ГЛАВНИ-ВЕСТИ

Трамп и Ким Јонг Ун се степале во Сеул

На улиците на Сеул излегла група граѓани која се противи на политиката на актуелниот претседател Мун Џае Ин кон Северна Кореја. Активистите носеле маски од лидерот на Северна Кореја, Ким Јонг Ун, американскиот претседател Доналд Трамп и Мун Џае Ин и така извеле мал перформанс.Според тмошните медиуми Ким Јонг Ун носел проектили, а Трамп се обидел да го шутне, што е ја илустрира нивната политика и меѓусебниот однос.Тука имало и една жена која со гумен чекан удирала во лажниот севернокорејски лидер.

Свет | пред 7 години

(ВИДЕО) Запленети 500 килограми марихуана на „Богородица“

Повеќе од 500 килограми марихуана, спакувана во 181-но пакување, со различна големина и тежина, се запленети на Граничниот премин „Богородица“. Дрогата била пронајдена, при контрола на камион, со скопски регистерски таблички, во специјално направен бункер, на кровот на приколката. Возачот на камионот е приведен, додека по едно лице се трага. Пронајдената дрога, во Македонија влегла од Албанија, а била наменета за нарко-пазарот во Турција. Според првичните информации, станува збор за меѓународна криминална група, во која се вмешани државјани на Македонија, Албанија и Турција.Запленетата марихуана требало да се транспортира до Турција, а нејзината вредност се проценува на над милион евра, соопшти портпаролот на МВР Тони Ангеловски на денешната прес конференција.Во рамките на криминалистичкото истражување утврдено е дека во текот на ноември и декември, Д. С. (33) од Скопје набавил марихуана од Албанија со цел продажба во Турција, а го организирал и транспортот преку Македонија и Грција до територијата на Турција. За реализација на транспортот, Д.С. за соодветен паричен надомест го ангажирал З.А.. Бункерот во возилото бил направен во Турција и оттаму З.А. го донел возилото во Скопје, каде веќе била подготвена марихуаната за транспорт.-Во текот на вчерашниот ден, по издадени наредби од судија на претходна постапка, извршен е претрес во домот на Д.С. во Скопје, со цел пронаоѓање и обезбедување на дополнителни материјални докази. Од извршениот претрес, пронајдени и одземени се едно возило Рено меган, мобилни телефони и бројна документација. Во текот на денешниот ден до обвинителството е поднесена кривична пријава против Д. С. како организатор на транспортот и З. А. како транспортер на дрогата, за сторено кривично дело – „неовластено производство и пуштање во промет наркотични дроги, психотропни супстанции и прекурсори” по член 215 ст.3 од Кривичниот законик на Р.Македонија- соопшти Ангеловски.Бункерот во камионот бил направен во Турција и оттаму З.А. го донел возилото во Скопје, каде веќе била подготвена марихуаната за транспорт.Кривична пријава Одделот за организиран криминал поднел и против Д. С. како организатор на транспортот.

Македонија | пред 7 години

„Светот останува на младите - Разговори за успехот“ - Инфо за настан 21 декември Струга, Локална Агенција за развој од Струга

Сите велат „светот останува на младите“. Од друга страна, сведоци сме дека во Македонија се повеќе млади сакаат да заминат и се помалку од нив сакаат да останат во државата.Разговаравме со млади, родители, наставници. Од сите страни почувствувавме некоја апатија и немоќ дека нештата може да се сменат.Во таа насока, ние како граѓански активисти одлучивме да направиме експеримент. Да откриеме зошто младите се разочарани и дали постои начин младите да се заинтересираат за нови знаења, и како да се мотивираат да превземат активности во нивни раце за нештата кои се во нивен интерес, велат од Локалнта агенција за развој Струга. Тие додаваат: „Успеавме да откриеме модел кој е супер успешен и кој може да им помогне на младите и на наставниците и на училиштата да ја вратат вербата во образованието. Да го доживеат значењето на флоскулата “Знаењето е сила знаењето е моќ. На младите останува светот!”Нашиот успех и целосната тајна на моделот кој може да се примени од сите кои се дел од образованието сакаме да го споделиме со јавноста, особено со наставниците и училиштата од Охрид и Струга каде и го направивме овој експеримент.Ќe ги споделиме сите чекори и добри практики кои ги применивме, и сите предизвици со кои се соочивме и буквално ќе го подариме на сите кои сакаат нашиот пристап да го применат и да уживаат во плодовите на успехот! А тоа се задоволни наставници и мотивирани ученици, вклучени во општествените предизвици.Кога?На 21 декември петок во хотел Дрим, Струга. Линк до настанотИ тоа не е се, како специјален гостин ни доаѓа г-дин Хајан Селмани – еден од најуспешните претприемачи во Македонија кој во оваа насока ќе одржи мотивациски говор за присутните, велат од локалната агенција за развој Струга.

Македонија | пред 7 години

Основци и средношколци имате можност да учествувате во Меѓународниот натпревар Европскиот квиз на парите - Пријавете се ...

Македонската банкарска асоцијација во соработка со Министерството за образование и наука, Народната банка на Република Македонија и Комисијата за хартии од вредност на Република Македонија објавува ЈАВЕН ПОВИК до основните и средните училишта во Република Македонија.Ги повикуваме основните и средните училишта во РепубликаМакедонија за учество во меѓународниот натпревар Европскиот квиз на парите. Овој квиз е проект на Европската банкарска федерација,фокусиран на финансиската едукација на учениците од 13 до 15години. Европскиот квиз на парите се одвива во две фази – првата фаза сенационалните натпревари во секоја земја поединечно, а втората фаза еевропското финале. Националниот натпревар во Република Македонијаќе се одржи на 27 март 2019 година, во рамките на Европскатанедела на парите. Најдобрите двајца ученици ќе ја претставуваатнашата земја на финалето коешто ќе се одржи на 7 мај 2019 година воБрисел, Белгија.Натпреварите ќе се реализираат преку посебна електронскаапликација за оваа намена Кахут (Kahoot!), којашто е едукативна платформа на база на игра.Финалниот натпревар во Белгија ќе сеодвива на мајчиниот јазик на учесниците. Се повикуваат сите заинтересирани основни и средни училишта дапријават одделенија / класови за учество на националниот натпреварво Република Македонија, најдоцна до 31 јануари 2019 година наследнава електронска адреса на Македонската банкарска асоцијација:info@mba.mkПритоа, треба да се има предвид следново:- Секое основно или средно училиште може да пријави повеќеодделенија / класови;- Учениците треба да бидат на возраст од 13 до 15 години на денотна пријавувањето;- Заедно со податоците за одделенијата / класовите треба да седостават податоци за наставниците / професорите под чиементорство ќе се одвива подготовката.Во периодот од крајот на јануари до почетокот на март, ќе се одвиваатподготовки и интерно тестирање на пријавените одделенија / класовиза потребите на националниот натпревар.Организаторите на настанотќе се погрижат за едукативните материјали коишто ќе им бидатпотребни на учесниците од Република Македонија за подготовка заинтерното тестирање, националниот натпревар и европското финале,за што пријавените одделенија / класови и нивните ментори ќе бидатнавремено информирани.Повеќе информации за Европскиот квиз на парите се достапни наследниве веб-страници: www.mba.mk и www.efb.eu .

Скопје | пред 7 години

Нема фотографија

Генералот Стојанче Ангелов добитник на орденот „Свети Никола“ на градот Штип

Општината Штип вечерва на свеченост ќе му го додели одрденот „Свети Никола“ на генералот Стојанче Ангелов, кој потекнува од Штип. Во образложението од Општината стои дека Ангелов е „патриот и херој кој што во текот на многу турбулентни случување со свој личен пример покажа како се сака Република Македонија“, објави мета.Бизнисменот Штерјо Наков пак, е еден од тројцата добитници на признанието „Свети Никола“. Наков, кој е по потекло од штипско, признанието го добива како почесен конзул на Романија во Македонија со седиште во Штип, стопанственик поддржувач и афирматор на Штип.Меѓу добитниците се и Бранко Азески, почесен конзул на Црна Гора со седиште во Штип и штипската компанија „Пеком инженеринг“, како општествено одговорна компанија.Стојанче Ангелов беше предложен, но одбиен од Комисијата за култура за добитник на највисокото општинско признание – награда „8 Ноември“.Празникот Свети Никола, што се одбележува како патрон на градот, утре ќе се одбележи со свечена богослужба, на која ќе чиноналствува поглаварот на МПЦ, г.г.Стефан, кој ќе има и празнично обраќање. Орденот и и признанијата ќе бидат доделени вечерва, по промоцијата на книгата Житијата и чудата на Свети Јоаким Битолски – Шангајски чудотворец.извор: мета.мк

Македонија | пред 7 години

Твитерџиите со елка од пластични шишиња ќе ги одбележат празниците

На 22 и 23 декември, сабота и недела твитерџиите и оваа година, традиционално, ќе накитат елка од пластични шишиња.Според агендата во сабота со почеток од 11 часот до 14 часот собраните шишиња ќе се остават на следните пунктови: Лептокарија, на коцката пред Ревија, влезот на трговскиот центар Беверли Хилс, ТЦ Бисер, Порта Влае, пред Баду и кај Универзална сала.Во недела со почеток во 11 часот елката ќе се издигне во парк Форум, зад Рекорд.Настанот е од отворен тип и сите се поканети да се вклучат.Целта на настанот е да се подигне свеста за рециклирање и намалување на отпадот.Исто така, тие апелираат да се чуваат празните пластични шишиња периодов, посебно оние од славите, и истите да се донираат на пунктовите.

Македонија | пред 7 години

Телата на загинатите кај Лесковац денеска ќе бидат пренесени во Македонија

Телата на тројцата починати Македонци од сообраќајката кај Лесковац денеска ќе бидат пренесени во Македонија, а 15-мина се уште се наоѓаат на лекување во Ниш и Лесковац, соопшто дописникот на МИА од Белград.-По завршената обдукција во Лесковац, тројцата починати од сообраќајната несреќа, 68-годишната К.К од Кочани, 68-годишниот маж В.Ш.од крушевското село Бучин и 63-годишната В.К од Кавадарци денеска ќе бидат транспортирани за Македонија.Дванаесете лесно повредени патници и двете деца, кои беа сместени во хотелот „Апостоловиќ“, во Лесковац, вчера организирано беа префлени во Македонија. Од болницата во Лесковац пуштен е на домашно лекување уште еден од повредените Македонци, така да во оваа болница се наоѓаат седум полесно повредени патници.Осуммината потешко повредени Македонци се уште се наоѓаат во Клиничкиот центар во Ниш, од кои две патнички со тешки повреди на главата, на рбетниот столб и со фрактура на карлицата, се во сериозна здравстевна состојба и приклучени се на апаратите за дишење. Сите останати се стабилизирани и не се животно загрозени. Лекарите во овие болници ја следат сотојбата на повредените и како што ни изјавија по подобрување на здравствената состојба во договор со македонските задравствени институции, пациентите ќе бидат префрлени на лекување во Македонија.Во болницата во Лесковац се наоѓа вториот возач на „автобусот на смртта“, кој е во стабилна здравствена состојба и има полесни повреди. Тој на дописникот на МИА изјави дека во моментот на сообраќајната несреќа во 01 часот и 45 минути спиел и не знае како дошло до трагичниот настан.Од полицијата и од истражните служби на Србија, не информираа дека истрагата се уште е во тек и дека наскоро ќе излезат со целосни податоци. Возачот на автобусот, кој во Србија го нарекоа „автобус на смртта“, според српските закони, пред се, поради трите жртви, се наоѓа во притвор.Патниците кои патуваа од повеќе градови во Македонија за Виена со превозникот Еуро Бус од струшкото село Велешта, беа претежно наши печалбари, а во моментот на несреќата сите спиеле.Според сведоштвото на преживеаните до несреќата дошло поради лошите снежни услови, голомразицата и неприлогадената брзина на возачот на автобус од речиси 100 км. на час и можноста возачот да има заспиено зад воланот.Автобусот ја изгубил контролата, излетал од автопатот, по што се превртел повеќе пати. Благодарејќи на навремената интервенција на осум возила на Итната медицинска помош од Ниш и Лесковац, на пожарникарите и случајни патници, кои испод автобусот ги извлекувале повредените, спречено е да дојде до поголема трагедија.Голема и несебична помош била дадена и од градоначалниците на Лесковац и Ниш, од медицинските установи од овие градови во спасување и збринување на повредените.МИА

Македонија | пред 7 години

Саливан: САД го поддржуваат Преспанскиот договор

САД силно го поддржува Преспанскиот Договор и очекува имплементација на истиот, порача заменик државниот секретар на САД, Џон Саливан.„Република Македонија е лидер во регионот поради нејзините заложби за мир, стабилност и соработка. Изразувам пофалби за премиерот Зоран Заев и министерот за надворешни работи Никола Димитров како и за храброто лидерство на оние пратеници во Собранието кои со своите гласови го презедоа потребниот чекор за обезбедување посветла иднина за Македонија и ја ставија вашата земја на патот кон побезбедна иднина. Поттикнуваме повеќе пратеници да ги остават настрана партиските интереси. Нема друга алатернатива“, рече Саливен.Тој ги пофали храбрите пратеници кои во октомври кренале рака за промена на Уставот на Македонија и ги поттикна и останатите пратеници да ги оставеле партиските цели и да се заложеле за просперитет и иднина на земјата во НАТО и ЕУ.За премиерот Заев ризиците за завршување на процесот на уставните измени се сведувале на минимум . Тој додаде дека ова бил единствениот начин за земјава д влезе во ЕУ и НАТО.

Скопје | пред 7 години

Тело за помирување: Амнестија нема да има за организаторите, тепачите и вооружените лица на 27 април

Координативното тело за помирување денеска ја одржа својата трета средба и го презентираше текстот на предлог законот за амнестија. Предлог законот ги содржи делата кои што нема да бидат опфатени со амнестијата. Како што објаснија копретседавачките Фросина Ременски и Емилија Александрова со амнестијата нема бидат опфатени лицата кои според обнинието се теретат за за здружување на непријателска дејност, лицата кои влегле со оружје, била маскирани и се однесувале насилно. Секој од обвинетите или осудените мора да поднесе индивидуално барање во рок од пет дена, а одлуката ќе носат јавното обвинителство и судот.„Очекувам денеска во соодветна процедура да влезе со собраниска процедура“, изјави Ременски и додаде дека помилување нема да има и за лицата кои се гонат за кривичното дело здружување заради непријателска дејност и нема право да дава квалификации кој треба да добие амнестија, за тоа ќе одлучува судот врз основа на Јавното Обвинителство.

Скопје | пред 7 години

Нема фотографија

Зоран Заев и Алексис Ципрас - номинирани за Нобелова награда за мир

Премиерите на Македонија и Грција, Зоран Заев и Алексис Ципрас, се номинирани за Нобеловата награда за мир за 2018. Номинацијата на Заев и Ципрас до Нобеловиот комитет ќе ја достави Уидед Бушамауи од Тунис, добитничка на Нобеловата награда за мир во 2015.Свечената церемонија за Номинација за Нобелова награда за мир за 2019 се одржа на Универзитетот ФОН.„Почестена сум што ги номинирам Зоран Заев и Алексис Ципрас за Нобеловата награда за мир.Ова не е признание само за нив, туку за сите граѓани на Македонија и Грција. Договорот од Преспа е пример и порака за сите како со дијалог може да се реши сѐ“, рече Бушамауи.Заев и Ципрас се номинирани за ова признание поради склучувањето на Договорот од Преспа. Со овој договор името на земјава ќе биде Република Северна Македонија за севкупна употреба, со македонски јазик и македонска националност.Во тек е собраниска постапка за амандманите за измена на Уставот соодветно Договорот со Грција.

Скопје | пред 7 години

Склучен меморандум за соработка помеѓу НБРМ и МБА во сферата на финансиската едукација и финансиската инклузија

Вчера, Народната банка на Република Македонија (НБРМ) и Македонската банкарска асоцијација (МБА) склучија меморандум за соработка во сферата на финансиската едукација на населението во земјава. Согласно со одредбите од меморандумот, во натамошниот период, НБРМ и МБА, заеднички ќе преземат низа активности коишто ќе бидат насочени кон подигнување на нивото на финансиска писменост, како и унапредување и развивање на финансиската инклузија на популацијата. Во рамки на соработката ќе се преземат и активности преку кои населението ќе добие повеќе информации и за банкарските услуги во земјава.Како што беше истакнато и на свеченоста на која беше потпишан меморандумот од гувернерката на НБРМ, д-р Анита Ангеловска-Бежоска и претседателот на МБА, г. Коста Митровски, оваа соработка ќе биде насочена кон подигнување на свеста кај населението за потребата од финансиска едукација во современото динамично окружување, заради подобрување на вештините и способноста за носење издржани финансиски одлуки во практиката. Истовремено, заради подигнување на нивото на финансиска инклузија, се планираат заеднички активности коишто треба да обезбедат подобра информираност на населението и поголема достапност на банкарските услуги, што би овозможило подобро искористување на предностите коишто ги нудат банкарските услуги, при истовремено зајакнување и на свесноста на населението за евентуалните ризици во доменот на користењето на банкарските услуги, како многу важен аспект за клиентите на банките. Покрај тоа, во рамки на соработката се предвидува и зајакната координација во доменот на следењето, едукацијата и евентуалната примена на финансиските иновации во рамки на банкарскиот сектор, коишто отвораат многу предизвици истовремено и за регулаторите, и за банките и за клиентите.На свеченоста, МБА склучи меморандуми за соработка во сферата на финансиската едукација и со Министерството за образование и наука (МОН), претставено од министерот, д-р Арбер Адеми и Комисијата за хартии од вредност на Република Македонија (КХВ), претставена од претседателката, м-р Нора Алити. Во рамки на соработката дефинирана со меморандумите, меѓу другото, МБА, НБРМ, МОН и КХВ, заеднички, за првпат во нашава земја ќе го организираат „Европскиот квиз на парите“ – проект на Европската банкарска федерација, наменет за финансиска едукација на младите. Со тоа, Република Македонија се вклучува во второто издание на овој квиз, чијашто основна цел е финансиска едукација на учениците на возраст од тринаесет до петнаесет години. Се очекува дека во квизот ќе учествуваат над четириесет илјади ученици од дваесет и пет европски земји.„Европскиот квиз на парите“ се одвива во две фази – првата се националните натпревари во секоја земја поединечно, а втората е европското финале. Националниот натпревар во Република Македонија ќе се одржи на 27 март 2019 година, во рамки на Европската недела на парите. Тим од најдобрите двајца ученици ќе ја претставува нашата земја на финалето коешто ќе се одржи на 7 мај 2019 година во Брисел, Белгија. Организацијата на овој настан во нашата земја ќе придонесе за поголема ангажираност на младите во доменот на финансиската едукација и за збогатување на нивните знаења од сферата на финансиите.

Скопје | пред 7 години

Точно на Пладне - Владата на Република Македонија ќе ја одржи 110-тата редовна седница

На дневен ред на денешната 110-та владина седница е Информацијата за текот и прогресот на активностите во врска со проектот „Изградба на централна пречистителна станица за Град Скопје во Трубарево” со Акциски план.Министрите на седницата ќе одлучуваат по Извештајот за завршени преговори за склучување Спогодба помеѓу Владата на Република Македонија и Владата на Република Србија за соработка во заштита и спасување од природни и други катастрофи.Дел од денешната седница е Предлогот за поведување постапка за водење преговори за склучување Спогодба за отворање односно реконструкција на гранични премини во Регионот на Преспанското Езеро со Нацрт текст на Спогодба, предложен од Министерството за надворешни работи.На предлог на Министерството за економија, пак, Владата ќе ја разгледа Информацијата за развој на системи за дистрибуција на природен гас во Република Македонија.Како материјал за информирање, членовите на Владата ќе ја разгледаат Информација за резултатите на работната група за имплементирање на Акцискиот план за Отворено владино партнерство 2016-2018 година со Финален извештај за самооценување.Министрите на 110-та редовна седница ќе одлучуваат и по Информација во врска со реализација на Проектот - Изградба на нов театар на место на Драмски театар во Скопје.Почетокот на владината седница е закажан за во 12:00 часот.

Скопје | пред 7 години

(ВИДЕО) Потпишан меморандум за соработка со Канцеларијата за услуги на проекти на Обединетите нации - UNOPS и со МНР на Кралството Норвешка, за решавање на проблемот со линдан

Премиерот Зоран Заев во име на Владата на Република Македонија денеска го потпиша Меморандумот за соработка со Канцеларијата за услуги на проекти на Обединетите нации - UNOPS и со Министерството за надворешни работи на Кралството Норвешка претставувано од Амбасадата на Кралство Норвешка за Србија, Македонија и Црна Гора.Успешната имплементација на проектот има за цел создавањето на заеднички Фонд, како системски механизам за расчистување на индустрискиот токсичен отпад во поранешната фабрика ОХИС во согласност со европските стандарди, хармонизација во полето на заштита на животната средина и промоцијата на град Скопје како безбеден, отпорен и одржлив град.„Веќе е познато дека одредена количина од овој опасен пестицид со години е затрупан во кругот на фабриката и претставува закана за животната средина. Република Македонија, со потпишување на Стокхолмската конвенција во 2004-тата година, во којашто линданот како токсична материја е додаден во 2009-та година, e обврзана да го реши овој проблем. И затоа час поскоро мора да го дислоцираме отпадот без последици врз околината и врз граѓаните“, истакна премиерот Заев.Потенцирајќи дека здравата и чиста животна околина се едни од основните предуслови за квалитетен живот на сите, премиерот Заев истакна дека Владата и сите други надлежни институции се определени да создадат средина во којашто граѓаните ќе живеат без да се грижат каков воздух дишат или што се крие под земјата којашто ја газат.Процесот за конечно решавање на проблемот со илјадниците тони отпад од опасниот пестицид линдан во поранешната фабрика Охис, ќе го води Генералниот Секретаријат на Владата на Република Македонија.

Скопје | пред 7 години

Општина Кисела Вода расчистува - синоќа фрли околу два тони сол

Општина Кисела Вода веднаш по првите снежни врнежи на повисоките населни места на улиците и тротоарите кои се под нејзина надлежност синоќа фрли околу два тони сол.Локалната самоуправа со цел да овозможи непречено движење и одвивање на сообраќајот и пешаците во зимски услови по претходно спроведена јавна набавка изврши надоградување на сопствените два трактори кои служат за косење на тревни површини со плугови и дувалки за снег. Со истите ќе се чисти снегот на тесните улици, патеки и тротоари. Додека Општината на сите основни училишта, градинки, месни и урбани заедници им подели 300 вреќи со сол.За успешно справување со претстојните снежни врнежи ангажирана е фирмата „Анизор“ која на терен ќе интервенира со 4 специјални возила од кои две се за широки и две за тесни улици.Општина Кисела Вода на учесниците во сообраќајот им препорачува да возат внимателно и да се придржуваат на условите на коловозите. Во исто време Општината апелира до сите граѓани и правни субејкти кога ќе падне снег да ги почитуваат законските обврски, да извршат расчистување на снегот и мразот пред пристапите на нивните деловни и станбени објекти.3.

Скопје | пред 7 години

АНАЛИЗА: Скопје и Тетово со најголем број на невработени –пазар на труд во 2018 та !

Официјалните статистики на истекот од оваа 2018 година покажаа дека невработеноста на ниво на државата се намалува. Сепак, десетици илјади граѓани и натаму фигурираат како невработени – на листата пасивни или активни баратели на работа. Од вкупниот број на невработени, според податоците од Агенцијата за вработување, 55 989 се етнички Македонци, потоа 23 054 се етнички Албанци, 3 851 невработен се од турска националност а 5 687 се Роми. Скопје и Тетово предничат според бројот на граѓани кои имаат статус на невработени.2955 луѓе изгубиле работа, 2707 се вработиле ...На истекот од оваа 2018 година, или до почетокот на ноември, според податоците од Агенцијата за вработување на пазарот на труд биле регистрирани вкупно 182 036 невработени луѓе , од нив 91 485 се регистрирани како “активни баратели на работа“ а останатите 90 551 како “други лица кои бараат работа“.“Невработеното лице е должно лично да се јавува во Агенцијата на секои 30 дена и да докаже дека активно барало работа во последниот месец а “Друго лице кое бара работа на секои шест месеци. Невработеното лице (активен барател на работа) учествува во сите програми и мерки за вработување и услуги на пазарот на трудот кои ги спроведува АВРМ. Другото лице кое бара работа (пасивен барател на работа), само се евидентира во АВРМ (не изразило волја да учествува или да му биде понудено вработување и слично) и АВРМ единствено може да му обезбеди информации за состојбата на пазарот на трудот“ – велат од Агенцијата за вработување.Во споредба со првиот месец од годинава,во октомври вкупниот број на невработени се намалил за 10 066. Од почетокот на годината до крајот од октомври, од вкупниот број на луѓе кои повеќе не се на списокот на невработени, 2707 се врабоотиле, односно засновале работен однос, 2576 биле административно симнати од евиденција по законски основ а 774 преминале во пасивни баратели на работа.Во истиот период на списокот на невработени, се приклучиле нови 5 351 лице кои стекнале право на “невработен“ а од нив 2955 по основ на изгубена работа.Скопје и Тетово предничат според апасолутниот број на невработени ....Бројот на невработени различно е распределен по градовите во земјава и според апсолутната евидентирана бројка, предничат Скопје со 14 699 регистрирани невработени и Тетово со 11 134 луѓе. На листата градови со најголем број на невработени се и Куманово, Гостивар, Прилеп.Број на невработени по градови:Скопје 14 699Тетово 11 134Куманово 9 282Прилеп 6 626Гостивар 5 524Битола 4 780Но, ова се апсолутни бројки за навработеноста. Друга слика за состојбата со невработеноста се добива доколку се направи споредба на бројот на невработени во однос на вкупниот број на население во општината, односно градот. Така на пример во Берово се регистрирани 1 224 невработени и во однос на бројот на население ( лица постари од 10 години) излегува дека секој 11 ти жител е невработен. Во Тетово пак споредбените податоци покажуваат дека секој 8 ми е невработен , во Дебар секој 13 ти, во Куманово и Прилеп секој 11ти.Етничка структура на невработените ....Од вкупниот број на невработени – активни баратели на работа ( 91485), според податоците од Агенцијата за вработување, 55 989 се етнички Македонци, потоа 23 054 се етнички Албанци, 3 851 невработен се од турска националност а 5 687 се Роми. Или вака изгледа процентуалната структура на невработените според етникумот:Македонци 61,1%Албанци 25,2%Турци 4,2%Роми 6,2%Пропорционално, во градовите во кои доминира мнозинско албанско население има и најголем број на невработени од овој етникум, така во Тетово регистрирани се 8 002 граѓани од албанска националност со статус на активни невработени, додека бројот на невработени Македонци изнесува 2 703. Во Гостивар бројот на невработени Албанци е 2 713 , во Куманово 3 715 а во Дебар 620.Најновите податоци од Државниот завод за статистика покажаат дека стапката на невработеност во третото тримесечје од годинава се намалила на 20,8 отсто, за разлика од вториот квартал кога беше 21,1 отсто. На крајот од септември 958.770 лица се активно работоспособно население во земјава, од нив 759.445 лица се вработени, а 199.325 лица бараат работа.

Македонија | пред 7 години

(ВИДЕО) Двајца пратеници исфрлени од зградата на унарската телевизија

Двајца независни пратеници од Унгарија биле исфрлени од зградата на унгарската државна телевизија откако се обиделе да прочитаат петиција.Инцидентот се случува еден ден откако полицијата употреби солзавец против демонстрантите во Будимпешта, јави Радио Слободна Европа.Како што се гледа на видеото објавено на Фејсбук страницата на пратеничката Бернадет Сел, таа и колегата Акош Хадази се исфрлени од МТВА од страна на обезбедувањето.Претходно во неделата, неколку илјади демонстранти се собраа пред седиштето на МТВА, скандирајќи антивладини слогани. Откако на делегација од опозициски пратеници им беше дозволено да влезат во зградата, полицијата употреби солзавец да ги растера демонстрантите.Владата на премиерот Виктор Орбан за протестите вели дека се финансирани од Џорџ Сорос и тврди дека исфрлените пратеници насилно го нападнале персоналот во телевизијата.

Свет | пред 7 години

Жител на Кавадарци обвинет за обид за убиство и противправно лишување од слобода

По спроведена истражна постапка, Основното јавно обвинителство Велес до Основниот суд Велес поднесе Обвинителен акт против 37-годишен жител на Кавадарци за сторено кривично дело – Убиство од чл.123 ст.1 во врска со чл.19 (во обид) и кривично дело – Противправно лишување од слобода од чл.140 ст.1 од Кривичниот законик.На обвинетиот му се става на товар дека на 06.06.2018 година најпрвин по телефон ја повикал оштетената да му се придружи на патувањето за Прилеп. Таа прифатила и обвинетиот ангажирал такси-возило, но со него наместо кон Прилеп се упатиле во правец на с. Бегниште.Кога дошле до крајот на селото, тој и рекол на оштетената да излезат од возилото и продолжиле да се движат пеш по блиските ниви. Во еден момент, обвинетиот извадил нож и со него ја прободел оштетената во стомакот од десната страна под градниот кош, нанесувајќи и со тоа тешка телесна повреда со конкретна опасност по животот.Потоа си заминал оставајќи ја оштетената сама.жПо неколку часа се вратил и со помош на лице – сведок во постапката ја однел во неговата куќа и таму ја оставил, иако оштетената имала болки и крварења и го молела да ја однесе на лекар. Со ваквите дејствија тој противправно и ја ограничил слободата на движење.Пак се вратил и утредента, на 07.06.2018 година, на инсистирање и молба од оштетената со такси ја однел до с.Сопот, во близина на куќата на нејзините баба и дедо, ја исфрлил од такси возилото во бесвесна состојба и таму ја оставил.Истовремено со Обвинителниот акт доставен е Предлог за продолжување на мерката притвор спрема обвинетиот, бидејќи се уште постојат основите поради кои истиот е определен. Имено, обвинетиот е пријател на оштетената и кривичното дело го сторил искористувајќи ја нејзината доверба и пријателство, што претставува околност која го оправдува стравот дека тој би можел да го повтори кривичното дело.Исто така, по извршувањето на кривичното дело, обвинетиот се криел во повеќе градови низ Македонија, честопати го менувал своето престојувалиште, што упатува на можност тој да се даде во бегство доколку биде на слобода.Во рамките на истражната постапка, обвинителството ја испитуваше евентуалната кривична одговорност и на други инволвирани лица, но до овој момент не се пронајдени докази кои упатуваат во таа насока.

пред 7 години

Косовската полиција започна со акција за легализација на оружјето кај цивили

Косовската полиција започна со акција за легализација на оружјето, а проценките се дека цивилите поседуваат меѓу 240 и 260 илјади парчиња останати од деновите на војната.Колку за споредба, Косово има 1,8 милиони жители, војската би требало да има 5.000 припадници, па не е лесно да се дојде до заклучок колкави се размерите на вооружени цивили.Овој податок е дополнителен проблем за Српскта влада.Полицијата смета дека легализацијата на оружјата ќе овозможи Косово да стане побезбедна средина бидејќи според нивното мислење, далеку поголем проблем е што поголем дел од оружјето е илегално.Инаку, проблем на огромното количество на оружје не е само косовската специфичност, туку и општата загриженост дека на западниот Балкан, од Хрватска до Македонија, се ‘скриени’ меѓу три и шест милиони парчиња оружје, покажуваат податоците на Европол, пишуваат хрватските медиуми.

Свет | пред 7 години

Поднесени седум амандмани на уставните измени

Амандманот го предлагаат со цел да се загарантира позицијата на Република Македонија во спроведувањето на Преспанскиот договор и Протоколот за НАТО, објави МИА.До Собранието на Република Македонија во законскиот рок пристигнале седум амандмани на предлог-амандманите на Уставот и тоа два од Алијанса на Албанците, еден од Беса, еден од пратеникот од СДСМ Мухамед Зекири и три од Независната пратеничка група на ВМРО-ДПМНЕ и коалицијата. Амандмани не поднеле пратеничките групи на опозициската ВМРО-ДПМНЕ, ДУИ и СДСМ.Зијадин Села и Сурија Рашиди од Алијанса на Албанците имаат еден амандман на Предлогот на уставниот закон за спроведување на уставните амандмани со кој бараат во членот 2 став 2 зборовите „македонско/граѓанин“ да се заменат со зборот „граѓанин“, а во образложението навеле дека тоа се бара за да се овозможи еднаквост во изразување на државјанството на сите граѓани на Република Македонија.Пратениците на Беса Фадил Зендели и Теута Билали исто така бараат интервенција во истиот став на уставниот закон и но тие предлагаат овој став два да гласи „Од денот на влегување во сила на амандманот XXXIII, граѓаните на Република Северна Македонија имаат државјанство на Република Северна Македонија“.Амандман за истиот став од членот 2 на уставниот закон има поднесено и Мухамед Зекири од СДСМ. Овој пат неговото барање е допрецизрање на ставот со тоа што на крајот на реченицата да се додадат зборовите „што не ја определува ниту пак ја прејудицира етничката припадност на граѓаните“.Сличен амандман на овој има поднесено и Независната пратеничка група на ВМРО-ДПМНЕ и коалицијата. Тие предлагаат во членот 2 став 2 по зборот „Македонија“ да се додадат збороите „со што не ја предодредува етничката припадност на граѓаните“. Амандманот го предлгаат, како што наведуваат во образложението, за да се постигне дистинкција меѓу државјанството и етничката припадност на сите граѓани на Република Македонија. „Овој амандман докажува дека не сме и нема да бидеме северномакедонци, туку сме и ќе бидеме Македонци, како што и другите припадници се и ќе бидат Албанци, Власи, Срби, Роми, Бошњаци и други“, пишува во облазложението потпишано од Елизабета Канческа Милевска, Нола Исмајловска Старова, Владанка Авировиќ, Емилија Александрова и Зекир Рамчиловиќ.Вториот амандман на Села и Рашиди од Алијанса на Албанците се бара во уставниот закон за прогласување на амандмамните да се додаде член 1-а и предлагаат тој да гласи „Државната граница на Република Македонија е нејзината постојна граница со Република Албанија, република Бугарија, Република Грција, Република Србија и Република Косово“. Во образложението тие меѓудругото наведуваат вакво нешто е неопходно бидејќи Република Македонија ја признала Република Косово.Пратениците од независната пратеничка група имаат поднесено амандман со кој бараат менување на членот 1 став 2 од уставниот закон и предлагаат тој да гласи: „Амандманите од XXXIII до XXXVI на Уставот на Република Македонија не произведуваат правно дејство, не влегуваат во сила и се неважечки доколку веднаш не се исполнат условите утврдени во ставот 1 на овој член“. Амандманот го предлагаат со цел да се загарантира позицијата на Република Македонија во спроведувањето на Преспанскиот договор и Протоколот за НАТО.Исто така тие имаат и трет амандман со кој се предлага во член 1 став 2 од уставниот закон на крајот на реченицата се додаваат зборовите „и Собранието на Република Македонија веднаш пристапува кон измена на Уставот на Република Македонија“. И ова се Независната пратеничка група на ВМРО-ДПМНЕ и коалицијата, го предлага, како што се наведува, со цел да се згарантира позицијата на Република Македонија во спроведувае на Конечната спогодба.Седницата на собраниската Комисија за уставни прашања почнува попладнево, додека пленарната седница се очекува да биде закажана од 9 јануари следната година. Ова е трета и последна фаза од уставните измени кои се правата согласно Договорот од Преспа.извор: МИА

Македонија | пред 7 години

Увозникот на палмите е под истрага на финансиската полиција

Финансиската полиција води сериозна истрага за начинот на набавката на фамозните палми на претходната власт со сомневање за испрани голема сума пари. Но тоа не е никаква пречка за новите локални власти, град Скопје, општините Сарај, Липково, Пробиштип... да набавуваат садници од „Росен центар" од село Стримница, општина Желино.Директорот на финансиската полиција Арафат Муареми неодамна во интервју на ТВ21 изјави дека се води истрага за злоупотреба на државни пари при набавката на палмите од страна на ЈП „Македонски шуми“. Муареми вели дека пријавената вредност за садниците од компанијата е многу повисока од набавната цена.Неофицијално, Буџетот на Република Македонија е оштетен за близу 500 илјади евра само при набавката на 1.100 палми, без податок за дополнително потрошените пари за заштита на палмите, за греење, за заштитни најлони... Инаку, речиси 95 отсто од палмите се исушија.Според некои податоци, целата сума за набавка на палмите од Кина преку „Росен центар“ не била повисока од 130 илјади евра, а минатата власт прикажала дека исплатила 522 илјади евра... Единечната садница на една палма од 8 метри изнесувала 238 долари, а фактурата до ЈП Македонски шуми била 45.501 денар (околу 740 евра) или со ДДВ 53.692 (околу 873 евра).Инаку Град Скопје во јуни годинава распиша тендер за набавка на садници, а „Росен центар“ потпиша договор со градот за набавка на садници вреден 85.422 евра.

Македонија | пред 7 години

Нема фотографија

Младен Чадиковски е легитимно избран за претседател - вели управниот одбор

Управниот одбор на ЗНМ утврди дека Управниот одбор на конститутивната седница одржана на 17 декември 2018 година едногласно донесе автентично толкување на одредбите од Статутот на ЗНМ кои се однесуваат на одржаното Изборно собрание според кое Претседателот на ЗНМ, Младен Чадиковски, е легитимно избран со мнозинство гласови од редовните членови присутни во моментот на гласањето.На седницата беше предложена и едногласно избрана Фиљана Кока за Заменик-претседател на Здружението на новинарите на Македонија.Освен ова, Управниот одбор констатираше дека за време на одржувањето на Собранието не беше пристигнат ниту еден приговор за процесот на гласање од страна на присутните членови, ниту од страна на членовите на Верификационата и Изборната комисија. Сите засегнати страни кои што имаат било каков сомнеж во однос на изборната процедура можат да ги употребат достапните правни лекови.На конститутивната седница присуствуваа сите членови на Управниот одбор и сите одлуки беа донесени едногласно. Одлуката за потврдување на легитимноста на изборот на претседател на ЗНМ се донесе со консензус на сите членови на Управниот одбор, додека Претседателот Младен Чадиковски се иззема од гласањето.Членовите одржаа конструктивна дебата за да постигнат заеднички ставови со цел ЗНМ и понатаму да продолжи да го промовира принципот на солидарност како темелен принцип на заедницата, соопшти ЗНМ.Управниот одбор повика на консолидација на членовите со цел да се одржи достоинството и единството како клучни принципи за заштита на интересите на сите членови на ЗНМ.Управниот одбор констатираше дека за сите различни мислења е потребен зајакнат и институционализиран форум за дебата, со оглед на фактот дека и двајцата кандидати за претседател своите програми ги темелеа на поголема вклученост на членството во работата на Здружението преку предложени секции. УО предлага да се разговара со сите засегнати групи во еснафот и формирање секции кои ќе ги претставуваат интересите на тие специфични групи.

Скопје | пред 7 години

Денеска е Св. Сава Осветен и св. Нектариј Битолски.

Свети Сава се роди во петтиот век, во областа Кападокија. Веќе на 18-годишна возраст се насели во еден манастир и наскоро беше потстрижен за монах. После повеќе години поминати во манастирот на блажениот Теоктист, сакајќи ништо да не го одвојува од молитвата и богомислието, тој се насели во една пештера во Палестина. Последните години ги помина како духовник во манастирот во Палестина што денес го носи неговото име. Се упокои во 533 година.Денес се слави и свети Нектариј Битолски.Потекнуваше од благочестиво битолско семејство.Кога го израснаа, мајка му и татко му стапија во манастир. Свети Нектариј се замонаши на Света Гора и ги освети својата душа и телото, непрестано стекнувајќи секакви добродетели.Се упокои во 1500 година. Неговите мошти беа откриени нераспаднати и положени во ковчег, во црквата на Јагарската келија, на Света Гора.

Македонија | пред 7 години

Обжалена пресудата за смртта на родилка и новороденче во гевгелиската болница

Основното јавно обвинителство во Велес, почитувајќи го законскиот рок по приемот, ја обжали Пресудата на Основниот суд Велес во предметот за смртта на родилката Маја Кадиева и нејзиното новороденче.Имено, со првостепената пресуда на Основен суд Велес двајца доктори гинеколози беа ослободени од обвинение дека сториле кривично дело – Тешки дела против здравјето на луѓето од чл.217 ст.1 од Кривичниот законик, додека докторот анестезиолог беше осуден за истото кривично дело на ефективна казна затвор во траење од 4 години и му беше изречена забрана на вршење професија, дејност или должност.Сепак, надлежниот јавен обвинител смета дека во предметот станува збор за воопшто несовесно постапување на тројцата лекари од ЈЗУ Општа болница Гевгелија како последица на кое при породување настапил смртен исход кај родилката Маја Кадиева и нејзиното новороденче.Жалбата е поднесена поради погрешно утврдена фактичка состојба. Во неа, Основното јавно обвинителство Велес наведува дека на страната на лекарите гинеколози има пропусти кои во целина со пропустите на анестезиологот довеле до смртниот исход.

Македонија | пред 7 години

Албанските партии ја завртеа плочата – сега Заев е анти Албанец

Одлуката на Приштина да формира армија го разбранува регионот, но и светот. За денеска во 21 часот по средноевропско време, на барање на Русија, е закажана седница на Советот за безбедност на ОН посветена на Косово. Москва инсистира дебатата да биде отворена за јавност, но Вашингтон и Лондон се противат. На седницата би требало да присуствува и српскиот претседател Александар Вучиќ, кој тврди дека создавањето на косовската војска е во спротивност на Резолуцијата 1244, но и на уставот на Косово.Се очекува на седницата да се отворат длабоките конфронтации меѓу големите сили за ова прашање. САД и Британија отворено ја поддржаа одлуката за создавање косовска војска. Русија стравува дека овој потег на Приштина може да доведе до тензии не само во Косово, туку и на целиот Балкан.НАТО, пак, според познавачите на состојбите, амбивалентно ги употребува фразите „не помага“, не „придонесува кон решение“, „не е добар момент“, додека Берлин посегнува кон двојна негација „се надеваме дека нема да придонесе кон влошување“. Тој дипломатски јазик, велат тие, во превод значи – што е тука е, навикнете се.Формирањето на војската на Косово е последен од низата проблеми во последно време се јавија на релација Белград - Приштина и кои го ставаат под мраз дијалогот за статусот на Косово, што создава загриженост во целиот регион. Проценките на дел од политичките аналитичари во регионот се дека политичката динамика во Косово е целосно диктирана од внатрешни причини бидејќи постои поделба на невидено ниво во самата политичка елита. Ако движењето Самоопределување на Албин Курти важеше како некаков отпадник од мејнстрим-политичките партии, сега меѓу партиите, односно меѓу претседателот Хашим Тачи и премиерот Рамуш Харадинај има не само недоразбирања, туку очигледно и личен анимозитет кој сигурно ќе се рефлектира на односите со Србија.Но последните случувања во Косово покажуваат дека тие ќе се користат и тука за внатрешна политичка употреба со строго дефиниран изборен фокус.Затоа и изјавата на премиерот Зоран Заев кој се повика на ставот на НАТО дека не е време за косовска војска, нагласувајќи дека Балканот нема намера повторно да биде буре барут, имаше експлозивно дејство за албанските опозициски партии.За Зијадин Села од Алијансата за Албанците тоа го покажало „црното и националистичко лице на Заев, прво кон Албанците, потоа и кон Косово и САД, како најголеми поддржувачи на Косово и неговата војска“. Тој му порача на премиерот да не се меша во внатрешните работи на Косово и да си го гледа домашниот двор. Движењето Беса на Билал Касами побара од премиерот да се дистанцира од „оваа скандалозна изјава“, бидејќи формирањето на војската на Косово ја имало силната поддршка од САД. Неговата изјава, според Беса, го одразувало вистинското лице на „мултиетничката“ Македонија и ги правело да се чувствуваат навредени и Албанците на оваа земја, кои му дале полн мандат за да владее, а не „да зборува глупости и национал-комунистички варваризми“.„Заев, практично, го цитираше ставот на НАТО, а тоа и не го криеше. Сепак, политичарите Албанци во Македонија ги насочија сите стрели и копја, дрвја и камења, исклучиво кон Заев. Не кон НАТО, не кон германската влада, туку кон Заев“, вели Џабир Дерала од невладината „Цивил“.Ако Заев се меша во внатрешните работи на Косово, исто толку мешање во внатрешните работи е и жестоката одбрана на Косово, додава Дерала.Повеќе прочитајте на НЕЗАВИСЕН

Македонија | пред 7 години

Времето денеска претежно облачно и студено со повремени врнежи од снег

Претежно облачно и студено со повремени врнежи од снег, особено претпладне во западните и јужните делови. Насекаде низ земјава ќе се формира нова снежна покривка, во пониските места од 5 до 10 cм, а на повисоките места и планините и над 20 cм. Ќе дува умерен до засилен северен ветер што ќе предизвика појава на снежни наноси, а поради ниските температури ќе има и појава на голомразица.

Македонија | пред 7 години