ГЛАВНИ-ВЕСТИ

(ФОТО) Депонија во двор на училиште во скопски Бутел во време на епидемија

Пцовисани животни, смет, делови од стари автомобили е само дел од она што може да се забележи во стариот објект на основното училиште „Живко Брајковски“ во Општина Бутел, објави тв21.Загрижениот родител кој се јави во нивната редакција вели дека ова е недозволиво во време на разни епидемии. Бара веднаш да биде реагирано.Нови случаи на заразени со МРСА, нема информираат од Центарот за јавно здравје. Но, паниката кај родителите на дечињата што одат во градинката и во училиштето каде што се откриени заразените со бактеријата постои. Родителите бараат да им се земат брисеви на децата и да се направи дезинфекција на училиштата. „Оваа бактерија се пренесува кожа на кожа, со директен контакт. Не се пренесува преку воздухот, нема логика да се дезинфизира. Социјалните мрежи го прават своето и родителите инсистираат. Два дена по ред доаѓаат родителите и ги носат децата, нема потреба“, изјави Александар Стојанов – Центар за Јавно здравје.До сега едно дете е заразено со МРСА има од основното училиште „Панајот Гиновски“ во Бутел, а три случаи се регистрирани во детската градинка „Снежана“ во Чаир.

Скопје | пред 7 години

Пендаровски во посета на Охрид

Претседателскиот кандидат на коалицијата предводена од СДСМ, Стево Пендароски, денешниот, втор ден од викендот, ќе го мине во средби и разговори со охриѓани и нивните гости.Како што информираше претседателот на Општинската организација на СДСМ за Охрид, Лазе Танески, Пендароски, најнапред ќе се задржи во непосредни средби и размена на мислења, со продавачи и граѓани – купувачи, на градскиот пазар во Охрид.Претпладнето, исто така, ќе го помине во средби со граѓаните по старата охридска чаршија, крајезерскиот кеј, како и во старото градско јадро, кај  бројните црквите и останатите древни споменици на нашата историја и култура.Поширока средба со граѓаните, претставници на невладини организации и други асоцијации, претседателскиот кандидат Пендароски, ќе има во 13 часотво, хотелот “Милениум – палас”.Како што најавуваат од ОО на СДСМ во Охрид, средбата и разговарите, се од отворен карактер, со цел интертактивна размнена на мислења за иднината на земјата, посебно од аспект на проблемите и потребите на младите, потоа за придобивките од членството во НАТО, како директен позитивен одраз за економијата, сигурноста, како и за други прашања од секојдневниот живот, како што се заедништвото и помирувањето, општо и  интра-етнички, помегу Македонците, односно за концептот едно општество за сите.

Македонија | пред 7 години

Ване Цветанов за Чавков: Нечовекот кој уништи стотици семејства, сега глуми жртва

Поранешниот директор на Управата за финансиско разузнавање, Ване Цветанов, ја коментира пораката која ја испрати осудениот на 18 години затворска казна екс директор на БЈБ, Митко Чавков.Претходно Чавков ја обвини власта дека ја нарачала, како што рече, пресудата против него. Цветанов вели дека токму Чавков е тој што нарачуваше и монтираше процеси против неистомисленици на претходната власт.„Нечовекот кој што монтираше повеќе од 30 случаи, уништи стотици семејства, кој што лично беше дел од врвот на мафијата и режимот, кој што од нула - за 7 години направи градежна фирма вредна милиони евра, ОБВИНУВА за неправеден судски процес и за криминална власт?Чавков монтираше и случај против 21 невладина организација, за Шарената револуција. Монтираше тешки кривични дела за наводно РУШЕЊЕ НА ДРЖАВНИОТ ПОРЕДОК. Со боја? За тој случај Чавков подготвуваше затворски казни повеќе од 300 години.Почитувани,Дали има погнасна работа од ситуацијата, во која што монструмот глуми жрва?“, стои во објавата.

Македонија | пред 7 години

Изменет сообраќаен режим на ул. „Даме Груев“

Сообраќајот на улицата „Даме Груев“ во Скопје денеска ќе се одвива со изменет режим заради потребите на „Скопје филм студио“ за снимање на филмот „Хомо“. Продукцијата информира дека сообраќајот ќе биде стопиран од 6 до 18 часот, а возилата ќе се  пренасочуваат кон околните улици, со повремени пропуштања.

Скопје | пред 7 години

Нема фотографија

Сончево и топло со температура до 25 степени

Сончево и топло со слаб до умерен ветер од западен и југозападен правец. Температурата ќе се движи од 16 до 25 степени.Во Скопје сончево и топло време со температура од 1 до 23 степени.Утре и во вторник претпладне ќе се задржи стабилно, суво и топло време. Во вторник во попладневните часови ќе има услови за локален дожд со грмежи, особено во планинските подрачја. Во среда ќе има зголемена облачност со локални врнежи од дожд. Ќе дува умерен северен ветер, што во следните денови ќе услови позначително намалување на дневната температура.

Македонија | пред 7 години

Сообраќајот се одвива по суви коловози

Сообраќајот на државните патишта се одвива непречено, по суви коловози.Ве информираме дека автопатот Миладиновци – Штип, секција Миладиновци – Кадрифаково и Кадрифаково – Миладиновци не е пуштен за сообраќај. На автопатот се вршат проверки од безбедносен карактер. Апелираме до сите возачи да не го користат автопатот.Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата.АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде се бележи појава на утринска магла, а исто така зголемена е и можноста од појава на одрони.

Македонија | пред 7 години

(ВИДЕО) Демонстранти ја завзедоа РТС, најавуват импровизиран „Дневник на Слободна Србија“

Дел од демонстрантите од вечерашните протести во Белград, предводени од Бошко Обрадовиќ влегоа во зградата на РТС. Во зградата има и полиција. И покрај тоа што поединци од масата мавале по полицијата, тие не реагирале, туку само влегле во зградата.Еден од демонстрантите ги повикал и останатите да влезат во зградата на јавниот сервис.Припадници на специјалните единици на полицијата се веќе распоредени по ходниците на Радио телевизија Србија, со цел да се спречи завземањато на зградата од демонстрантите.Демонстрантите ги излепиле ходниците на РТС со флаери и порачале дека ќе се вклучат во живо.Сите влезови за во зградата се блокирани.Учесниците на протестите претходно со јајца ја гаѓале зградата на јавниот сервис и најавиле дека ќе одржат импровизиран „Дневник на Слободна Србија“.https://www.facebook.com/1od5miliona/videos/2076170615811725/

Свет | пред 7 години

Годинава двојно повеќе туристи од Хрватска - златна маска за министерот за туризам

Во организација на Агенција за промоција и поддршка на туризмот и нашите пријатели од меѓународниот саем за туризам “Place2Go”, Република Северна Македонија е прва земја партнер на овогодинешната саeмска манифестација. Делегација на општина Охрид предводена од в.д. градоначалникот Константин Георгиески, го презентираше Охрид на меѓународниот саем „Place2Go“, во Загреб кој трае од 15 до 17 март. Покрај штандот на кој се презентираат туристичките и културно – историските знаменитости, Охрид беше претставен преку средби со туристичките претставници на повеќе земји и медиумски.Вршителот на должност градоначалник, Константин Георгиески во рамки на саемот, оствари повеќе значајни средби со важни личности.Загрепскиот саем за туризам, е релативно нов, но мошне популарен. Во изминатите три години саемот го посетиле повеќе од 40 000 посетители, а повеќе од 450 фирми ги имаат понудено своите производи.Македонија во 2018 година е домаќин на повеќе од 24000 гости од Хрватска и постојан годишен пораст на бројот на туристи од Хрватска од 50 %. Истата статистика важи и за бројот на ноќавања. Одличнните ефекти од минатогодишните промотивни активности на АППТ на хрватскиот пазар и одличниот интерес за патување во нашата земја на хрватите не охрабрува и во 2019 година да очекуваме скок од 30-35% хрватски туристи .Предвидуањата на Агенцијата за промоција и поддршка на туризмот за оваа година се Република Северна Македонија да ја посетат 1,3 милиони туристи и што поблиску да се приближиме до 4 милиони ноќевања поминувајки ја бројката од 420 милиони долари девизен прилив од туризмот.Овогодишен партнер на саемот беше македонската агенцијата за промоција и поддршка на туризмот претставувана од директорот Љупчо Јаневски.Се зајакнува соработката на Охрид и Хрватска. В.Д Градоначалникот Константин Георгиески кој деновиве е во работна посета на Хрватска на инстаграм напиша:„Кабинетот на министерот за туризам од утре ќе го краси Златната маска. Во мај господин Гари Капели ќе го посети Охрид, кога ќе ја конкретизираме соработката и промоцијата на Охрид во Хрватска од каде во 2018 год имавме раст на туристи од речиси 100 %“.

Македонија | пред 7 години

ФОТО: Автомобил се преврте на автопатот Скопје – Тетово

Нова несреќа на автопатот Скопје – Тетово, автомобил се превртел и преминал во лентата која води кон спротивен правец, пробивајќи ја заштитната ограда која го дели автопатот, објави порталот javno.mk .Несреќата се сличила околу 15:30 часот пред наплатната рампа Желино.Текстот во целост на javno.mk .

Македонија | пред 7 години

Пресечен канал за трговија на хероин

Одделот за криминалистичка полиција во содејство со Одделот за сузбивање на организиран и сериозен криминал-Единица за недозволена трговија со дрога при Министерството за внатрешни работи и Царинската управа пресече канал за трговија на хероин.На 13.03.2019 на Граничен премин „Табановце“, при преглед на автобус со швајцарски регистарски ознаки, кој сообраќал на релација Гостивар – Берн, Швајцарија, под задните седишта пронајдена е кеса во која имало две пакувања со околу еден килограм хероин. Дрогата била одземена, а по извршеното вештачење било утврдено дека станува збор за хероин со тежина од 998,63 грама.Во Полициската станица Куманово биле приведени К.П.(41) и А.Б.(38), двајцата од село Долно Количани-Скопје, скопско, поради постоење основи на сомнение за сторено кривично дело „неовластено производство и пуштање во промет наркотични дроги, психотропни супстанци и прекурзори“. Се преземаат мерки за целосно расчистување на случајот.

Македонија | пред 7 години

Чавков на ФБ: Обвинението е неосновано, казната драконска, a вилата ако ја најдете ја подарувам на „истражувачките новинари“

Поранешниот директор на БЈБ, Митко Чавков кој вчера беше осуден на 18 години затворска казна за собраниските инциденти од 27 април, се огласи на „Фејсбук“.Обвинението го нарече монструозно и неосновано и порача дека казната е драконска.Нарачката на мафијата која владее со Република Македонија е реализирана:– Монструозно обвинение – неосновано– Драконска казнаГи повикувам сите членови и симпатизери на ВМРО-ДПМНЕ како и добронамерните граѓани на Република Македонија кои не се политички определени да се обединат околу каузата на ВМРО-ДПМНЕ и да се порази злосторничката организација која ги киднапира сите институции.ПОДЕЛБИТЕ СЕ ВО КОРИСТ САМО НА МАФИЈАТА!2. Вилата на Халкидики ( ако ја најдете да постои), ја поклонувам на ,,истражувачките новинари“.3. Најавувам тужба за фингираната службена белешка. 

Македонија | пред 7 години

Емотивна порака на Ангелов упатена до сопругата: Чувај се, чувај ми ги децата, пази ми ја и мајка

На социјалните мрежи се појави емотивна порака на Горан Ангелов Ќосето,  упатена до сопругата Наташа! Тој напиша:Моето веќе се виде Наташа, јас не верувам дека повеќе ќе можам да разгорам огниште. Нема да има кога. Нате, мојов живот повеќе не ми припаѓа мене. Тој и е завештаен на една друга армасица, понесреќна и посвета од сите нас. Нејзе и припаѓам со цело мое битие, до последна капка крв, до последен здив.Тоа е Македонија.Ќе ми фалите секој момент од денот, секоја секунда, и ти и децата, а и старата.  Сакам сите да знаат, дека не постои таков пишан збор кој може да ја опише мојата почит кон тебе и кон све што правиш за нашето семејство.Чувај се, чувај ми ги децата. Пази ми ја и мајка, тешко и е.Не тагувај, да знаеш дека и покрај све, мене ми е задоволство да и го посветам мојот живот на Македонија.Чувај ми се, Наташа.Горан 

Македонија | пред 7 години

Јане Ченто го врати решението за притвор на судот, бидејќи пишувало Република Северна Македонија

Јане Ченто му го врати решението за притвор на судот, бидејќи пишувало Република Северна Македонија и напишал дека нема да прима документи на кои пишува Република Северна Македонија.Преку неговиот адвокат Дончо Наков, Јане Ченто се обрати со писмо:-Почитувани браќа, сестри и пријатели, денес се случи тоа што и се очекуваше во држава во која владее хунта и режим, како што не е видено во Македонија, но имам да порачам нешто. Браќа и сестри, никој не е вечен, така и оваа криминална хунта ќе си оди еден ден, им се гледа крајот. Ако мислат дека ќе ме замолчат со тоа што ме осудија 15 години затвор, се лажат. Има начин и од затвор да ја водам оваа борба против оваа хунта и верувајте, нема ни еден ден да се откажам од борбата за Македонија. Пренесете им надвор, еден ден ќе паднат ама нема да бегаат од Македонија, туку ќе одговараат за сите злодела што ни ги направија и нас и на македонскиот народ. Македонија ќе се разбуди за брзо време, а тогаш ќе изгрее ново сонце на слободата.Им благодарам на сите мои роднини и пријалите кои изминативе месеци ми помагаа. Нема да ги спомнам поради нивна лична заштита од оваа хунта, за да не ги прогласи и нив за терористи.Пренесете му на Крсто, Сашо и останата багра дека тоа што си сееле тоа и ќе си жнеат еден ден, а тој ден ќе дојде многу брзо. Животот е долг, борбата за Македонија никогаш нема да запре во моето срце.Пријатели мои да се живи и здрави и верувајте ќе дојдат подобри времина. Главата горе, горди мои македонци.На апелациониот суд остануваат посериозни проблеми. Жалам за престојниот срам што падна врз оваа судска власт. И на крај не се плашам од затворот, ниту од бесот на бедниот тиранин, кој ни го смести ова. Судот не осуди, но тоа и не толку важно, историјата ќе не ослободи. Еден ден ќе изгрее сонцете на слободата.Вам почитувани судии длабоко ви се заблогодарувам, што искрено дозволивте да се искажеме во овј судски процес. Искрено, не чувствувам огоеченост кон вас, разбирам дека во одреден дел бевте хумани и знам дека претседателот во овај судечки совед е човек со голема професионалност и не може да ја сокрие одбивноста кон овие случувања и беше принуден да донесе неправедна одлука.Да живее Република Македонија.Јане Ченто - 15.03.2019https://www.facebook.com/slobodazacentojane/photos/a.757897797586403/2242623065780528/?type=3&theater 

пред 7 години

Стојанче Ангелов на Твитер: Строги, но праведни затворски казни за пеколниот план од 27 април

Лидерот на партијата „Достоинство“ преку социјалните мрежи ја прокоментира одлуката на судот со која обвинетите за случајот 27 април добиваат вкупно 211 години затворска казна.Строги но праведни затворски казни за организаторите и извршителите на пеколниот план и насилства од крвавиот 27 април. Игор Дурловски кој наивно наседна на овој план доби ослободителна пресуда. Груевски го следел објавувањето на пресудата од луксузен хотел во Будимпешта, напиша Ангелов на Твитер.https://twitter.com/StojanceAngelov/status/1106531077471043584?ref_src=twsrc%5Etfw%7Ctwcamp%5Etweetembed%7Ctwterm%5E1106531077471043584&ref_url=https%3A%2F%2Ffaktor.mk%2Fstojanche-angelov-strogi-no-pravedni-zatvorski-kazni-za-pekolniot-plan-od-27-april%3Ffbclid%3DIwAR2fEB_gd1y-OvCrvEPxoAPExQwvnXGliNNjitqtCOguitAlYnQvPHWGexE 

Македонија | пред 7 години

Пронајдени мрежи со белвица, но не и рибокрадците

На 15.03.2019 во периодот од 19.30 до 23.30 часот, при вршење патролна дејност во водите на Охридското Езеро, полициски службеници од Полициската станица за граничен надзор - Охридско Езеро, во близина на хотел во Струга, околу 600 метри од брегот на езерото, пронашле шест рибарски мрежи долги по околу 50 метри со улов од риба - охридска Белвица.Исто така, на околу 1000 метри од брегот на езерото биле пронајдени две рибарски мрежи долги по околу 50 метри, без улов. Риболовниот алат бил подигнат и однесен во Полициската станица за граничен надзор - Охридско Езеро за понатамошна постапка.Се преземаат мерки за расчистување на случајот.

Македонија | пред 7 години

(ВИДЕО) По пресудата Дурловски објави нова песна без зборови за страдањето

Судот денес им изрече затворски казни од 221 година затвор за дел од учесниците во 27 април, а единствен ослободен денес беше перскиот пејач Игор Дурловски.Тој по пресудата објави нова песна, без зборови, но со многу емоции.– Кога слободата е ропство а среќата тага!Мелем на душа сте ми, сите #вие што со мисла, збор, присуство бевте со мене во најтешкото. Благодарам на дел од блиските што станаа далечни.#Длаборез е проект кој со солзи ја гали татковината, а од срце ви го поклонувам.Немаше да биде ваков без мајсторијата на моите пријатели:Кокан Димушевски – АудиоМартин Павловски-ШминкаЛаско Џуровски-Дизајн на текст. – стои во објавата на песната на Фејсбук.ВИДЕОИГОР ДУРЛОВСКИ

Македонија | пред 7 години

(ФОТО) Иванов не го потпишува Указот за изменување и дополнување на Законот за енергетика

Претседателот на Ѓорге Иванов, не го одобрува ни Указот за изменување и дополнување на Законот за енергетика. Во дописот кој го испратил Иванов до Собранието на 14.03.2019 г. се вели:„Во извршувањето на функцијата Претседател на Република Македонија секогаш постапувам согласно дадената свечена изјава дека ќе го штитам Уставот и ќе ги бранам интересите на Република Македонија.Врз основа на член 75 од Уставот на Република Македонија, донесов одлука да не го потпишувам Указот за прогласување на Законот за изменување и дополнување на Законот за енергетика што Собранието на Република Македонија го донесе на седницата одржана на 7 март 2019 год“, пишува во дописот од кабинетот на претседателот до Собранието.

Македонија | пред 7 години

Вкупно 211 години затвор за сите ученисици во крвавиот четврток

Вкупно 17 обвинети за упадот во Собранието на 27 април кои се гонат за кривичното дело терористичко загрозување на уставниот поредок и безбедноста се прогласени за винови во Кривичниот суд, каде судија беше Добрила Кацарска.Ексдиректорот на Бирото за јавна безбедност Митко Чавков, како тогашна златна команда за протестите пред Собранието и за време на нападот, осуден е на 18 години затвор. Митко Пешов од МВР доби 15 години затвор. Душко Лазаров од МВР осуден е на 15 години. Горан Ѓошевски Леви, тогашен шеф на обезбедувањето на Трајко Вељаноски е осуден на 15-годишна затворска казна. Оливер Поповски од МВР на 13 години, неговиот колега Оливер Радулов, на 10-годишна затворска казна. Мунир Пепиќ од Агенцијата за разузнавање доби 15 години, а Абдуљфета Алими доби 7 години затвор. Игор Дурловски, еден од водачите на протестите За заедничка Македонија, доби ослободителна пресуда. Од напаѓачите со фантомки, Младен Додевски доби 12 години. Јане Ченто доби 15 години, Горанче Анѓеловски 12 години. Игор Југ кој носел оружје и кој според сведоците и според некои кообвинети, требало да го убие Зоран Заев, осуден е на 12 години затвор. Влатко Трајковски доби 15 години, Вилијам Михајловски 14 години, Никола Митревски Кољо 15 години, Александар Василевски Нинџа 8 години.Дел од обвинетите се жалеле дека биле изманипулирани, дел велеле дека станувало збор за патриотизам. Кацарска рече дека не е патриотизам тепање на новинари и пратеници, како и разни чинови на насилство. Кацарска додаде дека ова ќе остане еден од црните денови на државата. Кацарска рече дека го разбира револтот поради селективната амнестија, но тоа е одлука на Собранието.За сите обвинети е побарано да бидат во притвор до правосилноста на пресудата, поради опасност од бегство.

Македонија | пред 7 години

Чавков осуден на 18 години затвор за „27 април“

Ексдиректорот на БЈБ, Митко Чавков, кој на критичниот 27 април ја имаше златната команда, е осуден  на 18 години затвор. Тој се товари дека не делувал навремено, односно доцна дал наредба за делување на полицијата.Митко Чавков, директорот на Бирото за јавна безбедност и раководителот на Оперативниот штаб на МВР, за време на организираниот напад на Собранието на 27 април додека траеле насилствата бил на само стотина метри од Собранието. Поранешниот директор на БЈБ и шеф на оперативниот штаб на МВР, Митко Чавков, изјави дека тој лично раководел со операцијата за извлекување на пратениците и враќање на контрола во Собранието. Тој го оспори обвинителниот акт против него тврдејќи дека телефонски комуницирал со потчинетите кои ја координирале интервенцијата и дека на негово барање во Собранието биле испратени два вода од Единицата за брзо распоредување а потоа и вод на единицата ПЕП и тим од специјалната единица „Тигар“. Чавков го посочи обвинетиот Пешов како лице со кое бил во контакт и не даде објаснување зошто не одговарал на повиците на тогашниот министер Нухиу. Во своето излагање тој нагласи дека ја издал наредбата за употреба на физичка сила и шок бомби и изрази како што кажа жалење за неуспешноста на одговорот во моментот на влез на толпата во Собранието и „пасивноста и збунетоста на терен“.

Македонија | пред 7 години

(ВИДЕО) Се појави видео како полицијата го апси терористот кој во џамија уби над 40 луѓе

Се појави видео на кое се гледа како е уапсен терористот Брантон Тарант, кој во џамиите во новозеландскиот град Крајстчерч уби над 40 лица. Тарант со автомобил дошол до џамијата, вооружен до заби, а потоа од возилото го извадил оружјето и пукал по муслиманските верници.Според медиумите Тарант најверојатно по масакрот почнал да бега со автомобилот, но но полициски автомобил, буквално удрил во него и го запрел.

Свет | пред 7 години

Мицкоски со повик до етничките заедници да гласаат за Силјановска, Албанците ги „заборави“

Претседателот на ВМРО-ДПМНЕ Христијан Мицкоски во еден пост објавен на неговата Фејсбук страница, Мицкоски го повикува сите етнички заедници да гласат за професорката Гордана Силјановска, со исклучок само на Албанците кои не ги набројува во својот повик.„Ја користам оваа прилика да ги повикам граѓаните на Република Македонија, Македонците, Србите, Босанците, Турците, Ромите, Власите и сите останати да ни се придружат и да застанат со нас на 21-ви април, масовно да излезат на гласање и да го поддржат кандидатот на Коалицијата „За подобра Македонија“, професорката Гордана Силјановска Давкова“, стои во објавата на Фејсбук.

Македонија | пред 7 години

(ВИДЕО) Убиени најмалку 40 луѓе во џамии во Нов Зеланд – убиецот масакрот и го снимал поставил на социјални мрежи

Страшниот масакр во двете џамии во Нов Зеланд, во кој се убиени 40, а ранети 20 муслимански верници, го изврши само еден напаѓач. Тој целиот чин, од подготовка до влегување во џамиите го објави на социјалните мрежи.Во 17-минутното видео се покажува напаѓачот Брентон Тарант, кој излегува од автомобилот, зема оружје од багажникот, го извршува нападот и се враќа во автомобилот.Видеото е веќе избришано од Интернет. Сепак, инсерти од видеото се шират на социјални мрежи. Додека патува до џамиите со помош на навигација, во автомобилот е пуштена српска ,,патриотска “ песна за Караџиќ.https://www.dailymotion.com/video/x7490e9Премиерката на Нов Зеланд Џасинда Ардерн соопшти дека најмалку 40 луѓе се убиени во напади во две џамии во градот Крајстчрч.– Ова е еден од најтемните денови во историјата на Нов Зеланд. Она што се случи овде е досега невиден чин на насилство, истакна премиерката Ардерн.Таа додаде дека повеќе од 20 лица се ранети, од кои повеќето со сериозни повреди. Меѓу нив има и деца.По престрелката чeтири мажи и една жена се уапсени,но нема детали за напаѓачите. Нападот се смета за тероризам,  но засега нема потврда дека бил самоубиствен.Лицето кое ја презеде одговорност за терористичкиот напад, оставило антиимигрантски и антимуслимански проглас на 74 страници, во кој објаснува кој е и зошто го извршил нападот.

Свет | пред 7 години

Бетмен испрати порака преку Фејсбук: Браќа за цел живот!

Богдан Илиевски на својот Фејсбук профил објави фотографија на која е заедно со Владо Јовановски, Борис Дамовски и Игор Дурловски. Под фотографијата тој напиша „Браќа до крај. Браќа за цел живот“.Инаку тие беа водачите на протестите „За заедничка Македонија“ кои на 27 април ја повикаа толпата за упад во Собранието.Владо Јовановски, Борис Дамовски и Богдан Илиевски беа помилувани за настаните од 27 април, додека пак Игор Дурловски не поднесе барање за амнестија во дадениот рок од судот.Обвинетите од 27 април денес ќе треба да ја слушнат пресудата од Кривичниот суд. 

Македонија | пред 7 години

Денес ќе се изречат казните за Чавков и другите обвинети за „27 април“

Митко Чавков заедно со останатите 17 обвинети, денес ќе треба да ја слушнат пресудата од Кривичниот суд, како и можната казна за крававите инциденти. Предметот го води судијката Добрила Кацарска.Судскиот процес почна во август минатата година. На почетокот процесот почна против 33 обвинети, кои беа извршители на упадот во парламентот и на нападите врз пратениците. Но, по донесувањето на Законот за амнестија помилувани беа 15 лица.На обвинителна клупа останаа Митко Чавков, Душко Лазаров, Горан Ѓошевски-Леви, Митко Пешов, Оливер Поповски, Мунир Пепиќ, Абдуљфета Алими, Оливер Радулов, Игор Дурловски, Јане Ченто, Игор Југ, Александар Василевски-Нинџа, Никола Митревски-Кољо, Младен Додевски, Горанче Ангеловски, Влатко Трајковски и Вилијам Михајловски, кои се товарат дека сториле кривично дело терористичко загрозување на уставниот поредок.Ексминистерот за внатрешни работи, Митко Чавков по трет пат е во притвор поради опасност од бегство. Имено, минатиот пат, кога Чавков заврши во затворот во Шутка, тој штрајкуваше го глад, а познато е дека тој има и здравствени проблеми.

Македонија | пред 7 години

Николовски: Победата на Силјановска значи пад на владата на Заев

Во своето гостување во емисијата „И што сега“ на МРТ, потпретседателот на ВМРО-ДПМНЕ, Александар Николовски изјави дека е убеден дека Пендаровски ќе ги загуби претседателските избори и се надева дека во најкус можен рок ќе се случат предвремените парламентарни избори.-Јас во однос предвремени избори го следам она кое што го кажа Зоран Заев. Тој денеска спомена дека доколку Стево Пендаровски изгуби, Владата ќе падне и ќе се случат предвремени избори. Еве да го држиме за збор, Пендаровски ќе изгуби на претседателските избори и се надевам дека Заев ќе си го одржи зборот. Односно победата на Гордана Силјановска Давкова на претседателските избори значи пад на владата на Заев и значи вовед во парламентарни избори кој што се надевам ќе се случат во најкус можен рок, вели Николоски.

Македонија | пред 7 години