ГЛАВНИ-ВЕСТИ

Комитетот за светско наследство на УНЕСКО ќе одлучува за статусот на Охрид

Делегација на Владата на Република Македонија учествува на 43-тата сесија на Комитетот за светско наследство на УНЕСКО во Баку, Азербејџан, на која ќе се дискутира за состојбата со природното и културното наследство во Охридскиот регион.Делегацијата, што ја предводи министерот без ресор Едмонд Адеми, а во која уште се и заменик министерот за надворешни работи Андреј Жерновски и градоначалникот на Охрид Константин Георгиевски, за време на сесијата на Комитетот, делегацијата ќе оствари средби со високи претставници на Центарот за светско наследство на УНЕСКО, со делегациите на земјите членки меѓу кои Кина, Бразил, Босна и Херцеговина, како и со претседавачот на Комитетот Др. Абулфас Гарајев, министер за култура на Азербејџан.Делегацијата на Република Македонија ќе оствари средби и со колегите од Република Албанија, во насока на заедничко делување и управување со Охридското Езеро и неговотo опкружување.За време на 43-тата сесија на Комитетот за светско наследство на УНЕСКО , Владата на Република Македонија ќе го нагласи и афирмира ставот дека e комплетно посветенa на зачувување на статусот на Светско културно наследство на Охридскиот регион, кој не ѝ припаѓа само на Македонија, туку на целиот свет.

Македонија | пред 6 години

Села: Груби има среќа што не бев во Собрание

Лидерот на Алијанса за Албанците, Зијадин Села, во интервју за „Алсат М“ рече дека владината реконструкција била само козметика и дека не биле „изметени“ функционери во институции кои биле најскандалозни. Според него очекувањата на граѓаните не биле исполнети.-Почнувајќи од вицепремиерот за евроинтеграции, Министерството за образование, транспорт и други министерства. Еден министер кој беше најскандалозниот во текот на овој период на владеењето, односно г.  Дураку. Тој сега беше награден – вели Села.Тој ги отфрла шпекулациите дека преговара за влез во владата на Заев по излегувањето на Весел Мемеди.Во врска со изјавата на пратеникот на ДУИ, Артан Груби, кој од собраниска говорница го нарече Села кукавица и дека затоа добил „ќотек“, како што рече на 27 април, Села возврати дека Груби имал среќа што во тој момент не бил во Собранието.-Тој има такво однесување, како маже е, и сакаше Господ јас да не бидам таму, иако тој знае да глуми и да посочува со прст, еве го избега. Во моментот кога тој држел говор јас сум го поминал Кичево на пат кон Струга. Но, знаете што, мислам дека не вреди да се коментира политичкото однесување на еден човек што го знае целата јавност. Дека кога се ангажирал во политиката, Муса Џафери и Али Ахмети мерката не му ја земале од главата туку од друго место – рече Села.

Македонија | пред 6 години

Инспекторот Илиевски до Заев и Ахмети: Зошто законите не важат за „големите ѕверки“?

Отворено писмо од инспекторот Ѓорѓи Илиевски до премиерот Зоран Заев и до „вториот премиер“ Али Ахмети.Писмото ви го пренесуваме во целост.Верувам дека лично сте запознаени, господине премиер Зоран Заев (бев примен од вашиот шеф на кабинет каде што е предадена целокупната документација и за тоа сум благодарен), а вториот „премиер“ Али Ахмети сигурно го запознале неговите блиски советници или е запознат од неговиот внук д-р Бујар Амети, доцент на Правниот факултет при Универзитетот во Тетово, или преку пишаните и електронски медиуми и портали за скандалот, за унапредувања во наставно-научни звања на високи јавни владини функционери чии работни места им биле во мирување додека извршувале јавни, односно државни функции, како што се актуелниот министер за образование и наука м-р Арбер Адеми од асистент во наставно-научно звање доцент, заменик-министерот за внатрешни работи Агим Нухиу од доцент во вонреден професор и директорот на Државниот завод за индустриска сопственост, Сафет Емрули, унапреден од асистент во доцент и вонреден професор.Имено, почитуван премиере Зоран Заев и почитуван „премиере“ Али Ахмети (да знаеш, овие твоиве), министерот за образование и наука е унапреден од асистент м-р во наставно-научно звање доцент во период кога му мирува работниот однос на Универзитетот во Тетово како магистер асистент од 04.04.2016 година, па сѐ додека ја врши функцијата министер без ресор на Владата на Р. Македонија тоа мирување му е согласно член 151 од Законот за работни односи (вашите советници ќе ви помогнат што цитира тој член). Наместо мирување и почитување на законот, Универзитетот распишал конкурс за избор во сите наставно-научни звања на ден 24.09.2016 година, каде што вашиот министер м-р Арбер Адеми нема право да конкурира (може, но иако знае) без разлика што докторирал во период на мирување, тој сите права и обврски ги има кај друг работодавец, односно може да аплицира – конкурира по завршување на мирувањето. Тоа е согласно закон. А не по спроведената процедура за избор да го изберат во наставно-научно звање доцент на Правниот факултет при Универзитетот во Тетово, што е спротивно на член 135 став 3 од Законот за високо образование (вашите советници ќе ви помогнат што цитира тој член). Истиот склучува Договор бр.04/153/1 од 15.09.2016 година за интелектуални услуги за зимски и летен семестар во академската 2016/2017 година, со Универзитетот во Тетово, каде што изведува настава-испити, вежби, како и други интелектуални услуги и од Универзитетот добивал надоместок од сопствени финaнсиски средства (поконкретно да знаете тоа се сопствени парични средства на студентите), што е спротивно на член 133 став 15 од Законот за високо образование.Ова е службена злоупотреба и паричните средства треба да му се вратат на Универзитетот бидејќи се тоа пари на студентите. Со ова треба да се позанимава друга инспекција, може и финансиска или Основното јавно обвинителство.Иста е состојбата и со унапредувањето од доцент во наставно-научното звање вонреден професор на Агим Нухиу, заменик-министерот за внатрешни работи, исто така во период кога му мирува работниот однос од 04.04.2016 година, Универзитетот во Тетово распишува конкурс на ден 01.07.2017 година за избор во сите наставно-научни звања (предвремен избор со две иницијативи, и тоа Приватен универзитет Месдетар од Тирана и од Приватниот универзитет од Струга на Рамиз Мерко) и се избира во наставно-научно звање вонреден професор, а тоа е незаконит избор во наставно-научно звање вонреден професор. Како и првиот министер, така и вториов, Агим Нухиу, заменик-министер за внатрешни работи, склучил Договори бр.04-210/1 од 15.09.2017г. и Договор бр.04-210/2 од 01.02.2018 г. за интелектуални услуги со Универзитетот во Тетово за зимскиот и летниот семестар, како што стои, за изведување настава-испити, вежби и Универзитетот им исплаќал финансиски надоместок од сопствени средства, спротивно на член 133 став 15 од Законот за високо образование.Почитувани премиери, ваквото скандалозно унапредување во наставно-научно звања во вонреден професор и оној на министерот за образование и наука во доцент, за нив не бил скандал и не чувствуваат одговорност. Во правни држави веднаш им се бара да сносат одговорност и да поднесат неотповикливи оставки од своите функции и да извршат повраток на парични средства, пари кои се на студентите. Тие вината ја префрлаат на Универзитетот, зошто распишал конкурси ?! Каде е моралната одговорност, каква порака му испорачуваат на ова наше општество. Вака во Европа…?!Господа премиери, нели заложбата на Владата – нашата Влада, таа е и моја Влада – едно општество за сите, законите да важат за сите еднакво, произлегува само декларативно, а во практика не е така. Што значи за јавните функционери, директори, пратеници, „големи ѕверки“ тие не важат, ама ќе важат за оние обичните граѓани. Вака постави работите, а и праксата покажува дека имаме поделено општество на недопирливи за кои законот не важи и обични граѓани за кои законот важи. Ова, господине „премиер“ Али Ахмети, треба да го согледате како „премиер“ и нивен лидер.Третиот функционер, помлад асистент м-р Сафет Емрули, кој има договор за мирување од Универзитетот, како директор на Државниот завод за индустриска сопственост од 2008 година, па сѐ до ден-денес 2019 година, тој се унапредувал од помлад асистент во асистент во 2010 година, во 2013 во наставно-научно звање доцент и во 2018 во вонреден професор. Како и претходниве министри, и директорот Емрули склучил договори за интелектуални услуги со надоместок од сопствени финансиски средства на Универзитетот за 2014/2015 година.Господине премиер Заев и „премиер“ Ахмети, сакам да истакнам еден позитивен пример на директор на една државна институција, каде што неговиот работен однос со решение му мирува со наставно-научно звање доцент уште од 2007/2008 година, до ден-денес, и тоа на УКИМ-Факултет за ветеринарна медицина – Скопје. По завршувањето на неговиот мандат, односно функција, се враќа на факултетот и по донесувањето на новиот Закон за високо образование, согласно член 176 став 3, по негово барање факултетот му овозможува и му распишува конкурс за повисоко наставно-научно звање вонреден професор. Овој светол пример треба да го следат и други универзитети и неговите единици. За ова треба да се залагаме како држава која претендира да си го најде своето место во европската перспектива.За ваквите констатирани незаконитости и законитости од моја страна, господа премиери, поаѓав согласно Законот за високо образование, Законот за инспекциски надзор и Законот за просветна инспекција, каде што се сочинети и доставени записници и решенија до Универзитетот во Тетово за почитување на законитоста, а воедно целокупната документација е доставена и до Државната комисија за корупција, како и до другите домашни и странски институции во нашава држава.На моите констатации и утврдени незаконитости, од само за нив познати причини, се оградија директорот на Државниот просветен инспекторат, Томе Спироски (кој како што говорел „зад мене стојат Оливер Спасовски и министерот Арбен Адеми“) и раководителот на секторот, Африм Саљиу („адвокат“ на напред наведените) – дека констатациите биле „мој личен став“.За да се пролонгира и забошоти ваквиот скандал, директорот на Државниот просветен инспекторат, Томе Спироски, дава задолжение за извршување вонреден инспекциски надзор (на ден 06.06.2019г.) и ги задолжува раководителот на секторот Африм Саљиу и инспекторите Христина Јованоска и Даниела Кироска да извршат инспекциски надзор. Африм Саљиу има конфликт на интереси на Правниот факултет каде што е вработена неговата ќерка како асистент. Од нивниот вонреден инспекциски надзор инспекторите не констатирале незаконитости, сè било согласно закон и мирувањето и нивното унапредување во наставно-научни звања, и интелектуалните услуги земање парични средства и слично. Аирлија!А сето тоа го изјавува (на ТВ АлсатМ) директорот на Државниот просветен инспекторат, Томе Спироски, кој истакнувал: „Просветниот инспекторат не увидел недоследности во образовно-научното унапредување на државните функционери Арбен Адеми и Агим Нухиу“.Вака констатираната состојба на овие инспектори и директорот Томе Спироски е елементарно непознавање на законитоста. Затоа, господа премиери, на ден 27.06.2019 година извршив контролен инспекциски надзор и констатирав дека не се испочитувани моите решенија и го задолжив Универзитетот во Тетово (очекувам господин Али Ахмети, како лидер, да застанете на страната на законитоста) да расправаат органите на Универзитетот и да им се одземат незаконски добиените унапредувања во наставно-научни звања доцент и вонреден професор на овие јавни функционери.Со ова сакам да ве запознаам дека мора да се почитува законот еднакво за сите, без разлика дали се функционери или не.Господа Зоран Заев и Али Ахмети, за моите констатации добивав закани и барања да се сокријат овие скандали, за кои од јавноста (Македонци, Албанци, Турци и други) добивам целосна јавна поддршка. Како држава треба да се заложиме да ни функционираат институциите согласно пропишаните закони и да се има професионален однос кон работата. За жал, после ова не би рекол дека е присутно (кај некои просветни инспектори) во Државниот просветен инспекторат.Затоа премиере Заев и господин Ахмети, треба да има проветрување во Државниот просветен инспекторат, без разлика дали е од македонската позиција или од албанската позиција на власт. Законот треба да важи за сите еднакво и да се почитува. Повторувам, во практика не се применува.За ваквите скандали доставена е целокупна документација (како што наведов) во Државната комисија за корупција, веќе Вие и вашиот кабинет сте запознаени, па очекувам да пресече и „вториот премиер“ Али Ахмети.За овие скандалозни состојби запознаени се и странските институции, а воедно со ова јавно писмо ќе биде запозната и канцеларијата на Европската Унија во Скопје, германската и холандската амбасада, како и други.Ќе завршам, односно ќе го парафразирам францускиот амбасадор во нашава држава, Кристијан Тимоние: Да се посветиме на законитоста и да профункционира правната држава за сите еднакво, да има борба против корупцијата, а со самото тоа ќе дојде и она што е стремеж на вашата држава…Сѐ во интерес на мојата држава што побрзо да се интегрира во европското семејство.Ѓорѓи Илиевски, Виш просветен инспектор

Македонија | пред 6 години

После три мандати Едмонд Темелко ги загуби изборите во Пустец, на негово место Пали Колефски

Во тензична атмосфера, без учество на опозицијата во Албанија се одржаа локалните избори каде дури во половина од вкупно 65 општини имаа по само еден кандидат за градоначалник, и тоа од коалицијата „Алијанса за европска Албанија“ предводена од владејачката Социјалистичка партија. Така и општината „Пустец“, доби градоначалник од Социјалистичката партија. Нов градоначалник на општина Пустец, област Мала Преспа е Пали Андон Колефски од Социјалистичката партија. Тој на вчерашните локални избори освои 1.505 или 66,84 отсто од гласовите додека неговиот против кандидат Едмонд Вангел Темелко, од Македонска алијанса за европска интеграција, 859 гласови или 33,16 отсто.Тресет и девет годишниот Колефски родум е од Пустец а живее во Корча, оженет е и татко на две деца. Тој е дипломиран економист и е вработен во Царинската испостава во Корча.Инаку, Темелко со општина Пустец раководеше три мандати и забележа голем успех, од инфраструктура, водовод борба за еднаквос на Македонците во албанското опшество и многу други работи. 

Свет | пред 6 години

Нема фотографија

19 сообраќајки изминатиот викенд во Скопје

На подрачјето на Град Скопје изминатиот викенд се случиле 19 сообраќајни незгоди од кои во девет има повредени лица, а во 10 е причинета материјална штета. Според билтенот на СВР Скопје, повредени се вкупно 12 лица од кои три потешко и девет полесно.Сообраќајната полиција санкционирала 228 возачи кои возеле со поголема брзина од дозволената и 115 возачи кои биле пијани.Од сообраќај се исклучени и 88 возачи кои возеле пред да се стекнат со правото на управување на моторно возило и 16 возачи почетници. Исклучени од сообраќај се и 57 нерегистрирани возила и едно возило кое било претоварено.Издадени се 142 мандатни казни за непрописно паркирање, а 108 возила кои биле непрописно паркирани се подигнати со специјалното возило „пајак“.На црвено светло поминале девет возачи, а евидентирани се и 16 возачи кои користеле мобилен телефон додека возеле. За некористење заштитен шлем санционирани се 14 возачи на мотор, мопед и мотоцикл.

Скопје | пред 6 години

Парада за традиционалните семејни вредности во Битола

Свештени лица, родители и деца парадираа денеска по Широк сокак во Битола пеејќи молитва, како реакција на Парадата на гордоста што се одржа вчера во Скопје.Битолската контра-парада беше најавена на социјалните мрежи. Учесниците се собраа кај Саат кулата и маршираа до Градскиот парк, пренесува „Тера“.Учесниците рекоа дека ова е парада со која сакаат да ја пратат порака за традиционалните семејните вредности.

Македонија | пред 6 години

Дескоска: Со нетрпение го очекуваме новиот закон за СЈО што го подготвува ВМРО-ДПМНЕ

Опозициска ВМРО-ДПМНЕ ќе предложи нов закон за СЈО. По застојот на преговорите меѓу власта и опозицијата за судбината на СЈО, од ВМРО велат дека формирале тим што „подготвува целосно нов закон според европски стандарди“, пренесува „Алсат М“.Министерката за правда Рената Дескоска, која раководи со работните групи меѓу власта и опозицијата за новиот Закон за СЈО, за Алсат вели дека предлогот на опозицијата ќе се разгледа, но децидна е дека скриена амнестија нема да биде прифатена.„Со нетрпение го очекуваме текстот на ВМРО-ДПМНЕ. Кога ќе го примиме, тогаш ќе се произнесеме. Доколку има исправки во текстот, секако дека ќе бидат прифатени. Доколку има скриена амнестија, нема да се прифати“, изјави Рената Дескоска, министерка за правда.

Македонија | пред 6 години

Граѓаните со оценка 2,4 за јавното здравство

Граѓаните му даваат на јавното здравство оценка 2,4 и сметаат дека неговиот квалитет е на пониско ниво споредено со пред пет години, покажува најновото истражување на јавното мислење за состојбите во здравствениот систем спроведена за емисијата „Детектор“ на телевизија „Сител“.Според министерот за здравство Венко Филипче, има простор за унапредување на квалитетот на здравствените услуги, но има и сегменти што добро функционираат особено мерките имплементирани минатата година.„Ќе продолжиме да инвестираме во здравствениот систем. Сериозна сума на средства досега вложивме во платите, буџетот за ретки болести, дежурствата, младите лекари. Планираме да инвестираме во медицинска опрема во новите болници во Штип, Струмица, Св. Еразмо Охрид, Ургентниот центар во Тетово, со што ќе ја доближиме здравствената услуга многу поблиску до пациентите и тие не ќе мораат да патуваат до најблискиот регионален центар или до Скопје. А воедно инвестицијата во нов клинички центар ќе биде една од најголемите капитални инвестиции воопшто во нашата земја, во вредност од 500 милиони евра. Со овие мерки верувам дека ќе ја смениме сликата за здравствениот систем во земјата и европеизацијата која ја чекаме, може да ја постигнеме со наши национални политики“, истакна Филипче во емисијата „Детектор“.Докторката Лидија Чолакова-Дервишова од Здружението на приватни лекари смета дека недостигаат многу системски решенија, а Весна Алексовска од здружението за ретки болести „Живот со предизвици“ вели дека капацитетот во здравството е намален и оти треба да се едуцираат лекарите, да се зголемат здравствените услуги и да се понудат системски решенија.„Но, треба да се гледа и на кој пациент што му треба, затоа што системските решенија не секогаш ги опфаќаат маргинализираните групи“, вели Алексовска.Резултатите од спроведеното истражување покажуваат дека анкетираните граѓани односно 63,1 процент се задоволни од квалитетот на лековите што се нудат во аптеките, но 47,4 проценти сметаат дека аптеките не се добро снабдени со лекови на рецепт во текот на месецот. Дел од нив, се изјасниле дека лековите се со достапни цени, но само доколку се на рецепт (33,2%), а дел тврдат дека лековите се прескапи (28,6%).Во однос на ова, министерот Филипче посочи дека се воведени три нови лека минатата година и уште два нови лека годинава. За многу кратко време, како што рече, зголемен е и буџетот за ретки болести од 220 на 380 милиони денари.Истражувањето открива дека 65,1 процент од граѓаните не знаат колку одвојуваат од нивните примања за здравствена заштита. Мнозинството граѓани, односно 67,6 проценти одат на лекар во државна здравствена установа, а помал процент во приватните здравствени установи. Повеќето сметаат дека здравственото осигурување треба да биде задолжително како и досега, (49,0%), иако значителен дел од нив сметаат дека треба сами да одлучат дали ќе го плаќаат или не (34,0%).Гостите во емисијата беа на исто мислење дека е потребно реформирање на Фондот за здравствено осигурување. Така, Чолакова – Дервишова смета дека државата е зрела за промена на начинот на плаќање и според неа мора да има повеќе здравствени фондови со кои би имало конкурентност.И министерот Филипче посочи дека се размислува за реформирање на Фондот и на начинот на кој се плаќаат здравствените услуги.„Еден од најголемите проблеми е тоа што примарното здравство се наплаќа по глава на жител, а секундарното и терцијарното здравство се одредуваат историски. Многу тешко на овој начин се контролира префрлувањето на пациентите од примарното во секундарното здравство, а со тоа и трошокот кој тие го прават“, појасни Филипче.Во однос на имунизацијата на населението, висок процент или 73,6 проценти од испитаниците сметаат дека вакцинацијата треба да е задолжителна.Перцепцијата на мнозинството граѓани е дека државата не ги исполнува стандардите и препораките на ЕУ во однос на квалитетот на здравствениот систем, но сметаат дека доколку станеме членка тогаш здравството ќе се подобри.Истражувањето беше спроведено од Институтот за политички истражувања од Скопје (ИПИС) во периодот од 10 до 13 јуни на 1.119 полнолетни испитаници на ниво на целата држава.

Македонија | пред 6 години

Инспекторот Илиевски бара оставки од директорот Спировски и посочените функционери

Тетовскиот универзитет е должен да го почитува дописот од 15 април годинава и да ги поништат одлуките за унапредување во доцент на министерот за образование, Арбр Адеми, заменик министерот за внатрешни работи Агим Нухиу и на директорот за индустриска сопственост, Сафет Емрули. Ова стои во документот што до Ректоратот на Тетовскиот универзитет го доставил инспекторот за високо образование Ѓорѓи Илиевски, пренесе ТВ21.Илиевски тврди дека за создадената ситуација освен посочените функционери, оставка треба да даде и директорот на Државниот просветен инспекторат Томе Спировски. Илиевски вели дека Инспекторатот извршил вонредна контрола неколку дена откако тој го направил истото и вели дека таму се испратени инспектори со конфликт на интереси.Тој вели дека Тетовскиот универзитет има рок од 15 дена да ја испочитува одлуката на првичната инспекција извршена од него и на лицата вклучени во овој случај да им ги повлече докторските титули.

Македонија | пред 6 години

Битолчанец од запалениот автобус кај Дубровник евакуирал 50 патници!

Битолчанецот Вангел Котевски е херој на денот. Од опожарен автобус успеа заедно со уште еден сопатник да ги евакуира околу 50 други патници, македонци, кој патуваа со агенцијата нана тетовскиот превозник „Хафет турс” изутрината околу два часот по полноќ во близина на Дубровник.Благодарение на нивната брза реакција нема никакви повреди кај патниците, ниту пак оштетувања на нивниот багаж.

Македонија | пред 6 години

Триесетина граѓани одбиле да се попишат на пробниот попис

Триесетина граѓани одбиле да се попишат на пробниот попис што беше спроведен од Државниот завод за статистика во тринаесетина општини во државата, а во период од две недели. Од ДЗР велат дека и покрај тоа пробниот попис поминал успешно, пренсува „Канал 5“.Од таму додаваат дека за време на пробната операција имало мали недостатоци, но сметаат дека тоа не би влијаело на процесот.Официјално пописот ќе почне да се спроведува од април следната година, при што ќе мора сите задолжително  да се попишат. Се очекува да чини околу 8,5 милиони евра.

Македонија | пред 6 години

Од утре стартува повратот на ДДВ од 15 отсто

Утре стартува повратот на ДДВ за граѓаните, преку кој четиричлено семејство ќе може да го надополни својот годишен семеен буџет за најмногу 28.800 денари.Граѓаните не треба да ги собираат фискалните сметки, туку секаде каде што пазаруваат да ги земат или да ги побараат ако трговците не им ги дале и со својот паметен мобилен телефон веднаш или најдоцна во рок од 10 дена да ги скенираат бар-кодовите од нив. За да можат да скенираат, претходно треба да ја симнат апликација МојДДВ. Апликацијата ќе биде достапна за симнување на веб страницата на УЈП, а на еден телефон ќе можат да бидат логирани повеќе лица.Повратот ќе важи само за сметки до 30.000 денари, за да се избегнат скапи односно луксузни работи, велат од Владата. Повратот нема да се прави за фактури и сметки со кои граѓаните плаќаат струја, вода и останатите комуналии.Државата ќе враќа 15% од платениот ДДВ. Што значи дека на платена сметка од 1000 денари, граѓаните плаќаат 180 денари ДДВ. Од овие 180 денари државата ќе врати 15% или во овој случај 27 денари.Едно лице месечно може да врати максимум 600 денари за кои треба да потроши над 22 илјади денари.За парите кои ќе се добијат како поврат на ДДВ нема да плаќа персонален данок.

Македонија | пред 6 години

Стевановиќ: Стихијно се стипендираат студенти во странство

Генерално нема ништо лошо во тоа да се стипендираат млади луѓе на престижни универзитети, но овој проект и тогаш, а и сега се спроведува без никаква логика, без никаква дефинирана конкретна потреба, ниту цел, ниту механизми за мерење коишто ги дава, вели професор Маја Стевановиќ од ФДУ во неделното интервју на Радио Слободна Европа.Професорке Стевановиќ, наталожените проблеми во високото образование ги донесоа големите протести на студентите и професорите пред неколку години. Што се смени од тогаш и дали гледате дека оваа влада има заеднички интерес со академската заедница да инвестира во образованието? Во смисла на обезбедување подобри материјални услови на факултетите и нивна финансиска одржливост.Ова што го гледате е Факултетот за драмски уметности. ФДУ годинава слави 50 години и од кои произлегле генерации што ја носат филмската и театарската уметност. Тоалетот е надвор од употреба, реконструкцијата е голема, но не може да се изведе, затоа што треба да се копа целата барака. Ова не е последица на пасивен однос, туку на тоа што МОН не дава средства за реставрација од една страна, а факултетот нема свои средства оти поради природата на работата има мал број студенти и средства од нивната школарина и партиципација. Дури и кога МОН би дало средства, сериозно би се поставило прашањето дали овие стари бараки треба да се реновираат со оглед дека со години се гради нов објект наменет за потребите на драмскиот факултет кој се наоѓа во центар и кој две години е во статус кво- ситуација. Зградата е изградена, училниците постојат, но нема основни елементи да биде ставена во функција сцената, како и филмските и телевизиските студија кои се основа на нашата работа. Веќе година и половина – две Службата задолжена за тој проект вели дека нема да преземе ништо надвор од тендерот. И така зградата стои и прашање е дали е воопшто функционална.Ние сме во овие бараки. Објектот е годината дена затворен, реално ќе почне да пропаѓа, а професорите и студентите на ФДУ се во кавкијанскиот круг од кој не гледаат излез во скоро време што зборува за капаците на оваа влада да ги решава затекнатите проблеми. Ѕидовите со години не се искречени и 100 студенти и 50 професори го поминуваат својот живот на ФДУ.Новиот Закон за високо образование беше донесен пред една година. Се промени ли нешто?Голем дел од академската заедница го изрази своето задоволство особено по однос на одредени решенија кои што овозможуваат демократизација на управувањето и на односите внатре во самиот универзитет. По однос на креирањето на телата коишто требаше да придонесат, како што е Агенцијата за квалитет, националниот совет коишто требаше да придонесат кон зголемување на квалитетот на високото образование, воспоставување критериуми и за реализација и за финансирање на дејноста. Но она што не го очекувавме е дека истата Влада и Министерство што го донесе овој прв закон донесен за време на нивниот мандат дека во фазата на имплементација на самиот закон нема да покаже јасна и недвосмислена волја за имплементација на истиот, односно на имплементација на решенијата од истиот закон. На што мислам?Најголемиот универзитет Св.Кирил и Методиј, како и сите други требаше три месеци од однесувањето на законот, да донесе статут, со којшто ќе го усогласи своето работење со решенијата од новиот закон. Универзитетот Св. Кирил и Методиј донесе статут којшто беше во спротивност или кој што не беше во согласност со голем дел од новите решенија коишто ги поздравивме, а Министерството за образование и наука девет или 10 месеци преговараше со раководството на универзитетот да се направи статут кој ќе биде усогласен со новиот закон. Мене не ми е јасно, како една влада преговара со институциите за тоа дали треба или не треба да се почитуваат одредбите од законите. Ми се чини дека тоа во Македонија се случува и никаде на друго место, па оттаму УКИМ веќе 10 месеци работи брз статут, бидејќи стариот не постои и дури пред две недели беше донесен статут којшто е во согласност со новиот закон.Со години наназад академската заедница се жали дела нема пари за науката. Се уште сме најслаба алка во регионот, со финансирање од 0,2 проценти. Што планирате да преземете како синдикат во оваа насока?Всушност не се ни 0,2. Тоа се средства коишто постојат на хартија и коишто се ставени во некакви си буџетски ставки, а реално Министерството за образование и наука финансира само плати и делумно придонеси за вработените во осум или девет јавни научни установи и дел од комуналните трошоци за функционирање на установите.Години наназад, 10 или веќе 11 години нема распишано конкурс за научно-истражувачки проекти, а дури и вработените по институтите немаат никакви материјални средства за истражувачка работа. Ситуацијата на универзитетите е иста, со тоа што универзитетите со дел од сопствените средства можат да помогнат во научно-истражувачките проекти и реално науката во Македонија се финансира од странски фондации, од европски пари и пред сè од сопствените средства на наставниците, на научниците коишто инвестираат во своите проекти. Каде одат овие други пари што формално стојат во буџетските ставки за наука. Ако убаво го изанализирате буџетот на МОН, којшто е апсолутно нечитлив и не може да се разбере што значат тие бројки таму, ќе дојдете на пример до една сума од милион евра која фигурира во наука, а тоа се парите кои се издвојуваат, барем оваа година, за проектот што го почна минатата влада, а тоа е стипендирање на студенти во странство, на универзитети коишто се меѓу првите 100 на шангајската листа и дополнително на уметнички факултети и академии. Генерално нема ништо лошо во тоа да се стипендираат млади луѓе на престижни универзитети, но овој проект и тогаш, а и сега се спроведува без никаква логика, без никаква дефинирана конкретна потреба, ниту цел, ниту механизми за мерење коишто ги дава. Оние што ги добиваат стипендиите потпишуваат договор дека ќе работат две години во Македонија, а никој претходно не изразил потреба за таков образовен профил, ниту реално има работно место.Ваков еден проект има смисла ако државата ја дефинира својата цел за развој, ако институциите на државата, па макар и приватните фирми покажат интерес за конкретен тип на профил, на струка којшто им е потребен, а не стихијно. Ако е точна информацијата, што јас ја добив пред неколку дена, дека 2,5 милиони евра се потрошени за стипендирање студенти на филмски студии, па моето прашање е зошто? Зошто студентите на ФДУ работат во вакви услови во какви што работат, затоа што тие кадри доаѓаат, бараат да бидат вработени кај нас на места коишто се пополнети. А истовремено никој не го прашал факултетот за какви кадри има потреба. И покрај се МОН пред една недела повторно распишува конкурс за стипендирање студенти на уметнички академии без дефинирана потреба и критериуми и ја користам оваа можност да упатам апел и до МОН и до владата да се преиспита овој проект, којшто е заоставштина од претходната влада и тие средства да се употребат за цел којашто навистина ќе придонесе за заживување и за напредок на науката и на високото образование во МакедонијаЦелото интервју со професор Маја Стевановиќ може да го погледнете тука.

Македонија | пред 6 години

(ФОТО) Волонтери исчистија повеќе 300 тони ѓубре од дива депонија кај Куманово

Над 300 тони смет и шут беше изнесено од дивата депонија на регионалниот пат Куманово-Свети Николе, пред населбата Проевце, во еколошката акција на волонтерите на граѓанската иницијатива „Не биди ѓубре“.Во чистењето се приклучи и механизацијата на ЈП „Чистота и зеленило“ и Општина Куманово, кои со багери подигнаа 24 приколки од камион и 3 тракторски приколки најразличен отпад, кој несовесните граѓани го фрлаат покрај патот.Повеќе: СДК

Македонија | пред 6 години

Енормна загаденост на воздухот во центарот на Скопје и во лето

Викендов кај ректоратот во строгиот центар на Скопје биле измерени рекордни 406 ПМ 10 честички на метар кубен. Ова знчи дека Скопјани дишат загден воздух, не само во зима туку и во лето.Загаденоста на главниот град во овој период на годината го побива тврдењето на надлежните дека загаденоста е поради тоа што голем дел од домаќинствата се греат на дрва.https://www.facebook.com/twibi/posts/10220345695855047

Скопје | пред 6 години

Невладините ги бројат хомосексуалците во земјава, меѓу нив политичари, свештени лица, доктори...

Невладините организации во Македонија почнаа да ги пребројуваат хомосексуалците во земјаава. Според прбичните податоци кои ги добиле ,во Македонија има околу 200.000 хомосексуалци,  или  една десетина од вкупниот број жители во земјава.Повеќе од 100 политичари се хомосексуалци, над 900 лица вработени во МВР и речиси 850 во АРМ, исто така. Меѓу студентите во Македонија дури 5.056 се изјасниле дека се геј, а 514 хомосексуалци има во бизнис-елитата, 494 од докторската фела, 86 новинари и 11 свештеници и оџи.Во истражувањето анкетирани биле 12.000 испитаници . Од нив 9.540 лица истакнале дека тоа го прават по сопствена волја и без никаков финансиски надоместок, додека 2.460 лица наплатувале за своите услуги од 100 до 6.000 денари. Некои од испитаниците биле принудени на ваков начин да заработуваат за егзистенција затоа што државата не се грижи за нив.Извор: Скопје24

Македонија | пред 6 години

Портпаролката на Белата куќа повредена за време на средбата меѓу Трамп и Ким

Портпаролката на Белата куќа, Стефани Гришам, само што ја презеде новата должност, а веќе беше повредена на работа – таа доби модринки откако се најде меѓу обезбедувањето на севернокорејскиот лидер, Ким Џонг-ун и медиумите кои се обидуваа да се приближат до американскиот претседател Доналд Трамп и неговиот домаќин, на историската средба во демилитаризираната зона.Гришам која има 42-години, наводно го туркала обезбедувањето обидувајќи се да им помогне на фотографите од Белата куќа да го снимат моментот на ракување меѓу Трамп и Ким, пишува „Фокс њуз“.Засега не е познато дали Гришам побарала медицинска помош и дали некој друг бил повреден во таа прилика.Гришам до неодамна бепе портпаролка на првата дама на САД, Меланија Трамп, а минатата недела на местото портпарол на Белата куќа ја замени Сара Сeндерс.

Свет | пред 6 години

Мицкоски: Ќе донесеме историски план за економски силен развој на Македонија

Претседателот на ВМРО-ДПМНЕ Христијан Мицкоски со објава на својот фејсбук профил најави носење историски план за економски силен развој, враќање на рамниот данок и поголеми плати и пензии кои би се постигнале преку зголемување на економскиот развој.„На уште една од стотиците лаги на Зоран Заев и пристигна демантот.Дека на лагата и се кратки нозете говорат следниве факти, имено бројот на работници во индустријата во месец Мај 2019 е за 2,5% помал од бројот на работници во индустријата за истиот месец во 2018 година. Истото важи и за бројот на работници во индустријата за периодот од Јануари до Мај 2019 споредено со истиот период во 2018 година, имено во периодот Јануари-Мај 2019 работат во индустријата за 0,6% помалку работници отколку истиот период 2018 година.Вистината е немилосрдна исто какви што се цунами последиците во македонската економија како резултат на политиките на сега веќе двоецот Заев-Анѓушев.Истовремено индустриското производство во номинала пораснало во месец Мај 2019 споредено со Мај 2018 година за катастрофални 1,2% што е помалку од инфлацијата во РМ, што значи дека реалниот раст е негативен.Катастрофата во вториот квартал од 2019 што ја најавивме продолжува со рекордно ниското ниво на реализиција на капиталните инвестиции заклучно со месец Мај 2019 година, 13,74%.Немаат развоен концепт, немаат визија, нема структурни реформи. Планот на двоецот Заев-Анѓушев е во две генерални точки: прво, целосна окупација на министерството за финансии и второ, концепт на зголемување на задолжувањето на државата на рекордно ниво од сегашните 49% од БДП на 60% од БДП (околу 1.500.000.000 $) не за капитални инвестиции и развој, туку за социјални трансфери, плати и пензии, мислејќи дека на тој начин ќе тргуваат со симпатиите на гласачите и ќе ги добијат следните парламентарни избори, истовремено потценувајќи ја колективната меморија на граѓаните за сите недела, лаги, криминал и корупција изминатиов период. Едноставно, криминалниот ум не се менува...Доаѓа крајот на оваа антибизнис и антиреформска влада, доаѓа крајот на криминалот, корупцијата, уцените и притисоците. Новата влада предводена од ВМРО-ДПМНЕ го враќа рамниот данок, поголеми плати и пензии врз основа на зголемена продуктивност и економска активност на компаниите и носи историски план за економски силен развој на Македонија“, напиша Мицкоски на Фејсбук.

Македонија | пред 6 години

Нема фотографија

Од есен се враќаат хартиените билети за едно возење во ЈСП

Во автобусите на ЈСП – Скопје и на приватните превозници од септември повторно ќе може да се купи хартиен билет за едно возење. ЈСП во моментов го реализира тендерот за набавка на 300.000 хартиени електронски билети, кои се адекватни на постојниот систем за плаќање во јавниот превоз, пишува Мета.Оттаму информираат дека е избрана компанијата што доставила најдобра понуда, во овие денови тече периодот на жалби од останатите понудувачи, по што и официјално ќе биде склучен договорот. Советот на град Скопје треба допрва да ја утврди цената на билетот за едно возење, по што претстојната есен хартиениот билет ќе може повторно да се купи во автобусите.

Скопје | пред 6 години

(ВИДЕО) Македонски автобус се запали на пат за Сплит

Автобус на „Хафет турс“ кој се обраќал на релација Скопје – Сплит, утрово во 3 часот се запалил во возење во близина на црногорското летувалиште Петровац. За среќа во инцидентот нема повредени, сите патници за кратко време го напуштиле автобусот, кој е речиси уништен од пожарот, објави „Охридњуз“.На местото на настанот брзо пристигнала локална противпожарна екипа која го изгаснала пожарот.

Македонија | пред 6 години

Детали за нападот врз припадници на ЛГБТИ заедницата: Фалеа секунди да завршиме многу полошо

Шестмина активисти на ЛГБТИ беа вчера вербално нападнати во Сарај по Парадата на гордоста која се одржа во Скопје. Група насилници ги следеле активистите со две возила и неколку пати им го блокирале патот. Третиот пат решиле и физички да се пресметаат со нив, па го нападнале Беким Асани од Тетово, кого го удриле со тупаница.Асани раскажа што се случило. Тој вели дека среќа што во близина на местото на настанот имало полициски службеници кои веднаш интервенирале, со што е избегнат поголем инцидент.„Во група од 15 до 20 души еден рече „дали е тој педерот од Тетово” откако и некои му потврдија почна да ни префрлуваат, при што ние заминавме, но 5 од нив не следеа и ми се нафрлаа мене…едниот ме плукна…цело време викаа ќе те убиеме, мртов си а на другарките им викаа вас ќе ве силуваме…Ова траеше едно 300 метри дур не се качивме во такси, ние со 2 такси, една кола не следеше напред една странично…таа напред 2 пати ни го пресече патот, па таксистот даде гас повеке…но во Сарај имаше гужва…по 3 пат ни го пресекоа патот.Едниот излезе од кола дојде ја отвори врата од таксито и ми ја искина маичката (маичката не беше од скопје прајд)…ми ги искина и двете гумени алки…пак се врати и ми удри бокс…за тоа време други се собираа и ни ја опколија колата викајќи педери мрш од тука, ќе умрете…Имавме многу среќа зш во кафулете од спротивно имало тројца полицајци кои претрча…но и они беа нападнати од тој што ми удри бокс и од неговиот другар…Фалеа секунди да завршиме многу полошоНикој од нас немаше ништо ЛГБТИ никакви обележја…они ме препозна мене…Сите сме шокирани се беше како на филм…ова нема да го заборавиме цел живот“, напиша Асани на својот фејсбук профил.

Македонија | пред 6 години

Мицкоски: Пендаровски ако сака средба со мене, треба да се извини за изјавата дека Гоце бил Бугарин

Лидерот на ВМРО-ДПМНЕ, Христијан Мицковски, вчера воинтервју за Канал5, рече дека тој не видел метла освен што Заев го изметил само предлогот да е министер за финансии и дека тој нема дилеми кој бил Гоце Делчев.- Секогаш кога ќе бидам повикан на лидерска средба каде што ќе се одлучува за иднината на нашата држава, на Република Македонија, ќе присуствувам и ќе додадам вредност. Но, доколку господинот Пендаровски сака да има тет а тет средба со мене тогаш ќе треба да докаже дека е претседател на сите граѓани. И ја користам оваа прилика еве да му упатам еден апел доколку навистина искрено сака средба со лидерот на опозицијата, прво што треба да направи е да им се извини на Македонците во Република Македонија за неговата изјава за Гоце Делчев и истата да ја повлече, па дури потоа може да разговараме за наша заедничка средба, рече Мицкоски.

Македонија | пред 6 години

Нема фотографија

Од утре 90 отсто помали цени на роаминг услугите

Огромен пад на цените на роаминг услугите од утре.Македонците, Албанците, граѓаните на Косово, Србија, Црна Гора и Босна и Херцеговина од понеделник ќе можат да зборуваат со 90 отсто помали цени. Доколку праќате СМС порака на број во некоја од овие земји ќе ве чини само 2,1 денар по порака. А доколку се јавите во некоја од земјите од Западен Балкан минута за појдовен повик ќе ве чини 4,3 денари.Договорот на политичко ниво помеѓу земјите од Западен Балкан беше донесен на почетокот на месец април.Според директорот на АЕК, Сашо Димитровски целта е во јули 2021 година роамингот да биде целосно укинат и да се наплаќа како потрошен домашен сообраќај, како што е во моментов во Европа. Се очекува намалување и на роаминг услугите со нашиот јужен сосед Грција до крајот на годината.

Македонија | пред 6 години

Муареми: Министерство за економија и Царина дале дозволи увоз на тој вид тутун

По заплената на тутунот од забранетата сорта Вирџинија, Управата за финансиска полиција се фокусира на откривање на начинот на кој стоката влегла во земјава. Во интервју за Алсат, директорот Арафат Муареми вели дека следните проверки ќе бидат во Министерството за економија и во Царинската управа.-Целата енергија на финансиската полиција во наредните денови ќе биде насочена во истрагата како успеале тие приватни компании да го увезуваат нелегалниот тутун. Дојдовме до некои информации кои покажуваат дека се вмешани и неколку државни институции кои дале потврди или дозволи за се увезе тој вид на тутун, односно Вирџинија, вели Муареми.На прашањето за кои институции станува збор, директорот Муареми вели:-Според доказите кои успеавме да ги обезбедиме во изминатите денови, станува збор за две институции. Тоа се Министерството за економија и Царинската управа. Според Обвинителството, или обвинителот кој е надлежен и е ангажиран во оваа насока, во оваа истрага, покажува дека потврдите или дозволите кои се дадени за увоз, треба да се анализира дали се во согласност со законот или не. Доколку имаме прекршување на законот или злоупотреба на законот за дозвола за увоз на тутун, од друга страна треба да достават и факти дека увозот на тутунот е во координација и соработка на компаниите кои во Република Северна Македонија го имаат правото на производство на тутунските производи, вели Муареми.

Македонија | пред 6 години

(ВИДЕО) Трамп на средба со севернокорејскиот лидер Ким Џонг-ун

Американскиот претседател, Доналд Трамп, пристигна во демилитаризираната зона (ДМЗ) меѓу двете Кореи, каде што се состана со севернокорејскиот лидер, Ким Џонг-ун. Трамп и Ким се состанаа на линијата на демаркација, а Ким го покани својот гостин заедно да прошетаат по границата и да ја преминат истата. Така, Трамп стана првиот американски претседател кој некогаш зачекорил на тлото на Северна Кореја.Трамп претходно најави дека ќе го повика Ким во Белата куќа, па така и сторил. Си-ен-ен пишува дека Ким уште не одговорил на поканата.„Ова е историски момент“, истакна на средбата севернокорејскиот лидер.„Преминот преку линијата на демаркација претставува голема чест за мене“, рече Трамп, додавајќи дека со Ким ги поврзува големо пријателство.„Се случуваат одлични работи. Се сретнавме и се допаѓаме еден со друг уште од првиот ден“, изјави Трамп за новинарите.Тој, пред состанокот со Ким, со претседателот на Јужна Кореја, Мун Џае-ин, го посети стражарското место на најсеверниот дел од јужнокорејската страна на ДМЗ, кое гледа кон Северна Кореја, каде што разговараше со американски и јужнокорејски војници.Ова е прва посета на Трамп на ДМЗ, а на вчерашната средба со претседателот на Јужна Кореја, рече дека со Ким ќе се ракува и ќе го поздрави. 

Свет | пред 6 години