ГЛАВНИ-ВЕСТИ

МВР: Граничниот премин Ново Село-Златарево затворен поради пожар на бугарска страна

Министерството за внатрешни работи ја информира јавноста дека поради пожар што избувнал на бугарска страна, на самиот граничен премин, околу 16 часот (денеска 6.6.2019), затворен за сообраќај е граничниот премин Ново Село-Златарево. Граѓаните кои сакаат да патуваат во Република Бугарија да ги користат останатите гранични премини до добивање на известување од бугарска страна дека истиот ќе може да се користи повторно.

Македонија | пред 6 години

Ако летово не добиеме датум за преговори, Заев вели нема реконструкција на Владата, и можни се нови избори

Ако до летово не добиеме датум за почеток на преговори со ЕУ, премиерот Заев ќе го врати мандатот. Ако нема позитивна одлука нема да има ниту реконструкција на Владата , ќе се распишат превремени парламентарни избори , а ќе се бара и одговорност за недобивањето датум.Заев очекува идната недела во Берлин да се сретне со германската канцеларка Ангела Меркел  каде ќе лобира за добивање датум.

Македонија | пред 6 години

Скандалот добива поголеми димензии – уште двајца функционери незаконски станале вондредни професори во Тетово?

Покрај министерот за образование и наука Арбер Адеми, и двајца сегашни функциoнери во Владата незаконски се стекнале со наставно-научни звања на Правниот факултет при Државниот универзитет во Тетово – заменик-министерот за внатрешни работи Агим Нухиу и директорот на Државниот завод за индустриска сопственост, Сафет Емрули, тврди просветниот инспектор Ѓорѓи Илиевски, објави Факултети.мк.И Нухиу и Емрули се унапредени во вонредни професори, додека нивниот работен однос бил во мирување.Текстот во целост на : fakulteti.mk. 

Македонија | пред 6 години

СЈО: „Бомбите“ кој ги објавува Ел Чека не потекнуваат од СЈО!

Од Специјалното јавно обвинителство (СЈО) преку соопштение појаснуваат дека „бомбите“ кои се објавуваат на социјалните мрежи не се излезени од обвинителството.Во продолжение соопштението на СЈО во целост:Во врска со написите во повеќе медиуми, како и различните толкувања на вчерашната изјава дадена од страна на Специјалниот јавен обвинител, ѝ појаснуваме на јавноста дека новообјавените разговори објавени од Фејсбук профилот со псевдоним „Ел Чека” не потекнуваат од Јавното обвинителство за гонење на кривични дела поврзани и кои произлегуваат од содржината на незаконското следење на комуникациите.Во оваа смисла, ја уверуваме јавноста дека сите аудио материјали со кои располага ова Јавно обвинителство се чуваат под строго пропишани безбедносни процедури кои опфаќаат физичка, административна и информатичка безбедност на информациите.Воедно, при анализа и обработката на материјалите се постапува согласно со воспоставените интерни правилници и процедури за евидентирање на процесот на преслушување и обработка на материјалите, како и обврската за целосно почитување на принципот на тајност и заштита на приватноста на граѓаните на Република Северна Македонија и други лица, гарантирана со Уставот и Европската конвенција за човекови права, и со тоа на секое лице да му се гарантира почитување и заштита на приватноста на неговиот личен и семеен живот.Во оваа насока, повторно потенцираме дека ова Јавно обвинителство ја гарантира единствено безбедноста на сите аудио материјали со кои располага и во оваа прилика, како и повеќе пати досега, ги повикуваме сите субјекти кои поседуваат аудио материјали кои се предмет на незаконско следење на комуникациите истите да ги достават до Јавното обвинителство за гонење на кривични дела поврзани и кои произлегуваат од содржината на незаконското следење на комуникациите, се вели во соопштението од СЈО. 

Македонија | пред 6 години

Портаролот на Владата: Нема повеќе да коментираме за „бомбите“- Ставот на Владата е тоа што го соопшти МВР

Портпаролот на Владата  Мухамед Хоџа, на денешната пресс конференција запрашан за објавувањето на прислушувани разговори на фејсбук „бомби“, истакна дека Владата нема да го коментира тоа што се случува последно време со „бомбите“ и дека за тој случај надлежните институции, во случајот МВР.-Тоа што го кажав останува. Владата нема повеќе да коментира. Ставот на Владата е тоа што го соопшти МВР пред неколку дена, рече Хоџа.Инаку според МВР лицето кое ги постирало т.н. бомби со прислушувани разговори на Фејсбук е детектирано и дека полицијата во соработка со Јавното обвинителство работи на целосно расчистување на случајот. 

Македонија | пред 6 години

Врховниот суд го превзеде „Тенк“ во свои раце, ќе падне ли пресудата на СЈО?

Врховниот суд ги разгледува пресудите за набавката на блиндираниот „мерцедес“ против бившиот премиер Никола Груевски и поранешниот помошник министер во МВР, Ѓоко Поповски, како и против екс министерката за внатрешни работи, Гордана Јанкулоска.Една од опциите е пресудата за „Тенкот“ на СЈО да падне и предметот повторно да се врати на судење објави plusinfo.mk.– Постапките по наведените предмети се во тек пред Врховниот суд на Република Северна Македонија. Судот заради интересот на јавноста ќе објави соопштение за одлуките кои ќе бидат донесени и како и во сите предмети, анонимизираните одлуки ќе бидат јавно објавени. Во овој момент не може да се знае кога ќе се одлучува по овие предмети, бидејќи се води вообичаена постапка според која не е потребно одржување на јавна седница – велат од Врховен. Текстот во целост на: plusinfo.mk 

пред 6 години

Заев: Би заменил и две Нобелови награди за датум за преговори со ЕУ

Премиерот Зоран Заев во интервју за белгискиот весник „Ле Соар“, насловено „Заев: Зелено светло или оставка“, уште еднаш ги повика земјите членки на ЕУ да преземат одговорност и да испорачаат датум за преговори со Северна Македонија. Тој додава дека ако не се додели датумот за преговори, тој ќе биде обвинет дека ги излажал пратениците дека гласањето за Преспанскиот договор значи отворање на вратите на ЕУ.-Кажав дека ако го смениме името, ако одржуваме добри односи со Грција, со Бугарија, дека ако се прават сите реформи, Европа ќе си ги исполни ветувањата. Ако тоа не биде случај, нормално е да се преземе одговорност, нема да чекам опозицијата или Собранието да направи нешто, ќе преземам одговорност и ќе го вратам мојот мандат, вели Заев во интервјуто за „Ле Соар“.Според Заев, доколку од европска страна не не испочитуваат, граѓаните би можеле да се свртат кон националистичките струи во земјата.-Ризикот е враќањето на национализмот и радикализмот во нашата земја. Поминавме низ овој ризик во последните единаесет години. Имавме „хибриден“ режим кој ги уништи сите демократски права и слободи, сите основи на нормална земја, и ризикот е да се вратиме во тоа време, одговара премиерот.Запрашан дали верува дека навистина би можел да добие Нобелова награда за мир заедно со грчкиот премиер Алексис Ципрас, откако беа предложени по усвојувањето на Преспанскиот договор, Заев вели дека датумот за преговори му е поважен.„Би заменил и две Нобелови награди за таа одлука на Европскиот Совет, за мене е огромна чест што сум номиниран, ние сме мала земја, но нашата награда е потврдата на нашата работа, и единствената потврда која значи во овој момент е одлуката на Европскиот Совет. Тоа е најдобрата награда. Ако добијам Нобелова, ќе му ја дадам на Европскиот Совет“, вели низ шега Заев. 

Македонија | пред 6 години

Министерот Адеми незаконски станал редовен професор на ДУТ?

Државната комисија за спречување корупција ќе истражува дали министерот за образование и наука Арбер Адеми незаконски е избран во наставно-научно звање доцент на Правниот факултет на Државниот универзитет во Тетово во 2017 година, додека сѐ уште бил министер без ресор во Владата, пишува Факултети.мк.Министерот Адеми за Факултети.мк вели дека не е контактиран од ниту една надлежна институција и дека не знае дали за него има отворено некаков предмет.– Како и да е, ние сме за почитување на сите законски прописи и во оваа постапка која била спроведувана од страна на Универзитетот бидејќи тие се надлежни да распишуваат конкурси за избор и реизбор. Така што ќе инсистираме на доследна примена на сите законски прописи. Тоа значи дека прво треба да имам информации што и како, па потоа да видам дали има некоја таква постапка – вели Адеми.Претставката до Антикорупциска ја поднел просветниот инспектор за високо образование Ѓорѓи Илиевски по редовен инспекциски надзор во тетовскиот универзитет во април годинава.Илиевски за Факултети.мк тврди дека при редовен инспекциски надзор на тетовскиот универзитет утврдиле дека актуелниот министер за образование и наука Арбер Адеми незаконски е избран во наставно-научно звање доцент бидејќи во периодот на изборот неговото работно место на ДУТ било во мирување. Уште двајца функционери од Владата, според Илиевски, исто така незаконски напредувале во наставно-научни звања на тетовскиот универзитет.

Македонија | пред 6 години

Камчев недоучен купи пола држава, тешко нас ко ќе доучи, се вели на Твитер

По дозвола на специјалната јавна обвинителка, Катица Јанева, бизнисменот Орце Камчев, да го шета светот, иако е осомничен во случајот „Империја“,  не запираат реакциите во јавноста.Ова се дел од реакциите на Твитер.https://twitter.com/VlatkoVasilj/status/1136534954794524673https://twitter.com/mojokilington/status/1136324794490773505https://twitter.com/Jovanowsky/status/1136254057876770816https://twitter.com/TasevskiSasho/status/1136529044617539584https://twitter.com/shlapatalo/status/1136330236415696901https://twitter.com/TasevskiSasho/status/1136384024094695426https://twitter.com/TriGoltki_Vino/status/1136376536641261576https://twitter.com/TasevskiSasho/status/1136391503151063045

Магазин | пред 6 години

Заев: Одлуката за прекин на бременоста е право на жената кое никој не може да ѝ го одземе

Премиерот Зоран Заев вчера се огласи на Фејсбук.- Стапи во сила новиот Закон за прекинување на бременоста. Со овој Закон, на жените им се овозможуваат комплетни, објективни и точни информации во врска со начинот на изведување на интервенцијата, а воедно се укинуваат административните бариери, односно чекање од три дена по информирањето. Одлуката за прекин на бременоста е право на жената и тоа никој не може да ѝ го одземе! Волјата на жената е на прво место, напиша тој.

Македонија | пред 6 години

Митровски: Време е за рана пензија за Катица Јанева

По дозвола на специјалната јавна обвинителка, Катица Јанева, бизнисменот Орце Камчев, да го шета светот, иако е осомничен во случајот „Империја“,  не запираат реакциите во јавноста. Камчев беше забележан на европското првенство во ракомет, во Келн, Германија, по што Јанева откри дека му дала позитивно мислење за да добие времен пасош во рок од шест месеци.Адвокатот Јанаки Митровски вели дека ова е црвен картон за СЈО.-Глупостивe со давање пасош за едукација се трет голем кикс на СЈО. Задача на првиот човек на СЈО беше да тронка политичко влијаие не се дозволи. Со бејзбол речник three strikes and your out. Време е за рана пензија за Катица Јанева, или истата да се врати во ОЈО Гевгелија од каде што и дојде. А доколку нејзиниот наследник смета дека треба и тој/таа повторно да дозволува очигледно надворешно влијание тогаш се поставува прашањето која е потребата од постоење на специјално обвинителство кога тоа се однесува како редовното. Црвен картон за Катица!, вели Митровски.

Македонија | пред 6 години

(ВИДЕО) Георгиевски: Јавноста ќе се шокира од имињата зад дивоградбите во Охрид

Последната година и пол општина Охрид издала вкупно 919 решенија за легализација. Во овој период кога во просек се легализирале по 50-тина објекти месечно, има и дивоградби на Националниот парк „Галичица“. Градоначалникот Константин Георгиевски во интервјуто за Само прашај вели дека тоа се барања кои и да не сакале, морале да ги одобрат оти така наложува Законот за легализација на бесправно изградени објекти. Незначителен број одобренија, едвај неколку, се поништени, но нема одговорност за пропустите.Соочен со силниот притисок од УНЕСКО и извесниот ризик Охрид да го загуби статусот на заштитено светско природно и културно наследство, градоначалникот вели дека за неполн месец ќе го објави регистерот со дивоградби врз основа на недостатоците што ги утврдиле општинските инспектори од 2010-2014 г. Георгиевски очекува „јавноста да се фрапира“ оти во регистерот ќе се прочитаат сопствениците на познати кафулиња, хотели, семејни куќи, чии објекти ќе треба да се уриваат.Оваа видео содржина ја изработи Институтот за комуникациски студии.

Македонија | пред 6 години

ФОТО: Пола од плоштадот во Скопје е раскопан

Половина од плоштадот во Скопје е раскопан, плочките се извадени, а просторот е ограден. Граѓаните се револтирани поради лошата слика која секојдневно ја гледаат. Последна информација беше дека се украдени пумпите за вода, но на плоштадот нема работници за поставување на нови или санирање на евентуален друг дефект.Скопјани прашуваат како е можно за доаѓањето на папата Франциск во неколку дена да се асфалтираат и улици, а не може да се поправи дефект. Според нив, ваквата состојба на плоштадот го грди лицето на Скопје.

Скопје | пред 6 години

Димовски: Шансите за добивање на датум за преговори се мали

Пратеникот Илија Димовски, од редовите на ВМРО-ДПМНЕ, прогнозира дека Македонија нема да добие датум за преговори, велејќи дека тоа е се поочигледно. Димовски во вечарашното гостување на 1ТВ, сепак истакна дека НАТО членството сме на пат да го добиеме.-Ние живееме во една еуфорија од промена на власта. Дали ВМРО-ДПМНЕ посакува да добиеме датум за преговори, да. Зошто премногу труд е вложено во изминативе години. ВМРО-ДПМНЕ без разлика на сите критики, се посветувала на таа агенда. Од друг аспект, ние во овие две години гледаме запоседнување на целиот систем, па дури и злоупотреби. На ВМРО-ДПМНЕ од тој аспект му одговара да отпочнат преговорите, и овие прашања да се отворат, рече Димовски.Тој сепак вели дека немало атмосфера дека Македонија заслужила да добие датум.-Ако имавме одлично досие, ќе беше многу тешко после Преспанскиот договор да се одбие Македонија. Одиме по тој пат на одбивање. Ја нема атмосферата дека Македонија заслужила и мора да добие датум за преговори, рече Димовски, додавајќи дека пет земји ќе бидат против Македонија, поради лоши резултати во реформите.На прашањето на новинарот Борјан Јовановски, дали би се обложил околу датум за преговори до крајот на годината, Димовски посочи дека шансите се мали, односно 20-30% за ДА, односно дека државата ќе добие датум за преговори.

Македонија | пред 6 години

Мигрант убиен во центарот на Белград

Мигрант бил убиен синоќа во Белград. Полицијата идентификува двајца осомничени, од кои едниот е уапсен, а по другиот се трага, објави РТС.Убиството се случило синоќа по тепачка меѓу мигранти пред обложувачница на улицата Краѓорѓева, недалеку од самиот центар на Белград. Убиен бил Авганистанец на возраст од околу 20 години. Тој бил прободен со нож во градите.Медиумите дознаваат дека убиениот во Србија дошол од Авганистан пред две години, а во Белград престојувал подолго време.

Свет | пред 6 години

ФОТО: Нови кампери пред Владата, бараат да им се исплатат 18 плати од државна фирма

Пред Владата се поставени четири кампови на вработени во државната фирма Еурокомпозит. Тие бараат да им бидат исплатени 18 плати. Исто така се жалат на неисплатени опремнини и бараат тоа да биде најскоро решено.„Еурокомпозит“ е дел од 10-ината фирми ќерки на некогашниот гигант „Еуроинвест 11 Октомври“, во којшто беа вработени околу 1.600 работници. По распадот на претпријатието секој од посебните правни субјекти во периодот на транзиција. „Еурофуд“, Еуроламинати“, Еуротрејд“, „Еуропрофил“, Хотел Липа и др. заминаа во стечај.Единствено „Еурокомпозит“ остана низ годините да се бори за свој опстанок. Од некогашните 550 сега остана околу 280 вработени, но нивните плати се минимални, нешто над 10.000 денари е просечна плата по работник. Поради континуираниот проблем со недостиг од работа, се случува вработените со месеци да бидат пуштени дома со 70 % плата, во очекување на некој подобар договор. Кога пак ќе се успее да склучат одреден договор за работа, тие работата и по две смени, но платите им доцнат.

Македонија | пред 6 години

Димовски: Слабостите на претходната власт не ги покриваат слабостите на оваа власт

Илија Димовски, пратеник од ВМРО-ДПМНЕ, во вечерашното гостување на 1ТВ, истакна дека и претходната власт грешела, но дека и сегашната имала двојни стандарди.-Дека претходната имаше за што да се критикува, имаше. Дека претходната власт згреши што веднаш не распиша избори кога почна скандалот со прислушувањето, згреши. Дека претходната власт требаше да има поголем осет за критичноста од општеството, исто така. Но слабостите на претходната власт не ги покриваат слабостите на оваа власт. Ние повеќе не можеме да прифатиме дебата со реченицата „еее ама ВМРО-ДПМНЕ какви беа или ај ВМРО сега ќе го вратиме“.Оваа власт дојде со ветување дека правосудниот систем ќе функционира исто за сите, дека државниот систем ќе функционира исто за сите. И сега имате ситуација кога оваа држава не може да се справи шест месеци со некоја дива платформа во Матка. Кога врз нелегално прислушувани материјали имате судски пресуди, а од друга страна имате разговори за кои државаtа вели, ааа овие не се легимни. Имате двојни стандарди, рече Димовски во вечерашното гостување во 1ТВ.Тој одговори и на прашањето дали би го поништиле Преспанскиот договор.-Во првиот историски момент кој ќе се создаде, а кој за жал нема да биде за две или три години, треба да го има во глава моментот или да го пренесе на наредната генерација, дека оваа неправда треба да се исправи, рече Димовски.

Македонија | пред 6 години

1.100 родители одбиле да ги вакцинираат децата, тие треба или да платат казна од 300 до 600 евра или ќе завршат на суд

Повеќе од 1.100 родители кои одбиле да ги вакцинираатсо МРП своите деца ќе треба да платат казна од 300 до 600 евра или ќе завршат на суд, велат од Државниот санитарен и здравствен инспекторат. Според законот, тие ќе треба да платат казна од 350 до 650 евра, ако не ќе завршат на суд. Најмногу родители кои потпишале ваква изјава се од Скопје 593, потоа од Струмица 191, Куманово 93, Битола 50, додека пак во Штип 40 одбиле да ги имунизираат своите деца.Плаќањето на казната не ги амнестира родителите од обврската да ги вакцинираат децата и истата се однесува само за една непримена вакцина.Здравствените инспектори од денеска ќе почнат да ги повикуваат родителите од Скопје да си ја платат казната. Доколку одбијат ќе им бидат поднесени прекршочни пријава и ќе завшрат на суд.Министерството за образование засега нема податоци колку од првачињата при уписите не донеле потврда за примени вакцини, податоците допрва ќе ги обработуваат.

Македонија | пред 6 години

(ФОТО) Дачиќ се приклучи на предизвикот “Косово е Србија”

“Косово е Србија” е најнов предизвик на социјалните мрежи. Според овој предизвок, оние кои го прифаќаат треба на банкнота од еден или пет евра да се напише „Косово е Србија“.Според предизвокот покренат од Српската страна, одкако ќе се напише на банкнотата „Косово е Србија“, со истата треба да се купи нешто, и да се пуштат во промет.Српскиот политичар и министер за надворешни  работи, Ивица Дачиќ, се приклучи на предизвик, но тој тоа го напиша на банкнота од 100 долари! Фото:  INSTAGRAM / KAFANAPAVLEKORCAGIN / SCREENSHO

Свет | пред 6 години

Метла во Охрид: Георгиески го смете Пиперкоски на негово место Иван Лотески

Метлата на премиерот Зоран Заев почна да ги собира вработените во општината Охрид. Прв зафатен од метлата е Илија Пиперковски, шефот на кабинет кај градоначалникот Константин Георгиевски, дознава “Скопје1.мк”.На оваа функција, како неформален шеф на кабинет ќе биде назначен адвокатот Иван Лотески, кој во јавноста е познат како фаќач на крстот за Водици.Последно, “Макфакс” пишуваше дека Општина Охрид незаконски исплаќала оштети кон Пиперковски за штети од земјотресите во 2017 година.Ароганцијата, неисполнување на одредени очекувања на граѓаните, неагилниот однос на одредени носители на високи функции, непотизмот, укажувањата од Антикорупциска, ќе бидат критериумите врз основа на кои премиерот Зоран Заев ја реализира најавената „метла“.

Македонија | пред 6 години

(ВИДЕО) Заев: Ако Европскиот Совет не ја прифати препораката за преговори од ЕК, ќе ја доведе во прашање иднината на оваа проевропска влада

Претседателот на Владата на Република Северна Македонија Зоран Заев на денешната прес-конференција, веднаш после форумот „Северна Македонија:Забрзување на реформите, забрзување на европската интеграција“, што во организација на Европската банка за обнова и развој и Центарот за европските политики, се одржа во Брисел, одговараше на новинарски прашања.На прашањето какви ќе бидат последиците доколку Европскиот Совет не ја прифати препораката на Европската Комисија земјата да ги отпочне преговорите по поглавја за пристапување во ЕУ, и на кој начин тоа ќе се одрази во Соработката со Европската банка за обнова и развој, премиерот Заев рече дека „од сите политички одлуки што ги носиме, од сите реформи, сакаме да постигнеме и економски импакт за нашите граѓани. На крајот на денот ние работиме за тоа. А сега резултатите се многу добри, најдобри. Исто така има и огромен потенцијал и за во иднина. Ова е скапоцено време за Северна Македонија. Ако го изгубиме ова време, сигурно нема да има шанса да го повториме. Ќе  имаме раст и во иднина, имаме и ретка можност растот уште во овој квартал да достигне 4%, па дури и 5%“.„Ако не го  добиеме очекуваното, датум за преговори по поглавја, постои можност тоа да предизвика пад на владата. Оваа стабилна влада, со сите тешки одлуки што ги донесе, најверојатно ќе ја изгуби довербата на мнозинството во Собранието. Затоа што им ветивме на членовите на парламентот дека ќе имаме позитивна одлука од Европската Унија ако се движиме напред“, порача премиерот Заев на прес конференцијата во Брисел.Тој потсети дека владата трпеливо работеше на создавањето мнозинство за уставни промени, за особено чувствителни прашања и дека членовите на парламентот, кои го обезбедија мнозинството за клучните прашања, како што беше и промената на Уставот, беа под закана од страна на националистите и радикалите.„Баравме консензус за многу закони и прашања зашто сметавме дека така е најдобро. За да добиете консензус во Собранието тоа значи многу непроспиени ноќи. Преговори со многу и со различни засегнати страни, политички партии, граѓански организации, стопански комори, синдикати... И добивме консензус. И сега, ако ЕУ не испорача, најверојатно владата ќе падне. Ако мора да одиме на предвремени избори, економијата ќе запре. Никој не инвестира во време на  подготовки на избори, за време на договарање на нова влада. Ќе изгубиме 6 месеци, а тоа е најскапоценото време за нас“ истакна премиерот Заев на прес конференцијата „Северна Македонија: Забрзување на реформите, забрзување на европската интеграција“ во Брисел.Иако е тоа најлошата опција, рече премиерот Заев, земјата ќе продолжи во оваа насока, односно во зајакнување на европската идеја и за засилување на интегративниот процес во ЕУ.На прашање на новинарите во Брисел дали предвремените избори во овој случај ќе донесат поголема политичка нестабилност и неизвесност во однос на европските реформи, како и дали тоа им дава повеќе простор на проруски и националистички партии, премиерот Заев рече дека ако има избори, граѓаните се тие што ќе одлучат.„Или ќе ја поддржат оваа прогресивна, проевропска опција, или оние што ги блокираат овие процеси и што некои ги нарекуваат проруски или националистички и радикални. Разочарувањето што ќе се случи меѓу нашите сограѓани доколку Европскиот Совет не даде позитивно мислење, ќе им даде надеж на овие вторите. На граѓаните кои поддржуваа национализам и радикализам, а тоа не е добро. Не е добро за земјата, не е добро за регионот.Тоа се опциите и тоа не загрижува. Без разлика на тоа што ќе се случи, ние направиме сѐ што можевме најдобро. Сакам нашите партнери (во ЕУ) да знаат дека чекавме 15 години и дека сега е сѐ можно“, рече Претседателот на Владата, Зоран Заев на прес-конференцијата, и додаде дека од одлуката на Европскиот Совет зависи и најавената реконструкција на владата, иако процесот е започнат со промени на  две третини од владата.

Македонија | пред 6 години

Мајката на Пино, даде исказ во обвинителство: Очекувам доживотна казна и ќе се борам за доживотна казна

Мајката на убиениот Пинета Секондо денеска беше повикана на распит во скопското обвинителство. Во изјава за медиумите за можниот мотив таа рече дека не ја знае точната причина, но дека веројатно станува збор за љубомора.-Уште не разговаравме за мотивот, љубомора, не би знаела друго зошто, рече Трпковска.Очекувам доживотна казна и ќе се борам за доживотна казна, рече Трпковска.-И Ангела и тој што треба да го фатат, тие не треба да излезат од затвор, затоа што човечки ум, поготово на девојка од 22 години да убие свој другар и 6 месеци да си нема гајле, да си спие, да си шета, тоа е нечовек, монструм. 

пред 6 години

Заев: Можното одлагање на одлуката за датум за преговори, ако се пролонгира до септември, постои ризик да го изгубиме мнозинството во Собранието

Премиерот Зоран Заев од Брисел порача дека можното одлагање на одлуката за датум за преговори од страна на ЕУ ќе ја стави во опасност владата и може да ги врати националистичките сили на власт, јави дописничката на МИА од Брисел.Премиерот оваа изјава ја даде пред избрана група новинари од странските медиуми осврнувајќи се на гласањето во германскиот Парламент, од кое во голем дел зависи одредувањето на датумот за преговори од страна на ЕУ.За секоја одлука која се однесува на проширувањето на ЕУ, неопходно е претходно Бундестагот да даде зелено светло.Повторно одлагање, вели Заев, го зголемува ризикот за владата.-Бундестагот мора да испрати порака, ако не донесат одлука на седницата неделава, најверојатно имаат шанса за тоа на крајот на јуни, ако не го сторат тоа, тогаш останува за Советот на ЕУ во октомври, што значи дека Бундестагот би гласал во септември. И тогаш постои ризик да го изгубиме мнозинството во Собранието, затоа што навистина сѐ дадовме, рече премиерот Зоран Заев.-Тие мислат дека ако отворат преговори со Северна Македонија, ќе се создаде проблем ако се остави Албанија и дека тоа би можело да има влијание врз Косово, тие стравуваат од закани од мојот пријател Еди Рама, за можни промени на границите или спојување со Косово, но јас не верувам во тие работи затоа што тоа ќе значи назадување од најмалку десет години за Албанија ако направат такво нешто, никој не сака такво нешто да прави, порача македонскиот премиер пред странските медиуми.Текстот во целост на: fokus.mk 

Македонија | пред 6 години

Нема фотографија

Во земјава дишеме пет пати позагаден од европскиот!?

Жителите на целиот Западен Балкан страдаат од намален животен век поради „алармантните нивоа загаденост на воздухот“, вели извештај на Обединетите нации, кој го пренесе Њујорк тајмс.Граѓаните на Македонија, Србија, Црна Гора и Албанија се изложени на една од најголемите концентрации на загаден воздух во Европа, што е за пет пати поголема од националните и европските упатства на ЕУ, се вели во извештајoт  на Програмата за заштита на животната средина на организацијата на обединетите нации. Податоците се добиени од истражувањата спроведени во 18 градови во регионот во соработка со Светската здравствена организација и институции за оценка на квалитетот на воздухот.Секоја година на овој ден се организираат најразлични манифестации со цел да се привлече вниманието кон загадувањето на животната средина и за истакнувањена мерките кои ќе бидат преземени во правец на заштита на природниот живот и природните извори во светот.Појавата и развивањето на свеста за зачувување на човековата околина од загадувањето резултира со истражување,унапредување и користење на изворите на обновлива енергија. 

Македонија | пред 6 години

Измени во Законот за основно образование, следната учебна година нема да заврши на 10 ти јуни

Нов Нацрт закон за основно образование кој до крајот на летово треба да помине во собраниската процедура. Од Министерството за образование децидни – сите пропуштени наставни денови немало да се одработуваат во сабота затоа што според нив ова, се покажало како непродуктивно. Од септември неработните денови ќе се одработат на крајот од учебната година.Министерот за образование Арбер Адеми на прес конференција, информираше за новините во Законот за основно образование, чија примена ќе започне од претстојниот септември.Минестерот кажа дека часови во сабота нема да има, Со закон да се регулираат неработните денови за време на зимскиот распуст на учениците, при што најмалку половина од траењето на зимскиот распуст на учениците се платени неработни денови за наставниците, Овие денови не се дел од годишниот одмор на наставникот и не се засметуваат во неговото траење. Се воведува нова надлежност на наставничкиот совет да дава мислење за распределба на часовите меѓу наставниците. Наместо досегашниот минимален број од 24 ученици, како минимален праг се утврдуваат 20 ученици. Бројот на ученици во паралелката може да се движи во распон од 20 до 30 ученици. Комбинирана паралелка може да има најмногу до 10 ученици. По исклучок, паралелка може да се формира и со најмалку 15 ученици, само за наставата по изборните предметиНовото законско решение не предвидува намалување на бројот на наставни денови. Сегашната состојба покажува дека нашите ученици до 14-годишна возраст добиваат над 900 часови помалку од нивните врсници во земјите членки на ОЕЦД, односно една и пол година образование помалку, истакна Адеми. Ова го истакна.Инаку, надлежните се уште немаат информации колку деца ќе останат дома поради забраната во училиште да се запишат оние кои не ја примиле МРП вакцината. Минатиот месец, во екот на уписите во основно училиште, надлежните дозволија училиштата да примаат пријави и на невакцинирани деца, но со обврска тие да се вакцинираат пред стартот на учебната година.

Македонија | пред 6 години