ГЛАВНИ-ВЕСТИ

(ВИДЕО) Метлата на Заев „заигра“ во општинските организации - разрешени сите претседатели

Премиерот Зоран Заев денеска изјави дека донел одлука за разрешување на сите претседатели на општински ограноци на СДСМ.-Синоќа донесов одлуки, а денеска е ред да ги споделам – ќе бидат изработени решенија од страна на администрацијата на СДСМ и во текот на денов ќе ги потпишам решенијата. Одлуката е – се разрешуваат сите претседатели на општински ограноци на СДСМ. Сакам да им се заблагодарам на сите за активноста, работата, служењето на граѓаните, како претставници на локално ниво на најголемата владејачка партија, на сите претседатели на оние општински организации каде се победи на изборите. Апелирам да бидат повторно кандидати, нека се кандидираат на следниот конкурс кој уште идната седмица ќе биде објавен во постапка, изјави Заев по работниот појадок со бизнисмените што се одржа во хотелот Хилтон.Тој информира дека разрешувањата се во вкупно 78 општински организации. Органите и телата на СДСМ веднаш ќе донесат одлука за отпочнување постапка за избор на нови раководства. 

Македонија | пред 6 години

Нема фотографија

Богоевски: Мојот глас за одземање на мандато на Груевски ќе биде последен во ова Собрание

Пратеникот Павле Богоевкси на расправата во Комисијата за мандатно имунитетни прашања рече дека донел одлука да се повлече од пратеничката функција. Тој ги повика институциите да ја утврдат неговата одговорност за набавката на маслото од канабис. „Гласот за одземање на мандатот на Никола Груевски ќе биде мојот последен глас во ова Собрание.Оваа одлука ја донесов веднаш по скандалот во моментите кога се само пријавував во полиција. Факт е дека без разлика на причините за набавката на маслото од канабис за мое блиско лице, сум сторил незаконски акт. Мојата пратеничка функција може да се перцепира ќе влијае врз постапката која органите ќе ја водат за нелегалното снимање, како и постапката за набавката на канабис.Не би сакал мојата функција да влијае врз правосудните органи. Ги повикувам органите на прогонот да утврдат одговорност кај мене, но и кај оние кои противправно снимале и набавиле“, рече Павле Богоевски.

Македонија | пред 6 години

Павле Богоевски најави оставка од функцијата пратеник

Пратеникот Павле Богоевски на Комисијата за мандатно-имунитетни прашања најави негова оставка. Тој рече дека ќе поднесе оставка откако ќе се изгласа одземање на мандатот на пратеникот и бегалец Никола Груевски. Богоевски рече дека одлуката ја донел уште откако сам поднесе пријава во полициска станица.Ваквото изјаснување следуваше откако претходно пратениците на ВМРО-ДПМНЕ побараа прва точка на комисијата да биде оставката на Павле Богоевски.

Македонија | пред 6 години

Функционер на ВМРО-ДПМНЕ од Прилеп, физички нападнал колега

Стоматологот, Благоја Бисеркоски, пријавил во полиција дека бил нападнат од свој колега, 42-годишниот Петар Ристески.Ристески дипломиран стоматолог, советник на ВМРО-ДПМНЕ во Општина Прилеп и координатор на советничката група на оваа партија.Од МВР од Прилеп сѐ уште не откриваат точни детали за вчерашниот инцидент.На својот фејсбук профил се огласи и нападнатиот, стоматологот Благоја Бисеркоски :„Само да ве информанира дека сношти околу 20.45 часот, отидов во слаткарницата „Дизниленд“ и надвор седеше Петар Ристески, кој ме пречека со еден куп вулгарности на моја сметка и на сметка на мојата фамилија. На излегување продолжи да ме навредува мене и мојата фамилија, за тоа да кулминира со физички напад. Бев удрен со бокс од позади во левата страна од главата. За среќа едно другарче што седеше со него го спречи и го задржа да не продолжи понатаму. Следуваше пријава во полиција, записник, прекршочна пројава“, напиша Бисеркоски.

Македонија | пред 6 години

Кекеновски до Димитриев: Немој со така евтини и проsирни финти

Професорот, Јове Кекеновски, му порача на пратеникот и поранешен премиер, Емил Димитриев, дека има право да гласа за одземање на мандатот на осудениот екс премиер, Никола Груевски.Димитриев вчера изјави дека „не може да одземе нешто што не дал.“Кеконовски му објасни на Димитриев дека гласал за мандатот при конституирање на Собранието.„Пратенику Димитриев отвори го Деловникот и прочитај ги членовите 11 – 19. По поминати толку години во извршната и законодавната власт белким не заборави дека постои Верификациона комисија која на почетокот на конституирањето на секој состав на Собранието го верификува мандатот на секој пратеник.Со самото твое гласање (како пратеник) за Извештајот на Верификационата комисија и ти си учесник во давањето мандат на дотичниот.Драг Димитриев немој со така евтини и проsирни финти“, му порача Кекеновски на Димитриев.

Македонија | пред 6 години

Нема фотографија

Денес ќе се гласа за одземање на мандатот на Груевски

Денеска во 11 часот закажана е седницата на собраниската Комисија за мандатно-имунитетни прашања на која ќе се расправа за одземање на пратеничкиот мандат на експремиерот Никола Груевски.За одземање на мандатот на Груевски на пленарна седница потребно е двотретинско мнозинство, односно за тоа да гласаат 80 пратеници, за што е потребно и поддршка од опозицијата.Седницата е закажана врз основа на претходно известувањето од претседателот на Собранието на Република Северна Македонија, доставено на 15 мај.Според член 59 од собранискиот Деловник, за пратеникот кој неоправдано отсуствувал од седниците на Собранието повеќе од шест месеца, претседателот на Собранието ја известува Комисијата за деловнички и мандатно-имунитетни прашања. Предлог за одземање на мандатот на пратеник во овој случај, поднесува Комисијата за деловнички и мандатно-имунитетни прашања, во рок од 15 дена од денот на добивањето на известувањето од претседателот на Собранието, а по нејзиниот предлог за одземање на мандатот на пратеникот, Собранието води претрес на првата наредна седница.Пратеникот и поранешен премиер Груевски лани, во ноември избега во Унгарија каде доби статус на политички азилант. Покрај правосилната пресуда од двегодишна затворска казна, тој е осомничен и за организирање на собраниските настани од 27 април.

Македонија | пред 6 години

Таравари: Ако излезев на гласање ќе мислеа дека сум гласал за Силјановска

Арбен Таравари, градоначалникот на Гостивар вечерва во гостувањето на ТВ 21 ја објасни причината зошто не гласаше на претседателските избори.-Ако излезев на гласање, сите ќе мислеа дека сум гласал за Силјановска, изјави Таравари.

Македонија | пред 6 години

(ВИДЕО) Мечка трча низ струшкото село Радожда

Мечка трча на патот во селото Радожда кај Струга, а случајни минувачи видео од уплашеното диво животно кое трча пред возилото испратија до нашиот портал.ВИДЕО: 

Македонија | пред 6 години

Грешка во гласовите од жирито на Евровизија, по исправката нашата Тамара е прва од стручното жири

Европската радиодифузна унија реагираше по грешката на белоруското жири на Евровизија 2019 година. Од таму сега објаснуваат дека навистина се случила грешка и поради тоа резултатите се променети.Нашата претставничка, Тамара Тодевска се претстави со песната „Proud“, па бевме горди на 8-то место. Сега, Тамара Тодевска објави статус на кој ја искажа својата возбуденост и неверување поради грешките во гласањето на финалната вечер. ЕБУ штотуку потврдија грешка во белоруското гласање, па така, нашата земја е прва од жирито и седма во финалето на Евровизија.„Каква прекрасна вест. ЕБУ само што потврди дека поради грешка во Белоруското гласање, нашата земја е всушност прва од жири и седма во финалето на Евровизија. Не можам да ви опишам колку сум среќна! Ве сакам сите“, напиша Тамара на социјалната мрежа фејсбук.https://www.facebook.com/tamaratodevska/posts/10157145282706113

Македонија | пред 6 години

На хируршкото одделение во струшката болница од морбили заболени 9 вработени од вкупно 56

Заменик министерот за здравство, д-р Асим Муса денеска пред Општата болница во Струга даде изјава за медиуми по вчерашната информација дека хируршкото одделение е затворено поради заболување на 50% од медицинскиот персонал од морбили (мали сипаници).„Од 56 здравствени работници кои се вработени во ова одделение, во моментов 9 од овие 56 се заболени од морбили, додека пак 5 здравствени работници имаат прележано и се на своето работно место. Не е точна бројката од 50%, туку се заболени 16% од вработените“, изјави заменик министерот Муса.Во Општата болница, 70% од вработените се вакцинирани. Оние кои не се вакцинирани ќе бидат вакцинирани во најкраток период со МРП вакцина. Хируршкото одделение ќе биде затворено една недела, а пациентите и понатаму ќе ја имаат потребната неопходна здравствена заштита. Тие ќе бидат испраќани во Охрид и Битола.Од почетокот на епидемијата до сега, во Центрите за јавно здравје, дополнително се вакцинирани вкупно 1.780 лица, од нив повеќе од 65% се здравствени работници, студенти и ученици во средните медицински училишта, останатите се контакти и лица над 14 годишна возраст.Вкупниот број на вакцинирани лица на возраст до 14 години со МРП вакцина од почетокот на епидемијата во целата република изнесува 25.808. Вакцинацијата е единствената мерка за спречување на ширење на епидемијата од морбили и подигнување на колективниот имунитет.

Македонија | пред 6 години

Нема фотографија

Пратениците го изгласаа Законот за Агенцијата за национална безбедност

Со 91 глас „за“ пратениците го изгласаа Законот за Агенцијата за национална безбедност.Иако Фросина Ременски не е задоволна од финалната верзија, и и беа одбиени речиси сите амандмани од министерот Спасовски, таа гласаше ЗАМинистерот Спасовски истакна дека законот е добар и додаде дека се прави важна реформа во тајните служби.И опозициските пратеници на ВМРО-ДПМНЕ го поддржаа овој закон, заедно со независната пратеничка група.

Македонија | пред 6 години

(ФОТО) Минарето во Охрид доби кровна купола

Градбата на минарето во Охрид влезе во завршна фаза и тоа ја доби кровната купола, со што се исцрта неговата висина која засега е непозната, но е очигледно дека нема да е високо 36 метри, како што до сега се тврдеше во медиумите.Конусната купола се наѕира и зад зелената заштитна ограда, а врвот на куполата е видлив и над скелето.Скопје1.мк прв објави дека во пред изборите власта на Премиерот Зоран Заев и инвеститорите како и ИВЗ договориле минарето да биде високо 25 метри.

Македонија | пред 6 години

МВР поднесе кривична пријава за поранешниот претседател и членови на Регулаторната комисија за енергетика

Денеска  Одделот за сузбивање на организиран и сериозен криминал поднесе кривична пријава против лицата Д.П. (51), вработен како Претседател и член на Регулаторна комисија за енергетика на Република Северна Македонија до јуни 2018 година, С.Ј. (61), вработена како член на Регулаторна комисија за енергетика на Р. С. Македонија, В.К. (65), вработен како член на Регулаторна комисија за енергетика на Р. С. Македонија до март 2017 година и Е.М.В. (51), вработена како член на Регулаторна комисија за енергетика на Р. С. Македонија до декември 2017 година, а поради постоење основано сомнение дека сториле кривично дело - “злоупотреба на службена положба и овластување“ по чл.353 став 1 од КЗ на РСМ.Имено, пријавените во својство на службени лица, Претседател и членови на Регулаторна комисија за енергетика на Р. С. Македонија, со искористување на својата службена положба и овластување и со пречекорување на границите на своето службено овластување, постапиле спротивно на Законот за енергетика и Правилникот за лиценци за вршење на енергетски дејности, при што во декември 2012 година на три правни субјекти им доделиле лиценци за вршење на енергетски дејности (регулирано производство, дистрибуција и снабдување со топлинска енергија), без при тоа да бидат исполнети условите и критериумите објавени во ноември 2012 година со Јавен повик за избор на носител на лиценца за регулиран производител на топлинска енергија, Јавен повик за избор на носител на лиценца за дистрибуција на топлинска енергија и Јавен повик за избор на носител на лиценца за снабдување на топлинска енергија.Според документираните сознанија од истрагата тие, кршејќи ги одредбите одЗаконот за енергетика и Правилникот за лиценци за вршење на енергетски дејности,во декември 2012 година, донеле Одлука за издавање на лиценца за вршење наенергетска дејност производство на топлинска енергија од страна на регулиранпроизводител, на правното лице Производство на топлина Балкан Енерџи ДООЕЛ,Одлука за издавање на лиценца за вршење на енергетска дејност дистрибуција натоплинска енергја на правното лице Дистрибуција на топлина Балкан Енерџи ДООЕЛ иОдлука за издавање на лиценца за вршење на енергетска дејност снабдување сотоплинска енергија на правното лице Снабдување со топлина Балкан Енерџи ДООЕЛ.Покрај ова пријавените, од позиција на Претседател и членови на Регулаторна комисија за енергетика на Р. С. Македонија, ја злоупотребиле својата службена положба и овластувања и ги пречекориле границите на своите службени овластувања, и со тоа што во 2013, 2014, 2015, 2016 и 2017 година, противправно и спротивно на Правилникот за цени и системски услуги, донеле Одлуки за утврдување на регулиран максимален приход за производство на топлинска енергија за греење, надоместок за системски услуги и системска резерва и тарифен став за произведена топлинска енергија, Одлуки за утврдување на регулиран максимален приход и тарифни ставови за вршење на енергетската дејност снабдување со топлинска енергија и Одлука за утврдување на регулиран максимален приход за вршење на дејноста дистрибуција на топлинска енергија, со што на правните субјекти на кои претходно, противправно, им доделиле лиценци за вршење на енергетски дејности им се признавал трошок поголем од дозволениот и со тоа им било овозможено да остварат приход поголем од регулираниот дозволен максимален приход.Со преземање на горенаведените дејствија, односно со носење одлуки спротивно на Законот за енергетика, Правилникот за лиценци за вршење на енергетски дејности и Правилникот за цени и системски услуги, Д.П., С.Ј., В.К. и Е.М.В. му овозможиле на правното лице Дистрибуција на топлина Балкан Енерџи ДООЕЛ, а на штета на граѓаните - да оствари противправна имотна корист во вкупен износ од 409.549.941 денари или 6.659.349 евра.

Македонија | пред 6 години

Комплетиран составот на претседателскиот кабинет, еве кои се соработниците на Пендаровски

Генерален секретар во кабинетот на претседателот Стево Пендаровски ќе биде Миле Бошњаковски, кој досега ја извршуваше функцијата портпарол на Владата. Шеф на протокол ќе биде Билјана Мицевска, а одговорна за односи со јавноста ќе биде Катерина Цаневска. Прес-офицер пак од сега ќе биде Билјана Радева.Пендаровски се одлучи  советник за национална безбедност да му биде Блерим Кољари, Александар Спасов како надворешен консултант ќе ја врши функцијата на советник за внатрешна и надворешна политика.Советници во кабинетот ќе бидат и Тоше Зафиров, Љуљета Адеми и Гоце Карајанов.Во сферата на надворешната политика, надворешни советници ќе бидат поранешните шефови на дипломатијата Александар Димитров и Денко Малески и поранешниот амбасадор во Австрија, Сашо Тавчиовски.Надворешни советници за правни работи ќе бидат и професорката Беса Арифи и поранешата судијка Мирјана Лазаревска Трајковска. 

Македонија | пред 6 години

Ерол Муслиу - нов директор на Агенцијата за разузнавање

Од Кабинетот на претседателот Стево Пендаровски информираа дека нов директор на Агенцијата за разузнавање на Македонија ќе биде Ерол Муслиу.Муслиу во изминатите неколку години работи токму во оваа агенција, а претходно работел и во Управата за безбедност и контраразузнавање. Тој доаѓа на местото на Зоран Иванов, кој во март 2017 година со одлука на поранешниот претседател Ѓорге Иванов стана директор на Агенцијата за разузнавање.Во склоп на промената на кадрите со преземањето на претседателската фотелја, Пендаровски во следните неколку дена ќе постави и нови членови во националниот Совет за безбедност, кој го сочинуваат претседателот на државата и Собранието, премиерот, како и министрите кои раководат со органите на државната управа од секторот за безбедност, обрана и надворешни работи.Дополнително, ќе бидат назначени и тројца нови членови од претседателот на Македонија. 

Македонија | пред 6 години

(ВИДЕО) Борисов го возеше Ципрас со џип, денес започнува изградбата на интерконекторот за гас меѓу Грција и Бугарија

Бугарскиот премиер Бојко Борисов го пречека својот грчки колега Ципрас, па се возеа во џип, до местото каде што е планирано да помине интерконекторот за природен гас меѓу Грција и Бугарија.Во јужниот дел на соседна Бугарија, во селото Кирково денеска двајцата премиери ќе го означат почетокот на изградбата на интерконекторот меѓу двете земји.Борисов истакна дека во овој дел од земјата има граѓани од повеќе вери и малцинства, бугари, турци, мулимани, православни, грци и други кои живеат убаво доколку никој не ги провоцира.Медиумите од соседството пренесуваат дека Борисов и Ципрас ќе одржат состанок со четири очи за да разговараат за соработката помеѓу Бугарија и Грција, како и енергетските, инфраструктурните и транспортните врски во балканскиот регион.https://www.facebook.com/boyko.borissov.7/videos/vb.100006542380422/2441823989378990/?type=2&video_source=user_video_tab

Свет | пред 6 години

(ВИДЕО) Од 28 мај во оптек новите банкноти од 100 и 200 евра, тешки за фалсификување, отпорни на перење, пеглање

Европската централна банка во Франкфурт го претстави новиот изглед на банкнотите од 100 и 200 евра кои ќе бидат во оптек од 28 мај. Станува збор за серија банкноти наречени Европа. На банкнотите доминираат карактеристиките на Европа, прекрасната феникиска принцези и божица по која го добил името Стариот континент.Како безбедносна мерка на банкнотите ќе биде мал симбол на еврото (€) со цел да се намали или целосно да се спречи фалсификувањето на единствена европска валута.Со новиот систем на заштита, банкарите и трговците треба релативно лесно да ги препознаат фалсификуваните примероци, а покрај новиот дизајн банкнотите се многу поквалитетни изработени од оние од првата серија.

Свет | пред 6 години

(ВИДЕО) Талат Џафери во телевизиско шоу со водителот игра “Бззз”

Претседателот на Собранието, Талат Џафери, во телевизиско интервју покажа дека знае и да биде опуштен и дека знае да се забавува. Тој  гостуваше во телевизиско шоу на косовската телевизија 21РТВ и со водителот ја играше играта со раце позната како „Бззз“.Погледнате го видеото...

Македонија | пред 6 години

Независните пратеници нема да гласаат против Груевски

Претседателот на Комисијата за мандатно-имунитетни прашања, Павле Богоевски за во четврток ја закажа седницата на која точка на дневен ред ќе биде одземање на пратеничкиот мандат на Никола Груевски. Седницата е закажана за в четврток (23 мај) во 11 часот. На неа ќе се расправа за известувањето за Груевски кое Талат Џафери минатата недела го достави до Комисијата.Неофицијално, според извори блиски до Независните пратеници, тие иако не кажуваат, нема да гласаат за одземање на неговиот мандат. Ова е бидејќи додека Груевски беше на чело на ВМРО-ДПМНЕ, тие беа назначени за пратеници, но и беа блиски до него. Официјален став од Независната пратеничка група на ВМРО-ДПМНЕ и коалицијата се уште нема. Пратеничката Нола Илмајловска-Старова на прес-конференцијата одби да одговори на ова прашање.Груевски кој доби политички азил во Унгарија е повеќе од шест месеци отсутен од државата. Доколку надлежната комисија предложи одземање на мандатот после тоа треба да го потврдат и пратениците на собраниска седница.

Македонија | пред 6 години

Иронијата е што споменици од „Скопје 2014“ се дел од светското културно наследство, додека Охрид го губи тој статус

Откако УНЕСКО во последниот извештај нотираше дека Охридскиот регион може да биде ставен на листата загрозени светски културни наследства, на „Твитер“ излегоа бурни реакции.https://twitter.com/jocoska/status/1131068376409956352https://twitter.com/mojokilingtonhttps://twitter.com/nezenzabar/status/1130818191305924608https://twitter.com/imimnone/status/1130872574794260480https://twitter.com/LawyersHumanhttps://twitter.com/Neo38037098/status/1130873229063655424https://twitter.com/ketrinkejtn/status/1130895620938633222https://twitter.com/mei_botata/status/1130862313408487425 

Македонија | пред 6 години

„Комити“ за на Парадата на гордоста: Замолуваме да не ни го промовираат тоа што ги прави нив среќни како вистинска трајна вредност

Навивачката група „Комити“ реагираше на организирањето на Парада на гордоста на својата Фејсбук страна.‘Парада на Гордоста’ од нашата младост… Да не дозволиме тој не вин слоган биде злoyпотребен и искористен како параван за спроведување на една глобална цpнa агенда за депопyлациja на населението и бpишeњe на идентитетот на еден мал но горд народ, кој се бopи да го сочува тоа што е и треба да биде, сега, секогаш и во вечни векови! Децата треба да растат со мајка и татко, а сите оние кои имаат поинакви афинитети, склоности или амбиции се слободни во својот избор и никој не ги диckpиминира. Никој не ги  спречува да продолжат да го прават тоа што ги усреќува и исполнува, но ги замолуваме да не ни го промовираат тоа што ги прави нив среќни како вистинска трајна вредност, затоа што тоа не е ништо помалку од агpecија, гpyбо нacилство и погpeшна едукација за младите генерации кои треба еден ден да бидат носители на Македонската државност. Ве молиме да не ни ја вpeѓате интелигенцијата и да не навлегувате во нашата интимнocт! Ви благодариме однапред. #МажЖенаДетеВардар #ЖенаМажДетеВардар #ДетеМажЖенаВардар #ДетеЖенаМажВардар #СитеМожниКомбинации, стои во објавата.Инаку, првата Парада на гордоста (Skopje Pride) за правата на ЛГБТ заедницата во земјава ќе се одржи на 29 јуни.

Македонија | пред 6 години

(ФОТО) Владата, Собранието, судот добија златни метли

ОПЕРАЦИЈА „ЗЛАТНА МЕТЛА“ - за пролетно (про)чистување со стил, на својата гејсбук страна обајвија фотографии од метли доставени до државни институции.Од ОПЕРАЦИЈА „ЗЛАТНА МЕТЛА“ пишуваат:Единицата за брзи артивистички акции си постави за цел да ја мотивира Владата да се фати за најавената метла и да почне од сопствениот двор! Како!? Со ЗЛАТНА метла! Метлата не е обична, туку златна, зашто тоа е единица мерка за (нечие) богатство, симбол за човечката лакомост, но реално со златна метла, многу полесно се работи. За разлика од обичната метла, оваа предизвикува прекрасни чувства додека се користи, без разлика дали се користи за хигиенско чистење, ментално (про)чистување или пак кадровско чистење. Златната метла е решение за сите општествени проблеми. Единицата за брзи артивистички акции, со оваа златна метла, сака да го потсети Премиерот на мудроста: што можеш да завршиш денеска, не оставај за утре! Златни метли не подаривме само на Владата, туку и на: Град Скопје, скопските општини, министерствата, Собранието, Јавното обвинителство... а една златната метла, стана и споменик во чест на херојската акција да се исчисти корупцијата и да се живее во здрава средина и хармонија со законите на државата. Очекуваме метлата да почне да „игра“. Друго е ова, ЗЛАТНА е!

Македонија | пред 6 години

Малолетник од Скопје полово малтретиран од друго дете

СВР Скопје поднесе кривична пријава против 14-годишник од Скопје поради постоење основи на сомнение за сторено кривично дело „полов напад врз дете“.На 11.05.2019 година во 21.30 часот пријавениот извршил други полови дејствија над 13-годишно момче од Скопје.

Македонија | пред 6 години

Во Тетово исчезна шестгодишно дете од Прилеп

На 20.05.2019 година во 11.30 часот во СВР Тетово, Е.М.(29) од Прилеп пријавил дека на 18.05.2019 година околу 21.00 часот, неговиот шестгодишен син додека се играл на детско игралиште во забавниот парк на Спортскиот центар во Тетово, се изгубил.Се преземаат мерки за пронаоѓање на детето.

Македонија | пред 6 години

Владата се правда, Охридскиот регион долги години беше лошо управуван, постапуваме по препораките на УНЕСКО

Владата на Република Северна Македонија пристапува со внимание и сериозност кон комплексните состојби со кои се соочува светското природно и културно наследство во Охридскиот регион години наназад. Долгогодишното лошо управување со регионот и мегаломанските проекти кои беа закана за езерото и националниот парк беа причина УНЕСКО да испрати мониторинг мисија во април 2017 година. Од почетокот на својот мандат, Владата активно се посвети на решавање на проблемите во регионот, во соработка со општините и граѓанскиот сектор.Оваа предлог одлука, која не е финална, треба да биде стимул за сите институции и за граѓаните да се работи со поголем интензитет за да го зачуваме нашето уникатно светско наследство. Владата смета дека е остварено поместување во исполнување на препораките, и дека крајната одлука треба тоа јасно да го рефлектира.Преостанува уште работа и во наредниот период фокусот ќе биде ставен на исполнување на останатите препораки на УНЕСКО и тоа мора да биде остварено бидејќи природното и културно наследство на Охридскиот регион не припаѓа само нашата земја, туку на целиот свет.

Македонија | пред 6 години