ГЛАВНИ-ВЕСТИ

(ВИДЕО) Мицкоски: Заев вети дека ќе се рестартира, но Охис тапка во место

Работниците на Охис се без работа и покрај ветувањата на Заев за рестартирање на фабриката. Поминаа 3 години, вели лидерот на ВМРО-ДПМНЕ, Христијан Мицкоски.„Во 2017-та лично премиерот Заев вети дека ќе се рестартира. Истото ветување го даде и следната 2018-та година, но залудно, бидејќи Охис тапка во место. Оваа година Вицепремиерот Анѓушев, неподносливо арогантно и по принципот “сит на гладен не верува” им порача на работниците дека не бил султан за да дели пари, додека работниците на Охис си го бараа ветеното. Погледнете го ова видео, кое е надвор од провладината магла за убав живот, кој во реалноста е пекол и уништување.  Додека Владата сее магла за успеси во економијата, народот живее во сиромаштија. Работниците од компаниите загубари се чуствуваат измамени од премиерот Заев и Владата“, напиша Мицкоскиhttps://www.facebook.com/MickoskiHristijan/videos/1102158976651488/

Македонија | пред 6 години

Годинава започнуваат преговорите со ЕУ, вели Османи

Вицепремиерот за евроинтеграции Бујар Османи, во „360 Степени“ образложи дека пораките што ги добиваат од европските престолнини се дека датумот е извесен во октомври и дека тоа би значело дека до крајот на оваа година може се очекува стартот на преговори за членство во ЕУ.„Има некои земји членки кои не ја сфаќаат сензитивноста на тие месеци. Ние, имајќи лошо искуство од минатото каде тука на Балканот еден ден повеќе може да ја комплицира ситуацијата, а да не зборуваме една година или еден месец, особено овие три месеци до октомври, имајќи ги во предвид регионалните спорови – тоа што се случува во Грција со изборите, Брегзит е одреден токму во октомври, следната Комисија со работа стартува на први ноември, значи кога во октомври ќе се усвои одлуката тоа ќе биде последната седница на комесарите, последните денови на актуелните еврокомесари“, изјави Бујар Османи – вицепремиер за евроинтеграции.

Македонија | пред 6 години

Според Илиевски, инспекторот што ќе врши вонреден надзор на ДУТ има конфликт на интереси

На Правниот факултет, при Државниот универзитет во Тетово, ќе биде извршен вонреден инспекциски надзор за да се утврдат наводите на просветниот инспектор, Ѓорѓи Илиевски, кој утврди дека тројца актуелни функционери незаконски напредувале во научните звања. Вонредниот надзор ќе го врши раководителот на секторот за иснпекцитеки надзор, Афри Саљију, кој, според Илиевски, има конфликт на интереси.Како што вели Илиевски, Саљији не смее ни да влезе во овој факултет бидејќи неговата ќерка работи таму.-Самото негово одење таму има судир на интереси бидејќи на тој Правен факултет каде што извршивме инспекциски надзор е вработена неговата ќерка. Тоа е судир на интереси тој да истражува. Ќе биде интересно да се види што ново ќе откријат по нашите документи – изјави Илиевски за ТВ 24.Тој додава дека со вонредниот надзор ќе се настојува да се промени неговото решение, со цел, како што вели, Инспекторатот да го заташка случајот.Илиевски откри дека министерот за образование, Арбр Адеми, и заменик министерот за внатрешни работи, Агим Нухиу, незаконски напредувале во научните звања, иако требало нивната професорска позиција да биде во мирување бидејќи во исто време извршувале функција во Владата.

Македонија | пред 6 години

Љубен Пауновски го доби случајот против Македонија

Европскиот суд за човекови права пресуди дека на поранешниот министер за одбрана Љубен Пауновски му било нарушено правото на судење во разумен рок, но ги одби жалбите за повреда на други права од конвенцијата, пренесе „Телма“.Судот по основ на констатираната повреда му досуди надомест на штета во износ од 900 евра, и уште 800 евра за покривање на трошоците.Деновиве судот во Стразбур утврди повреди и за лустрираниот кичевски судија Драги Билевски чиј начин на лустрација стана дел и од истрагата на СЈО за случајот „Моќник“ против пратеникот Антонио Милошоски.Во април 2007 Пауновски беше осуден на три и пол години затвор. Обвинението го товареше за проневерени на над милион и пол евра во 2001 година. Беше осуден поради злоупотреба на службената положба и овластувања во време на конфликтот 2001, наводно преку два договора направени со фирма на негови роднини, а со кои државата Македонија била оштетена за три милиони тогашни германски марки.Во Стразбур оцениле дека во неговиот случај има повреда на правото на правично судење во разумен рок. Пропусти имало во презумпција на невиност, немање време за делување на одбрана и недопуштеност во сведочење

Македонија | пред 6 години

Два земјотреси во Охрид, епицентарот во Охридското Езеро

Утрово регистрирани два земјотреси во Охридско струшкиот регион со. Епицентарот на двата земјотреси е во Охридското Езеро.  Првиот во 2часот и 10 минути на 4 километри од Охрид, а на 9 километри од с. Мислешево - Струшко. Земјотресот беше со магнитуда од 2,5 степени.Вториот земјотрес беше со јачина од 2 степени јужно од Струга, исто така со епицентар епицентар во Охридското Езеро. 

Македонија | пред 6 години

Приведените полски навивачи објавија фото од притвор

Последните два дена, во пресрет на натпреварот од квалификациите за Европското првенство, Македонија ја пречека Полска.Навивачите на Полска уште еднаш докажаа зошто со озлогласени во низа инциденти, што со полицијата, што помеѓу себе.Дури 223 навивачи беа уапсени, а сега објавија слика како си поминаа во притворот.извор: Sport1.mk

Скопје | пред 6 години

Владо Јовановски: Од затвор се излегува, од ментален затвор ТЕШКО

Актерот Владо Јовановски со емотивен статус на социјалната мрежа фејсбук. Тој напиша:Јас веќе ја зедов "оштетата", од "државата"Република Северна Македонија...За премрежијата ...За мене, за моето семејство, за моите блиски и најблиски роднини, пријатели и непријатели...Премрежија, кои не ги посакувам никому!Ниту, на најголемиот душман, (в'рл дупшман)!Последните пари, ги дадов вчера, за казна од ЕВН, за исклучена струја и повторно приклучување, Од 1742.оо. денари. + (плус)...Трет пат ми е зимава...!Но...Не се жалам...!Има луѓе кои немаат ниту за струја, а имаат и уште потешки случаи...Здравствени, лични, семејни...Најстрашно е што невини луѓе гнијат по затворите...(ЗА СЛОБОДАТА СТАНУВА ЗБОР)!Во однос, на пишувањето на некои медиуми и поединци, дека сум побарал пари од "државата", како надомест...Ќе кажам...Сите пари на светов да ми ги дадетe...НАВРЕДЛИВО ЗА МЕНЕ Е!За лични работи, не сакам да зборувам...Жал ми е за сите луѓе, со празни души, кои својата празнотија, мислат дека можат да ја надополнат, со занимавање или опсесија со туѓи животи!ПРАЗНО И ТАЖНО.НО, ТОА Е!ОД ЗАТВОР; СЕ ИЗЛЕГУВА!ОД МЕНТАЛЕН ЗАТВОР - ТЕШКО.НЕКА КАЖЕ СУДОТ, КОЈ ПОБАРАЛ ОШТЕТА ОД ОБВИНЕТИТЕ, А АМНЕСТИРАНИ...НЕКА КАЖЕ...(КОЈ ОД АДВОКАТИТЕ БАРА ПАРИ...https://www.facebook.com/vlado.jovanovski.12/posts/2395612287157898

Македонија | пред 6 години

Ќе продолжам да сонувам, Кога ќе бидам спремен сонот да го направам јаве ќе се вратам, а до тогаш - Збогум Македонијо!

Фејсбук статус на Симон Андов:Од 2010 година почнав да сонувам. Сонував насекаде, од Македонија, па во Франција, Хрватска се до Италија. Во 2018 год. се вратив за тоа што бев спремен сонот да стане јаве. Го чекав конкурсот за Дипломати на Македонија. Го чекав со месеци. Всушност, не чекав туку работев и придонесував на секој начин на кој умеев. Во меѓу време, конкурирав во меѓувладина организација во Италија. Ме примија. Солидна позиција, коректна плата, совршена држава. Заминав. На крај од 2018, конечно го објавија конкурсот за Дипломати. Додека го читав огласот сменив температура на три годишни времиња, од топол бран до есенски ветер и на крај замрзнав кога видов - плата од 16 699 денари. Си реков од живеење пак да се вратам на преживување? Да, но сега е моментот! Не сакам да лажам, имаше многу денови кога ме враќаше помислата, се убедував и разубедував самиот. Но на крај на денот секогаш заспивав со мислата дека сепак треба да се вратам за да пробам! За мене, за фамилијата и за мојот народ!Почнав да припремам документи - нострификација (6 000 ден), сертификат англиски (3 000ден), да бидам поконкурентен извадов и сертификат по француски (4 000ден), потврда за неосудуваност (600 ден), трошоци за заверка кај нотар (1 000 ден), сертификат за познавање компјутерски програми (3 000ден). Си помислив, скокнал стандардот и за аплицирање, како ли му е на оние кои се невработени и аплицираат за работа (Па никаде во Европа го нема ова. Ама ајде да не се правам многу паметен). На рачунот треба да се додадт и уште околу 25 000 евра за студиите. Ма добро – за каузата вреди да се живее - За мене, за фамилијата и за мојот народ!Еден од документите беше ДОКАЗ за општа здраствена состојба. Пратив маил до Агенција за Администрација со молба за одговор ‘’Кој докумнет е потребен и рокот за негова важност.’’ До денес не добив одговор. Во меѓувреме, татко ми се конслутира со Матичен лекар, кој предложува лекарско уверение (1500) или потврда од лекар. Си реков лекарско имам од пред две години, анексиран со потврдата веројатно ќе се прифати. Или во најмала рака ќе се побара дополнителен документ во наредната фаза. Чунки кандидат за ЕУ, Европа, вредности! Чунки градиме нова дипломатска фела на државата!Постапката за селекција траеше цели пет месеци. Замрзнување па одмрзнување на процесот го направија немо, без никакво соопштение. И вчера, сосем случајно отварам профилот па читам – “Твојата апликација е означена за неуредна. Причина: застарено лекарско уверение.“ Аха. Епа добро. Извинете што сум неуреден и за времето што ви го одземав и фала многу!!!Си ја наведнав главата и се прашав: Зарем дипломиран правник (со просек 9.20), Специјалист и Магистер по европско право на ЦЕИ во Нанси, Франција, Магистер по европска интеграција на Универзитетот во Ремс, Франција, човек кој бил дел од Извршниот совет на УНЕСКО во Париз (2015), Постојаната Мисија на Македонија во ЕУ во Брисел (2015), Министерството за Надворешни Работи на Македонија (2016), Централно Европска Иницијатива, Италија (од 2018 до денес) – ЗАСЛУЖИЛ ДА БИДЕ ОТФРЛЕН КАКО НЕУРЕДЕН КАНДИДАТ? Зарем неуреден човек, би успеал да го постигне ова до 27 години и уште да ја одржи силната желбата за да се врати за свесно и совесно да се вложи во државата? Да се разбереме, не очекував црвен тепих и државни почести ниту загарантирано работно место- единствено сакав да го поминам целиот проес на конкурсот како што тоа го прават моите колеги во нивните држави.Ех мои луѓе! Ми горче во душата! Ме печат очите а душата сака да викне! Не само за мене. За сите оние кои заспиваат со желба еден ден да жнеат на својата плантажа. Кривци еден куп. Кој во државата кој веќе пребегани. Немам за цел да ги посочам со прст. Проблемот и не е нов. Не е ни единствен. Потребни се иницијативи и решенија за сите идни случаи, за да не биде касно. Во наредниот период, писмо ќе испратам до Претседателот на државата, Премиерот и Министерот за надворшени работи, ќе алармирам и ќе зборувам гласно. За мене, за мојата фамилија и за мојот народ!Ќе продолжам да сонувам. Кога ќе бидам спремен сонот да го направам јаве ќе се вратам. Не знам кога. А до тогаш - Збогум Македонијо!THE END <3https://www.facebook.com/simon.andov/posts/431274397724841  

Македонија | пред 6 години

Кривична пријава за “бесправно градење“ во Стар Дојран, изградил камено – бетонски ѕид во езеро

ПС Гевгелија поднесе кривична пријава против Т.П.(59) од Стар Дојран, поради постоење основи на сомнение за сторено кривично дело “бесправно градење“. Во текот на 2018 година, пријавениот без правен основ започнал со изградба во водите на Дојранско езеро, односно истиот изградил насип со камено – бетонски ѕид со намера да добие дополнителен простор во неговата парцела.

Македонија | пред 6 години

Филипче: За две години воведовме пет нови лека, за годинава обезбедени се вкупно 380 милиони денари

Министерот за здравство Венко Филипче денеска се обрати на Регионалната конференција за ретките болести, која се одржува во Струга, во организација на Здружението на граѓани за ретки болести „Живот со предизвици“.„Министерството за здравство особено е посветено на грижата за лицата со ретки болести. Во постојана комуникација и координација сме со здруженијата кои се вложуваат во оваа област и заеднички работиме за поквалитетен третман на ретките болести. Со Програмата за ретки болести овозможуваме континуитет на активностите кои државата ги презема за набавка на медицинска терапија за лекување и третман за пациентите со ретки болести. За оваа година, обезбедени се вкупно 380 милиони денари, а само за споредба во 2017 година оваа Програма изнесуваше 214 милиони денари“, истакна министерот Филипче.Министерот додаде дека минатата година се воведени 3 нови лека за ретки болести, од кои еден за болеста фамилијарна амилоидна полиневропатија, апластична анемија и нов лек за болеста Гоше, а годинава се воведуваат уште два нови лека. 

Македонија | пред 6 години

Нема фотографија

Возачот на мопедот почина во сообраќајна несреќа

На 07.06.2019 во 23,35 часот било пријавено дека на автопатот Свети Николе -Штип кај с.Криви Дол се случила сообраќајна незгода меѓу патничко моторно возило „Мерцедес E-320“ со скопски регистарски ознаки, управувано од Б.Ј.(47) од Штип, мопед скутер “Хамаши-50“ без регистарски ознаки, управуван од К.К.(31) од Велес, патничко моторно возило „Ауди A-4“ со штипски регистарски ознаки, управувано од З.К.(51) од Штип, и патничко моторно возило “Опел астра“ со штипски регистарски ознаки, управувано од А.Т.(28) од с.Соколарци о.Чешиново-Облешево. Возачот на мопедот починал на местото на настанот.Возачот и сопатниците од возилото „Мерцедес“, М.Ј.(45) и две лица на возраст 15 и 13 години се здобиле со телесни повреди и биле пренесени во Клиничката болница-Штип за укажување на лекарска помош. Извршен бил увид од Јавен обвинител и увидна екипа од СВР-Штип.

Македонија | пред 6 години

Претседателот Пендаровски со поддршка на иницијативата за реформа на изборниот модел

Претседателот на Република Северна Македонија, Стево Пендаровски, дава поддршка на иницијативaтa на неколку политички партии, доставени во изминатиот период до Кабинетот на Претседателот, за реформа на изборниот модел преку измена на Изборниот законик, а во насока на создавање на пропорционален изборен модел со отворени листи и намалување на бројот на изборни единици на територијата на Република Северна Македонија.Претседателот Пендаровски ги повикува политичките партии, и од власта и од опозицијата, да ја разгледаат можноста за реформа на изборниот модел преку измена на Изборниот законик и со политички консензус да се постигне договор за пропорционален изборен модел со отворени листи, каде граѓаните ќе имаат можност да избираат не само политички партии, туку и поединечни кандидати.Поаѓајќи од неговите заложби во изборната програма, претседателот Пендаровски смета дека во Република Северна Македонија треба да има помал број на изборни единици, без праг или со минимален праг на потребни гласови, а во функција на проширување на политичкото претставување во Собранието на Република Северна Македонија.Претседателот Пендаровски смета дека демократскиот развој, еднаквоста, владеењето на правото и правото на фер и слободни избори се важен фактор за просперитетот на Република Северна Македонија.  

Македонија | пред 6 години

Регионална конференција за ретки болести во Струга

Здружението на пациенти за ретки болести „Живот со предизвици“ по повод десетгодишнината од постоењето, од денеска до девети јуни организира три конференции во Струга.Конференциите ќе се одржат во соработка со Одделот за генетско инженерство при МАНУ и здруженијата на пациенти од регионот.Свое обраќање пред присутните имаа Елизабета Ѓоргиевска, Прва Дама на Република Северна Македонија,  Венко Филипче, Министер за Здравство на Република Северна Македонија,  Јагода Шахпаска, Заменик претседател на Комисија за здравство при Собрание на Република Северна Македонија,  Александар Димовски, Истражувачки центар за генетски инжинеринг и биотехнологија „Ѓорѓи Ефремов“, при Македонска Академија за Науки и Уметности,  Зоран Гучев, Македонска асоцијација за ретки болести,  Весна Алексовска, Претседател на ЖИВОТ СО ПРЕДИЗВИЦИ.– Учесници на овие конференции се пациенти, лекари, истражувачи, застапници на пациенти од Албанија, Србија, Хрватска, Северна Македонија, Грција, Бугарија, Босна и Херцеговина, Косово, Чешка, Германија, Велика Британија, Словенија Црна Гора.., информираат организаторите.Планирано е одржување и симпозиум за физиотерапевти, како паралелен настан, со гостинот предавач проф. д-р Марион Мејн од Германија, експерт за физиотерапија кај пациенти со мускулна дистрофија и спинална мускулна атрофија.

Македонија | пред 6 години

Заев и Филипче: Клинички ќе почне да се гради на есен

Во дискусијата за промените кои водат до поквалитетни здравствени услуги, во емисијата „Две години Влада – одговорно пред граѓаните“ на НРТВ, претседателот на Владата на Република Северна Македонија Зоран Заев информираше дека проектот со сите детали за новиот Клинички центар е завршен, и дека изградбата ќе започне на есен во општина Ѓорче Петров каде овие денови започнаа катастарските работи за уредување на локацијата.„На есен ќе започне уредувањето на теренот, а потоа и првата фаза од изградбата, опремувањето и обуката на вработените за да бидат подготвени да работат со најсовремената опрема која таму ќе биде вградена во последната фаза“, рече премиерот Заев.Новиот клинички ќе биде ултрамодерен, како оние во големите европски центри, а тоа го гарантира и поволната оценка на физибилити студијата што ја изработи австриското министерство за технологија.„Наскоро ќе бидеме подготвени да настапиме пред потенцијалните странски финансиери за изведба на овој мега проект. Тоа ќе биде установа за комплексни здравствени услуги“, рече министерот за здравство Филипче, и додаде дека во меѓувреме се прави сеопфатна оценка на здравствениот систем за да се изведе зајакнување на регионалните центри и за да запре неоснованото упатување на огромен број случаи кон универзитетските клиники.„За таа цел ќе посветиме уште поголемо внимание на можностите за јавно приватно партнерство за искористување на дополнителни ресурси, финансиски или стручни. Тоа се модели од напредни земји. На пример, нема потреба да се задолжуваме за скапа опрема кога таа опрема ја има во некоја приватна институција, а да платиме само за услугата, која и така веќе ја плаќаме. Тоа не е на трошок на пациентите. Тоа е истиот трошок кој и сега се плаќа за извршената здравствена услуга. Ние ја плаќаме референтната цена, за многу поквалитетна услуга за здравствените потреби на нашите граѓани“, дополни Филипче.

Македонија | пред 6 години

(ВИДЕО) Кејот на Вардар претворен во пасиште

Кејот на Скопје, денеска беше претворен во пасиште. На социјалните мрежи се шири видео на кое се гледа како на кејот на реката Вардар каде пасеа.https://www.facebook.com/bojkotiram/videos/2195322360523481/

Скопје | пред 6 години

(ВИДЕО) Груевски: Ти прашувај, но јас нема да одговарам

Екс-премиерот, Никола Груевски денеска беше начекан од унгарски новинари за во Будимпешта. Тој за Телевизијата 444, рече:-Извинете, но денеска нема да давам никаква изјава.Грувески одбегна да каже и кога последно се видел и разговарал со Виктор Орбан, како заработува за живот и што прави во Унгарија..Во продолжение видео од обидот на унгарскиот новинар да извлече одговори од Груевски.

Македонија | пред 6 години

(ВИДЕО) Камион удри во деца екскурзијанти - загинаа две деца, а две девојчиња тешко повредени

Голема трагедија во Хрватска. Камион удри во група туристи кои одморале крај автопатот на стојалиште на потегот од Новска до Окучани.  Две деца загинаа на местото на несреќата , а две девојчиња се тешко повредени, потврди за хрватските медиуми хрватската полиција.Неофицијално, возачот на камионот со приколка, изјавил за полицијата дека му откажале сопирачките.Двете загинати девојчиња се од седмо и осмо одделение од хрватското место Даљ, кои заедно со своите наставници и 40 ученици оделе на школска екскурзија.https://www.facebook.com/jutarnji.list/videos/400394123898789/фото:jutarnji.hr

Свет | пред 6 години

Оставката на Груевски пристигнала на унгарски јазик, за неа најверојатно ќе се расправа на седницата во вторник

Најавената Оставка од пратеничката функција што ја најави поранешниот премиер Никола Груевски била доставена во парламентот пред два дена. Претседателот на собранието  Талат  Џафери, велид ека дека истата веќе е дадена на превод бидејќи била напишана на унгарски јазик.Оставката пред неколку денови беше најавена на фејсбук профилот на Груевски, по што владејачкото мнозинство реагираше дека тој треба тоа да го стори лично.Неофицијално  за оставката на Груевски  пратениците ќе дискутираат на следната собраниска седница што ќе се одржи во вторник. 

Македонија | пред 6 години

Просветниот инспектор Илиевски отворено за јавноста: Ми се заканија, за министерот и заменик министерот добив молби да го прикријам случајот

 Ѓорѓи Илиевски, виш просветен инспектор и раководител во одделението за инспекциски надзор во високото образование, проговори во јавноста за скандалот кој го  обелодени, а се однесува на незаконитости на Тетовскиот универзитет. Илиевски во отвореното писмо до јавноста вели дека директорот на ДПИ му вршел притисок да ги повлече записниците, а дека добивал и молби да ги сокрие случаите за министерот и заменик министерот.Неговото писмо го објавуваме во целост.„Не сум изненаден од директорот на Државниот просветен инспекторат, Томе Спироски, и раководителот на Секторот за инспекциски надзор, Африм Саљиу, со ваквото соопштение бидејќи тие ми вршеа притисок со закани да се повлечат записниците и да не се праќаат решенија оти ќе трпам последици ако не ги повлечам записниците и не смеам да пуштам решенија. Таквите закани беа на одржаниот состанок на 10.05.2019 година во канцеларијата на директорот, каде што беа присутни колегите Предраг, Зоран, Весна, Христина, Даниела, Снежана. На таквите закани им беше одговорено од моја страна дека јас сум самостоен инспектор и на сето што сум констатирал се потпишувам и стојам зад тие констатирани незаконитости. Им одговорив дека сакам професионално и законито да си ја завршам мојата работна кариера. А за ваквите закани ќе бидат информирани сите домашни институции, странски амбасади, средствата за јавно информирање, како и Државната комисија за корупција. Тоа и го направив, запознати се сите. Тоа стои и во Претставката бр.12-2682/1 од 13.05.1019 година, како и во дополнителна претставка доставена до Државната комисија за спречување корупција за напред наведеното.Само да ги потсетам претпоставените. Дали треба да се почитува и применува Законот за инспекциски надзор – Основните начела на инспекцискиот надзор, ќе го истакнам само член 8 кој го обврзува секој инспектор, цитирам: „Инспекторот е самостоен при вршењето на инспекцискиот надзор и одлучувањето за дејствијата кои треба да се преземаат при вршењето на надзорот, како и за мерките што ќе бидат изречени по извршениот надзор“.Оттука произлегува и член 31 став 2 од Законот за просветна инспекција, цитирам: „Доколку просветниот инспектор утврди дека не се применуваат законите, прописите и другите акти, донесува решение со кое се наредува извршување на определени мерки во определен рок кој ги определува инспекторот, а тој рок не може да биде подолг од осум дена од денот на донесување на решението“.Од извршениот редовен инспекциски надзор, извршен на Државниот универзитетот во Тетово на 01. и 12.04.2019 година, на Правниот факултет од страна на моите колеги кои бевме на надзор 5 (пет) проверивме 33 досиеја во делот на наставно-научни звања на доценти, вонредни и редовни професори од страна на инспекторите беа констатирани законски пропусти, како и незаконско унапредување на јавните функционери во наставно-научни звања согласно Законот за високо образование и Законот за работни односи. Притоа се прибраа и целокупни документации кои ги поседувам и се предадени до Државната комисија за спречување на корупција на РСМ, како и доставена документација до кабинетот на премиерот Зоран Заев.Воедно, лично е запознат и министерот за образование и наука за неговата незаконитост која е констатирана за унапредување во наставно-научно звање доцент, како и за неговите интелектуални ангажирања кои добивале парични средства од универзитетот што е спротивно на Законот за високо образование, истото важи и за другите јавни функционери. Бев замолен да го прикријам целиот случај. Исто така, на неколку наврати ми се обрати и заменик-министерот за внатрешни работи, за кој исто така бев замолен да се сокрие овој случај.Наместо да добијам поддршка од страна на директорот за таму каде што треба да се почитува законитоста. Тој подлегнува на некои според мене игри недостојни-непримерни кои најмалку ни се потребни сега кога тежнееме да се приклучиме до европските трендови и законитости.“Ѓорѓи Илиевски, виш просветен инспектор и раководител во одделението за инспекциски надзор во високото образование.

Македонија | пред 6 години

Меркел категорична, датумот за преговори на Северна Македонија „најрано во октомври“

На седница на Комисијата за европска политика на Бундестагот, германската канцеларка Ангела Меркел ставила јасно до знаење дека одлука за датумот за преговори на Северна Македонија за приклучување во Европската унија е можно да се донесе „најрано во октомври“,објави германскиот весник „Зиддојче цајтунг“, а пренесува Дојче Веле.„Со тоа, канцеларката застана јасно наспроти својот коалициски партнер – СПД, која се залага за гласање во Европскиот совет веќе на 18 јуни. Државниот министер Михаел Рот од СПД во Комисијата за европска политика во вторникот категорично се залагал за почеток на преговори за приклучување, но не наишол на ,,отворни уши’“ кај ЦДУ и ЦСУ, објави „Зиддојче цајтунг“.

Македонија | пред 6 години

Милчин: Скандалозно е тоа што Мукоски беше кај папата во Рим

Режисерот Владимир Милчин истакна дека е „скандалозно“ тоа што Мукоски бил во посета на папата во Рим.– Скандалозно е тоа што во македонската делегација за чествувањето на Свети Кирил во Рим кај папата беше и пратеник кој ја отвори вратата во Собранието за време на настаните на 27 април, наместо таму да оди претседателката на собраниската Комисија за култура, изјави – режисерот Владимир Милчин во  емисијата „Само вистина“ на Канал 5.Државната делегација во која беше и пратеникот Мукоски присуствуваше на аудиенција кај поглаварот на Римокатоличката црква во Ватикан, а тоа Милчин го оцени како голем скандал.– Видливо е дека Собранието се уште го нема преземено својот авторитет, брзајќи во целите процеси не се помисли на прашањето колкава цена ќе се плати за Преспанскиот договор и кој се ќе биде инволвиран за да се направи таа жртва – смета Милчин.

Македонија | пред 6 години

Николоски: Османи и Бушати имаат договор Македонија да забави со реформите

Александар Николоски, потпретседателот на ВМРО-ДПМНЕ, во синоќешното гостување на ТВ21 наведе дека предупредил дека има таен договор меѓу Бујар Османи, вицепремиерот зз евроинтеграции на Македонија, и Дитмир Бушати, министерот за надворешни работи на Албанија.Целта на таквата спогодба е Македонија да забави со реформите, за да не се забележи толку многу големото нереализирање на реформите во Албанија, и двете држави да продолжат во ист пакет да го чекаат датумот за преговори од Европската унија.„Заев и другите владини претставници мислеа дека ако го сменат името ќе им биде дозволено се од надвор, но казнети се. Не можат да мислат така. За Македонија не е добро да има пракса на криминал. И меѓународните претставници се незадоволни од ситуацијата во земјава“ рече Николоски.Николоски оцени дека на дебатата во Бундестагот дента се зборувало дека во Македонија има голема корупција, нема владеење на право и слично.

Македонија | пред 6 години

Кавга во Бундестагот за пристапувањето на Македонија во ЕУ , приврзаниците на Меркел сметаат дека ова прашање треба да оди во пакет со Албанија

Дебатата за членството во НАТО во германскиот Бундестаг, се претвори во жестока кавга меѓу власта и опозицијата околу датумот за членство на Македонија во Европската Унија.Германски пратеник од партијата на Зелените упати директни критики до канцеларката Ангела Меркел, обвинувајќи ја дека таа е главен кочничар за перспективата на Македонија во ЕУ.-Желбата на граѓаните на Северна Македонија не беше само да се биде дел од НАТО, туку и дел од обединета Европа. Мојот сомнеж е дека Канцеларката Меркел и ЦДУ сакаат да ја одложуваат дебатата на оваа тема сѐ додека Нова Демократија не дојде на власт во Грција за да ја блокира Северна Македонија во ЕУ. Зошто Владата досега не се стави ова прашање пред Бундестагот? Досега ќе расправавме и ќе имавме согласност пред Европскиот совет, изјави Јирген Тритин, пратеник на ЗеленитеКристијан Шмит, пак пратеник од партијата на Меркел ЦДУ вели дека земјите од Западен балкан се  стратешки интерес на Германија и наскоро ќе разговараат за почетокот на преговорите.-Северна Македонија е упориште на мирот на Балканот. Земјите од Западен балкан се  стратешки интерес на Германија и наскоро ќе разговараме за почетокот на преговорите.   Сметам дека Северна Македонија и Албанија треба во пакет да ги започнат преговорите, иако Албанија во моментов се соочува со „одредени проблеми“-рекол тој. 

Македонија | пред 6 години

Мајката на Пино се закани: Имате уште два дена

Мајката на свирепо убиениот Пино се огласи повторно на Фејсбук и упати порака до родителите на осомничените.„2 дена ви давам. Сакам да ве видам кај мене во двор на коленици и да барате да ви простам. Родители на Ангела Горгиевска и родители на Али Фуркан ако не се појавите, два дена ви давам време, после ќе биде око за око. заб за заб, крв за крв. Знам дека ме читате и пратите“, стои во објавата на Фејсбук.Маја Трпковска даде исказ заввчера во Обвинителството, па изјави дека според неа, да убиеш човек, па да си шеташ и спиеш е монструозно и додаде дека најверојатно мотив е љубомора.Маја долго водеше битка со институциите, организираше и протест, а сега рече дека правдата ќе ја бара до крај. 

Македонија | пред 6 години

(ВИДЕО) ТВ 21: Ел Чека и Еролд Муслиу се комшии во Туин

Телевизијата 21 во репоража снимена во кичевско Туин, родното место на Ел Чека, бомбашот од Чикаго кој неколку недели објавува бомби за Али Ахмети и високи членови на ДУИ тврди дека тој бил соселанец со новиот директор на Агенцијата за разузнавање Еролд Муслиу.Предходно, како што се споменуваше неофицијално беше објавен и фактот дека Ел Чека се појавил со бомбите откако ДУИ реагираше на назначуваето на Муслиу за директор на Агенцијата за разузнавање од страна на новиот претседател Стево Пендаровски.

Македонија | пред 6 години