалитети, квалитетни алкохолни пијалоци од познати брендови… Ќе се одржи и избор на Мис Европска Ромка, следуваат многу награди и изненадувања – открива за ,,Фокус” Бајрам.Минатата година на балот тој се појави облечен како султан Сулејман, и имаше интересна сценографија со многу блескави детали и статисти околу него. Околу тоа дали и годинава планира да направи некое слично изненадување, вели дека нема да ги открие деталите, со цел за време на настанот да им биде позабавно на гостите. Нема уште информација кој ќе биде кум на балот годинава. Во минатото тоа беше Сашо Мијалков, но пред две години Амди го раскина кумството.-За добра забава на пристуните ќе бидат задолжени околу 20 познати музички ѕвезди. Како главен гостин е популарниот грчки пејач Зафирис Мелас, ни доаѓаат бендови од многу земји, има да се слави цела ноќ. Драган Којиќ – Кеба, Џамбо Агушев, Мухарем Сербезовски, Џеј Рамадановски, Џемаил Гаши, Сефер Османов, Мануел, Јулија Бикова, Ерџан Амети, оркестрите Фејсбук, Насер Струја, Титаник и Азис група се само дел од многуте музички гости. Кумот дополнително ќе го откриеме – вели лидерот на Сојузот на Ромите, кој традиционално е организатор на настанот.Додава дека испратил покани до многу политичари, односно до политичкиот врв и до 15 амбасадори.-Секоја година имаме ВИП гости од политиката. На јубилејот поканети се дури 15 амбасадори, премиерот Зоран Заев, претседателот на собранието Талат Џафери, градоначалникот Петре Шилегов, повеќе министри… Се надевам дека ќе ми направат чест и ќе ми бидат гости на овој значаен настан за целата Ромска заедница. Ова е само кратка најава за она што допрва ќе следи. Се работи за голема организација, се средуваат сите поединости, Европскиот Ромски бал е традиција која има голема важност и на гостите ќе им понуди едно незаборавно доживување – ни изјави пратеникот.извор: ФОКУС.МК

Скопје | пред 7 години

МВР: Во 24 часа во Скопје, 14 сообраќајни незгоди од кои една со тешки телесни повреди

Во текот на изминатиот ден (27.12.2018 година) на подрачјето на Секторот за внатрешни работи Скопје се случиле вкупно 14 сообраќајни незгоди од кои една со тешки телесни повреди, три со телесни повреди и 10 со материјална штета. Во сообраќајните незгоди едно лице се здобило со тешки телесни повреди и пет лица се здобиле со телесни повреди. Од преземените мерки и активности констатирано е дека 27 возачи управувале возило со брзина поголема од дозволената. Од сообраќај се исклучени 27 возачи од кои: 11 затоа што управувале возило под дејство на алкохол, 12 возачи затоа што управувале возила без да се стекнат со право за управување на моторно возило. Исто така исклучени од сообраќај се и пет возила бидејќи биле нерегистрирани. Санкционирани се двајца возачи поради поминување на крстосница на црвено светло, тројца возачи не дале првенство на минување на пешаци, пет возачи поради неправилно престигнување, четворица поради неносење пропишана зимска опрема и седум возачи поради користење на мобилен телефон при управување на возило. Во однос на пешаците санкционира е по еден пешак поради поминување на коловоз вон пешачки премин и поминување на коловоз на црвено светло. Во текот на изминатиот ден издадени се 83 мандатни платни налози и 64 возила се подигнати со специјално возило "пајак".

Скопје | пред 7 години

МВР во автомобил пронајде и одзеде 10.223 парчиња пиротехнички средства

На 27.12.2018 година во 14,15 часот во Тетово на ул.„Маршал Тито“ од слобода бил лишен Д.А.(30) од н.Дреновец, бидејќи при прегледот во неговото возило „Мерцедес“ со тетовски регистерски таблици биле пронајдени и одземени 10.223 парчиња пиротехнички средства. По документирање на случајот, ќе биде поднесена соодветна кривична пријава.

Македонија | пред 7 години

На Груевски му даваме пратеничка плата и му плаќаме адвокати за 4 случаи

Месец и пол по бегството на поранешниот премиер Никола Груевски, се уште нема информации како избегал во Будимпешта. Тој доби политички азил и троши наши пари, пишува Е-магазин.Вчера на рочиштето за случајот „Траекторија“, беше соопштено дека неговите адвокати и за овој случај го откажале полномошното, па повторно доби адвокат по службена должност.

Македонија | пред 7 години

СЈО ја губи смислата на постоењето, правдата никогаш не дојде

Власта не се откажува од спорните измениОвие одлуки се носат во време кога власта во Собранието турка измени на Кривичниот законик со кои се проценува дека половина од случаите на СЈО паѓаат во вода. Засега на комисиска расправа помина само спорниот член 275-в кој се однесува на злоупотреба на јавните набавки. Со него би им се намалиле казните на дел од осудените во предметите на СЈО, поконкретно во предметот „Труст“, во кој се осудени на затворска казна бизнисменот Сеад Кочан и синот на пратеничката Владанка Авировиќ, Василие.Декларативно, пред крајот беа повлечени спорните измени на членот 353, кој се однесува на злоупотреба на службена положба при јавна набавка, а за кој пратениците велат дека бил донесен од претходната власт и дека се користел за политички пресметки. Ако се издејствува донесување на овој член, ќе се обезбеди намалување на казните во осум случаи на СЈО. Пратениците не се откажуваат од идејата да се смени овој член, само што вчера констатираа дека за тоа им е потребна поголема дебата во јавноста.Со овие измени власта би ги обезбедила пратеничките гласови што фалат за уставните измени. Гласовите би се обезбедиле од пратеникот Зекир Рамчиловиќ, кој е близок со бизнисменот Сеад Кочан, пратеничката Владанка Авировиќ и ексминистерката Елизабета Канческа-Милевска, која е обвинета во случајот „Тендери“. Се очекува четвртиот глас да го обезбеди пратеничката Емилија Александрова, која е во роднински врски со Сашо Мијалков.СЈО стана едно големо шоуВо ваков сплет на околности, кога поранешниот премиер Никола Груевски ѝ избега на правдата, кога од затвор се пуштаат функционерите кои сегашната власт ги претставуваше како олицетворение на криминалот и кога се интервенира во закони што ќе влијаат врз случаите на СЈО, дел од јавноста го проблематизира постоењето на оваа институција која требаше да ја донесе правдата. За професорката Мирјана Најческа која беше дел и од „Шарената револуција“ последниот чекор на СЈО е удар на се она што претставуваше макотрпна и долга борба на граѓаните за промена на системот. Според неа, со овие постапки обесмислува институција и се создава впечаток дека е едно големо шоу и парада, која треба да го замајува граѓанството.„Со овие постапки СЈО се бламира и се девалвира и дефинитивно ја губи довербата на граѓаните. Доколку навистина се формира СЈО, кое сакаме да го озакониме како посебно структура која ќе се бори со организираниот криминал, со неказнивоста на високи функционери во власта една ваква постапка, уште пред да почне да дејствува во новите законски рамки, го претставува како политичка алатка и го обесмислува неговото постоење. Ваква една постапка претставува самоукинување, саморазрешување на СЈО и навистина не гледам причина зошто би постоело“, вели Најческа.Повеќе прочитајте на Независен весник.

Македонија | пред 7 години

Нема фотографија

Репортери без граници: Годинава 63 новинари го загубија животот додека ја извршувале својата работа

Според извештаите на Комитетот за заштита на новинарите и Репортери без граници, рааботата на новинарите станува се поризична и поопасна, а слободата на медиумите е во се поголема опасност. Според извештаите во пораст е и апсењата на новинарите .Годинава дури 63 новинари го загубиле животот додека ја извршувале својата работа. Се зголемил бројот и на новинари кои се киднапирани или уапсени додека ја извршувале својата работна задача, како и заканите врз нив, па експертите сметаат дека е време за тревога.Двете организации предупредуваат дека годинава.– Новинарите во демократските земји се загрозени, па и репортерите во земјите без конфликт плаќаат данок за своето известување, истакна Марго Јуен од Репортери без граници.Довербата во медиумите во САД е на најниско ниво, што за некого тоа претставува илустрација на глобалната ерозија на медиумската слобода.Единствената позитивна вест за „седмата сила“ доаѓа од Етиопија. Oткако новиот премиер Абиј Ахмед спроведе демократски реформи ниту еден новинар не е уапсен првпат по 14 години.

Свет | пред 7 години

Заев: Законот за ПИОМ, овозможува стабилизирање на дефицитот во Фондот

Претседателот на Владата го објасни и значењето на законите за ПИОМ и на економските закони, за коишто целта е да стапат на сила од 1 јануари.„Законот за ПИОМ има импакт од 1 јануари, овозможува стабилизирање на дефицитот во Фондот за пензиско и инвалидско осигурување, рече премиерот Заев“, додавајќи дека кон тоа ќе придонесе и очекуваното зголемување на бројот на вработени.Премиерот Заев посочи дека импактот од правичното оданочување треба да се гледа од агол на тоа што се добива, „грубата бројка е 25 милиони евра, додадовме 12 и станаа 37 милиони евра, што ќе ги вратиме на социјалата.“ Тука премиерот Заев го посочи драстичното зголемување на бројката корисници на детски додаток, како и на корисниците на социјална помош.

Македонија | пред 7 години

(ВИДЕО) Заев најави дека до крајот на 2019 година треба да биде отворен граничниот премин Клепало

Премиерот Заев најави дека очекува до крајот на 2019 година да биде отворен граничниот премин Клепало, за што рече дека е радосна вест за граѓаните на Берово, Делчево, Штип и пошироко во источниот регион, со оглед дека беше најавен за крајот на 2020 година.„Македонија ги има обезбедено сите финансиски средства и верувам дека до крајот на 2019 година, ќе имаме можност да го пуштиме преминот во употреба“, рече премиерот Заев.Тој оцени дека граничниот премин Клепало е одраз на пријателството и Договорот со Бугарија и дека е од огромно значење и за граѓаните на Македонија и за граѓаните на Бугарија. Соопшти дека постои подготвеност за реализација и од бугарска страна. Дека се работи на заокружување на изведбата на инфраструктурата од двете страни.- Планираме да направиме и one-stop-shop, за побрз проток на стоки. Коридорот 8 ни е многу важен. Очекуваме економски перспективи на овој регион и од македонска и од бугарска страна, рече премиерот Заев.Тој посочи дека отворањето на граничниот премин за граѓаните од овој дел од Македонија, ќе значи нови фабрики и можности за поголем пласман на земјоделските производи, како и развој на туризмот, за што е заинтересирана и Бугарија.Премиерот Заев најави дека дополнително се работи и на комплетирање документација за уште една гасоводна линија, дека олеснувањата со роамингот меѓу двете земји се во завршна фаза, дека се работи на набавка на електрична енергија за двете земји, како и на нови гранични премини меѓу Македонија и Бугарија и Македонија и Грција.„Мислиме дека брзо ќе бидеме членка на ЕУ, треба да отвориме инфраструктурни перспективи на граѓаните, тоа ќе значи и повеќе пари и споделување култура и традиција, а тоа ќе значи и европеизација на Македонија“, рече премиерот Заев.

Македонија | пред 7 години

Израелска компанија сака да инвестира во македонското земјоделство

Министерот без ресор, задолжен за привлекување на странски инвестиции Бардул Даути, придружуван од Никица Бачовски, посебен советник на министерот за земјоделство, шумарство и водостопанство, денеска, во Владата на Република Македонија се сретна со претставници на израелската компанија „Даган“, фирма со над триесет годишно искуство, специјализирана за земјоделски проекти и еден од водечките провајдери на иновативна технологија во земјоделската дејност.Министерот Даути на средбата ги презентираше можностите коишто ги нуди Македонија за потенцијалните инвеститори запознавајќи ги со Планот за економски раст и транспарентната програма која силно ги поддржува компаниите кои сакаат да инвестираат во земјава.Владините претставници потенцираа дека за инвеститорите е обезбедена правната сигурност и стимулирање и поддршка на странските и домашни компании на транспарентен и недискриминирачки начин, која го опфаќа и аспектот на понудата на државно земјиште наменето за инвестиции како и можноста за користење на ИПАРД фондовите, како и субвенциите обезбедени од Буџетот на Република Македонија.Претставниците на „Даган“, кои првично се заинтересирани за инвестиција вредна околу 30 милиони евра, која би обезбедила најмалку 100 нови работни места, ги изложија своите интереси за вложување во областите на автоматизација на земјоделството, особено во областа на пластеници, расадници, т.н зелени куќи, тунели и отворени полиња. Тие ги запознаа владините претставници со системите за третман на води и системи за наводнување под притисок кои оваа компанија.Претставниците на израелската компанија изразија задоволство од средбата и изразија подготвеност за повторна посета на Република Македонија за прецизирање и интензивирање на соработката.

Македонија | пред 7 години

Собраниските вратари добија амнестија, еве кои обвинети за 27 април станаа слободни граѓани

Кривичниот суд досега додели амнестија на вкупно 12 лица за настаните од 27 април во Собранието на Република Македонија.Меѓу амнестираните се пратениците Крсто Мукоски, Сашо Василевски, Љубен Арнаудов, Јохан Тарчуловски и Љупчо Димовски . Тие се првите амнестирани, потврдуваат од Кривичниот суд.Освен пратениците , амнестија добија и вработените во кабинетот на поранешниот претседател на Собранието Елена Божиновска и Иван Цветановски.Амнестија добија и Захарије Симовски, браќата Стефан и Михаил Младеновски, Митре Питроповски и Илија Славевски, изјави за 24 ТВ претседателот на судот Иван Џолев..Утрово од Основниот суд Скопје 1 испратија 66 барања за амнестија од кои, 29 до Основното јавно обвинителство за гонење на организиран криминал и корупција и 37 до Основното јавно обвинителство Скопје.

Македонија | пред 7 години

Мицкоски: Груевски е минато во ВМРО-ДПМНЕ, иднината во партијата сум јас

Во интервју за телевизија Сител, лидерот на опозициската ВМРО-ДПМНЕ, Христијан Мицкоски во врска со обвинувањата од премиерот Заев дека е вмешан во бегството на Груевски, тој истакна дека таквата изјава на Заев е несериозна од прв човек на државата, имајќи предвид дека токму премиерот ги има сите информации.-Јас сум сигурен дека тој ги има сите информации и жалам што не смогна сила да тие информации ги сподели со македонската јавност еве неколку недели потоа откако се случи тој настан тоа бегство на господинот Груевски. Се надевам дека во блиска иднина тие информации ќе ги сподели, истакна Мицкоски.Тој посочи дека пи-ар стратезите на власта во отсуство на кампања која ќе се темели на факти и аргументи против него оцениле дека Груевски има негативен рејтинг и сега тоа се обидуваат нему да го залепат.-Со оглед на тоа што цела 2018 година тој се однесуваше неодговорно сега можам да ги разберам неговите ПР стратези зошто му сугеририраат Груевски да се поврзе со Мицкоски. Никола Груевски е минато во ВМРО-ДПМНЕ, иднината во партијата сум јас и се што правам е заедно со структурите на партијата во овој момент и ова е автентична прилика, која има своја карактерна црта. Тоа што го кажа Заев е помалку или повеќе несериозно. Тој ги има сите информации, жал ми е што не ги подели со македонската јавност неколку недели откако се се случи тој настан, рече тој.Во однос на уставните измени претседателот на ВМРО-ДПМНЕ истакна дека партијата останува на својот став согласно конгресната резолуција и не очекува други опозициски пратениците покрај осумтемина од независната група на ВМРО-ДПМНЕ да ги поддржат уставните измени на финалното гласање.-Пратениците на ВМРО-ДПМНЕ се оние кои што ја следат конгресната резолуција и партиската програма, практично ги следат одлуките на Извршниот и на Централниот комитет и тука не треба да има дилема и јас верувам во нивната чесност во целокупниот овој процес, рече Мицкоски.

Македонија | пред 7 години

Петмина свештеници со часови држени како заложници во Виена

Попладнево во Виена двајца вооружени напаѓачи насилно влегле во црква и ги држале свештениците со часови како заложници.Петмина свештеници се повредени во оружениот напад. Ограбувачите според сведоците зборувале германски со странски акцент.Напаѓачите со часови ги држеле монасите како заложници и од нив барале да им ги предадат парите и црковните скапоцености.Откако успеале да дојдат до богатството , избегале во непознат правец. Полицијата е во потера по разбојниците , а монасите се пренесени во болница.Полицијата сомничи еден маж кој бил забележан како неколку дена ја разгледува црквата во Флоридсдорф.

Свет | пред 7 години