ГЛАВНИ-ВЕСТИ

Од минарето на Алипашината Џамија ќе се запее на Бајрам

Обновената Алипашина Џамија во Охрид свечено ќе биде ставена во употреба на 6 јуни, на годинешниот Рамазан Бајрам, дознава Скопје1.мк од свои извори во ИВЗ.На отворањето ќе бидат присутни високи гости од властите на Република Турција, а поканети ќе бидат и Премиерот Зоран Заев, дел од министрите како и градоначалникот Константин Георгиески.Како што јавивме вчера, минарето е  во финална фаза и на него е поставена кровната конусна купола.Градбата на ова минаре предизвика политички тензии и објектот стана централна медиумска тема.Алипашината Џамија останала без минаре во минатиот век кога истото е урнато од страна на група граѓани. 

Македонија | пред 6 години

(ВИДЕО) Крадец украде 4 велосипеди од зграда во Скопје, полицијата не превзема ништо

Видеата се од безбедносни камери на зграда на улицата Орце Николов во центарот на Скопје каде за една вечер се украдени 4 велосипеди. Крадецот насилно ја отвора вратата и одбира кој велосипед да го земе, пишува Досие.Кражбите на велосипеди траат повеќе години низ градот а полицијата никако да ги фати организираните групи кои потоа ги препродаваат велосипедите или ги разстураат на делови. Бројот на пријавени украдени велосипеди во МВР секој ден е се поголем, но полицијата е немоќна.

Скопје | пред 6 години

Веќе трета година во Скопје не се изнајмуваат велосипеди – сите се искршени или украдени

Веќе трета година во Скопје не се изнајмуваат велосипеди. Проектот, кој беше воведен од Град Скопје во 2010 во времето на градоначланикот Коце Трајановски со цел да се поттикнат граѓаните да го користат велосипедот како превозно средства, не функционира. Сите велосипеди кои Градот ги купи или ги доби како донација се искршени или украдени, па затоа проектот е стопиран, пишува СДК.Изнајмувањето велосипеди од 2010 до 2016 го вршеше градското јавно претпријатие „Градски паркинг“. Велосипед се изнајмуваше на неколку локации каде паркинзи има претпријатието и чинеше 10 денари од час.Директорот на „Градски паркинг“ Борче Јакимовски вели дека овој проект онака како што беше осмислен бил нерентабилен за претпријатието.„Ние имавме повеќе загуба отколку добивка со проектот изнајмување на велосипеди. Приходите ни беа 80.000 денари, а расходите 600.000 денари. Велосипедите ни ги крадеа или ни ги враќаа искршени, со извадени делови. Потребно е Градот да воведе целосно нов систем за да може да функционира овој проект“, вели Јакимовски.ПОВЕЌЕ НА СДК.МК

Скопје | пред 6 години

„Нефа мебел“ затвори преку ноќ, стотици купувачи останаа без платените нарачки

Купувачите останаа без својот нарачан мебел откако Српско-руската фирма за мебел „Нефа мебел“ ги затвори ненадејно салоните во Србија и Македонија, пишува СДК.Стотици купувачи од двете земји останаа без можност да ги добијат однапред платените нарачки. Српските медиуми објавија дека компанијата „Спилит“ која всушност е производител на мебелот кој го продава Нефа пред два дена побегна од Врање и остави долгови и 300 работници без работа.Нефа мебел во нашата држава има три продавници во Скопје – во Сити мол, Капитол Мол и ГТЦ, и во Велес, Гостивар, Прилеп, Битола, Тетово.Како што пренесоа медиумите сите три продавници вчера попладнето затвориле.Купувачите кои биле во продавницата останале без информација  каде можат да го набават својот мебел.Исто така, избришани се и српската и македонската веб страница и фејсбук страните.„Бев во сите продавници, а и во скопскиот магацин, тој беше затворен, но продавачите немаат информации дали и кога ќе ни биде испорачан купениот мебел што го плативме со рок за испорака од 35 дена. Ни рекоа да дојдеме в понеделник, ама не верувам дека ќе отворат“, вели скопјанец кој не ја добил гарнитурата платена 20.000 денари.Како што открива тој за СДК, повеќемина купувачи веќе го пријавиле случајот во Агенцијата за заштита на потрошувачите, но се уште не знае дали тоа ќе помогне да си ги добијат нарачките.Целиот текст може да го прочитате ОВДЕ.

Македонија | пред 6 години

Според судот раскинувањето на Договорот за Казандол е законито

Владата на Република Македонија информира дека Управниот суд, одлучувајќи по тужбата на тужителот „Друштво за експлоатација, преработка, и производство САРДИЧ МЦ“ ДОО, увоз-извоз, Скопје против Одлуката на Владата од 27.3.2018 година, за едностран раскин на Договорот за изградба на рудник во локалитетот „Казандол“, донесе пресуда одбивајќи ја тужбата како неоснована.Во одлуката на Управниот суд, која на 14.5.2019 година станала правосилна е наведено дека, оценувајќи ја законитоста на оспорената Одлука, Судот најде дека одлуката на Владата за раскин на договорот за рудникот Казандол е законита.Во пресудата се вели дека Судот најде дека врз основа на правилно и целосно утврдена фактичка состојба, Владата правилно го применила и материјалното право, кога на тужителот „САРДИЧ МЦ“ еднострано му го раскинала Договорот за концесија. Причините кои се сметаат за основани е тоа што концесионерот во рокот од две години до денот на доделувањето на концесијата во смисла на членот 13, став 1 од договорот, не ги исполнил обврските да изгради постројка за експлоатација на катоден бакар со капацитет да процесира најмалку 50 проценти од експлоатираната руда и после две години од почнување со експлоатација на вториот рудник да изгради фабрика за производство на финални производи од катоден бакар со капацитет најмалку еднаков на годишниот капацитет на постројката за експлоатација на катоден бакар.Овие факти се утврдени согласно Законот за минерални суровини, Законот за концесии и јавно приватно партнерство и Договорот за концесија за детални геолошки истражувања на минерална суровина-бакар, злато и сребро на локалитетот „Казандол“, општина Валандово, општина Богданци и општина Дојран, потпишан од Република Северна Македонија-Министерство за економија и тужителот „Друштво за експлоатација, преработка и производство САРДИЧ МЦ“ ДОО, увоз-извоз Скопје од 27.2.2015 година.Владата на Република Македонија останува на својот став дека ги поддржува инвестициите во земјата и создава клима за економски просперитет и квалитет, но исклучиво согласно утврдените законски норми и прописи.

Македонија | пред 6 години

Заев: Некои функционери демонстрираа ароганција и недостапност, наместо рамноправност и еднаквост со граѓаните

Премиерот Зоран Заев вели дека таканаречената операција „метла“ се однесува на луѓето кои, според него, покажале слабост, недоволна исполнителност, не ги реализирале очекувањата или демонстрирале ароганција и недостапност до граѓаните. Како што вели Заев во интервју за МКД, тоа се однесува на министри, директори на јавни институции, па и на третиот ешалон, на подрачните единици надолу.Иако владејачкиот кандидат победи на претседателските избори, сепак, премиерот не е целосно задоволен од изборниот резултат.-Ние не можеме да бидеме задоволни од резултатот, од самата излезност, мотивираност. Реков дека тука има и други аргументи, како што се ароганцијата, недостапноста, демонстрацијата на големини, а не рамноправност и еднаквост со граѓаните и обврска за служење на граѓаните. Ние сите постоиме заради нашите граѓани. Политичките партии постојат заради државата и заради народот, нема други причини. Затоа рековме, покрај тоа што ќе се случат промени во извршната власт, ќе се случат промени и во партиските организации и на локално и на централно ниво – рече Заев.Тој додава дека сите функционери имаат право да кажат дека одлично си ја вршат работата, меѓутоа, порачува премиерот, од него граѓаните очекуваат да ги коригира неуспешните кадри.

Македонија | пред 6 години

Груевски со Синохидро склучувал три пати поскапи договори отколку актуелната влада, вели Китанов

Директорот на Јавното претпријатија за државни патишта Зоран Китанов во гостување во емисијата Отворено на 1 ТВ обелодени дека актуелната влада со кинеската компанија Синохидро склучувала договори кои се со драстично пониски цени во споредба со сумите што компанијата за истите позиции ги инкасирала од претходната влада на ВМРО-ДПМНЕ.Како што посочи Китанов, Синохидро на тендер за патниот правец Крупиште-Кочани понудил 574 денари за тампон од дробен камен, додека истата позиција за автопатската десница Миладиновци-Штип вредела 2.202 денари по кубен метар.За набавка, транспорт и изработка на битуменизиран долен носив, пак, за Крупиште-Кочани сега била постигната цена од 55 денари со Синохидро, додека своевремено за Миладиновци-Штип оваа услуга чинела 107 денари по сантиметар.За набавка, транспорт и изработка на полимер асвалт-бетон сега ќе бидат потрошени по 70 денари од сантиметар, а порано за време на друга влада, за друга делница, но за истата позиција, биле потрошени 185 денари.Инаку, треба да се истакне финансиската конструкција за Миладиновци-Штип се градеше според договор со кредиторот, кој ја условуваше ниската каматна стапка со избор на изведувач по пат на преговори во 4 очи, додека цените за Крупиште-Кочани се постигнуваат на тендерска постапка.

Македонија | пред 6 години

Кои се хероите кои спасија давеник од Вардар? Скопје 1 разговара со нив за оваа акција, но и за професијата припадник на АЛФИ

Што значи да си горд на својата професија? Што значи будно да ја следиш ситуацијат 24/7? Дали е лесно и кога си слободен да „работиш“? Што значи да дадеш заклетва дека секогаш ќе постапуваш по законите и ќе му помагаш и служиш на народот? На овие, но и на ред други прашања, одговор ни даде Горан С, припадник на Единицата за прв одговор и интервенција „Алфа“. Ова е момчето што без размислување, заедно со одговорниот старешина на групата Бетим В. неодамна спасија давеник од Реката Вардар. Горан за Скопје 1  раскажува за овој настан, но открива и други детали за својата професија.Скопје 1:  Со интервенција на двајца припадници на специјалната единица „Алфи“, беше спасен возрасен маж од водите на Вардар во Скопје. Благодарение на вашата брза интервенција човекот беше извлечен. Може ли да ни ја објасните целата ситуција. Како дознавте? Како реагиравте?Горан С: На ден 02.05.2019 околу 10:00 часот вршејки мотопатролна дејност со одговорниот старешина на групата Бетим В. на подрацјето на град Скопје потоцно на ул.Цветан Димов општина Чаир по радио врска од базата на СВР-Скопје јавија дека машко лице се фрлило од Камени мост во реката Вардар.Одговорниот веднаш по радио врска упати три тима од Алфите и јас Горан С. со одговорниот се упативме веднаш на лице место.Од наша страна беа користени звучни и светлосни сигнали поради густиот сообраќај во градот за да стигнеме што побрзо на местото на настанот.По секоја објава на базата на СВР-Скопје единицата Алфа одговара брзо и енергично..Од кога стигнавме на кејот на реката Вардар од насш страна беше забележано лицето како го носи струјата на реката Вардар во средина на коритото и истиот дека сеуште дава знаци за живот.Во тој момент одговорниот одлучи јас да влезам во реката Вардар бидејки ние од сите тимови на единицата Алфа први стигнавме на лице место.Веднаш ги соблеков алистата додека одговорниот ги координираше тимовите што доаѓаа према местото.Јас рипнав во реката Вардар погоре во течението од причина што водостојот во реката овој период е многу голем и брз.Пливајки се упатив према лицето во средина на коритото и од моја страна истиот беше фатен и задржан од мене за да не отиде надоле по течението и да се удави.За кратко време и одговорниот скокна во Вардар за да ми помогне да го извадиме заедно лицето.Скопје 1:  Акцијата беше опасна и за вашите животи. Станува збор за река со вртлоци? Што беше најтешко, пробивањето во ладната вода или извлекувањето ?Горан С: Да акцијата беше премногу опасна бидејки реката Вардар изобилува со многу јаки вртлози,струењето на водата во овој период е многу јако бидејки водостојот е голем и брз.А најопасно е што видливоста на водата е премногу мала, а на истиот потег се изведуваат градежни работи и неможеме да видиме на што ќе наидеме бидејки во водата има многу метални шипки,бетонски столбови и др.градежни материјали. Целата ситуација е премногу тесшка и не би знаеле на што би наишле во тој момент..И пробивањето и извлекувањето на лицето беа екстремно тешки во тој моментСкопје 1:  Дали е точно дека човекот не сакал да биде спасен? Дали ова беше дополнителен проблем за вас?Горан С: Да точно, човекот беше под голем стрес,небеше комуникативен,беше испаничен и изнемоштен и се обидуваше да се отргне од мене. Јас морав силно да го држам од причина што и ток се обидуваше, а и водата го повлекуваше бидејќи беше со алишта, а тоа беше уште потежок и поголем проблем за мене да го задржам. На смирен начин се обидував да комуницирам со него додека недојде мојот колега Бетим В.на помош за многу кратко времеСкопје 1:  Се сретнавте ли подоцна со човекот и со неговото семејство?Горан С: Не,не се сретнавме, затоа што нашата акција заврши со извлекувањето. Одкако го извадовме човекот понатака рабоатата во свои раце ја преземаат другите служби. А лицето со брза помош беше однесено во Градска болница.Горан раскажува дека единицата Алфи, постојано се соочуваат со слични ситуации. Тој објаснува дека секогаш треба точно да се знае како да им се пристапи на граѓаните, кои во моментот гледаат безизлезна ситуација. Но, сепак тој и колегите се најсреќни кога овие настани имаат среќен епилог.Скопје 1: Сте имале ли слична спасувачка ситуација, немора во вода?Горан С: Да,сме имале ситуација каде што машко лице во стан сакаше да си го одземе животот. Од наша страна со големи напори односно преговори успеавме да го убедиме и да ја отвори неговата врата која беше заклучена така да успеавме да спасиме уште еден човечки живот. Ова е една од многуте ситуации кои сме ги имале на терен.Скопје 1:  Вие сте дел од специјалната единица Алфи. Обучени сте за справување со поголеми нарушувања на јавниот ред и мир, борба против тероризам, надворешна и внатрешна одбрана, апсење на криминални банди.... Може ли малку поблиску да не запознаете со вашата работа, обуки, тренинзи? Влегува ли професијата што би се рекло „под кожа“?Горан С: Професијата влегува под кожа знаејќи ги нашите обврски и предизвици што не чекаат во иднина, но за се тоа ние сме дале заклетва дека ќе постапуваме по законите и ќе му помагаме и служиме на народот.Скопје 1: Горди ли сте на професијата?Горан С: Горди сме на професијата но уште повеќе горди сме кога во вакви исклуцителни ситуации ќе направиме максимални напори да спасиме човечки животи.Скопје 1:  Дали и вашата професија како и новинарската и докторската... и ред други, е една од оние кои немаат приватност, поточно каде и да сте внимавате на безбедноста на околината?Горан С: Знаејки и постапувајки дали сме на работа или не, законот ни налага 24 часа да сме полицајци. Сме имале повеќе ситуации кога не сме биле на работа, а сме реагирале и постапувале по законот.Скопје 1: Тешко ли беше или тешко ли е да се стане дел од оваа Специјална единица?Горан С: Едницата Алфа со текот на годините се усовршуваше и во поново време има свои старешински кадар и инструктори кои се стручни да обучат кадри.Денес во единицата со доагање на новиот старешински кадар во единицата е задолжително да се помине 6 месечен селективен курс за да се стане припадник на единицата Алфа. Јас и колегата Бетим доагаме од двете најелитни единици во Македонија ЕБР и ЕСЗ каде сто сме поминале многу различни обуки и на некој начин ни е олеснителна околност да бидеме припадници на Алфа единицата.Во продолжение видео од вежба на  специјалната единица Алфи. Обучени  за справување со поголеми нарушувања на јавниот ред и мир, борба против тероризам, надворешна и внатрешна одбрана, апсење на криминални банди.НОВИНАР: Татјана Караџова Маленкова 

пред 6 години

Колев открива „далавери“ за автопатот Штип-Миладиновци: Каков грабеж, какви надувани цени!

Пристигна и одговорот на поставените прашања од мене до премиерот Заев,во врска со „далаверите“ за автопатот Штип-Миладиновци.Каков грабеж, какви надувани цени!Не станува збор за 5% или 15% туку цените се двојно и тројно повисоки. Ова ги надмина и моите очекувања, иако имав информација за злоупотреби  за договарањето во „4 очи“, с евели во соопштението од Граѓанско Демократска Унија-ГДУ„Директорот на Јавното претпријатие за државни патишта, Зоран Китанов,  во денешното гостување во емисијата „Отворено на 1 ТВ“, обелодени дека  актуелната влада со кинеската компанија „Синохидро“ склучувала договори кои се со драстично пониски цени во споредба со сумите што компанијата за истите позиции ги инкасирала од претходната влада на ВМРО-ДПМНЕ.Како што посочи Китанов, „Синохидро“ на тендер за патниот правец Крупиште-Кочани понудил 574 денари за тампон од дробен камен, додека истата позиција за автопатската десница Миладиновци-Штип вредела 2.202 денари по кубен метар.За набавка, транспорт и изработка на битуменизиран долен носив, пак, за Крупиште-Кочани сега била постигната цена од 55 денари со „Синохидро“, додека своевремено за Миладиновци-Штип оваа услуга чинела 107 денари по сантиметар, довава Колев.

Македонија | пред 6 години

Радио Слободна Европа: Отстранети клучни членови од законот за заштита на Охрид

Во Нацрт - законот за управување со природното и културно наследство во Охрид недостасуваат клучни одредби за надлежностите на градежниот инспекторат, велат учесници во работните групи. Законот се уште не е донесен, објави .slobodnaevropa.mkСпоред Радио слободна Европа -Овие „клучни одредби“ биле дел од првичните верзии на Нацрт-законот но,  потоа на владини седници тој се разгледувал во изменета верзија во која тие членови се отстранети.Законот меѓу другото требаше да овозможи власта полесно да ги спроведе препораките на УНЕСКО од 2017 година за итно воведување мораториум и суспендирање на легализација на дивоградби, како и да направи нови студии за досега направените штети од лошите политики за управување.Но, во недостаток на регулатива и спротивно на препораките на УНЕСКО, општините во Охридскиот регион легализираа стотици дивоградби, а деновиве Комитетот за светско наследство на УНЕСКО предложи Охрид да биде ставен на листата „светско наследство во опасност“, препорака која е можно да биде усвоена следниот месец на 43-та сесија на Комитетот во Баку.Во Охрид се одвива урбана и крајбрежна трансформација без никакви ограничувања, алармираат активистите посочувајќи дека трите општини Охрид, Струга и Дебарца ја игнорираат Комисијата за управување со светското и природно наследство, која е предвидена како филтер за неконтролираната урбанизација, со тоа што до неа стигнуваат само мал дел од големиот број решенија за легализација на дивоградби и урбанистички планови одобрени од општините.Текстот во целост на: slobodnaevropa.mk 

Македонија | пред 6 години

Александар Филиповски ќе го замени Богоевски

По оставката на Павле Богоевски од пратеничката функција, неговото место во Собранието ќе го добие  Александар Филиповски.Откако ќе биде констатирана оставката на Богоевски, доаѓа следниот од листата  во првата изборна единица.Филиповски е член на СДСМ и доаѓа од нивната општинската организација во Аеродром.Павле Богоевски вчера си поднесе оставка поради скандалот со објавување на снимка во која тој наводно нарачува кокаин. Тој одлуката за оставка ја донел уште кога се самопријави во полициска станица за наводно купување на масло од канабис, а вчера ја изнесе во јавноста и пред пратенците на седницата на Комисијата за мандатно имутетни прашања каде требаше да се гласа за одземање на мандатот на пратеникот во бегство, Никола Груевски. Седницата беше прекината, а гласањето се одложи за од понеделник.

Македонија | пред 6 години

Изгаснат пожарот во Kарпош 4, сопственикот на токсикологија

Пожарот кој избувна во зграда во Карпош 4 е ставен под контрола. Полицијата засега нема информација која е причината за пожарот. Според информациите од терен, еден од станарите е пренесен на Токсикологија поради вдишување чад, и истиот е во стабилна состојба.„Станува збор за стан за 17 кат, кој што е последен на оваа кула што е олеснителна околност за нас затоа што пожарот нема каде да се шири. Во моментот кога пристигнав беше евакуиран еден човек кој што е веројатно сопственик на станот. Според моите сознанија од екипите на брза помош, тој е во добра стабилна состојба. Се работеше околу половина час на гасење на пожарот, и истиот во моментов е под контрола“, изјавија од противпожарната бригада.Пожарот се гасел со вкупно шест противпожарни возила и 15 пожарникари.

Скопје | пред 6 години

(ФОТО) Пожар во зграда во Карпош 4

Пожар избувна во зграда во Карпош 4. Според првичните информации пожарот избувнал во стан на најгорниот кат, но засега не се познати повеќе детали. На местото е пристигнати четири противпожарни возила, полиција и Брза помош.  Станарите од зградата се евакуирани .Не е позната причината за пожарот , ниту предизвиканата материјална штета. 

Скопје | пред 6 години

Изгласан наследникот на Бејли - новиот амбасадор на САД во земјава е Кејт Мари Брнс

Кејт Мари Брнс е изгласана како нова амбасадорка на САД во Скопје која ќе дојде на местото на Џес Бејли, објавено е на официјлната веб страна на Конгресот. Станува збор за дипломат од кариера а досега беше заменик шеф на мисијата на САД во Атина. Засега се уште не е познато кога новата амбасадорка на САД ќе дојде на должноста во амбасадата во Скопје.Северна Македонија ќе напредува со унапредување на човековите права, инклузија на различностите, слобода на медиумите и отворен пазар, рече во меѓувреме Брнс пред Сенатот додека ги претставуваше своите приоритети во Македонија. 

Македонија | пред 6 години

Павле ќе го вработеле на царина да душка дрога?, се вели на Твитер

Голем број реакции на социјалните мрежи предизвика најавата на пратеникот Павле Богоевски дека ќе поднесе оставка од функцијата, по скандалот со набавката на масло од канабис.https://twitter.com/advokat0t/status/1131704283227992070https://twitter.com/Miki08354409/status/1131629953697701888https://twitter.com/ATEHTATOPOT/status/1131599356556185600https://twitter.com/BlackTaurus7/status/1131601601045643264https://twitter.com/ViktoriusPrimus/status/1131647889170718721https://twitter.com/UnDoneOff/status/1131646940851032064https://twitter.com/prkosot/status/1131662102198915072https://twitter.com/moni_gal9/status/1131658588760543232https://twitter.com/advokat0t/status/1131663061960544256https://twitter.com/SmetaloLevo/status/1131669761019056128https://twitter.com/JaneMavcev/status/1131686683718705152https://twitter.com/anafromacedonia/status/1131695761144651776https://twitter.com/KLEPALO_2006/status/1131793488545234944

Магазин | пред 6 години

Важни информации за сите кои тргнуваат на пат

Сообраќајот на државните патишта се одвива по суви коловози.Интензитетот на сообраќај на патните правци надвор од градските средини е зголемен. На граничните премини, од македонската страна, нема подолги задржувања за влез и излез од државата.АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Македонија | пред 6 години

Зекири до Богоевски: Одржа лекција по демократија која вмровците немаат капацитет да ја научат

Пратеникот и заменик претседател на СДСМ, Мухамед Зекири даде поддршка за Павле Богоевски, кој поднесе оставка од пратеничката функција по случајот со снимениот телефонски разговор.„Павле другар, беше и остана симбол на борбата. Покажа и докажа дека пред се си човек и голем борец. Одржа лекција по демократија која вмровците и не само тие, немаат капацитет да ја научат“, истакна Зекири.

Македонија | пред 6 години

(ВИДЕО) Охрид започна со отстранување на палмите по препорака на УНЕСКО

Во Охрид вчера започна отстранувањето на палмите на барање на УНЕСКО, кои од пред неколку години беа засадени на различни локации во рамки на акцијата Ден на дрвото„Се работи за неавтохтони видови, кои ќе бидат заменети со соодветни. Тоа се растенија кои ја загрозуваат локалната автентична флора и фауна. Нивното отстранување не бара долго планирање и тоа можевме да го започнеме веднаш“, изјави Константин Ѓеорѓиевски, градоначаникот на Охрид.Исто така тој најави дека во рок од 30 дена општината ќе изготви регистар на нелегални градби, кои од УНЕСКО се нотирани како еден од најголемите проблеми.

Македонија | пред 6 години

Денеска е Св. Кирил и Методиј

Овие двајца светители се посебно важни за словенските народи. Родени се во Солун, во деветтиот век, во видно византиско семејство.Свети Кирил, кој пред да стане монах се викаше Константин, ги помина сите степени на тогашната наука. Брат му, пак, беше повеќе години управник на една област во струмичко.Двајцата имаа неколку мисии, што се опишани во Панонски легенди, двајцата беа монаси и двајцата се упокоија надвор од своето родно место, имајќи го целиот свет за свој дом, за мисионерско поле.За Словените се важни не само затоа што им ја дадоа азбуката, туку и затоа што ги доведоа пред вратите на вистинската просвета, т.е. пред Христа (во црковнот речник крштението најчесто се нарекува просветување).

Македонија | пред 6 години

Нема фотографија

Сончево со температура до 26 степени

Денеска времето ќе биде сончево со умерена облачност и со слаб западен, а во источните делови умерен северозападен ветер. Попладне ќе биде нестабилно со локален пороен дожд, грмежи и засилен ветер, особено во западните делови.Дневните температури ќе бидат во Скопје 23 Целзиусови степени, Маврово 14, Охрид 18, Битола 21, Кавадарци 25, Крива Паланка и Берово 19, Дојран 26 степени.И утре времето ќе биде сончево со мала до умерена облачност и со слаб до умерен западен ветер. Во Скопје дневната температура ќе достигне до 25 степени, Маврово 16, Охрид 21, Битола 23, Крива Паланка 22, Берово 20, Кавдарци 26, Дојран 28.

Македонија | пред 6 години

Охрид СОС: Владата на СДСМ и ДУИ за неполни 40 месеци, во вода фрли 40 години УНЕСКО!

Драги сограѓани, со жалење ве известуваме дека предлог-одлуката која ќе се најде на четириесети третата седница на Комитетот за светско наследство на УНЕСКО што ќе се одржи 30 јуни – 10 јули2019 г. во Баку (Азербејџан), содржи препорака за преместување на охридскиот регион наЛистата на светско наследство во опасност! Тоа е само еден чекор од бришење од листата наУНЕСКО, што ќе значи загуба на статусот уникатно светско природно и културно наследство!Дали на нашата актуелна влада сега ѝ е јасно дека сите наши предупредувања се темелеа на несоборливи факти и дека не беа само страшни приказни и празни закани? Дали на нашата актуелна влада сега ѝ е јасно дека сдсм и дуи ќе бидат партиите кои го изгубија УНЕСКО статусот токму на четириесетгодишнината од прогласувањето? Наместо да славиме јубилеј и да се гордееме што сме успеале да го зачуваме ова непроценливо богатство кое ни го донесе светот во нашата мала земја и кое нè постави на мапата на најуникатни предели во светот, ние со тежина во градите ќе ја очекуваме конечната одлука што Комитетот за светско наследство ќе ја донесе летово во Баку.Од самиот извештај објавен на страницата на УНЕСКО е очигледно дека по доаѓањето на власт сдсм прекинува дел од проектите на вмро дпмне, што било во насока на исполнување на условите дадени од Реактивната мисија која го посети регионот во април 2017 г., но уште поочигледно е дека УНЕСКО ја обвинува актуелната влада на сдсм и дуи за неисполнување на останатите задолжителни барања од Реактивната мисија што се случило откако сдсм си се раскомотува на власт, бидејќи дуи се веќе одамна раскомотени. УНЕСКО во својот извештај констатира дека двоецот сдсм и дуи нема никаква намера да ја прекине криминалната урбанизација, легализира дивоградби, допушта палење на огромни појаси трска во струшко, дозволува несоодветна и нелегална реконструкција на објекти кои се дел од културното наследство. Се прави дека не гледа и не слуша додека ламтежливо граба од нашите тешко заработени пари и си ги полни веќе преполните партиски џебови без дно. Констатациите во извештајот на УНЕСКО претставуваат меѓународен скандал и светски блам!Охрид ЅОЅ со години се бореше против лудите проекти на вмро дпмне, но не за да дојде сдсм и да го продолжи криминалното лудување во коалиција со дуи онаму каде што вмро дпмне застана! Сме испратиле неброени извештаи, барања и до локалната и до централната власт, претставки до соодветните инспекторати и останати институции, но сдсм реализираше многу малку од она што ние го баравме во интерес на зачувување на целовитоста и исклучителната универзална вредност на регионот. Ним поважен им беше партискиот пазар, мирот во куќа (читај: коалиција), па продолжија со вдомување на неквалификувани партиски кадри во институциите – и свои и на дуи; партиски кадри кои немаат трошка интегритет и кои не знаат што работат, партиски кадри кои не знаат ни да ја именуваат позицијата на која се наместени да земаат народни пари, но се беспоговорни исполнувачи на каква било партиска директива. Традиционално, најоштетени министерства претрупани со неквалификуван партиски кадар се Министерството за животна средина и просторно планирање и Министерството за култура, бидејќи тие не се „важни“ во меѓупартиските пазарења како што е Министерството за економија. Но оваа трагична ситуација во која се наоѓаме сега е јасен доказ за спротивното. Поразителните политики во овие сектори и тоа  како влијаат директно врз економијата, бидејќи криминалната урбанизација не значи само евтин масовен туризам, поголемо загадување и нарушено здравје на граѓаните – значи и несогледливи последици во сите сфери кои допрва ќе ги осознаваме! Регионот има толку посети на годишно ниво токму поради неговиот УНЕСКО статус. Да беше криминалната урбанизација причината за бројот на туристи, празните неплански бетонски градби ќе ги „красеа“ промотивните материјали на туристичките саеми низ светот, а не извонредната природа и бесценетите историски објекти на овој посебен регион.Сдсм предизборно имаа полни усти за живот, слобода, правда и демократија, беа главни заштитници на животната средина, ветуваа мала, ефикасна и професионална администрација. Три години подоцна само продолжија со мижење, одобрување и учество во истиот криминал за кој претходно го обвинуваа вмро дпмне. Дуи, пак, се секогаш за европски вредности – ама во балкански манир.Бараме владата на сдсм и дуи итно да започне со исполнување на сите препораки на Центарот за светско наследство и да спречи регионот поради нејзината неспособност да биде избришан од листата на УНЕСКО!Бараме итен престанок на секакво партиско пазарење и злоупотреба на УНЕСКО регионот како паричка за поткусурување, како услуга за раздолжување после избори!Бараме итно да престане урбаната мафија да ги пишува законите!Бараме сдсм и дуи на дело да почнат да го спроведуваат она што пред секои избори не го вадат од уста – професионални институции кои не се потчинуваат на партиски диктат и кои работат исклучиво во интерес на жителите и напредокот на оваа земја!Бараме конечно во земјава да се врати правната држава на дело, а не на хартија и по партиски памфлети и митинзи!Повторуваме по кознае којпат – според меѓународниот договор што нашата земја го има потпишано, нашата влада е единствено одговорна за заштита и зачувување на вредностите на регионот! УНЕСКО само признава дека имаме нешто вонсериско и извонредно што не постои на друго место во светот, но грижата за тоа богатство да остане такво е исклучива одговорност на македонските институции!Драги сограѓани, од сите вери и етникуми, УНЕСКО статусот е на сите нас! Оваа земја е на сите нас! Од секој од нас зависи дали ќе продолжиме да пловиме заедно или ќе потонеме заедно. Апелираме до секој од вас, пресудно е да се чуе нашиот глас сега! Пресудно е сега да ја спречиме коалицијата на власт да нè посрами пред светот, се вели во соопштението од Охрид СОС. 

Македонија | пред 6 години

Потпишан договор за закуп помеѓу ДТИРЗ и компанијата Герешаимер ќе се вработат 400-тини луѓе

 Претседателот на Владата на Република Северна Македонија, Зоран Заев и Заменик на претседателот на Владата задолжен за економски прашања, Кочо Анѓушев денеска присуствуваа на потпишувањето на договорот за закуп помеѓу директорот на Дирекцијата за технолошки и развојни зони, Александар Младеновски и Оливер Бургел, извршен потпретседател на Герешајмер задолжен за глобални операции, квалитет и набавки.Пред претставниците на компанијата, како и пред медиумите Премиерот Заев, истакна дека станува збор за една од највредните странски инвестиции, светски бренд во производството на амбалажа за медицинска и фармацевтска индустрија, компанија којашто ќе вработи 400-тини луѓе.„Внимателната статистика ќе потврди дека одлуката на Герешајмер да инвестира во Северна Македонија е една од двете инвестиции кои беа договорени непосредно после потпишување на Протоколот за членство во НАТО. Сосема извесно членство во НАТО обезбедува поголема безбедност што ја подобрува можноста на земјата да одржува политичка, но и пред се економска стабилност. Исто така, сосема заслужено, очекуваме ова лето да добиеме и позитивен сигнал, односно одлука за датум за отпочнување на преговорите со ЕУ. Членството во ЕУ значи влегување во голем и развиен пазар со што се зголемуваат перспективите за економски раст“, рече меѓу другото Премиерот Заев.Истакнувајќи дека политичката и економската стабилност, како и влезот на европскиот пазар е најсилната гаранција за привлекување на странските инвестиции, Премиерот Заев најави уште две нови инвестиции. Истовремено информираше дека неодамна, на Виенскиот економски форум неколку компании пројавија интерес за инвестирање во земјата.„Политиките даваат резултат. Креираме позитивен економски амбиент во земјата. Сите крупни политички одлуки досега беа на крајот за економија, за инвестиции, за нови работни места, повисоки плати. Посветеното работење на привлекување на нови реномирани странски инвеститори, на одржување на добри контакти со постоечките инвеститори, но и на поттикнување на домашните компании да ги прошируваат своите капацитети и да инвестираат  во нови капацитети е политика којашто досега беше доминантна и ќе продолжиме сите во таков правец“, подвлече Премиерот Заев.Сите политики на Владата, како што потенцираше Премиерот Заев се во насока на задржување на младите луѓе во земјата.„Компаниите како Герешајмер, со високо ниво на технолошкиот процес, се добредојдени во нашата земја. Продуцираат производи со високо ниво на додадена вредност, внесуваат нови технологии, знаења и вештини.Обезбедуваат квалитетни и подобро платени работни места. Ги остваруваме почитувани граѓани нашите цели. Создаваме шанса за сите граѓани на Република Северна Македонија за подобар живот и за повисок животен стандард“, заклучи Премиерот Заев.Вицепремиерот за економски прашања, Кочо Анѓушев искажа задоволство, што по период од една и пол година, колку што траеше процесот на привлекување на компанијата Герешајмер, се потпишува договор за закуп на градежно земјиште во ТИРЗ Скопје, со што започнува и практичната имплементација на инвестицискиот проект на компанијата. Тој дополни дека задоволството е уште поголемо, бидејќи станува збор за компанија со долга историја на успешно функционирање, од 1864 година, со околу 50 фабрики во 15 земји, на 4 континенти, со околу 10000 вработени и годишен промет од 1,3 милијарди евра.„Токму вакви компании, кои применуваат софистицирани и високо развиени технологии и се потребни за развојот на економијата на Република Северна Македонија. Во оваа компанија ќе се вработат лица со технички и повисоки технолошки вештини и знаења, која ќе обезбеди соодветна работа за младите со високо образование, ќе ги задржи младите и наместо да извезуваме работна сила, да се насочиме кон извоз на производи со додадена вредност. Никој не може да го оспори фактот дека 19 странски компании градат нови фабрики во нашата земја, дека имаме рекордни 624 милиони евра странски директни инвестиции во минатата година, но ние не сме сосем задоволни, ќе работиме уште понапорно и поагресивно за постигнување на позитивни економски резултати“, нагласи вицепремиерот Анѓушев.Директорот на ДТИРЗ, Александар Младеновски истакна дека оваа светски позната компанија за прв пат инвестира во Југоисточна Европа и токму во Република Северна Македонија, како резултат на стабилните и предвидливи политики.„Германскиот Gerresheimer, со седиште во Дизелдорф е глобален лидер во производство на пластична и стаклена медицинска амбалажа. Со  производство, кај нас, предвидено е да стартува во средината на наредната година. Инвестицијата ќе биде во пет фази со што во првата фаза ќе бидат отворени 400 нови работни места, за високо едуциран кадар од Република Северна Македонија“, рече Младеновски.Изразувајќи го своето задоволство за новата инвестиција, Младеновски додаде дека ДТИРЗ и натаму ќе биде институција којашто ќе им помага на сегашните и на сите идни инвеститори.„Посетивме многу земји, но се одлучивме да инвестираме во Северна Македонија поради 3 причини, односно тука има млад, амбициозен кадар, којшто сака да работи, потоа наидовме на одлична инфраструктура и трето добиваме континуирана поддршка од Владата и од сите надлежни институции кога и да наидеме на некаков проблем“, потенцираше Оливер Бургел, извршен потпретседател на Герешајмер задолжен за глобални операции, квалитет и набавки.

Македонија | пред 6 години

(ВИДЕО) Трошењата на новиот претседател ќе бидат на увид на јавноста преку Алатката за отчетност

Министерот задолжен за комуникации, отчетност и транспарентност, Роберт Поповски денеска се сретна со Претседателот на Република Северна Македонија, Стево Пендаровски. На средбата, министерот Поповски и Претседателот Пендаровски разговараа за Алатката за отчетност, на којашто се прикажани трошоците на министрите, замениците – министри и на директорите на јавните претпријатија.Во продолжение Ви го испраќаме во целост текстот на изјавата на министерот Поповски:„Пред сè, ми претставува особено задоволство што имав можност, на Претседателот на државата и лично да му честитам на изборот. Ова е наша прва официјална средба. Она што е значајно од средбата, е тоа што претседателот Пендаровски искажа целосна подготвеност начинот на неговото работење и сето она што значи користење на буџетските средства како Претседател на државата да ги стави на увид на јавноста.Тоа значи дека онаа Алатка за транспарентност, што Премиерот, министрите во Владата, заменици-министри, директори на јавни претпријатија, веќе во неколку извештајни периоди ја користат и ја презентираат пред граѓаните, ќе биде на своевиден начин прилагодена согласно начинот на кој функционира кабинетот на Претседателот и тие трошења ќе бидат на увид на јавноста.Ова е огромна разлика во споредба со претходниот претседател Иванов, кој што воопшто немаше намера да ги презентира трошоците и начинот на работење пред граѓаните. Беше целосно нетранспарентен.Да ја потсетам јавноста, од кога беше воведена Алатката за транспарентност во Владата и предложена на јавните претпријатија, јас мојот кабинет побара да ја употреби и претседателот Иванов. Тој, тоа на најдрастичен начин го одби и кажа дека едноставно нема потреба од такво нешто.Значи, сега конечно, имаме Претседател, имаме кабинет на Претседателот што ќе биде целосно отворен, транспарентен и целото свое работење и начинот на којшто ги менаџира и средствата и политиките ќе бидат достапни и презентирани пред граѓаните“.

Македонија | пред 6 години

(ФОТО) Се судрија и превртија камион и комбе пред преминот Плетвар

Сообраќајна несреќа на патниот правец Кавадарци – Прилеп пред преминот Плетвар. Двајца се полесно повредени при сообраќајната несреќа што се случила претпладнето на патот Градско-Прилеп, на 20-ина километри под превојот Плетвар.Повредените се префрлени во прилепската градска болница на испитување и на лекување.Поради сообраќајната несреќа имаше прекин во одвивањето на сообраќајот.

Македонија | пред 6 години

Регистрирани 105 нови случаи со морбили, досега вакцинирани 27.000 лица низ државата

Д-р Жарко Караџовски од Институтот за јавно здравје, член на Комисијата за заразни болести во рамки на Министерството за здравство, денеска информираше за актуелната состојба со морбили во државата.- Заклучно со денешниот ден се регистрирани вкупно 105 нови случаи на морбили, од кои 49 во Скопје, а 56 во другите градови низ државата. Вкупно досега со ова заболување се регистрирани 1.625 пациенти. Ова е најголема бројка на заболени од морбили во последните 25 години, посочи д-р Караџовски.Во однос на најновите 105 случаи, д-р Караџовски потенцираше дека 77,1% се невакцинирани лица, вакцинирани само со една доза или лица за кои воопшто нема податок за вакцинален статус.- Досега вкупно 27.000 лица се вакцинирани од почетокот на епидемијата, меѓутоа уште 15.600 лица се подложни на вакцинација, чувствителни на вирусот, а досега не се вакцинирани. Токму затоа, како епидемиолог, апелирам да се продолжи со вакцинацијата, истакна д-р Караџовски.Инаку, од медицинскиот персонал досега се вакцинирани вкупно 1.246 здравствени работници.

Македонија | пред 6 години