ГЛАВНИ-ВЕСТИ

Џокси ја откри приказната за најслушаната Велигденска песна

Во деновите пред и за време на најголемиот христијански празник Џокси секогаш ја има најслушаната песна во македонскиот етер.Празничниот хит „На Велигден“ го препеа и Ламбе Алабаковски, Пепа Димитрова лани сними етно-џез верзија, низ годините беа направени и неколку техно-обработки, но ниту еден од овие проекти не го достигна успехот на оригиналот.Авторот Ѓорѓе Васиќ кој со оваа нумера успеа да испише историја во домашната музичка продукција во повеќе наврати зборувал за создавањето на „На Велигден“.Во еден момент од мене излегоа и музиката и текстот–раскажа вели Џина Папас Џокси за Женски магазин.Рефренот е инспириран од баба ми Уранија и нејзината приказна за тоа како нејзиниот татко, мојот прадедо Коста, ѝ ги враќал стројниците кои упорно доаѓале за Велигден. Се сеќавам кога со неа бегавме преку прозор да не нè види татко ми како одиме во црква. Редовно палевме свеќи, бакнувавме икони и кршевме јајца–откри Џокси за „Женски магазин“.Текстот во целост на: zenskimagazin.mk

Магазин | пред 6 години

Семејство Иванови: Ви посакуваме добро здравје, духовен мир, многу радост и љубов

Велигденска честитка од претседателот Ѓорге Иванов, во неа се вели:Ви посакуваме овие празнични мигови да ги поминете во добро здравје, духовен мир, многу радост и љубов.Велигден е празник на семејството и ближните, затоа на сите верници им посакуваме топлина во домот, хармонија и благосостојба.Честит ВелигденХристос воскресна!Семејство Иванови

Македонија | пред 6 години

Во сообраќајна несреќа на влезот од Тетово, загина 50 годишна жена

Жена на околу 50-тина години загина во сообраќајка на влезот на Тетово од правец на Скопје синоќа околу 20 часот. Според првичните информации, жената била сопатничка во автомобил марка „мерцедес”, а до несреќата дошло поради судир со друго возило марка „голф”.Во близина на првиот кружен тек при влез во Тетово дошло до судирот при што мерцедесот откако се судрил со голфот продолжил со неконтролирано движење и удрил во бандера. Во голфот имало две лица, едно машко и едно женско, кои при судирот се повредени и се хоспитализирани во тетовската Клиничка болница.Двете возила биле со тетовски регистерски таблици.Екипа на СВР Тетово и јавен обвинител извршија увид на местото на несреќата.

Македонија | пред 6 години

(ФОТО) Велигден на Плаошник: Христос воскресна, Христијани радувајте се

Христос воскресе, навистина воскресе е поздравот со кој Христијаните во наредните три денови ќе се отпоздравуваат меѓу себе ширејќи ја веста за победата на Спасителот на животот над смртта.Воскресението Христово на полноќ беше објавено во сите храмови на Македонската православна црква. Голем број верници, Христовото воскресение го дочекаа на Плаошник во Охрид.Овој празник е спој на верата и традицијата, негувана од памтивек, а почнува на Велики четврток уште пред изгрејсонце кога домаќинките ги бојадисуваат првите црвени велигденски јајца.Велигденското јајце е старо колку и Христијанството и црквата го прифатила во својата традиција и практика како симбол на Христовото Воскресение.Така поздравувајќи се, првиот ја соопштува веста за Христовото воскресение, додека вториот ја потврдува, а всушност и двајцата ја исповедуваат својата вера во Воскресението. Оваа практика и до ден денес е запазена во Светото Послание, па верниците со овој поздрав се поздравуваат се до Вознесението Христово, Спасовден.Црвената боја има симболика на победа. Нејзиното значење на овој голем Христијански празник е дека Господ Исус Христос со своето воскресение ја победил смртта.Црвената боја ја претставува божјата сила и моќ, а водено ја симболизира и христовата крв, која Исус ја пролеал на крстот за спасение на сите луѓе на земјава. Така, бојата на јајцето не потсетува на крвта христова и спасението.Според хронологијата на христовите настани забележани во Евангелието, се знае дека на Велики Четврток, Господ Исус Христос на Тајната вечера ја востановил Светата тајна причест (Евхаристија), земајќи ги за основа лебот и црвеното вино, кои се претвораат во христовото тело и крв. Оваа света тајна – Евхаристија е дадена за спасение на луѓето, а за основа ја има христовата крв.Затоа црвената боја, симболизирајќи ја христовата крв од светата причест ги украсува велигденските јајца. Како што бојадисаните црвени јајца од Велики четврток се јасна најава за блискоста до Велигден, така и тогаш, на Велики четврток на Тајната вечера, Христос јасно најавил и кажал дека наскоро ќе биде предаден, ќе пострада и ќе воскресне.Според Светото предание се смета дека Марија Магдалена, една од жените мироносци прва го започнала овој обичај за велигденските црвени јајца.Се вели дека Марија Магдалена наскоро по Христовото вознесение (Спасовден) го напуштила Ерусалим и тргнала по светот да го проповеда Евангелието.Во Рим таа побарала да појде и кај римскиот император Тивериј, со цел да му раскаже на царот за Господ Исус Христос. На средбата, таа на царот најнапред му подарила едно црвено јајце и го поздравила со зборовите Христос Воскресе.Потоа му раскажала за се што учел Христос, за неговите добри дела и чуда што ги правел на луѓето.Следејќи го нејзиниот пример, првите Христијани започнале да си подаруваат црвени јајца на празникот Велигден и притоа да се поздравуваат Христос Воскресе – Вистина Воскресе!

Македонија | пред 6 години

Невреме со град кај нас и во регионот

Град го зафати скопски Карпош денеска во попладневните часови, а огромни зрна од град со големина на орев направи хаос во околината на Кривогаштани.Најавената промена во времето пристигна на Балканот, температурите нагло опаднаа а во поединечни градови побелеа од град. Во Хрватска паѓало град со големина на лежник, а паѓал околу 15 минути.Промена на времето го опадна и температурите за десетина степени.

Македонија | пред 6 години

Зекири: Сетете се каде бевме пред две години и каде сме денес

Пратеникот Мухамед Зекири од СДСМ, се огласи на својот Фејсбук профил по повод две години од „крвавиот четврток“ во Собранието на Република Македонија.„Ова ЗЛО никогаш да не се повтори !!!Вредеше да се жртвуваме за светлата иднина на нашата земја и иднината на нашите деца и идните генерации!!!Сетете се каде бевме пред две години и каде сме денеска, по само две години.Вие решавате дали сакате да ни се вратат повторно ваквите сцени и слики, или пак сакате ЗАЕДНО да одиме НАПРЕД таму каде што припаѓаме, во НАТО И ЕУ!!!“, стои во објавата. 

Македонија | пред 6 години

Мира „дизел“ од имот пријавила само кредит во банка

Пратеничката Мира Стојчевска која се најде на мета на големо медиумско внимание со вработувањето на нејзиниот син во ЕЛЕМ, во Комисијата за спречување корупција пријавила дека има кредит кој го отплаќа до 2024 и депозит, пренесе Емагазин.На име на сопругот има две куќи во Делчево и стан во Скопје.Има и автомобили Пежо и Поло на име на сопругот и децата.

Македонија | пред 6 години

Нема фотографија

Зекири: Слабата излезност на Албанците е порака до ДУИ

Граѓаните во првиот круг од претседателските избори ни пратија порака за отрезнување, бидејќи некои функционери летнаа во облаци, вели потпретседателот на СДСМ Мухамед Зекири во интервју за МКД.-Мислам секако на функционери од партијата – директори, министри и градоначалници. Граѓаните се причината што сите ние сме дел од извршната, законодавната и локалната власт. Некои, за жал, тоа го заборавија и се поставија над граѓаните, кои во првиот круг од претседателските избори ни пратија јасна порака да се отрезниме. Граѓаните се тие што секогаш знаат да наградат, а богами и да казнат. Власта легитимитетот го црпи од граѓаните и од никого друг – вели Зекири.Според него, на изборите немало бојкот од ДУИ туку на виделина всушност излегла реалната слика за тоа колку во моментов тежи партијата.-Малиот одзив кај Албанците е поради нивната разочараност од нивните политичари. Тоа не е порака само до ДУИ, туку и до албанската опозиција. 80 илјади гласови за Блерим Река не се гласови на опозициските Алијанса за Албанците на Зијадин Села и Беса на Билал Касами. Добар дел од тие гласачи ја дале поддршката водејќи се од етничката припадност на кандидатот, или гласале за да пратат порака на партиите на Албанците што се дел од извршната власт, пред се на ДУИ – вели потпретседателот на СДСМ.

Македонија | пред 6 години

На „Богородица“се чека до половина час за излез од Македонија

На граничниот премин „Богородица“ кај Гевгелија се чека до половина час за излез од Македонија кон Грција. Продолжениот викенд, вчера и денеска е причината за зголемениот интерес кај граѓаните за посета на нашиот јужен сосед.На останатите гранични премини нема подолги задржувања за влез и излез од државата. Интензитетот на сообраќај на патните правци надвор од градските средини е зголемен. 

Македонија | пред 6 години

Мицкоски за Заев: Не може политичар кој има куп обвиненија да реформира судство

Претседателот на ВМРО-ДПМНЕ Христијан Мицкоски во интервјуто дадено за Независен весник вели дека не е можно политичар кој има куп обвиненија во минатото денес да го реформира судството.-Ама нели викаа дека имаме „сваровски-судство“ и дека имаат решение за тоа. И народот ги изгласа. Се сеќавате дека Заев предводникот бојадисуваше и мачкаше згради – немало правда, немало мир… Две и пол години потоа судството не само што не е реформирано туку е отворено како пупка. Како ќе ги убедите граѓаните дека е навистина реформирано судството кога во Советот за реформи во правосудството, кој имал еден или два состанока, претседава премиерот на државата. Не може политичар кој има куп обвиненија во минатото денес да го реформира судството. Точно е дека тој го отвори судството како пупка, ама прашање е како сега ќе го затвориме, вели лидерот на ВМРО-ДПМНЕ Христијан Мицкоски.

Македонија | пред 6 години

Две години од „крвавиот четврток“ во Собранието

На денешен ден, во приквечерните часови, пред точно две години, се случи упад во македонското Собрание од страна на протестирачите од движењето „За заедничка Македонија“, кој резултираше со крв, агресија и дивеење на протестирачите кои ги нападнаа и тогаш веќе пратениците од владејачката гарнитура.Обидот за државен удар во Собранието на Македонија на 27 април 2017 година, го изведоа околу 300 лица од здружението „За заедничка Македонија“ кои упаднаа во Собранието , за да го спречат изборот на Талат Џафери за претседател на Собрание на РМ.Упадот се случи во 19 часот, кога маскирани лица беа пропуштени од собраниското обезбедување и упаднаа во салата за новинари. Насилниците физички ги нападна пратениците и новинарите, а со тешки телесни повреди се здобија Зоран Заев и Зијадин Села, како и Радмила Шекеринска.Случајот за настаните во Собранието на 27 април 2017 година почна на 22 август 2018 година против вкупно 33 лица, од кои 31 лице за терористичко загрозување на уставниот поредок на државата и двајца за поттикнување. Но, по донесувањето на Законот за амнестија беа помилувани 15 лица.Во рамки на доказната постапка беа сослушани околу 50 сведоци, како и еден загрозен сведок, на чие сведочење беше исклучена јавноста.Судечкиот совет во Кривичниот суд во Скопје предводен од судијката Добрила Кацарска на 15 март годинава им одреди вкупна затворска казна од 211 година на 16 обвинети за насилствата во Собранието на 27 април 2017 година, а Игор Дурловски го ослободи од обвинение.Митко Чавков доби најголема казна од 18 години, Митко Пешов 15 години, Душко Лазаров 15 години, Горан Ѓошевски – Леви – 15 години, Оливер Поповски – 13 години, Оливер Радулов 10 години, Мунир Пепиќ –  15 години, Абдулфета Алими – седум години, Младен Додевски – 12 години, Јане Ченто 15 години, Горанче Ангеловски – 12 години, Игор Југ – 12, Влатко Трајковски – 15 години, Вилијам Михајловски – 14 години, Николо Митровски – Кољо -15 години и Александар Василевски Нинџа – осум години.Основното јавно обвинителство за гонење организиран криминал и корупција преку соопштение во февруари годинава информира дека под истрага се пет лица кои се сомничат дека се организатори на настаните од 27 април.Тие се товарат дека сториле кривично дело „терористичко загрозување на уставниот поредок и безбедноста“.

Македонија | пред 6 години

Денеска е Велика Сабота – денот меѓу смртта и воскресението

Велика Сабота е денот меѓу смртта и воскресението, меѓу петок и Велигден, денот што ги спојува распнувањето и радоста.Великa Сабота е ден на исчекување, ден на свештен трепет пред Христовото Воскресение. Денешниот ден, Велика Сабота, според христијанското учење е ден на свештен трепет пред Христовото воскресение, кое точно на полноќ ќе го означат биењето на камбаните и радосниот восклик „Христос воскресе“.Православните верници ги прават последните подготовки пред вечерашното прославување на најголемиот христијански празник – Велигден.Вечерва се оди во црква каде што секој носи црвено јајце. На полноќ сите присутни со песната „Христос воскресе” трипати ја обиколуваат црквата. Во црквата се останува за големата литургија, а потоа се причестуваат, се кршат со јајцата и се омрсуваат.Празникот на Христовото воскресение Велигден е празник на љубовта и мирот. За христијаните, Велигден е триумф на животот над смртта и доброто над злото, ден кога Исус Христос воскреснал од мртвите по неговата смрт со распнување, и ја докажал божествената моќ.На Велигден верниците си подаруваат едни со други рака на помирување, со традиционалниот поздрав „Христос воскресе” и „Вистина воскресе.Велика Сабота е ден на покојот, ден на покојникот, ден на најголемиот покој и на најголемиот покојник. Денот на големиот покој е времето кога Христовото тело е во гробот. Покојникот е внатре од вчера. Овој е втор ден на нашата жалост, тага и молк.Ова е денот на оплакувањето на покојникот. Тогаш, Мајка Му – Пресветата Богородица и жените мироносици, по погребението, го оплакувале Господа Исуса Христа. Денес се изразува болката, тагата и жалоста на Пресвета Богородица.Велика Сабота е определена како ден за чување на гробот. Денеска верниците се крај Христовиот гроб, се поклонуваат пред Плаштеницата, на која е претставено телото Господово при погребението и положено во гробот.

Македонија | пред 6 години

СДСМ: Гласот за Силјановска е глас за насилството и насилниците од 27 април

На денешен ден пред двe години се случи најцрниот чин во историјата на демократијата кога насилници поттикнати од ВМРО-ДПМНЕ насилно упаднаа во Собранието и се обидоа да убијат пратеници и новинари, велат од СДСМ.Дури и по цена на убиство на пратеници и граѓанска војна, режимот на ВМРО-ДПМНЕ одбиваше да дозволи мирен трансфер на власта.Атмосферата на национализам, насилство и линч што ВМРО-ДПМНЕ со месеци ја спорведуваше резултираше со терористичко загрозување на безбедноста, за што веќе има и правосилни судски пресуди.На овие избори, гласот за Сиљановска е глас за насилството и насилниците од 27 април, гласот за Сиљановска е глас враќање на темното време на репресивниот режим на ВМРО-ДПМНЕ.Граѓаните нема да дозволат да се врати режимот на Груевски, туку дополнително ќе ја потврдат предноста на Стево Пендаровски, идниот претседател на државата.

Македонија | пред 6 години

Ивановска: Од 73 лица да се вработи сестрата на Бектеши е пречекорување на дискреционото право

Според Антикорупциска комисија директорот  на АД МЕПСО го злоупотребил дискреционото право кога ја вработил сестрата на министерот за економија, Крешник Бектеши, на оглас на кој се пријавиле дури 73 кандидати за тоа работно место. Претседателката на Комисијата, Билјана Ивановска, вели дека ова дискреционо право кое го овозможува Законот за работни односи, треба да биде исклучок, кога се појавуваат двајца или тројца кандиадти кои се исто бодувани и рангирани, а не во овој случај.-Дискреционото право треба да биде ограничено, тоа може да се употреби кога од двајца или тројца кандидати одговорното лице треба да одбере еден со приближно еднакви резултати. Но од 73 лица да ја одбере токму сестрата е пречекорување на дискреционото право. Освен тоа интервју е основна алатка за спроведување на изборот, но тука нема никакви критериуми, нема рангирање на кандидати, а тоа законот не го бара изричито – вели Ивановска за Телма.

Македонија | пред 6 години

Села: До четврток Алијанса за Албанците ќе одлучи дали ќе поддржи некој од кандидатите

Граѓаните се слободни сами да одлучуваат за кого ќе гласаат во вториот круг, вели претседателот на Алијанса на Албанците, Зијдин Села во интервју за 360 степени.За додворувањата што сега ги упатува Силјановска кон гласачите на Река, Села вели дека тоа е нејзино мислење.-Но изгледа дека политичарите не ја сфатиле пораката, не треба да се обраќаат на партиите туку граѓаните. Ние не паѓаме под влијание на убавите зборови кои некој ги кажува за нас – додава тој.Села не одговара конкретно на прашањето дали ќе излезе на гласање на 5- ти мај и вели дека тоа ќе се види на денот на гласањето.-Граѓаните треба да одлучат дали ќе гласаат и за кого. Ние имавме само еден кандидат. Конечниот став ќе го имаме по седница на централното претседателство следната недела. Но лично јас како претседател на Алијансата, пораките што ги имав за пренесување, а бев многу јасен, ги дадов во кампањата додека имавме кандидат за претседател. Нашата изборна кампања заврши во неделата на 21 април кога ги дознавме резултатите. Кој ќе биде ставот на Алијансата ќе се дознае по седницата на претседателството на партијата. Но нашиот принцип е дека се уште не е дојдено време албанските гласови да одат за македонските политички партии – вели Села и додава дека седницата на претседателството ќе се одржи во среда или четврток следната недела, односно само неколку дена пред одржување на вториот круг.

Македонија | пред 6 години

Синот на Мира „дизел“ дал отказ од ЕЛЕМ: Го направив ова од морални причини

Синот на пратеничката Мира Стојчевска, Виктор преку својот Фејсбук профил најави дека ќе си даде отказ, како што вели, од морални причини.Ова следува после одлуката на Антикорупциската комисија која потврди дека неговото вработување во ЕЛЕМ е спорно.„Сакам да ја известам јавноста дека јас како дипломиран геодетски инженер на Градежен Факултет – Скопје при УКИМ, свесен за моите знаења и способности имам капацитет да работам во било која компанија од приватниот и државниот сектор каде што се бара геодет. При крај сум со моите магистерски студии на Градежениот Факултет и имам желба и намера да се посветам на мојата професионална кариера.Јас не сум јавна личност и не сакам повеќе моето име да се провлекува во јавноста.Во таа насока, сакам да ве известам дека по одлуките на вчерашната седница на ДКСК, од морални причини решив на 30.04.2019 (вторник) да го доставам моето барање за отказ од АД ЕЛЕМ и да се повлечам од работното место“, напиша Стојчевски на Фејсбук.

Македонија | пред 6 години

Пендаровски: Ја прифаќам поканaта за соочување со „шарените револуционери“

Кандидатот за претседател на СДСМ и коалицијата Стево Пендаровски вчера во Велес истакна дека граѓаните треба да гласаат за број три, бидејќи тоа е гаранција дека режимот на Груевски нема да се врати, оти ќе се поддржи политичката опција што ја внесува Северна Македонија во Европската Унија и НАТО, оти на тој начин земјата ќе добие претседател од кој нема да се срами.– Има точно три години како почна „шарената револуција“, километри поминавме изиритирани од тогашната одлука на Иванов да аместира педесетина „супер криминалци“ од тогашниот режим на фамилијата. Чув дека постои иницијатива од некогашните „шарени револуционери“, кои доведоа до пад на режимот, заедно со сите нас, двајцата против кандидати од вториот круг да се соочиме со тие луѓе за тие да ни кажат кои се нивните замерки за изминатите три години, зошто дел од нив се разочарани, што можеме да направиме за да се обврземе пред нив, оваа држава конечно да биде уредена според клучниот принцип на шарената револуција – „нема правда, нема мир“. Ја прифаќам таа покана во време и место кое тие ќе го определат и подготвен сум да одговорам на сите нивни барања, нагласи Пендаровски.Наведе дека, доколку другата опција добие мнозинство на вториот круг од претседателските избори, тоа ќе значи враќање на Груевски, и како што рече негово управување од Скопје.

Македонија | пред 6 години

Сиљановска: Во Уставниот суд ќе седнат врвни правници и професори, а не како сега партиски послушници

Кандидатот за претседател на Република Македонија, проф. Д-р Гордана Сиљановска Давкова при дуелот со опонентот посочи дека кога таа ќе стане претседател на државата, во Уставниот суд ќе седнат експерти, а не како сега партиски послушници.„100% сум сигурна дека ќе останам своја, а не 102% сигурна со ставовите на некој друг, држете ме до збор. Стручноста , компетентноста, меритократијата се мојот живот. Не само што го предавам тоа и пишувам, туку секогаш го бранам. Значи држете ме до збор биографиите нема да бидат скриени како оние на амбасадорите. Ќе можат сите да видат што значат луѓе со биографија, компетентност и стручност. И на факултет и секаде каде што сум работела сум се држела до тој принцип. Значи во Уставниот суд ќе седнат врвни правници, судии од највисок ранг, професори“, појасни Сиљановска.Сиљановска додаде дека сега наградени луѓе добиваат функции, дури се чуди како нејзиниот опонент не станал судија во Уставен суд бидејќи тоа обично е награда за добро завршена работа во ДИК, бивши министри, бивши пратеници итн.„Јас немам намера кога ги споменуваме законите да ги поништувам и да ги укинувам, тоа е надлежност на Уставниот суд, ама ние Уставен суд во моментот немаме“, нагласи Сиљановска.

Македонија | пред 6 години

г.г. Стефан: Како народ да најдеме начин за меѓусебно помирување, па да простиме сè со Воскресението

Поглаварот на Македонската православна црква – Охридска архиепископија, г.г. Стефан до сите верници од православна вероисповед упати велигденска порака по повод претстојниот празник Воскресение Христово – Велигден.„Сè што било проречено за Спасителот Господ Исус Христос од старозаветните праведници – се исполнило: и доаѓањето, и раѓањето, и служењето, и судењето и распнувањето… Се исполнило и навестувањето за Неговото воскресение, кое Самиот го прорекол, кога рекол: урнете го овој храм и за три дни ќе го подигнам. И навистина: по лажните обвиненија, по неправедната пресуда и по распетието на Голгота, Синот Божји бил погребан и на третиот ден – воскреснал. Затоа, денот на Христовото Воскресение е ден за радост, и тоа радост за вечниот живот. Но, за да го разбереме и да му се радуваме на тој спасоносен ден, потребно е да живееме со настанот што ги донесе новото време и новата ера. Со Неговото воскресение се оправда и сета наша вера и доби смисла животот. Од тоа чудо над чудата извира и надежта во сопственото воскресение, зашто ако Христос не воскреснеше, празна ќе беше нашата вера.Велигденската радост треба да нè зближува и да нè обединува сите, како чеда на нашата мајка Црква, и нас во Татковината, и сите вас што живеете раселени по светот. Без разлика каде сме, да живееме богоугодно и во мир со сите луѓе, чувајќи ги националните и духовните посебности како народ, покажувајќи потребна грижа за светоста на бракот и семејството, грижа за повозрасните, изнемоштените и сиромасите, а особено за младите и нивното воспитување во духот на верата православна и на нашите прадедовски традиции. Како народ конечно да најдеме начин за меѓусебно помирување, па да простиме сè со Воскресението. Тоа нам, како христијани, ни е света должност, зашто кој не го љуби својот брат – како може да Го љуби Бога?!Прославувајќи го Христовото Воскресение со сите христијани во светот, да се радуваме и веселиме поради победата над смртта, поради верата во сеопштото воскресение и надежта во вечниот живот во Царството небесно. Да се радуваме заради Воскресението Христово и воскресението наше, поздравувајќи се со торжествениот поздрав: Христос Воскресе!“, стои во велигденската порака на поглаварот на МПЦ-ОА, г.г. Стефан.

Македонија | пред 6 години

Заев: Kадровски смени по изборите

Премиерот Зоран Заев вчера побара политичка и професионална одговорност од функционерите по укажувањата од Антикорупциската комисија за влијание на непотизам при одредени вработувања.„Во Антокорупциска има конкретни коментари каде нема непотизам, а имаме и конкретни коментари каде имало влијание за непотизам. Оттука барам повлекување и директно, како претседател на Владата, давам наредба до владините институции на лицата кои се вработени на тој начин веднаш да им се прекинат работните односи и да се повлечат назад. Барам професионална и политичка одговорност од сите нив“ - рече Заев.Премиерот нагласи дека до 5 мај не може да разрешува министри затоа што има законска забрана.

Македонија | пред 6 години

Пендаровски на анкетите води со 7% пред Силјановска

Анкетите пред вториот круг од претседателските избори покажуваат поголемо водство на кандидатот на СДСМ и коалицијата Стево Пендаровски, пред кандидатката на ВМРО-ДПМНЕ, Гордана Силјановска. Ако пред првиот круг разликата беше во рамки на статистичката грешка, анктетата на агенцијата „Маркет вижн“ овој пат покажува 7% разлика во корист на Пендаровски, објави МКД.мк.Ова истражување на јавното мислење покажува дека повеќето испитаници (22%) се изјасниле дека во вториот круг од изборите ќе гласаат за Стево Пендаровски наспроти 15,9% кои се изјасниле дека ќе го дадат својот глас за Гордана Силјановска-Давкова.Но речиси половина (47,7%) од испитаниците одбиваат да кажат за кој кандидат ќе гласаат, додека 14,3% се изјасниле дека нема да излезат на гласање. Ова значи дека исполнувањето на потребниот цензус за вториот круг од 40% излезност од запишаните гласачи е неизвесно.По однос на националноста на гласачите, 0,2 отсто од испитаниците со албанско етничко потекло рекле дека ќе гласаат за Силјановска, додека 8,1 отсто за Пендаровски.Во однос на рејтингот на партиите, власта и опозицијата се речиси изедначени. Анкетата покажа дека рејтингот на партијата на Зијадин Села е повисок од оној на партијата на Али Ахмети. Кај македонскиот блок во мало водство е ВМРО-ДПМНЕ со 0,6% во однос на СДСМ, додека во албанскиот блок во предност е Алијансата за Албанците со исто така 0,6 отсто предност во однос на ДУИ.Анкетирањето беше спроведено од 22 до 24 април со CATI метода – телефонско интервју со помош на компјутер, на примерок од 1.067 испитаници.

Македонија | пред 6 години

Бесплатен паркинг за Велигден во Охрид

ЈП „Билјанини Извори“ по повод големиот христијански празник Велигден донесе одлука на 28 април, недела, користењето на услугите на јавниот градски простор со кој стопанисува да биде бесплатно за сите.-Одлуката ја носиме во духот на големиот христијански празник и се надеваме дека со овој наш скромен гест ќе се приклучиме кон промовирањето на христијанските вредности како дел од славењето на самиот празник. – информира ЈП „Билјанини Извори“, кое на граѓаните од православна вероисповед им го честита Велигден.

Македонија | пред 6 години

Нема фотографија

На „Богородица“за влез и излез од државава се чека околу 45 минути

Продолжениот викенд ја зголеми сообраќајната раздвиженост на граничниот премин „Богородица“. Утрово на граничниот премин Богородица за влез и излез од државава се чека околу 45 минути.Инаку според АМСМ интензитетот на сообраќај на патните правци надвор од градските средини низ целата држава е зголемен.

Македонија | пред 6 години

Шилегов се обидува да и` ги одземе надлежностите на општина Сарај?

Од општина Сарај информираат дека општинските служби, поточно општинскиот инспекторат, забележал дека на локалниот пат Свиларе-Рашче кој се наоѓа на територија на нивната опшина се изведуваат работни активности, кои се преземени без никаква правна основа и без да се информира општината Сарај, иако овој пат се наоѓа во оваа општина и е под нејзина надлежност. Според информациите на општината, овие активности ги презел градоначалникот на Град Скопје, Петре Шилегов, пренесува порталот Медиал.мк.-Целата активност е незаконска и за ова општината презема и ќе презема формални законски активности во насока на информирање на надлежните органи и институции во земјата што се занимаваат со овој случај, како што е Комисијата за спречување на корупција, Министерството за внатрешни работи и други институции, велат од општина Сарај.Оттаму велат дека ова не е прв обид на првиот човек на Град Скопје да навлегува во надлежностите на оваа општина и дека самата општина ќе ги преземе сите законски активности во поглед на заштита на своите права.

Скопје | пред 6 години

Велики петок или „Распет петок“, најтешкиот ден за Христијаните

Православните христијани денеска го одбележуваат Велики петок, денот на најстрогиот пост, кој освен Велипеток уште се вика и Распет петок. Овој ден е посветен на спомнувањето на осудувањето на с**т, Крстните страдања и заминувањето на Спасителот.Велики петок, наспроти вообичаеното одбележување на верските празници со свети литургии и принесување на таканаречената бескрвна жртва, се празнува со читање извадоци од евангелијата од делот кој ја опишува неделата на страдањата на Синот божји.Според преданието, Христос починал на крст во „шестиот час на денот, а завесата на ерусалимскиот храм во истиот тој час се преполовила, сонцето се замрачило, мртвите станувале од гробови, а сите ѕвона се распукале”. Оттогаш, на Велики петок бијат дрвени ѕвона/клепала, а камбаните не ѕвонат до недела, кога првпат ќе ја огласат радоста на Христовото воскресение.Овој ден е строг пост, односно консумирање на храна која не се пржи на масло. Затоа денеска според правилата не би требало да јадете посен грав, риба, пржен компир… Поголемиот број христијани на денешен ден јадат варен зеленчук и овошје.

Македонија | пред 6 години