ГЛАВНИ-ВЕСТИ

Апасиев: Шарена револуција разочара многу луѓе и затоа е оваа апатичност

Бојкотот на вториот круг на претседателските избори на 5 мај е контрапродуктивен и не може да се поистоветува со ситуацијата за референдумот, вели професорот по уставно право и претседател на „Левица“ Димитар Апасиев во гостување на Алфа.Дециден е дека за разлика од референдумот во 2018, каде што тој го заговараше бојкотот како легитимна опција за политички цели, сегашниот бојкот на претседателските избори, а особено на решавачкиот втор круг е несериозно однесување.-Сега е прашање дали ќе биде постигнат цензусот кој води до легитимен избор на новиот претседател на државата. Луѓето се станати апатични по разочарувањата од власта – очекуваа реформи а не ги добија. Ја разбирам разочараноста од партиите, но сега станува збор за личен избор, а не партиски. Негласањето води до две сценарија, намалување или целосно бришење на цензусот и избор на новиот шеф во Собранието. Ако власта имаше слух на пораките од народот, предвремени парламентарни избори досега ќе имаше по неуспешниот референдум. Залудно е бојкотирачите сега да се надеваат дека во случај на неуспех, Заев ќе распише предвремени избори. Во историја на Македонија не се случило вакво фијаско на владејачка гарнитура за две години да изгубат толку многу гласачи. Затоа нема да има нови избори, па ќе глумат демократија. Бојкотот и одговара на власта затоа што им отвора простор за фалсификати. Шарена револуција разочара многу луѓе и затоа е оваа апатичност – една кнедла која остана закочена и не го добивме она за што се боревме, коментира Апасиев.

Македонија | пред 6 години

Заев поднел оставка оставка од Советот за судски реформи

Премиерот Зоран Заев на синоќешната тринина во Куманово во рамки на претседателската кампања за поддршка на Стево Пендаровски рече дека повеќе не е претседател на Советот за судски реформи. Овој одговор тој го даде на сгестија од посетител кој рече дека еден премиер не треба да предводи таква комисија.- Си дадов оставка од Советот за судски реформи, не сум веќе таму претседател. Морав да бидам на почетокот за тој да се раздвижи, а сега на чело е министерката за правда Рената Треневска Дескоска - рече Заев пред присутните граѓани.

Македонија | пред 6 години

Заев ќе ги смени оние кои не си ја завршиле работата, но нема да ги остави „без леб“

Премиерот Зоран Заев на изборна трибина во Куманово порача дека „метлата“ што претходно ја најави за функционерите кои не покажале резултати „ќе замете и кај власта и кај опозицијата“.-Ред е и чесно е да се признае грешка. Не сме сјајни, ама сме отворени, чесни сме и транспаретни. Кога ќе не искритикуваат знаеме да се повлечеме и да прифатиме критика. На времето тоа не беше можно, рече премиерот и додаде дека целта со „метлата“ е секој  функционер, кој нема доволно трпение, кој се покажал дека не може да ги менаџира граѓаните, да се смени. Треба, истакна, сите да знаат дека секој оној кој не можел да ги слушне граѓаните,кој не си ја завршил својата работа и не испорачал резултати ќе го сменам. Оти ако не го направам тоа, ќе ме смени мене народот. И тоа е редот, но притоа никој на патот не го фрламе, никој нема да го оставам без леб.Тој потенцира дека истовремено како што се однесува таа метла за власта, од СДСМ и сите други, метлата ќе фати и на друга страна оти, посочи, Заев вети дека нема да ја брка јавната администрација, и не ја бркаме.– Договори каде завршија беа прекинати. Државната администрација 11 години беше полнета од ВМРО-ДПМНЕ. Не им фалеше влакно од главата. И сега Заев е добар, Заев е кроток, Заев е мирен, ама Заев со научен занает со метлата можам да им кажам дека ќе изметеме се и ќе сјае во Македонија. Ние сме добри луѓе, но не сме глупави и наивни. Почнаа списоци да прават како од времето на режимот, рече Заев.Тој истакна дека воделе политики со кои се воделе од тоа  никој да не губи работно место за да се вработи друг бидејќи нема среќа на туѓа несреќа, но оти од друга страна имало кочење на процесите во држвата и опструкции на секој чекор.– Треба да знаат дека нашата добрина ќе застане и оти секој мора да си ја завршува својата работа.Така што, метлата ќе замете тука кај власта, ама ќе замете и кај опозицијата затоа што пресериозни процеси се пред нас и ќе ги истераме, потенцира Заев.Посочи  дека  очекува Антикорупциската комисија, која излезе минатата недела со укажувања за претставници на власта, оваа недела да излезе и за опозицијата, бидејќи, како што рече, тие беа пример за непотизам.

Македонија | пред 6 години

Ранети над 50 луѓе во Венецуела: Оклопни возила газат цивили, ситуацијата тензична

Насилствата во Венецуела се разгореа, откако лидерот на опозицијата Хуан Гваидо ја повика војската да помогне во соборувањето на претседателот Николас Мадуро, а САД го зголемија притисокот за промена на власта. Илјадници Венецуелци денеска излегоа на улиците на главниот град Каракас за поддршка на она што Гваидо го нарече „завршна фаза“ во преземањето на власта, додека неговите поддржувачи се собраа пред воздухопловна база.Во судирите меѓу поддржувачите на Гваидо со безбедносните сили има 50-тина повредени.Претставници на владата на Мадуро ги осудија постапките на Гваидо, како обид за државен удар и рекоа дека ја задржуваат поддршката од војската. Министерот за одбрана Владимир Падрино во обраќање до јавноста во придружба на луѓе во униформи рече дека војската ќе продолжи да ја брани „легитимната власт“.Во меѓувреме, советникот за национална безбедност на САД Џон Болтон рече дека администрацијата на Трамп очекува тројцата највисоки функционери, меѓу кои и министерот за одбрана и претседателот на Врховниот суд, да постапат според, како што рече, приватните ветувања дека Мадуро ќе биде отстранет од власт. Болтон не даде објаснвања за неговата изјава. Тој кажа дека Трамп ја следи ситуација од минута во минута и дека очекува мирно предавање на власта од Мадуро.Додека двајцата опозициски лидери ги координираа акциите од од коли паркирани на надвозник на автопатот, трупите лојални на Мадуро од соседната воена база спорадично пукаа со солзавец. Толпата од неколку илјади луѓе се растрча барајќи засолниште и подоцна се појави со Гуаидо на блискиот плоштад подалеку од пукотниците. Помала група млади луѓе остана на автопатот и фрлаше со камења и молотови коктели кон базата и запали неколку владини автобуси.Во хаосот, неколку воени оклопни возила со полна брзина се втурнаа во толпата, при што беа повредени двајца демонстранти.

Свет | пред 6 години

Нема фотографија

Силјановска повика да се гласа за неа, оти во спротивност во Собрание ќе се избере претседател

Кандидатката за претседател на Северна Македонија, Гордана Силјановска Давкова, од митингот во Ѓорче Петров ги повика граѓаните да гласаат за личност, а не за партија, велејки дека е против изборот на гласање претседател во Собранието, верувајки дека граѓаните знаат да изберат што е најдобро за нив.Претседателот на ВМРО-ДПМНЕ, Христијан Мицкоски пред граѓаните на митинг во Штип изјави дека е убеден во победа за нивната кандидатка и ги повика на 5 мај да излезат на гласање.Силјановска Давкова додаде дека е благодарна на сите граѓани кои и дале поддршка на 21 април и дека ќе може да го исполни она што го ветила пред граѓани, потенцирајќи дека на претседателските избори се гласа за човек кој ќе ја води нацијата и ќе работи во интерес за сите граѓани, додавајќи дека само со масовна поддршка за нејзе ќе се спречи гласањето на претседател на државата во Собранието.-Јас сум неверојатно благодарна на граѓаните оти велам се надевам дека ќе дојде денот кога нема партиите да бидат тие кои што ќе тргуваат со граѓанските гласови туку секој сам индивидуално ќе си го искористи своето избирачко право зад кутијата верувајќи дека гласа, особено на претседателските избори, не за партија или не само за партија туку пред се за личност. Затоа јас сум една од оние кои се огромни противници за избор на претседател во Собранието. Граѓаните се помудри, граѓаните знаат да направат прав избор, кажа Силјановска Давкова.

Македонија | пред 6 години

Пендаровски од Диво Насење: Ставивме забрана Груевски да се врати назад

Кандидатот за претседател на владеачката коалиција, Стево Пендаровски, на средба со жителите на Диво Насеље потсети на активностите на владеењето на Груевски во кое според него се внесувале поделби помеѓу граѓаните.Вие одржавте лекција дека со политички игри не може да се урне соживотот. Сега на 5 мај граѓаните, вие, имате избор меѓу две опции. Првата е нашата, ние што нудиме соживот, еднаквост, напредок, интеграции во НАТО и ЕУ. И, втората, предводна од противкандидатката, која вели дека сè што е направено ќе се поништи. Тоа де факто значи враќање назад, кочење на држвата, изолација, рече Пендаровски.Тој истакна дека во недела се гласа за политика која не носи во Европа.-Ставаме дефинитивен печат на забрана Никола Груевски да се врати назад, рече Пендаровски и посочи дека претходната власт била најлоша во историјата на државата.Тој истакна дека тој ќе работи во интерес на граѓаните и ќе критикува за разлика од досегашниот претседател, за кого рече дека не ги потпишува указите за одредени закони значајани за граѓаните.Лидерот на СДСМ и премиер, Зоран Заев се заблагодари на кумановци кои во првиот круг му ја дадоа довербата на Пендаровски, но рече дека многу повеќе се очекува од овој град, бидејќи истакна дека Куманово ги храбрело во минатото сите градови.-Многу е важна одлуката дали одиме напред со современиот свет, рамо до рамо или да се вратиме назад, рече, меѓу другото Заев. 

Македонија | пред 6 години

ВИДЕО: Вака се уништуваа македонските возила во Грција

Многу Македонци за продолжениот велигденски викенд заминаа во Грција, а некои од таму се вратија разочарани. Десетици семејства наместо да се вратат со убави спомени од продолжениот викенд, велат дека долго ќе го паметат празникот кој буквално им преседнал, бидејќи им биле уништени возилата, објави ФОКУС.Кавадаречко семејство кое било сместено во хотел во Афитос, на првиот крак, во саботата вечерта завршило со демолиран автомобил за кој никој не слушнал и видел ништо. Искршени стакла, ретровизор, избушени гуми биле сликата која ја затекнале, а пријавиле и во полиција.Имало и неколку џипови со целосно искршени стакла.На граничниот премин Богородица кај Гевгелија најмногу возила имаше во петокот наутро, иако многумина се упатија во Грција уште во четвртокот попладне, по завршувањето на работното време.Снимка направена од безбедносна камера, објавена на Фејсбук покажува три маскирани лица како почнуваат со уништување на македонските возила паркирани во Грција.[embed]https://www.facebook.com/martin.gavrilovski/videos/10219326321615933/[/embed] 

Македонија | пред 6 години

Нема фотографија

Поразителни резултати од теренската вакцинација - имунолозите најавуваат уште две нови задолжителни

Поразителни бројки од теренската вакцинација во училиштата за вакцината против морбили. Во училиштата во Скопје биле вакцинирани едвај 8 проценти од предвидените, или од 1490 невакцинирани ученици, МРП вакциа примиле само 119 деца. Во меѓувреме расте бројот на заболени со морбили. На Клиниката за детски болести имаат 13 хоспитализирани пациенти, од кои 11 месечното бебе веќе две недели е на апарати за дишење поради компликациите од малите сипаници. 34 заразени има и на Инфективна од кои 18 се возрасни и 16 деца.Инаку во финална фаза е промената на календарот за имунизација каде како задолжителни влегуваат и вакцините за рота вирус и пнеумокок. Педијатрите очекуваат да нема отпор кон двете нови вакцини како што е случајот со големиот број на невакцинирани против морбили.

Македонија | пред 6 години

Пендаровски: Гласот за Сиљановска е глас за нов Иванов

Кандидатот за претседател поддржан од власта, Стево Пендаровски, денеска на средба со жителите на Липково, порача дека на 5 мај Албанците ќе потврдат дека само заедништвото може да и донесе прогрес на државата.„Важно е да не се гласа за Сиљановска, бидејќи таа сака да уништи сè она што е направено во интерес на граѓаните. Во 2001 јас велев „да“ за Рамковниот договор, таа беше против, јас бев „за“ Законот за јазици, таа беше против. Во недела сите кои ќе гласаат за неа, гласаат за нов Иванов“, рече Пендаровски.Тој вели дека Македонија е мултиетничка држава и дека во неа сите се исти и имаат исти права. Пендаровски вели дека неговата опција е за напред во НАТО и ЕУ, а, како што вели, Сиљановска и Мицкоски сакаат назад во изолација и не и мислат добро на државата.

Македонија | пред 6 години

Брифинг во Влада: Во ЕУ на сите им е јасно дека оваа година Северна Македонија мора да ги почне преговорите

Во ЕУ на сите им е јасно дека оваа година Северна Македонија мора да ги почне претпристапните преговори, мора да има одлука, а кога таа одлука ќе се донесе зависи од сплет на околности – од една страна продолжувањето на спроведувањето на домашните реформи, од друга страна случувањата во самата Унија, во чии земји членки почна кампања за изборите за Европскиот парламент. Извори од Владата денеска на брифинг, говорејќи за неформалниот самит за Западен Балкан, кој под водство на Ангела Меркел и Емануел Макрон се одржа во Берлин, изразуваат оптимизам дека земјава зелено светло за почеток на преговори ќе добие во јуни.Освен реформите и случувањата во самата Унија, суштинско во моментов е успешно завршување на вториот круг од претседателските избори. Одлуката за почеток на преговорите ќе зависи и од одлуката на секој граѓанин да излезе на гласачкото место, бидејќи неуспешен втор круг ќе биде лоша порака до земјите-членки за демократската зрелост на државата, велат од Владата и додаваат дека тука е важна личната одговорност на секој граѓанин.На патот кон полноправно членство во Унијата, велат извори од Владата, има работи кои зависат од нас, како што е законот за Јавното обвинителство, каде се решава и статусот на СЈО и воопшто реформската агенда, но има работи кои зависат од европските избори и динамиката внатре во самата ЕК. Велат оваа година има кусо време меѓу објавувањето на извештаите и дискусијата, особено во тие земји каде таа мора да помине во парламентите, како што е случајот со Германија.Различни земји-членки имаат различен фокус – има земји во кои има повеќе фокус на реформите, има земји кои повеќе се фокусираат на геополитичката ситуација, но сепак велат од Владата во моментов во пресрет на европските избори и пред да го видат извештајот земјите-членки избегнуваат да дадат јасен став.  Таков е и случајот со Франција. Додека не поминат европските избори Париз нема да даде јасен и гласен став во однос на почетокот за преговорите.Повеќе прочитајте на Фокус.мк

Македонија | пред 6 години

ФОТО: Страшна сообраќајка во Скопје, повредени жена и две деца - крв насекаде

Тешка соообраќајна несреќа се случи пред половина час на скопската обиколница, пренесува 1ТВ.Возило излетало и се превртило на кров, најверојатно поради преголема брзина.Увид на лице место врши полицијата, а засега нема подетални информации од МВР.

Скопје | пред 6 години

(ВО ЖИВО) Улиците во Венецуела окупирани: Гуаидо опкружен со војници најави почеток на крајот на Мадуро

Хуан Гуаидо, кого голем број држави го поддржаа како претседател на Венецуела, во видеообраќање најави скорешен крај на режимот на Николас Мадуро, опкружен со униформирани лица.„Моментот е сега. Ќе ѝ донесеме слобода и демократија на Венецуела“, вели Гуаидо во триминутниот говор, за кој се верува дека е снимен пред главната воена база во Каракас, Ла Карлота.[embed]Светските медиуми објавија дека во Венецуела можеби се подготвува пуч, бидејќи Гуаидо на снимката е придружуван од десетици војници, кои стојат пред оклопни возила. Тој го повика народот да излезе на улица и да покаже ненасилен отпор.„Неопходно е сите да излеземе на улица, да ја поддржиме демократијата и да ја повратиме слободата. Организирани и обединети, сите треба да се упатиме кон главните воени објекти. Воените сили ја донесоа исправната одлука и тие можат да сметаат на поддршката од народот. Заедно ќе ставиме крај на оваа узурпација, а потоа ќе се одржат слободни избори“, вели Гуаидо.Министерот за информации Хорхе Родригес изјави дека владата се соочува со „мала група на воени предавници“, кои сакаат да изведат пуч.

Свет | пред 6 години

Апасиев: Заев ми понуди пратеничко место, но Мијалков не ми купи стан

Првиот човек на „Левица“, Димитар Апасиев по денешната средба со претседателскиот кандидат на ВМРО-ДПМНЕ, Гордана Силјановска-Давкова, истакна дека тие имаат заеднички точки и во наредните денови ќе го кажат својот став дали ќе ја поддржат Силјановска во вториот изборен круг.„Имавме конструктивна средба. Ние цениме дека зазедовме антибојкот позиција, затоа што бојкотот во овие избори не е потребен. Констатиравме дека ние сме биле на иста политичка линија, уште од време на Груевски. На средбата беше отворено прашањето за Преспанскиот договор и ние имаме органи во партијата и верувам дека до пред изборниот молк ќе имаме став дали ќе ја поддржеме Силјановска. Има шпекулации дека Мицкоски ми купил кола, Мијалков дека ми купил стан, но тоа не е точно. Да сакав да се „шитнам“, уште досега ќе бев пратеник. Ако некогаш станам пратеник, тоа би било на силите на Левица. Јас не се гледам како политичар или како месија, туку како професор по право“, истакна Апасиев.

Македонија | пред 6 години

Силјановска за мегданот со Шарена Револуција: Не сум чула пратеници и министри да бидат револуционери

Претседателскиот кандидат Гордана Силјановска-Давкова, по средбата со Димитар Апасиев и Левица, рече дека очекува цензус во вториот круг на изборите, затоа што како што рече, верува дека студентите кои таа ги учела ќе знаат за кого да гласаат.„Разговараме за она што се соочува Македонија. Мислам дека е јасно дека доаѓа крајот на политичките глумци на Балканот, особено на Западен Балкан. Тоа е веќе прочитано и јасно. Очигледно е дека оние кои ја креирале кризата на демократијата, не можат да бидат реформатори. Потребен е радикален пресврт, а тоа значи поинаква политика, луѓе кои се спремни да го вложат своето знаење, луѓе без фрустрации и луѓе почитувани.  Крајно време е сите да се изборат за своето право, а не со полнење на кутии, не со семејно гласање. Верувам дека тие кои сум ги учела, ќе знаат за кого да гласаат. Јас знам што е револуција, но како одеднаш сега повторно се појави „Шарена револуција“?. Јас не сум чула пратеници, министри да бидат револуционери. Се надевам дека ќе биде исполнет цензусот за вториот круг и се надевам дека сериозно ќе се земат предвид предупредувањата на Венецијанската комисија“, порача Силјановска-Давкова.

Македонија | пред 6 години

Нема фотографија

Поскапуваат бензините и дизелот, во иднина цените по нова методологија

Малопродажната цена на бензинот ЕУРОСУПЕР БС-95 од полноќ се зголемува за 0,50 денари за литар, а за еден денар поскапуваат ЕУРОСУПЕР БС-98, ЕУРОДИЗЕЛ (Д-Е V) и Екстра лесното масло за домаќинство (ЕЛ-1), одлучи денеска Регулаторната комисија за енергетика.Новата цена на ЕУРОСУПЕР БС-95 е 72,00 денари, на ЕУРОСУПЕР БС-98 изнесува 74,00, на ЕУРОДИЗЕЛ (Д-ЕV) 63,50, а на Екстра лесното масло за домаќинство (ЕЛ-1) 52,00 денари за литар.Мазутот М-1 НС, пак, поевтинува за 0,078 денари и еден килограм ќе чини 34,377 денари.Денешната одлука на Регулаторната комисија за енергетика е последна што се ноди според досегашната методологија. Во иднина цените на нафтените деривати ќе се одредуваат според сосема нов концепт и нема да пресметува производна цена, туку основа ќе и биде цената на суровата нафта на светските берзи на која ќе се додадат определени трошоци како премии на трговците, транспортот од пристаништата до резервоарите во кои трговците ги складираат нафтените деривати, трошок за пренесување од складиштето до бензинските пумпи, трошок за маржа,…

Македонија | пред 6 години

Го чекал автобусот па се запалил пред негови очи: "Спасив колку што можев, другите живи изгореа"

Радојко Милосавлјевиќ, маж на возраст од 53-години од Србија, утрово требало да се качи во автобусот кој се судри и запали, при што загинаа 4 лица. Тој е очевидец на страшната несреќа.Го чекал автобусот на станицата кога тој пред негови очи се судрил директно со камион. Веднаш притрчал да помогне.- Истрчав на помош, почнав да извлекувам патници најбрзо што можев, а тогаш се запали автобусот, вели тој за српскиот Курир.Со него притрчал и постар господин кој бил во автомобил на патот, и заедно успеале да извадат шест патници.- Спасивме шест патници од димот и оганот. Ги однесовме покрај патот. Другите настрадаа, вели тој.Загинаа четири лица кои живи изгореле, а повеќе се повредени.несреќата се случи во 6 часот и 45 минути утрово на патот Куршумлија-Прокупље.

Свет | пред 6 години

27 април: Дел од актерите осудени, сценаристите во бегство

Граѓаните ја избројаа и втората година од крвавиот упад во Собранието, а правдата ја бараат само новинарите кои ноќта на 27 април 2017 година, заедно со пратениците од опозицијата беа жртви на гневната толпа. Премиерот Зоран Заев, кој беше цел на насилниците и заврши со крвава глава, им прости, а Собранието донесе закон со кој ги амнестираше пратениците што ги отворија вратите. Овој датум стана олицетворение на тоа како функционира правдата во Македонија, со една група амнестирани, eдна група осудени на над два века затвор, а главните креатори на сценариото уште на слобода.Годишнината од упадот се одбележува за време на велигденските празници и во втората половина од претседателската кампања. Претседателскиот кандидат Стево Пендаровски и партијата што го кандидираше го искористија крвавиот чин за да испратат порака до своите гласачи и да ги потсетат дека зад ова насилство стои ВМРО-ДПМНЕ.„Партијата која тоа го организираше, ВМРО-ДПМНЕ, и нејзиниот кандидат односно кандидатка Силјановска, ниту тогаш ниту во изминативе две години по кој било повод не кажаа ниту еден збор на осуда за тој чин кој ја посрамоти Македонија и ја нареди во кругот на земји каде што такви случаи се практикуваат во недостиг на базичен мир и безбедност за граѓаните“, порача Пендаровски.„Секој даден глас за Гордана Силјановска на 5 мај е глас е поддршка на злосторот и насилството. Гласот за Сиљановска е глас за враќање во темното минато на поделби, конфликти, неправда“, порачаа од СДСМ.Опозициската партија, дента кога се одбележуваше годишнината, воопшто не го спомена минатото. Нејзиниот кандидат за претседател беше на средба со земјоделците од Овчеполието.„На 5 мај, кога правдата ќе завладее во Република Македонија, ќе дојде и подобро утро за сите граѓани и за земјоделците“, им порача Силјановска на земјоделците.Лидерот на ВМРО-ДПМНЕ, Христијан Мицкоски, на еден од своите јавни настапи на одреден начин го осуди насилството, но и казните кои ги добија учесниците.„Насилството што се случи тој ден го осудувам и посакувам никогаш повторно да не се случи. Исто така, го осудувам и чинот што го предизвика тоа насилство, исто така го осудувам и чинот на преку два века казна дадена на луѓе што не примениле насилство тој ден. Од друга страна имате повратници од боиштата, претставници на ИСИС, да добијат трипати помала казна од Горан Ангелов, Митко Чавков, Митко Пешев и останатите“, рече Мицкоски.Обвинителството за гонење организиран криминал и корупција пред двегодишнината од упадот, конечно осомничи дел од организаторите. Прв на листата се најде поранешниот премиер Никола Груевски, потоа собранискиот спикер Трајко Вељаноски, двајцата поранешни министри Миле Јанакиески и Спиро Ристовски. Улогата на Груевски во упадот беше обелоденета откако тој избега, Вељаноски од притвор го спаси пратеничкиот имунитет, Јанакиески е во куќен притвор, а Ристовски заврши во Шутка. Поранешниот разузнавач Никола Бошкоски, за кого обвинителството обезбеди докази дека е дел од организацијата, е избеган во Грција.Кумановскиот градоначалник Максим Димитриевски, кој тогаш беше пратеник и исто така беше цел на толпата, вели дека тоа што се случило било свесно креирана состојба.„Актерите веќе се познати, режисерите се изведени пред лицето на правдата, но, за жал, сценаристите не се повеќе тука во државата. Сметам дека одговорноста на тие што го осмислија и менаџираа самиот настан е многу поголема отколку одговорноста на оние што беа внатре и се обидоа физички да нè повредат и дефинитивно успеаја во тоа“, се присетува кумановскиот градоначалник, кој тогаш беше пратеник во Собранието.Повеќе на Независен.мк

Македонија | пред 6 години

Џафери: Ако нема цензус, јас ќе бидам в.д претседател

Претседателот на Собранието Талат Џафери во вечерашното издание на дебатниот магазин „Click Plus“ на ТВ21, повика граѓаните в недела на вториот круг од изборите да излезат масовно и да гласаат за, како што вели, да одлучат за иднината на земјата.Тој, како што објави ТВ 21, зборуваше и за потребниот цензус од 40 отсто.Објаснувајќи го процесот на избори во втор круг, како и потребниот цензус од 40 проценти,  Џафери рече дека доколку не биде постигнат цензус од 40 отсто, на 12 мај тој ќе треба да ја преземе функцијата на в.д претседател на Република Северна Македонија

Македонија | пред 6 години

Алијанса за Албанците: Албанското знаме во Охрид не е провокација

Алијансата за Албанците изразува  загриженост во врска со реакцијата на Секторот за внатрешни работи – Охрид, што според наши информации, двајца членови на групата посетители биле притворени од страна на полицијата, велат од партијата по денешниот настан со истакнатото албанско знаме на Самоиловата тврдина во Охрид.„Истакнувањето на албанското национално знаме, според информациите со кои располагаме, не било насочено како провокација против никого, туку било дел од сценографијата на групата игроорци од Културно-уметничкото друштво на Арберешите.Истакнувањето на албанското национално знаме на Самуиловата тврдина претставува ниту законски прекршок ниту опасност за никого, особено кога се знае дека во Северна Македонија, Албанците сочинуваат една третина од населението и се автохтон народ.За нас како Алијансата, загрижува фактот што кога станува збор за Албанците и нивните национални симболи, со жалење можеме да констатираме дека воопшто не се променило логиката и дискриминаторскиот менталитет, што било карактеристично за југословенскиот комунистички систем и истиот тој менталитет продолжува до денес.Алијансата за Албанците смета  дека овој инцидент воопшто не ѝ помага на државава во нејзината евроатланска определба и го поткопува имиџот на држава аспирант за членство во НАТО и во ЕУ“, велат од АА.

Македонија | пред 6 години

НАЈНОВА ВЕСТ: Знамињата ги развиорила група дојдена од Косово

Група од Косово која престојувала во Струга ги поставила знамињата на „Самуиловата тврдина“ во Охрид и тука снимала видео материјал кој понатаму треба да се монтира и пласира во јавност - дознава Скопје1.мк од свои извори во СВР Охрид.Групата е идентификувана од Полицијата и против нив ќе се поднесат адекватни пријави.Како што дознаваме се работ иза група која тука се снимала и фотографирала и за тие потреби ја „декорирала“ тврдината со повеќе албански знамиња на помали јарболи кои ги држеле во раце и едно огромно кое го оптегнале преку бедемот до главниот влез, кој е свртен кон градот и се гледа од центарот на Охрид.Тврдината во Охрид е туристичка атракција и е обезбедена со видео надзор.ШТО СЕ СНИМАЛО НА ТВРДИНАТА ? !Нејасно е за каква намена се снимал видео материјалот на Самуиловата тврдина во Охрид и зошто потребата од снимањето на ова видео наложила тврдината да се декорира со едно големо и повеќе мали знамиња на соседна Албанија.ПРОВОКАЦИЈА ВО ПРЕДИЗБОРНИ ЦЕЛИНа социјалните мрежи веќе кружат коментар ина граѓаните дека некој структури и елементи сакаат да направат провокации или да влијаат на јавното мислење во пресрет на изборите за градоначалник кои се за една седмица.Групата потоа со знамиња шетала низ Охрид, а на фотографијата подолу се гледа дел од оваа група на улицата Коста Абраш кај Сараиште во Стар Град Охрид. 

Македонија | пред 6 години

(ФОТО) Огромно знаме на Албанија ја прекри Самуилова тврдина во Охрид

Огромно знаме на Албанија е поставено на бедемот од тврдината и е со поголеми димензии. Истото е видливо од повеќе страни на Охрид.Случајот е пријавен во  СВР Охрид Од таму велат дека работат на расветлување на случајот. Според неофицијални информации знамето го поставиле неколку млади лица.На социјалните мрежи се појави уште една фотографија на другиот дел од Самоиловата тврдина, каде се гледаат лица облечени во Албанска носија кои се фотографираат со полами албански знамија на видиковецот од тврдината. НАСКОРО ПОВЕЌЕ ...

Македонија | пред 6 години

(ВИДЕО) Се лизга Водно кон центарот на Скопје, агресивна урбанизација - опасни свлечиштата

Мегаломанските идеи за градење на Водно не запираат иако стручњаците предупредуваат дека агресивната урбанизација предизвикува свлечишта опасни за животот на граѓаните, ја уништува природата во планината и ја менува климата во Скопје. Документарецот „Водно - запознавање одблизу" го изработи Институтот за комуникациски студии.     

Скопје | пред 6 години

(ФОТО) Селото Нивици на Велгиден

Местото каде се потиша „Преспанскиот договор“ , селото Нивици во Грција овој Велигден го минува во мир и спокој како и останатите денови од годината.Во неколкуте таверни се печеа јагниња, а видлива е мала раздвеност.Во Нивици скоро сите зборуваат Грчки и Македонски јазик, а најголем дел од населението Велгден го празнува по Јулијански календар.Селото е крајна периферија на Грција , но е солидно уредено, со уредени сокаци и шеталиште, а има и угостителски објекти.Погледнете како беше во Нивици денес.ФОТО: Фото: Валентин Андон

Свет | пред 6 години

(ВИДЕО-ИНТЕРВЈУ) Милошески: Ѓаволот ќе дојде по своето, нема место за нечесни пазарења

Кандидатот за градоначалник од ВМРО-ДПМНЕ, Митре Милошески, во интервју за „Скопје 1“ ги повика сите чесни граѓани да гласаат за него, но не и оние кои сакаат со него да се договараат за да ги поддржи во нелегалните работи кои сакаат да бидат спроведени.„Оние кои планираат да се договараат, што мислат да се пазарат со нелегални објекти, но и со доградби, изградби, преградби, за такви во мојот воз нема место. Има место за чесните граѓани, кои се мнозинство. Знам дека ќе го увидат мојот став, мојата програма. Затоа ги повиквам сите чесни граѓани да излезат и да гласаат за број пет. Сите пазарења кои не се нечесни, ќе ни се удрат од глава. Тука нема спас. Нашиот народ вели дека ѓаволот кога тогаш, ќе си дојде по своето“, вели Милошески.Кандидатот на ВМРО-ДПМНЕ е дециден дека нема намера да лаже, а следниот градоначалник ќе треба да ги носи последиците кои ги направил претходните градоначалници. Милошески вели дека охриѓани немаат големи барања, тие сакаат чист град, чиста вода, добри комунални услуги, да нема дупки по патиштата, но бараат и да се вработат.„Основни егзистенцијални проблеми доминираат. Никој од граѓаните со кои разговарав немаше некој крупен проект. Никој не бараше марина во градот, ски-центар на Галичица. Според ова, излегува дека ние не им го даваме ниту тоа малку што го бараат“, додава Милошески.Тој смета дека две години се малку за крупни проекти. Милошески тврди дека тој доколку биде избран за градоначалник, ќе ги започне процедурите за сите големи проекти, ќе ги почне проектите, но поради краткото време нема да може да ги заврши.„Кејот е во никаква фаза. Ние за две години не можеме да испорачаме кеј. Ние ќе дадеме се од себе дека работиме чесно и посветено. Ќе има отворен терен следниот градоначалник да продолжи веднаш со работа. Има и проекти кои одма ќе ги реализираме. Пред се мислам на проектот за бесплатна исхрана на учениците од 1-5 одделение, оти гледаме дека брзата храна прави проблеми кај младите. Понатаму, проектот за админситрацијата да биде функционална. Граѓаните, ќе имаат увид до каде е постапката за неговиот предмет. Најпросто кажано, кога се чека ред, првиот плаќа прв, вториот втор. Не може некој со број седум, да заврши пред број пет“, тврди Милошески.Милошески најавува и стратегија за развој на градот, вработување на охриѓани преку стратегија, но и туристички развој.Татјана Караџова-МаленковаЦелото интервју видете го во продолжение:[embed][/embed]

Македонија | пред 6 години

Силјановска до бојкотирачите: Дома можев да останам и јас, но одлучив да се борам

Претседателската кандидатка на ВМРО-ДПМНЕ, Гордана Силјановска – Давкова, ја побара поддршката од граѓаните што застапуваа бојкот на првиот круг од претседалските избори.-Дома можев да останам и јас, но одлучив да се борам. Никогаш нема да ве изневерам, го имате мојот збор! На 5ти мај заедно да се избориме за правото и правдата и да ја промениме Македонија на подобро – им порача таа.

Македонија | пред 6 години