карпош

Јакимовски не смее да издава градежни дозволи на Партизанска и Илинденска

На денешната седница на Советот на Општина Карпош на која не присуствуваа советниците од редовите на СДСМ и ГРОМ беше изгласана предлог одлуката против висококатницата во Карпош.„Со оваа одлука се задолжува Градоначалникот и соодветниот општински сектор да го стопираат издавањето на градежни дозволи и забрана за отпочнување на градба на просторот кој го опфаќа ДУП за Градска четврт З 05 Блок 08, како и изготвување на стручен елаборат за суспензија на применувањето за блок 08 од ДУП за градска четврт 3 05 помеѓу бул.Илинден, бул. 8 Септемри, бул.Партизански одреди и ул.Љубљанска, донесен со одлука на Совет 07-7546/4 од 06.11.2013, Општина Карпош со цел спроведување ревизија за истиот.„Ова е нов пораз на урбанистичката мафија во Општина Карпош. Истовремено жалам што зад интересите на Карпошани не застанаа советниците од редовите на СДСМ и ГРОМ со што практично ги прекршија своите предизборни ветувања дека ќе работат во интересите на жителите на Општината.“ изјави координаторот на советничката група на Левица, Мартин Димоски.

Скопје | пред 3 години

Се повеќе се слуша дека Стевчо ќе даде дозвола за 28 катница, поднесено е барање да се стопира издавањето дозволи, вели Ристов

„Покрај излагањето на ТВ од страна на Стевчо се погласни се гласините дека сепак ќе издаде дозвола за 28 катницата. Всушност тоа и била причината што тој ја злоупотребува администрацијата да оневозможи заседавње на Советот на Општина Карпош“, вели Бранко Ристов, претседател при Советот на Општина Карпош.„Поднесов решение за свикување седница со една точка на дневен ред "Предлог- Одлука за задолжување на градоначалникот и општината да стопираат издавање на градежни дозволи, забрана за започнување градба и спроведување ревизија на ДУП за градска четврт З 05 блок 08". Согласно комуникацијата со советнички групи и изјави во јавност одлуката би требало да помине глатко, со 15 гласови; Левица 4, Независни 2, ГРОМ 2, ВМРО- ДПМНЕ 7. Останува да преброиме кој си стои на збор а кој ќе тера лицемерен популизам.Повторното оневозможување да се одржи седница ќе биде јасен сигнал кои се всушност плановите на градоначалникот. Дополнително, оневозможувањето не само ќе биде кршење на закон туку и брутален анти демократски чин за попречување гласачите да бидат претставени од своите избраници“, вели Ристов.

Македонија | пред 3 години

Куп куќи станале згради во Карпош, општината со нови правила

Почнувајќи од денеска (среда 22.06.2022), Општина Карпош ќе се придржува кон новите правила во процесот на урбанистичкото планирање кои се однесуваат посебно на изградбата и одобренијата за градба во зони на индивидуално домување.Тие велат:„Одредбите кои ќе се однесуваат на паркирањето, важат и за колективно домување, при што се утврдува дека:1. Oпштина Kарпош нема повеќе да дозволува паркирање со помош на таканаречени платформи, туку исклучиво со рампи и тоа поврзани директно од сервисната улица кои ќе се спуштаат до гаражните места во објектот;2. Општина Карпош нема повеќе да одобрува проекти во кои паркирањето ќе биде прикажано со таканаречени „клацкалки“;3. Целокупното паркирање, за објекти од индивидуално и колективно домување мора да биде планирано под самиот објект. Доколку постои простор за гаражирање во рамките на самата парцела, тој простор нема да се земе во предвид, туку истиот ќе треба да биде резервиран за станарите кои имаат второ и трето возило, како и за гостите кои доаѓаат во предметниот објект. Овие одредби важат доколку во индивидуалниот објект за кој се бара градежна дозвола има повеќе од две станбени единици.Кај новите градби (особено за индивидуално домување), најголем проблем создаваат возилата кои не се паркираат во парцелата или објектот, туку истите остануваат на улиците и тротоарите и го загрозуваат животот на останатите граѓани од таа улица, (маало). Дополнителен проблем претставува второто и третото возило кое го поседуваат многу семејства, а со одобрението за градба не е предвиден простор за толку возила. Истото се однесува и за возилата на гостите кои доаѓаат во станбениот објект, кој во случајот е предмет на одобрение за градба.Во изминатиот временски период имавме вистинска наезда на претворање на индивидуалните градби, во станбени единици за колективно домување. Таа тенденција одеше дотаму, што се одобруваа дури и до 15 станови, и покрај тоа што се работи за индивидуално домување. Притоа, постоечката инфраструктурата и ширината на станбените улици, не можат да овозможат нормално функционирање и живеење ниту за граѓаните кои купуваат станови во тие објекти, ниту пак за останатите жители од тој реон.Од тие причини, локалната самоуправа одлучи да се придржува според следниве правила:1. Во урбанистички парцели кои се помали од 350м2 максимум ќе се дозволуваат до четири станбени единици.2. Во урбанистички парцели до 420м2 ќе се одобруваат максимум шест станбени единици.3. Урбанистички парцели кои се поголеми од 420м2 ќе може да планираат максимум осум станбени единици.Одредбите за паркирање под точка 1, 2 и 3 се однесуваат и за колективно домување односно целокупното паркирање мора да биде во објектот. Оттаму, евентуалниот простор кој би се нашол надвор од станбениот објект во самата урбанистичка парцела, да се предвиди за зеленило и евентуално за паркирање на второ и трето возило од самите станари, како и посетителите кои доаѓаат во објектот.Одредбите од овој правилник ќе бидат во важност од 22 јуни 2022 година и ќе се применуваат без исклучок.

Скопје | пред 3 години

Јакимовски им порача на жителите од Тафталиџе да не протестираат оти е топло

Градоначалникот на општина Карпош, Стевчо Јакимовски денес по втор пати ги посети граѓаните од Тафталиџе кои веќе неколку дена го блокираат булеварот Теодосиј Гологанов.„Денеска по втор пат ги посетив граѓаните од Тафталиџе кои веќе неколку дена го блокираат булеварот Теодосиј Гологанов во знак на револт што не се носи урбанистичкиот план кој се однесува нa нивното место на живеење.Имајќи ги предвид високите температури и со оглед на фактот дека поголем дел од граѓаните кои протестираат се возрасни лица, за да не си го загрозуваат сопственото здравје ги замолив да го прекинат протестот и повеќе да не ја блокираат улицата, со ветување дека службите веќе го подготвуваат и ќе биде пуштен на јавна анкета урбанистичкиот план за тој дел од општината.На јавната анкета граѓаните ќе можат да си го дадат своето мислење и да ги искажат своите забелешки.Истовремено во наредниот период ќе се заложам нивниот ДУП да го изнесам пред советниците и да биде позитивно решен“, вели Јакимовски

Скопје | пред 3 години

Општина Карпош: Сочувствуваме со проблемите на граѓаните кои живеат во субстандардни услови

Сочувствуваме со проблемите кои што ги имаат граѓаните кои го изразуваат својот револт, а живеат во Тафталиџе на улица Теодосиј Гологанов, велат од Општина Карпош.„Општината бара начин како да им помогне на овие жители кои се староседелци и живеат во субстандардни услови, а некои веќе и со срушени куќи, да можат за себе и за своето семејство да имаат пристоен дом како сите останати во Карпош.Живот со кров кој протекува, спални со мувла, со недоволна инсолација - осветлување, употреба на септички јами, енормни трошоци за затоплување зошто се работи за градби од средината на минатиот век, е под секое достоинствено човечко ниво, затоа час поскоро планерската куќа која го изработува ДУП-от и стручните служби од општина Карпош ќе излезат со предлог ДУП за јавна анкета за овој дел од општината“, се вели во соопштението.

Скопје | пред 3 години

Нема фотографија

Левица поднесе барање за ревизија на 26-катницата во Карпош и забрана за издавање градежни дозволи

Денес, советничката група на Левица во Општина Карпош, поднесе две предлог одлуки, кои се однесуваат на просторот на Деталниот урбанистички план З 05. Токму во рамките на овој ДУП, се наоѓа спорната парцела на која се предвидува 26-катница, а која беше дел од препукувањата помеѓу Јакимовски и ДПМНЕ, нформираат од Левица.„Бидејќи и двата политички субјекта најавуваа дека ќе иницираат постапка за спречување на изградбата на ова монструозно здание, а досега не го направија тоа, ние како советничка група се одлучивме на овој чекор.Овие две предлог-одлуки се однесуваат на иницирање на ревизија на овој Детален урбанистички план, како и забрана за издавање на градежни дозволи и стопирање на сите отпочнати градежни активности во рамките на овој урбанистички план.Поаѓајќи од потребите на Карпошани, но и од претходно најавеното, очекуваме за овие предлог-одлуки да гласаат ДПМНЕ и ГРОМ, со што ќе се обезбеди мнозинство за изгласување и конечно одвратување на бизнис интересите од Општина Карпош“, се вели во соопштението.

Скопје | пред 3 години

Дали градинката „Мајски цвет“ каде падна кровот е реконструирана од фирма миленик на ДУИ, прашува Велјановски

Пред само малку повеќе од година и полововина, целиот врв на Социјалдемократскиот сојуз направи најмалку 5 настани поврзани со Детската градинка Мајски цвет во Тафталиџе, вели Роберт Велјановски, Советник од ВМРО-ДПМНЕ во Советот на општина Карпош„За сликање се наредија тогашниот премиер Зоран Заев и тогашниот градоначалник Стефан Богоев, па потоа Богоев и тогашниот министер Мила Царовска, по неколку месеци Заев, Богоев и министерот Јагода Шахпаска, итн. Сите настани беа поткрепени со прес конференции и воспевања како и колку СДСМ квалитетно гради и колку многу се грижи за децата од предучилишна возраст.Тврдеа дека несигурната монтажна барака на Детската градинка Мајски цвет во Тафталиџе 2 ќе прерасне во супер сигурен објект за престој на децата во супер сигурна тврда градба.Исплатија милиони денари, пари на граѓаните на Карпош, и го постигнаа следниот резултат - плафонот во неколку простории на градинката, по неполна година и половина, се урна!Среќа во целата несреќа е што “во целосно новиот објект” оваа немила случка се случи за време на викенд, кога ниту едно дете не престојува во градинката.За несреќата во модуларната болница во Тетово виновен беше кабелот, за рушењето на таванот на градинката, веројатно, ќе го обвинат олукот.СДСМ никогаш нема да бара виновници онаму каде што се во прашање и каде што се засегнати нивните бизнис интереси. За нив, јавниот интерес и безбедноста на граѓаните, се апсолутно не важни.Оттука, поставуваме неколку прашања:1. Ќе превземе ли некој одговорност за рушењето на таванот на градинката?2. Дали покрај изведувачот на реконструкцијата, фирма миленик на ДУИ, тендер за изведба на санација на објектот Детска градинка Мајски цвет, во Тафталиџе 2 добила и фирмата миленик на СДСМ која во општина Ѓорче Петров продаваше машина за перење алишта за 20.000 евра?3. Дали и колку други тендери им се дадени на овие две фирми од претходното раководство на општина Карпош?!4. Вредат ли профитот и бизнис релациите на СДСМ и ДУИ повеќе од безбедноста на најмладите жители на општина Карпош?!“, додава тој.

Скопје | пред 3 години

(ФОТО) Констатирани недостатоци во изградбата на кровот на градинката во Карпош

Градоначалникот на општина Карпош Стевчо Јакимовски, утрово повторно направи увид на ситуацијата во градинката „Мајски цвет“ и изврши консултација со експерти од областа при што беа констатирани недостатоци при изведбата на плафонот. Јакимовски во обраќањето во живо од градинката соопшти три главни причини поради што дошло до паѓање на таванот.- Побаравме експертско мислење и констатиравме недостатоци при изведбата. Конструкцијата на шините е конструкција за ѕид, а не за плафон, значи осовинското растојание е од 65 сантиметри, наместо да биде 50 сантиметри. Значи секоја табла требала да биде поставувана на 4 до 5 шини, а овде е поставувана на три. Втората голема причина е што штрафовите се премногу набивани и практично, оној слој на хартија што ја држи гипс картонската плоча е пробиен. Тоа е втората причина поради што е дојдено до оваа ситуација. Третата причина е што местењето на гипс картон на таван има свој систем, а овде се лепени цели плочи. На еден сосема мал дел натежнала водата, што придонело целиот плафон да се сруши како кула од карти. Ќе побарам вештачење и уште некое експертско мислење. Јас се плашам дека може да се урне целиот таван од оваа градинка направена во 2019 година. Ќе побарам измени во буџетот и итно да видиме што ќе кажат стручните лица, како да извршиме санација се во интерес на безбедноста на нашите најмали жители во општина Карпош, соопшти Јакимовски.

Скопје | пред 3 години

„По којзнае кој пат Јакимовски ги изневери очекувањата на жителите, не се сменил!“, Јоци за градоначалникот

Политикологот Јорданка Ивановска-Јоци смета дека како што се распаѓа градоначалникот на Карпош, Стевчо Јакимовски, така се распаѓа и општината. Таа смета дека тој не е променет и дека ги изневерил граѓаните.„Се распаѓа Стевчо, се распаѓа и Карпош. Нема подобра симболика за него од оваа фотографија, со урнат кров врз глава, откако по којзнае кој пат Стевчо Јакимовски ги изневери очекувањата на гласачите/жителите и реши да ги следи сопствените приватни интереси. Искрено, криво ми е што воопшто поверував дека ете - се сменил на подобро и дека ќе сака да го заврши мандатот пред пензија како една успешна прикаска за колективната меморија. Нормално, не! Луѓето не се менуваат, само времето им ги потенцира брчките. А, што убаво не му праев муабет 8 години!“, напиша Јоци.Таа сподели фотографија од него, каде над градоначалникот има срушен таван, а тој гледа низ дупката. Таа смета дека таа е симболика е многу значајна.

Македонија | пред 3 години

Јакимовски откри зошто падна таванот на градинката во Карпош

Градоначалникот на општина Карпош Стевчо Јакимовски утрово беше на увид во просториите на градинката „Мајски цвет“, клон „Јасмин“, во населбата Тафталиџе 2, каде што во текот на викендот паднал плафон од гипс картон во две простории, а во уште една е оштетен.- Ја утврдуваме причината, Најверојатно се работи за технички проблем. Веројатно олуците не биле исчистени поради што дошло до нивно запушување. Имајќи предвид дека станува збор за скриен покрив, водата прелила преку олукот врз изолацијата која натежнала на плафонот од просторијата кој е изработен од гипс картон, изјави градоначалникот Јакимовски по извршениот увид.При увидот, истовремено забележани се и некои технички пропусти при градбата на објектот, велат од Карпош. Од тие причини градоначалникот побара да се проверат проектите, понудата и завршните ситуации по што ќе бидат објавени дополнителни информации во врска со случајот.

Скопје | пред 3 години

Богоев не отфрла можност Јакимовски да се врати со СДСМ, но нема таква најава

„Не е превземено ништо, ниту за во блиска иднина за Стевчо Јакимовски да се врати во СДСМ“. Вака Стефан Богоев од СДСМ одговори на прашањето дали градоначалникот на Карпош ќе биде повторно со нив во коалиција. Тој не ја отфрла можноста за во иднина. Според него, вратата е отворена и за пратеникот на ГРОМ, Пренџов.„Во политика е многу наивно ако било која можност ја отфрлам. Но нема таква најава. Одлуката на партијата, на Мицковски, Јакимовски не можам да ги коментирам детално. Си имаат свои причини. Мене ме загрижуваат две работи, првата е она што го кажа Јакимовски за рекет, проневери, црвени и сини фактури. И втората работа која ме загрижи е изјавата на бизнисменот кој рече дека и нему му се случило тоа што го кажа Јакимовски. Тука треба да се реагира и од институциите“, кажа Богоев за „ТВ24“Според Богоев, тој и Јакимовски имаат различни и замисли за Карпош, па смета дека градоначалникот не припаѓа природно во СДСМ.

Скопје | пред 3 години

ФОТО: Невремето откорна дрво во градинка во Карпош

Поројниот дожд и силниот ветер попладнево, откорнаа дрво во Карпош. Ова е само еден од низата случаи на помали штети по краткото невреме. Дровото е откорнато во дворот на локалната граника на улицата Вич. Тоа не е целосно паднато, бидејќи се држи на оградата. Истото има зафатено и кабел од бандера.На оваа локација постојано има сообраќај, но и движење на пешаци. За среќа, нема повредени. Засега, општинските служби не излегле да го отстранат паднатото дрво.

Скопје | пред 3 години

Стевче Јакимовски смета дека Мицкоски треба да добие бокс

Стевче Јакимовски, градоначалникот на Карпош, при денешното гостување во „Студио 10“ на „ТВ24“ кажа дека лидерот на ВМРО-ДПМНЕ, Христијан Мицкоски заслужил да добие бокс.„Го трпев и за мене што зборуваше. Стевче е болен човек, ќе умре, мртов политичар. Тој заслужи да му удрам бокс, а не коалиција да раскинам. Односот кон мојата партија го трпев, но кога станува збор за граѓаните, тоа не може да го поминеме“, кажа Јакимовски.Јакимовски вчера објави дека ја раскинува коалицијата со ВМРО-ДПМНЕ во Општина Карпош.

Актуелно | пред 3 години

Нема фотографија

Тензично во Карпош, се гласале вработувања и ДУП-ови

Жешка седница во Советот на Општина Карпош. 10тата седница мина во тензија, со долг почеток, велат Независни за Карпош.„Најпрво Независни забележаа на изостанатото пренесување во живо на седниците (кое во случајов ќе дадеше и вистинска слика што се случуваше на седницата), како и недостаток на информации од општината (точка на дневен ред за нови вработувања во општината а без одговор на побарана информација за постоечки вработувања по договор за авторски права и на определено време)Потоа следеше барање од страна на советниците од ВМРО-ДПМНЕ за отстранување на точката од дневен ред:Предлог-Одлука за утврдување на Нацрт Детален урбанистички план за Градска четврт ССЗ 01, Блок 6, Општина Карпош – СкопјеБарањето се стави на гласање и не беше усвоено.По тоа барање следеше координација на советничката група на ГРОМ, а потоа излагање на Градоначалникот во кое објави раскинување на коалицијата со ВМРО-ДПМНЕ на ниво на општина Карпош.Следеше и координација на советничката група на ВМРО-ДПМНЕ по која започна седницата.Независни гласаа воздржано за усвојување на записниците од претходните седници, зошто сметаме дека без пренесување во живо на седницата, беспредметно е усвојување на записници за кои немаме увид во реално време дали се точни.По однос на точките од дневен ред:Имаше две иницијативи за измена и дополнување на програмата за екологија и ефикасност.-Првата поднесена од страна на советниците на Левица која се однесуваше на намалување и стандардизирање на автомобилите во сопственост на општината и воспитните установи, за која се заклучи дека ќе се пренесе како обврска во друг сектор ( сектор за поддршка на Градоначалникот)-Втората иницијатива беше со финансиски импликации, да се одвојат средства за имплементирање на проект на ниво на државата за воведување на апликација со нови мерачи на воздух (беше образложено во рамките на комисиите дека истите ќе бидат мобилни и со широк дијапазон намерни вредности) и истата беше прифатена. Средставата кои ќе ги издвои општината се 618.000 денари.-Се прифати едногласно и предлог-иницијатива од советниците на Левица за разгледување на правните можности за носење одлука за ослободување од партиципација за храна и престој на децата во градинките на општината.-Во однос на нацрт планот за градска четврт ССЗ 01 блок 6, истиот не беше прифатен.-Како една од точките кои секако привлекуваат поголемо внимание на граѓаните е и точката за нови вработувања во општината, која беше изгласана, и за која секако бевме против поради недостаток на точни информации за севкупниот број на вработени и релната потреба од истите.Се изгласаа 16 нови вработувања во општината.‼️ВО МОМЕНТОВ ВО ОПШТИНА КАРПОШ СЕ УШТЕ НЕМА ЛИЦЕНЦИРАН ГРАДЕЖЕН ИНСПЕКТОР КОЈ БИ ГО СЛЕДЕЛ ПРОБЛЕМОТ СО ПРЕКРШУВАЊАТА НА ЗАКОНИТЕ ЗА ГРАДБА, НИТУ ИМА СОРАБОТКА СО ДРУГА ОПШТИНА ЗА ТАКВО НЕШТО.-Освен точките за финансиска помош на здружението Денсерс Јунајтед и награди за најдобро уреден еко-училишен двор-катче, останатите беа од техничка природа и гласањето помина без расправа.-Како последна се постави точка за советнички прашања на која Независни поставија две и чекаме на одговор од општинските служби:1. Дали и кога се планира склучување на договор со добавувач на електрична енергија?2.Кои се насоките на општината во случај на советник со судир на интереси установени од ДКСК?И како за крај, советниците на ВМРО-ДПМНЕ кои најавија иницијатива за бришење на маркицата за 28катница (или суспендирање на ДУПот) не предложија, ниту покренаа било каква дискусија на таа тема“, се вели во објавата.

Скопје | пред 3 години

(ВИДЕО) Јакимовски во детали објаснува зошто се скараа со Мицкоски

Градоначалникот на Карпош и лидер на ГРОМ, Стевчо Јакимовски ја објасни ситуацијата околу раскинувањето на коалицијата со ВМРО-ДПМНЕ. Тој говореше во интервју за Инфомакс.– “Оваа работа тлее подолго време, што беше, беше пред локалните избори, сепак мислам дека таа работа имаше среќен крај и сметав дека требаше нормално да функционираме но очигледно Мицкоски не можел да ја преболи, да ја свари победата моја во Карпош. Веројатно имал други математики што јас очигледно ги растурив и од почетокот ние имаме натегања и недоразбирања за работи што се сосема нормални. Иако мандатот ми започна без желба за реванш, со желба за соработка во интерес на граѓаните, но за жал и кога зборуваме за крајно логични работи остануваме без одговор. Налуѓето во очите им се чита дека одговорот не е кај нив, туку лежи кај некој друг. Ме прашуваат со кого сега во коалиција? Не морам да бидам со никој во коалиција. Нека видат граѓаните каков ќе биде Мицкоски кога ќе биде власт. Неговиот метод на функционирање е опструкција на се, да не се изберат уставни судии, Парламент, Општина Карпош… до каде ќе оди таа политика? На референдумот јас и ГРОМ бевме експлицитно за бојкот, кој калкулираше до 5 попладне? Само ние имавме јасен став за тоа прашање. Кај граѓаните има чувство дека се колаборира со владејачката гарнитура и не се сака да се дојде на власт. Јас не можам да препознаам лидерски капацитети за водење на коалицијата, да се нагази цврсто или да се соработува со власта во одредени прашања“, вели Јакимовски во емисијата „Тешки муабети“.Тој се осврна и на односот кој Мицкоски го има со Данела Арсовска.„Како му функционира односот со градоначалничката Арсовска? Вака ќе ја водиме државата? Што ГРОМ направи кикс или штета на коалицијата? Ние ќе голтаме и ќе бидеме привезок што ќе ги трпи последиците? Што се случи со делевските плацови, тоа се новите лица што ќе ја водат државата?“, објасни Јакимовски.

Македонија | пред 3 години