охрид

Обезбеден подобар сообраќаен пристап до брзата помош во Охрид

По налог на Одделението за сообраќај и улици при Општина Охрид, екипи на ЈП „Градски пазар“ денес поставија монтажни столпчиња на паркингот пред Брзата помош во ОхридОформена е нова коловозна лента и обезбедено е ограничување на паркинг просторот, кои ќе бидат наменети само за специјалните возила на оваа здравствена служба. Со ова се обезбедува решавање на долгогодишниот проблем, кој Брзата помош го имаше поради попречен пристап до просториите од несоодветно паркирани возила.Останатиот дел од паркингот кој не е ограничен со столпчиња и понатаму ќе биде достапен за користење од страна на граѓаните.Се упатува апел до возачите да го почитуваат поставеното ограничување, со што ќе се обезбеди брзо и навремено интервенирање на службите на Брзата помош.

Охрид | пред 3 години

Нема фотографија

Рампите за регулирање на сообраќајот во стариот дел од Охрид ќе бидат ставени во функција

Општина Охрид ги известува жителите и туристите кои престојуваат во Охрид дека од утре 29.07.2022 година (петок) ќе бидат ставени во функција рампите за влез и излез во стариот дел на градот. Моторните возила ќе може непречено да сообраќаат, само доколку поседуваат ревидирана картичка за движење во овој дел од градот од 2021 година.Рампите пред „Горна Порта“ и пред „Каменско“ ќе функционираат 24 часа, а рампата пред Капетанија ќе биде во функција од 05:00 до 20:00 часот. Од 20:00 до 05:00 часот, оваа рампа ќе биде затворена за пропуштање на сообраќај, а во истиот период, затворени за сообраќај ќе бидат и улиците „Коста Абраш“ и „Самоилова“.Дотурот на стока во стариот дел на градот, правните лица ќе може да го вршат со издадена картичка, секој ден во периодот од 05:00 до 10:00 часот.Такси возилата кои вршат превоз на патници ќе бидат пропуштани во стариот дел на градот само преку влезот кај „Горна Порта“.Се известуваат сопствениците на сместувачките капацитети кои немаат обезбедено сопствен паркинг, дека своите гости можат да ги насочат за влез исклучиво преку „Горна Порта“, само за да извршат истовар на патници и багаж. За овие возила дозволен е престој во стариот дел на градот во времетраење од 15 минути.Се упатува апел до сите учесници во сообраќајот да го почитуваат воспоставениот режим на движење во стариот дел на градот со цел да нема непотребен застој.

Охрид | пред 3 години

Денес се навршуваат 13 години од најголемата бродска несреќа во Охридското Езеро

Денес се навршуваат 13 години од најголемата бродска несреќа во Охридското Езеро, кога потона бродот “Илинден“. По тој повод, денес делегација од Бугарската амбасада во Скопје, претставници на локалната самоуправа, Капетанијата од Охрид и граѓански здруженија положија свеже цвеќе на меморијалнииот споменик, посветен на жртвите.Бродот “Илинден“ превезуваше 57 патници од Охрид за Свети Наум, а потона на 250 метри од брегот, при што загинаа 15 бугарски туристи.

Охрид | пред 3 години

Акцијаши од неколку балкански земји во посета на општина Охрид

Градоначалникот Кирил Пецаков денеска во големата сала на Општина Охрид ги прими акцијашите од Србија, Босна и Херцеговина и Словенија кои се во неколкудневна работна посета на Охрид. Тие работат на расчистување на просторот во близина на хотел „Далјан“ од отпад и градежен шут.Градоначалникот Пецаков им се заблагодари за нивниот ангажман и благородната општествена дејност со која се занимаваат и укажа на неопходноста до крајот на годината да се утврдат потребите на охридските акцијаши со цел да бидат предвидени средства од општинскиот буџет за наредната календарска година.Акцијашите кои доаѓаат од бившите југословенски простори беа воодушевени од убавините на Охрид и приемот на градоначалникот и најверојатно работна акција кај нас ќе реализираат и наредната година.

Охрид | пред 3 години

Голем дефект на водоводната мрежа во Охрид

Денес во 12 часот е регистриран голем дефект на водоводната мрежа, на бул. “Свети Наум Охридски“. Пукната е главна цевка со профил од 300мм, со која се снабдува поголем дел од градот. Екипи на ЈП “Водовод“ се на терен и се очекува до вечерните часови дефектот да биде отстранет и да продолжи нормалното снабдување со вода.

Охрид | пред 3 години

Се посавува нова фекална канализација на улица "Дејан Војвода" во Охрид

Екипи на Јавното претпријатие "Нискоградба" реализираат активности за изведба на нова фекална канализација на дел од улица "Дејан Војвода".„Со овој зафат се заменува старата и дотраена и се поставува нова.Вредноста на проектот изнесува 700 000 денари, а средствата се обезбедени од буџетот на Општина Охрид“, вели градоначалникот Кирил Пецаков.

Охрид | пред 3 години

Пецаков: Се радувам што годинава како дел од активностите на лидерската школа е проектот за туристичкиот развој на Охрид

Денес мои гости беа учесниците на 13тата Школа за млади лидери која ја организира Ѓорге Иванов, поранешен Претседател на Република Македонија, вели градоначалникот на Охрид Кирил Пецаков.„Особено се радувам што оваа година како дел од интерактивните активности на лидерската школа се раѓа еден нов и значаен проект во насока на остварување на стратешките интереси на Охрид и унапредување на неговиот туристички развој. Се надевам дека идеите и креираните решенија за дигитална промоција на природните и културните богатства на нашиот најголем туристички центар во Македонија, ќе создадат нови шанси за поголем економски напредок, кој ќе донесе бенефит во повеќе сегменти на општественото живеење.Како дел од активностите на учесниците во школата ќе биде и пронаоѓање на коцепт за подобра промоција на градот особено кај младите луѓе“, додава тој.

Македонија | пред 3 години

Пецаков на средба со директори на училишта и претставници од СВР Охрид за подигнување на нивото на безбедност во училиштата

Денес остваривме средба на која присуствуваа, службите на Локалната самоуправа, директорите на општинските училишта и претставници на СВР Охрид, вели градоначалникот Кирил Пецаков.„Целта на средбата е подигнување на нивото на безбедност во кругот на училиштата и превенирање на девијатни појави помеѓу учениците. Во таа насока се разменуваа мислења за зголемување на патролите особено во вечерните часови кога во кругот на училиштата се собираат млади луѓе.Дополнително се разговарше и за организирање на едукативни предавања од страна на претставници на СВР Охрид“, се вели во објавата.

Македонија | пред 3 години

Пецаков на 9. Конгрес на Македонското стоматолошко друштво со меѓународно учество

Вечерва присуствував на 9. Конгрес на Македонското стоматолошко друштво со меѓународно учество, објави Кирил Пецаков.„Особено бев почестен, пред се како стоматолог што имав можност да се обратам на 9-от Конгрес на Македонското стоматолошко друштво со интернационално учество и да им посакам топло добредојде во нашиот убав град.Верувам дека во наредните денови ќе бидат разменети искуства и познавања, ќе се разгледуваат последните клинички истражувања во стоматологијата и ќе се разгледуваат најновите надградби на стоматолошките водичи кои промовираат нови методи. Бидејќи сето тоа води кон подобрување и унапредување на услугите кои како стоматолози ги даваме на пациентите“, пиша Кирил Пецаков.

Охрид | пред 3 години

Се санираат потпорни ѕидови во стариот дел на Охрид

Градоначалникот на Охрид, Кирил Пецаков преку социјалните мрежи информира дека саниран е потпорен ѕид во стариот дел од градот.„Санацијата на потрпониот ѕид на пресекот на улиците „Климентов Универзитет“ и „Рашанец“ заврши.Активностите за санација и уредување на потпорните ѕидови низ Стариот дел на градот продолжуваат.Во моментов се врши санација на потпорниот ѕид на улица 'Нада Филева'“, стои во објавата.

Македонија | пред 3 години

542 првачиња во Охрид добија по 3000 денари

Градоначалникот на Охрид, Кирил Пецаков информираше дека успешно е реализиран проектот „Нашите првачиња“.„Денес на сметките на 542 родители на деца запишани во прво оддделение во рамки на основните училишта во општина Охрид се исплатени по 3000 денари финансиска поддршка во рамки на проектот „Нашите првачиња“. Средствата се обезбедени од буџетот на општина Охрид во вкупен износ од 1.626.000 денари.На сите првачиња им поскаувам среќно детство и успешно образование“, се вели во објавата.

Македонија | пред 3 години

Пецаков за младите во Охрид со бројни активности за подобар статус во општината

Градоначалникот Кирил Пецаков денес во својот кабинет оствари работна средба со Претседателката на Клубот за младински прашања и политики при Собранието на Република Македонија, пратеничката Моника Зајкова и со претставници од Институтот за добро управување и евроатлански перспективи (ИДУЕП).На состанокот се разговараше за можностите да се преземат конкретни активности за зајакнување на соработката помеѓу Собранието и Општина Охрид , со вклученост на граѓанскиот сектор, а првенствено во интерес на подобрување на положбата на младите луѓе во општествените текови , како и процесот на дигитална трансформација кој е од интерес на сите граѓани. Заеднички беше истакнато дека Општина Охрид е една од ретките на територијата на државава во која веќе функционира општинскиот Совет на млади, а наскоро се очекува да профункционира Центарот на млади кој ќe биде сместен во просториите на ХАБ касарната во Охрид.По работната средба во Кабинетот градоначалникот и претставниците од Клубот за младински прашања и политики при Македонското Собрание и од ИДЕУЕП имаа работна средба со раководните лица за млади и спорт и за процесот на дигитализација во Општина Охрид, претставници од различни политички партии, Советници од советот на Општина Охрид и од општинскиот Совет на млади. Пред присутните беше објаснет начинот на формирање, управување и функционирање на Советот на млади како и постапките за дигитализација на општинските услуги кои се во тек. Свое излагање пред присутните имаа и членови на останати младински здруженија од градов.

Охрид | пред 3 години

Охрид: „Нискоградба“ работат на изведба на фекална канализација на улица „Живко Чинго“

Екипи на ЈП „Нискоградба“ работат на изведба на фекална канализација на улица „Живко Чинго“. Должината на линијата изнесува 400 метри.Вредноста на проектот е 1 578 000 денари, а средствата се обезбедени од буџетот на Општина Охрид.

Охрид | пред 3 години

Пецаков на средба со градоначалничка од Полска: Ќе соработуваме!

Градноачалникот Кирил Пецаков денес оствари работна средба со Ана Пиларцук градоначалничка на Огоџењец, Република Полска.На средбата се разговараше за продлабочување на соработката во повеќе области, образование, култура, туризам. Исто така се разговараше за размена на искуства и идеи во подготовката и аплицирањето на проекти во ЕУ фондовите. Република Полска котира многу високо во добиени финасиски средства од ЕУ фондовите за реализација на проекти. Општина Охрид веќе има воспоставено соработка со полски фондации во подготовката на проектни апликации.Соговорниците разговараа и за реализирање на промоција на Охрид во градот Огоџењец и Република Полска. Беа разменети мислења и идеи за концептот на промоција и за остварување на заеднички промоции на меѓународни саеми за туризам.Заеднички беше констатирано дека соработката ќе се продлабочи и ќе се насочи во области од кои двата града ќе имаат интерес.

Охрид | пред 3 години

Аргентинецот Матијас Дијас Хернандес е победник на 35. Охридски пливачки маратон

Аргентинецот Матијас Дијас Хернандес е победник на 35. Охридски пливачки маратон што се одржа денеска на 25 километарската патека „Климе Савин“ од Свети Наум до Градското пристаниште.Во конкуренција на седуммина пливачи и една девојка второто место го освои Франческо Гетини од Италија, додека трет беше Македонецот Евгениј Поп Ацев.Златниот медал и паричната награда на Хернандез во името на градоначалникот Кирил Пецаков му ги врачи охридскиот пливачки херој Марко Пејчиноски. Сребрениот медал го додели претседателот на Националната пливачка федерација Горан Стојановски, а бронзата претседателот на организацискиот одбор на маратонот Ристе Јанкоски.Општина Охрид во корелација со Пливачката федерација на Македонија, оваа година во целост го организира Охридскиот пливачки маратон и за таа цел одвои 2 милиони денари, додека Агенцијата за млади и спорт го обезбеди наградниот фонд од 10 илјади долари.

Охрид | пред 3 години